الأسلحة الكيميائية وحقيقة استخدامها في السودان في منتدى ميديكس للحوار
|
|
 مفاجأة غير متوقعة: نجم المريخ سفاري ينتقل للهلال اليوم ...
|
| Quote: تعقد لجنة اللاعبين غير الهواة اجتماعا مهما وطارئا ظهر اليوم للنظر في العديد من القضايا المهمة والمدرجة في جدول اعمالها وتفيد متابعات المشاهير الدقيقة بأن نجم المريخ الدولي محمد علي سفاري سيقوم بفسخ عقده مع المريخ للانتقال للهلال لان عمره اقل من 25 عاما ويحق له فسخ العقد قبل ثلاثة سنوات. وافادت مصادر مريخية للمشاهير ان اللاعب اختفى عن الانظار منذ امس وبذل مجلس المريخ مجهودات كبيرة ليلة امس في سبيل التحدث مع اللاعب وايقاف هذا الاجراء وقد حاول المجلس الاتصال باللاعب عن طريق اصدقائه المقربين ولكن كل المحاولات لم تكلل بالنجاح واشار مصدر موثوق به للمشاهير ان ثلاثة من اعضاء مجلس ادارة نادي المريخ تواجدوا حتى فجر الاثنين بمنزل اللاعب لاقناع اسرته بالتحدث له واقناعه بمواصلة المشوار مع المريخ مع تقديم ضمانات كبيرة لمستقبل اللاعب. |
http://www.almshaheer.com/modules.php?name=News&file=article&sid=6758
____________________________________________________________
ما انو انا ما بصدق المشاهير بس الخبر مجهجهني .. الله يستر بس
|
|
 
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: hanouf56)
|
hanouf56
صباح الخير
| Quote: ما انو انا ما بصدق المشاهير بس الخبر مجهجهني .. الله يستر بس |
ياعمكـ قول بسم الله
البجهجهك شنو.....؟
اكان مابينا وعاوز يمش
قول ليهو الاشارة خضراء
وقشة ماتعتر ليك....
واكان عوزنا والله نشيلوا فوق راسنا
بعدين ياجميل.....
انت صفوة والكلام ده ماصاااااااااح
وفووووووووووووووووووووووووووووووق
الصفوة فووووووووووووووووووووووووق
كل الود
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: haroon diyab)
|
ياشباب كيف حالكم
انا قاعد اشر ليكم بادى واحدة بس,,,لانى فى التانية ماسك كباية شاى,,,,,
يعنى سفارى فتح للوحدات ...عشان يدخلن 7 ولا شنو,,,
طيب حيجى ويفتح شباك الهلال لاى عدو اخر,,,,
ما تخافو الزول دا زولكم ما بفوتكم,,,
يفوتكم سفارى والله المريخ ينهزم 10 فى كل مباراة
ولكن عشرة لعشرة,,,لان وراقو بجيب 5 واسكلاتشى 5,,,
اها مش كويس معاكم
بالله ما تغيبو تانى والله مشتاقين لى شوفتكم
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: hanouf56)
|
| Quote: نجم المريخ سفاري ينتقل للهلال |
معني كده يا عمكـ المريخاب تاني عشرة سنة حيبنو في الطوابق ساكت ..
قاليكـ أستاد المريخ حيبقي ناطحة سحاب عديل كده ... 
وربما سيتم قفل ملف كرة القدم نهائياً ... السلة مالها ما لعبة حلوة و كده ..
* لا أعتقد بصحة الخبر يا عمكـ .. ده أسمو سهر الجداد و لا نومو و لعبة من سفاري و الهلال لرفع أسهم اللاعب لا غير
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: Hisham Osman)
|
وين بشارة وين الطيب سند وين بريمة وين كمال عبد الوهاب و وين و وين دي سنة الحياة المريخ لن تتوقف مسيرته لذهاب لاعب سفاري أو غيره..ناس المريخ ما كان بتخيلوا وسط المريخ بدون علاء الدين يوسف..ذهب علاء الدين يوسف و أحرز المريخ كأس الممتاز بعد خمسة سنوات لعب فيها علاء الدين خلالها مع المريخ و لم يحرز الكأس و جاء ليلعب مع الهلال و يضيع ضربة الجزاء التي أضاعت على الهلال الدوري الممتاز..اذا اختار سفاري الهلال فقد جاء وارغو للمريخ..و سفاري لعب مع المريخ في مباراة تذوق فيها المريخ مرارة الهزيمة و ب 7 أهداف..هيبة يا المريخ هيبة يا النجمة..هذا ليس تقليل من سفاري اللاعب الموهوب الحريف..و لكن تأكيد أن عالم الاحتراف يقبل مثل هذا التحول..
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: hanouf56)
|
hanouf56
لك التحية
أستاذنك فى هذه الرسالة من ألأخ/سامى أبوالقاسم
أسد على وفى عمان حمامة................حمراء تركض خلف حب غائر..
قالو سنضرب من حديد ساخن........ويفكك الوحدات خيل ضامر...
نحن ألأولى من غيرنا...............مريخنا نجم السماء الظاهر..
وتبدد الحلم الجميل بلحظة.........وأغتيل فى عمان نجم حائر...
وتثاقلت أقدامهم وحلآ..................وزاد الطين بلة جابر............
فتحوا شوارعهم بغير إشارة............وبكى السفارى حين جندل دامر...
إسم وصفة كات فيهم أكرم.....يهدى الخصوم عرينه ويغامر....
والزومة الحيران لم يدرى...عن النتيجة حين اطلق صافر..
سبع عجاف مزقت لشباكهم.....صمت الكلام وفض ذاك السامر.......
مع خالص التحايا..........أسماعيل محمد احمد عباس...
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: hanouf56)
|
يا جماعة خليكم واقعيين
الكورة السودانية اصبحت تتحدث بلغة الاحتراف والمال
وتجاوزت محطة الولاء والانتماء
وكما غادر طمبل الي المريخ بالمال وكذلك كلاتشي
وكما جاء للهلال علاء الدين وحمودة
اليوم ليس غريباان يعلن سفاري الانتقال الي الهلال
رغم عدم توفر تاكيدات مباشرة من مجلس الهلال أو سفاري
ولكنها لغة الاحتراف الرياضي التي يجب علي جماهير القمة التعامل معها بواقعية
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: yasir Abdelgadir)
|
ياسر عبد القادر
سلام
مكانكـ...
وكده بالثابته
Quote: الحركة تتجه فقط من نادي الهلال للمريخ
ثبت عندك وارجع خلف
نحن لسنا في حاجة لفضلات المريخ |
علاء الدين وحموده بشير
يعني ديل جو من برشلونة ولا شنو.....؟
ياعمك اذا كنت تنسئ فالتاريخ لاينسئ
عشان كده اتاكد الاول من معلوماتك بعدين
تعال اتكلم عن الصفوة.
بالمناسبة اي لاعب في المريخ اكان مابي الفريق قيراط
نحنا كاشحنه اربعه وعشرين قيراط....رائك شنو....؟
سلام يابتاع الاتجاه الواحد
| |
|
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: تاج السر محمد حامد)
|
| Quote: بعدين ياخ ممكن ترجعو لينا اكرم ابوسبعة عشان نخلي كواريزما يتدرب بيهو شوية |
أكرم أبو سبعة القبض الأربعة..
بالله مهاجمي الهلال ما يخجلوا حارس دخلوا فيهو 7 أهداف يفشلوا في 4 ضربات جزاء..ممكن تقيس مستوى هجومكم..بالله حصل سمعت بكوارثنا دا ؟ قال كواريزما قال..دا جاي من بلد بفتشوا في مفتاحها الدولي أسبوع عشان يرسلوا فاكس لاتحادها لارسال الكرت الدولي
في دنيا الاحتراف كلو يجوز و ما غريبة تشوف سفاري في الهلال اذا رغب في ذلك و كانت القوانين تسمح بالانتقال..
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: الحاج حمد الحاج)
|
| Quote: أكد محمد علي الخضر أنه يرغب في الاستمرار مع المريخ وأعلن اللاعب استعداده لتجديد عقده من دون شرط اليوم قبل الغد وقال سفاري في تصريحات للصدى: أطمئن الجماهير لم ولن أبدل ولائي للمريخ وحبنا لهذا النادي أكبر من المال والإغراءات وأضاف: سمعت الإشاعات التي تحدثت عن انتقالي الى الهلال وعن رصد الأزرق مبلغ مليارين أؤكد أن كل هذه الأشياء إشاعات، الهلال لم يفاوضني كما أنني لست مستعداً للابتعاد عن القلعة الحمراء، أعتقد أن المريخ فريق كبير وجاذب واللاعبون كلهم يطمحون الى ارتداء شعاره وتساءل ماذا ينقصني حتى انتقل الى نادٍ آخر؟.. وأبان المدافع الدولي أنه ينوي الإستمرار مع المريخ حتى اعتزال الكرة، وأشار سفاري الى رغبته في الحصول على دوري أبطال أفريقيا مع المريخ وقال: أعتقد أن هناك استحقاقات مهمة وصعبة تنتظرنا يجب أن نستعد لها الاستعداد الأمثل حتى نحقق الآمال والتطلعات واعتبر سفاري أن فريقه مؤهل للذهاب بعيداً في دوري الأبطال والحفاظ على لقبي الدوري الممتاز وكأس السودان، على صعيد متصل أكد مولانا علي الخضر والد نجم المريخ أن ابنه باقٍ مع الفرقة الحمراء وقال: أنا رجل أعرف حدود الله جيداً، ولسنا من من ينقضون العهد، كل مايتردد عن ترك ابني للمريخ وانتقاله الى نادٍ آخر عارٍ من الصحة، أؤكد أن ابني مستمر مع المريخ وملتزم بعقده مع هذا النادي لأنني ربيته على احترام العهود والصدق والوفاء. |
المصدر والصورة من الصدي
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: haroon diyab)
|
المفروض انو الشخص الفتح البوست ده امس يعتذر لانو قال انو سفاري يوقع للهلال اليوم وهو يعني يوم امس الثلاثاء واليوم الاربعاء وماسمعنا بيهو وقع للهلال .
ونحن ممكن نصدق انو سفاري يمشى الهلال لو الهلالاب يصدقوا خبر بفسخ هيثم مصطفى لعقده مع الهلال للانتقال لهلال كادوقلى
لانو الهلال بالنسبة للمريخ زى هلال كادوقلى بالنسبة للهلال
وبعدين الهلال لو عندو مليارين لتسجيل سفاري كان سجل طمبل عندما طلب مليار
وكان دخل منافس لتسجيل وارغو
وكان دفع لعلاء الدين يوسف ومساوي قروش اعادة تسجيلهم
ياخي انتو قروش المعز تميتوها ليهو قطعة ارض وبراميل فاضية تجوا تسجلوا سفاري
وبعدين سفاري يخلي اللعب مع العجب وطمبل والسعودى ووارغو يجي يلعب مع مرق وعلاء الدين جبريل واحمد عادل
ويخلى الوالى ويجي يلعب لفريق تهتف جماهيروا كل يوم لرئيسو كضاب كضاب ياالارباب
ياخي خليكم عاقلين
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: معاوية محمد الحسن)
|
ينصر دينك يااستاذ
Quote: ونحن ممكن نصدق انو سفاري يمشى الهلال لو الهلالاب يصدقوا خبر بفسخ هيثم مصطفى لعقده مع الهلال للانتقال لهلال كادوقلى
لانو الهلال بالنسبة للمريخ زى هلال كادوقلى بالنسبة للهلال
وبعدين الهلال لو عندو مليارين لتسجيل سفاري كان سجل طمبل عندما طلب مليار
وكان دخل منافس لتسجيل وارغو
وكان دفع لعلاء الدين يوسف ومساوي قروش اعادة تسجيلهم
ياخي انتو قروش المعز تميتوها ليهو قطعة ارض وبراميل فاضية تجوا تسجلوا سفاري
وبعدين سفاري يخلي اللعب مع العجب وطمبل والسعودى ووارغو يجي يلعب مع مرق وعلاء الدين جبريل واحمد عادل
ويخلى الوالى ويجي يلعب لفريق تهتف جماهيروا كل يوم لرئيسو كضاب كضاب ياالارباب
ياخي خليكم عاقلين |
ادي الرشاشات في ........؟
معاوية سلام
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: الحاج حمد الحاج)
|
نقلته صحيفة الخرطوم اليوم الاربعاء 7 يناير 2009م
(( سفارى ينتزع الاعجاب أمس )) يقصد الثلاثاء !!!
أنتزع نجم المريخ وترسانته الدفاعية سفارى أعجاب
المريخاب أمس الثلاثاء من خلال أعلانه بتمسكه بالمريخ
ورفضه لمبدأ المساومات ..
وقال سفارى إن كل مايثأر بشأن أنتقاله للهلال مجرد
شائعات واجتهادات .. وأنه لن يبدل المريخ .. ويكفية
حب جماهير المريخ والتى ظلت تبادله الوفاء وتقف
بجانبه طيلة السنوات الماضية .. أنتهى نص الحديث
فالسؤال الان لصاحب البوست أين تلك المفاجأة والتى
أعلنت عليها فى رأس هذا البوست !!! فقط مجرد
سؤال ياغالى ..
تاج السر
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: تاج السر محمد حامد)
|
| Quote: المفروض انو الشخص الفتح البوست ده امس يعتذر لانو قال انو سفاري يوقع للهلال اليوم وهو يعني يوم امس الثلاثاء واليوم الاربعاء وماسمعنا بيهو وقع للهلال |
الاخ معاوية ....
كل الود
انت متأكد انك قريت البوست دة من البداية واله بديتو من النص !!!!!؟؟؟؟...
يا حبيب البوست دة منقول ورابط الموقع الناقل للخبر موجود في اول مداخلة ...
وفي تعليق مني انو انا اصلا فاقد المصداقية في صحيفة المشاهير
ولو لسع عايز اعتذار كلمني ... عشان احاول افكر لي في طريقة للاعتذار
.
.
.
شكرا لكل المتداخلين في البوست ...
محمد ادريس
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: hanouf56)
|
Quote: ثبت عندك وارجع خلف
نحن لسنا في حاجة لفضلات المريخ
أرجو الابتزاز بعيد عننا |
قبل الكلام الكتبتو دا ما يكمل اربعه وعشرين ساعة ظهرت الحقيقة
وأي راكوبة عايز يتسجل او يعيد تسجيلو في المريخ يقوم يطلع اشاعة انو الهلال عايز يسجلو
عشان طوالي يقوم الوالي يجتمع بيهو ...وأي زول يجتمع بيهو الوالي أصلو ما بيطلع زعلان..وبيصرح طوالي انو حبوبتو مريخابية علي
السكين
ياخ انا ذاتو ناس الهلال عايزين يسجلوني....عندكم اربعه وعشرين ساعه بس يا ناس المريخ
| |
|
|
|
|
|
|
|
|
|
Re: مفاجأة غير متوقعة: نجم المريخ سفاري ينتقل للهلال اليوم ... (Re: hanouf56)
|
Quote:
عرفنا طميل وسفاري وقعوا للمريخ
طيب مزمل أبو القاسم ده الحشروا شنو؟؟؟
دا ماسبب الالم يا سيف الدين دا واللهحارق الرشاشات اكثر من قون طمبل ما الشربكة اللفة ... كلاكلة لفة
تخريمة
ياسر السبعات والستات فضلة خيركم ومرات نضيفة
____________________________________________________________
ãÇ Çäæ ÇäÇ ãÇ ÈÕÏÞ ÇáãÔÇåíÑ ÈÓ ÇáÎÈÑ ãÌåÌåäí .. Çááå íÓÊÑ ÈÓ |
| |
|
|
|
|
|
|
|
| |
hanouf56
keiga2000
haroon diyab
abuguta
mohmed khalail
خالد عبد الله محمود
Hisham Osman
الحاج حمد الحاج
moaz elsir
omer osman
منتصر الامين
ismeil abbas
عبود عبد الرحيم
تاج السر محمد حامد
معاوية محمد الحسن
وليد محمد المبارك
ثابت محمد
هشام حسن
نادر محمد الراضي
فيس بوك
تويتر
انستقرام
يوتيوب
بنتيريست