الرشـيد بـدوى عبـيـد وفـضـيـحـة أخـلاقـيـة عـلى الهـواء مبـاشـرة

بعد نهاية مبارأة السودان وجيبوتى والتى إنتهت بالتعادل 1/1 أساء المذيع الرياضى الرشيد بدوى عبيد للاعبين خصوصآ أحمد الباشا بألفظ نابية ظنآ منه أن النقل الحى قد توقف .

ألفاظ ألفاظ يعجز اللسان من ذكرها ..... عافانا الله

كدي يا جماعة ورونا الرشيد قال شنو بالضبط

وسيبونا من حكاية ألفاظ نابية وغير ذلك

قال شنو بالضبط

يكون قال ليهو :
يا كريه ..

Quote: يكون قال ليهو : يا كريه ..

___________________________________________
كده عد الوجوه الضاحكه دى كم...

قال شنو ؟

بعدين الباشا عمل شنو ؟

Quote: الباشا

ده السفيه نبز الباشا..

عذرا للجميع على ما اذكره من حديث للرشيد بدوى
بعد ان انتقل بالميكرفون الى الاستوديوهات الرئيسية بامدرمان بصوت ا لرشيد فجأة عاد لارسال مرة اخرى وكان الرشيد يتحدث بصوت واضح قائلا

والله ألاعبين ديل ليهم يومين مثل قوم لوط ......

طبعا اللبيب بالاشارة يفهم
وانقطع الارسال
تحياتى

Quote: طبعا اللبيب بالاشارة يفهم وانقطع الارسال تحياتى

أحسن الله عزاءه!
توفى رياضيا
جنى

رياضيا فقط

حقيقة لا أستغرب صدور مثل هذه الكلمات
منه !!!

لكن السؤال:-

شنو الرجع الإرسال تانى بعد(العودة

لإستديوهاتنا الرئيسية بأم درمان)؟؟

والله انتو كان الواحد الله سترو تجو تفضحوهو هنا

ياخي الراجل مفتكر الارسال قطع من عندو وقال الكلام في ونسة بعد الشغل لووول

الزول ده قبل كده مش المباراة شغالة وقال وماشي هو والقون هو الوقون وز........

اكيد ماقال وزاتووو

تحياتي وسلامة خالك

زاتوووو

Quote: الزول ده قبل كده مش المباراة شغالة وقال وماشي هو والقون هو الوقون وز........

ده ما هو
ده معلق رياضي تاني

الكلأم القالو الرشيد ده قالو اكثر من 99% من مستمعى ومشاهدى المبارة
الرشيد كان متاكد انو الارسال والبث توقف بس لسوء حظه الارسال رجع تانى

حظ لو....ى

Quote: الكلأم القالو الرشيد ده قالو اكثر من 99% من مستمعى ومشاهدى المبارة الرشيد كان متاكد انو الارسال والبث توقف بس لسوء حظه الارسال رجع تانى

يبقى الـ 99% القالوا الكلام ده
غير محترمين

Quote: الزول ده قبل كده مش المباراة شغالة وقال وماشي هو والقون هو الوقون وز........ اكيد ماقال وزاتووو

يا الزول زاتو
ازيك ود امى
القال الكلام الانت قاصدو ماالزميل الرشيدبدوى
دا الزميل عبد الرحمن عبد الرسول
ومن ذلك الحين تم منعه ان ينقل وصف المباريات
واكتفى بكتابة البرامج والتحليلات الرياضية
عشان ما تقولو الزول كلام ساكت
بعدين لمن الزول يقرا العنوان
استغفر الله العظيم
يا امة محمد لكل جواد كبوة
وليس منا من معصوم
اللهم لاحول ولاقوة الا بالله

ألأعلام مسؤولية..ويجب على ألأعلامى التفكير بما يقول حتى ساعة الغضب.لآن ذلك لايحميه إذا وقعت الواقعة....

ويجب ألأنضباط إذا كان هناك بث أو لم يكن..نسأل الله الستر والعافية..وخربانة من كباره............

لك التحية أخ/يسرى

مودتى...إسماعيل محمد احمد عباس......

الاخت سلمى الشيخ سلامة

آسف والله على المعلومة الغلط

انا كنت مفتكرو الرشيد بدوي

تقبلي اعتذاري وللرشيد بدوي مثلها

جيت داخل عشان استر على الراجل فضحت لي واحد تاني

استغفر الله العظيم

تحياتي

زاتوووو

اقرا هنا العجب العجاب


كورة اوانطة ...هاتو فلوسنا ..فى شان تدهور كرة القدم فى بلادنا

والله يا جماعة

تكرم زول قبل شوية

وقال لي الكلام القالوا الرشيد بدوي عبيد بالحرف الواحد

واخجلتاه عليك يا رشيد

==========

نتمنى أن تكون زلة لسان

وأن لا يكون هذا هو حالك على الدوام (خلف المايكرفون)

نتمنى ذلك

يا اخوانا في الأحوال الخاصة قاعدين نقول كلام اكعب من دا يعني نحن لسنا انبياء و أي واحد فيكم بأمانة يتذكر انو في جلسة خاصة قال كلام زي دا بس الرشيد شقى الحال يقع فيكم زي ما وقع البرنس في كاميرا الأي ار تي

هذا هو حال الكوره السودانيه

ودا حال الاعلام الرياضي والرياضيين

وكل ذلك يصدر عن لاعبي واعلام الوصيف

وقد قالها هيثم مصطفي من قبل

وغيره من لاعبي الهلال

الحمد لله اننا صفوه.

هو يا جماعة في شنو بستدعي انه الزول يبنبذ ليه زول قدر ده
دي ماكورة ياخ
كان طارت كان قصرت تبقى لعبة

Quote: يا اخوانا في الأحوال الخاصة قاعدين نقول كلام اكعب من دا يعني نحن لسنا انبياء و أي واحد فيكم بأمانة يتذكر انو في جلسة خاصة قال كلام زي دا بس الرشيد شقى الحال يقع فيكم زي ما وقع البرنس في كاميرا الأي ار تي

وفي النهاية نحن أبناء هذا الشعب ،
بمختلف فئاته، وطبقاته ، وسلو كياته،
وهنالك مالم يرد لنا أحد أن نتعلمه،
ولكننا ، ورغماً عنا ، تعلمناه في المجتمع ،
في الشارع ، وفي المدرسة، وفي المسجد ، وفي السوق ، وفي ملعب الكرة،
وفي كل مكان ذهبنا إليه أو ارتدناه.
لسنا ملائكة .
والرشيد واحد منا ؛
إنه سيء الحظ ليس إلا؛
وإلا فما الذي جعلهم يفتحون المايكروفون؟!!


تحياتي

الكباشي البكري ،،
هاك بعضا من أعمال الصفوة،،

Quote: اثار قائد منتخبنا الوطني عبد الحميد السعودي استياء الجميع عندما اعترض بصورة سافرة علي تبديله والدفع بجيمي مانديلا بديلا له حيث قام اللاعب بنزع شارة الكابتنية وقذف بها علي الارض قبل ان يركل (قارورة) في طريقه الي دكة البدلاء· وكان الغضب من قرار الجهاز الفني بسحب اللاعب مسيطرا عليه بصورة كاملة واكتفي الجهازان الفني والاداري بابداء علامات الاستياء والامتعاض من تصرف السعودي باعتباره قائد الفريق وقدوتهم داخل الملعب· وقد تحولت شارة الكابتنية عقب خروج السعودي الي سيف مساوي·

المصدر : صحيفة قون عدد اليوم

السلام عليكم يا اخ يسرى
انا عندى معلومة بتقول انو الرشيد ما هو اللى قال
الكلام دة بل اتنين من افراد الجالية كانو قريبين
من المايكرفون هم الذين تلفظو بهذه الالفاظ والرشيد
يعرفهم وهو بصدد اثبات ذلك باعترافهم امام افراد
السفارة السودانية هناك

Quote: السلام عليكم يا اخ يسرى انا عندى معلومة بتقول انو الرشيد ما هو اللى قال الكلام دة بل اتنين من افراد الجالية كانو قريبين من المايكرفون هم الذين تلفظو بهذه الالفاظ والرشيد يعرفهم وهو بصدد اثبات ذلك باعترافهم امام افراد السفارة السودانية هناك

يا ريت والله

قال جني:

Quote: أحسن الله عزاءه! توفى رياضيا جنى

• الكرة السودانية.
• اتحاد الكرة السوداني .
• الاندية السودانية.
• الاعلام الرياضي.
اللـهم أرحمـهم وأسكنهم فسيح جنّاتك
اللـهم باعد بينهم وبيننا كما باعدت بين المشرق والمغرب
اللهم اشغلنا عنهم.
امين يا رب العالمين

عبد اللطيف بكري

Quote: علي الارض قبل ان يركل (قارورة) في طريقه الي دكة البدلاء·

اتعلموا من فلان..ما الصغير بتعلم من الكابتن الكبير..
اتذكرت طرفة حكاها لي أد الأخوان من أبناء سنار..قال تلفزيون سنار ينتقل الساعة 9 مساء لنقل المسلسل من التلفزيون القومي..يوم الناس منتظرين المسلسل ظهر مذيع التلفزيون المحلي : ننتقل الآن لقاعة الصداقة بالخرطوم لنقل خطاب السيد / رئيس الجمهورية..و ظهرت وردة تغطي الشاشة قبل الانتقال لقاعة الصداقة و ظن المذيع ان المايكرفون فصل منه فقال لزميله: و الله تلقاهم شموني شمة..

سلام للجميع

حسبنا الله ونعم الوكيل

Quote: السلام عليكم يا اخ يسرى انا عندى معلومة بتقول انو الرشيد ما هو اللى قال الكلام دة بل اتنين من افراد الجالية كانو قريبين من المايكرفون هم الذين تلفظو بهذه الالفاظ والرشيد يعرفهم وهو بصدد اثبات ذلك باعترافهم امام افراد السفارة السودانية هناك

يا ريت

ثم

يا ريت

ثم

يا ريت

Quote: وفي النهاية نحن أبناء هذا الشعب ، بمختلف فئاته، وطبقاته ، وسلو كياته، وهنالك مالم يرد لنا أحد أن نتعلمه، ولكننا ، ورغماً عنا ، تعلمناه في المجتمع ، في الشارع ، وفي المدرسة، وفي المسجد ، وفي السوق ، وفي ملعب الكرة، وفي كل مكان ذهبنا إليه أو ارتدناه. لسنا ملائكة . والرشيد واحد منا ؛ إنه سيء الحظ ليس إلا؛ وإلا فما الذي جعلهم يفتحون المايكروفون؟!!

أؤيد الأخ درديري ساتي في ما قاله أعلاه .. وأقول من كان منا بلا حبة ألفاظ مش ولا بد في بعض الحالات الخاصة ,, فليرمي الرشيد يدوي بطوبة ...!!

بعدين اللي قال : هو والقون ..... وزو .................... !!
كان على الريح وليس عبد الرحمن حسب الرسول .. على ما أعتقد ، إن لم أكن مخطئاً .
"أبوفواز"

لالا هو عبد الرحمن حسب الرسول

في كورة هلال مريخ وهو معروف بمريخته الصارخة

وسبب ايقافة ما المفرده
لكن انحيازه الصارخ لفريق في مباراة هو المعلق عليها


_____________

بالنسبة للرشيد لو فعلا قالا يتعاقب ما في شي بعفيه من العقاب
حتى لو الدنيا كلها بتقولا
اساسا مبدا العقاب ما قايم على الفعل
لكن قايم على معرفة الفعل

يا جماعة الرشيد بدوي عبيد دا يكون قال شنو بعد المباراة ...لنا..العارف يفيدنا.؟

باللاهي طلع المنتخب كلو !!!! ّّّّّّّّّ

نسال الله السلامه !!

كلامو صاح ..
منتخبنا يتعادل مع جيبوتي .. !!!!!!!!!!
وجيبوتي كمان

Quote: فقال لزميله: و الله تلقاهم شموني شمة..

حلوة

ـــــــــــــــــــــــــــــــــــ
مشتاقين يا يسري ...
انا ما كنت متابع الكورة ... لكن لو الرشيد هو القال كدة .... تبقى غلطة الشاطر

يا جماعة
الزول ده لو كشو حايشتغل شنو؟؟؟
حسب علمي ما عندو شهادة ثانوية
لأنو أيام كشة الهيكلة بتاعت أمين حسن عمر الكشة شملت الرشيد بدوي و عبدالرحمن عبدالرسول
لأنو حسب القرار أي موظف كان يجب أن يكون حاصلا علي الثانوية العامة كحد أدني ليستمر في العمل
وبكل أسف لا هو لا الكاشف أخو
الاتنين قاعدين أم فكو ساكت
وتم أرجاعهم للعمل بعد الأجوادية... ويومها قال أمين حسن عمر قولته المشهورة:
في السودان يتم التعين لأن الشخص يحتاج الوظيفة
وليس لأن الوظيفة تحتاج للشخص




















ويا الرشيد تدريب الاحرار ما بأكل عيش

وين المخرج ومهندس الصوت ؟؟؟؟؟؟؟؟؟

منو المسؤل عن عودة الرشيد مرة اخري علي الهواء .......

اصدرت الاذاعة السودانية بيانا قبل قليل اعتذرت فيه للمستمعين لما حدث امس من المعلق الرشسد بدوي عبيد عقب انتهاء مباراة منخبنا والمنتخب الجيبوتي وقالت ان المعلق المزكور لم يعمل ضمن فرقتها العاملة منذ عام 2003 وانما كان متعاونا معها واشارت الى ان الاذاعة السودانية قد استغنت عنه بصورة نهائية ..

لا هو فى شنو يعنى ............. بدين هم اللعيبة ديل ذاتهم يستاهلو لاكورة لا خلقة لا اخلاق لا قراية وبعدين دى هى الفاظهم البفهموها عشان كده بكون قالها ليهم
غايتو الرشيد مسكين دقس

بالله يا جماعة ما كان أحسن نتكئ علي قولة الدكتور علي الحاج خلوها مستورة

يعني الكلام الشين بجيب الكلام الشين . حيث أن المعلق الرشيد بدوي عبيد خرج من بين مشجيعين الكورة بالمدرجات يعني لو الواحد مشي وقعد بين المدرجات وسمع كلام المشجعين يوق الرشيد دا ولي

بس فقط الفرق كان دا في يوغندا وداك في إستادات الخرطوم وأيضاً فرق المدرجاتة ومنصة رسمية للكورة . كان شوية يا الرشيد تنتبه لي الفنيين . حيث كلامك دا بكون كتار قالوه أو بقولوه في حالة خيبتنا الرياضية دي .

المهم هذه ذكرتني ما حدث لزيدان لاعب فرنسا يوم دقش مدافع إيطاليا داك في كلمتين جابن خبرو . وبعدها تحقيق وتوقيف ورجعوتا الجماعة لي مقاعدهم سالمين. يعني في حالة الرشيد نرجو التحقيق والعقوبة المناسبة وبعدها يرجع يزيع ويتعلم من أخطاء مثل هذه.,


** وبعدين يا أخوانا غلب المسمار ما حار بالحيل . ومن جيبوتي كمان .
يعني أنا مثلاً مريخابي يعلم الله يوم الوحدات أدونا سبعة الدنيا بقت لي ضيقة خلاص. بالله تخيلوا حجم الكلام القالوه السودانيين عموم والمريخاب خصوص.
بحيراوي

الخبر العندي أنو الإذاعة الرياضية أوقفته كذلك

وصلني الآن اتصال من كمبالا من سوداني اسمو "طارق" كان شاهد عيان و حاضرا للمباراة المذكورة و شرح لي بمكالمة مطولة ما حدث بالضبط و من الذي الذي تلفظ بألفاظ نابية في تلك الأثناء و هو ليس الرشيد و إنما شخص آخر كان بجانبه يدعى(عادل ح.) و كان طوال المباراة يتلفظ بمثل تلك الألفاظ و أسوأ من ذلك(ذكر لي الأخ طارق كل الألفاظ التي قيلت و لم تظهر على الهواء) و قال أن الرشيد قد نبهه اكثر من مرة بالابتعاد بتلك الألفاظ عن المايك.
خلاصة الأمر أن الأخ طارق قد برأ الرشيد تماما مما قيل على لسانه.
أنا من جانبي اصدق تماما كل ما قاله لي طارق و أنا احتفظ بتلفونه لمن أراد أن يكلمه.

يا جماعه الخير الزول ده ذاع الكوره ..كان الرشيد المذيع
اها بعد الارسال انقطع رجع لرشيد الزول السودانى الذيكم
هسه انتو فى واحد فيكم دخل كوره هلال مريخ وما تلفظ بأكتر من كده
ماياها اخلاقنا جميعا. ودى ثقافه المجتمع الرياضى

أمس الرشيد في الأذاعة الرياضة يقول نفس الكلام الذي سردته من كمبالا

وقطعت جهينة قول كل خطيب:

السفير بيوغندا يبرئ الرشيد بدوي عبيد من تلك الكلمات الجارحة

==============

نتمنى أن نقفل هذا الملف

تطور مثير في القضية التي تشغل الأوساط الإعلامية والرياضية برأ سفير السودان بيوغندا المذيع الرشيد بدوي عبيد من حادثة الألفاظ التي بثت في مباراة السودان وجيبوتي التي جرت في يوغندا الأحد الماضي ، وقال السفير إنه كان يجلس في المقصورة الرئيسية بعيداً عن المذيع المذكور وأثبتت التحريات التي قامت بها السفارة عقب المباراة أن المذيع المذكور لم تصدر منه الاقاويل المنسوبة إليه وذلك إستناداً علي شهادة أحد الجالسين جواره . وأشار بيان السفير إن شاهد عيان معروف لدى السفارة أدلى بهذه الشهادة طواعية أمام القنصل كما أن هناك جمهوراً من المشجعين السودانيين كانوا خلف المذيع المذكور أثناء نقله لوقائع المباراة مباشرة علي الهواء ، فيما أشارت الإذاعة الرياضية (اف ام 104) أن تحقيقها المبدئي مع المعلّق الرياضي أثبت (إثنين من أبناء الجالية بيوغندا كانوا بجوار المعّلق هما من أطلق الألفاظ ). وقالت الإذاعة في بيان حمل توقيع د. إسماعيل الحاج موسى الرئيس المناوب لمجلس الإدارة أنه بعد انتهاء المباراة وعودة المايكرفون للاستديو استلم (مهندس الوردية ) بالإذاعة (المايكرفون) من المعلق وانه لم تخرج أي الفاظ عبر الإذاعة ،وإنه فور خروج الألفاظ النابية عبر الإذاعة (اف ام 100) أجرى الاستاذ يوسف السماني مدير الإذاعة الرياضية اتصالات بالدكتور كمال عبيد وزير الدولة بالإعلام والأستاذ معتصم فضل رئيس قطاع الإذاعة وتم الاتفاق علي إتخاذ إجراءات مشتركة تلخصت في إصدار بيان يعتذر فيه للمستمعين ، وتكوين لجنة تحقيق وإيقاف المعّلق لحين إكتمال أعمال اللجنة ،وكما أجرى السماني اتصالاً بسفير السودان لدى يوغندا طلب منه التحقيق في الامر حيث أثبتت نتائج التحقيق براءة المعلق ، وأكدت الإذاعة الرياضية إلتزامها بكل توجيهات الهيئة القومية للإذاعة والتلفزيون وبعقود التوأمة ، وبحسب صحيفة آخر لحظة أشارت الي انها ظلت تعمل بمهنية عالية منذ انطلاقتها وتضم كوادر إعلامية ذات كفاءة عالية .

Quote: في تطور مثير في القضية التي تشغل الأوساط الإعلامية والرياضية برأ سفيرنا بيوغندا المذيع الرشيد بدوي عبيد من حادثة الألفاظ التي بثت في مباراة السودان وجيبوتي التي جرت في يوغندا الأحد الماضي وقال السفير إنه كان يجلس في المقصورة الرئيسية بعيداً عن المذيع المذكور وأثبتت التحريات التي قامت بها السفارة عقب المباراة أن المذيع المذكور لم تصدر منه الأقاويل المنسوبة إليه وذلك استناداً على شهادة أحد الجالسين جواره. وأشار بيان السفير إن شاهد عيان معروف لدى السفارة أدلى بهذه الشهادة طواعية أمام القنصل كما أن هناك جمهوراً من المشجعين السودانيين كانوا خلف المذيع المذكور أثناء نقله لوقائع المباراة مباشرة على الهواء، فيما أشارت الإذاعة الرياضية (إف أم 104) أن تحقيقها المبدئي مع المعلِّق الرياضي أثبت (أن اثنين من أبناء الجالية بيوغندا كانوا بجوار المعلِّق هما من أطلق الألفاظ)، وقالت الإذاعة في بيان حمل توقيع د.إسماعيل الحاج موسى الرئيس المناوب لمجلس الإدارة أنه بعد انتهاء المباراة وعودة المايكرفون للاستديو استلم «مهندس الوردية» بالإذاعة «المايكرفون» من المعلق وإنه لم تخرج أي ألفاظ عبر الإذاعة، وإنه فور خروج الألفاظ النابية عبر الإذاعة (أف إم 100) أجرى الأستاذ يوسف السماني مدير الإذاعة الرياضية اتصالات بالدكتور كمال عبيد وزير الدولة بالإعلام والأستاذ معتصم فضل رئيس قطاع الإذاعة وتم الاتفاق على إتخاذ إجراءات مشتركة تلخصت في إصدار بيان يعتذر فيه للمستمعين، وتكوين لجنة تحقيق وإيقاف المعلِّق لحين اكتمال أعمال اللجنة، وكما أجرى السماني اتصالاً بسفير السودان لدى يوغندا طلب منه التحقيق في الأمر حيث أثبتت نتائج التحقيق براءة المعلق، وأكدت الإذاعة الرياضية إلتزامها بكل توجيهات الهيئة القومية للإذاعة والتلفزيون وبعقود التوأمة، مشيرة إلى أنها ظلت تعمل بمهنية عالية منذ انطلاقتها وتضم كوادر إعلامية ذات كفاءة عالية.

المصدر : جريدة آخر لحظة آخر لحظة،،

اطلب من بكري سحب البوست

سلامات أخ يسري و حبابك،

أولا: كم اسعدني أن الأخ الرشيد دوي عبيد قد تمت تبرئته من هذه التخرصات، و بالخصوص إذ أجدني من الذين قد اعتادت آذانهم على سماع تعليقه على المباريات بحيادية و حرفية عالية منذ أزمنة بعيدة.. أتمنى أن يستمر على ذات النهج في الدأب على تطوير أدائه كما عودنا دائما..

ثانيا: استغربت جدا محاولة بعض الإخوة هنا التبرير للتلفظ بالبذاءات سواء أكان ذلك أمام الماكروفون أو خلافه بدعوى "أننا" نفعل ذلك بشكل طبيعي و راتب، ذلك أن البذاءات منكورة إلى حد كبير جدا في مجتمعاتنا السودانية بمختلف مشاربها. و إذا كان هؤلاء البعض يأتونها على النحو المذكور فإن ذلك بكل تأكيد لا يمكن أن ينسحب علينا نحن معشر بقية السودانيين. و يقيني أنه تجب إدانة مثل هذا الفعل القبيح أي كان من قام به بعد أن يثبت ذلك عليه.. و لو أنه قد ثبت -معاذ الله- على الأخ الرشيد بدوي عبيد لكان لزاما علينا إدانته.

أخيرا: الأولى بنا دائما أن نتثبت قبل أن نطلق الإتهامات و الأحكام جزافا لما في ذلك من ضرر قد يلحق بالأبرياء.. أكرر سعادتي بتبرئة ساحة المعلق الرياضي المتميز الرشيد بدوي عبيد و أرجو له دوام التقدم و لكرة القدم في بلادنا كذلك.

أخوك بوعسل أبوعسل

اطلب من بكري سحب البوست