الجرائم التي إرتكبها قادة "الجبهة الاسلامية والمؤتمر الوطني" بإسم الدين تفوق ماقامت به إسرائيل

أقول للناس البتكلموا عن القضية الفلسطينية إنو نحنا ضد قتل اي مدني سواء كان في اسرائيل أو في فلسطين ونؤمن ان يكون للفلسطيين والاسرائيلين دولتين مستقلتين ومتجاورتين.. اي دولة تحترم سيادة الاخر ويتفقوا وفق الطريقة البيروها.. أما الذين يتساءلون عن جدوى التوقيت الحالي لفتح مكتب للحركة في اسرائيل فنحن نري ان نبذ الكراهية شيء جيد جداً اذا الوقت مناسب أم غير مناسب.. وأنت متى ما عملت شئ جيد في وقتو المناسب أوغير المناسب فهو جيد..والسؤال هو كم عدد الدول العربية التي لديها علاقات وإتفاقات إقتصادية مع اسرائيل..وماذا عن العلاقات السرية..؟نحن كنا اشجع من الكثير من الحكومات العربية التي حتمت مصالحها إقامة علاقات مع اسرائيل..والسؤال هو لماذا يهاجموننا لخطوة فتح المكتب ولا يهاجمون بعض الملوك والامراء وبعضهم يزور اسرائيل سريا..

http://www.sudaneseonline.com/

نجاة د. خليل ابراهيم رئيس حركة العدل والمساواة من محاولة اغتيال !!!!!!

Quote: ونؤمن ان يكون للفلسطيين والاسرائيلين دولتين مستقلتين ومتجاورتين.

ليه دولتين مش ممكن يعيشو في دولة واحدة؟

الاخ نزار
سلام
هل بلغ عدد ضحايا الصراع العربي الاسرائيلى منذ العام 47 الى الان
300 الف شخص فقدوا ارواحهم؟
2مليون شخص شردوا
هذه حصلية الفترة من 2003 الى الان
لم نضف اليها حرب الجنوب وبقية الحرابات
الجريمة واحدة هنا وهناك
لكن الاحساس بها فيه تطفيف

Quote: بسم الله الرحمن الرحيم وين الملايين .... ؟ مجاراة سودانية لقصيدة الشاعر الليبي علي الكيلاني (الشعب العربي وين؟) بقلم: أبو قرفان المستاء وين الملايين ... ؟؟ وين الكادحين ...؟؟ وين المنتفضين ...؟؟ الشعب السوداني فين ..؟؟ الغضب السوداني فين ..؟؟ الدم السوداني فين ..؟؟ الشرف السوداني فين .. ؟؟ وين ..؟ وين ..؟ وين ؟ ترتاحوا إنتوا أولاد الجبهة ونشقى أنحنا المقهورين في صدري فايرص تي بي ..بس الروشتة فين ؟ مرتاحين بتنوموا أولاد العز ونحن مشردين كذبة كبير بالشاشة ونحن إكتوينا بالتمثيل الثورة نيشان .. وما بتتباع بالمال ثورة شعب بيده عصاية وريشة إتحدى الملاعين ضحوا بكبارها وبصغارها وأهان المفصولين اللي بوسط الضلوع إتدمر من الجوع الله معنا أقوى وأكبر من ما تخططون تسجنوا .. تقتلوا .. تشنقوا .. تدفنوا .. حقنا مابيروح الدم الأحمر راوي أرضنا من قهر الدقون نار الثورة تقوى تسعر ونحنا المنتصرين وين .. وين ... ؟؟ أقوى من الجبال .. أكثر من رمال جوه بيوت الاشباح نغنى وشهدانا حيين برة الشارع بنقاتل لا بنركع ولا بنلين اللي بوسط الضلوع أقوى منو الجوع في صدرى أمراض كثيرة وتقول للساسة فين !! وين .. وين !! وين الملايين ؟؟ ناديتهم ما جوني ولا من مية مليون سهرانين بالتخمة طرش .. وهمن لا يبصرون الشرف إنداس وبيوتنا خالية وهمن مال وبنون مايدرون بحالنا ونحن بٍنلحس في الصحون نحن بتاعين السدود .. نحن بتاعين دارفور نادينا الاحزاب إترجينا أبين دقون إستحلفنا الجيوش ... صوتي ما سمعوش خيرنا وإخترنا أننا نغرق .والثمن عارفين واجهنا المدفع والرشاش بالطوة والسكين وين ..وين اللى بوسط الضلوع.. في غياب الوحدة الوطنية بتسيل الجروح مهانة الام الوفية والعجوز ينوح مقتولة الطفلة المغتصبة والوليد يتوهـ كل نازح بى خيمة مطوية يسأل وين يروح وين...وين لميتوا القروش ... وعبيتو البنوك .. ونسبتوا دارفور والبلد المنهوك لمتين بس تقوم الوحدة ونبني سد سد غير السد ... سد منيع عدل عظيم وديمقراطية تعز المظلومين ويجن كيفن ديل ... ؟؟ عدالات الميل ناسنا خلاصين ... ونحن فككاكين الدين وين..وين !! وين الملاين ... ؟؟ نحن الحق ونحن الثورة وهم الغلطانين جيل الحق وجيل الثورة ومعاهم أحفادهم مجتهدين لازم نرميهم بهتافنا العالي ونفضح التمكين لانركع لا نسمع قولهم .. حتى ونحن تعبانين وين ..وين .. !! اللي بوسط الضلوع إتبلل بالدموع لو نفنى عن بكرة أبينا ... اكتب يازمان ... ابداً ما بتهون يا سودانا .. والثورة عنوان وين ..وين الثورة ايمان.. الثورة عنوان ثورة شعب بإيده عصاية .. أو حتة حصاية بيرجم بيها تجار الدين وين ..وين .. !! اكتب يا سودان ... الثورة ايمان ... والثورة عنوان ... الخرطوم بحري – في 3 يناير 2009م مع تحيات أبوقرفان المســتاء

Quote: ضحوا بكبارها وبصغارها وأهان المفصولين اللي بوسط الضلوع إتدمر من الجوع الله معنا أقوى وأكبر من ما تخططون تسجنوا .. تقتلوا .. تشنقوا .. تدفنوا .. حقنا مابيروح الدم الأحمر راوي أرضنا من قهر الدقون نار الثورة تقوى تسعر ونحنا المنتصرين وين .. وين ... ؟؟

الأخ صديق عبد الجبار
ليت أهل الانقاذ يقرأون سورة الكهف كل جمعة
ليتذكروا قصصها الأربع وهى تحذر الناس من الفتن
الأربع :
الدين
المال
العلم
السلطة
وكما تعلم ما أوردته يحذر من فتنة السلطة و لكن
أهل الانقاذ فقدوا من زمن مرجعيتهم وهم من أختطفوا
الاسلام وعاثوا فسادا باسمه ، ولحكمة يعلمها الله مد
الله فى عمر حكمهم حتى يأخذهم أخذ عزيز مقتدر فقد حرم
الله الظلم على نفسه ولكن أهل الانقاذ استباحوا حرماته.
سد ترابى بطول 180 كليو متر لحماية أمدرمان من غزو متوقع !!!!

الأخ محجوب

Quote: الجريمة واحدة هنا وهناك

نعم الجريمة واحدة ولكن تقصيرنا فى تناول
اشكالياتنا عزز من هذه الغربة وانفعلنا بالثوار
فى أنجولا والمجاهدين فى أفغانستان ونسينا المحارق
والمشانق فى جنوب البلاد منذ الخمسينات وصولا الى دارفور.

الأخ خالد العبيد

Quote: ليه دولتين مش ممكن يعيشو في دولة واحدة؟

المتشددين اليهود يريدونها دولة خالصة لليهود
وليذهب المسيحيين والمسلمين من فلسطين الى المنافى.

Quote: ليت أهل الانقاذ يقرأون سورة الكهف كل جمعة ليتذكروا قصصها الأربع وهى تحذر الناس من الفتن الأربع : الدين المال العلم السلطة وكما تعلم ما أوردته يحذر من فتنة السلطة و لكن أهل الانقاذ فقدوا من زمن مرجعيتهم وهم من أختطفوا الاسلام وعاثوا فسادا باسمه ، ولحكمة يعلمها الله مد الله فى عمر حكمهم حتى يأخذهم أخذ عزيز مقتدر فقد حرم الله الظلم على نفسه ولكن أهل الانقاذ استباحوا حرماته.

الأستاذ نزار
عامك سعيد
المشكله إنو نحنا ما راضين نكون سودانيون
تلقانا أول ناس نقيف مع القضايا العربيه
ونحنا نموت مافى دوله عربيه بتسأل علينا ..!
أتحدى أى زول يقول لى فى دوله عربيه طلعت
مظاهره عشان أطفال دارفور أو متضامنه على
الأقل مع القضايا السودانيه .إراقه الدماء ما
فى إنسان سوى برضاه وتخيل الناس ديل شدة ما
بتكلموا عن غزه تحلف يمين غزه دى فى السودان لدرجة
فى ناس قالوا يمشوا يجاهدوا شوف الجماعه ديل يعشقون
الحرب أينما وجد وكلوا بإسم الدين .

الأخ محمد كابيلا

Quote: الأستاذ نزار عامك سعيد المشكله إنو نحنا ما راضين نكون سودانيون تلقانا أول ناس نقيف مع القضايا العربيه ونحنا نموت مافى دوله عربيه بتسأل علينا ..! أتحدى أى زول يقول لى فى دوله عربيه طلعت مظاهره عشان أطفال دارفور أو متضامنه على الأقل مع القضايا السودانيه .إراقه الدماء ما فى إنسان سوى برضاه وتخيل الناس ديل شدة ما بتكلموا عن غزه تحلف يمين غزه دى فى السودان لدرجة فى ناس قالوا يمشوا يجاهدوا شوف الجماعه ديل يعشقون الحرب أينما وجد وكلوا بإسم الدين .

سيتم تحرير الدين المختطف هنا
وهناك يا أخ كابيلا طال الزمن أو قصر
وأدناه كلام نارى من هشام هبانى للمغتربين فكريا.

Quote: ولكنهم لم يفلحوا في دحض من بيده الحجة والحق والاثباتات الدامغة وهو حر طليق في فضاء الله غير مقدور عليهم بتكميمه وقمعه كما يفعلون مع الشرفاء داخل الوطن في ارض الله حيث يفلح المجرمون بسلطتهم الباطشة وقوانينهم الجائرة في ترهيب وتكميم الشرفاء بالسجون والابتزازات وايقاف الصحف المتمردة! ولكن في الاونة الاخيرة تغير الحال في هذا الموقع الهام بشكل سلبي ملحوظ من تدن في ادائه النضالى بسبب غياب كثير من الكتابات الوطنية المعارضة حيث توقف واوقف الكثيرون من اصحابها الشرفاء باسباب ومن غير اسباب وغادر الكثيرون الموقع بعدما صار غير امن ومستقر بفعل فاعل له مصلحة في كل هذا الاضطراب وقد راينا وشاهدنا هزلية ( الهكر) العجيب وكانه عفريت مسئول عن كل هذا الاداء غير مقدور على احتوائه وفضحه وتدميره في (امريكا العظمى) ارض الموقع وفي ذات الوقت تزايدت ايضا بغير حساب ولا تزكيات واضحة اعداد مناصرى النظام واتباعهم من الكتاب الانصرافيين في الموقع وهم يحشدونه بالمواضيع الانصرافية والتي تكرس الغيبوبة التي وصلت حد ان جعلت (غزة) البيضاء البعيدة الاف الاميال اقرب الى ضمير اهل السودان السود من ( الفاشر) السودانية السوداء وهي داخل السودان الاسود وجعلت دماء الفلسطينيين اعز من دماء اهلنا السودانيين في دارفور وكاجبار وبورتسودان ومريدي وهي الدماءالتي تنزف عشرين عاما ولا احد من هؤلاء الانصرافيين استطاع ذات سهوة ان يثكل اولئك ( الكلاب) من اهله الابرياء الذين حصدهم ولا زال يحصدهم رصاص حكامهم المتأسلمين ويميتهم الافا والافا من الشهداء بلا بواكى ولا تظاهرات ولا خطب في المساجد ولا دموع ولا نوادب ...ولكنه مسعى مكشوف هذه الايام لذر الرماد في عيون الغوغاء عما يدور من تضعضع لاركان نظام رئيسه مطارد بجريمة ابادة شعبه وهذا ما لم يفعله الصهاينة مع اهلهم اليهود ..

http://hishamhabbani.blogspot.com/