(عشرة ونسـة فى مستشفى عِـبـيد)...دعوة للإسـتياء.!!!

----

الزمان : السابع والعشرون من العام 2008م ، الساعة السابعة والنصف
المكان : مستشفى عبيد التخصصي ، الرياض – المملكة العربية السعودية
كنت حضوراً .. عجبت ايما عجب فى مكان يقصده الناس لللإستشفاء ان يكون منظراً سودانياً خالصاَ يخلو من الذوق هو سيد الموقف.
بالدارجى كده حوالى 5 نسوان سودانيات لا يقل وزن الواحدة عن 100 كيلو الظاهر ما لاقو بعض من فترة وجمعتهم الصدفة فى المستشفى وهاك يا سلام وقلد و ونسة بصوت يجيب الرايح وياريت لو شافو ليهم ركن كده للونسة دى ،، والله واقفات فى مكان أصلو ما معقول ، فى الدور الأرضي وامام الممر الرئيسي المؤدي للعيادات هم وأطفالهم يعنى سادين الطريق رسمى.
اما الرجال او الأزواج فحدث ولا حرج برضو إتلمو معاهم لافرق بينهم سوى بعد المساحة التى لا تتعدى متر ونص.وياهو ذاتو الحال،،!
ياريت لو ما كانو لابسين عمم وجلاليب كان إتصلبتنا فى اى ناس بشبهونا وقلنا ديل ما سودانيين.
منظر لافت للنظر ومثير للإستياء.

ربما ذلك مادفع أحد المراجعين لإطلاق عبارة )إيه ده ياعـــم؟)

لمتين؟!!!

وو انت شفت حاجة يا وليد ؟

انا من المداومين في المراجعة في مستشفى عبيد و اللي قاعد أشوف حدث ولا حرج.

يا سيدي نحن في كل مكان نتقابل بنعمل تجمهر.

سلامتك و الاهل و ما تشوف شر

الصادق إزاى الحال وكل سنة وانت طيب

لو بتلاحظ يا الصادق مستشفى عبيد يقصده كثير من الهنود والباكستانيين بشكل ملحوظ إضافة الى انهم أكثر عددمنا رغم ذلك لكن لا تجدهم يوما يتجمهرون فى اماكن كهذى ..فالمكان للإستشفاء.

أكرر (لمتين؟!)

دمت

صوتنا بالجد عالي وقد يكون فيه إزعاج للتانين

بس

برغم ده برضو سمعت قبل كده تعليق زميلة اردنية
بانها تحسدنا علي العلاقة الحميمة التي تجمع بيننا

الاخ الطاهر ..نهارك سعيد

بخصوص تعليق الزميلة الأردنية أقول:

آمل ان لا يكون هذا الإعتقاد نشأ لديها نتيجة لتكرر هذه المشاهد أمامها
فتجمهرنافى أغلب الاحيان ليس مؤشر حقيقي لحميميتنا

ناهيك عن مكان التجمهر

لك الود،،

Quote: نعــم لتهذيب سلوكيات... هذا الشعب الراقي اجتماعيا حبابكم ___________________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور

د. شهاب أسعدت مساءً

اٌقولها معك :
نعــم لتهذيب سلوكيات...
هذا الشعب الراقي اجتماعيا

لك الود،،،

انتا هسي مشكلتك في انو الواحدة منهم وزنها 100 كليو ولا في قفلة الممر؟؟
انا شخصياً مستغرب كيف لما فقط السودالنيات ينقلبن الى ذلك الشكل غير المعياري بعد الزواج..




بعدين ياخي مااسمها اطفالم ..اسمها شفعم

اطفالم دي لي رغود وعبعزيز..








ابو رغد

مشتاقين
ــــــــــــــــــــــ
سلامي لي الاسرة من رغد وحتى عمك ابراهومة

100 كيلو دى و الله بدبرس بالواحد اكتر من الموقف الحكيتو
الصبر بس نقول شنو

دكين ياخ إزيك

مشكلتى فى قفلة الممر طبعاً ...يعنى انت ممرات مستشفى عبيدبتغباك

كماأبلغك بأن الكيلوهات كما تركتها فى تزايد وما زال الناس يستقدمون

كلو تراكم فى تراكم يا ولدنا

تقبل سلام الجميع،،،

أرقد عافية جنب الساحل