Post: #1
Title: الحمد لله الذي وفقني بالوجه الجميل لـ(سودانيزاونلاين).
Author: GeerTor Tong
Date: 01-03-2009, 11:26 AM
الثقة في من تتعامل معه حتى يثبت أن ليس جديراً بما منحته فتعامله بعد ذلك بما يستحق...
البحث عن أوجه الجمال ومعرفة الفوائد في الأشياء المتاحة لك ...
وكثير من الشعارات التي تجعلنا نمسك الأملفي كل الظروف .
وهذا ما لم يغادرني بل أكدته كل جماعة تعاملت معه في سودانيز اونلاين فهم أبقوا على الثقة
وابقوا على الجمال ....
بل إن اقبح ما ما وجدت كان في نفسي قياساً بما قام به إخوة في هذا المنبر.
أشكر كل أعضاء سودانيز اونلاين بسبب القليل الذين وجدت فيهم كل جميل ، وأعمم بذلك الخير الذي أتى به
القليل...
احاول كسر تلك القاعدة التي تقول (الخير يخص والشر يعم) لكني أرى العكس فالخير هنا يستحق التعميم..
لقد غبت عن المنبر فترة طويلة خلال الأيام السابقة ولم يكن هناك من تنبه لذلك سوى إخوة هنا في المنبر،
لقد تكبدوا المشاق وبحثوا رقم هاتفي حتى وفقوا وإتصلوا بي ...
وللأمانة فقد أثلج ذلك صدري..
ففي الوقت الذي ينهش البعض جسدي بأشياء غريبة ... يأتي المنبر العام لسودنيزاونلاين ليعيد لي الضياء
وإن كان هناك فهو من جانبي لإنشغالي بقضاء الأمور الخاصة بي
وكان آخر مهاتفة ما وصلني من الإخوة يوم الرحلة إلى قندهار يوم الجمعة أمس ...وأعتذرت وانا متألم لعدم حضوري.
شكراً عبد الوهاب والمهندس دوت والأخ معتصم.. وكل الإخوة والأخوات بالمنبر.
وشكراً لكل من يقرأ هذا البوست.
قير تور
|
Post: #2
Title: Re: الحمد لله الذي وفقني بالوجه الجميل لـ(سودانيزاونلاين).
Author: mayada kamal
Date: 01-03-2009, 11:57 AM
Parent: #1
الاخ قيرتور
صباحاتك ندية
وكل سنة وانت طيب بمناسبة السنة الجديدة
نتمنى ان تحقق كل ما تحب
| Quote: الحمد لله الذي وفقني بالوجه الجميل لـ(سودانيزاونلاين). |
خير ياود العم
طمنا
انا اخر مرة اتصلت فيها عليك
كنت حضرتك مشغول بالامتحانات
اها خلصت كيف
وان شاء الله موفق
|
Post: #5
Title: Re: الحمد لله الذي وفقني بالوجه الجميل لـ(سودانيزاونلاين).
Author: GeerTor Tong
Date: 01-03-2009, 04:16 PM
Parent: #2
إزيك يا ميادة.
بعد الردود دي ،إن شاء الله ح اكون معاك .بس تكوني ما قفلتي المحل.
إتهيت بحد الله والبحث مكربني شديد.
تسلمي.
|
Post: #3
Title: Re: الحمد لله الذي وفقني بالوجه الجميل لـ(سودانيزاونلاين).
Author: دوت مجاك
Date: 01-03-2009, 12:28 PM
Parent: #1
الاخ العزيز قير
كل سنة وانت طيب
اتمنى ان يكون هذا العام خيرا لكل ابناء السودان
سودانيز اون لاين مجتمع صادق وطيب
يتفقدون الناس فى غيابهم طالما يملكون وسائل اتصال بك
وناسف اننا اخبرناك متاخرا ولكن كان لابد من هذه الخطوة
عموما الجايات اكتر وابقى ظاهر
كن بخير
|
Post: #4
Title: Re: الحمد لله الذي وفقني بالوجه الجميل لـ(سودانيزاونلاين).
Author: محمد فضل الله المكى
Date: 01-03-2009, 02:43 PM
Parent: #3
العزيز قير تور
كل سنه وإنت طيب، عام سعيد وعمر مديد إن شاء الله.
نسأل الله أن يكون عام خير وبركه، عام عامر بالمحبة
والإخاء والتواصل بين الناس.
فلندع الأمس خلفنا....(نحن أولاد بُكره).
كل عام أنت والأسره بألف خير.
|
Post: #6
Title: Re: الحمد لله الذي وفقني بالوجه الجميل لـ(سودانيزاونلاين).
Author: GeerTor Tong
Date: 01-03-2009, 04:27 PM
Parent: #4
دوت مجاك
كيف الحال يا بطل ؟
شكراً لك مرة أخرى فقد ربطتني بأعزاء
محمد فضل الله
| Quote: فلندع الأمس خلفنا....(نحن أولاد بُكره). |
ليس كل الأمس ..
فالندع آلام الأمس ولنعمل اليوم للغد فبدون عمل ما في بكرة
شكراً على المرور
|
Post: #7
Title: Re: الحمد لله الذي وفقني بالوجه الجميل لـ(سودانيزاونلاين).
Author: خضر حسين خليل
Date: 01-03-2009, 04:36 PM
Parent: #6
الأستاذ قير تور
تحياتي لك
أتمني أن تكون قير تور الذي لطالما قرأته عبر صحيفة
السوداني !! أنا سعيد للغاية كونك هنا
وإن لم تكن من أعني فكلي سعادة أيضاً بالترحيب بك!
لك الشكر والاحترام
|
Post: #8
Title: Re: الحمد لله الذي وفقني بالوجه الجميل لـ(سودانيزاونلاين).
Author: شول اشوانق دينق
Date: 01-03-2009, 04:38 PM
Parent: #1
يا بنج قير ... تلفونك بصراحة ما عندنا كنا إتصلنا بيك ولكن البركة فى الإخوة دوت مجاك والصديق الخال عبد الوهاب ما قصروا.
سودانيزاونلاين حكاية ياعم ... خلى ساى بس.
كل سنة وإنت طيب ياخ وكل عام وإنت وكل أهل بيتكم وكل السودانيين بخير
شول اشوانق دينق
|
Post: #9
Title: Re: الحمد لله الذي وفقني بالوجه الجميل لـ(سودانيزاونلاين).
Author: GeerTor Tong
Date: 01-06-2009, 03:29 PM
Parent: #8
أهلاً يا شول
كيف عامل؟
Quote: والصديق الخال عبد الوهاب ما قصروا.
سودانيزاونلاين حكاية ياعم ... خلى ساى بس. |
عبد الوهاب دا خالك ؟
أوعك يكون زي الثعلب وخيلانو المرفعين والأسد و النمر؟
المهم ... إنت يا شول تبفونك بينتهي بـ(313)؟
قير تور
|
Post: #10
Title: Re: الحمد لله الذي وفقني بالوجه الجميل لـ(سودانيزاونلاين).
Author: dombek yai
Date: 01-06-2009, 04:35 PM
Parent: #9
قير تور سلامات وكل سنة وانت طيب انا قلت يمكن تكون في كورس بره السودان ولا حاجة بشكل ده
كنا منتظرين مساهمتك في البوست الفتحناه انا (وشول وين نيان كاي = ود اختي) عن الزواج عندنا في نقوك
بعد تفضى راجينك
لك التقدير
دمبيك
|
Post: #11
Title: Re: الحمد لله الذي وفقني بالوجه الجميل لـ(سودانيزاونلاين).
Author: GeerTor Tong
Date: 01-07-2009, 09:57 AM
Parent: #10
أهلاً يا دمبيك.. إنت داير جلسة عرسك واللا شنو؟
المهم أديك الخبر أولاً:عرس جوك دمبيك عاميلنو بكرة في النادي الدبلوماسيز
بعداك اجي اسالك ....يعني إنت دايني على الأقل أحسب أكتر من تمانية بقر..؟
شوف جوك بيونق داير اقل شئ بقرتين... وإنت بقرتين ...
ونسيت أكلمك إنو الرائع جون أجانق منجتوج في الخرطوم اليومين ... وهو بدوره بالضرورة
أن اقوم بسداد عدد بقرتين
وشول اشوانق برضو ممكن يحتاج بقرتين بس لمن اعرف البت اللي هو داير يعرسها
بس خوفي من جوك بيونق دا ... اساعدو في العرس بي جاي ويجيني بكرة داير حاجة من طرف أهل زوجتي ودي
كارثة كبيرة..
تخريمة:جوك بيونق دا جاي السودان ميتن عشان ازوغ قبل ما يسالني ويقول إنو جد مرتي؟
تسلم يا بطل وكل سنة وانت طيب
قيرتور
|
Post: #12
Title: Re: الحمد لله الذي وفقني بالوجه الجميل لـ(سودانيزاونلاين).
Author: dombek yai
Date: 01-07-2009, 02:29 PM
Parent: #11
Quote: بعداك اجي اسالك ....يعني إنت دايني على الأقل أحسب أكتر من تمانية بقر..؟
شوف جوك بيونق داير اقل شئ بقرتين... وإنت بقرتين |
اول حاجة قول لجوك دمبيك الف مبروك ونتمنى ليهو حياة زوجية سعيدة
ياخي تمانية بقر دي ما حاجة بالنسبة لصحفي كبير زيك وبعدين ما تخاف
جوك بيونق دا لو رجع السودان ما حينزل في الخرطوم بيمشي طوالي لابيي
| Quote: وشول اشوانق برضو ممكن يحتاج بقرتين بس لمن اعرف البت اللي هو داير يعرسها |
هو انت لسه ما عرفت البت؟ ياخي الناس ديل شايلين لاب توب ود اختي ده وبيساعدوه كمان في تأليف
الشعر اخونا نجر ليهو قصيدة يومداك لمن سالناه كان معاك الجماعة قام نكر وقال ديل ناس انجليزي بس
ما في حاجة بيسموها ترجمة ما كدي؟ كدا اديهو شوية زنقة ح يعترف ليك
الف شكر
|
Post: #13
Title: Re: الحمد لله الذي وفقني بالوجه الجميل لـ(سودانيزاونلاين).
Author: JOK BIONG
Date: 01-07-2009, 06:42 PM
Parent: #12
Quote: جوك بيونق دا لو رجع السودان ما حينزل في الخرطوم بيمشي طوالي لابيي
|
اخوة قير ودونقبيك
سلام لكم واقول الف مبروك لاخ جوك دونقبيك...
قير تور ما نفد من يدي هو زاتو يستقبلني في مطار ويا خذني الي محطة السفريات الي
أبيي علشان ناس الخرطوم يسمعوا بوصولي الخرطوم ومغادرتي على الفور الي أبيي بعد غياب
عنها سنوات طويلةBa rot la nak jurdin tok
|
Post: #14
Title: Re: الحمد لله الذي وفقني بالوجه الجميل لـ(سودانيزاونلاين).
Author: dombek yai
Date: 01-08-2009, 10:02 AM
Parent: #13
Quote: ناس الخرطوم يسمعوا بوصولي الخرطوم ومغادرتي على الفور الي أبيي بعد غياب
عنها سنوات طويلةBa rot la nak jurdin tok |
|
Post: #15
Title: Re: الحمد لله الذي وفقني بالوجه الجميل لـ(سودانيزاونلاين).
Author: JOK BIONG
Date: 01-09-2009, 04:56 PM
Parent: #14
Quote: Quote: ناس الخرطوم يسمعوا بوصولي الخرطوم ومغادرتي على الفور الي أبيي بعد غياب
عنها سنوات طويلةBa rot la nak jurdin tok
|
Surely am gonna do it soon or later
|
Post: #16
Title: Re: الحمد لله الذي وفقني بالوجه الجميل لـ(سودانيزاونلاين).
Author: GeerTor Tong
Date: 01-10-2009, 04:22 PM
Parent: #12
اولاً أقول مبروك عليكم الخطوة الجبارة التي قام بها الإخوة في فنلندا .
اليوم الجمعة سمعت أنهم قاموا بجمع تبرعات وشراء ادوات مدرسية وهم حالياً
في طريقهم للذهاب إلى ابيي والأخ مثيانق اكنون في الخرطوم
ثانياً للأخ
جوك بيونق يا زول إنت معرس بت خالي وانا اللي ح اكون داير منك
يا دمبيك كيف الأحوال ؟ وبعدين مالك مع الولد الصغير دا ؟ ما تخرب لشول اشوانق
طريقو لسه ما شاف حاجة؟
بعدين بحذرك ما تحاول تقلد الناس الكضابين اللي غشوك وقالوا عندي قروش
انا زاتي بحلم بالقروش من شدة الفلس
مع تحياتي
|
Post: #17
Title: Re: الحمد لله الذي وفقني بالوجه الجميل لـ(سودانيزاونلاين).
Author: JOK BIONG
Date: 01-10-2009, 04:48 PM
Parent: #16
Quote: جوك بيونق يا زول إنت معرس بت خالي وانا اللي ح اكون داير منك
|
يا زول يا قير سيب لفة ودوران بتاع ناس الخرطوم دي
انت تدفع اولا وبعداك دوري
يلا سلم ثمن بقرتين لاخ مثيانق اكنون باليورو لا بالدولار يعني بقرة واحدة بس 150 يورو وبقرتين
300 يورو وانا منتظر منك الرد مع الاخ مثيانق..
Quote: اولاً أقول مبروك عليكم الخطوة الجبارة التي قام بها الإخوة في فنلندا .
اليوم الجمعة سمعت أنهم قاموا بجمع تبرعات وشراء ادوات مدرسية وهم حالياً
في طريقهم للذهاب إلى ابيي والأخ مثيانق اكنون في الخرطوم
ثانياً للأخ
|
جمعناقروش بتنسيق ومساعدة الصليب الاحمر الفنلندي والكنيسة اللوثرية ولكن للاسف شديد تم تحويل تلك
المبالغ الي دارفور قيل لنا بعدما جمعنا القروش واستلموها مناان دارفور اكثر حوجة من أبيي
وتم تحويل الدعم الي دارفور عن طريق منظمات الانسانية العاملة هناك في المخيمات.
بس جهز بقرتين ووكيلي هو الاخ مثيانق اكنون
تحياتي
جوك
|
Post: #18
Title: Re: الحمد لله الذي وفقني بالوجه الجميل لـ(سودانيزاونلاين).
Author: GeerTor Tong
Date: 01-10-2009, 04:55 PM
Parent: #17
جوك
اتارك لابد بهناك؟
انت قايل البقر بيهمني ؟ انا مش ادفع باليورو واللا دولار... خلي مثيانق يمشي
المرعى هناك وانا بحدد ليهو (اليك واجوك) رايك شنو بعد دا؟
المهمQuote: جمعناقروش بتنسيق ومساعدة الصليب الاحمر الفنلندي والكنيسة اللوثرية ولكن للاسف شديد تم تحويل تلك
المبالغ الي دارفور قيل لنا بعدما جمعنا القروش واستلموها مناان دارفور اكثر حوجة من أبيي
وتم تحويل الدعم الي دارفور عن طريق منظمات الانسانية العاملة هناك في المخيمات. |
دا نهب مصلح واللا شنو؟
المهم ما تكلم زول والجايات اكتر من الرايحات وكان افضل الخواجات ديل يخلونا برانا
بنعرف ندي ابناء دارفور شنو.
|
Post: #19
Title: Re: الحمد لله الذي وفقني بالوجه الجميل لـ(سودانيزاونلاين).
Author: JOK BIONG
Date: 01-10-2009, 05:13 PM
Parent: #18
Quote: جوك
اتارك لابد بهناك؟
انت قايل البقر بيهمني ؟ انا مش ادفع باليورو واللا دولار... خلي مثيانق يمشي
المرعى هناك وانا بحدد ليهو (اليك واجوك) رايك شنو بعد دا؟
المهم |
اكيد انا موجود اون لاين 24 ساعة.
البقر ما بهمك بس اديني حقي من جيبك وسيبك من المرعى
ضربت تلفون هسي لـ مثيانق علشان يجيك لياخذ منك حقة بقرتين
Quote: دا نهب مصلح واللا شنو؟
المهم ما تكلم زول والجايات اكتر من الرايحات وكان افضل الخواجات ديل يخلونا برانا
بنعرف ندي ابناء دارفور شنو. |
اسكت ساكت الخواجات ديل ما بيطلع منهم شئ!!!
نحن يومداك قمنا بجمع تبرعات كويسة من جيوبنا في خطوة لاسعاف الوضع هناك في أبيي..بس في
ظرف اسبوع جهزناها ورسلناها وفكرنا في الخواجات وقالوا لنا تعالوا اجمعوا التبرعات باسم
نداء أبيي+ يوم الجوع العالمي وانتهت العملية بنجاح وبعد داك قالوا لنا شكرا لكم ووزعوا لنا شهادات تقديرية مع شايات وقالوا لنا سلمنا قروشكم الي خزينة الصليب الاحمر في العاصمة هلسنكي
وسيتم تحويلها الي السودان(دارفور) قلنا لهم مشروعنا عن أبيي!!!قالوا لنا نحن عندنا منظمات
عاملة في مخيمات دارفور...الخ.
اوعك تنسى مثيانق في الطريق اليك واوعك تهرب وتدس نفسك
جوك
|
Post: #20
Title: Re: الحمد لله الذي وفقني بالوجه الجميل لـ(سودانيزاونلاين).
Author: GeerTor Tong
Date: 01-10-2009, 05:40 PM
Parent: #19
| Quote: اوعك تنسى مثيانق في الطريق اليك واوعك تهرب وتدس نفسك |
يا اخوي في صحفي بتدسى؟
زولك براهو جاي بالدس ولو ما كنت (مفتح) ما كنت عرفت انو في زول جا من فنلندا
وكنت مفتكروا اللي جا هو رينق داو أو انت..
بس خليهو يضرب لي هسع لأني لسةفي الخرطوم هسع وممكن الاقيهو.
تسم يا بطل
|
Post: #21
Title: Re: الحمد لله الذي وفقني بالوجه الجميل لـ(سودانيزاونلاين).
Author: شول اشوانق دينق
Date: 01-10-2009, 05:57 PM
Parent: #1
الأستاذ/ قير تور
| Quote: المهم ... إنت يا شول تبفونك بينتهي بـ(313)؟ |
لا يا قير ... رسل لى فى الإيميل ده وبديك رقمى
[email protected]
| Quote: وشول اشوانق برضو ممكن يحتاج بقرتين بس لمن اعرف البت اللي هو داير يعرسها |
يا أخوى ... يا حليلك والله!... العرس ما خليناهو عشان بقا زى التجارة
ياخ الواحد يقول بتو دى داير مهرها شنو كده ماعارف خمسين مليون وشئ ما عارف شنو كده؟... خلى بس! بلا عرس بلا بطيخ
كان على النسل والكلام الدراب داك بتاع حفظ النوع وكلام الأمهات (أمى بالذات) ... أخوانى التلاتة (اقوير يشوف التالتة) يعرسوا لو عندهم قدرة على العرس البى الطريقة المجنونة بتاع أهلنا ده... اما انا فلا
بعدين حكاية لمن تعرف الداير اعرسها ده شنو كمان يا قير... لو ما من المنطقة ... هل ده بيأثر على دفعك للبقرتين ولّ شنو يا أخوى؟
Quote: عبد الوهاب دا خالك ؟
أوعك يكون زي الثعلب وخيلانو المرفعين والأسد و النمر؟ |
هاشا وكلا والله يا قير ... عبد الوهاب ده بيستحق يكون مع ناس دومبيك وجوك فى صف واحد ... على الأقل من إتجاهى (وش جادى جداً)
شول اشوانق دينق
______________________
سلم لى معاك على صاحبى فيليب بيو ... لى مدة ما قابلتو ... تلفونى معاهو برضو.
|
Post: #22
Title: Re: الحمد لله الذي وفقني بالوجه الجميل لـ(سودانيزاونلاين).
Author: GeerTor Tong
Date: 01-11-2009, 03:55 PM
Parent: #21
| Quote: بعدين حكاية لمن تعرف الداير اعرسها ده شنو كمان يا قير... لو ما من المنطقة ... هل ده بيأثر على دفعك للبقرتين ولّ شنو يا أخوى؟ |
ايوه يا شول الموضوع دا بيأثر جداً
ممكن إنت تكون داير تعرس بتي...
طبعاً الناس في اليومين ديل بقوا يضربوا التلفونات للبنات وممكن بتك تتكلم..
عفواً فنت ليس لديك بنت بس نحن ابو البنات ديل تعبانين شديد مع الموبايلات..
المهم لو بقت لبت اللي انت دايرها بتي ....يبقى انت اللي ح تدفع وكمان تدفع لدمبيك وجوك؟
شوفت الفرق كيف؟..
اعمل حسابك جوك يقول هسع داير خمسة بقر ودومبيك برضو خمسة... انا وانت نبقى ضائعين
تسلم يا رجل
|
Post: #24
Title: Re: الحمد لله الذي وفقني بالوجه الجميل لـ(سودانيزاونلاين).
Author: GeerTor Tong
Date: 01-19-2009, 03:12 PM
Parent: #22
شوفت البوست وبديت بالجريدة عشان الفائدة العامة
اختفيت وين؟
|
Post: #23
Title: Re: الحمد لله الذي وفقني بالوجه الجميل لـ(سودانيزاونلاين).
Author: شول اشوانق دينق
Date: 01-11-2009, 06:43 PM
Parent: #1
إتطمن يا بنج قير ... اصلو اخوك لو داير يعرس إلا برا أبيى مرة واحد
ياخ ناس دومبيك ديل قلبوا لينا أبيى كلو قرايبنا والله ماشالله عليهم كتار لغاية الواحد مننا لو ما صبور ممكن يحنك مع بت خالتو او بت خالو تخيل
عموماً ... تعال لينا بى جاى ممكن تساعد فى حاجات كتيرة وتصحح كمان يا بنج ديد ده طبعاً لو وقتك اسعفك.
شول اشوانق دينق
_______________________
ما تنسى ترسل لى فى الإيميل بتاعى الفى مداخلتى الفوق دااااااك ... سمح؟
|
Post: #25
Title: Re: الحمد لله الذي وفقني بالوجه الجميل لـ(سودانيزاونلاين).
Author: شول اشوانق دينق
Date: 01-19-2009, 06:30 PM
Parent: #1
فوق
|
|