Post: #1
Title: دعوة عامة لمشاركتكم لنا زواجنا و دعوة خاصة لمصطفى السني و عثمان محي الدين ...
Author: محمد ابراهيم قرض
Date: 01-01-2009, 07:09 PM
" فانكحوا ما طاب لكم من النساء مثنى و ثلاث و رباع"
بمناسبة الزواج الرابع لوالدنا-اطال الله عمره-يسرنا و يشرفنا دعوة جميع البورداب بالسودان لمشاركتنا الحفل
المقام في امسية الخميس القادم بمنزلنا بالخرطوم عموم غرب راكوبة فطينة ست الشاي ..
ويشرفنا في البدء تناولكم معنا طعامات شاي الصباح المقنن باللقيمات ومن ثم الفطور و الغداء و العشاء ،
كما توجد أماكن خاصة لمن أراد المبيت معنا ..
و الدعوة عامة لكل البورداب .. و من لا يتمكن من الحضور يكون قد وفر لكن يجب عليه/عليها توصيل
حق الكشف بأي طريقة مناسبة ...
كما يسرنا توجيه دعوة خاصة للفنان مصطفى السني و ساحر الكمنجة عثمان محي الدين لمشاركة والدنا
ورفع معنوياته بالغناء و الموسيقي بشرط عدم مطالبتهم ولا بمليم واحد أحمر ...
و العاقبة عندكم في المسرات ..
|
Post: #2
Title: Re: دعوة عامة لمشاركتكم لنا زواجنا و دعوة خاصة لمصطفى السني و عثمان محي الدين ...
Author: somia gassim
Date: 01-01-2009, 07:23 PM
Parent: #1
تحـــــــــــــريــــــــض
النســـوان يمتنـعن
نرفع معنوياتوا تترفع معنويات ناس تانيين مثنى وثلاث ورباع
|
Post: #3
Title: Re: دعوة عامة لمشاركتكم لنا زواجنا و دعوة خاصة لمصطفى السني و عثمان محي الدين ...
Author: محمد ابراهيم قرض
Date: 01-01-2009, 07:24 PM
Parent: #1
بكري ابوبكر ...
بإسم الضلع الذي هرسناه في بيتكم ..
أرجوك ترفع لي البوست ده فووووووق ...
|
Post: #4
Title: Re: دعوة عامة لمشاركتكم لنا زواجنا و دعوة خاصة لمصطفى السني و عثمان محي الدين ...
Author: محمد ابراهيم قرض
Date: 01-01-2009, 07:30 PM
Parent: #1
Quote: تحـــــــــــــريــــــــض
النســـوان يمتنـعن
نرفع معنوياتوا تترفع معنويات ناس تانيين مثنى وثلاث ورباع |
سومية ...
خليك من التحريض الما بيشبهك ..
الوالد جاييكم شهر العسل بهناك ..
الرسول ما تقصري معاهو ..
و بالمرة اجمعي لينا جق الكشف من ناسكم ..
|
Post: #5
Title: Re: دعوة عامة لمشاركتكم لنا زواجنا و دعوة خاصة لمصطفى السني و عثمان محي الدين ...
Author: صديق الموج
Date: 01-01-2009, 07:41 PM
Parent: #1
Quote: كما يسرنا توجيه دعوة خاصة للفنان مصطفى السني و ساحر الكمنجة عثمان محي الدين لمشاركة والدنا
ورفع معنوياته بالغناء و الموسيقي بشرط عدم مطالبتهم ولا بمليم واحد أحمر ...
و العاقبة عندكم في المسرات .. |
قرض مبروك والعاقبه عندناانا وانت
لكن مناشدتك دى خليها تكون لكرومة والسر عبدالله
مصطفى وعثمان شنو يا اخوى؟؟
|
Post: #6
Title: Re: دعوة عامة لمشاركتكم لنا زواجنا و دعوة خاصة لمصطفى السني و عثمان محي الدين ...
Author: محمد ابراهيم قرض
Date: 01-01-2009, 07:59 PM
Parent: #1
| Quote: قرض مبروك والعاقبه عندناانا وانت |
يا مووووووج ..
عايز تعملني سبب ..
ياخوي العقبة ليك براااااك
أنا خواااااااف ..(ما زي الوالد)!!!
وبعدين الجعليات ديل بيقطعن عديييل
و يكومن في أكياس الزبالة الما بتغباك ..
أو تود أن تذهب بي الى مزبلة التاريخ يا موج ؟؟؟؟؟
تلقاها عند الغافل ...
|
Post: #7
Title: Re: دعوة عامة لمشاركتكم لنا زواجنا و دعوة خاصة لمصطفى السني و عثمان محي الدين ...
Author: محمد ابراهيم قرض
Date: 01-02-2009, 07:32 PM
Parent: #1
دفرة يا جماعة
|
Post: #8
Title: Re: دعوة عامة لمشاركتكم لنا زواجنا و دعوة خاصة لمصطفى السني و عثمان محي الدين ...
Author: Hassan Makkawi
Date: 01-02-2009, 07:46 PM
Parent: #7
مبروكين يا قرض
يزيدوا الأخوان و تكبر العزوة
غايتو عم ابراهيم دة حنداك حندكة جد
|
Post: #9
Title: Re: دعوة عامة لمشاركتكم لنا زواجنا و دعوة خاصة لمصطفى السني و عثمان محي الدين ...
Author: محمد ابراهيم قرض
Date: 01-03-2009, 08:05 AM
Parent: #1
Quote: مبروكين يا قرض
يزيدوا الأخوان و تكبر العزوة
غايتو عم ابراهيم دة حنداك حندكة جد |
الله يبارك فيك يا مكاوي ..
بيني و بينك الوالد قايل الحكاية هظار ..
ولامن بقت جد .. البطبطة وقعت ..
البطبطة يعني شنو ؟؟!!!
|
Post: #10
Title: Re: دعوة عامة لمشاركتكم لنا زواجنا و دعوة خاصة لمصطفى السني و عثمان محي الدين ...
Author: Hassan Makkawi
Date: 01-03-2009, 07:08 PM
Parent: #9
| Quote: البطبطة يعني شنو ؟؟!!! |
قرض
مغامرات يطوط والله أعلم
|
|