الفرق بين الحق و" النضال" .. الى تراجي مصطفى

أوقن تماما أنني أفريقي هوية و هوى و لكن العروبة ليست شتيمة ولا الإسلام ولا المسيحية ولا اليهودية ولا البوذية .. كلها في الثرى دوافع خير.. بت وهب شقيقة العذراء . و حتى هويتي الأفريقية لن تنزع عن جيناتي جدها العربي إن كان موجوداً.


يؤلمني ما يحدث بدارفور و أتمنى زوال الظلم عن أهلها و محاكمة الجناة و توحد كلمة و قلوب أهلها مرة أخرى

و يؤلمني ما يحدث بفلسطين و أتمنى زوال الظلم عنهم .. هذا لا يلغي ذاك .. و الأمر ليس هلال مريخ كما يتصور البعض هنا و يروج لذلك .. و الألم ليس بالأولوية . و من حقي أن أحزن بتوازي و لن يقلل تعاطفي مع فلسطين من حبي للوطن.

شكرا لإسرائيل إيواءها لأخواني اللاجئين من السودان و لكن هذا لا يعطي إسرائيل صك غفران أزلي و لا يجعل قتلها للمدنيين أمر مقبولا. و العار لحماس عدم إدانتها لمحارق دارفور و تعاطفها مع الحكومة الظالمة في السودان لظنها بأسلاميتها .. بئس إسلام الإنقاذ و حماس و لكن التعميم غباء.. و القول أن العرب كذا أو المسلمين كذا.. قول يشي عن ضيق أفق و سوء تقدير.

Quote: يؤلمني ما يحدث بدارفور و أتمنى زوال الظلم عن أهلها و محاكمة الجناة و توحد كلمة و قلوب أهلها مرة أخرى و يؤلمني ما يحدث بفلسطين و أتمنى زوال الظلم عنهم .. هذا لا يلغي ذاك

كلام عاقل جدا .. نسال الله ان يجعل هذا العام والتي تليه اعوام خير وبركة وسلام على الجميع

الفاضلابى سلامات و بركة،
كريسماس مجيد و عام سعيد.

يا عزيزى انا اتفهّم تماما اٍعتراض تراجى و اشاركها الرأى فيه كمان، دى ما شماتة فى اهل غزة و لان تغاضى عن الظلم الذى يحدث من قبل اٍسرائيل، لكن الكلام لفت اٍنتباه ليكم يا سودانيين، و تنبية بالحال التى يعيشها السودان -الحُر- مقارنة بغزة المحتلة هذه. يعنى ببساطة غزة هذه على حال افضل من الخرطوم خليك من معسكرات اللاجئين فى دارفور. يا سادة لو عندكم مجهود انفقوه على قضاياكم و كان فى عيونكم دموع انثرونها على حالكم و كان فى قلوبكم رحمة انزلوا شأبيبها على اخوتكم فى الوطن هم احوج و اولى بالمعروف.
الفلسطيين ديل بيهتموا بانفسهم اقصى اٍهتمام و يبحثون عن الافضل لهم و لاسرهم و لا يرضون بمستوى معيشة متدنى على الاطلاق و هذا من حقهم و هم فى ذلك ليسوا وحدهم انما كل شعوب العالم هذه تفكر بنفس الطريقة، اما انحنا فشعب عاطفى و ينفعل و ينشغل بقضايا الاخرين و مشاكلهم اكثر من قضاياه، و الله بحالنا العاشينوا فى السودان نستحق انو الفلسطينيين ديل زاتهم يطلعوا مظاهرة تضامنا معانا.

قبل فترة كانت فى قصة اشبة بالنكتة السمجة سماجة السنين، و ذلك عندما قام الطفل المعجزة مصطفى عثمان اٍسماعيل بقيادة فريق للتوسط بين الفصائل اللبنانية على اثر الخلافات الى اعقبت مقتل الحريرى و ما تبعها، مافى زول عاقل قال ليهو يا راجل نحنا بلدنا فيها اكبر عدد من الفصائل المتناحرة و نحن احوج لمجهودات الوفاق.

نيازي كتر خيرك و مشكور على التعليق

عارف يا أبوبكر كمان نزيدك في الشعر بيت
أنا مدمين المخدرات في ألمانيا ذاتو بتألم ليهم.. أها تاني الخمج العاطفي ده كيف؟
يا بكري كفانا رقابة الحكومة على ضماير الناس .. ما محتاجين معارضة توزع صكوك غفرانها على الناس حسب تفتيشها لصحة إتجاه تعاطفهم..
ياخي التعاطف شي .. و الفعل شي
أنا متعاطف جدا معاهم لكن لو عندي القدرة أعمل شي بسويه لأهلي في الأول .. لأنه المافيشة في البيت تحرم على الجيران.
يا بكري تراجي بقت أصعب من ناس الجبهة .. بقت مفتشة ضماير عديل كده
يعني بقى حرام الزول يقول البحصل في غزة ده غلط؟؟ ولا شنو يعني

يا زول يا سمح

تحياتنا

وليد صحبي كل سنة و إنت طيب

تبآ للتملق ..!!!!

الناس اصبحت تقدم كشف بمواقفها وتستجدي شهادات البراءة من تراجي مصطفي .. !!!!!!!!!!!!!!!!

منير
كان قاصدني معناتها إنت عمبلوق ساي
و ما قريت كلامي
و كان ما قاصدني .. سمح

يا فاضلابى

القضية فى انو السادة السودانيين بيتعاطفوا مع ناس غزة اكثر من تعاطفهم مع اخوانهم فى الوطن. يا فضلابى الناس فى الخرطوم طلعت من الجوامع فى مسيرات هادرة تندد بالعدوان على غزة، نفس هؤلاء الناس سادين دى بطينة و دى بى عجينة ضد المحارق التى تحدث فى دارفور.



صدقنى يا فضلابى الاعتراض موش على التعاطف و لا التضامن فى حد زاتو لكن ما لا يمكن فهمه هو ان تتعاطف مع قضايا البعيدين و الاغراب اكثر من تعاطفك مع قضايا اخوانك فى الدم و الوطن، دى حالة مشاترة وحاااة الله.

الجالية السودانية فى الامارات الغت اٍحتفالاتها بعيد الاستقلال السودانى تعاطفا مع اهل غزة، نفس هذه الجالية لم اسمع بانها الغت اى منشط لها من قبل تعاطفا مع اطفال دارفور او جنوب السودان، و هذه الجالية ليست نسيج فى ذلك وحدها انما هى حالة عامة. بس دخل لى القصة دى فى راسى.

عارف يا بكري لو كان اللوم شكلو كده كان معليش

لكن في ناس ضد فكرة التعاطف مع غزة عديل و ده المحيرني

كلامك وقع لي

فاضلابي يا اخي عشا من قرأ لك غاطس يعني؟؟؟

ومعليش ما شفته البوست ده الا آخير.

برضك ناطي في الفيم ده؟؟؟؟


طيب نجي للحق وين هو؟؟؟؟

وليه لم تناصر الحق في الكنغو؟؟؟

انا شخصيا لم اناصره لاني مشغولة بقضية صمت عنها الكثرين من ابناء وبنات وطني؟؟

وبما اني لم اجد زمنا للتحدث عن ضحايا العنف السياسي في الكنغو فانا لا وقت لدي لفلسطين؟؟؟



سميتنى مفتشة ضمائر بالله هو في ضماير هنا؟؟سبحان الله؟؟؟

منو ديل العندهم ضماير؟؟ناس القلب النابض وفرانكلي؟؟؟
ولا ناس حلل المحشي؟؟؟ولا ناس هلال مريخ ؟؟؟
ولا جعلين بروكلين؟؟؟
اعصر لي المنبر ده غير اقلام محدودة
البحرص على تناول الوجع السوداني كل يوم منو هنا؟؟؟؟


وبعدين يا فاضلابي كلام ابوبكر صحيح وياهو القصدناهو
مافي زول قال لناس غزة موتوا ولا زول قال اقتلوهم
ولكن قلنا لنا قتلانا وكل يوم....وحسه واثناء صراع غزة
هذا لازال القصف هنالك مدور
عايزنا نطنش داك وياخدونا الفلسطنين في دوكه؟؟؟؟؟


دوكه ماخديننا فيها من 50 سنه؟؟؟

فاضلابي انت مفروض تعقل الدراويش ديل
مش تتطرطش معاهم.سؤالي لك كم فلسطيني عندك في السويد احتفل براس السنه؟؟؟
وكم واحد سهر وهيص و السودانين ديل ينبحوا هنا؟؟؟؟


يازول عندنا تخفيضات وربما مثلها عندكم بتحصل بعد الكريسمس لو شفت الفلسطينين كيف
بيتسوقوا تستغرب؟؟؟الدنيا لهم سمحه وعامره وبكره احلى وديل فاتحنها مناحة هنا!!



اخطر حاجة يا فاضلابي صمت امثالك ونطقهم بغير الحق.

لعلمك فلسطين دي انا خدمتها بما يكفي
خليهم يقدموا لشعبي ربع القدمته لهم من عمري سابقا.
ولعلمك اشتغلت في مخيماتهم وعملت على تاهيل ذو
الاحتياجات الخاصه عندهم, ومتأكده ان سودانين
كثر مثلي......تعال وريني هم علموا لينا شنو؟؟؟


بيان ما بيكلف غير المداد البيكتب بيه جيبوا لي لو يوم اصدرهوا
حول الشان السوداني؟؟؟واوع تفتكرهم مشغولين بحاجاتهم
لا يا استاذ لهم بيانات كثر في شؤن عربيه مختلفه
لكنهم ما مقتنعين انه السودان ده ذاته ليه علاقة بيهم.



فاضلابي عيب راجل فنان زيك ويفترض شفاف يظلم الناس بهذه البساطه
وزي ما قلت لك دي المرة الثانيه تكتب لك بوست يتصدره اسمي
واعرف دوافعك لا فلسطين ولا بطيخ بس صاري لي حاجات في راسك ده
ودوافعها جعليتك الطايره لك فوق راسك ده ولا شيئ آخر.


دروس العصر دي آخر ما احتاجها منكم
كل زول فاتح حلقومه تراجي ..تراجي
ابيت!!!!

وعلى فكره كتابتنا دي جابت مريسة تامزينه قويه خلاص
وناس كثر فتحوا عيونهم وبطلوا يقبلوا طلمسة الوعي البيقودها
عروبي السودان يسارهم ويمينهم وليبرالينهم كمان آخير!

فاضلابي
جراح الكنغو ساخنه ودمائهم سايله ليها سنين
اعرف عنها واوقع حولها تضامنات كثيره
وولكني لم اجد زمنا لها واعتقد اهلها اولى بها مني
وجهدي لا يكفي قضايا وطني فكيف اهاجر لهم؟؟؟؟


فلماذا تريد مني تسليط قلمي لقضايا غزة
بل ولماذا تريد ان تلجم قلمي عن تبصير اخوتي بان ما
يحدث ليس لنصرة غزة وانما تعمد تغبيش وعي متعمد
من صفوة ترغب في استمرار الهائهم
بقضايا غيرهم عن قضاياهم المشتعله؟؟؟؟

تراجي مصطفى

كتر خيرك على الرد الطويل و على زمن كتابته

و أبدا ما درس عصر زي ما قلت .. أنا لسة بتعلم يا تراجي و ما أظني عند القدرة ولا الحق أدي زول تاني درس عصر

منو القال ليك أنا ما ا شتغلت للكنغو؟؟ و للحرب في جنوب السنغال و ضد عمالة الأطفال في أسيا و أفريقيا و من أجل مفقودي الحرب

ده كلو عملته يا تراجي لكن ما بحكيه لأنه ما عملته عشان أحكي بيه للناس

مشكلتي معاك يا تراجي ما عدم إهتمامك بغزة ولا إهتمامك بالسودان

مشكلتي معاك تحريمك لتعاطف الناس مع غزة ..

تاني أقول ليك.. الموت وشه واحد يا تراجي و الناس هم الناس ..

أما سؤالك عن أصحابي الفلسطينيين فهم في غاية الحزن الآن و لم أشاهدهم يشترون في موسم التخفيضات كما توقعت و لكنهم مشغولين بإعداد و تنظيم التظاهرات في أوسلو

و أزيدك من الشعر بيت .. عندي صديقتين .. واحدة إسرائيلية من عرب الداخل و الثانية إسرائيلية يهودية .. رأيت كليهما في التظاهرات لأجل غزة هنا في أوسلو

ما في زول قال مشكلة دارفور انتهت ولا في زول قال فلسطين أحق من السودان بشغلنا

بس ما تمنعي الناس من التعاطف مع غزة و أهلها في محنتهم.

لو شفتيني بتبرع لدعم غزة قبال ما أتبرع لمعسكرات النازحين في دارفور لوميني .. لكن لو قلت البحصل في غزة ده غلط و لقيتك زعلتي أنا البلومك

Quote: لكن الكلام لفت اٍنتباه ليكم يا سودانيين،

شكرا مفتشي الضمائر و حرس النوايا!




------
ابومدينة اشواقنا

سعد

تحياتنا و تحيات مدينة لعمها

فاضلابي .. قاصدك طبعآ .. في زول مقدم طلب براءة غيرك هنا؟..

تهديد تراجي لبقال هرشك ..

دق القراف خلي الجمل يخاف

Quote: أوقن تماما أنني أفريقي هوية

بلا بلا بلا...

Quote: يؤلمني ما يحدث بدارفور

بلا بلا بلا...

Quote: شكرا لإسرائيل

بلا بلا بلا ...
.
.
.
هاك القرائن دي ..

هرشني شنو يا منير

أنا مارق للدواس هنا

إنت بتفهم بياتو محلة

و الكلام عن غزة ما عن الفاشر

الفهم قسم

فاضلابي ..
تراجي شنو ياخ الـ الواحد يقعد يشرح ليها ويفهمها مواقفه ومشاعره الشخصية !! .. اشمعني بس اخترت تراجي؟؟.. يعني هي البتقول ده صاح وده غلط وبتقرر شنو الصاح وشنو الغلط ؟؟ !!! .. دي أساسآ لرقبتها ما عارفة الصاح من الغلط .. زولة عنصرية مليانة عقد .. تجي انت تشرح ليها لماذا تتعاطف مع هؤلاء ومقدم حيثيات افريقانيتك وتعاطفك مع دارفور وشكرك لاسرائيل في شكل ساتر؟؟ .. تراجي شنو الساوي ليها راس وقعر ..

صدقني ده كله ما بيحلك .. ممكن لغاية الآن يعتبروك مناضل ومتعاطف وجلابي حقاني ومرتد عن الاسلام وبتحب اسرائيل وأي حاجة تختك تحت عباءة رضاء تراجي .. لكين يومك التطلع من العباية دي حتاخد بالشلوت زيك وزي بقال ..

يا مان شيل ألف جنيهك و أنزل .. الأمجاد دي ما ماشة محل ما إنت قايلها ماشة

قدامك الأرشيف كلو.. مرق لي منه مواقفي الفوق دي جديدة و بدت الليلة..

أنا بختلف مع تراجي في الكتير لكن البلمني بيها أكتر من البلمني بيك

يا مان تصحبك السلامة .. خليناك ..

chـاو

التحيه للكل هنا
ياجماعة المشكله ما تراجي المشكله نحن نحاول نحاور بعض نصل لحلول في كل قضايناونكون موضوعيين وكمان منسي انو صاحب بوست مفروض يكون عفيف لسان

Thanks Fadhlabi

الاستاذ فاضلابى


تحيات طيبات

الفكرة سمحـــة

اى واحدــد فينا بيمارسها على مستوى من المستويات ..

كدى فتش عنها فى البيت المكتب الاسرة الصغيرة والكبيرة


(( ما مهم تختلف او تتفق مهم الوعـــــى بالظاهرة ( حراس الضمائر ) ...

Quote: يا بكري تراجي بقت أصعب من ناس الجبهة .. بقت مفتشة ضماير عديل كده

_________

او كما قال بدر الدين اسحاق

شكرا بدر الدين على المرور و التعليق

.....

......

شكرا فاضلابي على هذا الكلام المتقدم.
ما أؤمن به هو أن المرء حين يختار أن يكون ضد آلة القتل ضد الظلم والحيف ومع دموع الأطفال الأبرياء وآهاتهم وعذاباتهم، لا يمكن أن يكون انتقائيا.
الألم هو هو في دارفور وفي غزة حاليا وفي الكونغو وكولومبيا. للألم والعذاب الإنساني وجه واحد..أقسم وجه واحد.
تعاطفي اللامتناهي مع عذابات دارفور واصطفافي مع أطفال ونساء وشيوخ دارفور يزيدني تعاطفا واحساسا بألم أطفال غزة.
تخيّل مثلا أن مناضلي حركة التحرير الفلسطينية في السبعينيات مثلا يختارون دعم نظام الأبارتايد في جنوب إفريقيا أو يختارون الصمت أو حتى يتجاهلون ما كان يجري في جنوب إفريقيا.

Quote: يؤلمني ما يحدث بدارفور و أتمنى زوال الظلم عن أهلها و محاكمة الجناة و توحد كلمة و قلوب أهلها مرة أخرى و يؤلمني ما يحدث بفلسطين و أتمنى زوال الظلم عنهم .. هذا لا يلغي ذاك

و يؤلمني أن حجم الأهتمام بما يحدث في دارفور لا يساوي حجم الأهتمام بما يحدث في فلسطين...وهذا لا يقل عن ذاك.
حكمة اليوم
لا نحلم بالمساواة كاحياء لكن نتمني المساواة كأموات