اليكم يا متطرفي المنبر...

الواحد فشفاشو قرب ينقد من البيحصل هنا وده لعدة اسباب...

اولا: تطالع المنبر تلقي واحد فاتح ليهو بوست بيتضامن مع الابرياء في غزه الانتهكت حرماتهم وقطعت اشلاءهم دولة البغي والاحتلال...دوله يتحكم فيها اناس لا ينامون الا عندما يرون دماء اطفال تراق وارجلهم متناثره الي اشلاء هنا وهناك وبقية اجسادهم تقبع في بركة دماءهم...فجاءة ينط ليهو واحد متطرف يقول ليهو خلي يقتلوهم وليه تضامن معاهم لانو حماس هي السبب في قتلهم...او لانهم عرب خلي يقتلوهم وليه تقيف معاهم لانو انت اصلا ما عربي وشعرك (قرقدي) ويروح مطلع البوست من مضمونه...وينط متطرف تاني يجي (حاشر) ليهو ماساة دارفور في النص كده بس لله...ويروح شاتم سنسفيل ابو اهله ويقول ليهو حصل شفت فلسطيني بيتحدث عن ماساة دارفور...وبيكون هو ما عارف ان هناك فلسطينون يتحدثون عن ماساة دارفور اكثر من السودانيين انفسهم وبيتحدثوا في المؤتمرات وبيجمعوا فلوس وغيرها من المعينات...ده كله ما بيراه المتطرفين...لانهم بيشوفوا بعين واحده (الدجال بس) والممغس اكتر يقول ليك بيوتهم (سمحه) خلي يهردموها ليهم!!!!

شعب وفصائل بغض النظر عن اتفاقنا او اختلافنا في تعاطيهم لشئونهم الداخليه لكنهم ارتضوا ان يناضلوا من اجل انتزاع حقوقهم وطرد الغزاه من اراضيهم...شخص بيغتصب ارضك وبيمنع منك الدواء والغذاء وبيحيل ارضك (المترين دي) لسجن كبير ح تعمل ليهو شنو...تربع يدينك وتعاين ليهو ولا بتقاوم انشاءالله بقزازه مكسوره عشان تعيش كريم ولا تموت كريم... دوله بتقتل حتي الاطفال قبل الفطام... دي يسموها شنو!!!!


ثانيا: واحد فاتح بوست بتضامن مع الاطفال والعجزه واللاجئين والجرحي في دارفور وبيفضح في حكومة الدجل والشعوذه والقتل وسفك الدماء وفي نفس البوست بيفند في ادعاءات الحكومه الكاذبه يجي واحد متطرف داخل في نفس البوست ويقول ليهو دي دعايات غربيه وصهيونيه وانت خاين وعميل وصاحب الجن الاحمر ويشتم ليك في سنسفيل ابو اهله ورايح (مسربع) بالبوست!!! والانكي والامر انو المتطرف ده يكعوج لسانه ويحاكي لغة ناس دارفور او يفتح بوست ويقول اقتلوهم لانهم حشرات ويركب مكنة زول (ابيااااض) زي صورة (جيسس) وهو ماعارف نفسو انو مافي فرق بينو وبين كيس (الصعوط) لا في الريحه لا في اللون .... واللبيمغس اكتر انو المتطرف ده تلقاهو نشط في بوستات الادانه والشجب اذا حصلت حاجه برات السودان...واصلو ما بتلقي ليهو ادانه لحكومة القتل والدمار...حكومه بتقتل شعبها بترسل ليهم حمم من السماء حكومه بتفرق بين شعبها علي اساس السحنة وقشرة الجلد البره...حكومه بتفرق بين شعبها بسبب الجهه والجنس وبتضرب شعبها ببعض عشان تتحكر في السلطه ...دي يسموها شنو!!!!

حكومه بتفصلك من مكان عملك او دراستك وبتحاربك في اكل عيشك وبتحرم اطفالك من شتي مقومات الحياه وتحيل بلدك وحلتك الي سجن كبير... وبتقتل امالك واحلامك في وطن تتساوي فيه مع الجميع بغض النظر عن لون قشرتك البرانيه...تعمل ليها شنو...تربع ايدينك وتعاين ليها...ولا تناضل بالوسائل المتاحه لازالتها وكسر جبروتها حتي لو بالشخبطه في الحوائط اوالجرائد وده اضعف الايمان...



يا متطرفي المنبر...الموت والقتل وسفك الدماء سواء كان في غزة في دارفور في شندي في كجبار في ابيي واحد... الادانه يجب ان تكون لا لقتل النفس في اي مكان في العالم...مش عن طريق رفضه اوارتضائه هنا وادانته اوارتضائه هناك...المبادئ لا تتجزأ...والا انو الشخص يكون عيان عشان يهلل لاشلاء طفل في غزة ولا مخيم كلما بدارفور...


حكومة الجبهه بالسودان بتقتل الاطفال والعجزه والابرياء في دارفور وحكومة الاحتلال الاسرائيلي بتقتل الاطفال والعجزه والابرياء في غزه...ما الفرق بينهما يا متطرفي المنبر....!!!!!





___________________________________

المعروف ان المتطرف لا يعرف بانه متطرف...لان الاحساس بالاخر متعطل ودائما يري انه الاصوب دائما...فمثلا لا يستطيع ان يستوعب ان ادانة العنف وقتل النفس البريئه التي لا تتفق مع مبادئه...

يعني غالبكم تدينوا سفك دماء الابرياء في غزه ولا دارفور مع بعض... فقاتل اطفال غزه ظالم ومعتدي اثيم وقاتل اطفال دارفور معتدي اثيم...

وعشان شنو يقارنوا بيناتهم الاتنين.... هل قتل ابرياء غزه اطفال دارفور ام قتل لاجئ وعجزة دارفور ابرياء غزه...!!!!!

دكتور السنوسي يا صاحب..
نعم هم كذلك، وكما وصفتهم..
جهل وجهل مضاد..
__
فرّج الله كربة أهل دارفور وأهل فلسطين..

العزيز ياسر... سعيد لمرورك

Quote: نعم هم كذلك، وكما وصفتهم.. جهل وجهل مضاد..

والله الواحد بطنو طمت...الواحد عشان يثبت للتانين انو هو مناضل او موالي لحكومة القتل يقوم يبقي متطرف...ويسربع بالبوستات ويوزع صكوك النضال يمين وشمال...ويقسم الناس علي كيفو...ويبقي زي بتاع نحن دعاة وقضاة داك...يا معانا يا ضدنا... وديل هم الاخطر علي اي ديمقراطيه قادمه حتي لو كانت علي جمعيه ادبيه...

تعرف يا ياسر الجاهل المركب مكنة ابو العريف والفنجري ابو جيبين سواء كان عندو علامة صلاه في راسه ولا عامل فيها ملحد هم اخطر انواع البشريه علي الاطلاق ...ديل يا ياسر تلقاهم بيخلطوا اي شي ببعضه اي شئ عندهم سياسه وحاصل القسمة مع او ضد...وللاسف سودانا ده ملئ بهؤلاء...

وكان الله في العون...

السنوسي بدر لك التحية

نعم من حيث المبدا يجب ان تلقي فكرة الظلم وانتهاك الحقوق ذات الادانة

اياكان زمانها ومكانها وايا كان الذين مورست في حقهم,ولكن اي في قضية

هنالك اولويات لابد من ترتيبها بعناية , وتبعا لهذه الاولويات لن يكون

احساسنا بالقضايا واحد ان اردنا الامانة والصدق مع الذات ,فمهما كانت

درجة النبل والمبدائية مرتفعة لدينا, فمحال ان يكون دم الغريب و دم

اخيك سواء او قلب الغريب وقلب اخيك واحد الا اذا اردنا المراوغة

والالتفاف علي تجربتنا الاجتماعية الماساوية ,منذ ان اعتمدنا العروبة

والاسلام كركيزتان اساسيتان بل ووحيدتان للمواطنة,وهذا هو الاساس الواعي

وغير الواعي لمعالجة قضايا التهميش وللمواقف المشحونة بالرواسب

المجتمعية من ذوي الاصول غير العربية, وتلك مسالة لاتجدي معها الفهلوة

والاستهبال ومحاولات الهروب للامام, اذا لابد من خلق وعي تاريخي بالتجربة

السودانية, التي ربما لاتماثلها تجربة شعب اخر من حيث الارتباط

الوجداني والتعلق المرضي بالغيرومحاربة مكونات اصيلة فينا,جغرافيا

وتاريخ ولغةومصير وتراث وجينوم.

لذلك ليست مصادفة ان العالم لم تكن تشغل باله ماساة انسانية اكثر

من تلك التي تجري في دارفور وقبلها في الجنوب ,بينما تجد اقواماعندنا

لم ينشغل فؤادهم باكثر من التشكيك في الوقائع والاحداث, رغم ان الحقائق

تكاد تفقا قرص الشمش من سطوعها, لذا فالدم ليس واحد ولاينبغي له ان

يكون. ياخ ده حتي الماثور السوداني ( علي رداءة الكثير من ماثوراتنا)

يقول : انا واخوي علي ابن عمي وانا وابني عمي علي الغريب.

العزيز هشام عثمان...لك التحيه وسعيد بمرورك...

Quote: نعم من حيث المبدا يجب ان تلقي فكرة الظلم وانتهاك الحقوق ذات الادانة اياكان زمانها ومكانها وايا كان الذين مورست في حقهم,ولكن اي في قضية هنالك اولويات لابد من ترتيبها بعناية , وتبعا لهذه الاولويات لن يكون احساسنا بالقضايا واحد ان اردنا الامانة والصدق مع الذات ,فمهما كانت درجة النبل والمبدائية مرتفعة لدينا, فمحال ان يكون دم الغريب و دم اخيك سواء او قلب الغريب وقلب اخيك واحد الا اذا اردنا المراوغة والالتفاف علي تجربتنا الاجتماعية الماساوية ,منذ ان اعتمدنا العروبة والاسلام كركيزتان اساسيتان بل ووحيدتان للمواطنة,وهذا هو الاساس الواعي وغير الواعي لمعالجة قضايا التهميش وللمواقف المشحونة بالرواسب المجتمعية من ذوي الاصول غير العربية, وتلك مسالة لاتجدي معها الفهلوة والاستهبال ومحاولات الهروب للامام, اذا لابد من خلق وعي تاريخي بالتجربة السودانية, التي ربما لاتماثلها تجربة شعب اخر من حيث الارتباط الوجداني والتعلق المرضي بالغيرومحاربة مكونات اصيلة فينا,جغرافيا وتاريخ ولغةومصير وتراث وجينوم. لذلك ليست مصادفة ان العالم لم تكن تشغل باله ماساة انسانية اكثر من تلك التي تجري في دارفور وقبلها في الجنوب ,بينما تجد اقواماعندنا لم ينشغل فؤادهم باكثر من التشكيك في الوقائع والاحداث, رغم ان الحقائق تكاد تفقا قرص الشمش من سطوعها, لذا فالدم ليس واحد ولاينبغي له ان يكون. ياخ ده حتي الماثور السوداني ( علي رداءة الكثير من ماثوراتنا)

ده كلام جميل وبيفتح ابواب ارحب للنقاش...ح اجيك ليهو براحه...

Quote: يا متطرفي المنبر...الموت والقتل وسفك الدماء سواء كان في غزة في دارفور في شندي في كجبار في ابيي واحد... الادانه يجب ان تكون لا لقتل النفس في اي مكان في العالم...مش عن طريق رفضه اوارتضائه هنا وادانته اوارتضائه هناك...المبادئ لا تتجزأ...والا انو الشخص يكون عيان عشان يهلل لاشلاء طفل في غزة ولا مخيم كلما بدارفور

تحياتى اخى السنوسى بدر ،اتفق معك فى كل ماقلته مائه بالمائه، وللاسف الشديد ظاهرة غريبة من مجموعة محددة ،عايزة تفرض على الاخرين راى معين وتحدد ليهم يتضامنو مع منو اويدافع عن منو وكاننا اصبحنا اطفال منتظرين التوجية من زيد او عبيد او تكون طوالى عنصرى والى اخر صفاتم البيوسمو بيها الاخرين، جد حاجة مؤسفة ومخجلة وللاسف الشديد هم اصبحو هم كبير على قضية دارفور العادلة ...

تســلم يارب ...

العزيزه ماجدة سعيد بمرورك واتفاقك معي...

Quote: اتفق معك فى كل ماقلته مائه بالمائه، وللاسف الشديد ظاهرة غريبة من مجموعة محددة ،عايزة تفرض على الاخرين راى معين وتحدد ليهم يتضامنو مع منو اويدافع عن منو وكاننا اصبحنا اطفال منتظرين التوجية من زيد او عبيد او تكون طوالى عنصرى والى اخر صفاتم البيوسمو بيها الاخرين، جد حاجة مؤسفة ومخجلة وللاسف الشديد هم اصبحو هم كبير على قضية دارفور العادلة ...

...
تعرفي اختي ماجده...التطرف صفه لا يعترف بها المتطرفون...لانهم متطرفون ... وبيسعوا لتفريخ اي شئ جميل من معناه...فمثلا قضية فلسطين اية هو الرابط بينها وبين دارفور مثلا غير انهم الاتنين شعوب بتعاني من بطش القتله والظالمين...والمتطرفين هنا في المنبر بيمزجوا بينهما مزج عجيب وغريب... بل الانكي والامر اقحامهما في سجال لا طائل منه علي الاطلاق...فاطفال وابرياء غزه الذين سالت دماءهم لهم رب يحميهم وسينصرهم علي من ظلمهم...وكذلك لاطفال وابرياء دارفور رب يحميهم وسيزلزل الارض علي من ظلمهم ....

ولان المتطرفين لا يستوعبون الادانه لكل الاطراف فهم يعانون من مرض عدم اتزان المواقف فيطفقوا الي تفريغ البوستات من معانيها تارة بالشتم وتارة بالتخوين وتحت دعاوي انك عنصري وانك ايه وايه.... وبالتالي تفريغ القضية برمتها وشخصنتها وتحويلها الي مع وضد...

اذا في واحد فلسطيني شتم او تعنصر تجاه احدهم هذا لا يعني ان يهلل احدهم لضرب الابرياء منهم...لان الالاف غير هذا السفيه... يحبون السودانيين ومتزوجين منهم...والاكبر من ذلك ان دماءهم المراقه هي دماء بشريه...والانسان اخو الانسان لا يفرح للموت احد وخاصة اذا كانت بشعا كما راينا...ولكنهم المتطرفون...!!!!!

قضية دارفور هي قضيتنا الاولي وقضية كل شعب السودان الاولي وستظل الي ان يتم حلها ولن يتم مزجها ضد اي من قضايا المقاومه والتحرر في العالم حتي لو اراد المتطرفون والرادكاليون ذلك...


فشعب السودان رفض الظلم لنفسه وحتما سيرفضه لغيره...

ولك كل الود...

السنوسي تحياتي لك وكل الأعياد مباركة ..

مثل ما قلت القتل هو القتل في أي مكان هو نفس الجرم ..د
الإدانة للجرم يجب أن تأخذ وجهاً واحداً ..

ودي لك ..

العزيز مجاهد عبدالله....سعيد بيك وانت هنا

Quote: الإدانة للجرم يجب أن تأخذ وجهاً واحداً ..

نعم فالموت وسفك الدماء لا يفرح احد بهم ولا يجب ان نبحث اعذار للذين يسفكون دماء الاخرين وخاصة الاطفال...











____________________________________
وكل راس سنة انت ومن تحب بالف خير...

الأخ السنوسي
تحية واحتراما
أولا بالتبادي ندين معك بدون فرز قتل الأبرياء في كل مكان.
ثانيا: اتفق معكم وأنت تشخص حال التطرف في المنبر أو السودان.
والتطرف في تقديري رغم أنه قناعات شخصية ربما يزول يوما بزوال السبب أو زيادة درجة الوعي.
فقط لي ملحوظة فيما أوردتموه في التالي:

Quote: والانكي والامر انو المتطرف ده يكعوج لسانه ويحاكي لغة ناس دارفور او يفتح بوست ويقول اقتلوهم لانهم حشرات ويركب مكنة زول (ابيااااض) زي صورة (جيسس) وهو ماعارف نفسو انو مافي فرق بينو وبين كيس (الصعوط) لا في الريحه لا في اللون ....

يا أخي أخشى ما أخشاه أن يجركم الاقتباس أعلاه ويضعكم في خندق واحد مع المعسكرين اللي أوردتهم فوق.
سؤال، أرجو أن تجاوب عليه بصراحة، هل تستطيع كشخص له مكانته في المجتمع الإنجليزي أن تقول مثل هذا الكلام على ملأ من الناس؟
اعتقد ما حيفوت على فطنتكم أنو لو كنت وزيرا في بريطانيا وقلت هذا الكلام في منبر عام بالتأكيد حيكون هذا الكلام خاتمة أحاديثكم في منبر رأي عام. فضلا عن الاعتذار الذي يبغضه السوادنيون ( ما يديك درب).
أوردت هذا الكلام فقط لأذكركم في إطار ظني أنه ربما قد سقط عنكم سهوة في زحمة المشغوليات والحماس السوداني الزائد.
وأذكركم لأني أتوسم فيكم خيرا في التغيير. والتغيير في اعتقادي يبدأ من هنا لأنه دا مرحلة الأساس.
تحياتي وتقديري

ياود بدر سلامي وتحياتي ..
ادعو الله ان يوقف الدماء في كل مكان ويوقف الاحقاد ويصفي النفوس ..
ويجعل بلادنا آمنة ويسلم كل بقاعها ..
ويهدي اهلنا جميعاً للسلام والمحبة ..
اسأل الله أن يفرّّج عن أهل غزة وهم يواجهون الموت من كل مكان ..
اسأل الله أن يجعل كيد اليهود في نحورهم ..
أخي السنوسي بدر كل احتراماتي ..

آليات الحوار ليست جزء من ادبياتنا
و لو رجعنا الي كيف تدار امورنا
علي مستوي الفرد و الجماعة تجدها تجسد
حركة الحوار المجتمعي
الاكبر سنا و الاكثر مالا لهم ريادة الطريق
لا قياس بقدره او فهم و مشروعية المال
وجاءت فترة التعليم لتعطي الولد المتعلم
حق مجالسة الكبار و قراءة وكتابة رسائلهم
وجاءت فترة المغترب ابوجلابيه نضيفه
واهلنا علي استعداد ان يعتبرونا رواد
لمجرد اكتساب اضافه نوعية مظهرية
وهندما جاء الظلم والجور من الحكام
صار من له حق الرياده هو من يجلب
الاغاثه
ولكي تستمر الرياده الجديده و الزعامه الجديده
لابد ان تستمر الاغاثه

Quote: اولا: تطالع المنبر تلقي واحد فاتح ليهو بوست بيتضامن مع الابرياء في غزه الانتهكت حرماتهم وقطعت اشلاءهم دولة البغي والاحتلال...دوله يتحكم فيها اناس لا ينامون الا عندما يرون دماء اطفال تراق وارجلهم متناثره الي اشلاء هنا وهناك وبقية اجسادهم تقبع في بركة دماءهم...فجاءة ينط ليهو واحد متطرف يقول ليهو خلي يقتلوهم وليه تضامن معاهم لانو حماس هي السبب في قتلهم...او لانهم عرب خلي يقتلوهم وليه تقيف معاهم لانو انت اصلا ما عربي وشعرك (قرقدي) ويروح مطلع البوست من مضمونه...وينط متطرف تاني يجي (حاشر) ليهو ماساة دارفور في النص كده بس لله...ويروح شاتم سنسفيل ابو اهله ويقول ليهو حصل شفت فلسطيني بيتحدث عن ماساة دارفور...وبيكون هو ما عارف ان هناك فلسطينون يتحدثون عن ماساة دارفور اكثر من السودانيين انفسهم وبيتحدثوا في المؤتمرات وبيجمعوا فلوس وغيرها من المعينات...ده كله ما بيراه المتطرفين...لانهم بيشوفوا بعين واحده (الدجال بس) والممغس اكتر يقول ليك بيوتهم (سمحه) خلي يهردموها ليهم!!!!

صدقت والله يا دكتور بدر ..

أصبح البعض هنا مصدر أذى إضافي للنفوس المكلومة لما يتعرض الأبرياء في غزة على أيدي اليهود ..

Quote: يكون. ياخ ده حتي الماثور السوداني ( علي رداءة الكثير من ماثوراتنا) يقول : انا واخوي علي ابن عمي وانا وابني عمي علي الغريب.

شوف زي دا مثلاً ما حافظ كلمات المثل لكن ما عارف أين يوضع !!!!!!!!!!!!!!!!!
هل أهل غزة هم من يقاتلون الآن في دارفور حتى يتضامن السودانيون مع أبناء عمهم في درافور؟؟!!!
هل من يسمونهم بالجنجويد فلسطينيون؟؟!!
وهل التضامن مع أهل غزة يتعارض مع التضامن مع أي مظلوم آخر في هذا الكون؟؟


إن كان لمتسكعي دارفور في الغرب عقول حرة التفكير .. فلينظروا إلى تناقض اليهود .. ففي حين توهمهم بأن قلبها مع الدارفوريين من منطلق إنساني .. فها هي الآن تقتل وتحرق وتدمر في البشر دون تمييز ..

تحية وتقدير،،،

جاد

JAD


حاول اعادة قراءة الجزء الذي اقتبسته كحلقة متصلة مع الفقرة السابقة

له وتلك مسالة يسيره ولاتحتاج لكثير ذكاء وبعدها ستجد ان المعني

المراد واضح بذاته self-evident ولكن لا عليك ان حاولت جادا ومخلصا

وتعذر عليك الفهم والاستيعاب واشكل عليك هذا الامر البسيط, فساحول

ان اتولي الشرح رغم ضيق وقتي وذلك لاشتغالي بامر مهني عظيم, لكن

مامشكلة طالما في كل كبد رطب اجر

الأخ السنوسي ....

الحقيقة لا أدري هل يشعر المنادون بالحرب بفظائعها ؟؟؟

ذكرت قبلاً في بوست غريب عن من الأحق بالتعاطف ....


الحق لا يتجزأ .....

وكل من يشعر بأن هناك قتل افظع من اخر ...عليه مراجعة انسانيته .... ( القتل واحد ) ...لا فرق ...

مودتي

اسامة .... ( مجموعة لا للحرب نعم للسلام )

الأخ بدر السنوسي

أتفق معك في معظم ما ذكرت أو كله ,

من أسهل الحاجات عندنا انو الواحد يصف التاني بانو ما بفهم وانو وانو ...

ياخي حتي بعض الناس الحاولوا يعبرو عن رايهم بأدب تجي تلقي واحد ناطي يقوليهم ياخونة ويا ...

بعض الناس بيدوا نفسهم حق انو يحددوا للاخرين حجم انفعالهم بالقضايا , يعني تلقي واحديسألك في البوست بتاعك أو حتي يفتح ليهو بوست

مخصوص عشان يسألك رايك شنو في كدا أو كدا , رغم أنو رايك انت كشخص دا ما ح يغير أي حاجة علي واقع الأرض ,


بالطريقة دي المنبر بدا يتحول من ساحة للأفكار والنقاش حولها لي ساحة للنبذ والكواريك .


غايتو ربك يسهل !

الاعزاء:

عمر ساكن
محمد ابراهيم عثمان
عثمان رغيم
جاد
هشام عثمان
اسامه محمد
الوليد محمد الامين

وكل سنه وانتو طيبين

حتما ساعود اليكم تباعا....لكم من الشكر اجزله وانتم تثرون الحوار...


بدر السنوسي..

اخي بدر

قتل المدنيين الابرياء في غزه لن يضمن السلم لاسرائيل ولن يحقق الامن لها.

علي كل القوي المحبه للسلام العمل بكل الوسائل لايقاف الحرب والعقاب الجماعي لحوالي مليون ونصف مليون فلسطيني

في قطاع غزة ورفع الحصار الاقتصادي عن القطاع, وتحقيق الهدنه بين اسرائيل وادارة حماس في غزه كخطوه اولي لاعاده مسيرة السلام في المنطقه. وبدء التفاوض لتحقيق طموح الشعب الفلسطيني المشروعة في انهاء الاحتلال, وازالة المستوطنات في اراضي 67, واقامه دوله فلسطينيه مستقله ذات سياده في الضفه الغربيه, قطاع
غزه, والقدس الشرقيه تعيش في سلام بجانب دولة اسرائيل في حدودها قبل 5 يونيو 67
المستفيد الاساسي من هذه الحرب الان هو قوي التطرف الاسرائيليه ممثله في ليكود, الاحزاب

الدينيه, وكتلة المستوطنيين وقوي التطرف الفلسطينيه ممثله في حماس, الجهاد

الاسلامي.

مع ودي وتقديري

اخي السنوسي
بوستك هذا من افضل ما ٌقرات في منبر سودانيز اونلاين منذ شهور
حقيقة ،انا جد حزينة لطريقة الحوار في المنبر و نوعية وشكل معالجة المواضيع المثارة و السطحية الشديدة السائدة التي لا تليق بمنبر تابعناه لسنين طويلة لما يتتميز به من مشاركات ذات قيمة لكنه بدأ يغرق رويداُ رويداً في ما لا احب.

لماذا احس بانه كان لهذا المنبر قيم حوارية بدأت في التفكك؟

Dears: Elmoiz Abunura and Nazik Eltayeb
Thank you for your contribution, I will be back soon





Till then

All the best and support for the Palestinians who struggle to get food, shelters and facing the death in the daily basis

أخى السنوسى بدر

ياخ فلنفترض إنو كل الفلسطينيين ما عبرونا فى مشاكلنا الحاصل فى السودان لشئ فى نفسهم عننا مثلاً...
أها ... هل ده بيعنى إننا نهلل فى مصابهم ونفرح شديد كده يعنى؟؟؟!!!
عشان الإنسانية بس موت الناس بالطريقة ده حاجة ما كويسة بتاتاً وما بيرضى زول نصيح كده.
وليه فى الأساس نبنى مواقفنا على مواقفهم ... هل ده بيورى نحن ما قاعدين نفكر اصلاً ... يعنى مواقفنا فى الأساس مبنى على رد فعل مضاد؟!


شئ يدعو للحزن بصراحة وحاجة مؤسفة بالجد.




شول اشوانق دينق
____________________
نقول الحق حتى الإرتواء
حال الصادق ليس الإلتواء
الموت حق لكن لم العداء
الجرم موثق والنظر يغض بإزدراء
لا يحق فى الإنسانية إستثناء
الله الخالق والبشر سواء

Quote: نعم من حيث المبدا يجب ان تلقي فكرة الظلم وانتهاك الحقوق ذات الادانة اياكان زمانها ومكانها وايا كان الذين مورست في حقهم,ولكن اي في قضية هنالك اولويات لابد من ترتيبها بعناية , وتبعا لهذه الاولويات لن يكون احساسنا بالقضايا واحد ان اردنا الامانة والصدق مع الذات ,فمهما كانت درجة النبل والمبدائية مرتفعة لدينا, فمحال ان يكون دم الغريب و دم اخيك سواء او قلب الغريب وقلب اخيك واحد الا اذا اردنا المراوغة والالتفاف علي تجربتنا الاجتماعية الماساوية ,منذ ان اعتمدنا العروبة والاسلام كركيزتان اساسيتان بل ووحيدتان للمواطنة,وهذا هو الاساس الواعي وغير الواعي لمعالجة قضايا التهميش وللمواقف المشحونة بالرواسب المجتمعية من ذوي الاصول غير العربية, وتلك مسالة لاتجدي معها الفهلوة والاستهبال ومحاولات الهروب للامام, اذا لابد من خلق وعي تاريخي بالتجربة السودانية, التي ربما لاتماثلها تجربة شعب اخر من حيث الارتباط الوجداني والتعلق المرضي بالغيرومحاربة مكونات اصيلة فينا,جغرافيا وتاريخ ولغةومصير وتراث وجينوم. لذلك ليست مصادفة ان العالم لم تكن تشغل باله ماساة انسانية اكثر من تلك التي تجري في دارفور وقبلها في الجنوب ,بينما تجد اقواماعندنا لم ينشغل فؤادهم باكثر من التشكيك في الوقائع والاحداث, رغم ان الحقائق تكاد تفقا قرص الشمش من سطوعها, لذا فالدم ليس واحد ولاينبغي له ان يكون. ياخ ده حتي الماثور السوداني ( علي رداءة الكثير من ماثوراتنا)

الأخ السنوشي بدر
لقد وعدت أن تناقش الأخ هشام عثمان عن ما كتبه أعلاة
فنحن في إنتظارك

تحيتي

Quote: يا متطرفي المنبر...الموت والقتل وسفك الدماء سواء كان في غزة في دارفور في شندي في كجبار في ابيي واحد... الادانه يجب ان تكون لا لقتل النفس في اي مكان في العالم...مش عن طريق رفضه اوارتضائه هنا وادانته اوارتضائه هناك...المبادئ لا تتجزأ...والا انو الشخص يكون عيان عشان يهلل لاشلاء طفل في غزة ولا مخيم كلما بدارفور...

الاستاذ السنوسي

شكرا علي البوست الجميل ده
كلنا مفروض ان نتضامن مع كل الضحاياء في اي مكان وباختلاف اجناسهم والوانهم وعقايدهم
واحترام بعضنا البعض وعدم السب واقول الكلام الهابط وتنفيس عن غضبنا في غير مكانة

لك كل الود والتقدير

سالي

السنوسي بدر


سلامات

وصدقني كان سيكون لبوستك مصداقيه اكبر لو فتحته اياما تقاعس هؤلاء المتعوربين
عن تسليط الضؤ على الموت الخاصل بدارفور,وبالمناسبه ليست دارفور وحدها لو كانت الحرب بالجنوب وكان وقتها يوجد انترنت لوجدت نفس الوجوه متجاهله لامواتنا.



السؤال اولا لمن نكتب نحن هنا؟؟؟
هل نكتب للمنظمات العالميه؟؟؟
هل صوتنا له اي تاثير غير في محيطتنا السوداني؟؟؟


اذن نحن نكتب لشعبنا لذا اممامنا مسؤليه تاريخيه
لها علاقة بهويتنا وبقصص آخرى وبغسيل الدماغ الاستمر سنين هنا
باسم الهويه العربيه.


لن نسمح ولن نصمت بتمرير هذه الرسائل من خلال ماساة شعب فلسطين.
هنالك ايادي معروفة واضح طرها يهمها توجيه الاعلام لغير قضايانا الاساسيه.


عشان كده القهورات الزي ديل كلامهم ما بيمر علينا؟؟؟؟؟

Quote: تحياتى اخى السنوسى بدر ،اتفق معك فى كل ماقلته مائه بالمائه، وللاسف الشديد ظاهرة غريبة من مجموعة محددة ،عايزة تفرض على الاخرين راى معين وتحدد ليهم يتضامنو مع منو اويدافع عن منو وكاننا اصبحنا اطفال منتظرين التوجية من زيد او عبيد او تكون طوالى عنصرى والى اخر صفاتم البيوسمو بيها الاخرين، جد حاجة مؤسفة ومخجلة وللاسف الشديد هم اصبحو هم كبير على قضية دارفور العادلة ... تســلم يارب ...

يا استاذو مجرد تسطير راي سميتيه عايزين يوجهوك
طيب لما انت قايدين التوجيه ده 50 سنه السالكم منو؟؟؟؟
حسه راجك الما بيخجل الفاتح جلقومه هنا من يوم دخول د.خليل ابراهيم للخرطوم
والفضح عنصريتكم يا من حاولتم التغيير بالسلاح من قبل وتستنكرون على خليل ابراهيم قتال نفس
الذين قاتلهم اخوك وجاي تقولي ما عنصريه؟؟؟؟


عنصريه...وعنصريه....وسنظل لكم هنا بالمرصاد.

ودارفور قبل فزو او سواها.

ويا السنوسي بدر لك نفس ما قلته لبيان العدل و المساواة
لما تصدروا بيانات عن قتلى الكنغو بعدين تعالوا قولوا لينا فلسطين.

Quote: عشان كده القهورات الزي ديل كلامهم ما بيمر علينا؟؟؟؟؟ Quote: تحياتى اخى السنوسى بدر ،اتفق معك فى كل ماقلته مائه بالمائه، وللاسف الشديد ظاهرة غريبة من مجموعة محددة ،عايزة تفرض على الاخرين راى معين وتحدد ليهم يتضامنو مع منو اويدافع عن منو وكاننا اصبحنا اطفال منتظرين التوجية من زيد او عبيد او تكون طوالى عنصرى والى اخر صفاتم البيوسمو بيها الاخرين، جد حاجة مؤسفة ومخجلة وللاسف الشديد هم اصبحو هم كبير على قضية دارفور العادلة ... تســلم يارب ... يا استاذو مجرد تسطير راي سميتيه عايزين يوجهوك طيب لما انت قايدين التوجيه ده 50 سنه السالكم منو؟؟؟؟ حسه راجك الما بيخجل الفاتح جلقومه هنا من يوم دخول د.خليل ابراهيم للخرطوم والفضح عنصريتكم يا من حاولتم التغيير بالسلاح من قبل وتستنكرون على خليل ابراهيم قتال نفس الذين قاتلهم اخوك وجاي تقولي ما عنصريه؟؟؟؟ عنصريه...وعنصريه....وسنظل لكم هنا بالمرصاد. ودارفور قبل فزو او سواها.

ونتحدث الان اللا وندى وغيره من اللغات الغير معروفه مسكينه حالتك تحنن

قصيدة حداثوية : هذه هى اسرائيل تعلن الاستيلاء على الامم المتحده!!

هذه هى اسرائيل

تستولى على العالم.

تتبول على حقوق الانسان،

فوق رأس الأمم المتحدة

تهز ردفيها،

ثم ترفع كتفيها،

مثل اله ظالم.

........
هذه هى أسرائيل النازيه

تستولى على العناية الالهية.

فتخر راكعة كل الدول العربية،

فمنذ القدم كان العرب ظاهرة صوتية!!

Quote: أخى السنوسى بدر ياخ فلنفترض إنو كل الفلسطينيين ما عبرونا فى مشاكلنا الحاصل فى السودان لشئ فى نفسهم عننا مثلاً... أها ... هل ده بيعنى إننا نهلل فى مصابهم ونفرح شديد كده يعنى؟؟؟!!! عشان الإنسانية بس موت الناس بالطريقة ده حاجة ما كويسة بتاتاً وما بيرضى زول نصيح كده. وليه فى الأساس نبنى مواقفنا على مواقفهم ... هل ده بيورى نحن ما قاعدين نفكر اصلاً ... يعنى مواقفنا فى الأساس مبنى على رد فعل مضاد؟! شئ يدعو للحزن بصراحة وحاجة مؤسفة بالجد. شول اشوانق دينق

كلام سليم أخي شول .. وهو كلام قال به كل ذو تفكير متزن ..

أحييك يا رجل .. وكل عام وأنتم بخير ..


جاد

our God Israil Breakout,
will kill all in sight
Mother UN Must keep Polite

الاخوات والاخوان الاعزاء:
شول اشوانق دينق
Kostawi
salee
Tragie Mustafa
ماجدة عوض خوجلى
Abuelgassim Gor
JAD

بجيكم راجع...بس والله مزنوق زنقة غسال يوم الوقفه...

قبل ما امرق:

العزيز كوستاوي...ياخي والله مداخلة اخوي هشام عثمان دي عميقه جدا وتحليليه وشحمانه جاي ليها بس انتظرني...باقي اخوك الايامات دي متلحنو...




* يا تراجي يا اختي ما قلنا ما دايرين شكل (في البوست ده)....انت مالك عامله زي جورج بوش يصالحوك مع ده تنطي في التاني...بجيك لمداخلتك... بس اخوك اليومين ديل البدو حالفين الا يدبلوا ليهو بس ما جلابيه ما تخافي