Post: #1
Title: المريخ يصرف النظر عن الأمريكى ويختتم تسجيلاته بثلاثى الشباب
Author: Adam Mousa
Date: 12-30-2008, 05:55 PM
Parent: #0
اكدت متابعات قوون الدقيقة للاحداث بان مجلس المريخ قد وجه لجنة التسجيلات باكمال تسجيلات الخانات السنية الشاغرة بعد انتهاء مدة
الثنائي حسام سنار واحمد حسن وشطب عبد المنعم كاكا حيث رصدت لجنة التسيجلات الثلاثي ماجد علاء الدين هداف الرابطة الامدرماني ومنتخب الشباب ومنتخب كلية الهندسة والعمارة بجامعة الخرطوم بتزكية من كابتن خالد احمد المصطفى واحمد ادريس نجم وسط الجهاد الامدرماني بتوصية من مريخاب رواد دار الرياضة ام درمان بقيادة عمر طيفور والقوني وخالد ليمونة وحارس الاهلي سنار مصعب بادو الذي اجتاز الاختبارات الفنية بتوصية من مدرب الحراس المصري سيد الدهراوي فيما تم صرف النظر عن السوداني الامريكي الجنسية فرانسيس خميس لعدم السن القانونية.. هذا وسيختتم المريخ تسجيلاته نهاية هذا الاسبوع بثلاثي السنية.
الرابط أعفص هنا:
http://goansport.net/article/id/14214
|
Post: #2
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: طارق عمر مكاوي
Date: 12-30-2008, 07:04 PM
Parent: #1
آدم موسي صاحب المحبوب ؟
تحايانا
طارق مكاوي
|
Post: #3
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: haroon diyab
Date: 12-30-2008, 07:28 PM
.gif)
|
Post: #4
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: haroon diyab
Date: 12-31-2008, 02:35 PM
Parent: #3
بالمناسبة
اللاعب تم تخزينه في اهلي الخرطوم
فقط للعلم
|
Post: #5
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: Adam Mousa
Date: 12-31-2008, 02:48 PM
Parent: #4
Quote: بالمناسبة
اللاعب تم تخزينه في اهلي الخرطوم
فقط للعلم |
يعنى طلع ماسوره..12بوصه...
وقبل حتى يتخزن فى فريق فى دورى الاولى الخرطومى ..!!!
ولا حتى الدرجه الممتازه...
والله حكم يا حبيبنا رزق الهبل عند المجانين..
|
Post: #6
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: haroon diyab
Date: 12-31-2008, 03:36 PM
Parent: #5
المصيبة انوا الماسورة البتقولوها ده بي سببه
الارباب جاب المصحف وقعد يتحلف قدام الصحفيين
|
Post: #7
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: Yasier Elsayed
Date: 12-31-2008, 03:48 PM
Parent: #6
اختيار فرانسس ضمن نجوم منتخب الجامعات الامريكي والمريخ يخزن اللاعب في الاهلي
تقرير :
Dec 31, 2008 - 12:28:03 AM
في تطورات دراميه ومفاجأه قام اللاعب فرانسس في وقت متأخر الاربعاء بالتوقيع في النادي الاهلي الخرطوم. وكان اللاعب قد وصل الخرطوم من الولايات المتحده بغرض الانضمام الي المريخ واجري معه الهلال مفاوضات جاده قادها صلاح ادريس وعماد الطيب بغرض ضمه للهلال. وكان تدخل جمال الوالي في اللحظه الاخيره سببا في ايقاف عملية انضمامه للهلال. وقد اجرت سودان سوكر حوارا قصيرا مع اللاعب قال فيه ان جمال الوالي قد اعتذر له من التسجيل في المريخ لعدم وجود خانه في كشف الفريق وطلب منه التوقيع للنادي الاهلي الخرطوم بعقد لمة عام علي ان ينتقل في التسجيلات التكمليه في يونيو القادم للمريخ. واكد اللاعب ان الوالي قد تكفل له بجميع التزاماته الماليه والتي كان قد تم الاتفاق فيها بينه ونادي المريخ طوال فترة وجوده فالاهلي. وقال فرانسس انه ورغم قصر مدة تعامله في المريخ الا انه يثق في التزامات جمال الوالي له.
وتشير سودان سوكر ان فرانسس قد تم اختياره ضمن منتخب نجوم الجامعات الامريكيه للعام 2008 والمكون من 11 لاعب وسيتم تركريمه ضمن المنتخب الامريكي في 17 يناير في مدينة سانت لويس الامريكيه
© Copyright 2007 by SudanSoccer.net
|
Post: #8
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: Adam Mousa
Date: 12-31-2008, 06:13 PM
Parent: #7
| Quote: اللاعب قال فيه ان جمال الوالي قد اعتذر له من التسجيل في المريخ لعدم وجود خانه في كشف الفريق وطلب منه التوقيع للنادي الاهلي الخرطوم |
يعنى فعلا انو ماسوره عشان كده قنع ووقع فى الاهلى..وبالمناسبه فى لاعب من الاهلى يا هرون يا حبيب اسمو
مصعب وقع فى المريخ لانو داك لاعب حقيقى ومعروف مش بلعب فى صفحات سودانيزاونلاين...
|
Post: #9
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: محمد البشرى الخضر
Date: 12-31-2008, 07:01 PM
Parent: #8
آدم يا عمك
كيف الحال و عساك بخير و مروس وين بالمناسبة
يا خي والله ناس المريخ ديل عليهم حسادة ما حصلت
ما كتبه الأخوان من امريكا هنا عن فرانسيس و الشهادات الصادرة من كباتن كبار
و ما كتب عنه في المواقع المختلفة و اخيرا إختياره ضمن احد نجوم دوري الجامعات - ما عارف الصغيرة ولّ الكبيرة - شوقتنا عشان نشوف اللاعب في الميادين السودانية و الفريق القومي من بعد
انا شخصيا لما قنعت من تسجيلو في الهلال اتمنيت بصدق المريخ يسجلو من ناحية نشوفو ونقيم ما ذكر عنه و من ناحية المريخ يشطب لينا جيمي ناتالي
لكن تقول شنو بس
اسي إلا نرجا التنشيطية الجاية ولّ كيف؟
في نقطة تانية خطيرة جدا
حكاية شهادة الميلاد الطلعوها ليه بتاريخ 1991 و بشر بيها مذيع الـ ART كخبر سعيد لجمهور المريخ في كورة المريخ و السبعات
لا يزال الوسط الرياضي للاسف موبوء بالممارسات الفاسدة بل و يفتخر بها البعض باعتبارها شطارة و فهلوة و يعلن عنها
اتمنى ان يُساءل من سعى لإستصدار الشهادة المضروبة مرّة و يُساءل من نقل الخبر للمذيع مائة مرة
ختاما بلغ سلامي لسبعاوي بيه 
|
Post: #10
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: haroon diyab
Date: 12-31-2008, 07:59 PM
Parent: #9
ود البشري
كيف ياعمكـ
| Quote: و من ناحية المريخ يشطب لينا جيمي ناتالي |
وحاتكـ.....
كيتن فيك بس وعشان عملتها ظاااااااااااهرة انا اعترضت علي تسجيل اللاعب
وجيمي نتالي ده تشموا قدحة......!!!
بالمناسبة.....
انت الغزو وصل عندكم ولا شنو.....؟
كرنقو
جوليت
ريتشارد
علاء الدين
ياعمك دي ماغزه عديييييييييييييييييييييييل كده
الارباب ده بقي .......؟ ولا شنو......؟
|
Post: #11
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: محمد البشرى الخضر
Date: 12-31-2008, 09:28 PM
Parent: #10
دياب يا عمك
ما مشتاقووووووون ولا حاجة مادام انت | Quote: انا اعترضت علي تسجيل اللاعب |
اها نعلهم سمعوا كلامك و عملوا خاطر لإعتراضك ما تقول لي
هسي كدي افتي لينا في قصة الشهادة الإتخوجل بيها مذيع الـ ART اليومداك قايلها حاجة سمحة
إنتو ما بتوبوا من قصة التزوير و البصمات و الحاجات العجيبة دي
|
Post: #14
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: haroon diyab
Date: 01-01-2009, 04:46 PM
Parent: #11
ابوحتوت
بس نحنا مشتاقوووووووووووووووووون
Quote: هسي كدي افتي لينا في قصة الشهادة الإتخوجل بيها مذيع الـ ART اليومداك قايلها حاجة سمحة
إنتو ما بتوبوا من قصة التزوير و البصمات و الحاجات العجيبة دي |
ياعمك الراجل كان قاعد يدقس فيناويطمنا عشان مانقول متحيز للاردنيين
وبعدين حكاية الشهادة....
يازول انت بي صحك اكان في شهاده كان خزنوه.....؟
|
Post: #12
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: Adam Mousa
Date: 01-01-2009, 10:02 AM
Parent: #9
Quote: آدم يا عمك
كيف الحال و عساك بخير و مروس وين بالمناسبة |
روسنا فى بيوتنا..متضامنين من ناس غزه وناس ابو سبعاوى ديل..
ديسمبر كلها معارك مأساويه نواحى نهر الاردن وفلسطين..!!!
|
Post: #13
Title: Re: المريخ يصرف النظر عن الأمريكى ويختتم تسجيلاته بثلاثى الشباب
Author: الكباشى البكرى
Date: 01-01-2009, 04:38 PM
Parent: #1
الاخ ادم موسي
سنه جديده سعيده
اخر اخبار تسجيلات الهلال نقلا عن صحيفة الصدي الصادره اليوم:
* تطالعنا الصحف كل صباح باسم لاعب أجنبي جديد ترشحه للانضمام إلى صفوف الوصيف!
* كانت البداية بالحديث عن تجديد عقود داريوكان ويوسف هوت.. فخطفهما الإسماعيلي وسيون!
* وبعد أن تبخرت آمال المحافظة على اللاعبين سمعنا بنية الوصيف المزدوج التعاقد مع البرازيلي إميرسون لاعب السد القطري.. فاتضح أن ثمنه 9 ملايين يورو وأن الهلال لم يطلبه أصلاً!
* وسمعنا عن لاعب كولومبي قيل إن اسمه مسمار أو بوبار لا أدري!
* وتوالى النشر: النيجيري أوتروغو.. الحسن كيتا.. فيكتور إيزغي.. أم أولادي.. قودوين.. الخوارزمي أو كواريزما لا أدري!
* وهناك كلازار أو أوسكار لا أدري.. وكوليبالي.. وديمبا والساقية لسه مدورة!
* في المقابل شرع بطل الدوري والكأس في التعاقد مع أجانبه مبكراً فانتزع كليتشي من الوصيف بعملية خلع الضرس.. وأتى قبله بالساحر وارغو.. واستقدم المالي ديالو كابتن منتخب مالي في تصفيات أمم إفريقيا للمحليين!
* يعد المريخ جماهيره بأجنبي فتذهب إلى مكاتب الاتحاد وتجد اللاعب حاضراً فيوقع وتحمله على الأعناق!
* ويعد الوصيف جماهيره بأجنبي فتذهب ولا تجد حتى حفياني!
* تسمع جعجعةً ولا ترى طحناً!
* لا الخوارزمي أتى.. لا مسمار ظهر ولا كلازار زار!
* حفياني زاتو طار!
* لو كان الفقر رجلاً لقتلته!
|
|