Post: #1 Title: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟!! Author: نادية عثمان Date: 12-30-2008, 02:27 PM Parent: #0
عارفين ياشعب سودانيز أون لاين ؟؟
عارفين محمد أخوي قبل أكتر من عشرين سنة عمل شنو ؟
سمى شقيقتي الأصغر مني (هادية) !
سماها على إسمك يابلبلة قبل أكتر من عشرين سنة ياهادية طلسم عشان تعرفي كمية الحب الحبيناك ليهو كيف يامبدعة جدا؟
حياة طلسم شغالة معلمة موش ؟
أها حياة حدثني عنها نفس هذا المحمد عثمان مختار أخوي بوزارة التربية والتعليم وبقول لي شغالة معانا.. وفرحان بيها شديد وفخور بيها جدا
آمال .. زولة حربية في جمالها الخطر وشجاعتها المنقطعة النظير .. يوم حفلة نادي الضباط إنحازت مع شقيقاتها للشعب وقالت بنبرة شجاعة للزول العسكري داك .. ياخ لو غنينا غنية وأحدة للناس بحصل شنو .. خلاص دخلونا السجن !!
أحب البلابل ياخ !!
Post: #2 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 12-30-2008, 02:44 PM Parent: #1
Post: #8 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 12-30-2008, 03:01 PM Parent: #3
ياسر بيناوي ياصديقي
قول تلاتة نجمات حلوات ربنا يحفظهم يارب
Post: #11 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: baha eassa Date: 12-30-2008, 03:07 PM Parent: #2
Post: #26 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 12-31-2008, 12:27 PM Parent: #11
وكيف نرفض رجوع القمرة لوطن القماري ؟
Post: #79 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 01-09-2009, 06:00 PM Parent: #26
البسأل ما بتوه........ البسأل ما بتوه دارنا نحن قريبة ليه ... انت ما مجبور علينا نحن مجبورين عليك ... * * * * * * كان سألت علينا كنت عرفت احنا الليلة وين ... كنت اول لما آحنا نغيب ثوانى تقول سنين ... غيروك يا وحيدنا ؟ ولا صابت ريدنا عين ... اشتهينا تكون معانا .. ما لقينا حنان عينيك ... انت ما مجبور علينا نحن مجبورين عليك ... ********** مرة شفناك يا الحنين طالى فى حارتنا صدفة ... جابنا ليك الريد وجينا الحصل جابتا الفه ... ولا لالا آلجابنا ليك .. لو بتطرا دربنا عرفه ... ان سرحت شويه فينا وما رجيتنا عشان نجيك ... انت ما مجبور علينا نحن مجبورين عليك ... ********* لسه مستنين تجينا ناسى طالبنك زيارة ... يا جمال فرحتنا شاتل الصباحة بالنضارة ... كان عمرنا زمان وروح .. فى رجاك ما راح خسارة ... انت ما تفكر تجينا .. نحن بالافراح نجيك ... انت ما مجبور علينا نحن مجبورين عليك . ****************************************
Post: #40 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 01-02-2009, 09:53 PM Parent: #11
تمنيت وإنت طيف ماجيت .. ولاقيتك كما تمنيت !!
Post: #4 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: Elmosley Date: 12-30-2008, 02:51 PM Parent: #1
Quote: أحب البلابل ياخ !!
وانا كمان
Post: #5 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: المر Date: 12-30-2008, 02:59 PM Parent: #4
نادية
فعلا جيتنا من الاخر
بس لو نزلت ليهم كم اغنية.....
تكون القصيدة اكتملت(اعتقد دة مثل) واللة اعلم
مع جزيل شكرى
Post: #17 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 12-30-2008, 04:39 PM Parent: #5
بهاء الدين عيسى أخوي الغالي
إن شاء الله ما أعدمك يارب
قول آآآآآآآمين سمح؟
Post: #18 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 12-30-2008, 04:51 PM Parent: #5
الماسمعها من خشم هادية...أحسن ما يسمعها خالص...ولا حني من خشم الذكار صاحب الاغنية الاصلي
لك التحية نيابة عن كل من ينتمي لعطبرة الجميلة
ولك التحية ايتها القمر .. نادية
Post: #20 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 12-30-2008, 05:31 PM Parent: #9
بالمناسبة ياااااااااااااقوم المنبر إحقاقا للحق وإعطاء الرجل حقه الأدبي .. التصوير بكاميرا الفنان المبدع جدا ناجي الملك حفظه الله ..
مردودة ليك يوم عرسك نصورك ونصور حنانك ذاتو سمح ؟
Post: #22 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 12-30-2008, 07:32 PM Parent: #9
ياسر عبد القادر
سلامات
Quote: الماسمعها من خشم هادية...أحسن ما يسمعها خالص...ولا حني من خشم الذكار صاحب الاغنية الاصلي
هادية كل الحروف والأغاني في خشمها وخشم شقيقاتها حلو والله ربي يحفظهم ياااااارب ..
ويحفظك قول آآآآمين ..
Post: #16 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 12-30-2008, 04:36 PM Parent: #4
يوسف الموصلي
ياود خالي الغالي
سلامات ياخ إنت وينك ؟
Quote: وانا كمان
وطن وأفي على الدوام ..!
ربنا يرجعك إنت كمان لينا بالسلامة ياغالي قول آمين
عاين:
عايزاك بهناك ضروري سمح؟
Post: #21 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: Elmosley Date: 12-30-2008, 05:51 PM
ناديه كيفنك هسع انا في الشغل سلمي عليهن ولازم تحضري زواج نزار محمد عثمان محمد بلال على هبه عبد المنعم عثمان محمد بلال وخلي ناس شرف الدين يودوك للعرس بكره
Post: #24 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 12-31-2008, 10:51 AM Parent: #21
الموصلي ود خالي سلامات
ياحبيب ناس عم شرف لسا ماعرفوني في البلد وماعندي تلفونهم
كدي تعال بهناك نتفاهم واعرف العنوان بتاع النادي سمح ؟
Post: #6 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: عابدون محمد عابدون Date: 12-30-2008, 03:00 PM Parent: #1
وانا برضو ...
Post: #23 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: Elmosley Date: 12-30-2008, 08:16 PM Parent: #6
Quote: وانا برضو ...
يعني شنو ياعبدون ختيت دي بدل
Quote: وانا كمان
عرفنا حقوقنا الفنيه ضاعت كما دايرين تودروا حقوقنا الادبيه
Post: #25 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 12-31-2008, 11:39 AM Parent: #6
عابدون محمد عابدون
ومين اللي مايحبش البلابل
تسلم يارب وكل سنة وانت طيب
Post: #28 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: Elmosley Date: 12-31-2008, 06:27 PM Parent: #25
بالمناسبة شروق هناك وحتشرفهم بالمشاركة الرائعة
Post: #38 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 01-01-2009, 02:01 PM Parent: #28
يوسف الموصلي ؟
Quote: بالمناسبة شروق هناك وحتشرفهم بالمشاركة الرائعة
ياخ بالغت عديل ياخ وفوت علينا ليلة من ألف ليلة وليلة ياخ !!
Post: #7 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: خالد عبد الله محمود Date: 12-30-2008, 03:00 PM Parent: #1
Quote: أحب البلابل ياخ !!
و أنا أحب أركويت كلها ...
والله يا نادية أنا زمن البلابل ما حضرتو لكن حافظ أغلب أغانيهم .. بعدين مرتبطين معاي بمحطة البلابل في أركويت و ياما دقينا دافوري جنب بيتهم داك .. ولا أزال أتذكر منظر الغزلان في الحوش بتاعهم ..
Quote: أتمنيت كنت أكون في السودان اليومين ديل بالذات ..
وانا كمان والله
غياظة انتى يانادية ...
سلامى للبلابل ولى لمتكم
وبى فرح عودتنا ..... وعودتكم نحن زاااتنا بنفرح
Post: #12 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: baha eassa Date: 12-30-2008, 03:15 PM Parent: #10
Post: #13 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: baha eassa Date: 12-30-2008, 03:20 PM Parent: #12
Post: #14 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: baha eassa Date: 12-30-2008, 03:25 PM Parent: #13
عمر الهنا
Post: #37 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 01-01-2009, 12:46 PM Parent: #14
ياخاتم المني !
Post: #39 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 01-01-2009, 07:32 PM Parent: #7
خالد عبد الله حبابك أخوي وعامك سعيد
Quote: والله يا نادية أنا زمن البلابل ما حضرتو لكن حافظ أغلب أغانيهم .. بعدين مرتبطين معاي بمحطة البلابل في أركويت و ياما دقينا دافوري جنب بيتهم داك .. ولا أزال أتذكر منظر الغزلان في الحوش بتاعهم ..
أتمنيت كنت أكون في السودان اليومين ديل بالذات ..
أقول ليك شئ ؟
غايتو كان ماجيت السودان اليومين ديل بالذااااااات تاني تلغي الفكرة خالص سمح ؟
Post: #44 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: Abu Eltayeb Date: 01-03-2009, 04:52 AM Parent: #43
العزيز الموصلي
تحياتي
وكل عام و انت بخير ميري كريسماس و هابي نيو يير ياخ كان مفروض تكون بهناك اها العرس فاتك, المهم المره الجايه في سودان العزه مع رجعنالك, استمعت لاغنية اصل الطريق في مقابله العيد مع البلابل توزيع خطير جدا و استاذيه متفرده حفظك الله و حفظ عليك يا استاذ الموسيقي.
لطفي
Post: #49 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 01-03-2009, 11:11 AM Parent: #44
الموصلي وين ياجماعة ؟
Post: #47 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 01-03-2009, 10:20 AM Parent: #43
أبو الطيب
أها صورة ود الخال دي مع بلبلتين ليه التالتة كانت نائمة ولا شنو ؟
Post: #50 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: Elmosley Date: 01-03-2009, 11:53 AM Parent: #43
ابو الطيب الخلوق الحقاني ذكرتني بايام النضال الفني الذي لن يتوقف والدور الجايي في السودان باذن الله اما بنوتنا ديل فحلاتن كلما يكبرن في السن يسمحن ويكبرن في نظرنا
Post: #45 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 01-03-2009, 09:54 AM Parent: #41
العزيز أبو الطيب
Quote: الموصلي ود عمك لسان حالو بقول ليك مافيش حد احسن من حد و هو ساندوتش طازه مع نيويورك السيمفونيه
سلام يا موصلي و الحمدلله سلامة الجوال يا راجل يا جوال
لطفي
Post: #62 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 01-05-2009, 10:09 AM Parent: #61
البلابل في قلب الخرطوم .. وليلة بطعم الحنين .. ولون المنقة ! رصد / نادية عثمان مختار تصوير / ناجي الزبير الملك ليلة من الف ليلة وليلة شهدها نادي الضباط بالخرطوم في الخامس والعشرين من الشهر الجاري كانت البطولة فيها لثلاثة ( بلابل) غردن فملأن الدنيا أهازيجا وغرودة وطرب أعاد الحضور لزمن جميل فعلى الهتاف يشق عنان السماء فرحاً وإعجابا ودهشة بفريق البلابل بحسناواته الثلاثة هادية وآمال وحياة . كان حشد قال كل من شهده انه لم يحدث في أي حفل في الخرطوم مؤخرا ، وقد شهدت بأم عيني تدافع الجمهور للفوز بتذكرة دخول حتى لو جاء بيعها عبر السوق السوداء بعد أن أعلن النادي نفاذ الكمية المعروضة من تذاكر حفل البلابل الذي أعاد للأذهان زمان فن جميل أوضحه تفاعل الجمهور معهن بأصالة هذا الشعب السوداني ( الذواقة) الذي ردد كل أغنيات فريق البلابل بشكل أكد أن الفن الجميل يُنقش في الروح والوجدان ولا يمحوه الغياب ولا يدفن في غياهب النسيان ! وكان أكثر مايؤكد فرضية ان هذا الشعب مفطوم على الفن الراقي الجميل هو تلاقي الأجيال من مختلف الأعمار وترديدهم جميعهم للأغنيات في كورال جماعي بديع من خلف البلابل الثلاث اللاتي لم تغير فيهن السنوات جمال الطلة وخفة الروح وروعة الأداء والتجاوب مع خفقات قلوب الحضور الضخم الذي إحتشد بدار الضباط في ملحمة الوفاء والأصالة والفن والجمال ! ورغم جمال تلك الليلة التي فاضت فيها قلوب الجمهور حبا وعيونهم دموعا من الفرح بعودة زمان البلابل العزيز جاء ( النكد) ليفرق الجموع رغما عنهم بحجة إنتهاء الزمان الخاص بالحفل رغم ان الساعة لم تكن قد بلغت الحادية عشر وعلى الرغم من أن الحفل كان به قيادات حكومية كبيرة منهم القائد ياسر عرمان وآخرين ! الرفض الجماعي للجمهور وتعبيرهم عن ذلك بصوت وأحد جهوري ( ماماشين هنا قاعدين ) كان بمثابة الإستفتاء العشوائي لجماهيرية البلابل التي لم تنقص ولم ينطفئ بريقها رغم مرور السنوات ! البلبلة هادية كانت تشير للجمهور بانتهاء الزمن فيعلو هتافه ( لا ) فتعود هي وشقيقاتها لـ ( تحنيس) رجالات أمن النادي الذين أعتلوا خشبة مسرح نادي الضباط لـ ( فرتقة) الحفل البديع تطبيقاً للقانون الذي يمنع على الناس الفرحة والغناء بعد الساعة الحادية عشر .. وللأسف في حفل البلابل كان إعلان إنتهاء زمن الفرحة والغناء قبل الموعد المحدد لانتهاء الحفلات بثلث الساعة تقريبا فجاء الاحتجاج مدوياً من الجمهور الكبير الذي حضر ليمتع روحه بزمان جميل وغناء رسخ في الوجدان رغم غياب من تغنوا به لعمر طويل خارج حدود الوطن ! وبعد ( تحنيس) شديد سمح رجال أمن النادي (مشكورين) بأغنية وأحدة فجاءت ( لون المنقة) لتحيل ليل الخرطوم أنغاماً وروعة فرقصت القلوب وتسامت الأرواح وكان الجمال عنواناً أنار بضوئه الساطع خشبة مسرح نادي الضباط .. فكم هو جميل هذا الوطن وكم هن رأئعات بلابل السودان !
نشرت بصحيفة أخبار اليوم السودانية
Post: #68 Title: Re: عارفة لياتو درجة حبيناك ياهادية طلسم .. وإنتي منو في بيتنا ؟ وعارفة كيف حبينا البلابل ياخ ؟ Author: نادية عثمان Date: 01-08-2009, 00:10 AM Parent: #61
