ما هذا ؟؟؟؟...رأيكم شنو؟ ,...

http://www.modon.org/index.php?showtopic=30928


http://alawamra.com/vb1/showthread.php?t=4724



صباح حنون...

هذه المواضيع والقصص، (بل أكثر من ذلك بكثير)، والتي ادرجها بعض الاخوة في اسافير الارض، كتبها اخوكم، وللحق فوجئت بكثير من المنتديات تدرج بعض الكتابات، ولا تدرج الاسم، بل هناك من ينسب النص لنفسه، ويرد على المتداخلين..



رأيك شنو، لأهل الشأن من القانونيين؟...


مع محبتي..


صباح الثلاثاء 30/12/2008م

المحترم الأخ عبد الغني سلامات وكل الأعياد مباركة ,,

هذه الأفعال كثيرة بحيث لايمكن متابعتها جيداً ولكن يجب أن تكتب لك مشرف موقع تمت به مثل هذه السرقات حتى تعود الحقوق ..

خالص الود ..

عزيزي مجاهد..

صباح حنون، ومسالم، وخلاق..


طبعا حتى في هذه (فلنقل سرقات)، يكون هناك تشويه للنص، كما ان الكاتب كثيرا ما يراجع كتاباته، وينقحها، مثلا ارجل السلحاة الرشيقة ده عدل بحيث صار غريبا على شكله الاول، دي نقطة، تاني حتى الانزال يتم بصورة مشوهة، ومبتور، وانا شخصيا لا اعترض على ادراج اي موضوع لي، بل قد اتجاوز ادراج الاسم، ولكن ان ينسب بعض الاخوة النصوص، ويقوموا بالرد، فده الاستغراب..

وللحق فوجئت مرات كثيرة بنصوص تسرق، وتنشر، ويرد على المتداخلين، بقوة عين، ..


أعمق المحبة، والشكر..على مروركم ورأيك، دمت بخير وصحة.

اخوك كرم الله

عبدالغني الجميل
كيفنك ياصديق

ياخ موش بقولو الجاتك في (نصوصك سماحتك!!)
عارف الأغرب وين ياعبدالغني
إنني تتبعت الروابط
ألقي ليك تمساح النيل بلا خجلة خاتي صورتو
ويشيل ويرد علي الناس
والعجب بتاع منتدي العسيلات
شابك الناس تسلم كتير ياخالة
وأكيد حأتم ليكم باقي القصة
غايتو
ربك يسهل


ياخينا أمش أفتح فيهم بلاغ عديل !!
باكر واحد من ديل
يلمهم في كتاب
ذي الماحصل شئ


الله يعين ياخي

Quote: وأكيد حأتم ليكم باقي القصة

تحياتي ياخضر قولت لي حايتمه يتمه نحل تحت شجرة باسكيت

وبرغم القبح لكن دوماً تجد جمال الإنصاف لناس ارتضت ان
لا تعيش دون جمال الإنصاف ..

فالتحية للأخ ( محمد بركات احمد) وهو يعطينا درس في الصحة ..



وسلامي ليك ياعديل ..

عزيزي خضر حسين......

محبتي، وسلامي الكتير..

انت عارف الكتابة بقت ساهلة شديد بس cut و paste من اي حتة، ولكن برضو ربنا سخر "راجل المسيد لحاق بعيد"، السيد قوقل سيرش، فده بجيب الحاجة من تحت قاع البحار..

والله ضحكني ردك شديد، نعمل شنو، العالم مفتوح، وقرصنة في كل المستويات، من قراصنة الصومال لقراصنة النت، والسرقات العينك ياتاجر..


عميق محبتي، اخوي خضر..

عزيزي، وأخي "العديل"، محمد الجزولي


من وراء البحار سلام سلام..

صاحبك، أبو لسان طويل (محمد الحسن الجعلي)، قال لناس البيت، والله محمد الجزولي وعبدالغني اي زول يطبل للتاني في سودانيزاولاين..



شفتة السرقات كيف، وطبعا "محمد بركات"، اعرفه جيدا، فهو رجل صالح، واصيل، وصاحب مكارم لا تصوف، وحين فعل ذلك أخبرني...


أعمق المحبة..