Post: #1 Title: اصدقائي اجمل الامنيات بعام سعيد Author: حنين للبلد Date: 12-30-2008, 03:32 AM Parent: #0
اخوتي الأعزاء اصدقائي بلا فرز الأخ العزيز عثمان رغيم الاخ الصديق خضر حسين تنادى اخوة لي بالرجوع وكلما علا صوت الأحبة ازددت خجلا وتواضعا، للقلوب النقية الصادقة، ولأني لم اود ان اثير اي ضجة لإنسحابي الهاديء من هذا المحفل الأسفيري كي لا اعكر على البقية، لا اود ان اضيف اي هالة الى عودتي بينكم لكني اود ان اشكر كل من سأل عني او تفقدني... شكري ومودتي لك رغيم احترامي ومعزتي لك خضر محبتي لكم جميعا بلا اي استثناء.. ومودتي للجميع وامنياتي لكم بعام سعيد كل عام وانتم بألف الف خير والعفو والعافية
عثمان رغيم خضر حسين خليل ريهان الريح الشاذلي Emad Abdulla ناهد بشير الطيب اشراقة مصطفى نادية عثمان دكين محمد البشرى الخضر
Yassir Tayfour
عماد محمود علي
ALGARADABI
كمال علي الزين
طارق جبريل
ASHRAF MUSTAFA
سناء عبد السيد
الشفيع عوض شوشتا
محمد عثمان
ناهد بشير الطيب
أسامة الفضل
نادية عثمان
Maawya Hussein
انعام حيمورة
محمد عبد الماجد الصايم
Kostawi
خدر
عبدالله كع
سارة علي
شهاب الفاتح عثمان
ماجدة عوض خوجلى
حليمة محمد عبدالرحمن hanouf56 ياسر بيناوي
Post: #2 Title: Re: اصدقائي اجمل الامنيات بعام سعيد Author: حنين للبلد Date: 12-30-2008, 03:43 AM Parent: #1
وانا اودع عاما واستقبل عاما جديد اتمنى للجميع كل طيب والصحة والعافية في المقام الاول
واتمنى ان يخفت اللون الحزين في هذا العالم وان يتبقى شبر محبة يضمنا...
Post: #3 Title: Re: اصدقائي اجمل الامنيات بعام سعيد Author: Yassir Tayfour Date: 12-30-2008, 03:45 AM Parent: #1
أنا إسمي مافي..
__ كده برضو يا حنين!
Post: #4 Title: Re: اصدقائي اجمل الامنيات بعام سعيد Author: حنين للبلد Date: 12-30-2008, 03:51 AM Parent: #1
Quote: محمد البشرى الخضر
Yassir Tayfour
عماد محمود علي
والفي النص ده اسم منه
داليا حافظ؟؟؟؟؟؟؟؟
Post: #5 Title: Re: اصدقائي اجمل الامنيات بعام سعيد Author: الطاهر عثمان Date: 12-30-2008, 04:19 AM Parent: #1
حمدا لله علي السلامة منورة
Post: #6 Title: Re: اصدقائي اجمل الامنيات بعام سعيد Author: حنين للبلد Date: 12-30-2008, 04:20 AM Parent: #1
Quote: حمدا لله علي السلامة منورة
بي نورك ياطاهر الخير
بي نورك
واثابك الله على المجهود الخير البتقوم بيه...تذكرنا بإنسانيتنا شكرا
Post: #7 Title: Re: اصدقائي اجمل الامنيات بعام سعيد Author: عبدالله وداعه الامين Date: 12-30-2008, 04:36 AM Parent: #6
حنين يا بلد
كل سنة وانتي طيبة
وكل عام وانتي بخير وعافية
منورة البورد من جديد
وشكرا لي الطلة الحلوة
سنة كما تتمنين وتاملين وموفقة يا رب
Post: #8 Title: Re: اصدقائي اجمل الامنيات بعام سعيد Author: الطاهر عثمان Date: 12-30-2008, 04:37 AM Parent: #1
تسلمي يا حنين عارفه سودانيز اونلاين ده فيهو خير انا ما لاقاني في حتة تانية بس لانهم ما بيحبو يكونوا معروفين فجزاهم الله كل خير
وسعيد جدا بعودتك وعودة كل الغائبين وبكم يرجع للمكان جماله
Post: #9 Title: Re: اصدقائي اجمل الامنيات بعام سعيد Author: سناء عبد السيد Date: 12-30-2008, 04:42 AM Parent: #1
حنين الحنينة
كل سنة و انتي طيبة و ربنا يجعل العام الجديد عام خير عليكي و على الجميع
سنتنا الجديدة اكيد حتكون احلى لو بقيتي معانا
كل التقدير
Post: #10 Title: Re: اصدقائي اجمل الامنيات بعام سعيد Author: Yasier Elsayed Date: 12-30-2008, 04:51 AM Parent: #9
كل عام وانت بخير
وماطولى الغيبة الجميع فى انتظارك
تحياتى
Post: #11 Title: Re: اصدقائي اجمل الامنيات بعام سعيد Author: محمد البشرى الخضر Date: 12-30-2008, 04:56 AM Parent: #1
منوّرة.. اجمل خبر يتقري من الصباح
Post: #12 Title: Re: اصدقائي اجمل الامنيات بعام سعيد Author: حنين للبلد Date: 12-30-2008, 05:03 AM Parent: #1
Quote: هو ذات الحنين الذى يملأ حنين.. يملاها للبلد وللحلم المستحيل..
اشراقة
صديقتي المجنونة
كل سنة وانت واولادك بالف خير
عبدالله وداعة...العام قارب على الانتهاء بل هو يلفظ انفاسه الاخيرة بأحزان كثيرة
كرهت الأخبار المؤلمة تحيط بناكالسوار على المعصم "هي الدنيا دي مالها بقت كدة"
سناء...شكرا انك "تبنتيني" تعرفي زهجة بي حلفتها...واهو جينا نعافر ونطل مرة مرة
ود البشرى "قلنا بقى فيها تقمص شخصية النلحق نلم ورقنا"
تصدقني لو قلت ليك ابوي "اشتقت ليكم" مايجونا ناطين يقولوا فت الورق على النت هههههههههه ود البشرى ده اخوي ود امي وود دمي عديل كدة "عاد كانت بدون الميم لكن خفنامن الدراب لصقناهافي اخر تكة...
Post: #13 Title: Re: اصدقائي اجمل الامنيات بعام سعيد Author: حنين للبلد Date: 12-30-2008, 05:04 AM Parent: #1
ياسر السيد
كل سنة وانت طيب ابوي
Post: #14 Title: Re: اصدقائي اجمل الامنيات بعام سعيد Author: تيسير عووضة Date: 12-30-2008, 05:44 AM Parent: #1
حنيني إليك ..
رابطة الجمال في طرفك وحايمة ..
Post: #16 Title: Re: اصدقائي اجمل الامنيات بعام سعيد Author: خضر حسين خليل Date: 12-30-2008, 05:58 AM Parent: #14
Quote: رابطة الجمال في طرفك وحايمة ..
آي والله يا تيسير
حنين حمدالله علي السلامة ياخ ومبروك صورة البروفايل
Quote: والله لكن تمام يا حنين .. كنتي قاطعه لينا راس الرهط
مــدورة البورد والله ..
تمبس يا تمبس
البورد مدور بي دورك يااخي
قلنا العام جديد وكدة وانتو "الرهط" مابتبقوا من غيرنا
Quote: حنين للبلد
كل سنة وانت بخير
بركة العودة
شكرا الفاتح وكل سنة وانت بالف خير عام جديد مليء بكل خير يارب للكل
Quote: وانتى بالف خير ياحنين بركة الجيتى ورجعتى طيبة فى انتظارك ...يشهد الله ..
وانت بكل خير ياناهد شكرا لسؤالك عني واهو بقيت زي المرة المصالحنها بالأجاويد... لمن خجلانة اسه هههههه
ود البشرى
تعرف في زول كدة قال لي يااخي كان تنتظري حبة يحنسوك....قلت ليهم لو منتظرة ناس ود البشرى واطاتي صبحت
عشان خاطر عيون حلوين يارغيم وطارق جبريل وخضر وكلكم...انا والله بالجد مشغوليات وزهجة من الكان حاصل اتمنى مايكون لازال، ومشاغل الحياة لا اكثر لا اقل عدت في عام جديد اتمنى يكون خير للكل...
انتى واحده من اجمل الناس اللى بيخلونا نحب الحياة اكثر
وانت يا اشراقة من زمن كنت اظنه ذهب بلا عودة
يااخي فيك محنة اهلي الزمااان تعرفي يا اشراقة ماعارفة انحنا السودانيين عندنا علة عدم التعبير عن حبنا ومحبتنا لمن نحب واحيانا تصل هذه الاحاسيس بعد فوات الاوان ان لم تضل الطريق.. اتمنى ان تسنح لي الفرصة للتعامل معك على قول دكين وجها لوجه
شروقة...يااخي الايام دي مشتاقة للسودان مشتاقة شديييييييييييييد يااخي روحي هائمة بي هناك لافة امدرمان شارع شارع، مشتاقة لي امي شديد ولي ابوي واخواني للمتنا ولي شاي الصباح وجوطته لي هواء النيل لمن يهب في بيتنا لي كل شيء ....وريني شن الدبارة بت امي شن اسوي... بقيت ماسكة كتف السنة دي عين في السنة المقتحمانا دي والف عين لي السنين الوراء.... يااخي...
Post: #37 Title: Re: اصدقائي اجمل الامنيات بعام سعيد Author: عبدالكريم الامين احمد Date: 12-30-2008, 07:15 PM Parent: #36
حبابك يا حنين وبركة الجيتي وكل سنة وانتي بالف خير وبركة
سجمممنا عاد اتلومت واللوم كاسيني كلي كان سالت مني وماشكرتك....لكن عاد اظنه الكبر دخل ابوي اصلي ماشفت سؤالك عني... معليش تعرف جني وجن اقصر في حق زول بالذات الناس المابتقصر في الواجب زيك
كل سنة وانت بالف الف خير يا الصاوي يحقق امانيك كلها يارب ويبعدك من الرهط آمين يارب العالمين
Quote: حبابك يا حنين وبركة الجيتي وكل سنة وانتي بالف خير وبركة
كيكي شكرا ليك كثير، بالمناسبة انت كيكي ولا لا..قريت درس عصر وتابعته باهتمام عن الفرق بين عبدالكريم وعبدالكريم وقعدت اسمع في الفرق وتاريخ التسجيل واسم احمد المهم ابوي..لمن قفلت البوست مسحت اي شيء....
شكرا ليكم الاتنين احتياطيا ولو كيكي ....الرهط والعوام وحجوة ام ضبيبينة الكان مدور رسيتوا على شنو...مأزوم والا مأذون
Post: #38 Title: Re: اصدقائي اجمل الامنيات بعام سعيد Author: نادية عثمان Date: 12-30-2008, 07:18 PM Parent: #36
عارفة ؟
من ملامح نقاء إبتسامتك الطيبة عرفتك نوع من البشر مابكسر بخاطر الناس .. وماخيبتي ظني وجيتي تجرتقي العام الجديد بحريرة وضريرة وهلال على جبين البحبوك .. وأنا منهم .. شفتي كيف ؟
من ملامح نقاء إبتسامتك الطيبة عرفتك نوع من البشر مابكسر بخاطر الناس .. وماخيبتي ظني وجيتي تجرتقي العام الجديد بحريرة وضريرة وهلال على جبين البحبوك .. وأنا منهم .. شفتي كيف
شكرا يانادية مادايرة اعمل فيها مهمة واقول الناس ضغطت علي للعودة الحقيقة انه البشريات الحلوة بعودة العديد من الناس الكويسة ورجعتهم والعام الجديد فال خير قلنا عسى ولعل. وكمان الناس الطاعمة الزيك يانادية بنوره الدواخل قلنا ناخذ شوية قبس ننور بيه ضغوطات الحياة وغربتنا يانادية يامشرقة.. وخاطركم جوانا مجبور ياحبيبة اهو مرات كدة ومرات كدة وساقيتنا لسه مدورة...
يااخي الوصية في الزمة يانادية ...سلمي لي على السودان وبوسي لي تراب امدرمان عليك الله...
Post: #44 Title: Re: اصدقائي اجمل الامنيات بعام سعيد Author: كمال علي الزين Date: 12-30-2008, 07:35 PM Parent: #40
(*)
إنا عندي كلام كتير يا(حنو) لكن أخير أقول ليك : كل سنة وإنتي طيبة وأتخارج لأنو (ودالبشرى) قال لي : ورقك مابتم النزول ..
الأخت الكريمة حنين أنت من قليلين و قليلات يحفظون لهذا المكان احترامه باحترامهم لأنفسهم و للآخرين. سعيد أنك قررتي أن تظلي معنا لأن غياب أمثالك يمثل فجوة يتمدد مكانها ما لا نحب. ربنا يحفظك و أسرتك و ولدك الظريفوني دا.
Quote: الأخت الكريمة حنين أنت من قليلين و قليلات يحفظون لهذا المكان احترامه باحترامهم لأنفسهم و للآخرين. سعيد أنك قررتي أن تظلي معنا لأن غياب أمثالك يمثل فجوة يتمدد مكانها ما لا نحب. ربنا يحفظك و أسرتك و ولدك الظريفوني دا.
ُالعوض
يااخي ده كلام يرد الروح شكرا ليك كثير ياريتني اكونه ياريت تعرف التعامل في الانترنت وفي سودانيزاونلاين لسه في ناس مابقدره مقداره الحقيقي ولديهم بعض او كثير من التحفظات لمشاركة المراة السودانية فيه، لكن كلامك ده براه باكد انه الخير مابلدي غير الخير، شكرا ليك واتمنى انه كل زول يلقى الكايسه هنا تواصلنا معاكم ومع الباقين بخفف من غربتنا كل سنة وانت بال فخير يارب ويحفظ ليك كل اسرتك ...شكرا
ماعشان ابني والله... لكن كريم ولدي شخصية محبوبة تفوق عمر الثلاث سنوات التي اكملها قبل شهرين ..شقي ومحبوب وابتسامته تخفف الهم ...ربنا يحفظه عقبال مانزين بروفايلاتنا بي صورة جناك يارب. كل عام وانت بالف خير وكل الناس في راحة بال
Post: #59 Title: Re: اصدقائي اجمل الامنيات بعام سعيد Author: Ishraga Mustafa Date: 12-30-2008, 09:20 PM Parent: #58
Quote: تعرفي يا اشراقة ماعارفة انحنا السودانيين عندنا علة عدم التعبير عن حبنا ومحبتنا لمن نحب واحيانا تصل هذه الاحاسيس بعد فوات الاوان ان لم تضل الطريق..
يااخي انت زول فت حد الرقي ذاته، متابعة كل سطر ليك ومتابعة احترامك لذاتك قبل الاخرين... تمنيت ان اكون في الخرطوم لالتقيك الى ذاك الحين تقبل مني كل تقدير واحترام، واصل في الدرب الضواي واصل ..
يااخي انت زول فت حد الرقي ذاته، متابعة كل سطر ليك ومتابعة احترامك لذاتك قبل الاخرين... تمنيت ان اكون في الخرطوم لالتقيك الى ذاك الحين تقبل مني كل تقدير واحترام، واصل في الدرب الضواي واصل ..
خليك قريب يا شول وبلغ الخرطوم عني السلام...
ماري كريسمس وكل عام وانت بخير..
شكلك عايزة تبكينى يا حنين للبلد! وبالجد لما جيتى البلد المرجفين ما ورونى إنك هنا ... كان لقيتك إنشالله بى واسطة تصدقى
كل سنة وإنتى طيبة وإنتى بخير وإنتى هنا فى البورد وما تفارقينا بالمرة.
ده إيميلى عشان ما يكون عندك عذر تانى لو جيتى البلد: [email protected]
غايتو ياشول دمعتك المتحججة دي هي اكتر شيء لفت نظري ليك يااخي الحنية دي بتشلني وماقايلة في زول دمعته قريبة اكتر مني... خلي الدموع للفرح ياشول وبالحالة الانا فيها دي شكلي جاية السودان قريب...بس ما اجي القى الناس فرتقت خلوا لينا شوية معاكم عليك الله... خايفة اسالك من نمرة تلفونك القى بكرة النعي بتاعي في اعلى الصفحة وانا بالجد لسه يااخي مادايرة اموت اسه ...شوية كدة
الايميل وصل ورنبا يدوم الوصل والتواصل
Post: #64 Title: Re: اصدقائي اجمل الامنيات بعام سعيد Author: سارة علي Date: 12-30-2008, 09:43 PM Parent: #1
Quote: خي الوصية في الزمة يانادية ...سلمي لي على السودان وبوسي لي تراب امدرمان عليك الله...
لقيتك يا حنين لكن....؟؟؟ امدرمان دي مش كنتي فيها قبل كم شهر...؟؟ وبتمشي ليها في السنة مرتين؟؟ غايتو جنس شنو كدة ما بعرف غايتو... (طبعا انا حسدانة وكدة)
Quote: لقيتك يا حنين لكن....؟؟؟ امدرمان دي مش كنتي فيها قبل كم شهر...؟؟ وبتمشي ليها في السنة مرتين؟؟ غايتو جنس شنو كدة ما بعرف غايتو... (طبعا انا حسدانة وكدة)
انتي جيتي........
اسمعي ود عمك ده ميمتو دي حيرتني....اها عرفتيها انتي ولا زيي كدة
بالجد ناس الخرطوم ديل مش كتروها ومسخوها...شايفة المسلمي كمان قال لمة ثاني يوم في السنة الجديدة يااخي ديل بعد شوية حيعملوا ندرة في الخرفان.. حظنا كدة ياطارق مرة نمشي نلقى الحمى النزفية ومرة بورداب الخرطوم كملوا الخرفان...
بالجد ناس الخرطوم ديل مش كتروها ومسخوها...شايفة المسلمي كمان قال لمة ثاني يوم في السنة الجديدة يااخي ديل بعد شوية حيعملوا ندرة في الخرفان.. حظنا كدة ياطارق مرة نمشي نلقى الحمى النزفية ومرة بورداب الخرطوم كملوا الخرفان...
بالجد كتروها..
والفاقع مرارتي بت حيمورة اضرب ليها تليفون لامن يقطع هي تضحك شفتي العوجة دي
النبي في عويناتك يا طارق جبريل مشينا الخرطوم شفت لي لحماية طايرة ولا عترت ليك في عضم ولا يدك فترت من السلام واتمطيت زي مطة ابوبكر الفي نص بيته دي
يميت خشمي عفن في الدرابزين أليلنا ما لقيتلي زولا اناضمو هههههههههههههههه
Post: #94 Title: Re: اصدقائي اجمل الامنيات بعام سعيد Author: حنين للبلد Date: 12-31-2008, 00:46 AM Parent: #1
ود عمي
الميم احذفها..حذفها البلا
Post: #95 Title: Re: اصدقائي اجمل الامنيات بعام سعيد Author: سارة علي Date: 12-31-2008, 02:05 AM Parent: #1
Quote: لكن حلات الشلوخ في كريم
بسم الله ... سسشيسي يمنبتسي ستبيتبمسنتبيبت متبسمكتبنمتبتات.. هررررررررررررررررررررررررشك..
Post: #96 Title: Re: اصدقائي اجمل الامنيات بعام سعيد Author: حنين للبلد Date: 12-31-2008, 03:15 AM Parent: #1
ياربي السنة الجاية 2009 جايبة لينا شنو معاها ؟؟؟؟؟؟؟؟؟؟؟؟؟؟؟؟؟؟؟؟
Post: #97 Title: Re: اصدقائي اجمل الامنيات بعام سعيد Author: osman righeem Date: 12-31-2008, 05:07 AM Parent: #96
Quote: ياربي السنة الجاية 2009 جايبة لينا شنو معاها
نكلم ساره ترجع بوست الوداعيه تشوف لينا بختنا
بالله رسلي ليها 25سنت مني بياض و الدين فوق الكتوف والاصل معروف
Post: #99 Title: Re: اصدقائي اجمل الامنيات بعام سعيد Author: حنين للبلد Date: 12-31-2008, 05:26 AM Parent: #97
والله يارغيم....السنة الجاية دي ماسكاني منها خوفة ماعارفة لي
ربنا يكضب الشينة..السنة الفاتت دي الناس كلها شنفتها لكن انا كانت معاي كويسة... غايتو ربنا يدينا خيرها...
صباح الخير
Post: #102 Title: Re: اصدقائي اجمل الامنيات بعام سعيد Author: osman righeem Date: 12-31-2008, 05:33 AM Parent: #99
2008 بركه الفاتت غايتو انا قهرتها بالذي سواها ودور خلقتها و واساها بس اخر اسبوع فيها كان نار منقد(*) واعتبرته بشاره ل 2009
لكن تفاءلوا خيرا تجدوه
(*) يعني منور و حلو
Post: #130 Title: Re: اصدقائي اجمل الامنيات بعام سعيد Author: عماد محمود علي Date: 12-31-2008, 01:53 PM Parent: #99
Quote: ده سكري وعسلي ودنيتي وحبيبي ابني
ربنا يحفظه ويغطيه وليك يخليه ويزيدك فيه ويجلعه باراً بك وسعدك وهناك هنا وهناك ...
وكل سنة وانت وهو أحلى وأجمل من ما تتمنوا .....
( أها ماختينا صورته وكده علشان ما تزعلوا مننا في نهاية السنة كمان وتبقى ذي بدايتها ) ...
Post: #98 Title: Re: اصدقائي اجمل الامنيات بعام سعيد Author: محمد البشرى الخضر Date: 12-31-2008, 05:12 AM Parent: #1
Quote: الميم احذفها
done
Post: #100 Title: Re: اصدقائي اجمل الامنيات بعام سعيد Author: حنين للبلد Date: 12-31-2008, 05:28 AM Parent: #98
Quote: done
انشاءالله ايامك كلها done ياود امي
Post: #107 Title: Re: اصدقائي اجمل الامنيات بعام سعيد Author: Yassir Tayfour Date: 12-31-2008, 05:45 AM Parent: #100
Quote: انشاءالله ايامك كلها done ياود امي
الكلام ده جابني راجع من السرير.. دايرة تلحقيهو بيناوي ولّ شنو، بعد عمر طويل إن شاء الله ليهم الإتنين..
__ بصراحة كده، داير أصرف البوست فيما لا طائل منه، حمووودي سامعني؟
Post: #118 Title: Re: اصدقائي اجمل الامنيات بعام سعيد Author: عبدالغني كرم الله Date: 12-31-2008, 06:03 AM Parent: #98
العزيزة، حنين...
سلام واحترام..
نهاية العام يقلب المرء الطرف، ماذا فعل، ماذا اضاف، كيف تصرف، جرد لعام كامل، لاكثر من ثلاثمائة يوم، ناهيك عن ساعات، والساعات هي الحياة، هي الكنز العجيب، كيف تصرف الفرد مع اعظم مخلوق، وهو الذهب الحقيقي (الزمن)، وخاصة زمن الفراغ..
يتوقف الانسان كثيرا للاخطاء للسلبيات للرعونات للجهل للانفعالات الموقتة، للتهريج الذاتي، للوقت الذي تسيب منه ولم يفعل، للتبريرات التي يخلقها الفرد لنفسه،....
رأس السنة، هو وقوف امام المرأة، مرأة النفس... وقوف بصدق، وتجرد، وهيهات، فالنفس ماكرة، شاطرة، تزين الاخطاء، ثم أنوار العقول إن لم تكن قوية فلن تكشف المستور في النفس، والله كل سنة أحس بالتقصير، بالندم، تجاه امي، تجاه الكون، تجاه نفسي، وأفتح اسئلة لم؟ وكيف، ومتى...
الزمن يتسرب.. ونحن ننوح عليه، ونحن من قتله.. المتنبي، يقول، ولم أرى ... كنقص القادرين على الكمال، وكل الناس قاردة على العطاء، .. وأخير، نعزي النفس، بحكمة (أن تشعل شمة خيرا من أن تسب الظلام)..
ليتنا نبدأ في التغيير الداخلي..
هذا الكلام لي، لي انا، وليس لأي فرد أخر، .. أحس بالتقصير، وبالندم العمييييييييييييييق، وبأني اهدرت عام كامل، بلا شئ..
Quote: الزمن يتسرب.. ونحن ننوح عليه، ونحن من قتله.. المتنبي، يقول، ولم أرى ... كنقص القادرين على الكمال، وكل الناس قاردة على العطاء، .. وأخير، نعزي النفس، بحكمة (أن تشعل شمة خيرا من أن تسب الظلام)..
ليتنا نبدأ في التغيير الداخلي..
الصديق عبدالغني كرم الله
اولا كل عام وانت بالف خير
كلامك اخترت ان اختم به النواح حسب تعبيرك على الزمن المتسرب
ياعبدالغني انت مامتفق معاي انه الزمن بقى بتسرب بصورة غريبة وبإيقاع اسرع من مقدرتنا على الإستيعاب تتوارى الاعوام والسنون دون ان تعطين افرصة حتى لكفكفة عبراتنا... كل يوم وليس نهاية هذا العام اجلس مع نفسي لمعرفة اين انا من هذه الحياة واجد ان الوقت والمسؤوليات تداهمني فأجله الى اليوم الذي يليه، وهكذا اظل أاجل يوما بعد يوم حتى اصدم بان العام ولى ...وبعده اعوام
عبدالغني عليك الله تعال راجع هنا تاني...دايرين نسمعك
كل سنة وانت بالف خير
Post: #126 Title: Re: اصدقائي اجمل الامنيات بعام سعيد Author: Yassir Bainwi Date: 12-31-2008, 10:56 AM Parent: #98
حنين صباحات شوقنا
Quote: يااخي انت زول فت حد الرقي ذاته،
حقيقة يا حنين شول الرقي ذاتة تخيلي لمن لاقيتو عفاني من الدقة الكان صرفا لي يوم الجهجهه
خالص الود
Post: #101 Title: Re: اصدقائي اجمل الامنيات بعام سعيد Author: حنين للبلد Date: 12-31-2008, 05:30 AM Parent: #1
الصفحة الجديدة مهداة الى
رغيم اخوي
ولكل الأصدقاء والاخوان
كل عام وانتم بألف خير
اربع وعشرون ساعة تفصلنا عن العام الجديد
Post: #114 Title: Re: اصدقائي اجمل الامنيات بعام سعيد Author: osman righeem Date: 12-31-2008, 05:54 AM Parent: #101
هدية من اختنا الغاليه
في نهاية2008 تمسح عن هذا العام المنصرم كثبرا من الحلكه و التردي ونقبلها بشاره للقادم من الايام
وجعل الله ايامك كلها سرور و موده ونصر للاطفال و الشباب و الكهول في دارفور والصومال وفلسطين
ونعود للتمنيات لاحقا
Post: #103 Title: Re: اصدقائي اجمل الامنيات بعام سعيد Author: حنين للبلد Date: 12-31-2008, 05:37 AM Parent: #1
رغيم وود البشرى
امنياتك بالجد شنو في السنة الجديدة دي....
مافي مشكلة تختوا الامنيات الخاصة...فت على الإنترنت
غايتو الكلمة دي مما سمعتها محيراني..نهايته المايك عندك ود البشرى ومن بعده رغيم
Post: #104 Title: Re: اصدقائي اجمل الامنيات بعام سعيد Author: سارة علي Date: 12-31-2008, 05:38 AM Parent: #1
ود العم.. يعني تاني اشرك ليك بي جاي...؟؟؟
Post: #105 Title: Re: اصدقائي اجمل الامنيات بعام سعيد Author: حنين للبلد Date: 12-31-2008, 05:40 AM Parent: #1
سارة علي....انت صاحية بالله دايراك في شمار خطير
طبعا اسه ود البشرى ورغيم بكونوا بتململوا من الفضول
Post: #106 Title: Re: اصدقائي اجمل الامنيات بعام سعيد Author: حنين للبلد Date: 12-31-2008, 05:42 AM Parent: #1
Quote: ود العم.. يعني تاني اشرك ليك بي جاي...؟؟؟
انتي يا سارة ود العم ده يتقطع يعني اسفيريا ماتشوف ليك اخو تاني يااخي الزول اصلا مايكتشف لي ود عم معاكم الا تجوا تزاحمه
Post: #108 Title: Re: اصدقائي اجمل الامنيات بعام سعيد Author: Yassir Tayfour Date: 12-31-2008, 05:48 AM Parent: #106
بصارحة كده دايرة أخرمج وأخم رماد السنة الفضل فيها يوم دي.. __ والما بستحملو "رهطو"، يجهّز لي قطع "رحطو"
Post: #111 Title: Re: اصدقائي اجمل الامنيات بعام سعيد Author: Yassir Tayfour Date: 12-31-2008, 05:51 AM Parent: #108
سروو زمان كان عندك معاي مشكلة، وخليتها ليك، لأنو كنت أحمد الله" مشكول*"، الأيام دي مفلس والعوّز أجارك الله.. ___ مشكول تعني مبسوط، دخلت اللغة العربية قبل شويّة..
Post: #109 Title: Re: اصدقائي اجمل الامنيات بعام سعيد Author: سارة علي Date: 12-31-2008, 05:49 AM Parent: #1
Quote: طبعا اسه ود البشرى ورغيم بكونوا بتململوا من الفضول
لو ديل بيتململو...ود الصايم بتكون حالتو كيف؟؟
Post: #110 Title: Re: اصدقائي اجمل الامنيات بعام سعيد Author: سارة علي Date: 12-31-2008, 05:51 AM Parent: #1
Quote: انتي يا سارة ود العم ده يتقطع يعني اسفيريا ماتشوف ليك اخو تاني يااخي الزول اصلا مايكتشف لي ود عم معاكم الا تجوا تزاحمه
حنين؟؟؟
بطلي سلبطة...
Post: #112 Title: Re: اصدقائي اجمل الامنيات بعام سعيد Author: حنين للبلد Date: 12-31-2008, 05:53 AM Parent: #1
Quote: وأخم رماد السنة
اتفضل يا ياسر اخد راحتك
Post: #113 Title: Re: اصدقائي اجمل الامنيات بعام سعيد Author: سارة علي Date: 12-31-2008, 05:54 AM Parent: #1
طبفور... خم رمادك في كورنة تانية.. دقيقة معاي تلفون..
Post: #115 Title: Re: اصدقائي اجمل الامنيات بعام سعيد Author: سارة علي Date: 12-31-2008, 05:56 AM Parent: #1
Quote: الأيام دي مفلس والعوّز أجارك الله..
طيفور.. طنش..
تعش...
نتنعش....
Post: #116 Title: Re: اصدقائي اجمل الامنيات بعام سعيد Author: حنين للبلد Date: 12-31-2008, 05:58 AM Parent: #1
ماعارفة لي فجاة اتذكرت مقولة مأثورة
"خلاص اتلميتو يا..........."
Post: #117 Title: Re: اصدقائي اجمل الامنيات بعام سعيد Author: osman righeem Date: 12-31-2008, 06:02 AM Parent: #1
Quote: مشكول
ده معناتو يا شقيق انك ما رعيت وحنكوش ساي
مشكول ماب تعرف الشكل وهو القيد في ارجل البهائم
Post: #119 Title: Re: اصدقائي اجمل الامنيات بعام سعيد Author: Yassir Tayfour Date: 12-31-2008, 06:09 AM Parent: #117
يا رغيم هاي غير مشكول "تعني مليان مشاكل" يعني بسط تب.. ___ يا حنو الرهط دايرن نوسعو شويّة لإستقبال مزيد من العضويّة، حتى الناس المابياهم ديلاك، حنجيبهم وونفتح عيادة.. لو (إتذكرتي) موضوع الشفخانة، إنت قلتي لي مكانها وين؟؟؟ لووول
Post: #120 Title: Re: اصدقائي اجمل الامنيات بعام سعيد Author: Yassir Tayfour Date: 12-31-2008, 06:14 AM Parent: #119
النوم وجب..
__ شفتي كيف! نحنا نومنا بنعلنوا في المنبر، خليك من الزول يغيب ولما يدقوا ليهو جرس الكنيسة حتين يصحى
Post: #121 Title: Re: اصدقائي اجمل الامنيات بعام سعيد Author: osman righeem Date: 12-31-2008, 06:18 AM Parent: #119
Quote: يا رغيم هاي غير
خليها هايدي غير
انا ثقافتي لبنانيه
بعدين عمك علي خلاص اطلقوا سراحه فكو ياخ
كان مشكول لليوم نرجع لك صندوق ود الفضل
Post: #122 Title: Re: اصدقائي اجمل الامنيات بعام سعيد Author: حنين للبلد Date: 12-31-2008, 06:39 AM Parent: #1
حتى الناس المابياهم ديلاك،
ياسر اخير تمشي تنوم....ناس منوالمابياهم
النوم سرييييييييييييييييييع
Post: #123 Title: Re: اصدقائي اجمل الامنيات بعام سعيد Author: Yassir Tayfour Date: 12-31-2008, 06:43 AM Parent: #122
Post: #124 Title: Re: اصدقائي اجمل الامنيات بعام سعيد Author: tayseer alnworani Date: 12-31-2008, 07:11 AM Parent: #123
حنين سلامات يا صديقة كل سنة وانت طيبة وجميع الامانى محققة عام وخاص
Quote: حنين سلامات يا صديقة كل سنة وانت طيبة وجميع الامانى محققة عام وخاص
تحايا خاصة من اخلاص النورانى
ويييييييين يا نوراني والله مشتاقين بالجد اخبارك انشاء الله خير يارب ويحقق برضو امانيك يا رب اتمنى ليكم امسية سعيده مع مصطفى السني ، استمتعوا لينا معاكم عليك الله
تحياتي للزميلة العزيزة اخلاص النوراني.
Post: #125 Title: Re: اصدقائي اجمل الامنيات بعام سعيد Author: Dalal Ezzaldin Date: 12-31-2008, 07:27 AM Parent: #1
كل سنة وانت بألف خير ياحبيبة، بدعو السنة الجديدة دي تكون فال خير عليك وعلى الجميع وربنا يحقق كل امانيك يارب، عني انا قررت افتح ليهاقلبي رغم خوفي منها، انتي كيف؟؟
Post: #237 Title: Re: اصدقائي اجمل الامنيات بعام سعيد Author: Dalal Ezzaldin Date: 01-03-2009, 08:34 AM Parent: #140
Quote: عني انا قررت افتح ليهاقلبي رغم خوفي منها
قولي يارب واطردي الخوف .. ما بتخاف المحوطه بحب الناس دي كلها ياحبوبه
Quote: انتي كيف؟؟
متحمسه شديد والحمدلله .. 2008 بالنسبه لي كانت سنه تغيير .. وبأذن الله السنه دي تكون احسن من القبلها
يحقق احلامك ويخلي ليك كل الغالين ياكريم
Post: #127 Title: Re: اصدقائي اجمل الامنيات بعام سعيد Author: خضر حسين خليل Date: 12-31-2008, 11:08 AM Parent: #1
فكوا بعد العنقز نوم العجز، خت ضمة في العين "العجز* العجائز"
Post: #128 Title: Re: اصدقائي اجمل الامنيات بعام سعيد Author: محمد البشرى الخضر Date: 12-31-2008, 01:27 PM Parent: #1
Quote: امنياتك بالجد شنو في السنة الجديدة دي
على المستوى الشخصي أرجع البلد وكفاية غربة لحدي هنا - كيف ما عارف لكن الله إن أراد شيئا يقل له كن فيكون متمني حتوت و توتا يقوموا مع جدهم و حبوباتهم و خالاتهم و اولاد خالاتهم و عماتهم و بنات عماتهم و كدا ونفسي ارجع اخش كور الهلال و خرمان لطعم التبش بالشطة وانت واقف في الصف و قصب السكر و فليق الحكام و النبيح في الكوتش طلع فلان و دخل علان و هتاف الليق يا عواليق و إنعل أيـ ... إييييه أيام
وعلى المستوى العام أتمنى حل ولو جزء يسير من مشاكل الوطن دارفور خصوصا و يعود لكل صاحب حق ضائع حقه و أتمنى بشدة ان يرزقنا الله باولياء أمور صالحين همهم محاربة الفساد الذي إستشرا حتى صار شيئ طبيعي لا يثير الإستنكار و أتمنى فتح طريق الممزر بين دبي و الشارقة وأتمنى محاسبة حقيقية غير منحازة ولا مجاملة لكل من أخطا في حق البلد و المواطنين بقصد أو بغير وأتمنى رجوع أهل ثورة التعليم العالي لرشدهم و إلغاء البقالات المنتشرة تحت إسم كليات و جامعات مع دعم و تطوير الجامعات الحقيقية القائمة و زيادة إمكانية إستيعاب عدد طلاب أكبر وتاني شنو تاني شنو , كفاية ديل
بالنسبة للمنبر أتمنى أن تختفي حكاية نقل الخاص للعام ولو بقت صعبة يا ريت عمك يلغي كل اليوزر نيم الحقيقية و يبدلها لينا بنك نيمس عشان مافي زول يعرف البتكلم معاه منو و يشبكو اهلك و قبيلتك و حلتك واتمنى ان تختفي الظواهر العلقنا عليها في بوست الأسئلة البااايخة و اتمنى اعرف تلفون هناية - خجلان اسألها والله - عندي ليها شمار ابن كلب ما بتكتب في العام و بالتالي اتمنى رجوع المسنجر اها تاني شنو ؟ ولّ أإقوليك الباقي خليه أسيادو كان عرفو بزعلوا ساكت
ها المايك مع مين ؟
Post: #131 Title: Re: اصدقائي اجمل الامنيات بعام سعيد Author: osman righeem Date: 12-31-2008, 02:08 PM Parent: #128
شكرا ابوحتوت
انا منتظرك من الصباح عشان تجي ترمي بياضك لأن الترتيب كده وانت طلعت مع كومار و لا منو ما علينا
علي المستوي العام: اتمني ان نضيف الي ادبياتنا السودانيه ادب الحوار و أن نطبق مبدأ تنتهي حريتك عندما تبتدي حرية الاخرين وإن الكلمة مسئولية فيجب ان تقال بحقها و ان يحسب قالئلها نفسه قبل ان يحاسب وان نرجع كل شئ الي ديننا كما يطلب مننا فلا ديمقراطية وستمنستر تعلوا علي معتقداتنا و لا نفرض ما نعتقد علي غيرنا الا بما امرنافأتمني ونحن في خضم احباطنا من حال بلدنا ان نعي ان الاحباط يجعلنا نستعجل الحلول فتأتي خديجه و غير مكتملهلا ميثاق حقوق الانسان العالمي يناسبنا كله و لا ديمقراطية وستمنستر تناسب امة نسبة الامية فيها 70% واتمني في العام 2009 أن نصل الي حلول وطنية ذات اراده سودانية بعيدا عن الاحتماء و التقوي بالخارج تحت اي مسمي وان تزول دولة الاضهاد ومحق حقوق العباد في أي بقعة في العالم
علي مستوي هذا الكيان الذي يجمعنا : و لأنه جزء من الوطن ويحتوي علي نماذج من قضايانا المشوه و المعكوسة الطرح اجلب ما تمنينه علي المستوي العام ليسود هنا
علي المستوي الشخص : ان اتعرف اكثر الي اخوان واحباب التقيتهم هنا وجمعتنا الفكره ونظرنا اليها كل من جانبه و لكن كنا كلانا ننظر الي نفس الفكرهو لذلك درنا في محور لم نتفق عليه سلفا ولكنه جمعنا لسبب ما. و في مجال العمل اتمني ( ولقد عملت جاهدا من اجل ذلك) ان احظي بدوام معلوم في العمل يبتدي من كده الي كده ولقد قطعت نصف الطريق وتبقي التمني وامتني ان يجعل خاتمة ايامنا في السودان وندفن فيه ويصلي علينا من يعرفنا و يسأل لنا المغفرة و القبول من قلبه وامني ان يمنحني الله العزيز الحليم القدرة علي مبادلة الناس احترام بإحترام و موده بموده و أن يمنحني القدرة علي التسامح والصدق مع النفس وامني كل ذلك لكل حبيب واخ و اخت عرفته من خلال هذا الموقع
انا برضو زيك بتمنى انه تتحق ابسط الامنيات بانه الانسان السوداني يكون معزز ومكوم في بلده ويكفينا الله شر الغربة والاغتبرا. لكن فكرك ابوي بيحصل ، ماعارفة انا شخصيا ما متفائلة..خليها على الله يارغيم خليها على الله...
Post: #133 Title: Re: اصدقائي اجمل الامنيات بعام سعيد Author: كمال علي الزين Date: 12-31-2008, 03:32 PM Parent: #128
Quote: اتمنى اعرف تلفون هناية - خجلان اسألها والله - عندي ليها شمار ابن كلب ما بتكتب في العام و بالتالي اتمنى رجوع المسنجر
كلنا ذلك الرجل يا(ذا ) البشرى ..
عليك لو لقيتو رسلوا لي معاك ..
(ومن جهز غازياً فقد غزا) .. وجزاك الله خيراً ياهذا ..
Post: #135 Title: Re: اصدقائي اجمل الامنيات بعام سعيد Author: محمد البشرى الخضر Date: 12-31-2008, 03:50 PM Parent: #133
هوووي يا كمال يا شين اقعد حاحي كدا لمن ورقك يزيد و نكتبك اربعتاشر قوم لف عامل ورقك المعرج دا
انا ممكن اقول ليك كتبت شنو في بوست بكري، لكن الشيء الأكيد ماكسير تلج طبعا...
علقت على الصورة بين ملاسي ومنال، تعليق طريف..لكن بعد دخلت وشفت الرسم الكاريكتوري الدخل في الأخوات كمان رجعت مسحته، ماحصل زعلت من ملاسي قدر اليوم ده.. بس ده كل الحصل
غايتو انت الشمار ده يوم بقتلك
Post: #136 Title: Re: اصدقائي اجمل الامنيات بعام سعيد Author: osman righeem Date: 12-31-2008, 05:13 PM Parent: #1
Quote: ردي لروغيم أنا كان شفتي لي تلفون هناية ما داير شي تاني
ود البشرى
والله تصدق مادايرة ارد كواجب بقدر ما انه المداخلات مست فيني مامست، ونحن على اعتاب السنة دي امنياتك مثلا ياود البشرى شبيه كثير جدا بأمنياتي..
انا يا ابوحتحوت بتمنى امنية امكن تستغرب ليها بتمنى الزمن يرجع لي وراء وشايفة اسه خيالاتنا انا واخواني واخواتي وامي وابوي وهي مالية بيتنا.. شايفانا وانحنا بتزاحم في شراب الشاي والكفتيرة البتتشدة كم مرة عشان تكفينا، وامي بترمي في اللقيمات، وشايفاني بسرح لي اختي في ضفايرها عشان نمشي المدرسة انا وهي اتزاملنا في الابتدائي وكنت مستلماها" طبعا ده كله اسه حتنكروا" كنت ولازلت بحس انها بتي قبل تكون اختي... شايفانا وانحنا كلللللللللللللنا متلمين وقت الغداء وراجين ابوي يجي عشان ينور لينا قعدتنا، شايفة حتى نفسي وانا متمارضة عشان ما اروح المدرسة وشايفة ابوي بيطقطق لي في رجلي، ماعارفة ابوي كان دايما يسوي الحركة دي يعصر لينا رجلينا كانه ده ا لدواء البطيبنا، شايفاني قاعدة وسطهم ماليني كلي...يا الله لو كنت عارفة انه حنتفرق كدة كنت وقفت الزمن انجم بيناتهم.. حليلهم هم كل زول فرتق في جهة حليل امي وابوي حليل لمتنا وونستنا وحليل البيت الفاض بالحكي والضحك والونسة ..... حليل اخوي ينهرنا نص الليل عشان نبطل نقة على قوله انا واختي ولي اسه ماعارفة كنا بنقول شنو كلامنا وحكينا كان كتير مابنتهي، ياحليلهم ياود البشرى... لي اسه كل مرة اقول نتلم كلنا كل ما ابذل جهد عشان احقق الامنية ظروف الحياة تجبر جزء مايقدر يفي ويجي الاجازة عشان نضخ دم المحنة في البيت البقى فاضي وصاني... محمد فتقت فيني جروح...
يااخي نفسي يجي علينا يوم نبطل الشبك والمهاترات والمشاكل، يااخي كماعارفة على الواقع الناس دي شكالة كدة ، زمان الناس كانت حنينة اسه بقى كل زول مدروع في رقبة التاني، ولو اختلفت في الرأي مع زول خلاص يحلك الله...
تحابو ياجماعة تحابو، والله دنية تافهة مامارقين بيها غير بي اعمالنا، وشبر في الارض لا اكتر ولا اقل..
تحابو يااخي دنيا زائلة
Post: #161 Title: Re: اصدقائي اجمل الامنيات بعام سعيد Author: osman righeem Date: 12-31-2008, 07:48 PM Parent: #156
والله يا حنين مع فرحتنا بيك ما قدرت افوتا
Quote: الانسان السوداني يكون معزز ومكوم في بلده ويكفينا الله شر الغربة والاغتبرا
غايتو مكوم دي مع انها بتدي معني لكن ذكرتني محمد عادل
والله نتكوم هناك بي عزه اخير من من كويعة الاجير دي
انت عارفه القذافي رغم ما يقال عن كتابه الاخضر الا ان جملة فيه دائما ارددها
Quote: غايتو مكوم دي مع انها بتدي معني لكن ذكرتني محمد عادل
ياعمك مالدرجة محمد عادل يااخي
يااخي الزول ده لي اسه بخنج من الشاكوش اللي سنتين داك ، زهجنا معاه عليك الله يا ابوي الكزه قول لي الناس راحلين لي سنة جديدة ومايرحل لينا معاه ذكرياته دي بالله فضحنا وجرسنا على النت ..
مالكم راسكم ده قرب كدة انحنا لسه الساعة اتنين ضهر عندنا...
Post: #165 Title: Re: اصدقائي اجمل الامنيات بعام سعيد Author: Hala Hassan Date: 12-31-2008, 08:00 PM
رغيم،
Quote: Quote: الانسان السوداني يكون معزز ومكوم في بلده ويكفينا الله شر الغربة والاغتبرا
غايتو مكوم دي مع انها بتدي معني لكن ذكرتني محمد عادل
الله يجازيك، (بالخير طبعا)،،،،
لكن بينى و بينك، كويم جوة برضو حار،،،،
ما قلت لينا، محمد عادل مالو؟؟؟
نظام شمار و كدة،،،،
___________________________________ حنين، عليكى الله ما تبكى بت أمى، خلاص بطلنا نحسبو،،،
Post: #174 Title: Re: اصدقائي اجمل الامنيات بعام سعيد Author: osman righeem Date: 12-31-2008, 08:21 PM Parent: #165
هندسه
الضيوف مرقوا
شمار ود عادل ده الا تاخديهو العين في العين من حنين
Post: #179 Title: Re: اصدقائي اجمل الامنيات بعام سعيد Author: Hala Hassan Date: 12-31-2008, 08:36 PM Parent: #174
رغيم،
واحدين مرقوا،
لكن الحاجة لسة معاها ناس، الظاهر ما عارفين الليلة راس السنة،،،،
و حنين دى بس تمرق من مودها دة، عشان نعرف نتفاهم معاها،،،،
Post: #166 Title: Re: اصدقائي اجمل الامنيات بعام سعيد Author: Hala Hassan Date: 12-31-2008, 08:00 PM
حذف للتكرار،،،
Post: #167 Title: Re: اصدقائي اجمل الامنيات بعام سعيد Author: سارة علي Date: 12-31-2008, 08:02 PM Parent: #1
Quote: انا يا ابوحتحوت بتمنى امنية امكن تستغرب ليها بتمنى الزمن يرجع لي وراء وشايفة اسه خيالاتنا انا واخواني واخواتي وامي وابوي وهي مالية بيتنا.. شايفانا وانحنا بتزاحم في شراب الشاي والكفتيرة البتتشدة كم مرة عشان تكفينا، وامي بترمي في اللقيمات، وشايفاني بسرح لي اختي في ضفايرها عشان نمشي المدرسة انا وهي اتزاملنا في الابتدائي وكنت مستلماها" طبعا ده كله اسه حتنكروا" كنت ولازلت بحس انها بتي قبل تكون اختي... شايفانا وانحنا كلللللللللللللنا متلمين وقت الغداء وراجين ابوي يجي عشان ينور لينا قعدتنا، شايفة حتى نفسي وانا متمارضة عشان ما اروح المدرسة وشايفة ابوي بيطقطق لي في رجلي، ماعارفة ابوي كان دايما يسوي الحركة دي يعصر لينا رجلينا كانه ده ا لدواء البطيبنا، شايفاني قاعدة وسطهم ماليني كلي...يا الله لو كنت عارفة انه حنتفرق كدة كنت وقفت الزمن انجم بيناتهم.. حليلهم هم كل زول فرتق في جهة حليل امي وابوي حليل لمتنا وونستنا وحليل البيت الفاض بالحكي والضحك والونسة ..... حليل اخوي ينهرنا نص الليل عشان نبطل نقة على قوله انا واختي ولي اسه ماعارفة كنا بنقول شنو كلامنا وحكينا كان كتير مابنتهي، ياحليلهم ياود البشرى... لي اسه كل مرة اقول نتلم كلنا كل ما ابذل جهد عشان احقق الامنية ظروف الحياة تجبر جزء مايقدر يفي ويجي الاجازة عشان نضخ دم المحنة في البيت البقى فاضي وصاني... محمد فتقت فيني جروح...
Post: #173 Title: Re: اصدقائي اجمل الامنيات بعام سعيد Author: سارة علي Date: 12-31-2008, 08:18 PM Parent: #1
Quote: اتفني هنا جنبي..
اتفن ووووين يا انتي؟؟؟ رايجيني ترافيك زي السم.. الواحد ما يتمتع بي اجازة اصلو.. الله يجازي اللي كان السبب
Post: #176 Title: Re: اصدقائي اجمل الامنيات بعام سعيد Author: osman righeem Date: 12-31-2008, 08:26 PM Parent: #173
سروره شرفتي
ياخ خليك معانا النص ساعه ده عشان نسمع منك كل سنه وانتو طيبين شكلنا كده حنكون انا وحنين كل الناس برمجت وزاغت اصلو عيد لاعندو سيد لا فيهو عيديه
Post: #177 Title: Re: اصدقائي اجمل الامنيات بعام سعيد Author: سارة علي Date: 12-31-2008, 08:29 PM Parent: #1
هيييي يا حنين.. محمد عادل دة ما تديهو سبة يجي البوست دة.. يجي هسه يفتلو لينا بي صورتو...وسيدي فلان ومولاي علان
ود العم.. ينفع اساعد في موضوع الرقم...؟؟؟؟
Post: #193 Title: Re: اصدقائي اجمل الامنيات بعام سعيد Author: محمد البشرى الخضر Date: 12-31-2008, 09:19 PM Parent: #177
سرور كيفك و تمنياتي ليك بسنة جديدة سعيدة تتحقق فيها كل امانيك
Quote: ود العم.. ينفع اساعد في موضوع الرقم...؟؟؟؟
والله يا بتي ماااااا ظنيت برضو التايم زون مختلف لكن مشكورة على ابداء الشعور الطيب برضك
روغيم كل شن وانت طيب لكن الراس ما عندك حاضن الكمبيوتر وقاعد
Post: #200 Title: Re: اصدقائي اجمل الامنيات بعام سعيد Author: osman righeem Date: 12-31-2008, 09:58 PM Parent: #193
والله يا عمك بس الحكومة طهرها قوي ساكت
وحاتك منتظر كشوف الجرد ولسع الجماعة شغالين محل فاست فوود في البلد ماخلوهو وخاصة الحماعه ابان لقاليق ديلك من المغرب مجنني بالتلفون - حد حيقيبلنا العشا لكن هانت في تيرمس قهوة تاني
Post: #181 Title: Re: اصدقائي اجمل الامنيات بعام سعيد Author: سارة علي Date: 12-31-2008, 08:41 PM Parent: #1
مسحتا يا رغيم..
Post: #182 Title: Re: اصدقائي اجمل الامنيات بعام سعيد Author: osman righeem Date: 12-31-2008, 08:45 PM Parent: #181
Quote: في عضو اسمو عبد الغني كرم الله دخل بي هنا وقال كلام سمح... مشي ويين؟؟
عبدالغني كرم الله
كل سنة وانت طيب رددت ليك فوق لكن نتمنى عودتك، كيف هو طعم العام الجديد عندكم..
Post: #191 Title: Re: اصدقائي اجمل الامنيات بعام سعيد Author: سارة علي Date: 12-31-2008, 09:16 PM Parent: #1
كبل عام وانت بخير يا رغيم.. ويخلي ليك اولادك.. وانا سعيدة جدا باني اتعرفتا عليك في 2008.. انت زول تمام..
Post: #194 Title: Re: اصدقائي اجمل الامنيات بعام سعيد Author: Ishraga Mustafa Date: 12-31-2008, 09:41 PM Parent: #191
2009 ستكون لىّ- هكذا اعبىء روحى بالامنيات ولا مستحيل 2009 سنة الحصاد- حياة او موت
رنّ التلفون قبل ساعة.. وسمعونى من السودان الاغنية دى محتفلين فى عريشتنا فى الديم وصوت مامون البديع يبكى ويفرح والاصحاب الجد والصاحبات الجد متلمين اتذكرونى وعمرهم مانسونى اسرتنى صاحبتى ياحنين- صاحبتى الجميلة- ماشفت لىّ زولة مليانه يقين زيها, الايمان ده مافى زيو ياحنين الجايك جاييك- كانت حضور وزوجها الجميل كان ايضا حاضرا, انا الغائبة مشرور حزنى فى ضهر البلاد البعيدة
كانت بتضحك وبتغنى وبتمارس تفاصيل حياتها الانسانية تجاوزت بارادتها عملية ازالة الثدى نتيجة السرطان- عملية ليها اقل من ستة اسابيع- شفتى الارادة دى كيف وصنوا لمن مامون غنى ياربيع الدنيا من احبّ الاغنيات الى قلبى كنت بغنيها لمن كان فى القلب بعض رومانسية ولمن اغنيها ببببببببببببببببببببببببببكى لمن الله يغفر لىّ زى حسع بغنى فيها والوش منفخّ والجضووووم وصلنك ياحنين- افتحى ليهن الشباك
راجياك بت امي من قبييل راجياك وراجي الحرف الشجن اتكي علي...واخد لي نفس طويييييييييييييل... حنبقى ديمة كدة نتشابى لي وراء لانا لاحقين في الفات ولاناملاحقين اللجاي..
وكمان جبتي عثمان حسين معاك، ربنا يرحمه ويرحم الشجن الحنين الفي صوته.. عندي خالتي الله يرحمها عاشت وماتت وهي تقدس عثمان حسين... الناس الديم يا اشراقة لو هجسوا في سرايرهم ومابعملوها يوم راس السنة الإحتفالية تشع منهم.. يااخي ناس حلوين وروحهم حلوة
جاياك بي مهلة ... حب مالي حدود يا بت مصطفى حب مالي حدود
Post: #195 Title: Re: اصدقائي اجمل الامنيات بعام سعيد Author: osman righeem Date: 12-31-2008, 09:43 PM Parent: #1
في خريف عامنا الذي ولد اليوم وعندما تطيب ثمار النخيل و تدنو للقطاف
وتودع امطار الصيف ربوع السودان يجي موعد اللقاء بتنقاسي
اليك امي كل ما دمج من الحروف يحمل معاني الحب والوفاء و الموده اليك في هذا العام الجديد كل ما تمناه مخلص لاخ أو لحبيب
Post: #212 Title: Re: اصدقائي اجمل الامنيات بعام سعيد Author: سلمى الشيخ سلامة Date: 01-01-2009, 02:55 AM Parent: #211
تعالى نحلم تعالى نحلم اجمل حاجة انه الواحدة تحلم والواحد يحلم بعام جديد الدنيا تصبح يوم معاد وابقى احوج ما اكون انا لحضورك بالجد بدورك فجاة يشلع فينى نورك والقاك نبتى من التراب السكة فجيتى الافق نضحك من الواقع سوا نحنا القدرنا على التعب حرقتنا السنة اللهب ولسه ماسكين الدرب يا صاحبة فى الزمن الصعب كل لحظة وانتى بخير الكلام الفوق دا حق خطاب حسن احمد بث
Post: #213 Title: Re: اصدقائي اجمل الامنيات بعام سعيد Author: osman righeem Date: 01-01-2009, 05:35 AM Parent: #1
استاذه سلمي
كل العام سعيده بإذن واحد احد
Post: #215 Title: Re: اصدقائي اجمل الامنيات بعام سعيد Author: عبدالغني كرم الله Date: 01-01-2009, 06:02 AM Parent: #213
Quote: أها ماختينا صورته وكده علشان ما تزعلوا مننا في نهاية السنة كمان وتبقى ذي بدايتها
عماد كل سنة وانت طيب ويخلي ويحفظ ليك اولادك
على قول عثمان رغيم
هو انت لسه فاكر
حساسيتك لكن عالية شديد...
Post: #221 Title: Re: اصدقائي اجمل الامنيات بعام سعيد Author: Hala Hassan Date: 01-01-2009, 09:28 AM Parent: #1
حنين و ضيوفها الكرام، عام جديد سعيد، و عمر مديد، بأذن الله،،،
Post: #222 Title: Re: اصدقائي اجمل الامنيات بعام سعيد Author: عبدالغني كرم الله Date: 01-01-2009, 09:50 AM Parent: #221
...
حنين من إذنك حبة..
العزيزة (سارة علي) انا زاتي كلامي القلتو ما لا قي، دي اول شكوى وسرقة في رأس السنة من "حنين"... الكلام وديتي وين؟... ما علينا، نشوف في النية كلام تاني...
نعود حنين للبلد، أسم يكوي القلب والوجدان...
وإليكم حكاية، نسري بها النفس:.
***** يمه يمه صحي ولدوني عريان.. هكذا يسأل الطفل امه، في برد الشتاء، .. تهز الأم رأسها، .. فقد سئلها قبل كدي عشرات، بل مئات المرات، ولكنه يعود ويسأل.. ليه، مش كان في برد.. تهز الأم رأسها، إجابة.. ليه ما طلعت لابس فنيلة وجزمة..
***** وللحق، الرحم الإنساني ذكي، وماهر وعبقري، ينحت في تلك الظلمة، بل في ذلك (المرسم)، الوجه، واليد، والعين، ونبض القلب..
فلم: نسى الملابس، والجزمة؟؟؟؟؟.. ألا تخرج الكلاب، والغزلان، بأظافر، وحوافر، وريش، وجلد وصوف..
إنه يسكونا كل يوم فرح جديد، بل اصيح استكو، حين نمر بمنزل (الكابلي)، إنه يلحن في أغنية جديدة..
لا ترفعوا صوتك يا أجدادي، فالتجاني بشير، يسطر في أنشودة جديدة، قم ياطرير الشباب.. عن لنا عن.. من عبقري الرباب، أو حرم الفن..
..... وتلكم العبقريات، وهي كامنة في كائن من كان..
تبحث عن زمن...(عن مسرح كي تولد)...
عايني، الزمن كنز، مش؟... ياخي، مش (ظلمة الرحم، قادرة على خلق جنين، يعني إنسان خلال تسعة شهور وعشرة يوم).... ونحن في ضوء الشمس ما قادرين نخلق إبداع، فكر، شعر، مكنة، دولاب، كتاب، شنطة، المهم شئ محسوس، يعطي للروح معنى..
أنتي عارفة، أعظم إحساس هو إحساس (الإنجاز)، شوفي المقاول المتسخ، بل المحنن بالاسمنت والبوهية، والطين لمن ينظر لعمارة أو بيت، أو حتى حيطة بناها، هل تصدقي إحساسو ده يتجاوز قلب ليلى، حين تعشق، وقلب جوته، ووايت مان.. (أحب وايت مان طبعا).. وهم مسكونين بومض الشعر، برقة الشعر.. وللعقل القديم ، أعظم إنجاز هو (الإنسان)، ألا تنظري لنفسك كثيرا في المرآة؟، تلك هي لوحة العقل القديم (أنت)..
فأين لوحاتنا... الزمن كائن عجيب، يندفق من ماض مجهول، لمستقبل أكثر غموض، ويفتح شهية النفس للتأمل ما الزمن، أهو نهر يجري، ويغير جلده في كل ثانية، ومن نحن، لم يجري بنا من الرحم للطفولة للشباب للكهولة، للقبر، ولما وراء القبر، يفتح اسئلة، وتعجب، إنه كائن لذيذ هذا الزمن..
ونعود للعادة والتكرار، فالزمن يتكرر، السيدة الكرة الأرضية تلف وتلف، حول نفسها، فتخلق يوم، وحول الشمس فتخلق فصول... ونحن على ظهرها نتفرج على ربيع وشتاء وصيف وخريف... أجمل قطر، مش؟...
طيب نرجع للنفس البشرية (الملولة، العجولة)، السجمانة، في مادح بقول وسط الطريق، ومجاني، في تقطاع شارع الجمهورية والقصر (نفسي يا متعالي، تبقى تحت نعالي، مزعنة وطايعة لي)..
آآآآه، كلمة (مزعنة )دي هي السبب، مثلا، ففي أصغر وحدة زمنية النفس دايرة تعمل حاجة، والعقل داير يعمل حاجة تانية، والقلب داير يعمل حاجة تالتة، شفتي الحرب الشرسة دي في النفس البشرية كيف.. مش (أعدى اعدائك نفسك التي بين جنبيك).. ورجعنا (للجهاد والنضال الأكبر)..
مثلا، الساعة اربعة، النفس دايرة نوم، نوم وبس... العقل داير يقرأ كتاب طوييييييل، وياريت النفس تنفض عنادها.. والقلب يرنو لحبيبة بعيييييدة، علها يتذكرها، يتمثلها، ويخلق من مادة الحلم ما يشاء..
نحن من يسلك الطرق، يفتح الزمن له عشرات الطرق، ونحن في مفترق الطريق، نضع علامة الاستفهام (؟)، إلى أين..
ياربي امشي كدي، ولا كدي، وعلى نفسها جنت براقش..
هل تصدقي، أعظم الانجازات البشرية، خلقت من (التسكع)، أيوة، المشي البسيط في الشارع، مع تأمل عميق، يخلق نظريات (زي الخريطة الوراثية)، والسيد البسيط انشتاين، أغلب افكاره كانت من التسكع البسيط، يعني (التفكير)، ما داير أي شروط، ولاغناء، ولا جامعة، ولا مدرج، ولكن كيف نصحو (مجتمع جديد، أو الكارثة)، زي ما بقول د. زكي..
على المستوى الشخصي، أحس بكسل، بإهمال، وبأني عاق لمواهب في العقل والقلب والشعور،وهي مواهب مبذولة للجميع..
هناك عقل.. وهناك قلب.. فأي ثروة أعظم من هذه، هل تصدقي، مجرد المحبة، أن تحب الناس، وتحاول حبهم، وتمثل معاناتهم، دي موهبة... الشيخ العبيد ود ريا قال (الماعندو محبة، ما عندو الحبة)، يعني القلب (وهو كنز شعور عميق، عمييييييييييييييق)، هل ينبض بالمحبة للاشجار، لشاعرية الغروب، لدفق الزمن، لحرير الذكرى، لبخور العيون الجميلة، لمعاناة الشعوب، لرائحة عرق الفلاحين، لرسومات السحب، للألوان ، ما أجمل الألوان، على القلب ان يكون سيد، وعاشق كبير للحياة، ودي شبه مجاني، ما دايرة قروش، وروضة وجامعة.. الكون مفتوح، ورسومات السحب تمر فوقك، والنسيم اللامرئي يدغدغ خدك، وشعرك، وجسمك، ويرسل الشعر الغجري، كنجوى وشعر... وعيون الابقار الحزينة، ألا تحرك فينا شئ..
الكون لوحة.. الكون معاناة.. الكون سر...
وخلق الزمان يجري كي نتفرج على أعظم مشهد، على أعظم لوحة، على أعظم مسرح، على أعظم سينما وهي (الحياة)..
عليك الله تأملي كلمة حياة.. وجه أمك.. قبر جدك.. امرأة نوبية تبيع السكرة في مملكة علوة.. قرد يقفز في غابة.. فتاة عاشقة وخجولة..
للحياة وجوه، ومكر، ودهاء وطيبة....
والزمن نهر، له امواجه، وله ضفته، وقواربه، ولكن متى نجهز ا لقارب والشراع والمجداف، ونمضي معه.. كي نقطف ثمار المحبة، والفهم، والحيرة..
هل تصدقي، أعظم شي تقدمها لنا الحياة.. هي... نعم هي.. هي نفسها (تأملي، بل تذوقي، بل أشرفي كلمة "حياة"، وسترينها في عيون الاطفال، في نبض عاشقة، في أنين سجين، وفي تلاثغ الأمواج.. وبيت شعر..
الدهشة.. والغموض، وما أسعد عقل سقراط، وهو يبوح بأدب جم لتلامييذه بأنه.. (أعظم جاهل)..
لا يأس مع الحياة.. كتب غرامشي كتابة الرائع في السجن، وتأمل كزاناكيس الكون في خلوة السجن، وكتب صنع الله ابراهيم (تلك الرائحة)، في عتمة السجن، وانفطر قبل الحلاج وجدا، بخلوة بعيدا عن العباد والبلاد..
الزمن جوهر.. والايام لؤلؤة..
عام سعيد، وجميل، وخلاق، وود ناس، وشاطر، وذكي..
أطلت،.. ولكن هكذا جرى القلم..
.. صباح الخميس، الأول من يناير 2009م.. الدوحة/ قطر.. ...
Post: #224 Title: Re: اصدقائي اجمل الامنيات بعام سعيد Author: مدثر محمد عمر Date: 01-01-2009, 11:51 AM Parent: #222
كل عام وانتم طيبون والنهر دائما بخير.... بعد حديث كرم الله ، سيصبح كل حديث سمجُا وباهتاً كاحتفالات التلفزيون باعياد "الثوره"!!!!
رغم انك وجهت الكلام للاخت سارة لكن حبيت اقول ليك يا ابوي دي مداخلتك مااختفت لكن هي في الصفحة التانية ورديت ليك عليها برضه في الصفحة التانية ممكن ترجع تراجعها.....ساعدونا بالمذاكرة والإطلاع لي عودة لمداخلتك الأخيرة لانها بالجد دايرة دراسة....
Quote: العزيزة، حنين...
سلام واحترام..
نهاية العام يقلب المرء الطرف، ماذا فعل، ماذا اضاف، كيف تصرف، جرد لعام كامل، لاكثر من ثلاثمائة يوم، ناهيك عن ساعات، والساعات هي الحياة، هي الكنز العجيب، كيف تصرف الفرد مع اعظم مخلوق، وهو الذهب الحقيقي (الزمن)، وخاصة زمن الفراغ..
يتوقف الانسان كثيرا للاخطاء للسلبيات للرعونات للجهل للانفعالات الموقتة، للتهريج الذاتي، للوقت الذي تسيب منه ولم يفعل، للتبريرات التي يخلقها الفرد لنفسه،....
رأس السنة، هو وقوف امام المرأة، مرأة النفس... وقوف بصدق، وتجرد، وهيهات، فالنفس ماكرة، شاطرة، تزين الاخطاء، ثم أنوار العقول إن لم تكن قوية فلن تكشف المستور في النفس، والله كل سنة أحس بالتقصير، بالندم، تجاه امي، تجاه الكون، تجاه نفسي، وأفتح اسئلة لم؟ وكيف، ومتى...
الزمن يتسرب.. ونحن ننوح عليه، ونحن من قتله.. المتنبي، يقول، ولم أرى ... كنقص القادرين على الكمال، وكل الناس قاردة على العطاء، .. وأخير، نعزي النفس، بحكمة (أن تشعل شمة خيرا من أن تسب الظلام)..
ليتنا نبدأ في التغيير الداخلي..
هذا الكلام لي، لي انا، وليس لأي فرد أخر، .. أحس بالتقصير، وبالندم العمييييييييييييييق، وبأني اهدرت عام كامل، بلا شئ..