Post: #1
Title: بنت دارفور
Author: ذواليد سليمان مصطفى
Date: 12-29-2008, 08:21 PM
بنت دارفور
كلمات/ذواليد سليمان مصطفى
2/5/2004م
بنت دارفور حبك نور
جمال الدنيا واحساس معهود
يا سحر الطبيعه وحسنها
انت للحب وفاء مشهود
ضوه قمرك وطالعه شمسك
يا احلى بنيه واحلى ورود
بت بلدى فتونه خجوله
ادعو لربى ليك اعود
همسك فاح احلى عطور
يا احلى كلام رقيق منشود
فرع رمانه حاك البانه
رقه وعفه ماليها حدود
تسلمى انت يا لينا تعيش
يا المالينا حب ووعود
بخور الصندل وتوب الفركه
رقصه هجورى وسط العود
انت سماحه الريده الصادقه
ومعنى الدنيا ليك مردود
يا احلى مشاعر الغنوه الراقصه
امواج ودلال يا احلى وجود
زهره رويانه فى خديك
انت امال الخطوه القادمه
يا احلى عيون عسيله وسود
حبى اليك مافيه صدود
يا اغلى انسان فى شرف العزه
احبك دائماً بلامحدود
|
Post: #2
Title: Re: بنت دارفور
Author: نادية عثمان
Date: 01-01-2009, 09:32 AM
Parent: #1
Quote: زهره رويانه فى خديك
انت امال الخطوه القادمه
يا احلى عيون عسيله وسود
حبى اليك مافيه صدود |
جميل وحنين
شكرا ذو اليد وتسلم يارب
|
Post: #3
Title: Re: بنت دارفور
Author: Tragie Mustafa
Date: 01-01-2009, 10:02 AM
Parent: #1
كل عام وانت بخير يا ذو اليد
وربنا يجمع بالاحبه.
اشعار جميله ومليانه احلام طيبه ..ربنا يحققها جميعا.
كتبت هنا يا اخي:
Quote:
يا اغلى انسان فى شرف العزه
احبك دائماً بلامحدود |
اعتقد تقصد بلا حدود و الميم زياده
حتى يستقيم المعنى و الموسيقي ما رايك؟؟؟
وانتم ادرى يا اهل اللغة.
مزيد من التفوق و التجويد.
|
|