Post: #1 Title: إلى قبيلة الدراما والجميع - تجربة مونتاج Author: منعمشوف Date: 12-29-2008, 01:23 PM
يا أستاذ السنى، كُنتَ ناوى أنزلو فى سوداناوى لكن قافلين بابكم بى عــود
تمثيل، تصوير، مونتاج، وبدون إخراج : منعمشوف
Post: #2 Title: Re: إلى قبيلة الدراما والجميع - تجربة مونتاج Author: محمد سنى دفع الله Date: 12-29-2008, 01:40 PM Parent: #1
جميل يامنعم سودانوي فاتح يا اخوي عايز تعقدني مالك ! سجل زما تملا الخانه الخيرة بتاعة الأحالة وسجل على طول وكلم تروس قول ليهو منتظرينك تجاوب اسئلتنا وتعال المعاك ده منو ؟؟؟؟؟
Post: #5 Title: Re: إلى قبيلة الدراما والجميع - تجربة مونتاج Author: عليش Date: 12-29-2008, 01:50 PM Parent: #2
منعم يازول انا ماشايف لكن لما امشي البيت بشوفو السني سودانوي ده ماقادر اسجل فيهو لـــيه بس*
Post: #3 Title: Re: إلى قبيلة الدراما والجميع - تجربة مونتاج Author: عبد المنعم ابراهيم الحاج Date: 12-29-2008, 01:43 PM Parent: #1
تجسيد للمشهد السوداني وتعامله مع مبدعينا اوان الشيخوخة تلقى الواحد في صباهو يعصر نضارتو وروحو من أجل العطاء العطاء الخالص ومن غير مقابل وأول مايشيخ ولّ تصيبو محنة..لا يجد سوى التجاهل.. من الدولة ومن بعض الاجيال التي وجدت نفسها كده ساكت وبدون سبب ماسكه الخشبة وبتعرض..
والله اتذكرت اللحظة يامنعم
عادل محمد خير الفنان المبدع الذي لون حياتنا وشكلها بكثير من المعاني..
واتذكرت كيف اتنخجت لمن شفت حالتو بعد مرضو داك .. وهو بعزته لا يسأل ولا يطالب..
واتذكرت واحد من اساطين المسرح بعض فياض العمر..وهو يترجى مخرج درامي عشان يدخلو في نص أذاعي .. وحسرة طالب لسه مااتخرج..يتمحن ويقول:
يااخوانا العايز يشوف مستقبلو يعاين للزول داك!!!!
Post: #4 Title: Re: إلى قبيلة الدراما والجميع - تجربة مونتاج Author: عبد المنعم ابراهيم الحاج Date: 12-29-2008, 01:46 PM Parent: #3
السني سلامات وكل سنة وانت طيب ولكل قبيلة الجمال كل التحايا
Post: #6 Title: Re: إلى قبيلة الدراما والجميع - تجربة مونتاج Author: Tumadir Date: 12-29-2008, 01:56 PM Parent: #4
انا كمرة من القيبلة جيت
الفكرة حلوة لكن التجربة ناقصة
بقول ليك عديل كده..
مافى تفاصيل خصوصا الشيخ ما عرفناه كتير
مافى اتصال بين الشخوص
خليهو يتاوق ياخ فى الكتاب شوية
خليهو يتكل ويسترخى فى الكنبة
الممثل الشاب كان متعارف عليه اكتر من الشيخ
الزاوية البعاينو فيها لى بعض غلط ..بيعاينو لى بعض فى زرارة ولا حاجة لكن مافى الوش زى الواقع
برضو كنت تصنع صراع ..حول أى شى ان شا الله المسند او صراع العمر
الصورة جميلة جدا ..الصوت اجمل
المهم:
النمرة الجبتها: أعد
والله أعد وبتطلع أحسن
Post: #7 Title: Re: إلى قبيلة الدراما والجميع - تجربة مونتاج Author: منعمشوف Date: 12-29-2008, 02:11 PM Parent: #4
ســلامات يا أستاذ السنى فى مشكلة فى التسجيل والله .. ما نملأه من بيانات لا تُرسل ويأتيك تنبيه أن هناك خطأ وعند المراجعة لا تجد خطأ على الإطلاق كررتها مرات عديدة وحين عجزتُ تماماً أرسلت لإدرة الموقع رسالتين ولم أستلم أى رد حتى الآن .. حقيقى لى مزاج فى الكتابة والمساهمة بسوداناوى
فى إنتظارك يا عليش وكل سنة وإنت طيب
منعم إبراهيم سلامات يا صديق وعلّك وسمية والبنيات بألف خير يا ســلام على حساسيتك، هبشت والله فى العميق ترددت كثيراً فى أن أنزل التجربة خوفاً من الا تفهم صاح أو تؤول تأويلاً آخر حاولت أن أستفيد من بعض مؤثرات Premiere Pro فى إدخال شخصيتين لممثل واحد فى مشهد واحد بإستخدام عقدة درامية بسيطة.
التحية من هنا للفنان عادل إبراهيم محمد خير الرجل الصابر على جور الزمان شكراً مجدداً يا صاحب وخليك قريب
Post: #8 Title: Re: إلى قبيلة الدراما والجميع - تجربة مونتاج Author: منعمشوف Date: 12-29-2008, 02:22 PM Parent: #7
كلامك صاح والله ههههههه شقاوتى شقاوة الليلة !!!
كده كده كتجربة أولى لازم نعيد ونعيد
كان لازم أعمل كلوزات للحاج قبل تصوير المشهد الكامل وبعد داك أضيفها فى المنتاج لكن للأسف لم أفعل ذلك وأصبح من الصعب تكملتها بعد تصوير المشهد التوتال لأنو ببساطة كنت قد حلقت ذقنى وخففت شاربى .. ما نجحت فيه على حسب تقديرى إستخدام المؤثر وإدخال ممثل واحد بشخصيتين فى مشهد واحد .. مش ؟
Post: #9 Title: Re: إلى قبيلة الدراما والجميع - تجربة مونتاج Author: عبد المنعم ابراهيم الحاج Date: 12-29-2008, 02:26 PM Parent: #7
Quote: حاولت أن أستفيد من بعض مؤثرات Premiere Pro فى إدخال شخصيتين لممثل واحد فى مشهد واحد بإستخدام عقدة درامية بسيطة.
منعم ياصديق
بحسابات التقنية الفكرة ناجه تماما بس صورة الشيخ غير واضح لأنك ما قربت الكاميرا علي الوجه.. هسه انا قلت الـ مع منعم ده تروس ولّ شنو!!
طبعا انا افتكرت المسألة مضغوطة شديد لمعالجة أزمة الممثل أو المبدع بشكل عام من قبل أجهزة الإعلام الذي يتجاهلهم في كثير من المرات والمناسبات.. لا يتذكرونه الا في ساعة الشكر المابعدو شكر ..بعد مايروح في حق الله...
وبرضو تجسيد بين صراع الأجيال بين الشيخ التقليدي وبين بين الشاب الحديث الذي تغير مظهره ولكنه مايزال مجنزرا في تقليديته ..
لك التحية ..المهم الموضوع جاب حوار
Post: #10 Title: Re: إلى قبيلة الدراما والجميع - تجربة مونتاج Author: منعمشوف Date: 12-29-2008, 02:35 PM Parent: #9
بالعكس يا منعم أنا شايف مداخلتك وفهمك عمقا فكرة المشهد البسيطة يعنى زى ما قالت تماضر لمن نعيد ونجرِّب تانى لازم نأخذ فى بالنا ملاحظتك دى وبالتالى نكون عمقنا أيضاً الحدوتة والفعل الدرامى.
تشكرو إنت وتماضر وباقى الشباب الجايين
Post: #11 Title: Re: إلى قبيلة الدراما والجميع - تجربة مونتاج Author: منعمشوف Date: 12-29-2008, 02:58 PM Parent: #10
Quote: سجل. وما تملا الخانه الأخيرة بتاعة الأحالة وسجل على طول
وفق هذه النصيحة سجلت الآن يا السنى .. عليش إتبع نصيحة السنى المقتبسة أعلاه ولن تكون هناك مشكلة فى التسجيل
يا السنى الموقع لا يقبل كودات فيديو جاهزة مثل Embed code كدى حاول ناقشها مع المصمم .. وشكراً يا زول يا زين
Post: #12 Title: Re: إلى قبيلة الدراما والجميع - تجربة مونتاج Author: Tumadir Date: 12-29-2008, 03:12 PM Parent: #11
انتو يا قبيلة الدراما ما عزيتو بعض فى هارولد بنتر ليه؟؟ الراجل رحل يوم الكريسماس ايف..
هاكم دى مسرحية منو
ولقاء معاه ..اترحمو على روحو المسرحية الطاهرة والفائزة على جائزة نوبل هنا المسرحية
وهنا اللقاء الجزء الاول ..الباقى فى يوتيوب "على قفا من يشيل"
Post: #13 Title: Re: إلى قبيلة الدراما والجميع - تجربة مونتاج Author: عبد المنعم ابراهيم الحاج Date: 12-29-2008, 03:12 PM Parent: #11
عارف ياصديق انا ما انتبهت للعنوان بشكل أكبر ولسه خاتي في البال علاقة المونتاج وربط علاقات المشهد وفق مساحة الشوف ..وقلت في مشهد واحد تتجلي القراية بكل ابعادها ونسيت مسألة التقنية دي خالص خالص ..وهو المجال الذي سرقك بالجدد جد يامنعم ..
تحايانا لماجدة وكل الشباب
Post: #14 Title: Re: إلى قبيلة الدراما والجميع - تجربة مونتاج Author: عبد المنعم ابراهيم الحاج Date: 12-29-2008, 03:46 PM Parent: #13
تماضر سلامات وكل سنة وانت طيبة.. هارولد بنتر له الرحمة مثله مثل هذا الجيل الذي اكتوى بالحروبات وأزمة الانسانية..بريادته مع صمويل بيكيت وتأثيث مسرح العبث ..طرأت علي الوجود أسئلة صعبة عن ماهية الانسانية والقيمة التي تقيدها .. وتدفع بها الي هاوية الموت السحيق .. فكانت مدرستهما ذات ملمح رافض لكل القيم التي لا تكمل المنطق .. والتي لا تحافظ علي الانسان عبثية المشهد والعالم الإستهلاكي الذي يقود الانسان دونما بلا إرادة.
لك التحية
Post: #15 Title: Re: إلى قبيلة الدراما والجميع - تجربة مونتاج Author: Rahma Awad Date: 12-29-2008, 05:57 PM Parent: #14
الاخ الصديق مونيم.. شغل جميل والله ودالشئ الجميل الاتعلمانهو (مالا معسمة الكلمة دى) من الناس ديل التجرييييييب والطرح بعد داك القوعاد فى واطة الله .. والنقد المجييييه آها اجيك لموضوع النقد....(النقط)هههه انا كناقطة شايفة انو الكتاب الشايلو كبيير.. يعنى ما بتاع زول كدا قاعد فى كنبة وبقرأok?...ولونو ما ماتشينغ مع الكاشصن الانت خاتيه كااكسيسوار رئيسى في اللقطة... ههههه الكلام ده ما تابا 2070 بكون اساااااسى... عبد المنعم ابراهيم الحاج سلامات والله تعرف قصتك المؤثرة مع صديقكم المسرحى ذكرتنى صديق مجدي النور الله يرحمو لاقيتو مرة جمب الإذاعة وكان قد مر المسرحي عوض صديق الله يرحمو وهو يمشى على رجليه لاداء بروفة فأثرني هذا المنظر فقولتا لمجدى :ليه من تفكرو انتو كشباب في حاجة للناس الكبار ديل وغاب عن خاطرى فى هذه اللحظة مايعانيه هو واترابه كذلك .. فما كان من مجدي الله يرحمو وبطريقة مسرحيةأن بدأ يسأل عنى من يجلسون حوله دى منو اسمعى ما تجى تانى ok?وواصل فى طردى وأن لا أت مرة اخرى .. اتمناه لكم عام جديد جميل
شكرآ شوف
Post: #16 Title: Re: إلى قبيلة الدراما والجميع - تجربة مونتاج Author: Hadia Mohamed Date: 12-29-2008, 07:37 PM Parent: #1
منعم
شغل المونتاج جيد والتمثيل ياكا منعم المثال, المشهد محتاج يتملى تفاصيل وحركة اكثر المنعمين الهنا ديل كان خليتهم دخلو فى صراع تكون بالغته, مشهد بتحمل طويل ما صغير بشيل, والله يا منعم بقيت تشبه عمر الدوش بى الجلحات الكبرن مع الحجم القليل.
Post: #17 Title: Re: إلى قبيلة الدراما والجميع - تجربة مونتاج Author: منعمشوف Date: 12-30-2008, 07:09 PM Parent: #16
العزيزة جداً التنبوشة رحمة المجذوب وينك آبنية .. غيبتك طالت من البلد وما وريتنا ولا حكيتى لينا عن رحلة السودان
Quote: انا كناقطة شايفة انو الكتاب الشايلو كبيير.. يعنى ما بتاع زول كدا قاعد فى كنبة
دا برضو المحتاجين ليهو نحن فى درامتنا .. زول فنان يراجع الإطار البصرى كله .. وينسق تفاصيل المشاهِـد
Quote: الكلام ده ما تابا 2070 بكون اساااااسى...
الكلام تب ما باباهو لأنو من الآن أساسى .. مش سنة سبعين بتاعتك دى .. بالمناسبة إنتى ح ترجيها ولأ شــــنو تحياتى لخرونيقن أم تلج
Post: #18 Title: Re: إلى قبيلة الدراما والجميع - تجربة مونتاج Author: منعمشوف Date: 12-30-2008, 07:27 PM Parent: #17
سلامات يا هادية الهادية ليك وليحيح والأولاد
Quote: المشهد محتاج يتملى تفاصيل وحركة اكثر المنعمين الهنا ديل كان خليتهم دخلو فى صراع تكون بالغته
تشكرى يا هادية على الإضافة الهامة .. الفكرة وزى ما قلت لمنعم جاء تنفيذها بشكل فورى حالما قررت أن أجرب تقنية المؤثر .. وحال إعادة التجربة ضمن عمل درامى أكثر تعقيداً سأضع حتماً ملاحظات كل المتداخلين|لات نصب أعينى وبتجويد أكثر
Quote: والله يا منعم بقيت تشبه عمر الدوش بى الجلحات الكبرن مع الحجم القليل.
كمان لو جاء عليها قليلاً من فهم الدوش لهذا العالم والكون، أكون شاكر وحامد ربى وخليكم قريب يا هادية إنتِ ويحيح.
Post: #19 Title: Re: إلى قبيلة الدراما والجميع - تجربة مونتاج Author: منعمشوف Date: 01-06-2009, 09:56 PM Parent: #18
يا شباب وصلتنى رسالة من الصديق السينمائى صهيب قسم البارئ* كتب عليها ملاحظات وتفاصيل زوايا وإرتفاعات بعض اللقطات، ولمواصلة ما إنقطع من حوار رأيت أن أنقل لكم رسالته هنا. وآسف جداً يا صهيب حيث أنى لم أستأذنك فى نقلها للبورد تقول رسالتة:
Re: who's he
I liked the ####phor
the first close up, I guess it could be better if you moved the camera angle a little to the left (of the camera) & maybe reduced a little the height of it Maybe a close up of "he" old and sick to replace the third close up of "he" young and curious" would be better
the final close up is "de cinéma pure" ur a talented actor and you play with a great naturel the 7 seconds of silence between ya wahm till you cough is simply genius
* صهيب قسم البارئ شاب سودانى تخرج من كلية السينما بجامعة باريس8 قبل عدة سنوات ، مقيم ويعمل بباريس نفسها * #### تنقلب حروف عبارة ميتا اللاتينية إلى هذه الأشكال الأربعة المتشابهة ( لا أعرف سبب لذلك .. العارف يورينا) .. المهم صهيب كتب بالإنقليزية ميتافور
Post: #20 Title: Re: إلى قبيلة الدراما والجميع - تجربة مونتاج Author: منعمشوف Date: 01-07-2009, 00:25 AM Parent: #19
Hey, I like it! Being an editor I would have edited the last part differently keep it up ya shoaf and i love your close up on the screen
ودى رسالة من السينمائى الآخر الصديق والفردا عضو البورد فردا (حافظ محمد خير) وحافط كما تعلمون جميعاً درس السينما بلندن ويعمل الآن كمحرر فديو بالــ BBC وساهم بقدر كبير بتحريره وإخراجه لرسالة محجوب شريف بالفديو فى الذكرى السنوية الاولى للراحل مجدى النور
رسائل صهيب وحافظ ستنقلنا الى حوار تفاصيل تقنية التجربة، وتحديداً طريقة التجهيز للمشهد المصور وإعداده رقمياً وح نجى بالتفصيل ..
Post: #21 Title: Re: إلى قبيلة الدراما والجميع - تجربة مونتاج Author: سلمى الشيخ سلامة Date: 01-07-2009, 01:44 AM Parent: #20
الحبيب العزيز منعمشوف الفيديو رفض رفض بات انه يشتغل عندى قدر ماحنستو ابى شوف لينا طريقة تانية نشوف بيها
وقفنى كلام رحمة ومنعم ابراهيم وكتيرا
بكانى محجوب شريف لمن ابيت البكا وصورة مجدى فى بالى ابت تزح ابت تزح ابت تزح
يا ود نيل يا ضو قنديل يا بهجة وهلت طافت بالليل رفت على نيل وقالت للنيل اغسل احزان هلل علشان كل النازحين يرجعو يا نيل يتوضو بمويتك وتفج الصورة العابسة طويل بضحكة طويلة موزونة بموجك ياود يا نيل ياود يا نيل الغيبة الطالت لمتين بتزول ؟ ومتين بتزور تفتح ابوابنا وتدخل زى ضل وتغتى البيت والشارع والمسرح وكل الحاجات الكانت فى الزمن المااتقدم لحظة بعد ماانت مشيت وخليت الناس متعلقة بيك كيف يعنى يهون على قلبك تمشى ؟ وانت العارف كيف كنا زمن مشغولين بيك وبنغنى عليك ياود يا نيل يا صباح العافية الغابت يوم ودعت ضفاف النيل يا طعم الدمعة السالت بليل وما دايرة تزح ياود يا نيل متعلقة بيك متوسلة ليك ترجع يا نيل وترجع للنيل بعض الموجات الكانت ماشة وراك يا ود يا نيل يا نم ونغم يا بيت ومكان لمة ضيفان وترحاب اهلين ياود يا نيل لليوم ما نامت فى عيونى دموعا خليتا وراك لليوم ما لاكت لهاتى وراك غير طعم الدمعة المابيه تقيف ولاحتى دقيقة فى عمق القيف ياودنيل ياودنيل اتدلى تعال المسرح ليك مستنى زمان والقصة البيك مشتاقة امان ما تخونى وتمشى انا بستناك انا بترجاك ياود يانيل ايوا 6ـ1ـ 2009
Post: #22 Title: Re: إلى قبيلة الدراما والجميع - تجربة مونتاج Author: منعمشوف Date: 01-07-2009, 02:09 AM Parent: #21
