شــــركــــة الـنـسـر الـــدولـــيــة ؟؟ في مالـيـزيا ،، "منقول"

بوست منقول من الأرشفة للاهميه .....
مع الاعتذار لصاحبه هشام ابراهيم ...
يدكم معانا يا شباب

Quote: شــــركــــة الـنـسـر الـــدولـــيــة ؟؟ في مالـيـزيا ،، مقرها في ماليزيا جمب البرجين التوأم الأقاويل فيها كتيرة وأكتر الأيام دي !! ورونا وخبرونا عنها يا ناس مالـيـزيــا !! راجعين ،،،، هشام

Quote: الأقاويل فيها كتيرة وأكتر الأيام دي !!

سلام

الأخ مهاتير..
أنا لي خمسة أشهر بالتمام لم أدخل ماليزيا.. لكن علشان الشمار ده ماشي..
ربنا يهون...


تحياتي
عبدالعزيز

استاذنا عبدالعزيز
kawan kita di singapura
٥ شهور من KL ...يا قاسي ...
قدرتا تعملا كيف ؟
نتوقعك قريب؟
نسور KLCC ديل إلا يركو في مكان تاني كان كدا ....
بديت أسأل منهم و إلى الآن مافي واحد عارف حاجة عنهم ....
و دا بخلينا نبحت أكتر ....أصل مافي إدمان أحلى من إدمان الشمار.....


مفكر اضرب لسيف أسألو

ما سمعنا بيها ...

جنب البرجين ؟

قصدك ماكسس ؟

Quote: استاذنا عبدالعزيز kawan kita di singapura ٥ شهور من KL ...يا قاسي ... قدرتا تعملا كيف ؟ نتوقعك قريب؟ نسور KLCC ديل إلا يركو في مكان تاني كان كدا .... بديت أسأل منهم و إلى الآن مافي واحد عارف حاجة عنهم .... و دا بخلينا نبحت أكتر ....أصل مافي إدمان أحلى من إدمان الشمار..... مفكر اضرب لسيف أسألو

الأخ العزيز مهاتير
سلام
أخونا المصريين بيقولواmasukan tandas bukan macam keluarkan)
tapi saya rindu KL lebh, hatiku tak keras ke lagi

سأكون بطرف البرجين في مطلع العام الجديد ان شاء الله
وشوقنا بحر..
أذكر أن هنالك سودانيا له مكتب تجاري في البرج الأول ( الشرقي)
وطبعا ناس البوكيت منهم من يفيدك بمعلومات كهذه..
وتحياتي لعجاج وكل المجموعة

عبدالعزيز

مهاتير

التحية لك وانت ترفع هذا البوست وتنقله الى هنا - لم يقم به الأوائل

في الموضوع دا كثير من المسائل والاقاويل ( الشــمار)

بحثت عنها في قوقل ولم أجد لها اثراً !

هي في جوار البرجين !! ماليزيا ما عندنا عنها الا كل خير وبركة

لكن الشركة دي كومها براها - نحن لا نسعى للفتن ولكن لكشف حقيقتين - إما كذب من يتحدث عنها وأما حقيقتها المخفية عن الناس أجمعين !!!


كل البوست لك وتحت تصرفك وكل مرة بجيك خاشي وراجع وربنا يسهل





هشام

abang aziz
المثل المصري ما عندك
...
البرج الأول دا بتاع ناس بتروناس كلو .. لكن البرج التاني لباقي الشركات

..sekarang kita sabar ja .. tungu dan see apa jadi ...

أخونا خالد ...
ممكن ..يكون في ماكسيس ... لكن بجيب ليك خبرهم .....
في شركات هلامية جديدة in KL
و هسي في همس عن هجرة لاسر شخصيات النظام لKL




....أبقي قريب

Quote: أخونا خالد ... ممكن ..يكون في ماكسيس ... لكن بجيب ليك خبرهم ..... في شركات هلامية جديدة in KL و هسي في همس عن هجرة لاسر شخصيات النظام لKL ....أبقي قريب

العزيز مهاتير ..

أقرب من كده ما بقدر .. خليني في تمان ميلاتي هنا ..

سمعت بمكتب لشركة دال ..

وبحسب عملنا في السياحة في عدد من الأسر السودانية قررت الاستقرار في ماليزيا ..

وحسب الشايفو جايين من الخليج بسبب غلاء السكن والمعيشة هناك ..

وبيجيبو أولادهم من الخليج للدراسة في ماليزيا وبياخدوا إقامة على أولادهم ..

يعني من شهادة عربية لشهادة ماليزية ..

بحثاً عن مستوى أفضل من العيش الكريم والتعليم الأمثل ..

أمنياتنا لهم بإقامة سعيدة وعيش كريم في أرض الملايو..

..

هشام .....
كدي ورينا الكلام الجاكم ....
عشان نحنا نعرف راسنا من سكاكاتنا.......
ولا رسل لي في الايميل
[email protected]

خالد فهمي
ناس دال بنعرفم و ما فيهم كلام ......
و الجايين من الخليج ديل برضو بنعرفم.......
لكن الجايين من السودان عديل ...
و إتعمدوا يدخلوا بصمت بدون ما الناس تلاحظم ..........
ولا جوكم عشان تفسحوهم في ماليزيا............
ديل أنا القاصدهم ...
اديك أسامي ؟ ....


اها ناس النسر ما عرفتهم؟

مهاتير

Quote: و الجايين من الخليج ديل برضو بنعرفم....... لكن الجايين من السودان عديل ... و إتعمدوا يدخلوا بصمت بدون ما الناس تلاحظم .......... ولا جوكم عشان تفسحوهم في ماليزيا............

أنت ليه بتقول ما عارف

الكلام دا هنا كلو في المقطع الفوق دا


التعديل كما طلب صاحب البوست !!!






هشام

Try to be a bit careful

الأخوة الإعزاء
مهاتير
خالد
هشام

سلام

يجب التأكد من أن شركة النسر هذه موجودة في ماليزيا اولا بعد ذلك الوصول ليها ساهل..
بطلب بسيط من مسجل الشركات بالإستفسار عن اختيار اسم النسر مقترحا لشركة جديدة.. فهو
سيرد اذا كان هذا ممكنا أو لا.. بدون الخوض في تفاصيل..


تحياتي
عبدالعزيز

سلام يا أهل ماليزيا، فرداً فرداً
و كمان السلام واصل لمداخليكم

فى خبر ضمن نشر تلفزيون السودان الإقتصادية ليلة أمس الإثنين 29/12/08 ورد،
ما ضمنه: بان هنالك خطاب من ماليزيا (لم تحدد الجهة: هل هى شركة؟ حكومة؟ أو غيره)


أرفق مع الخبر تصريح وزير دولة بالوزارة المختصة (الجانب السودانى):
جاء فيه الخطاب لنوايا لإستيراد أغنام و أبقار (لحوم أم حيوانات : لم تحدد برضو)
فى عام 2009. سعادة وزير الدولة السودانى كان مهللاً بفتح أسواق جديدة للصادر فى ماليزيا

عجبتنى شديد و شدت إنتباهى غرة الصلاة فى جبهة سعادة وزير الدولة
و عجبنى أكثر سكسوكة خلونى أعيش و البياض يزينها جمالاً و وقاراً


يكون الخبر محتاج لشماركم ده عشان يطعموواا


نراقب



ش

الأخ الكريم شكري ماطوس

حمداً لله على سلامة محمد وعلى سلامة العودة ..

يا مهاتير ..

والله حيرتونا معاكم ..

إنتو بتتكلمو عن ماليزيا دي زاااااااااااااتا ..

ولا ماليزيا تانية ؟

و برجي بتروناس زااااااتم ..

ولا برجين تانييين ؟؟

إنت عارف مافي شمار سوداني بيندس في ماليزيا..

لما أسمع كلامك ده من زول زائر لماليزيا ولا زول جديد نقول معليش ..

لكن يا مهاتير إنت زول قديم لما سميت نفسك (مهاتير) ..

و إنت أدرى ..

..

بعد البحث في (قوووقل) ماليزيا عن شركة النسر :

http://www.google.com.my/search?hl=ar&q=eagle+sdn+bhd&b...D8%A8%D8%AD%D8%AB%21


مافي واحدة من الشركات دي مقرها جنب البرجين !

والنسر ست الاسم زاااااتا ..

مقرها ما في (كوالالمبور) زاتو ...

====================
إن شاء الله نشوف شركات سودانية مقرها البرجين ..

والله تكون مفخرة ..

أسوة بالشركات السعودية والإماراتية:

مثل بنك الراجحي .. ومجموعة بنوك وشركات عرب ماليزيا ..

================
قبل كده :

إن شاء الله نشوف فرع للخطوط الجوية السودانية بكوالالمبور

يا أحبتنا

الشركة دي ما في البرجين ذاتهم ،،

حاجه كدا مقرها جوار البرجين !!


دي شركة كبيرة ملانه وفيها العجايب يبدو من كلام محدثي !





هشام

يا أحبتنا

الشركة دي ما في البرجين ذاتهم ،،

حاجه كدا مقرها جوار البرجين !!


دي شركة كبيرة ملانه وفيها العجايب يبدو من كلام محدثي !





هشام

Quote: يا أحبتنا الشركة دي ما في البرجين ذاتهم ،، حاجه كدا مقرها جوار البرجين !! دي شركة كبيرة ملانه وفيها العجايب يبدو من كلام محدثي !

يا هشام ..

سلام .. وكل سنة طيب ..

محدثك ده مالو متعب كده ؟

هو شاف بعينو ولا حكوا ليهو ؟

كدي خليهو يديك الاسم بالعنجليزي ..

ولا يوصف ليك كويس ..

الليلة أنشوف النسر ده قدر شنو ..

أكان جد ولا ونسة ساااااكت ..

====================

إنت متأكد ؟؟؟

!!!!!!! شركة اسمها النسر و سودانية في ماليزيا جنب البرجين !!!!!!!!

========================

مرة جاني واحد قال لي إنت عارف ماليزيا فيها كمية بتاعت شركات سودانية خرافية ..

قلت ليهو منو القال ليك ..؟

قال لي شفت لافتاتا بعيني ..

قلت ليهو عرفتها كيف سودانية ؟

قال لي مكتوب جنب اسمها (SDN) !!

و صاحبك طوالي قال معناها (SUDAN) ..

========================================

Quote: قال لي مكتوب جنب اسمها (SDN) !! و صاحبك طوالي قال معناها (SUDAN) ..

للعلم فقط (SDN - BHD) إختصار لكلمة ماليزية مركبة Sendirian Berhad

وتعني ( المتحدة)

Quote: الأخوة الإعزاء مهاتير خالد هشام سلام

Quote: عبدالعزيز

Quote: التحية لك وانت ترفع هذا البوست وتنقله الى هنا

Quote: ناس دال بنعرفم و ما فيهم كلام ..

Quote: الأخ الكريم شكري ماطوس حمداً لله على سلامة محمد وعلى سلامة العودة ..

نطالب باضاءه لماذا التساؤل عن هذا النسر !!?
هل لنشاطه , ام لجناحه ,
ام لراسه , ام لعشه ,
ام لهجرته , ام لفســـاده !!?..

حبابكم

_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور

Quote: يا مهاتير .. والله حيرتونا معاكم .. إنتو بتتكلمو عن ماليزيا دي زاااااااااااااتا .. ولا ماليزيا تانية ؟ و برجي بتروناس زااااااتم .. ولا برجين تانييين ؟؟ إنت عارف مافي شمار سوداني بيندس في ماليزيا.. لما أسمع كلامك ده من زول زائر لماليزيا ولا زول جديد نقول معليش .. لكن يا مهاتير إنت زول قديم لما سميت نفسك (مهاتير) .

khalid...
كلامك دا عجيب ... طيب ، لمن عارف أنا قديم في البلد ..ليه ماتقول لنفسك، mahathir دا وقت قال الكلام دا، أكيد عندو سبب ....
أنا حصل جيت النت دا و كتبت كلام مزور ولا كذبت لي في زول؟

Quote: لما أسمع كلامك ده من زول زائر لماليزيا ولا زول جديد نقول معليش

...اها هسي كلامي دا ما فيهو معليش ؟

شركة ذي دي ما بمشو بفتشوها بgoogle يا خالد ..

we are not against our local business men and them expanding overseas but we will not be proud to have someone stealing money from sudan and come and spend it here ....
and by stealing i mean al kizan ....

العزيز الصادق ..

1/ ما عندي حل غير أفتش في قوقل عبر النت .. قول لي ليه ؟

أجاوبك : لأنو إلى الآن أسطورة النسر مقرها بورد سودانيز اون لاين يعني في النت ..

قل لي إنت أفتشها وين غير النت !!!!

- و ذي ما شايف بالبحث في قوقل تم العثور على شركة النسر ..

وهي شركة ماليزية ومقرها ما جنب البرجين ولا حتى في كوالالمبور ..

بل في سلانقور ...

2/ إنت عارف براك السودانيين الموجودين في ماليزيا وأحوالهم وأوضاعهم ..

و مرات الإشاعات ممكن تسيئ لناس نكن لهم كل إحترام وتقدير...

3/ رحب معاي بوجود أكثر من 50 عريس وعروس حالياً بيننا لقضاء شهر العسل في ماليزيا

4/ رحب معاي بأي سوداني أفراد أو عائلات للحضور إلى ماليزيا الساحرة

5/ رحب معاي بكل الطلاب السودانيين سواء منح حكومية أو على النفقة الخاصة بماليزيا بلد العلم.

Quote: للعلم فقط (SDN - BHD) إختصار لكلمة ماليزية مركبة Sendirian Berhad وتعني ( المتحدة)

Senderian Berhad : Private Limited
محدوده خاصه

Quote: Senderian Berhad : Private Limited محدوده خاصه

تسلم يا الصادق .... ومشكور على التصحيح ..

أمنياتي لك بالتوفيق في ماليزيا في حياتك العلمية والعملية ..

================================

* شفت الفرق ما بين (SDN) بتاعت صاحبنا والــ(SDN) بتاعت الماليزيين ؟؟

* الدعوة لجميع (السودانيين) لتشريفنا في ماليزيا المفتوحة للجميع ..

بلد العلم والسحر والجمال والتدريب والتجارة والاستثمار ..

و نرجو من الإخوة أن يستفيدوا من تجربة ماليزية ..

والله يجنبنا شر الإشاعات ..و يدينا خير كل ذي خير ..



عاطر الود,,

Quote: ديل أنا القاصدهم ... اديك أسامي ؟ ....

أدينـــــي ,,,

khalid
أمشي فتش في google ......

...

شكرى سليمان ماطوس
سلام مربع ليك برضو ...
تعرف
لي صديق تمتلك اسرته مزرعة لحوم ....
يستوردون الحيوانات من الأرجنتين و جنوب أفريقيا....
ويمتلكون مزرعة في أستراليا ...
ذهب والده مع وفد رئيس الوزراء الملييزي للسودان ....
عاد وقال لي إن السودان تديره عصابه وليست حكومة ..... .............




.........................
لو عوز أسامي يا خالد ...... أمشي أسأل مالك مطاعم لوتس منو

Quote: لو عوز أسامي يا خالد ...... أمشي أسأل مالك مطاعم لوتس منو

أول حاجة مطاعم لوتس دي شنو ؟

و وين ؟

أول مرة أسمع بيها ...

الأخ مهاتير

سلام

هؤلاء حولوا البلد لضيعة يبرطعوا فيه بلا حدود..
سرقوا أموال الشعب.. وحولوها لشركات وارصدة في الخارج..
لم ألاقي في السودان أوسخ من ناس الحركة الإسلامية وكل من يتشدق بالإسلام..
قاتلهم الله أنى يؤفكون..

تحياتي
عبدالعزيز

Quote: العزيز الصادق .. 1/ ما عندي حل غير أفتش في قوقل عبر النت .. قول لي ليه ؟ أجاوبك : لأنو إلى الآن أسطورة النسر مقرها بورد سودانيز اون لاين يعني في النت .. قل لي إنت أفتشها وين غير النت !!!! - و ذي ما شايف بالبحث في قوقل تم العثور على شركة النسر .. وهي شركة ماليزية ومقرها ما جنب البرجين ولا حتى في كوالالمبور .. بل في سلانقور ... 2/ إنت عارف براك السودانيين الموجودين في ماليزيا وأحوالهم وأوضاعهم .. و مرات الإشاعات ممكن تسيئ لناس نكن لهم كل إحترام وتقدير... 3/ رحب معاي بوجود أكثر من 50 عريس وعروس حالياً بيننا لقضاء شهر العسل في ماليزيا 4/ رحب معاي بأي سوداني أفراد أو عائلات للحضور إلى ماليزيا الساحرة 5/ رحب معاي بكل الطلاب السودانيين سواء منح حكومية أو على النفقة الخاصة بماليزيا بلد العلم.

خالد ،......
كلامك دا غريب ..
ملاحظ انك بتلخبط في الكيمان بصورة غريبة ... ممكن اسميها صورة متعمدة ...
قلت لك في البوست ..وقلت لك في التلفون :
١- الناس الجات من الخليج بنعرفهم ...و ما هم المقصودين ....
٢- الناس الجات و استاجرت من السودان هنا برضو بنعرفهم .و ما هم المقصودين....
٣- الناس البتجي و تمشي طوالي برضو بنعرفهم .و ما هم المقصودين....
٤- الناس البتجي شهر عسل برضو بنعرفهم ....و ما هم المقصودين .....
النقاط الأربعة دي أنا قلتها ليك ...
.لكن إنت مصر تقول لي أسكت و" مرات الإشاعات ممكن تسيئ لناس نكن لهم كل إحترام وتقدير" ....
كدي خليك واضح كدا و قول لي إنت عاوز شنو؟
أنا مطارد الحرامية .....
لو أي واحد من الناس البتكن لهم كل إحترام وتقدير ديل حرامي و سرق من السودان ..
يعني إنت متستر عليهم وفي الحالة دي انزعاجك دا بكون مبرر....دي بس فرضيه و ممكن أكون غلطان

بعدين شركات النسر دي، قلنا ليك ما بفتشوها في النت ....
يعني لو طلعت في سلانقور ولا حتى في سراواك .. دى ما بتغير حاجة ....
و لو طلعت مافي أو حتى شركة نضيف ....على الأقل دا بوست بوري الناس إن ماليزيا ما بلد الحرامية السرقوا البلد ....
و لو عندك كلام غير دا قولو ..
.لكن أنا سكات ما باسكت .....
ماليزيا دي لماً جينا كانت جاليتنا من أكثر الجاليات إحتراماً ...
كان أي زول يسألنا ..نقول ليه أمشي شوف الجامعه الاسلامية دي فيها كم بروفيسور و دكتور سوداني .....
هسي بقينا ملطشة و اخبارنا في الجرايد ......
عارفين الزمن الجميل القديم ما برجع ...
لكن ما بنخلي الناس التانية تلطخ سمعتنا بوحل جديد ...

أقعد عافية

الصادق مهاتير ..

سلام عليك ..

نكن كل إحترام وكل تقدير لكل سوداني في أي أرض ..

ولكل سوداني موجود في ماليزيا ..

وإنت واحد من الناس البنحترمهم ونقدرهم ..

وبالتأكيد لا نحترم ولا نقدر أي من يثبت تورطه في جريمة ..

ولكن .. الكلام ما يكون (ونسة ساكت) .. وإلقاء التهم جزافاً ..

تصوير ماليزيا على أنها محمية أو قلعة لصوص أمر مرفوض ..

إنت رحب معاي بالناس الفووووق ديل كلهم ..

ناس يستحقوا كل إحترام وتقدير ..

وناس عارفنهم كلنا ..

أما الناس الإنت قاصدهم ..

وعارفهم براااك ..

حددهم وبيّن جرائمهم وإثباتاتك ..

و ورينا نسبتهم كم من سودانيي ماليزيا ..

=====================================

النسر يفتشوها وين ؟

لوتس قصدك استثمارات الهنود الفي الشارع الهندي ؟

=== بالغت عديل فيها دي ===============

Quote: الأخ مهاتير سلام هؤلاء حولوا البلد لضيعة يبرطعوا فيه بلا حدود.. سرقوا أموال الشعب.. وحولوها لشركات وارصدة في الخارج.. لم ألاقي في السودان أوسخ من ناس الحركة الإسلامية وكل من يتشدق بالإسلام.. قاتلهم الله أنى يؤفكون.. تحياتي عبدالعزيز

abang aziz
"لم ألاقي في السودان أوسخ من ناس الحركة الإسلامية"
ولا حتلاقي أوسخ برا السودان منهم.....
....

Quote: masukan tandas bukan macam keluarkan

abang mahathir dan abang aziz ...selamat tahun baru .....

مهاتير ......

أنت عارف بي كلامك دا انا بديت اكتب لي سيناريو غريب و معقد ....يعني ما تستغرب انو صاحبنا اذا ودوهو لاهاي ....تقوم تلقى واحد من الجماعة قاعد في احدى مقاهي بوكيت بنتانغ ....يستمتع بي حياتو كمنفي سياسي ....ولا في زول قادر يسألو عن المصائب اللي عملا ... و نحن السودانيين كعادتنا ماشين بي نظرية عفى الله عما سلف ......

البلد دي بدت تتحول لي مستنقع قذر ...بسبب وجود العينة اللي انت بتتكلم عنها ......

ولي عودة ....

jumba lagi

عدنا