Post: #7 Title: Re: إلى سُـكَّرِ الشَـعِير وذى الكوع الناشِف Author: naeem ali Date: 12-14-2008, 01:45 PM Parent: #1
منعم شوف والله فيديو جميل جدا لهم الرحمه ولنا حسن الاستمتاع
Post: #8 Title: Re: إلى سُـكَّرِ الشَـعِير وذى الكوع الناشِف Author: منعمشوف Date: 12-15-2008, 01:32 AM Parent: #7
الأعزاء جداً أســتاذ الباقر موسى أولاً سلامات ومشتهين شوفتك ونضمك إنت ما بتكون مُتذكّر خليقتى .. لكن أنا بعرفك بلحيل آخر مرة سمعت صوتك كان عبر آوت سبيكر .. تتصور ! ؟ الكلام ده أسى ليهو .. يكون .. سبعة تمانية سنين وأسى فرحت بى دخلتك دى والكيو القصير والمشجّع يا زول أنا راجيك ويهمنى جداً تحليلك.
الصديق أبو مهند سلامات يا زين والله العيدية فى بالنا وفى بالنا أيضاً نرجع نتصل ونعزى حليمة2 .. لكن باقيلك الشلهته الفيها نحن دى شلهتة نصاح ! تشكر أيضاً يا صديقى على تشجيع المحاولة
الصديق الوليد تسلم يا دكتور على الكلام الجميل وسلم لى على روحك وعلى المعاك
خدر مولانا .. الكان أمبارح معانا تعرف .. حاولت أمبارح أزوغ من مراقبة إتنين ولم أفلح ! الزول الغنا أسمعنى نشيدك والمدعو صاحب المازدا الجديدة وكمان بلا خجلة جايين الإتنين يقطعوا جمبى يا بمبى .. يا فوزية .. يا شرحبيل قرقرقرقرقرقرقر .. يا فاتى البحر .. يا .. نتكلم باكر يا حبة
نعيم على .. الصديق الذى قبل إضافتى مشكوراً فى براح آخر هو بالله إنتى بى جاى ؟ إزيك يا زول وعلّك طيب أشكر لك هذا الإهتمام وتشجيع المُسنين من أمثالى تعرف يا نعيم .. كيو زى ده يخلينى أجُك كيلومترين زيادة بمناسبة المسنين والجكة دى .. وين عمنا الرياضى عجوز القضارف الكان مشارك دوماً فى برامج مايو العجيبة ديك .. ما أظنك حضرتو !
الورد الاندى .. على قبورهم فرسان رمالنا.. شماستنا الاطرب لايقاعات جمال الانسان المصادم البسيط والاقوى فى كل الاحوال , سُكر الشعير وذى الكوع الناشف لهم الورد الأندى اولئك الذين , افلحوا فى الاختباء .. لكنهم لم ينجحوا فى مصادرة عبق حضورهم الماثل عن انف الزمان كلما واتانا الشهيق نزل النفس او طلعت القمره .. .
يااااا منعم شوف أحباب فاتو واأحباب قاعدين وأطفال بى سببنا مجدعين, منعم سيف الاسلام حاج حمد جمال حسن سعيد خالدة خالد( واين أنتى؟) عبد العظيم محمد الطيب( عظموتى) مجيد( يا ضحكتك) حكيم( لاقيتو واتونسنا) مجدى النور ومهيد( معانا ومشتاقين ليكم) صوصل محمد تروس سوزى( معقول بس) فردة عاطف خيرى مجتبى( جب جب) الصادق الرضى ناصر يوسف محمد على _________________- يا منعم شغل جميل, حنين
Post: #16 Title: Re: إلى سُـكَّرِ الشَـعِير وذى الكوع الناشِف Author: Abu Mariam Date: 12-18-2008, 06:38 PM Parent: #1
شمت دي جاية من شماتي أو في رواية أخرى شماسي أو شماشي.. المهم (مش بتاعة تبارك الشماشي الآخر)
الأعزاء جداً جنرال الليمون والعنكوليب معاً منوت المقتول مع سبق الإصرار والترصد فى حوش ناس إنصاف يعجبنى دائماً ماتكتبه من هايكو والآن بات لى جلياً، لماذا شددت رحالك إلى بلاد الشمس أحاول أنا أن أكون كذلك كما تمنيت
الكتّاب خطّاب تماماً كما يحدث هذه الأيام .. أيام الشتاء لن ينجحوا فى مصادرة عبق حضورهم الماثل عن انف الزمان كلما واتانا الشهيق نزل النفس او طلعت القمره
تاسفنا ماجدة وأنا عندما وجدنا رسالتك الحنينة ورجعنالك وكان الوسيط بطرفكم مشغول حاول إنت تانى ونحن برضو بنحاول
محمد السنى الدائم النشاط والإنتاج نتابعك بإهتمام يا جميل ومنتظرين لسا إميلاتك وأفكارك
هادية الهادية وين الحى بيكم آناس، علّك ويحيح والوليدات بألف خير تخيلى، سـوزى دا كان على بعد ساعة منى وما قدرت ألاقيهو سافر فجأة ومنزعجاً لعدم تجديد إقامته القصيرة فى وقتها تحادثنا بعدها وهو فى إنجمينا .. شاركنا المكالمة الوجيه مدير المسرح الوطنى التشادى عبدالله التشادى
الأسد الصادق أبومريم سربعتك دى سنحتفظ بها لأقرب قعدة شحمانة
Quote: شمت دي جاية من شماتي أو في رواية أخرى شماسي أو شماشي.. المهم (مش بتاعة تبارك الشماشي الآخر)
أمسك بس الخشب .. ولا اقول ليك أمسك العود تسلم يا صاحب
الأعزاء جداً أبو مهند، خدر ونعيم على تمّ تعينكم بموجب هذه المعزّة حراساً للبوست فأنا كثير الغياب وغالباً ما تلحق بوستاتى أمّات طه مخولة لكم كامل الصلاحيات للرد والإضافة على أحباب وقصّاد البوست إســـــــتبينا ؟ طـــيــــــب !
Quote: يظل عاليا كيف يا فاتح مع سيدو الما مهتم بي بوستو ده
انت لو خليت انتكايتك دي وشديت حليك معانا شوية بنمشي لي قدام اها جهز لينا العدة لي الكريسمس والراس.
Post: #19 Title: Re: إلى سُـكَّرِ الشَـعِير وذى الكوع الناشِف Author: منعمشوف Date: 12-19-2008, 00:56 AM Parent: #17
يُرفع لأجل عيون أونلاين
Post: #20 Title: Re: إلى سُـكَّرِ الشَـعِير وذى الكوع الناشِف Author: naeem ali Date: 12-19-2008, 02:57 AM Parent: #1
Quote: إســـــــتبينا ؟
استبينا
Post: #21 Title: Re: إلى سُـكَّرِ الشَـعِير وذى الكوع الناشِف Author: Hadia Mohamed Date: 12-19-2008, 03:04 AM Parent: #1
Quote: شاركنا المكالمة الوجيه مدير المسرح الوطنى التشادى عبدالله التشادى
الحمد لله سمعنا سمع خير عن صديقنا عبد الله التشادى, وهذا يعنى أن المسرح التشادى بخير , المهم أمباى ومنصور وفؤاد عبد الرحيم ما يكونوا حاقنين الزول ده فى تشاد وعاملين ليهم وحدة مسرح تجريبى. _______________________
إنت يا نعيم، المصريون جابوا إستبينا دى من وين ؟ نفسى أفهم .. تشكر يا حبيب اللون
وتحايا برضو من ماجدة لك وللوليدات ويحيح. خلى بالك إنتى قشيتى المسرحية، فؤاد ما دفعتم فؤاد دفعتك إنتى ولا أنا شايت ضفارى والله الشباب فى المكالمة قالوا بعملوا فى شئ كويس وعندهم أمال كبيرة، تحتاج فقط للعمل ثم العمل .. ثم العمل
تشكر يا فاتح ياصديق وعقبالكم كده .. يا كــريم
Post: #24 Title: Re: إلى سُـكَّرِ الشَـعِير وذى الكوع الناشِف Author: خالد العبيد Date: 12-23-2008, 00:42 AM Parent: #1
سلام يا شوف فرسان الرمال كم افترشنا معهم ساحل باهيا وقاسمناهم الهم الواحد وصلينا مع قديس احزانهم وانتبهنا "للاستاذ" وهو غارق في الظلام يقرأ! وشاركناهم ملذات عالمهم السفلي المثير كم احببناهم يا صديقي
اهدي هذا البوست لام المشردين ام سهى والى روح عمي عبدالله حارس دار صباح للاطفال المشردين
ولك مودتي
Post: #25 Title: Re: إلى سُـكَّرِ الشَـعِير وذى الكوع الناشِف Author: عبد المنعم ابراهيم الحاج Date: 12-23-2008, 03:39 AM Parent: #24
شوف ياشوف
كل سنة وانتم بخير..
ياااه يالها من معالجة ..
استدعاءات زمان الشدة والحفى الشديد..
اناشيد الفقراء والروح الموهدبه.. تناتق في الزحمة
بين الجلاد الضحية والضحية الصامدة..
سكّر الشعير..ومسافة الأشياء حين يباغت النهر إحتواء الحبر يشهق الجسر ويجعل من بين إطاره منفذا للخلاص .. يامهيد !!
هل ستحدثنا موجة فلتت من الطوفان .. عن آأخر الكلمات.. ماذا كتبت أيه الشاهق في سفر الوداع..
وذو الكوع الناشف أخضر الإحساس باسط ذراعك حتي آخر المشهد.. للنزيف الذي لون مساحات الزيف بحبر الإنتماء..
مجدي النور
هل ستزهر تلك الشجرة؟ أم سنترك تلك الثمرة الوحيدة لموسم نضج قادم.. ونبذر أولادها في الروح..
إطاره
Post: #26 Title: Re: إلى سُـكَّرِ الشَـعِير وذى الكوع الناشِف Author: فيصل عباس Date: 12-23-2008, 09:46 AM Parent: #1
يا سلام عليك يا منعم وعلى معالجتك والتي اظنها استوعبت تقنيات جديده ممكن تساهم في شكل العرض لو قرر ان ينزل لواقع يمكن من مشاهدته مرة أخرى
الرحمه لمهيد بخاري ولمجدي النور فلينعموا في عليائهم ولتبقى ذكراهم حية فينا شكرا منعم وشكرا كبير لاهل باهيا الذين اهدوك هذا المشوار لتخلد به آخرون عبروا .
Post: #27 Title: Re: إلى سُـكَّرِ الشَـعِير وذى الكوع الناشِف Author: محمد سنى دفع الله Date: 12-24-2008, 06:38 AM Parent: #26
www.sudanawi.com عايزنك هنا ضروري وكلم تروس خليه ينشط شوية الصفحة الرئيسة بتحمل خلال نصف دقيقة وبعد كده بتدخل بسرعة محبتي ليك اكيدة[/B]
Quote: اهدي هذا البوست لام المشردين ام سهى والى روح عمي عبدالله حارس دار صباح للاطفال المشردين
وأنا بدورى أردده وأعيده لأم سهى وروح عم عبدالله وإلى كل اللذين ساهموا فى دار صباح أو جمعية أمل مع فرسان رمالنا فى الخرطوم وكل مدن السودان، وإلى كل المهتمين بقضيتهم.
العزيز جداً منعم يا ســلام على هذه الشاعرية والكلام الجديد القديم فى حق مهيد ومجدى
Quote: سكّر الشعير..ومسافة الأشياء حين يباغت النهر إحتواء الحبر يشهق الجسر ويجعل من بين إطاره منفذا للخلاص .. يامهيد !!
هل ستحدثنا موجة فلتت من الطوفان .. عن آخر الكلمات.. ماذا كتبت أيها الشاهق في سفر الوداع..
وذو الكوع الناشف أخضر الإحساس باسط ذراعك حتي آخر المشهد.. للنزيف الذي لون مساحات الزيف بحبر الإنتماء..
العزيز جداً فيصل أبوموج شكراً لك أنت على هذه الكلمات وشكراً لسكان باهيا وشكراً لجورج أمادو
تعرف يا صديقى، أفكر إن عدتُ للسودان قريباً لابد أن أفتح شهيتى للمسرح والدراما بإعادة إنتاج فرسان الرمال .. بعدها يمكننى أن أتحسس خطوى مطمئناً فى قدرتى على العطاء بعد كل هذى السنين وأنا هاجراً الخشبة . أمين صديق إختفى تانى .. علّ المانع خير. تحياتى لأحلام والوليدات وإلى روحك يا صديق.
العزيز جداً السنى جيت كتير والله وحاولت مرات عديدة لكن باب الموقع دا إلا كان تاكلين لى عود ومكرِّن فى الواطة أبا ضمّة أبا يا السنى ساعدنى يا رجل .. فلدى الكثير والله لأقوله .
Post: #30 Title: Re: إلى سُـكَّرِ الشَـعِير وذى الكوع الناشِف Author: naeem ali Date: 12-25-2008, 10:10 AM Parent: #1
استبينا
Post: #31 Title: Re: إلى سُـكَّرِ الشَـعِير وذى الكوع الناشِف Author: محمد سنى دفع الله Date: 12-25-2008, 10:21 AM Parent: #30
حاجة غريبة لكن حاول من متصفحك مباشرة يعني ما تدخل من الرابط هنا كل المنى ليك بالتواصل مع بعض رجاء حاول من صفحة النت على طول اكتب اسم الموقع واتمنى ان نراك معنا مودتي وعام سعيد
Post: #32 Title: Re: إلى سُـكَّرِ الشَـعِير وذى الكوع الناشِف Author: naeem ali Date: 12-25-2008, 10:26 AM Parent: #31
Post: #33 Title: Re: إلى سُـكَّرِ الشَـعِير وذى الكوع الناشِف Author: محمد سنى دفع الله Date: 12-25-2008, 10:31 AM Parent: #32
شكرا يا نعيم دنيانا ما تفتكر ناسيك لكن منتظر واحد صاحبنا مشغول جدا اسمو كمال علي الزين واعدني اجيب لي تلفونك والليلة سوف نلتقي في زواج الفنان عبد المنعم الفكي
شكرا نعيم كنا نود ان نعيد عليك بالتلفون مباشرة بوظنا الدهشة بتاعتك لكن كلو من كمال الزين عيدك مبارك
شكراً أستاذ السنى تمّ التسجيل أخيراً ! فقط لدى ملاحظة لمصمم الموقع وهى: أن الموقع لا يقبل كودات فيديو جاهزة مثل Embed code وهى وظيفة تسهّل إضافة فديوز موجودة أصلاً أولاين، وتجنبك فى الوقت نفسه إزدواجية العمل وتحفظ لك ما تملك من كباسَتى كدى حاول ناقشها مع المصمم .. وشكراً يا زول يا زين
والمدعو صاحب المازدا الجديدة
وكل سنه انت ومجود والجاي بالف خير