Post: #1
Title: يا جماعة الخير الفاهم قانون الانتخابات يقولينا البفوز بيفوز كيف!
Author: ahmed babikir
Date: 07-02-2008, 08:38 PM
والله انا احترته 5% في الميه وقائمه
واقاليم ولا ولايات
قالوا عاملينو عشان تشارك القوي السياسيه كلها
وبعدين تجي القوي السياسيه تقول بالطريقة دي ما حتخش!
ويقولو خمستاشر الف تثنيه!
في الديمقراطية الاخيرة دي في ناس من الجبهة الاسلامية خشو البرلمان ب300 صوت!
طيب المناطق المافيها خمستاشر الف او عشرة الف ما حيكون في مرشحين للولايه..
والاحزاب تجمع ليها خمستاشر الف او عشرة الف ديل كيف مادايرين بنزين وعربات
وودفاتر طيب الاحزاب دي بتقدر علي القروش دي من وين
خليك من الدعايه والاعلام وغيرها
والسؤال الاخير والاول مهم جدا البفوز بيفوز كيف يعني!
|
Post: #2
Title: Re: يا جماعة الخير الفاهم قانون الانتخابات يقولينا البفوز بيفوز كيف!
Author: عبدالكريم الامين احمد
Date: 07-02-2008, 09:45 PM
Parent: #1
هلا يا احمد
والقصة دي غايتو شايفهم كوموها كيمان كيمان
1-دوائر جغرافية
2- وتمثيل نسبة
و25 في المائة للمراة
والقانون عموما غامض والتثقيف عنه باهت وليس هناك اي تفاعلات او مجادلات حوله...
والغريبة احزاب توافق ثم بعد كم يوم كده يقولوووا لالا
وتاني يوافقوا...والقصة عايرة ودايرة ليها سوط سطوين كده...
عموما اقول ليك الصراحة الاحزاب دي لو ما خلت اللولوة دي وكربت الشغلانة
الموتمر الوطني براحة بفوز ..
فالامر داير شغل وتكتيكات انا ماعارف الاحزاب جاهزة ليها ولا لا..
...........................................
|
Post: #3
Title: Re: يا جماعة الخير الفاهم قانون الانتخابات يقولينا البفوز بيفوز كيف!
Author: ahmed babikir
Date: 07-02-2008, 10:45 PM
Parent: #2
اهلا عبد الكريم
طيب الحاجات دي بركبوها كيفن؟
والله داير اعرف عشان الواحد يحدد منو يعمل شنو عشان يكسب؟
لانو شلن طلح ساي الجماعة بتاعين المؤتمر بيكتسحوها لعدم وجود منافسين
يعني بالتزكية عديل كده
لانو في دواير ما فيها ناخبين حتي!!
|
Post: #4
Title: Re: يا جماعة الخير الفاهم قانون الانتخابات يقولينا البفوز بيفوز كيف!
Author: نصار
Date: 07-02-2008, 11:29 PM
Parent: #1
العزيز احمد بابكر
القانون المطروح دا هو منقول من قانون الانتخابات الالماني و حتي مسودته مشت من هنا جاهزة زيها و زي اتفاقية السلام الشامل الكتبها معهد الماني و درب الطرفين علي مهارات التفاوض.. القانون معقد لابعد حد و يتطلب قدرات و مؤسسية و نزاهة فوق التصور علشان يكون منصف للجميع..
الـ 5% هي الحد الادني المطلوب لاي حزب تحقيقة من جملة الاصوات المعطاة علي المستوي القومي ليتمكن من التمثيل في البرلمان بعدد من النواب من قائمته بتحويل نسبة اصواته المتحصلة الي عدد نواب حسب التناسب مع القوائم الاخري... لذي يرتب كل حزب مرشحيه بطريقة الاولوية لقياداته الاهم ثم المهمة فاذا حصلت القائمة علي نسبة خمسة في المية يكون لها الحد الادني للتمثيل في البرلمان و كلما زادت النسبة يزيد عدد النواب.. هنا اري ان الخلاف حول تمثيل المرأة امر غريب حسب هذا القانون حيث ان ترتيب المرشحين في قوائم الاحزاب يمكنها حسم ذلك بأن يكون الترتيب بوضع رجل تليه امرأة و هكذا الي اخر القائمة او رجلان و امرأة او العكس حسب رؤية الحزب المعين..
القائمة الحزبية لا تحتاج لتوقيعات و تكفي عن ذلك جمعية الحزب العمومية علي ان يكون عدد اعضاءها يساوي او يزيد عن العدد المحدد قانونا.. يحتاج لجمع توقيعات المرشحون المستقلون غير الحزبين..
حسب القانون المخطلت يقترب من الاستحالة حصول حزب علي اغلبية تمكنه من الحكم منفردا و هذا ما اراده المشرع الالماني متأثرا بالتجربة النازية و قد كان هذا النظام مناسبا للخريطة الحزبية الالمانية حتي ظهور الحزب اليساري (هكذا اسمه) في العام الماضي حيث قبل ذلك كان توجد تحالفات ثابته بين حزبين كبيرين لكل حزب صغير موالي له.. المهم دا موضوع كبير جدا و تعقيداته مع جهل القواعد و ضهب الاحزاب ح يتيح فرصة للكيزان للابداع في التزوير و خلط الاوراق و حتي اعود بقول انه دي ورطة و قانون بزيد التعقيدات الحاصلة اصلا في واقعنا السياسي..
|
Post: #5
Title: Re: يا جماعة الخير الفاهم قانون الانتخابات يقولينا البفوز بيفوز كيف!
Author: ahmed babikir
Date: 07-03-2008, 03:37 AM
Parent: #4
مشكور يا سيد نصار علي التوضيح
ولكن الحزب بينزل كم في القائمه
يعني القائمه فيها كم مرشح
وبعدين حكاية الولاة دي كيف
وحكاية المراة دي كيف
وبعدين البرلمان فيهو كم نائب
ولا بيزيد وينقص حسب الكسور واللتق!
والله دي دايره بروفسير رياضيات عشان يحسب مع الاحزاب
|
Post: #6
Title: Re: يا جماعة الخير الفاهم قانون الانتخابات يقولينا البفوز بيفوز كيف!
Author: ahmed babikir
Date: 07-03-2008, 06:15 PM
Parent: #5
؟؟؟؟
|
Post: #7
Title: Re: يا جماعة الخير الفاهم قانون الانتخابات يقولينا البفوز بيفوز كيف!
Author: نصار
Date: 07-03-2008, 06:58 PM
Parent: #5
Quote: ولا بيزيد وينقص حسب الكسور واللتق!
|
فعلا دي ملاحظة مهمة.. عضوية البرلمان بتكون محددة لكن حسب تقسيم النسب و جبر الكسور ممكن عدد الاعضاء يزيد بمن يسمون بالبعضوية المعلقة.. انتخابات الولاة دي براها لكن الخلط بكون في كون القوائم للانتخابات المركزية بتم علي اساس ولائي و تسمي بالقوائم الولائية.. يعني النسب بتحسب حسب كسب القائمة في كل ولاية علي حدي.. عدد المرشحين في القائمة يحدد كل حزب.. الاحزاب الكبيرة يمكنها تقديم مرشحين بالعدد الاقصي الذي يكمل عدد نواب البرلمان البفوزوا في الترشيح المباشر.. يعني يقدم مرشح للانتخاب المباشر في كل دائرة جغرافية و عدد مساوي لمرشحي الدوائر علي القوائم الولائية... الاحزاب الصغيرة تعتمد علي الصوت الثاني للناخب و الذي يمنح للقائمة.. مثلا لو حزبين اعلنو انهم ح يتحالفوا لتشكيل الحكومة في حالة الفوز يقوم ناخبوهم باعطاء الصوت الاول (المباشر) لمرشح لاحد الحزبين (الحزب الكبير) و الصوت الثاني لقائمة الحزب الاخر.. انضباط الناخبين من الحزبين مهم جدا لانه اذا منح احدهم صوتينه لفرد و قائمة من نفس الحزب يسقت الصوت التاني اذا فاز مرشح الحزب في الانتخاب المباشر.. مثال: الاتحادي و المؤتمر السوداني متحالفان الارجح انه مرشح الاتحادي هو الاقرب للفوز بالدائرة المرشح فيها عليه يفترض علي ناخبي الحزبين اعطاء صوتهم الاول لمرشح الاتحادي و التاني للمؤتمر السوداني لضمان الفوز الفردي للقائمة... اكتر من الحوجة لاستاذ رياضيات في حوجة للنزاة و الشفافية و المؤسسية و الحياد و توفر العدالة في مجمل العملية الانتخابية.. و بيك صاد
|
Post: #8
Title: Re: يا جماعة الخير الفاهم قانون الانتخابات يقولينا البفوز بيفوز كيف!
Author: ahmed babikir
Date: 07-07-2008, 04:54 AM
Parent: #7
طيب في حاجة تانيه الفرد في اي دايره بكون عندو صوتين
صوت للجغرافيه وصوت للنسبيه يعني
العلاقة بين الاطريقتين شنو؟
مشكور يانصار بريناك عديل كده لكن الواحد فعلا داير يفهم!
|
Post: #9
Title: Re: يا جماعة الخير الفاهم قانون الانتخابات يقولينا البفوز بيفوز كيف!
Author: نصار
Date: 12-29-2008, 11:08 AM
Parent: #8
العزيز احمد بابكر
ياخي لا بري و لا حاجة بل من دواعي سروري
بعد غياب رجعت و لقيت سؤالك الاخير فحرصت علي نقل البوست للربع الجديد لمحاولة الاجابة و مواصلة الحوار و اتمني ان ينضم الينا آخرون/ات
الصوتين بتاعة الناخب يمكنه الادلاء بهما لحزب واحد اي الاول لمرشح مباشر بالاسم و الثاني لقائمة الحزب او الاول لمرشح حزب و الثاني لقائمة حزب آخر معلن رغبته مع الحزب الاول او ان الناخب يرجح او يرغب في تحالف الحزبان,,, المرشح المباشر امره ساهل بان يفوز بالدائرة صاحب اعلي الاصوات اما القوائم فهي ولائية بان يفوز عدد يعادل نسبة الاصوات الحققتها قائمة الحزب المعين في ولاية بعينها ثم القائمة التالية و بعدها و بعدها الي النهاية,,, مثلا لو كسبت قائمة حزب اعلي نسبة اصوات توزع مقاعد علي مرشحيها حسب الترتيب الواضعه الحزب حتي تنفد النسبة ليأتي دور الحزب الثاني و هكذا,,
نواصل
|
Post: #10
Title: Re: يا جماعة الخير الفاهم قانون الانتخابات يقولينا البفوز بيفوز كيف!
Author: نصار
Date: 12-29-2008, 10:27 PM
Parent: #1
Quote: SUMMARY OF VOTES AND SEATS
===========================================================================
% of Constituency List Total
Party Second vote Seats Seats Seats %
---------------------------------------------------------------------------
CDU 27.8 106 74 180 (-10) 29.3
CSU 07.4 44 2 46 (-12) 07.5
FDP 09.8 - 61 61 (+14) 09.9
Grune 08.1 1 50 51 (-04) 08.3
Linke 08.7 3 51 54 (+52) 08.8
SPD 34.3 145 77 222 (-29) 36.1
Others 03.9 - - - 00.0
---------------------------------------------------------------------------
Total 299 315 614 (+11)
---------------------------------------------------------------------------
|
دا نموذج لتوزيع المقاعد حسب كسب كل حزب في الدوائر الانتخابية و القوائم. واضح ان الحزبين الكبيرين يستأثران بالدوائر و الاحزاب الصغيرة تحصل علي مقاعدها عبر الصوت الثاني اي القوائم,,,
|
Post: #11
Title: Re: يا جماعة الخير الفاهم قانون الانتخابات يقولينا البفوز بيفوز كيف!
Author: نصار
Date: 12-30-2008, 00:05 AM
Parent: #1
معليش جاطت فوق احسن نجيبا كاملة
|
Post: #12
Title: Re: يا جماعة الخير الفاهم قانون الانتخابات يقولينا البفوز بيفوز كيف!
Author: نصار
Date: 01-27-2009, 10:46 PM
Parent: #11
العزيز احمد
علمت انك عدت للمنبر بعد غياب
و وددت ان ترري ردي علي سؤالك الاخير
في هذا البوست الذي طلبت نقله للربع الحالي
للرد علي السؤال الذي قرأته متأخرا
و انا باقا معك
تحياتي
|
|