والله يا البورداب لافييين ساااااااااااااااااااااااي..

السماية الفي يقولوا ليك وكان البورداب حضوراً ..
العرس الفي يقولوا وكانت الروعة في الحضور البهي للبورداب ..
البيت البنوهو يقولوا ليك وتحاضن البورداب ساعة اللقاء ..
الزول يحج يقولوا ليك واكتملت روعة الحج بتقاطر البورداب ..
الزول يجي من السفر يقولوا ليك ام حقين في المطار واستقبال انيق من البورداب ..
ياخ اللمة حباااااابا واييييييييو شي (على قول ود جيرانا) عشان ما تجو تشبكوني انه نموذج للاخاء والتصافي وهكذا هو حوش بكري وساحة من لا ساحة له وطيبة السودانيين وحب الناس وحب الخير وحب حب حب يا حامام شتت ليك سككككر..
الناس بتقنع نفسها انها ماشة تجامل الزول الفالني وتقيف معاهو وتأكد ليهو كيف إنو العلاقة اتحولت من منبرية لرحاب اوسع (وهنا لا علاقة لي رحاب خليفة بالبلح ) ولمن يمشو هناك والله ما بيجيبو خبر لي سيد المناسبة زاااتو وكثيرون منهم تكتشف انهم لم يباركو للعريس حتى !!!

يبقا الفكرة شنو ؟؟؟؟؟
لمة والسلام ؟؟؟
حب استطلاع ؟؟؟
النشوف فلان والنعاين لي علانة ؟؟
ويا ربي هناي داك كتابتو زي شخصيتو ؟؟
وياخ انت طلعت زووول طيبان مالك في المنبر شاكال كده ؟؟؟
وقابلت لكم نفيسة حواجب ..
ورأيت بأم عيني خالد كتاوت ..
ومجموعة تتونس في بوست كاتبو هناي داك وشوفتني انا رديت ليهو كيف عليك الله ؟؟
لكن هناي داك بيكتب عشان هناية ديك حرشتو والله انا عااااارف اييي شي ..
فلا يعرف البورداب في تلك اللمة إسم المولود الذي أتو لي سمايته ..ولا يباركون للعريس الذي تورط في العرس ..ولا يحمدلون السلامة لل(طيرة) المهاجر ..
يجب فصل الخاص من العام ...
يجب فصل الزيارات البيتية المباركية من الحاجات المنبرية البوستية ..
إتلاقو إتحاضنو إتقالدو لكن ما تجيبو سيرة البورد وتخلوهو شغلكم الشاغل..
لاقو بعض بغرض انكم عايزين تعرفو بعض وتفتحو افاق خارج اجواء المنبر ...
ما تخلوا حب الاستطلاع يكون الدافع الاكبر في الملاقاة ..

تخريمة :
العريس الإبتسم ..
للجمال ست الإسم ..
وجاب الدبلة والختم ..
للجمال ست الإسم ..
والرقيص قدم قدم ..ووووووووووووب قدم قدم ..
والعريس وقف حكم ...


وسوووووووووووحي أللي لالا بي الجمبة مووووحي أللي لالا..

عمر الفاروق سلام

الف حمداً لله على السلامة

و أهلا بيك في الربع الأول( البورد بقى بي الأرباع)

و كل سنة و إنت طيب

الاخ عمر الفاروق
تحية مباركة
غايتو لمت بيت بكرىدى
انا لو كنت فى البلد
ما كان فوتها
ياخ دى
حبايبى الحلوين
اهلا جونى
زاااتا
بعدين إنت ما شفت الضلع
دا كيف

Quote: ورأيت بأم عيني خالد كتاوت ..

هوووووي يا وغد أنت ..
أنا قاعد في الرياض دي ما تلمني مع ناس قندهار ديل ..





ــــــــــــــــــــــــــــــــــــ
* يعني أنت السبعة ما جابتكـ يجيبك بيت الريس ؟؟

عاد سغيل سغالة و بايخ بياخة يا عمك
المشكلة كلامك صاح لكن قالوك بختوها دج كدا
لكن عارف المغسة الجد وين
في قصة الصور , يتخيل لي البورداب بختلقوا المناسبات و اللمات مخصوص عشان توجد صور دي
و أحيييييي من الجابوها ناس ناذر جديدة كمان
بث مباشر
تخيل

عمر كيفك ..

Quote: البيت البنوهو يقولوا ليك وتحاضن البورداب ساعة اللقاء ..

يا خي ما في داعي لي تحاضن دي ..!!

بالمناسبة :

إنت قاعد تتكلم عن بورداب الرياض ولا بورداب حتة تانية

دي أحمض من السبعة



_
شنو ياخ ما ظهرتها عاااااااااااملة

الفاروق عمر

تحايا
وليك وحشة
أو بالأحرى لـى ( سغالتك ) على رأى ود البشرى
أولاً بالتبادي
سيبك من قصة " خدوهم بالصوت العالي " دي
جاى داخل تووووش لا إحم ولا دستور
وواقع ( بشتنة ) في البورداب
ووقعت بى هناك بشتنة في حمد الريح .
إنت زاااااتك كنت وين ؟؟
فتحت ليك عشرمية بوست عن بشتنتك ( قلنا ماشي ، وخايلا فوقك )
وعن بشتنة ( أسرار بابكر ) وخليتنا ( إتلومنا ) ساااكت مع الفنانة الكبيرة
ورحت كابي الزوغة
يعني لو فكرنا نعمل حفلة ( لا تسأل عن مناسبتها ) لن يكون عندنا وجه نمشي ليها ( تجاملنا )
وقبلها قبلت على شروق أبوالناس لحدي ما خليتنا كلما نشوفها بتغني نتذكرك
كمان هسع قبلت على حمد الريح
وعلى بورداب الخرتوم ؟؟؟


والله سعيد بعودتك

______________________

بس مسعول من الخير
صورتك أم صلعة وين ؟؟

ابو حسين :

Quote: و أهلا بيك في الربع الأول

مرحب بيك من الربع الخالي..
والله المنبر بقا عامل زي السميسترات ..

Quote: لافييين ساااااااااااااااااااااااي..

وبي ورق فاين كمان كان ما عاجبكـ ..
خلاص (حاجاتكـ ) نجضت وجايِ (تنجضنا) ..
القلعة (انهارت) .. وانت نائم ..!!!
النجمة (اتفضحت) وانت نائم ..!!!
رحلنا ودخلنا عالم المدينة .. وانت نائم ..
تمبس رحل .. وانت نائم ..
كبايتكـ (إتكسرت) وانت نائم ..
...
تقولي لافين سااااااااااااي ...

عمر الفاروق حمد لله علي السلامة
انت فعلا جاي مسخن مالك جاي تفشش في المنبر دا وفي ناسو ما تخليهم اتلاقوا ويرتاحوا



خلاص رفعوا عنك الحظر

عمر الفاروق ....
لو المسألة ما فيها أجندة تانية .. ممكن أرد. وأختلف معاك.

منذ انضمامي للبورد مشيت السودان مرتين. المرة الأولى في ديسمبر - يناير الماضي. وحضرت لقاء للبورداب أقدر أقول ما جات فيهو سيرة اي بوست، ولا زالت ذكرياته تداعبني.

المرة التانية في اكتوبر الماضي مشيت لتلقي العزاء في الوالدة رحمها الله. أتي بعض البورداب للتعزية، وغني عن القول إنو المناسبة ما كانت مناسبة بوستات.

رغم كده ... لما يتلاقى ناس علاقتهم عبر المنبر والبوستات، أكتر من طبيعي إنهم يتكلموا في أحوال المنبر. .. .. .. والاّ مش؟

____
إنت مشيت السودان وفتحوا ليك والاّ شنو؟
ممكن نتوسط وكده

عموووووري


خلاص جيت ؟

وحاة الرسول ليك وحشة ياخ

Quote: فلا يعرف البورداب في تلك اللمة إسم المولود الذي أتو لي سمايته

إنت ماعزمت بورداب السعودية لسماية ولدك ؟


ثم هل ماشفتنا ونحنا بنبارك ليك المولود السعيد ؟


عموري

نحنا ماقصرنا حاجة

وإنت إتلومتا فينا

.







غايتو ...جنس حسادتن




........

Quote: و أحيييييي من الجابوها ناس ناذر جديدة كمان بث مباشر تخيل

امبارح كنت داير أعكسا ليكم مباشرة من هناك ..

بس للاسف كان في لقطات كتير غير صالحة للنشر وبتجيب شيل حال لي قدام

غايتو جنس حسادةً عليك يا عمر، تحسد الشهيد في شهادتو..
___
إنت ذاتي حاسد بورداب الخرطوم في لماتم وملماتم، لكن ما بقدر أصرح زيّك كده

البورداب بى كبيرهم بكري شخشياً في قندهار يا عمك

شنو ليك ؟؟
تقول لى حمد الريح بناهر

Quote: العريس الإبتسم .. للجمال ست الإسم .. وجاب الدبلة والختم .. للجمال ست الإسم .. والرقيص قدم قدم .. ووووووووووووب قدم قدم .. والعريس وقف حكم ...

مباااالغة

بالمناسبة اللمة سمحة
بالذمة احسن هي ولا شكل الكيبورد
ونضاله ،، سنة سعيدة

Quote: الزول يجي من السفر يقولوا ليك ام حقين في المطار واستقبال انيق من البورداب ..

لووووووووول ..

دي انا مش ؟؟!!!


ام حقين = اميرة الشيخ ونادية عثمان واسيا ربيع ومنى خوجلي وبيان وغادة عبد العزيز خالد...


ولسة ياما!!







غايتو حسادتك عينة يا عمر الفاروق ..

يا جماعه ما تشبكوهوا حساده حساده
تضيعه فكرته من البوست
الراجل ده واضح انه عنده وجهة نظر
خلوهوا يواصل
بدون ما تاثروا علي (الراي العام) للبوست وكده

عمر الفاروق سلامات معليش خشينا توووش كده





تخريمه عاديه كده:
والله قندهار دي كانت عسل بس