نبشركم بسقوط المؤتمر الوطنى فى دوائر شندى الاربعة وقبل الله السبعة

الاخوة اعضاء وزوار منبر سودانيز اونلاين الاعزاء والموقرين -- تحية لكم جميعا -- واخص منكم اولئك المهمشون والمناضلون والمنافحون والذائدون عن كلمة الحق فى كل زمان ومكان -- المشردون والمغيبون والمهجرون طوعا او كرها عن مراتع الصبا وبلاد الاحلام ومرتع الاهل والعشيرة بفعل حكومة الجبهة الظالمة القصيييييييييييييرة القامة والعمر والفكر
وبعد
فان هذه اول مشاركة لى فى هذا المنبر العامر -- بعد ان تفضل علينا العزيز الباشمهندس بكرى اعطاه الله دوام الصحة والقدرة على العطاء الثر -- بعد ان منحنا شرف العضوية فى سودانيزاونلاين منبر كل ابناء الوطن وبرلمان السودانيين الحقيقيين اهل البلد-- والذين طالما حرمهم الاخرون سارقى السلطة بليل ان يلجو من ابواب البيوت الى بيوتهم التى هى لهم -- فاصبح وطنى السودان العظيم زريبة كبيرة من السرقة وقطاع الطرق وبوسائل شتى -- واتى هؤلاء : من اين اتوا ؟؟؟ انهم اتونا من قيعان المجتمعات -- نحن نعرفهم واحدا واحدا -- ولن نسال سؤال الطيب الصالح -- لانا نعرفهم فمن هم ؟؟؟ انهم مجموعة من النكرات اجتمعت على يد احد اعظم المضللين على وجه الارض -- الرجل الذي دخل بيت المهدى وحاول السيطرة على هذا البيت بمصاهرتهم -- ولما لم يجد مبتغاه تحول لحيلة اخرى ::: ااااااه انه سلاح الفكر وسط السذج وعاطلى المواهب ((الفكر الاسلامى)) ويا له من خبث عظيم ان يمتطى هذا الرجل ظهر الدين والعقيدة كانه دابة ليصل به الى بر اموال الشعب الحرام -- واتت الانقاذ العقيمة على دبابة عقيمة وعسكر لا يقلون بلاهة عن هبنقة -- ولتسالوا الان انفسكم اين ذهب اولئك العسكر وزراء اول حكومة للانقاذ ؟؟؟ اين محمد الامين خليفة وصلاح كرار وسليمان محمد سليمان ورامبو بتاع الافران والزبير وحتى اين هى مرة الراجل الان ؟؟؟؟؟؟؟؟؟؟ بل اين الشيخ ؟؟؟؟؟؟؟؟؟؟؟؟؟؟؟؟؟؟
ذهب كل هؤلاء وبقى بلة الطاهر على بلاع فى خضم السيناريوهات الفطيرة والخميرة منها والمعروفة-- وبقى نشر الغسيل الرطب والجاف فى متناول الجميع وعلى قفا من يشيل -- اختلف اللصان فى رمضان -- فظهر الذى كنا نظن انه سرق !! وظهر ما لم نكن نعرف حتى ان بالامكان سرقته !!
وعندما شعر القوم القادمون الى القصر ببعض الضعف نتيجة احداث رمضان المجيد -- تفتقت ذهن اصحاب القصر عن فكرة حتمية انهاء حرب الجنوب وباي ثمن -- وذهب على وعاد بنيفاشا ظانا انه قد استراح من هم الجنوب بعد ان نضب منه المقاتلين ((الشهداء سابقا -- الفطايس لاحقا)) -- ولم يدر الساحر العجيب عليا ومن معه ان نيفاشا هى بداية النهاية للعهد الاموى السودانى -- يعنى باختصار فى نيفاشا دى الجماعة ديل دقسوووووووووووا عدييل -- وبعد ما وقع الفاس فى الراس وجاء دستور وقانون وقوات دولية وضمانات دولية وامم متحدة وهلمجرا -- اصبح النافعيون والقوشيون يتصايحون ويتململون من نيفاشا ويحاولون التنصل من عهد وكذلك يفعلون -- لكن حكمة الله البالغة جعلت اهل الانقاذ يصحون على صباح عجيب ويعثرون فى حوش دارهم الكبير على (( دحشة عظيمة والدة)) اسمها دارفور !! ولا تسالنى عن المولود!!

وجاء الناس
من حجر العسل
ومن قلع النحل
ومن سقط لقط
وجاءت المنظمات
والامم المتحدة وغير المتحدة
وجاء الزين وود الريس ومصطفى سعيد
وجاء ابو جقادو وابو الليل وابو سنون وابو سن وابو دحشة رايحة

جاء الناس ليشهدوا ويشاهدوا عملية الولادة التى لا يعرف ان كانت قيصرية ام طبيعية حتى الان
ثم اخيرا جاء اوكامبو
ولم يسال عن رامبو
بل سال عن ابو المولود الجديد
فانكره الجميع
رغم انه شديد الشبه بابيه

((وعمر الدم ما كان مية))

وربك يجيب العواقب سليمة

والان نشاهد بين الفينة والاخري ابناءنا ابناء شندى يتصايحون فى الروادى والشاشات -- الانتخابات الانتخابات الانتخابات -- ونحن نعجب من صياحهم الهلع -- ولكن بطل عجبنا عندما علمنا ان من وراء القوم من يصيح : الانتهاكات الانتهاكات الانتهاكات

هل يعتقد ابناء شندى الجبهجية ان بامكانهم الفوز فى دائرة من دوائر شندى الاربعة ؟؟؟؟؟؟؟؟؟

ولم نقل دارفور او طمبرة او الدمازين ؟؟؟؟؟؟؟

ساقول الان اننا نتحدى نافع والبشير واب سيخة وعلى كرتى ان يفوزوا فى دائرة واحدة من دوائر شندى الاربعة

وانا القرقاب ود الصلب

والموضوع لسة طوييييييل

نواصل

الأخ خالد عنان عمر تحياتي ومرحباً بك وبقلمك السنين، واتمنى ان يطيب لك المقام بيننا ..

الصاوي

ابشر بالخير خالد عنان

اخونا خالد
مساء الخير

ديناااااااااااااااااااااااااك
ياعمكـ انت جاي دايس بنزين للاخر
ارفع رجلك شويه من الابنص ...خلينا نرحب بيك

منور المنبر

منور يا عم خالد

مرحب بيك في البنبر ده.



ياخي اشطح اول ثم انطح بعدين.

ياخي اشطح اول ثم انطح بعدين.

خليهو ينطح يا دكتور يمكن بعدين يعدم الشيء البنطحو ..

ود الباوقة

يسلموووووووو

الاخ بشير تحياتى -- اولا اذا كان دا بنبر امش انجرلنا واحد زيو
وتانيا انا لسة ما شطحت ولا نطحت الغريق قدام

الكرام :

الصاوى
معروف
هارون
معاذ

التحية مربعة
والسلام مطبوق

شكرا على المرور والترحيب والدعم

وابشروااااااااااا

يا خالد يا خوى
قبل ما ترقع راية التحدى
وقبل ما تشطح زى ما قالوا هل عندك بديل؟؟؟
على ما اعتقد فى شندى والمتمة مافى غير قادة العمل السياسى الان ناس زعيط ومعيط النحن عارفينهم
والذين يصفقون لاول دبابة
ويطلعون فى اول مسيرة تاييد
ويهتفون باول شعار
فقد جاء الاتحاد الاشتراكى فكانوا فى كتائب مايو وظلائع مايو
وجائت الجبهة فكانوا دهاقنتها
وجاء المؤتمر الوطنى
فكانو اول اعضائه
يهتفون للوطنى ويحنون الى سيدى
ارجو ان لا تراهن عليهم فرهانك لا محالة خاسر
وسترى من يفوز

الاخ خالد عنان عمر لك خالص التحية والتجلة


والف مرحب بيك في حوش بكري الكبير وطن من لا وطن له


ونحنا معاك المؤتمر اللاوطني ساقط في جميع دوائر شندي


فقط فلنعمل على ذلك


الاخ الريح سنهوري كيف حالك لعلك روقة

البديل موجود العمل علي توحيد قوى السودان الجديد


وناس زعيط ومعيط لا وجود لهم في قوى السودان الجديد


والف مرحب بيكم

الأخ خالد عنان الف تحية


والف مرحب بقدومك.

دوائر شندى الأربعة دى ما عندهم فيها امل رغم الاموال الطائلة التى صرفت لشراء الذمم.
لكن قول لى بعد الحصل دا كلو فى دائرة فى السودان ممكن تصوت للمؤتمر.؟

ود محجوب -- عافى منك -- زى ما قلت سينفقونها ثم تكون عليهم حسرة -- لكن والله انا خايف لي على زول ضااااااايق السقطة فى بلدنا ديك -- وربك يستر

الاخ الكريم كمبورة -- التحايا الصافيات لكم
ونحن موعودون بغد جديد خال من جنس كوز وكباية
فقط اذا التأم شمل القوى الوطنية الحادبة والمخلصة
وباذن الله نحن الان فى شندى نعمل عملا جيدا -- تلتئم فيه جميع قوى السودان الجديد
وواثقون من النصر باذن العلى القدير

يا اخوى شندى عمرها بتعرف الجبهة ؟؟؟؟؟؟

الناس ديل عندهم قريشات وكوبري اليسووا -- لكن نحن راى الناس عارفنو

اما اموال السفح واللفح فسينفقونها ثم تكون عليهم حسرة

الريح ود السنهورى -- ازيك وعساك طيب والوليدات والاهل

ناس زعيط ومعيط ديل يا الريح اخوى صاح موجودين -- لكن هم ناس حاضرة وموجودين فى كل زمان ومكان -- بس امحمد احمد الاغبش اب طورية بقي فاهم اي حاجة يا الريح اخوى وانا ود شندى وضواحيها وعايش فى البلد دى وما مرقت منها ولا يوم -- كلامى دا اعتبروا كلام جن فى لعوت -- لكن الميس قريب -- قرييييييييييب تب

وشكرا على المرور من ناحيتنا ونلتقى

سلام يا خالد
وتحياتي
يبشرك بالخير
خبر جميل من اول الصباح
وانت مكسب حقيقي لقوى المنبر التي تعمل لاعلاء كلمة الحف
وزي بوستيك ده يا خالد باهو البطير النوم من عيون ودالباوقة
وعفيت منهم اهلي في شندي ما بدورو الاعوج واصحاب القلوب الميتة
والانتهازيين اللصوص من عضوية المؤتمر الوطني
اسقطوهم في الدوائر الاربعة وماجاورها
وعاش نضال الشغب السوداني

اخونا خالد مرحب بيك اولاً


ثانياً أرجو ان تجبد نفسك شوية ، وتاخد ليك انتكاية علي ترتار البحر المكوع عندنا في شندي وما احلي تلك الالتفاتة


ثالثا حديثك عن ان المؤتمر الوطني حاياخد ( إسنا) بلغة الوست في دوائر شندي ليس له ما يسنده من دليل ، انما

انبني علي مواقف الله وحده اعلم بخفاياها.

رابعاً ارجوك الا تراهن علي السقوط فقد جرت تحت جسر وكبري شندي المتمة مياه كثيرة .

هذا مع محبتي وتقديري

المياه التى جرت تحت جسر المتمة مرودودة فى مسماها يا ود السيدح -- وهو ناس المتمة ياها القضية عندهم كبري

كدى اليحلو قضيةشوال الدقيق

Quote: رابعاً ارجوك الا تراهن علي السقوط فقد جرت تحت جسر وكبري شندي المتمة مياه كثيرة .

الأخ عبد اللطيف تحياتى المياه الجرت دى أخذت الطرور والزبد واراحتنا منو والحمد لله.

اما اهلنا لا يباعوا ولا يشتروا وهم على العهد.

الفاضل خالد العبيد

ابشررررررررر بالخيييييييييير

الناس ديل نحن وراهم وراهم
والله كان شايلا غزال الا نجيب راسو

Quote: ارجو ان لا تراهن عليهم فرهانك لا محالة خاسر وسترى من يفوز

باسم من يتحدث الريح سنهوري
ومن قال لك لا يوجد بديل
فاليسقط المؤتمر الوطني حزب الجبهة الاسلامية
حزب القتلة المجرمين
وليأتي من يأتي
ليكن هدف القوى السياسية في منطفة شندي وماجاورها
الحاق الهزيمة بالفتلة المجرمين
معدومي الضمائر أكلي السحت


شكرا خالد
شكرا اهلي في ربوع شندي
شكرا احفاد المك نمر
وانتم تتأهبون لكنس المجرمين الى المذيلة التاريخية

مرحباً بك عضواً فاعلاً، يا خالد.
جوابك واضح من عنوانه، وواضح أنك ممن يعرفون المنطقة جيداً، وكذلك المؤتمر الوطني وخباياه!
نتمنى لك طيب الإقامة بيننا وبين القراء القراء الكرام.

شكرا الاخ حيدر البدوى -- نعم انا ودشندى واعلم عنها الكثير -- وانا عايش هناك مع الغبشوالمهمشين فى الرواكيب والضهاري -- ومعاهم بي تحت فوق الجداول والتقانت -- وشتلت البصل وقلعتو معاهم

لكن قول لى الخزن بصلو منو السنة دى

الف مرحب بيك -- والمؤتمر الوطنى دا نحن شلنا عليهو الفاتحة زمااااان -- ما تسمع جعجعة الروادى والورق دى

اخونا خالد

لك التحية و الاحترام



واصل لي قدام
منتظرين

حباب ودرغيم -- وشكرا على المرور والتحايا -- وانا جايييك

جايب معاى لسه لسه كتييير

حباب القرقاب .

شكرا فيصل حبابك الااااااف

خالد عنان عمر

مرحبا بك أخي ولا أدري فقد ذكرني أسمك بأستاذي الجليل محمد خير عنان

أولا خفف البنزين شوية

و ثانيا يبدو انك لم تعايش أهلك ولم تعرفهم ولم تخبرهم

Quote: فقط اذا التأم شمل القوى الوطنية الحادبة والمخلصة

اذا كان الأتحاديون لا يتفقون فأنت تريد أن تجمع الشتات

أخي بعد الأنتفاضة في مدينة شندي قام مجموعة من الشباب الحادبين يريدون التغير

ابتداءا من مجالس الأحياء ورفعوا شعار ازالة السدنة فماذا حدث فعاد السدنة بأعلي الأصوات

في جميع أحياء شندي و ضواحيها فأسل الأستاذ عوض بين عن تلك الفترة أخي واقعة أخري اتذكرها تماما

خدثت أمامي أحد كبار التجار ترشح في دائرة منطقته فدار حديث بينه

ووالدي عليه رحمة الله فقال له والدي لا تضيع فلوسك في معركة خاسرة

فضحك علي والدي وأقسم علي أنها رابحة وعلل ذلك بأنه سوف يتنازل لمن يدفع أكثر و يضمن له دعمه الكامل؟؟؟؟؟

فشندي يا أخي لا تحلم فيها بتغير بين عشية و ضحاها فكل المفاتيح بيد سلسلة مفقودة

حلفاوي جعلتي

Quote: الأخ عبد اللطيف تحياتى المياه الجرت دى أخذت الطرور والزبد واراحتنا منو والحمد لله. اما اهلنا لا يباعوا ولا يشتروا وهم على العهد

خليفتنا ود محجوب تحياتي ودعواتك بسر السر

ومن الذي قال لك بأن انشاء كبري هو للبيع والشراء ، هذا يا شيخنا حق من حق اهلنا الغبش وليس منة

من أحد ، وبعض ذرات التنمية التي نراها الان بدءً من طريق التحدي كان ينبغي ان تكون قبل عشرات السنين

لكن لا حياة لمن تنادي ، نحن لا نعترض ابداً علي محبة اهلنا في من رفعهم الله درجات علا وذلك من فضل الله

يعطيه من يشاء، لكن ان يكونوا اسيرين برباط المحبة لاوحال ساس يسوس وما ادراك فهذا ما تجاوزه الزمن

رضينا أم ابينا، انه يا سيدي الواقع الماثل امامنا ، وتأكد بأن هذه الدوائر المقفولة لو لم يفز بها

المؤتمر الوطني فانها حتما ستنملص من ايادي الحزب الاتحادي الديمقراطي بكل افرعه واذرعه الشرعية

وغير الشرعية ، ارجو ان نكون واقعيين ونبعد ولو قليلا عن هذه العاطفة .

مع كل محبتي وتقديري

يا شيخنا اولا مرحب بيك ، مبروك خلاص الجماعة انعموا عليك ( بالمناضل) اكيد انت بره الشبكة ، المناطق دى عنصرية ساكت المؤتمر الوطنى بختها فى جيبو ، اها سنن الكيبورد حقك للنضال . بصراحة بداية غير موفقة إلا ان كنت عاوز تلم الناس حوليك ، تعرف يا اللخو الناس هنا بتحب تسمع الكلام المتل كلامك ده ، يا اخى امس و قعت مشاريع باكثر من مليار دولار فى مختلف البلاد ، ارحم نفسك شويه .

الاخ خالد عنان
الاخ خالد العبيد
لكم التحية والود واريت صباحكم خير

التغيير ماهو لبغه بيفتحوها وماك عارف ياتو هربة ماشا عليها
السودان مليان هرب وكذلك هذا البورد
يبدوا انك عتدك مغسة مع زول داير تفشها
باكر لمان يطلع ود البشير فوق الكبرى ويهز عصايتو بتعرف منو البفوز
الكيرى ده حلمنا بيهو نحن صغار ولامن شبنا
ما فى زول عبرنا غير اولادنا ناس سيخة ونافع وميدوب
ياخالد عنان لو بتتذكر كيف كنا مهمشين ومازلنا

لكن ما بنتهمش اكتر
سالتك قبيل منو البديل وما لقيت منك جواب
وبسالك تانى وتالت ورابع
والجواب لازم يكون جاهز هسع
لا زم تتحسب بدقة متناهية والا فالطوفان قادم
طوفان عنصرى لا يبقى ولا يذر
وامس القريب تحت الضغط الجهوى المهول كم مليار حا تتصرف وكم لينا فيها ------صفر
وين المصانع والمشاريع ---وين الطرق بين القرى --وين جبل الحسانية--وين مشروع النقع--

ادونا البديل عديل وورونا تايعين لى ياتو جهة
ارجو ان لا يكون مرجعهم الوحيد هو مرجعك الوحيدالعداء لاهل الانقاذ

ارجو ان لا يكون البديل من ناس سيدى لانهم بقو زى العملة
العدلة اتحادى والقلبة مؤتمر وطنى
وما يكون شيوعىلانهم فقدوا المرجعية
وما يكون حزب امة لانهم انت عارف وانا غارف نحن والتعايشة اتفرقنا
يكون مستقل ويحلف ما يبيعنا لانو الباعونا كتار وعينك عينك

الأخ خالد عنان

ألف ألف مرحبا بك..

ودخلتك القوية هذه زيادة وتحريك للبورد

لك التحية..
والنصر للمهمشين..


تحياتي
عبدالعزيز

اخي خالد

ارحب بك عضو نشط في المنبر واتمني لك اقامه طيبه. رغم معرفتي بإن دوائر شندي

كان يكتسحها الاتحاديين ماعدا دائرة الجبلاب التي كان يفوز فيها حزب الامه في

بعض الاحيان, الا انني لااشاركك ثقتك المفرطه الان للاسباب الاتيه:

1. قانون الانتخابات سئ الصيت فصل بشكل يسمح بفوز الاحزاب الحاكمه الرئيسيه,
المؤتمر الوطني في الشمال, والحركه الشعبيه في الجنوب.
2. سيسخر المؤتمر الوطني كل امكانيات الدوله لصالحه.
3. الحزب الاتحادي في أضعف حالاته ويعاني من انقسامات حاده في صفوفه.
4. لايوجد إتفاق حد ادني الان ولا برنامج مشترك للاحزاب والحركات الوطنيه لتواجه مجتمعه حزب المؤتمر.
رغم ذلك, هناك بصيص أمل من تشظي المؤتمر الوطني اذا تم توجيه صدور قرار من
المحكمه الجنائيه الدوله باعتقال البشير, وصمدت المعارضه امام ضغط السلطه الحاكمه, وطالبت بتنحي البشير من رئاسة الجمهوريه عقب صدور ذلك القرار, ونجحت, في توحيد صفوفها ونسقت مع الحركة الشعبيه.

مع ودي وتقديري

اخي هجو
كتبت

Quote: المناطق دى عنصرية ساكت المؤتمر الوطنى بختها فى جيبو

منذ متي أصبح المؤتمر الوطني يمثل الجعليين? وهل اصبحت الجبهه الاسلاميه- جناح المؤتمر تمثل اثنيه معينه في السودان? لم يشفع انتمائي ولا انتماء الاف السودانيين للجعليين من تشريدهم وفصلهم تعسفيا كغيرهم من الوطنيين السودانيين,
ولم تشفع جعليةالعميد محمد أحمد الريح ولاغيره من المئات من سجناء الضمير لتمنع عنهم
التعذيب من سلطة الانقاذ

الفاشيه فلماذا يلعب المؤتمر الوطني, والحركه الاسلاميه كرت العنصريه البغيضه الان? اهلنا الجعليين, احفاد وحفيدات
كنداكات مروي, المك نمر, المك مساعد لن يخدعوا بهذه التكتيكات المضلله وغير الوطنيه يااخي هجو
مع ودي وتقديري

نعم فليسقط...!!
نعم فليسقط الموتمر الوطني رائد الفساد والتهتك ومدينة السلطان الفاسد
الممارسة بوعي وادارك وسبق اصرار وترصد لفكر الاقصاء الطويل...
انها ديمقراطية ان اتت فهي ليس منحة بل تراكم النحت علي صخرة الشمولية وقبضة الحزب الواحد التي طالت واستوطنت في ارض السودان..
اسقط يا موتمر يا وطني في شندي
اسقط في حلفا ونمولي والابيض والقضارف والدمازين والفاشر..
اسقط في كل الزوايا والكراكير والخجانين الملانة بالذين ذاقوا حنظل ظلمك وجور زمانك ومهازلها

مرحب ابالاخ خالد
وحبابك الف وحباب بشارتك
حبابها في كل قبل الله السبعة

محمد عثمان -- اسمك المليان براهو كفانا
اهلا بيك والف شكر على الترحيب

التغيير قادم قادم اخى
وما ضاع حق وراءه مطالب
وشندى عائدة الى حيث كانت

شندى الدرة
عاشت حرة

Quote: وتأكد بأن هذه الدوائر المقفولة لو لم يفز بها المؤتمر الوطني فانها حتما ستنملص من ايادي الحزب الاتحادي الديمقراطي

يا هلا بيك ومرحباً أخي خالد عنان.. شرفت ونورت الديار...

وأهديك يا أخي السيدح هذه اللوحة في إستقبال أهلنا في البسابير للأخ الفاضل الأُستاذ/ حاتم السر...



فيا ترى البسابير مملوصة من الإتحادي؟؟

الاتحـاديون: «التــور تــورنا والزول زولنا»

البسابير: التقي محمد عثمان

الصحافة ـ الإثنين 24 نوفمبر 2008م

الأبيات الشعرية التي قرأها العمدة يوسف العوض بليلو كانت تلخيصاً مباشراً لما جرى بالساحة الشرقية بمنطقة البسابير جنوبي شندي أوان تكريم الناطق الرسمي باسم التجمع الوطني والحزب الاتحادي حاتم السر سكنجو في الأول من أمس، فقد روى العمدة بليلو عن جده علي ود حسن انه قال:
نحنا الما بغيرنا الكعب والضيق
ومن سيدي الختم شلناه دين وطريق
ومن توب العرض لابسين العشارى اب زيق
ونمهل للرفيق لا من يضيق ويضيق

وهي الأبيات التي ترجمها الشيخ السبعيني الجالس إلى جواري في الصيوان الفسيح بعد أن استعدل عمامته الصغيرة إلى الأمام قليلاً وهمهم بوضوح «آآزول التور تورنا والزول زولنا».
وما كان مني بعدها إلا أن استصحب المتن والترجمة وأنا أشهد الآلاف المؤلفة من الاتحاديين والختمية المحتفلين بابن منطقتهم يرددون هتافهم المحبب «عاش أبو هاشم» بين دقة نحاس وأخرى أو بين عبارة وأخرى لمتحدث:

ليس فقاعات؟

ممثل الطلاب فهد عبد الواحد عنان الذي استهل الكرنفال الخطابي، بشر بفجر من الحرية والديمقراطية، وقال ان الحزب الاتحادي يعبر عن روح الحركة الوطنية ولا يمنح الاماني السراب، داعياً كل الطلاب لممارسة دورهم الوطني ليس من أجل الوظيفة وانما من أجل الوطن عبر الانخراط في مسيرة العمل السياسي الوطني.

وحيا المتحدث باسم الشباب عبد الناصر سليمان المحتفى به «لأنه لم يمارس النضال من ردهات المكاتب وهو المحامي ذو اللسان الذرب والكلمة الصادقة وانما لأنه قال كلمة الحق في وجه سلطان جائر»، وقال مخاطباً حاتم السر «لم نكرمك لأنك تنتمي للمنطقة وانما نكرم فيك المعاني التي تجسدها ولو كنت من أي مكان في السودان» ، داعياً إلى حزب موحد تحت قيادة مولانا الميرغني.
العمدة يوسف العوض بليلو رئيس الحزب الاتحادي بدائرة شندي الجنوبية الشرقية افتتح كلمته بالقول «نحتفى ونحتفل اليوم بابن الاكرمين استاذ الكلمة وسيد القلم ودرة البيان استاذنا حاتم السر سكنجو الذي شرفنا جميعاً في جميع المحافل الدولية والسياسية برفقته الامينة لسيادة مولانا السيد/ محمد عثمان الميرغني لما يقارب الربع قرن من الزمان، وكان هو الاقرب دائماً لخطوط النار والتماس في كل القضايا الساخنة». وبعد أن يسوق آيات الشكر لجميع المشاركين في الاحتفال ويستعرض المواقف التي تثبت الثبات على مبادئ الحزب الموحد منذ العام 7691م ، ويؤكد ان كوادر وقيادات وجماهير الحزب الاتحادي بالدائرة على قلب رجل واحد لا عرف المحاور ولا التشرذم ولا التفلت ، يمضي العمدة بليلو الى القول «نؤكد لك أخي الاستاذ حاتم جاهزية جماهير وقيادات حزبك بهذه الدائرة لمعركة الانتخابات الديمقراطية المقبلة اذا أتت بضمانات كافية واقتناع بنزاهتها وحيدتها.. وقد تابعنا عبر الانترنت تصريحات أحد القيادات المتنفذة من الطرف الآخر والخصم لحزبنا بهذه الدائرة مصرحاً بأن الحزب الاتحادي الديمقراطي عبارة عن فقاعات ، فنقول له ان الحزب الاتحادي الديمقراطي ليس فقاعات، ولكنه جماهير واعية وقوى منظمة تعرف ساعة الصفر تماماً وموعدنا بإذن الله يوم الزينة وعندما يقول المواطن كلمته في حرية تامة عبر صناديق الاقتراع في ممارسة ديمقراطية حقة وليست بالفوز السكوتي» ليختم العمدة حديثه بأبيات جده علي ود حسن.

نور ونار؟

بعد فاصل من نحاس الشايقية واشعار مشتركة لمحمد الحسن سالم حميد والسر عثمان الطيب تنادى بـ «عيش على نور اتحادي وموت على نار القضية» يعتلى المنصة القيادي بالحزب والناطق باسمه من الداخل عثمان عمر الشريف ليزلزل الساحة ويشعلها حين يتساءل في غضب «كيف يقولون ان الاحزاب الكبيرة قد اندثرت؟» مردداً: كبرت كلمة تخرج من أفواههم، مخاطباً الجماهير: لقد اطمأنت قلوبنا بكم يا أهل البسابير وشندي، مضيفاً «يقولون ان جماهير الحزب قد انفضت وها هم رجال الحركة الوطنية لا يتخلون عن قضيتهم ولن يتخلوا عنها» ، متعجباً من حكومة تشتري الناس بأموال الناس في اشارة إلى المنضمين إلى المؤتمر الوطني من الاتحادي الديمقراطي، مؤكداً ان الاتحاديين صامدون وهم يعضون على قضيتهم ولا يأكلونها ، محذراً من أن بعض الذين تم اغراؤهم بالمال أو السلطة أو الدور يتحدثون باسم الحزب «ظنوا انهم يخدعونكم بصحيفة أو تلفاز أو اذاعة ونحن الوسط الذي لا يهتز لخروج خائن ولا يضرنا من خذلنا»، مشدداً على أن مولانا الميرغني حدد هدفين للنضال الأول: وحدة السودان والثاني حرية انسان السودان «وقد وضع الله ارادتكم وعزيمتكم كلها في مولانا محمد عثمان الميرغني الذي نرى فيه كل ما نحبه ونسعى إليه»، ليحيى بعدها أمهات حاتم وعماته وخالاته مخاطباً الحاجة سهوة والدة سكنجو «الحزب الاتحادي هو النضال المشترك بين الرجل والمرأة».
وينتقل عثمان عمر الشريف إلى اعلان وقفتهم مع تجار شندي في قضية دكاكينهم ضد المعتمد ومع مزارعي نهر النيل في كل مشاكلهم ومع ضحايا السدود حتى ينالوا التعويض العادل، مطالباً جماهير الاتحادي بحفظ توازن البلد وأن يعيدوا اليسار واليمين الى جادة الطريق.

منابع التصوف؟

القيادي بقوات الفتح معتز الفحل نادى بالعمل من أجل سودان تزال فيه كل معاني التهميش سواء كان اقتصادياً أو اجتماعياً أو سياسياً ، مؤكداً أن الامور ستعود الى نصابها بالانتخابات .
بينما ذهب صلاح الدين سر الختم متحدثاً باسم هيئة الختمية للدعوة والارشاد، الى أن الجماهير المشاركة في الاحتفال لم تأت برشوة أو تجتمع على باطل ولم تأت رغبة أو رهبة أو خوفاً ، متمنياً أن لو كان اللقاء في غير ظروف وفاة أحمد الميرغني «ولكن الحمد لله الذي ابدلنا من بعد الضعف قوة»، مؤكداً ان راية الختمية خفاقة ولم تنتكس في يوم من الأيام وان هيئة الختمية اصل ثابت في الارض وفرع في السماء وانها ظلت تأخذ الناس الى منابع التصوف ومعنى التسليم لله مع الأخذ بالاسباب، داعياً الجميع إلى كلمة سواء وان يكون الوطن فوق الجميع.

ومن جهته، دعا الاستاذ عبد الرحيم دفع الله باسم رابطة المعلمين الاتحاديين الى درء الخطر عن السودان وأهله الضعفاء، مطالباً باعادة النظر ومسارعة الخطى للرسو بالسفينة إلى بر الأمان.
ويذهب مقرر اللجنة الاعلامية بالحزب وليد بكري إلى وصف احتشاد الجماهير بالاستفتاء الأكبر، مؤكداً أن الحزب الاتحادي سيكتسح الانتخابات ويعمل يد التغيير ليحقق المطلوب مثلما حدث في أول حكم ديمقراطي في 6591م ، مشدداً على ان الهتاف «حاسم حاسم يا حاتم» ما هو إلا صوت الحق لحسم معركة التغيير عبر صناديق الاقتراع مضيفاً «عائدون بإذن من نهوى هلالاً في سماء».

معالجات وحلول؟

عقب تكريمه من قبل نخبة من قيادات الحزب يتقدمهم أحمد سعد عمر وسليمان دقق وحسن هلال وسيد هارون وسميرة حسن مهدي ، تقدم حاتم السر بكلمة ضافية بدأها بالتعبير عن سعادته بشم رائحة التراب بعد غيبة امتدت قرابة العشرين عاماً، وبالتعبير عن حزنه لافتقاده رجالاً أوفياء «رحلوا بعيداً إلى دار البقاء وكنا نتمنى صادقين أن نراهم اليوم في مقدمة الصفوف»، ماضياً بعدها إلى القول «لقد حافظت طيلة الفترة التي قضيتها بعيداً عنكم على شرف المسؤولية وتحملتها بأمانة وكنت في كل لحظة وفي كل تصرف وفي كل عمل وفي كل أداء أقوم به، كنت أتذكر هذه المنطقة وأتذكر أهلها الطيبين وأتذكر هذه الرسالة العظيمة التي شرفتموني بحملها، وحملتها وتوكلت على الله وحرصت أن لا أخونها وأن لا أتردد في سبيلها» ، ووعد السر بوضع كل مشاكل المنطقة في المقدمة لايجاد المعالجات اللازمة، مؤكداً ان كل المشاكل ستجد طريقها للحلول ، مستدركاً بالقول «صحيح نحن الآن لسنا حكومة ولكننا بقيادتنا وبجماهيرنا وبتاريخنا وبرجالنا وبموقفنا أقوى وأكبر من الحكومة ونستطيع أن نفعل ما تعجز عنه الحكومات»، منتقلاً إلى التأكيد على بقائه بين مواطنيه «وهذه ضربة وستتوالى اللقاءات ولن تنقطع وسنكون بينكم في كل صغيرة وكبيرة» ، سائلاً الله أن يحقق الخير والتقدم لانسان المنطقة والبلد.

المناضل ابو الحسين -- ولكانى اعرفك -- ترى اين التقينا
حبابك واليوم السعيد الليلة جابك

وقد اغنيت وكفيت

شكرا للتغطية الشاملة لبرنامج تكريم سكينجو

ولى قدام
لى قدام

Quote: ساقول الان اننا نتحدى نافع والبشير واب سيخة وعلى كرتى ان يفوزوا فى دائرة واحدة من دوائر شندى الاربعة äæÇÕá

الجسور خالد مليون مرحب واهلا يبك في المنبر
طاب مقامك ونتابع معك سقوط المؤتمر الوطني
ونعم البشاره

عبد العظيم
سلامات يا زول يا رائع

وعائدون
عائدون

باذن من ؟

الاخ خالد عنان
سلامات و مرحب بك في هذا الفضاء ونامل ان تكون اضافه فاعله فيه وهو ما بشرتنا به ببوستك الاول

____________________________________
هل تربطك اي علاقه بالباشمهندس السر عنان ام هو تشابه اسماء؟

باشمهندس عمر بوب : سلامات سلامات : انا قطعا اعرفك واعرف اخيك مصطفى و محمد الغزالى والكج والمعز ومامون واخرين ولكن اعتقد انك لا تذكرنى جيدا-- تحياتى لك بلا حدود -- انا الشقيق الاصغر للباشمهندس السر عنان

ورينا اخبارك يا زعيم

الاح العزيز خالد مرحب بيك والدار دارك وصلت تب




ما تهتمي بكلام ود الباوقة وهجو الاقرع ديل زمانهم فات وغنايهم مات

خالد عنان حبابك والله كا ضافة لبورداب نهر النيل

وابشر بالخير ياخوي

ونحن برضو في شمال الولاية حنسقط حجر المؤتمر اللاوطني دا





خالص الود

منطقة شندي هي العليها الرك بالنسبة لنا .. شندي وتخومها . الباسبير . النوراب . كلي .. المتمة..

الصلوعاب .. كبوشية .. المكنية . الجــوير .. حجر الطير .. حجر العسل .. قوز برة .. حوش بانقا.. الوفاق ..

والعجب لو دفرنا لي قدام شوية . قيامتكم ربطت ....


يلا بعدين نتقابل ...


ود الباوقة

والله خالد خليت الناس تمسكها الرجيفيبة

جلقبة ما بعده جقلبه

قلنا ليهم الطوفان حتما سياتى
وان التغيير قد بداء
وطن فيها الكل سواسية
وطن فيها الكل متمسكين بايدى بعض
وفيها ليس فيها ظلم

وطن حدادى مدادى

وطن للجميع وبالجميع

الأخ العزيز خالد عنان...
حبابك مليون بلا كشرة يا حبيب....
الدار دارك ومنورها والله...

ناس المؤتمر الوطني حا يفوز عنصرية ساكت...بيؤكدوا حقيقة واحدة لا غير: أن المؤتمر الوطني أجج العنصرية في السودان ويقوم بتفكيك البلد

أنور

شكرا يا كنج على الترحيب الجميل

ومناطق شندى واعية وتعرف تميز ما بين السمين والغث

واهل شندى واعون بقضاياهم

وهم كانوا اول المهمشين والمفصولين والمحالين الى الصالح العام

فعن اى عنصرية يتحدث هؤلاء المرضي


الا يخجل امثال هؤلاء ان يذكروا مثل هذه الكلمة المقيتة

ولكن لا عجب فكل اناء بما فيه ينضح

عزيزى دوت مجاك -- اهلا بك ونورت البوست -- سيرجفون ويهربون ويعود السودان للسودانيين

سودان جديد وياااااااااااااااااااي

Quote: منذ متي أصبح المؤتمر الوطني يمثل الجعليين?

اخي انور

الاجابه علي سؤالي لهجو في الاقتباس

Quote: منذ متي أصبح المؤتمر الوطني يمثل الجعليين?

هي

Quote: اهلنا الجعليين, احفاد وحفيدات كنداكات مروي, المك نمر, المك مساعد لن يخدعوا بهذه التكتيكات المضلله وغير الوطنيه يااخي هجو

الأخ العزيز والمحترم المعز الجمري أبونورة...
أخلص التحايا
أتفق معك حول إجابة السؤال...

Quote: اهلنا الجعليين, احفاد وحفيدات كنداكات مروي, المك نمر, المك مساعد لن يخدعوا بهذه التكتيكات المضلله وغير الوطنيه يااخي هجو

وأضيف عليها:
بإعتقادي أن ما يجمع بالكثير من قيادات المتآمر الوطني ليس القبلية أو العنصرية...بل الإشتراك في جرائم يشيب لها الرأس ويندى لها الجبين...
وسينهار العقد الذي بينهم كقطع الدومينو حالما يقع أوله....سيتواصل باقيه...والعهدة على الوزير أحمد هارون...أو كوشيب!




خالص المودة والتحايا لك وللأسرة

أنور

خالد عنان....حبابك الف
أود أولا الترحيب، وثانيا التنبيه لعدم الإكتراث لإحباطات المحبَطين و(حركات) أتباع الجبهة، أذناب ما يسمى بـ"المؤتمر الوطني".
مرة أخرى، ألف مرحب.

الاخ خالد
تحياتي ومرحبا بك
يبدو أن انطباعك عن المنبر غير صحيح والدليل انك مفتكر الناس كلها معارضه وجاي تبشرهم
وهذا تسرع منك ولا يليق بامثالك
يازول شويه شويه
الجعليين ديل ...بلا سبب ساكت واقفين الفا احمر مع ود البشير
ومنطقة شندي يكفيها شرف أنها تدعم المؤتمر بالكوادر بعد أن دعمت بالشهداء
...

على الكرار -- انشاء الله تكون اسم على مسمى ومرحب بيك

اولا لا اظنك تعتقدنى من السذاجة بحيث اعتقد ان كل من بالمنبر من المعارضين -- وكانك تريد ان تقول اننى اقرا المنبر لاول مرة -- نعم انا اشتركت به الان ولكنى اتابعه منذ سنين

ثانيا بشارتى للبتباشر بها وكشرتى للبتكاشر بها

مع احترامى لك

مرحب ابالاخ خالد
وحبابك الف وحباب بشارتك
حبابها في كل قبل الله السبعة

Quote: الاخ خالد تحياتي ومرحبا بك يبدو أن انطباعك عن المنبر غير صحيح والدليل انك مفتكر الناس كلها معارضه وجاي تبشرهم وهذا تسرع منك ولا يليق بامثالك يازول شويه شويه الجعليين ديل ...بلا سبب ساكت واقفين الفا احمر مع ود البشير ومنطقة شندي يكفيها شرف أنها تدعم المؤتمر بالكوادر بعد أن دعمت بالشهداء

...

اسه المتسرع منو يا (الكرار) خالد عنان ولا إنت الما عارف معاني الكلمات والعبارات التي تكتب.
واضح تماما إنه لم تسبق لك معرفة بخالد عنان وبالرغم من ذلك تقول له (لا تليق بأمثالك)...العبارة دي الزول بيستخدمها لمن يكون بعرف الزول المعني بالمخاطبة....وثانيا واضح إنك ما عارف معنى عبارة (ألف أحمر)...يعني استخدمتها بمدلول معاكس تماما لما قصدته...يا بتاع (الشهداء) إنت!!!
من أين أتى هؤلاء؟؟؟؟؟

حامد يا حمادة
يا سكر زيادة

سلام مطبووق
وقواسيب مودتى

فعلا يجب اسقاط المؤتمر اللاوطني في شندي وغير شندي


اضاف شنو لشندي علشان يكسب الانتخابات .؟


شندي من اكثر المناطق المهمشة في السودان

في البدء مرحب بيك عنان .واحي فيك الروح الوطنية التي تعلي من
شان السياسي علي الجهوي والعرقي
، لي ملاحظة قد لا تكون سارة لمن ارخي اسلحته وكتل حيله للتغير
الديمقراطي واعتقد ماينوي
المؤتمر الوطني له هو امتداد لتآمرة علي الديمقراطية منذ ميلاده ، فالديمقراطية
ليست هي انتخاب ، فلانتخابات هي اخر صور ثمار الديمقراطية والتي تعني عندي مناخ
من الحريات في المعارضة تشمل حرية
الكلمة والاجتماع والتعبير والصحافة والتنظيم وهذه الحريات
مصادرة بوعي مؤتمري مدرك تماماً لهول
التلاعب فيها. لمواصلة مسيرة التضليل والكذب ونهب ثروات وموارد البلاد .
اذا كان المؤتمر الوطني حالياً رضيع الجبهة الاسلامية سابقاً
يستانس خيراً في الديمقراطية بتبعاتها
السابقة لما استقر في ذهن قادته التآمر عليها ومصادرتها
سيما وان جل القراءآت السياسية الواعية
كانت تشير لامكانية فوزة ، وان لم يحقق الاغلية المطلقة
التي كانت تمكنه للانفراد، بالحكم الا انها كانت ستجعل منه
رقمًاً لا يمكن تجاوزه البته ...والجبهة الاسلامية تدرك هذه
الحقيقة بوعي كاف..الا انه لماذا ضاق صدرها ؟هل نفذ صبرها ؟بالطبع
الاجبابة عندي لا
...فالمؤتمر الوطني لن يستطيع ان يمارس
هذه الممارسات الماثلة امامنا والشعب ممسك بسلاحة الديمقراطي من
تظاهر وحرية كلمة وتنظيم ..وعلي هذه الشاكلة عملت
ومازالت تعمل حماس في غزة ....الاسلامين لا يحتملون الرأي الاخر ليس لان
الراي الاخر
يغضب الله ورسوله كما يشيعون ولكن
لان في الراي الاخر تبصير للمظلوم بالظلم والظالم، وكيفية مقاومته، كما ان الحريات تتيح
التوحد والمقاومة .
لايمكن ان تمر مصادرة كل الحقوق الطبيعية كالحق في التعليم والعلاج في جوء مفعم بالحريات
وان جاء الانقاذيون بالاغلبية المظلقة ، لايمكن ان تصادر الحق في العمل ويتم كل التشريد من
الخدمة الوطنية والعسكرية بهذا الكيفية وان اتوا بكل البرلمان.
لذلك تراني لسني متفائل بامكانية التغير الا اذا تغير المناخ ..وهذا هو المطلوب ان تجمع
حوله كل القوي الوطنية اكثر من اجماعها وحرصها علي الانتخابات كاجراء ..

Quote: الجعليين ديل ...بلا سبب ساكت واقفين الفا احمر مع ود البشير ومنطقة شندي يكفيها شرف أنها تدعم المؤتمر بالكوادر بعد أن دعمت بالشهداء

كذاب يا علي الكرار
المؤتمر الوطني حزب وليس قبيلة
والجعليين لا يشرفهم ابدا ان ينتموا لحزب القتلة المجرمين
ولو تقرأون التاريخ القريب فان هذا الحزب المجرم ضم مجموعات
من الانتهازيين واللصوص وياسم القبيلة كان هناك ما يسمى
بمجموعة الجنوب او الشرق او الغرب داخل حزب المؤتمر
وجود المجرم اليشير على رأس هذا الحزب لا يعني وقوف الجعليين ومساندتهم
واعلام المؤتمر الوطني ينسج حوله الاوهام المتواصلة مثل اعلانه قبل فترة
عن انضمام احفاد وابناء الشيخ الولي واندماجهم مع الالاف من ابناء الحزب الاتحادي
الى مؤتمرهم الكسيح

ألف مرحب
بك قلما حرا في منبر صوت من لا صوت له
شكرا بكري

قبل التبشير بنتائج الانتخابات

هل فعلا ستكون هناك انتخابات
وان وجدت
هل ستكون حرة ونزيهة
ما هي الجهات التي ستؤول لها الادارة الانتخابية ومن اين نضمن حيادها بداءا من اعضاء اللجنة القومية للانتخابات واللجان الفرعية على مستوى الولايات والمحليات وهلم جرا

هل القوى السياسية ومنظمات المجتمع المدني تمتلك المعرفة والقدرات والامكانات للرقابة على الانتخابات وقبلا الصلاحيات
ما الدور الذي سيلعبه السجل الانتخابي (كاول خطوة في "تزوير" الانتخابات
ومن يمتلك المعلومات او سيمتلك عنه
وكثيرا من الاسئلة
تؤدي جميعها للتشكيك في قيام انتخابات حرة ونزيهة في ظل هيمنة الحزب الحاكم على موارد الدولة ويسخرها لمصلحة حزبه
وفي ظل سيطرة تامة على وسائل الاعلام القومية وحتى ما يسمى بالخاص منها
في ظل ضعف وتفتت للاحزاب تم اضعافها على مدى عشرون عاما هل ستتمكن من الاستعداد لاجراء حملات انتخابية وتجميع للقواعد ناهيك عن الوصول للناخين والناخبات
من اين لها بالموارد لاجراء حملات انتخابية مع العلم بان 90% من الشعب السوداني يعيش تحت خط الفقر خسب احصائيات البنك الدولي من بمقدوره ان يدعم مرشح
تبين تجارب كل دول العالم ان الحزب الذي يصرف اموالا اكثر هو حتما يفوز بالانتخبات من اين لاحزابنا الحصول على موارد واعضائها او من كانو يمولونها تم استهدافهم في موارد عيشهم ان كانو موظفين موظفات او اصحاب عمل
هل وهل وهل

نتمنى ان يسقط كل ظالم ومجرم
ولكن
كيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا اهدف الى اظهار صورة قاتمة
رغم كل ما كتبت
يظل هناك بصيص
من
الامل
الامل هو في الشعب
الشعب
هل من وسيلة
للوصول للجماهير وتجميعها

هل؟؟؟؟؟؟؟؟؟؟؟؟؟


خارج النص (1)
غايتو شباب المحمية قالو هم مع الوطني
لانهم طول عمرهم هم بدو الاتحادي يوم واحد ما زارهم مسئول
وناس الوطني جووهم وعملو ليهم وعلمو ليهم !!!!!!!!!!!!!!!!!!!!!!!!!!
هي المحمية دي تبع دوايرك الاربعة ولا برة منها


خارج النص 2):
وقبل الله السبعة
تنبات انت بهزيمة المريخ قبال وقوعها حقو نشيخك ان بقيت مامريخابي

الاخ خالد عنان
مرحبا بك في هذا الوطن الصغير
ويمكنك ان ترى هزيمة المؤتمر الوطني في هذا البوست اذا اعتبرناه نموذجا مصغرا لاي دائرة انتخابية في اي منطقة بالسودان.
المؤتمر الفاشي الحاكم سوف لن يفوز الا اذا قام سدنته بتزوير الانتخابات وهذا احتمال كبير، وحتى بالتزوير سوف لن تتحقق له الاغلبية المطلقة.
نتمنى ان تصدر محكمة الجنايات الدولية أمر القبض على المتهم عمر البشير خلال الشهر القادم ليكون شكل الانتخابات مختلفا.

لك تحياتي

يعني هس يا عنان ناس شندي ديل ما نمشي عليهم ...


ود الباوقة

كدى امش الباوقة وتعال

وجيب لنا خبر جدود السيد على الميرغنى من هناك

واغشي معاك ارتولى والعبيدية وكتوار

وما تنسي الغبش وكدباس

وتعال تلقانا نحن يانا نحن

Quote: يعني هس يا عنان ناس شندي ديل ما نمشي عليهم ... ود الباوقة

الفرحان دا من وين ياود الباوقة؟؟؟ يتكلم وكانه رئيس مؤسسة عريقة
عرفت بخبرتها فى قياس اتجاهات الراى العام فعلى الناس التسليم والتصديق بما تقوله
لا بل مصحوب بقاموس من الشتائم والتحقير ...على اية حال ....الراجل مازال ضيفا..فان
استمرا هذا النمط فى القول ....فسيجد الترحيب الذى يليق به.
على تاج الدين على

Quote: الاخوة اعضاء وزوار منبر سودانيز اونلاين الاعزاء والموقرين -- تحية لكم جميعا -- واخص منكم اولئك المهمشون والمناضلون والمنافحون والذائدون عن كلمة الحق فى كل زمان ومكان -- المشردون والمغيبون والمهجرون طوعا او كرها عن مراتع الصبا وبلاد الاحلام ومرتع الاهل والعشيرة بفعل حكومة الجبهة الظالمة القصيييييييييييييرة القامة والعمر والفكر وبعد

هييييييع ..

والله دي كذبت فيها كذبة كبيرة ..

كان تختار دائرة تانية آآآ الجديد .. الجديد شديد ..

شندي مرة واحدة ..

يا ابني المتمردين والمهمشين بيفتكروا مناطق الجعليين دي عدوهم الأول ..

وبيعتبروا الجعليين الركيزة الأساسية للجلابة المستعمرين ..

تاني هيييييييييع ..

Quote: فان هذه اول مشاركة لى فى هذا المنبر العامر

مرحب بيك يا أخ خالد ..

لكن بوستك الأول دا ببقي شاهد على دخلتك المكلوجة دي ..


ود الباوقة زولك ما قطع بي بنطون أم الطيور على أهله الزيداب بي هناك ؟؟

جاد

Quote: هييييييع .. والله دي كذبت فيها كذبة كبيرة .. كان تختار دائرة تانية آآآ الجديد .. الجديد شديد .. شندي مرة واحدة .. يا ابني المتمردين والمهمشين بيفتكروا مناطق الجعليين دي عدوهم الأول .. وبيعتبروا الجعليين الركيزة الأساسية للجلابة المستعمرين ..

جاد ياحكيم....سلام كتير......نعم العقل ونعم النظر السياسى ....وفعلا العقل
زينة العقلاء ,,,,,نحن معركتنا ليست مع عدو اظهر عدائه جليا...ونحن نعلمه جيدا
ونعى مخططاته تماما...لكن معركتنا مع هولاء المخبولين الذين يعلمون علم اليقين
من هو عدوهم الحقيقى والذى يجمعهم وجميع اهلهم فى سلة واحدة ..ومع ذلك
يناصرونه ببلاهة منقطعة النظير ....اللهم لا نسالك رد القدر ولكن نسالك اللطف فيه
ولا نقول القضاء ...لان القضاء من عمل الانسان.
على تاج الدين على

((يا ابني المتمردين والمهمشين بيفتكروا مناطق الجعليين دي عدوهم الأول ..))

انت جاد ولا ما جادي ؟؟؟؟؟؟؟

يا زول انت بتحكم على شندى من خلال المتمردين والمهمشين

طيب ايه رايك ماهم ديل ناس المنبر دا 90% من اولاد شندى هنا قالوا كلامهم وكلهم من المهمشين وان شاءوا من المتمردين -- انت ما تقول لى المتمردين بيعتبروا --يا زول الكلام دا بضحك الخلق فيك-- ولا دى دعايتكم الانتخابية الجاية ؟؟

((لكن بوستك الأول دا ببقي شاهد على دخلتك المكلوجة دي ..))


هاهاهاهاهاهاها

كدى فسر لنا كلمة ((مكلوجة)) دى

وما تكجول الحديث

ههههههههههههه

Quote: يا زول انت بتحكم على شندى من خلال المتمردين والمهمشين طيب ايه رايك ماهم ديل ناس المنبر دا 90% من اولاد شندى هنا قالوا كلامهم وكلهم من المهمشين وان شاءوا من المتمردين -- انت ما تقول لى المتمردين بيعتبروا --يا زول الكلام دا بضحك الخلق فيك-- ولا دى دعايتكم الانتخابية الجاية

حقيقة ياجاد...صدمت واصبت بالغثيان من هذا القول
لان الرعاة فى الفلوات يعرفون جيدا ...من هم المتمردين ؟؟ ومن هم المروجين لمصطلح التهميش؟
ومن يستهدفون ؟؟؟ اللهم الا ان كنا نعيش فى كهف وعلى قلوبنا اكنة و فى اذاننا وقرا وساعتئذ
سنصدق هذا التحليل البدائى وقراءات الفنجان.
على تاج الدين على

حقيقة ياجاد...صدمت واصبت بالغثيان من هذا القول
لان الرعاة فى الفلوات يعرفون جيدا ...من هم المتمردين ؟؟ ومن هم المروجين لمصطلح التهميش؟
ومن يستهدفون ؟؟؟ اللهم الا ان كنا نعيش فى كهف وعلى قلوبنا اكنة و فى اذاننا وقرا وساعتئذ
سنصدق هذا التحليل البدائى وقراءات الفنجان.
على تاج الدين على

**********************************************************************************************

من هم المتمردين يا ود تاى الدين

هل هم الذين سرقوا السلطة بليل وولوا هاربين

ام هم الذين عن حقوهم ذائدين ومنافحين ومطالبين

بالكلمة او ما شاءوا طالما ظل غيرهم متنكرين وناكرين

وعلى رقاب الخلق متسلطين

يا ود تاى الدين

تخريمة :

انا لم اشتم احدا

الا ان كنت تعد قول الحقائق شتيمة

ولكنى ساستخرج لك من حديثك الذي ترفعت انا من الرد عليه اكثر من شتيمة

فلا تحرف الكلم عن مواضعه

وروق شوية يا اخوى لسة الدرب طويل

من هم المتمردين يا ود تاى الدين

هل هم الذين سرقوا السلطة بليل وولوا هاربين

ام هم الذين عن حقوهم ذائدين ومنافحين ومطالبين

بالكلمة او ما شاءوا طالما ظل غيرهم متنكرين وناكرين

وعلى رقاب الخلق متسلطين(مقتبس)



المتمردون هم اربعين حركة تحمل السلاح...تقتل وتنهب وتسرق وتحرق القرى وتعطل التنمية
والخدمات وتدمر البيئة وتعمل على بث الكراهية والاحقاد بين مكونات الاجتماع السياسى
وتاصيل العنصرية التى نتج عنها فرية محكمة اوكامبو....وهذا ليس كلام مجانيا اوكلام رجل
غاضب وانما من عين المكان ورجل تجول فى نجوع واصقاع وفرقان دارفور ويعرف طبيعتها
واعرافها وتقاليدها....واخيرا هل بداء التمرد تمرده برفع مطالب ام بالطلقة اولا؟؟؟

على تاج الدين على

لماذا لم يرفع مبارك حسين اوباما السلاح

حتى يصل الى سدة الحكم فى اعظم بلاد العالم


يا على تاج الدين

Quote: لماذا لم يرفع مبارك حسين اوباما السلاح حتى يصل الى سدة الحكم فى اعظم بلاد العالم يا على تاج الدين

السؤال هذا من المفترض ان توجهه الى اربعين حركة تحمل
السلاح...وليس لى انا.....ومع ذلك احيلك الى بوست كتبته هنا تحت عنوان(خطاب التغيير
عند باراك اوباما وخطاب الحواكير عند عبد الواحد احمد النور)

على تاج الدين على

الاخ على كانك تحاور رجلا من بلاد واغ الواغ

يا اخى اى مطالب تلك التى استمعت اليها حكومتكم واى حق ذاك الذي ردته الى اهله -- واى اتفاق التزمت به -- ان الحكومة حتى الان لم تلتزم الا بالنذر اليسير من كم الاتفاقات الهائلة التى وقعت -- ودونك اتفق جيبوتى مع الصادق واتفاق القاهرة مع الميرغنى -- واتفاق ابوجا مع مناوى -- كل هذه الاتفاقات تراوح مكانها ونعترف ببعض التقدم فى اتفاق نيفاشا ليس بسبب شيمة وفاء العهد وانما لان نيفاشا كان من ورائها من يحميها بعكس الاتفاقات الاخرى --

ثانيا كل الاتفاقات انفة الذكر اتت بعد نزاعات وحروب ضروس جرت بين الحكومة من جهة والاطراف المشار اليها

الان اذكر لى انت من الذي طالب بمطلب ورد اليه من دون حرب

وانا بالانتظار

Quote: الاخ على كانك تحاور رجلا من بلاد واغ الواغ يا اخى اى مطالب تلك التى استمعت اليها حكومتكم واى حق ذاك الذي ردته الى اهله -- واى اتفاق التزمت به -- ان الحكومة حتى الان لم تلتزم الا بالنذر اليسير من كم الاتفاقات الهائلة التى وقعت -- ودونك اتفق جيبوتى مع الصادق واتفاق القاهرة مع الميرغنى -- واتفاق ابوجا مع مناوى -- كل هذه الاتفاقات تراوح مكانها ونعترف ببعض التقدم فى اتفاق نيفاشا ليس بسبب شيمة وفاء العهد وانما لان نيفاشا كان من ورائها من يحميها بعكس الاتفاقات الاخرى -- ثانيا كل الاتفاقات انفة الذكر اتت بعد نزاعات وحروب ضروس جرت بين الحكومة من جهة والاطراف المشار اليها الان اذكر لى انت من الذي طالب بمطلب ورد اليه من دون حرب وانا بالانتظار

انت فاكر الحكومة دى جمعية خيرية حتى تستجيب لكل انتهازى يحمل
هاتف ثريا و معه مجموعة ملثمة تقود عربات الدفع الرباعى مع بيانين فى الشبكة
العنكبوتية....صدقنى من المسخرة بمكان ان نرهن ارادة الدولة السودانية بكل ثقلها الحضارى
والتاريخى فى مسيرة الحكم والسياسة ووقف حركة التقدم والنهوض والتنمية ارضاء للصوص
وقطاع طرق ...تعرف قبل التمرد من كان يحكم دارفور ؟؟؟وكم عدد الوزراء من دارفور؟؟؟
وكم عدد المدارس والمستشفيات فى دارفور قبل مجئ هذه الحكومة؟؟ ثانيا وقع تطور فى
مسيرة الحكم والسياسية منذ توقيع نيفاشا ومرورا بابوجا رغم المؤامرات من الاسرة الدولية
ممثلة فى امريكا والاتحاد الاوربى والاتحاد الافريقى والجامعة العربية....ماذا حصل ؟؟؟نكصت
امريكا على عقبيها ومعها الاتحاد الاوربى من تعهداتهم سواء فيما يخص ممارسة ضغوط على
الحركات غير الموقعة على ابوجا او تعهدات المانحين لتاصيل ثقافة السلام والاستقرار فى
الجنوب ..بل كانوا شهود زور وعملوا على استضافة المتمردين (بريطانيا+فرنسا)وزادوا
فى الامر سوءا بفرية المحكمة الجنائية...رغم اجازة كثير من قوانيين التحول الديمقراطى
وتنقية الاجواء لا رساء ثقافة التداول على السلطة سلميا....وفوق كل ذلك هل تعتقد اننا
دولة من الدول الاسكندنافية؟؟؟ ويبلغ دخل الفرد اكثر من 16 الف دولار حتى ينفجر هذا الكم
الهائل من المطالب والذى فى معظمها يتغذى من نزعات عنصرية.
على تاج الدين على

الجسور خالد عنان عمر
حباب المك الحقيقي المعجون بريحة الطين البتلكم
من ارض الشمس المشرقة طوال العام,
حبابك وانت تذكرنا بغالبيةاهلنا الجعلين المساكين المغيبين اعلاميا
بعد ان ادعى صبية المؤتمر الوطني انهم ممثليهم.


وكما قال الجسور عماد خليفه
هذا البوست بمثابة استفتاء حقيقي لوجودهم ونفوذهم وسط ابناء شعبنا.



اها انا من داعمي الحركات المسلحه
البكذب علي تاج الدين وود الباوقه و الكوز جاد
بانهم سيستهدفوا الجعلين!!


وعلى فكره على تاج الدين هذا عركي ومتشبر ومدافر في العنصريه ساكت.


يا علي تاج الدين حينما يكتب الشرفاء اسود الفلا امثال خالد عنان عمر
يتأدب امثالكم من مستكعي المنافي ويستمعوا في حضورهم.


يكتب هذا من فك الاسد ويكتب باسمه الحقيقي كاملا
لا يرهبكم ولا يرهب بطشكم,هؤلاء هم احفاد المك نمر فعلا
مش اللهيطه وضاربي اموال السحت وتنابلة السلطان.

هؤلاء هم الثوار قادة التغيير وخير نموذج للجعلي التقليدي الشجاع.


عارف يا خالد لم ندخل في الاول لهذا البوست قلنا كدي النشوف جعليي المنبر
شايتين لوين ومن هم غالبيتهم؟؟وفعلا باركك الله فقد اعدت بعضهم لصوابهم
ممن انساقوا لدعاوي العنصريه التي روج لها صبية الجبهة وحرصوا على تصوير
ان الجعلين مستهدفين لذاتهم!!


وهاهم الجعلين هنا مثل اي قبيلة وجدنا بهم كل الوان الطيف
فقد جائك الشيوعين و الحقانين و المستقلين و الاتحادين و الحركه
الشعبيه و الانصار منهم وبعضهم اعضاء في حركات دارفور ايضا على فكره.



الحمد لله ان بزغ الحق
وعرف الناس الحق من الباطل
وباقلام جعليه.


اليوم يا هجو الاقرع وود الباوقه و الريح السنهوري وبشير احمد
وعلي تاج الدين وجاد وهاشم الكرار تشربوا ما تروا فعددكم
اتضح بانه لا يتجاوز اصابع اليد! لما خصمنا ناس المكاواة وغيرهم.




نورت الديار اخوي
وفمك فيه السكر
وانت تحمل البشارة ان شندي تستعد للحاق برفيقاتها
من مدن السودان الآخرى التي ستذهب بالمؤتمر الوطني
لمزبلة التاريخ.


وما كان لشندي الحرة ان تصير متخازلة عن ركاب التغيير.

Quote: يا علي تاج الدين يحنما يكتب الشرفاء اسود الفلا امثال خالد عنان عمر يتأدب امثالكم من مستكعي المنافي ويستمعوا في حضورهم

سلام يا تراجى ....هوووووووى ياتراجى
ماتكبرى راس الزول دا ساى واقوم اصدق....
على تاج الدين على

عرفنا دوائر شندى الاربعة - قبل الله سبعة دى جديدة ليه ما تكون 8 رئيسية وفرعية - نرجو التوضيح
يبدوا ان الراجل جديد ، ومكتنز بافكار تصلح للتنفيس
حظ أوفر بس ما تندفع

Quote: عرفنا دوائر شندى الاربعة - قبل الله سبعة دى جديدة ليه ما تكون 8 رئيسية وفرعية - نرجو التوضيح يبدوا ان الراجل جديد ، ومكتنز بافكار تصلح للتنفيس حظ أوفر بس ما تندفع

مرحب آدم خاطر

شكرا للمداخلة والتمنيات

حظ اوفر للجميع

بس الفرملة حقتنا مجلية حبة

لانو البلد بقى ما فيها زيت فرامل

شغالين بي زيت سمسم

تحياتى واحترامى لك

Quote: الجسور خالد عنان عمر حباب المك الحقيقي المعجون بريحة الطين البتلكم من ارض الشمس المشرقة طوال العام,حبابك وانت تذكرنا بغالبيةاهلنا الجعللين المساكين المغييبين اعلاميا بعد ان ادعى صبية المؤتمر الوطني انهم ممثليهم. وكما قال الجسور عماد خليفه هذا البوست بمثابة استفتاء حقيقي لوجودهم ونفوذهم وسط ابناء شعبنا. اها انا من داعنمي الحركات المسلحه البكذب علي تاج الدين وود الباوقه و الكوز جاد بانهم استهدفوا الجعلين!! وعلى فكره على تاج الدين هذا عكري ومتشبر ومدافر في العنصريه ساكت. يا علي تاج الدين يحنما يكتب الشرفاء اسود الفلا امثال خالد عنان عمر يتأدب امثالكم من مستكعي المنافي ويستمعوا في حضورهم. يكتب هذا من فك الاسد وكتب باسمه الحقيقي كاملا لا يرهبكم ولا يرهب بطشكم,هؤلاء هم احفاد المك نمر فعلا مش اللهيطه وضاربي اموال السحت وتنابلة السلطان. هؤلاء هم الثوار قادة التغيير وخير نموذج للجعلي التقليدي الشجاع. عارف يا خالد لم ندخل في الاول لهذا البوست قلنا كدي النشوف جعليي المنبر شايتين لوين ومن هم غالبيتهم؟؟وفعلا باركك الله فقد اعدت بعضهم لصوابهم ممن انساقوا لدعاوي العنصريه التي روج لها صبية الجبهة وحرصوا على تصوير ان الجعليين مستهدفين لذاتهم!! وهاهم الجعليين هنا مثل اي قبيلة وجدنا بهم كل الوان الطيف فقد جائك الشيوعين و الحقانين و المستقلين و الاتحادين و الحركه الشعبيه و الانصار منهم وبعضهم اعضاء في حركات دارفور ايضا على فكره. الحمد لله ان بزغ الحق وعرف الناس الحق من الباطل وباقلام جعليه. اليوم يا هجو الاقرع وود الباوقه و الريح السنهوري وبشير احمد وعلي تاج الدين وجاد وهاشم الكرار تشربوا ما تروا فعددكم اتضح بانه لا يتجاوز اصابع اليد! لما خصمنا ناس المكاواة وغيرهم. نورت الديار اخوي وفمك فيه السكر وانت تحمل البشارة ان شندي تستعد للحاق برفيقاتها من مدن السودان الآخرى التي ستذهب بالمؤتمر الوطني لمزبلة التاريخ. وما كان لشندي الحرة ان تصير متخازلة عن ركاب التغيير.

*************************************

الاخت الكريمة تراجى

الاف التحايا ووافر ودى

اشكرك على المداخلة القوية

والكلمات الكبيرة بحق شخص اعده من المساكين والفقراء الي رب عظيم

وبعد

فانى اعيد واكرر ما سبق ان قلته من ان اهل شندى براء من هؤلاء الصائحون المتصائحون المتعلقون بقشة فى بحر الظلمات -- وهاهم ناس شندى قد دخلوا الى هنا وقالوا رايهم -- وان القوم ساقطون -- سواء هنا على هذا المنبر او فى صناديق الاقتراع او باى كيفية كانت --

وانى لاعجب كل العجب من امثال بعض الاعضاء فاقدى الحجة والمنطق الذين يتصايحون وينطقون بكلمات تندى لها الجبين -- مثل ذاك الذي يقول : (( شندى ناس البشير بشيلوها عنصرية ساااااااكت ))) فاى جهل واى جهالة هذه ؟؟ وهل ذهبت كل ادبيات ما سموه ((حركةاسلامية)) --عليها الرحمة -- وبقيت مثل هذه المصطلحات المخجلة -- وربما قادنا مثل فطير القول هذا الى الاسترسال فى مغازى هذه الكلمة ((عنصرية سااااكت)) --((MADE IN ALJABHA 1989-2008)) -- وربما سنكتب عن هذا فى بوست منفصل عن كيف كرس هؤلاء القوم لمثل هذه المفاهيم الخطيرة فى المجتمع السودانى السالم والمسالم

شكرا تراجى مرة اخرى -- ونواصل

الأخ خالد عنان
مرحب بيك .. وشايف الناس
بترجف من كلامك .. شوية عليهم
فهم ليسوا شبه بهدلة.

Quote: ÇáÃÎ ÎÇáÏ ÚäÇä ãÑÍÈ Èíß .. æÔÇíÝ ÇáäÇÓ ÈÊÑÌÝ ãä ßáÇãß .. ÔæíÉ Úáíåã Ýåã áíÓæÇ ÔÈå ÈåÏáÉ.

الاخ نزار اهلا بك ومرحب

انا كلامى هين يا نزار اخوى

كعب الكلام الكتر بتاع شهر واحد دا

وربك يستر ويغطى

شكرا تانى للمرور من ناحيتنا -- ولك كل الود

اخي عنان .


لم الاستعجال والقفز فوق النتائج . الانقاذ بلا شك لديها سلبيات ( الكمال ) لله وحده ولكن لديها الكثير من الانجازات التي لا تخطئها الا من عمي الله بصره وبصيرته .
ومن هنا يأتي دور المواطن الذي جرب كل الانظمة والحكومات وذاق تحت وطأتها الوقوف في طوابير الرغيف والبنزين والكوتات في السلع الاساسية السكر والزيت والدقيق وغيرها .
المسافة بين شندي والخرطوم حوالي 170 كلم تقريبا كنا نقطعها الى الخرطوم في يوم كامل والان في ساعة واحدة .

اما الوصول للخرطوم من عطبرة فكان يستغرق يوما وبضعة ساعات من اليوم التالي . دا يا عنان بالنسبة
للمواصلات وقس على ذلك التطور الهائل الذي حدث فيها مجال السدود والكباري والجامعات وهلمجرا ..

جاييك خليك قريب ...

يا ود الباوقة -- تحياتى

يا اخى انتو لا هسع دى ما مرقتولنا من شارع التحدى ومصفاة الجيلى وسلوك الكهرباء -- يا راجل كلامكم قدييييييييييييم وما بدخل فى راس نعامة -- ياخى انت بتتكلم لسة عن المواصلات -- طيب خليها مواصلات شندى -- الخلاك ترد على فى ثانيتين وانت فى واق الواق وانا فى ام صفقا عراض دى الجبهة برضو

يا ناس اصحوووووووووووووو

القيامة قامت وانتو راكبين فى عرباتكم ومقفلين القزاز

التكييف قوى ؟؟؟؟؟؟؟؟؟؟؟؟؟؟؟؟؟؟

Quote: فانى اعيد واكرر ما سبق ان قلته من ان اهل شندى براء من هؤلاء الصائحون المتصائحون المتعلقون بقشة فى بحر الظلمات -- وهاهم ناس شندى قد دخلوا الى هنا وقالوا رايهم -- وان القوم ساقطون -- سواء هنا على هذا المنبر او فى صناديق الاقتراع او باى كيفية كانت --

التحية لشندي العزة. شندي الصمود. شندي التاريخ

حاشي شندي من شذوذ الآفاق، ارباب الخراب ،صانعي الهوان، آكلي السحت، اهل الظلم و الظلام

التحية المباركة للاخ خالد
و مرحبا بك في المنبر

صوتا من بين أهلنا الطيبون الصادقون في ربوع نبع من وطننا العزيز.
احكي لنا عن احوال البلد و افضح كذب الارزقية ساقطي الهمم.
حل بهم السقوط اينما رحلوا و حلوا.

كل عام و انتم و شندي و السودان بخير.

الاخ الكريم ثروت اب دهب

التحية لك ولكل قبيلة سوار الدهب اينما وجدوا

وشندى الدرة

عاشت حرة

حرة من زيف المزيفين واباطيل الضالين واراجيف المرجفين الراجفين

دايرين يشيلوا شندى عنصرية سااااااكت قالوا

عجبي عليهم ومنهم

شكرا سوار الدهب

وتساب ودى

يا اخى انتو لا هسع دى ما مرقتولنا من شارع التحدى ومصفاة الجيلى وسلوك الكهرباء -- يا راجل كلامكم قدييييييييييييم وما بدخل فى راس نعامة -- ياخى انت بتتكلم لسة عن المواصلات -- طيب خليها مواصلات شندى -- الخلاك ترد على فى ثانيتين وانت فى واق الواق وانا فى ام صفقا عراض دى الجبهة برضو

عنان .

اما في المجال العسكري اظنك تعرف ما وصلت اليه المؤسسة العسكرية من ذل وهوان قبل مجيء الانقــاذ
ولا اظنك بحاجة الى التذكير بماتم من انجازات وانتصارات في هذا المجال..

الراحل قرنق بشركم بشرب الجبنة في المتمة ولو قدر له ان يشرب البكري في المتمة فمن السهل له ان يشرب التناي في الشريك ...


ود الباوقة

تحياتي و امتناني يا اخ خالد مرة اخرى

Quote: اما في المجال العسكري اظنك تعرف ما وصلت اليه المؤسسة العسكرية من ذل وهوان قبل مجيء الانقــاذ ولا اظنك بحاجة الى التذكير بماتم من انجازات وانتصارات في هذا المجال..

صاح
حلايب ابتلعها المصريون

و جبال النوبة تحت الانتداب
و اثيوبيا غضمت عشرات المساحات من الاراضي الحدودية
و الدارفور في فوضى امنية و قوات دولية. و القادم انكأ

هذا حال الجيش على ايدي النقاذ

ود عنان

مرحبا بك في دار بكري

تحياتي لاهل شندي وضواحيها وما جاورها من المدن الاخرى

ما زلنا في انتظار المزيد كما ذكرت لنتعرف اكثر عن

استعداد الاحزاب لديكم لخوض الانتخابات ... هل مازال

الاتحاديون ممسكون بزمام الامور هناك؟ الم يستطع المؤتمر

الوطني خلال التسعة عشر عاما من احداث شرخ في تركيبة

الانتماء الجزبي لدى ناخبي دوائر شندي... هذه الفترة

شهدت مولد جيل جديد .. هل سار على ذات خطى ابائهم واجدادهم

ام استقطبهم المؤتمر الوطني... لا ننسى ابدا الفراغ الكبير

الذي حدث بعد انقسامات الاتحاديين.

مع شكري

الاخ العزيز وصديقي اللدود

خالد عنان
اولا حبابك عشرة في البورد وغصبا عني تأخرت في الترحيب وشكرا لك كثيرا علي المؤاذرة



ثانيا انت بتحلم ولا دي امنياتك للعام الجديد




ثالثا رد علي الاخ دا

Quote: ود عنان مرحبا بك في دار بكري تحياتي لاهل شندي وضواحيها وما جاورها من المدن الاخرى ما زلنا في انتظار المزيد كما ذكرت لنتعرف اكثر عن استعداد الاحزاب لديكم لخوض الانتخابات ... هل مازال الاتحاديون ممسكون بزمام الامور هناك؟ الم يستطع المؤتمر الوطني خلال التسعة عشر عاما من احداث شرخ في تركيبة الانتماء الجزبي لدى ناخبي دوائر شندي... هذه الفترة شهدت مولد جيل جديد .. هل سار على ذات خطى ابائهم واجدادهم ام استقطبهم المؤتمر الوطني... لا ننسى ابدا الفراغ الكبير الذي حدث بعد انقسامات الاتحاديين. مع شكري