(التمباك) .. [بوست للتمبَاكة فقط .. المدخنين يمتنعون] ..

ونرحب جداً جداً مساهمات (الشقيقات العضوات) في هذا الخيط .. لأن الطرح يخصهم بشكل مباشر ..

التمباك
ـــــــ



هذا الخليط الغريب الذي يكون مادة التمباك ومايفعله من (نشوى) ـ إن بالصاح إن بالكضب ـ هلامية ولذة جعلت له ( مريدين) كُثر ، واصبحت محلات بيعه منتشرة تضاهي محلات المنتجات الأخرى .. لكن يتبقى السؤال لماذا يتفق السواد الأعظم من فتياتنا وسيداتنا وبناتنا واخواتنا في رفضه بشكل قاطع ، وعدم التصالح معه سيان مع رفاقه (في الكيف) السجائر والشيشة وما شاكلهم ، مع العلم ان الأخريات تواصلت مراحل تصالحهن معاهم لحد الغناء والتفاخر ، حتى وصلت التجريب والإدمان .. وظل ( عمنا) التمباك حبيس كيسه او حُقته في اي محيط به فتيات او حبيبات .

لا يجروء احد (بيسف) ان يعلن هذا (عملى او شفاهة) لمحبوبته وتحديداً إذا كانت العلاقة في بداياتها والكل يتنافس ليبرز اجمل ماعنده .. وهنا اقتاد الى سؤال ـ هل التمباك ماجميل ؟! ـ ولماذا هذا الجفاء المتعمد لكائن يصنع مايفعله اقرانه في عالم الكيف ، ووجدو استحسان منقتع النظير .. مثالاً ..

*كتم نفسي بسجارتو ..(في احدى اغاني البنات) ..
*علب السجائر يامجدي شفى للرجار يامجدي .. وانا لي حبيب يامجدي نقلو سنار يامجدي ..(احدى اغاني البنات) ..

*مكوع علَ النجيلة ومولع النرجيلة (من اغاني البنات [ سوريا]) ..



فهل ياترى (وفي ظل هذه العولمة المنطلقة كمالصاروخ) نطمع في إنصاف هذا الكائن المسكين من لفت انتباه الجنس اللطيف .. ونجد من يخرجن لنا بأأهزوجة في حقه .. مثالاً ..


بريدك يــــا (ابسفه) .. .. وكِيلي من الغرام قُفه













ـــــــ
مع العلم انني لم اجرب التمباك في حياتي ..
لكن من باب حقوق (الكيف) ..

مساهمة من ( تمباكي) بالمعاش
...........................

بريدك لا فراغ مني .. ولا ريق العشم جف
ولا في لحظة اتجليت .. طلع مني الكلام صدفة
بريدك انتي عن ايمان وعن ادراك وعن عرفة
بريدك انتي يا (السفة) .. بريدك ريدة مختلفة

...................................
ومع نشوته العجيبة الا ان التمباك يظل من أخطر المنبهات علي الصحة
لذلك أنصح كل من يتعاطي بالإقلاع .. فقط بقليل من العزيمة والبحث عن البدائل كالقهوة والشاي.
كما أنه من المحرمات بنص الحديث ( لا ضرر ولا ضرار)

والله انت مسلط

قلت لي

Quote: بريدك يــــا (ابسفه) .. .. وكِيلي من الغرام قُفه

كال يكيل كيلاَ








__
نسأل الله العفو و السلامة

Quote: __ نسأل الله العفو و السلامة

وبرضو بغمزة ...


العفو والسلامة ساي ؟ .. كل الأشياء نالت نصيبها
(سراويل + جزم واخيراً كدااااااايس ..)



التمباك مالو ؟



ـــ
ونسأل الله السلامة والعفو

Quote: بريدك لا فراغ مني .. ولا ريق العشم جف ولا في لحظة اتجليت .. طلع مني الكلام صدفة بريدك انتي عن ايمان وعن ادراك وعن عرفة بريدك انتي يا (السفة) .. بريدك ريدة مختلفة

حبابك (خالد الجبل) ..

وحباب مساهمات (المحاربون القدام) في عالم التمباك .. المقلوب على أمره ، ومتضهد من بين اقرانه ..
وشكراً على هذه الأهزوجة التى اراك قد عصرة فيها لنا (عطرون) ابداعك ..




مع وافر معزتي



ــــ
التعديل لتصليح إتضهاد التمباك

Quote: لا يجروء احد (بيسف) ان يعلن هذا (عملى او شفاهة) لمحبوبته وتحديداً إذا كانت العلاقة في بداياتها والكل يتنافس ليبرز اجمل ماعنده

تتمسكنو لمن تتمكنو ..

كيفك يا محمد الجزولى ..

Quote: تتمسكنو لمن تتمكنو ..

الظاهر (الشاعر) اتمسكن عليكي ..



وكل سنة وانتي والأسرة بخير

وتحياتنا للشاب الأخر

Quote: لا يجروء احد (بيسف) ان يعلن هذا (عملى او شفاهة) لمحبوبته وتحديداً إذا كانت العلاقة في بداياتها والكل يتنافس ليبرز اجمل ماعنده

انت يا اخوي من زمن الكلام ده, والله الايام دي الجكس لو ما شافك سافي ما يقرب عليك
بعدين انت ماسمعت قصة الزوج وزوجته والسفه

بريدك يــــا (ابسفه)

بريدك ريدة مختلفة

بريدك لمّا اتوفا


كيف يا جزولي

Quote: انت يا اخوي من زمن الكلام ده, والله الايام دي الجكس لو ما شافك سافي ما يقرب عليك بعدين انت ماسمعت قصة الزوج وزوجته والسفه

ياأخونا انت الكلام ده جد ؟ ولا امنيات احلام بِدك تكون واقعية ؟ .. غايتو إن احلام حتلاقي كم
عظيم متفق معك .. وإن بقت بالجد كمان يبقى على الأرض السلام والجكس عيندينا إنضرب يـــارجالة
بالأنجليزي ..


وحاول ارفدنا بقصة (الزوج والزوجة والسفة) ، لأني لم اسمع بها في القِبل الأربعة ..

وتكرم على المرور ..

تقديري

Quote: بريدك يــــا (ابسفه) بريدك ريدة مختلفة بريدك لمّا اتوفا كيف يا جزولي

كيفك يالمعروف وسند
واعوامك ازاهر ..


وممنونلك على المرور


ـــ
اسمع المصّور معاه ده (رئيس امريكيا الجاي)

بوست مُمطَر ...
بوست مؤطر ...
أريتو مُعطر ...

العاوز يفارق التمباك يتبع الآتي

يجيب الجنزبيل مسحون ويضيف عليهو ملح ويخليهو زي يوم


يعني يمطر الجنزبيل

ويبدأ يسف فيهو لمدة أسبوع وما يسف معاهو تمباك

بعد الأسبوع يسف التمباك

حا يطرش زي ما بدأ سف التمباك


بعد داك حا يفارق التمباك زي ما جاهو من اول


التجربة دي نفعت وماشة زي الفل




بس ما تسألوني انا لأنو انا حاليا ( شانقها فوق ) !!!


والله التجربة دي جد جد ....





هشام

الونسة بالسفه الكبيرة بالكتاتيح بالغبار

والعمر البيروح سمبهار


عمر الطيب الدوش

Quote: بعد داك حا يفارق التمباك زي ما جاهو من اول

اها وبعد داك لو (شبك) في (الجنزبيل) البفيكو منو شنو ؟ .. طبعاً انت
عارف نحن شعوب بنحب الــ (شِبكَة) عشان كدة حقو من هسع تفكر ليك في وصفة
ــ للعاوز يفارق (الجنزبيل) يتبع الأتي ..

وانشاء الله تتبعك الأيام والسنين الطيبة و الندية ..


مع وافر تقديري أخي هشام

Quote: بوست مُمطَر ... بوست مؤطر ... أريتو مُعطر ...

وجودك مُفرَح
كلامك مُريَح
اريتك تريَح ..




مع خالص الود

بي بساطة عشان ريحتو عففففففففففففففففففففففففنة..

Quote: بي بساطة عشان ريحتو عففففففففففففففففففففففففنة..

الأخت سارة

راي برضو ..

وشكراً تدوينه هنا ..






تقديري الأكيد

سلام يا ود الجزولي

نحن اتنين تمباكا
وكت الليل يتاكا
من بلدات التاكا
نجيب ام بوح تتباكا
ود ضحوية

التانية
اتنين عرسان ما شين شهر العسل العريس فتح الكيس وداير يسف العروس اتهجمت :
سجمي انت بتسف
قال ليها اي بسف وبطلق كمان عندك مانع







التالتة
في الادب السفلي يقولون فلان بقرتو سافة



لم اجرب هذا التمباك على الاطلاق
زول سجاير ساااي

Quote: الونسة بالسفه الكبيرة بالكتاتيح بالغبار والعمر البيروح سمبهار عمر الطيب الدوش

تسلم يالأرباب محمد


ونقعد في ضُل العمارات ام كمرتن بره
كملت كوتت (التمباك) صقعنا الجِره

( قدال )

سلامين ياود العبيد

Quote: نحن اتنين تمباكا وكت الليل يتاكا من بلدات التاكا نجيب ام بوح تتباكا ود ضحوية

هلا هلا (دي تُنطق بلهجة ناس وضحوية زاتم) .. ده الكلام .. تقولي ..
بقرتو شنو كده كده .. غايتو ياأبو الخلد انا الأتنين الأولانيات ديل
معاك فيهم.. لكن التالته دي تشيلها توديها للجماعة بـ (هنوك) وانت عارف
واالله عارف وانا ما داير اعرف

..

ـــ
صحبك (بشرى) شايف بوصي في كمال قسم الله يجيب معاهو حبوب ضغط .. انا عارفو بحصل .. لكن
ماقايلو بالسرعة دي .. بس هو ماحدد ضغط شنو .. غايتو لو طلع الفي بالي تبقى مشكلة ..
ومشكلة عويصة جَد (بطريقة عركي) ..


والتحيات لمدن عينيك (وحقك محفوظ يازوربا) ..
وتحيات ندية لرقية والشابين ..

محمد الجزولي عندي ليكم ما يلجم الجكس السوداني الى يوم يبعثون
صور حقيقية لبنات كأنهن من حور الجنة بسفوا و يبزغوا عااااادي
و يتشاركوا الحقة مع الشباب .. لاحظ الحقة ما الكيس
أنزل؟؟

أغرب ما أكتشفته عند مجيئي للنرويج إن التمباك عادة إسكندنافية
بسفوا زيينا واحد
بس عندهم عليهوا كنترول شوية
يعني بتباع في علب معروف نسبة النيكوتين فيها قدر شنو و ممطرينه بي شنو
بعدين عندهم نوع في العلبة بكون في أكياس صغار زي التي باق كده كل كيس عبارة عن سفة جاهزة..
هاكم الصور نبداها بالجكس البسف
و نستعرض بعض أنواع التمباك المختلفة بعدها .. يلا ما حدش حوش

فاضلابي..

الراجل البي جنب البت الفي الصورة...شكلو كدة سافي ليهو علبة في مرة واحدة...

Quote: شكلو كدة سافي ليهو علبة في مرة واحدة

ده القهر يا سارة.. الناس ديل النسوان مؤدبنهم ادبة شديدة خلاص

Quote: محمد الجزولي عندي ليكم ما يلجم الجكس السوداني الى يوم يبعثون

حبيبنا فاضلابي


مباااااالغة .. احب الإنقلابات والتلجيمات (بذات بتاعت الحصين) .. لَجِم ولا يهمك
خلي جكس العالم الثالث يشوف التمباك نال حظه في العلم الاول كيف .. وجكسينا قاعد
في ريحتو عففففففففففنه ـ وشكلو ما عارف كيف ـ ولونو زي شنو كده مابعرف ... وغايتو (بدون جنس غايتو) ..




مالااااا عِيبوها لي ياحلات الدنيا عليها



تعرف يافاضلابي المحيرني عِرفنا اي شئ .... دي ....



العلمها الشنقة شنو ؟ .. طبعاً ماأنت انا عارف ..






ـــــــ
الحبيب الفضلابي
عظيم محبتي وأعزازي للمرور الدسم هذا (وانا من شفت [خدر] بيجاي توسمت خير من الجمال
سيطفح هنا وكالعادة لم أُخزل .. فأنداح وادهشنا معرفة عن الـ (المستخبي).. ولجم كمايحلو
لك فـ(العماري) اقصد البوست هُلك ..

وواصل ياجميل



ــ
التعديل لسقوط الـ (غ) من مبااااالة

Quote: مالااااا عِيبوها لي ياحلات الدنيا عليها

بالتأكيد هدفنا (البنوته) وليست (السفة) ..


ــ
وجب التنويه ..

تُمباك ياعَاصم !!

Quote: تُمبـَاكْ يـا عَاصِـمْ !! هشام الطيب الفكي [email protected] سودافويس / العدد : الرابع تُمبـَاكْ يـا عَاصِـمْ !! إلى : عاصِم الحَاج عبْد الهَادي إبَراهِيم ((فِي ذِكرَى جَحِيمٍ لنْ يُنْسَى)) رُبما كنّا دائماً ما نكنتُب عن الكَدْح والكادِحُونْ في قَصَصِنْا القَصِيرة ونصوصِّنا الأدبِية ، ثُم نْحكِي عَنْ تَجرِبتِنَا معَ هذا اللعِين المُسمَى فقراً ، ونْكتُب ثُم لا نَجُد مَخرجاَ مما نكتُب إذ أنّ كُل النصوص التي كَتبنَاها خصَصنَا لهَا فقراتٍ تحكي عن قصة فقر مُدقَع. وإما أنْ نكُونْ قَد كَتبنَا نصّنا بهدفْ التغير فِي شئ ما أو إما للفت الإنتباه لشئ ما. وليكُن نَصِي هذا مِنْ النُصوص التِي نُريدْ لهَا أنْ تَلفِتْ الإنْتِباه لشِئ مُحزِناً ياصديقى عُنْوانه تَجِربتنَا مَعَ فقراً من نوعٍ غَرِيبْ ، فقَد أصَابَنا فقراً منعنا يوماً أن نَوزِنْ مَزاجِانَا بِشئٍ ثمنُه قٍرشٌ واحِد . أتذُكر يا عَاصِم يومَ كنّا لانْملكُ ثَمنْ ما نشتري به كيساً من التمباك المُتَعفِن الرَخِيصْ ؟!. لقَد غَضِبْتَ من حدِيثي حِينْمَا عَقدْتُ إصرارِي لأن نَشتْرِى ولو كِيساً بقرشِ واحد مِنْ هذا الكيف المعبأ في أكياس ، لكِننا سُرعَان مَا خلعَنا جذعَ الفكرة فكرة أن نشتري كيساً من التمباك بثمنٍ باهظ في نظرِنا . ثم مَضِينا .. وقُلتْ لِي سَاعتَها بإستياء شديد من طَلبي : - كيساً بـ"قرش" كاملاً ياهشام !! صمتُ أنا وضحِكتَ أنتَ مِن فقرِنْا هذا الذي يمنعُنا مِنْ أن نَشتْري ولو تُمبَاكاً حَتىَ. إنه حقاً لأمر مُضحك فكيف يستَعصِي علينا أن نشتري تمباكاً ياعاصم ؟؟ لمن إذاً نشكو أمرنا هذا – أم نتذُمر لوحدنا هكذا . فقراء يا ماريل !! فقراء يا إله الفقر !! فقراء فقراء فقراء ولتذَْكُر أيضاً يوم قَطعنَا تِلكْ المَسافَة التِي تُقدر بِعشَراتِ الكِيلومِتراتْ أو تُقدر بِعشرات الجنيهات بمِقيَاس فَقرنَا هذا ، ولمْ يكُن لَدينَا حِينَها ولا قِطعة مِنْ النُقود الحَديدية لنركب بها إحدى المركِبَاتْ المُتهَالكَات ونجلس بها على آخر كَنبة أُعِدتْ وخصِصَتْ للفُقَراء أمثَالنَا ولآخرون يعيشُون فَقراً مُزدوج . فقر العلم بشقَائِه وعَنائِه المُعتَاد وفقرُ المَال الذِي يُجبِرهم عَلى الجُلوس فِي آخر كنبة . فاخترنا أن نمشي سيراً على أقدامنا وأقنعنا أنفسنا حِينها بأننا نمشي من أجل التغير عن النفس ، نتمشى كما تقولها أنت . وكأننا لم نخطوا ولاخطوة واحدة بأقدامنا على هذه الحياة مِنْ قَبْل . مايُضحكني هو اننا نخدعُ أنفسنا سريعاً عِند فقرنا ، فعندما كنّا نود ركوب إحدى المركبات وأستعصى علينا ذلك نسبة لإفلاسنا ، أقنعنا أنفسنا حينها بأننا سنقطع مسافةَ من الكيلومترات بأرجلنا وليس إفلاسنا هو سبب لذلك بل من أجل أن روِّحْ على أنفسنا . كثِيرونْ هُمْ مَنْ يقطعُون مَسافةٍ كهذِه ياصديقي بلْ ضِعفها أحياناً ، لكن الشيء المُضحِك فِي الأمْر ياعاصِم أنهم يقطعُون تِلك المسافَة ليس بِسبب إفلاسهم وفقرهِم بْل لأغراض رفاهيةً أخرى . يَبْدُوا لِي أمْر هَؤلاء البُرجوزِايين مُدهشاً حقاً ، يصنعون من التعب رفاهية ، وبينما نحنُ هُنا ننهمك فِي البحثْ عَنْ قرشٍ واحد فَقطْ لنجلُب بِه مايقتُل إحسَاسْ القَلق فِي دواخِلنا ، نَجِدُهم فِي ذات الوقتْ يُبعثِرون ثَمنْ مِئات الأكيَاسَ مِنْ التُمبَاكْ !! أليس هذا محزنناً ياصديقي ؟! قَدْ يَسخُر منّا الكثِيرون في قِصَتِنَا هَذه ، فمهما كانْ فقرُنَا مُدقعاَ لنْ يمنعُنَا مِنْ إقتناء أبسط الأشياء ياصديقي .. لن يمنعنا من أن نقتل إحساس القلق في دواخِلنا ، رُبما كنا قد تعدينا مرحلةً أبعدْ مِنْ الفَقْر فِي أيامِنا تِلك .. فالفَقير هو منْ لايملك قوت عامِه ، أمَا نحنُ فكُنا لانملك ثَمن تُمباكٍ مُتعفِن رخِيصْ.

الأخ هشام الطيب

اعوامك بساتين فرح تسكنها الرياحين والفراش ..



احتفاء فقط بوجودك لحين قراءة ..

ناصع الود

Quote: مع العلم انني لم اجرب التمباك في حياتي .. لكن من باب حقوق (الكيف) .. [/QUOTE

---

Post: #33 Title: Re: (التمباك) .. [بوست للتمبَاكة فقط .. المدخنين يمتنعون] .. Author: محمد الجزولي Date: 12-24-2008, 09:03 AM Parent: #32 Quote: Quote: مع العلم انني لم اجرب التمباك في حياتي .. لكن من باب حقوق (الكيف) .. [/QUOTE العزيز علي عُمر (تروس) شكراً على هذه الوقفة (الصلبة) لتصدي لحقوق الكيف .. اعوامكم ساكوبيس ..

---

Post: #34 Title: Re: (التمباك) .. [بوست للتمبَاكة فقط .. المدخنين يمتنعون] .. Author: محمد الجزولي Date: 12-25-2008, 02:42 AM Parent: #33 *

---

Post: #35 Title: Re: (التمباك) .. [بوست للتمبَاكة فقط .. المدخنين يمتنعون] .. Author: محمد سنى دفع الله Date: 12-25-2008, 06:52 AM Parent: #34 انت وفاضلابي كرهتنونا السفة من وين جبتو البنات السحات السفافات ديلن تتجازوا بوست اكرهك في السفة ــــــــــ محمد المنى ان تزورنا وتسجل في بيتك ومطرحك www.sudanawi.com

---

Post: #36 Title: Re: (التمباك) .. [بوست للتمبَاكة فقط .. المدخنين يمتنعون] .. Author: محمد الجزولي Date: 12-26-2008, 10:06 AM Parent: #35 استاذنا وحبيبنا السني كل عام انت والأسرة على ابهى واطيب الأشتهاءات .. وياعمك ماتعملنا سبب في (كِجينك) للتمباك .. عارفنك من اوائل الأعداء .. وخوفنا بعد شوية تكجِن السماحة زاتا .. كان تقدر .. مابتنقدر موش ؟ .. ونتمنى ان ينال العام الجديد حظه من اخوانه السبقوا في نشطاتكم التي اصبحت وقود جمالنا وبدايات صباحتنا المفرحة .. فلا تحرمونا ماأدمنا .. ووافر معزتي لأفراد الأسرة ومحبتي الأكيده لك

---

Post: #37 Title: Re: (التمباك) .. [بوست للتمبَاكة فقط .. المدخنين يمتنعون] .. Author: JAD Date: 12-26-2008, 09:36 PM Parent: #1 Quote: بي بساطة عشان ريحتو عففففففففففففففففففففففففنة.. شكراً أستاذة سارة .. قطعت نص المسافة .. التمباك جرم في حق الزوجة .. للتمباكا فقط .. الحلوين يمتنعون Quote: رائحة التمباك أو الصعوت .. وهو "فرش" أو طازج لا غبار عليه .. لكنه يصبح كريه الرائحة عندما يتنفسه بجوارك تمباكي .. أكثر من ذلك فإن الأغشية الداخلية للفم تتشرب عصارة هذا التمباك وتتشبع به .. وبذلك فإن المضمضة أو السواك يزيل الشوائب العالقة فقط بأطراف الفم .. وتبقي الرائحة الكريهة في النفس والعرق .. خلاصة القول: يرتكب الإخوة المتزوجون جرم كبير في حق الزوجات بما تسببه رائحة التمباك من إزعاج وزعزعة للسكينة للزوج عند النوم أو المؤانسة عن قرب .. وبذلك فإنه يحرم الزوجة من التلذذ بالحديث الهامس .. والقبلات والدغدغة التي تكون قبل الجماع .. وهي جزء هام جداً من الحياة الجنسية بين الزوجين .. ما لم تكن الزوجة أيضاً تتعاطى التمباك .. فإن مقدمات الجماع أو المقبلات مهمة وقد نبه النبي صلي الله عليه وسلم إلى ذلك بالقول " لا يقع أحدكم على امرأته كما تقع البهيمة وليكن بينهما رسول، القبلة والكلام" غير ذلك فإنً التمباك يلوث بيئة المنزل أو قل غرفة النوم لأن الزوج المتعاطي يحتاج إلى سلة ليبصق فيها باستمرار مما يؤدي إلى تراكم السوائل كريهة الرائحة وبذلك يتغير الجو العام للغرفة ويغلب عليه رائحة العفن .. إضافة إلى ذلك غالباً ما يترك التمباك بصمات واضحة على "التمباكي" فتكون أسنانه متسخة "شربانة" ، وشفته السفلى متدلية مثل فحل الإبل المعلول .. إضافة إلى مايعتريه من هياج وتغير المزاج حينما تكتنفه "الخرمة" .. كذلك فأن خرمة التمباك مثل خرمة المخدرات تجعل الرجل لا يجد أي حرج في أن يتسول السفة من أي شخص وفي أي مكان وأي زمان دون وضع اعتبار لأي شيء .. مع كل ذلك غزير احترامي للتمباكا .. فهو يمثلون شريحة كبرى بالمجتمع السوداني .. وامتناع كل الناس عن التمكة يعني انقراض فئة عزيزة جداً على قلوبنا من المجتمع .. شكراً أخي محمد الجزولي على إثارة هذا الموضوع الحيوي . جاد