سلمى عليهم وكان محتاجين لأى دفرة أو أجاويد: عضلات تبش
Post: #14 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 01:39 PM Parent: #8
والله يبلغ يا ناهد بت بشير الطيب ...
واهلا بى تراحيبك وسمح قولك
Post: #15 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 01:40 PM Parent: #14
نرجع للموضوع الاصلى
البوستين ديل الناس ما بيعلقوا عليهم ليه ياربى؟؟
Post: #17 Title: Re: ماكم ما بتعلقوا على البوستات دى؟؟ Author: تيسير عووضة Date: 12-28-2008, 01:45 PM Parent: #1
سوف نغوم بربطكي بجنذيرن في هازا البورضي حتى لا تزهبي وتفارغينا وتخلينا نموت شوغن إليكي ..
ـــــــــ بعيد عنك الناس هنا بيكتبوا كده
Post: #20 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 01:48 PM Parent: #17
Quote: سوف نغوم بربطكي بجنذيرن في هازا البورضي حتى لا تزهبي وتفارغينا وتخلينا نموت شوغن إليكي ..
ياخى بنت نواجزى عديييييل كده
اها والحاجات ماشة كيف؟؟
منتهى الشوق والحبوب "جمع محبة"
Post: #19 Title: Re: ماكم ما بتعلقوا على البوستات دى؟؟ Author: alfatih Date: 12-28-2008, 01:48 PM Parent: #1
تماضر
كل سنة وانت بالف خير والشوووق الكتل الورل سنة حلوة غايتو الجابتك دى ...
بالنسبة للبوستين ديل اول مرة اشوفهم .. منعمشوف تصويره ما شاء الله وحتى الاصوات واضحة .. فرقة كواتو لما جات مهرجان تلبورخ بهولندا كنا حضورا .. كانت المجموعة الاساسية فى المهرجان من بين كل فرق العالم الشعبية والفرقة الوحيدة التى طالب الجمهور باعادة عروضها مرة تانية فى نفس المسرح فالتحية ليهم فردا فردا
Post: #21 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 01:52 PM Parent: #19
Quote: والفرقة الوحيدة التى طالب الجمهور باعادة عروضها مرة تانية فى نفس المسرح فالتحية ليهم فردا فردا
شغت كيف؟؟ انا أول مرة أشوفك ووقعت فى غرامهم من أول نظرة ..التصوير مميز
بتمنى لو فرقة فلاح استفادت من شغل كاميرا مان زى منعم مع انى عارفة انه الكاميرا مان التانى ما قصر واظنه عصامى ونديه حق الاجتهاد لكن الفرقة فيها امكانيات واحتمالات ضخمة وخصوصا البنوتات العايشات فى السودان ...
Post: #23 Title: Re: ماكم ما بتعلقوا على البوستات دى؟؟ Author: انعام عبد الحفيظ Date: 12-28-2008, 01:56 PM Parent: #1
تماضر شيخ الدين شخصياً
ياخي 2009 دي سنة حلوةالجابتك لينا
ياريت تواصلي معاناوما تنقطعي تاني
Post: #25 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 02:02 PM Parent: #23
والله يا انعام انا قلت كده برضو
الزول يزهج من البورد ومشاكله يمشى بعيد يشتاق ليه
قلت احسن اجى اتبادل المحبة والنقاشات الهادفة مع الاحباب والاصدقاء واشعر بالسعادة المؤقتة دى بدل ما اغيب تماما
فاذا انتى فرحانة انا اقول شنو؟؟
ههههه
كل الودادليك يا غالية
Post: #26 Title: Re: ماكم ما بتعلقوا على البوستات دى؟؟ Author: saadeldin abdelrahman Date: 12-28-2008, 02:08 PM Parent: #1
البوستات دي ما شفتها لسة.. تحياتي.
Post: #27 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 02:22 PM Parent: #26
Post: #32 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 05:46 PM Parent: #28
نادية عثمان
انا النخلة وانتى الدبور ...هههههه
فى ناس قالوا لى قبل كده انه اسلوبنا متشابه
فمع انى انا الاكبر وانا الجيت هنا أول معناها ممكن نلعب اللعبة دى سوا سوا
دحين بتعرفيها؟؟
اتنين يشيلوا بعض من الضهر ووشوشهم مقبلة على الاتجاه الخارجى ..واحد يشيل التانى ويقول انا النحلة .ينزلو التانى يشيل الاول وهو رافعو يقول انت الدبور
ياهلا يا حبيبتى ومرحب بيك وكل الاشتياق
Post: #47 Title: Re: ماكم ما بتعلقوا على البوستات دى؟؟ Author: نادية عثمان Date: 12-28-2008, 07:18 PM Parent: #32
طمطم الحبيبة لقلبي جداً
ياخ فرحانة بيك والله العظيم
Quote: انا النخلة وانتى الدبور ...هههههه
فى ناس قالوا لى قبل كده انه اسلوبنا متشابه
فمع انى انا الاكبر وانا الجيت هنا أول معناها ممكن نلعب اللعبة دى سوا سوا
دحين بتعرفيها؟؟
اتنين يشيلوا بعض من الضهر ووشوشهم مقبلة على الاتجاه الخارجى ..واحد يشيل التانى ويقول انا النحلة .ينزلو التانى يشيل الاول وهو رافعو يقول انت الدبور
ياهلا يا حبيبتى ومرحب بيك وكل الاشتياق
عارفة ؟
جاتني ليك حالة بتاعة إحساس بزهو وفخر شديد .. ياخ والله الزول القال إسلوبنا متشابه ده رفعني السماء عديل .. يختني جنب تماضر شيخ الدين في كنبة وأحدة عاد أنا ما أمي راضية عني كان كده وربنا بحبني ..إن شاء الله أبقى بس شبه حرف من حروفك يامدهشة ..!
وانا الدبور ياطمطم
قاعدة جنبي نوال صديقتي عمري الحبيبة وزوجة أخوي قلت ليها تتذكري اللعبة دي لعبناها كيف وضحكنا ونحن بنسترجع ذكرياتنا مع أم الحفر والكومبليتة ودس دس وأم برمة وحاجات وحاجات وحاجات
غايتو الله يديك العافية ويومنا النتقابل ياحبيبة نلعب إنتي النخلة وأنا الدبور وماتقولي بقينا كبار وعوار سمح؟
Post: #31 Title: Re: ماكم ما بتعلقوا على البوستات دى؟؟ Author: منعمشوف Date: 12-28-2008, 03:36 PM Parent: #27
ســلام تُماضِر وبركة فى الشوفة
Quote: مع انه الفرق بين شغل الكاميرا فى الاول والتانى فرق السما من الارض ..
صراحة ..أخدت لى رجفة ومشيت راجعت العملين بصبر فى النهاية طلعت أنا التعبان تصدقى .. وليس كاميرامان الفلاح اقول ليك ليه ك.م. الفلاح فى اللقطات المديوم والكلوز كان ضابط الوايت بلانس بشكل جيد بالرغم من إنه صوّر فى أوقات مختلفة. وهذا نتج عنه لون بشرة طبيعى وجميل..التقنية بسيطة وسهلة ومع ذلك يخطئ فيها مصورون فى التلفزيون القومى الشئ الثانى ولأنه إعتمد على مصدر ضوء واحد(الشمس) جاءت اللقطات البعيده بتضاد عالى افسد جمال تكوين المشهد. الشئ الثالث وعلى مايبدو أنه كان محكوم برؤية مخرج وشغل مونتاج إقتضته فكرة الكِلِب
ك.م.كواتو حاول تسجيل وتوثيق عرض حى .. قد لا يُمنتج الشريط بعد التسجيل لذلك إلتزم الحركة البطيئة فى الزوم والبان لم تكن هناك حركة للكاميرا نفسها لظروف المكان والعرض نفسه. حاول بقدر الإمكان الإقتراب بالزوم لإظهار بعض التفاصيل فى الجسد، الملابس، الإكسسوارات والوجوه مع ملاحظة أن ك.م.كواتو هو أيضا من قام بعمليات قليلة فى المُنتاج على الشريط المسجل
أعتقد أن ك.م.الفلاح أيضاً جيد إذا حاكمنا لقطاته كل على حده وأحييه من هنا
شكراً تماضر على فتح الشهية والتشجيع وشكراً الفاتح على حسن الظن وبجيكم راجع إن إحتدم الوطيس
Post: #36 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 05:57 PM Parent: #31
منعمشوف ...جيت يالخزين
بستنى شوية قبل ما اعلق على شغل الكاميرتين لمن يجى ثروت سوار الدهب ولا زول من طرف فلاح ...
المهم انه الاشتياق والمحبة بلغا شأوا عضيما
وأشكر تواضعك
Post: #29 Title: Re: ماكم ما بتعلقوا على البوستات دى؟؟ Author: zola123 Date: 12-28-2008, 03:12 PM Parent: #1
تماضر
مشتاقيييين
Post: #37 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 06:00 PM Parent: #29
البتولة حلاتا يا زولة....
البتولة ما خملة ما بتلعب فى الرملة يت البنات جملة
البتولة حلاتا يااااااااااا
زولة...
ههههه
وبالاكتر يا يتهن لى حدهن
Post: #33 Title: Re: ماكم ما بتعلقوا على البوستات دى؟؟ Author: بلدى يا حبوب Date: 12-28-2008, 05:51 PM Parent: #1
تماضر ازيك والله سنة حلوة بتشريفك اهلن بيك
Post: #35 Title: Re: ماكم ما بتعلقوا على البوستات دى؟؟ Author: محمد عبداللطيف Date: 12-28-2008, 05:55 PM Parent: #33
الاستاذه تماضر عودا" حميدا" وكل سنه وانتي طيبه
انا ما قاعد ارد عشان انتي ما شغاله بينا وما معبرانا
رافعه لينا القزاز ومكبره اللفه
الكلام ده من زمن بوست عرائس النيل
Post: #39 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 06:05 PM Parent: #35
Quote: رافعه لينا القزاز ومكبره اللفه
بصراحة تعبير لذيذ لو عاملو براك ..ههه
والله اتلومت بالله عملت ليك كده؟؟؟
كل الاسف وعدم القصد واتمنى السنة دى أكون احسن اخلاقا وأرد على الناس اللطيفين أمثالك وكل سنة وانت طيب
Post: #38 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 06:02 PM Parent: #33
بلدى يا حبوب
انا جيت مخصوص عشان أحلى ليكم السنة
"شفت الطغى ده كيف"؟؟
ابدا والله جيت عشان تحلوها لى وهى ما بتحلى بدونكم وألأف شكر وكل السنوات وانت بخير
Post: #40 Title: Re: ماكم ما بتعلقوا على البوستات دى؟؟ Author: ثروت سوار الدهب Date: 12-28-2008, 06:21 PM Parent: #38
تماضر زاتو
و الله زمن
دا البورد البنعرفو
البقينا فيه اغراب
سير سير يا تماضر
الشوق بحر
علا البوستات دي يطرشنا
تحاياي يا صاحبة الزمن الجميل
طبعا بجي تاني أاه و أومال
Post: #46 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 07:16 PM Parent: #40
اللخو ثروت
والله ايدى اكلتنى على رجوع البورد من ماشفت بوست فلاح ده ..لكن العربى كان مافى
والزمن الجميل البتقولوه ده كان برجع بى ..انا أرجع صاعرين زاتو
ولك المعزة والود القديم ..
ولمن تجى راجع خلينا نفتو
للفايدة العامة
وألف مرحب
Post: #41 Title: Re: ماكم ما بتعلقوا على البوستات دى؟؟ Author: ابراهيم محمد موسي Date: 12-28-2008, 06:22 PM Parent: #38
عام سعيد وكل سنة و انت طيبة
ابوخليل
Post: #48 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 07:18 PM Parent: #41
ابراهيم ابو خليل
انت الاعوم
شكرا لترحابك
Post: #43 Title: Re: ماكم ما بتعلقوا على البوستات دى؟؟ Author: محمد عبداللطيف Date: 12-28-2008, 06:23 PM Parent: #38
اشكرك استاذه تماضر جدا"
ومن هسي حا ابقي اساسي في البوستات ديك
بالمناسبه استاذه تماضر
الاستاذ المقداد شيخ الدين مذيع التلفزيون في العهد الجميل اخوك؟
Post: #49 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 07:20 PM Parent: #43
Quote: الاستاذ المقداد شيخ الدين مذيع التلفزيون في العهد الجميل اخوك؟
شدة ما أخوى الكمبيوتر ده هدية منه لى
أخوى مع كل الشرف ...
شكرا لسؤالك عننا
وشرفت البوست
Post: #42 Title: Re: ماكم ما بتعلقوا على البوستات دى؟؟ Author: Adil Osman Date: 12-28-2008, 06:22 PM Parent: #1
welcome back ya Tumadir. we missed you and your creative presence. I hope this time you are here for good. In the spirit of the festive season and this post about appreciation of dancing, please accept this dance which shows your creativity and the dance group brides of the nile. Sudan is a diverse country and shall remain so take care and stay well and creative
Post: #44 Title: Re: ماكم ما بتعلقوا على البوستات دى؟؟ Author: yasir Abdelgadir Date: 12-28-2008, 06:51 PM Parent: #42
تماضر
كل سنة وانتي طيبة
كنت عايز أقول
أقول
أقول
ولا سيبك ...
Post: #51 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 07:28 PM Parent: #44
دكتور ياسر عبد القادرالفى بلجيكا ....
ازياااااااااك...
ومشتاقين والله
قول...
كل عام وانتم بقول
Post: #50 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 07:26 PM Parent: #42
لانه الالتزام ببقى عبء اضافى لى مع ظرفى الحياتى اليمكن الناس كلهم بقوا فاهمنو من كترة ما شرحتو
وشكرا على تنزيل الفيديو ويكون جميل لو علمتنى انزل فديو كيف لانه مرات بلقى حاجات تستحق المساهمة بيها وما بعرف
وان شا الله ارد ليك الجميل لاحقا
Post: #45 Title: Re: ماكم ما بتعلقوا على البوستات دى؟؟ Author: منوت Date: 12-28-2008, 07:13 PM Parent: #1
أجمل الحلوين ، يا أيتهاال " تماضر " بت شيخ الدين جبريل. عامٌ سعيدٌ ، وبوردٌ جديد .
قرمانيييييييييييين واللهِ !
Post: #52 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 07:30 PM Parent: #45
منوت.......
ياصديق الزمن الجميل زى ما بقولو البورداب ..
ليك قرمة أخرى ..وحب وحنين ...
وتحية
Post: #53 Title: Re: ماكم ما بتعلقوا على البوستات دى؟؟ Author: منوت Date: 12-28-2008, 07:54 PM Parent: #1
يا بت ، يا أم سارينا ، وسيرينا ،
" منوت....... ياصديق الزمن الجميل زى ما بقولو البورداب .. ليك قرمة أخرى ..وحب وحنين ... وتحية ".
... في حب يا أخوانا أكتر من كده ؟
Post: #54 Title: Re: ماكم ما بتعلقوا على البوستات دى؟؟ Author: Adil Osman Date: 12-28-2008, 08:02 PM Parent: #1
Quote: وشكرا على تنزيل الفيديو ويكون جميل لو علمتنى انزل فديو كيف لانه مرات بلقى حاجات تستحق المساهمة بيها وما بعرف
وان شا الله ارد ليك الجميل لاحقا
تنزيل الفيديو من مواقع زى يوتيوب اسهل من شراب الموية. تمشى فى يوتيوب. على يدك اليمين تلقى مستطيل بالرمادى. فيهو اسم الزول المشترك. اها تحت اسم المشترك فى معلومات بالانقليزى. خلى الurl. تحته فى embed. اها انسخى الكود اليمين embed. وتعالى لصقيهو مباشرة على المداخلة العايزة تساهمى بيها. اديك مثال. جبت ليك وصلة فيديو فيه الكود المفروض تنسخيهو و تجى تلصقيهو هنا على طول. http://uk.youtube.com/watch?v=_QEupoNS7wE انا نسخت الكود ولصقتو هنا عشان نشوف مع بعض هذه الاغنية الجميلة. ممكن تجربى الاغنية دى ذاتها او مواد و اغانى اخرى وكل عام وانت بخير
Post: #55 Title: Re: ماكم ما بتعلقوا على البوستات دى؟؟ Author: AnwarKing Date: 12-28-2008, 08:36 PM Parent: #1
سلام وتحايا وكل عام وأنتم بخير... لعل الأسرة كلها بخير... تحياتي وأشواقنا...
Post: #57 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 10:57 PM Parent: #55
Post: #56 Title: Re: ماكم ما بتعلقوا على البوستات دى؟؟ Author: شول اشوانق دينق Date: 12-28-2008, 08:54 PM Parent: #1
الف مرحب بيك مع إنك عاملة فى البورد جغجمية مداخلة بس إختفيتى وحردتنى الناس
واصلى معانى يا تماضر وما تنقطعى ... سمح؟! وكل سنة وإنتى طيبة وجميع الأهل بخير
Quote: وحب وحنين ...
يا جماعة ... الاخت وانجا لو رجعت زى رجعة اختنا تماضر دى ... الكريسماس وراس السنة و 2009 كلو بيكون تمام التمام بالجد
شول اشوانق دينق
Post: #58 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 11:00 PM Parent: #56
Quote: جغجمية مداخلة
اتخيل بعد نفسى مفتوحة واتونس مع الناس جو الشباب من برة وكل زول عندو "شغل" فى الكمبيوتر قلعوه منى ..
طبعا ما قلت ليك انه ديل نفس الشباب الخلونى اخلى البورد المرات الفاتت ..
لكن المرة دى حقى ما بخليه...
شكرا والله يجيب وانجا ...
Post: #59 Title: Re: ماكم ما بتعلقوا على البوستات دى؟؟ Author: منعمشوف Date: 12-28-2008, 11:12 PM Parent: #58
Quote: ألف مرحب بيك مع إنك عاملة فى البورد جغجمية مداخلة بس إختفيتى وحردتنى الناس..
هههههه يا شول سلامات يا صاحب .. والله دا كيو شحمان عديل وح نقولو لتماضر كلما تحرد البورد .. وخليك قريب ح ندور حوار جاد بعد دائرة المطايبة الما شريرة دى .
Post: #60 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 11:19 PM Parent: #59
يعنى كده يا عادل؟؟
Post: #61 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 11:21 PM Parent: #60
ولا كده؟
Post: #62 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 11:22 PM Parent: #61
ولا أحسن كده؟؟؟
Post: #63 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 11:24 PM Parent: #62
برضو كده ممكن
Post: #64 Title: Re: ماكم ما بتعلقوا على البوستات دى؟؟ Author: منعمشوف Date: 12-28-2008, 11:24 PM Parent: #59
وانجا إمرأةٌ صوَبت فاكِهَتُها نحو الفرح وأدهَشَت الفصول بموسمين (الشاعر أيوب مصطفى) تحاياى يا أيوب عبر الإسفير
Post: #65 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 11:27 PM Parent: #64
منعمشوف وشول والضيوف الكرام بالله يا جماعة اسمعوا اغنية مسامحك يا حبيبى دى بالاصوات المختلفة دى ..انا طبعا متعلمة تنزيل اليوتيوب قبل ثانيتين حاهريكم هرى ...
Post: #66 Title: Re: ماكم ما بتعلقوا على البوستات دى؟؟ Author: الطاهر ساتي Date: 12-28-2008, 11:27 PM Parent: #1
هلا أستاذة تماضر .. يديك الصحة والعافية ويوفقك دائما وكل سنة انت والاسرة بالف خير
............. والله جيت اسال عن تبارك الزول ده وين ..؟ وان شاء الله يكون بخير وعافية ليهو زمن ماظاهر وافتقد كتاباتو عندو رؤية عميقة للاشياء وتناول موضوعي للقضايا تحياتى ليهو
Post: #67 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 11:32 PM Parent: #66
Quote: عندو رؤية عميقة للاشياء وتناول موضوعي للقضايا
والله كان رؤية عميقة ما بعرفو
لا والله بهظر ساى
تبارك قااااعد جانا هنا فى ايام الاجازة ومعاهو محمد ابو عركى قطعوا مصاريننا بالضحك ...وسرقوا ملاح البامية بالكسرة الخاتينهم للتحلية وغنينا من الورقة ورجعوا ...يا حليلهم تبارك بيسافر كتير واظنو كمبيوترو منحوس ...
تحياتك ببلغها ليهو .. ولك الشكر على السؤال
Post: #69 Title: Re: ماكم ما بتعلقوا على البوستات دى؟؟ Author: منعمشوف Date: 12-28-2008, 11:36 PM Parent: #66
أنا فى الأربعة الشحمانين ديل أنحاز للسر دوليب
Post: #70 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 11:38 PM Parent: #69
Quote: للسر دوليب
الغريبة يا منعمشوف الراجل سيد الاسم زاتو مافى ...
انا برضو انحاز
Post: #71 Title: Re: ماكم ما بتعلقوا على البوستات دى؟؟ Author: منعمشوف Date: 12-28-2008, 11:42 PM Parent: #70
مشى وين السر
Post: #72 Title: Re: ماكم ما بتعلقوا على البوستات دى؟؟ Author: Tumadir Date: 12-28-2008, 11:47 PM Parent: #71
لا بقصد عثمان حسين ..
Post: #73 Title: Re: ماكم ما بتعلقوا على البوستات دى؟؟ Author: منعمشوف Date: 12-28-2008, 11:51 PM Parent: #72
غنيته البتقوّم قرونى كل لحظة يسميها المصير أيضاً أو المستحيل .. ما عارف !!
Post: #74 Title: Re: ماكم ما بتعلقوا على البوستات دى؟؟ Author: الملك Date: 12-28-2008, 11:52 PM Parent: #1
السنة دى شحمانة قبل ما تبدا ,,, شئ بلابل ,,, وشئ تماضر
"بالمناسبة ناقشنا قبل كم يوم كدا قصة إنى ونحن لسه "صُغار" كنا بنلخبط ما بينك وبين البلابل"
Post: #75 Title: Re: ماكم ما بتعلقوا على البوستات دى؟؟ Author: Tumadir Date: 12-29-2008, 00:11 AM Parent: #74
الملك ليك شوقة والله ..وربنا يحسن سنينك كلها.. "لسة ما عرسوك؟؟" بالله سلم لى على البلابل قالوا منورات البلد
اها يا منعم دى تقوم قرونك الوسطى ...
Post: #76 Title: Re: ماكم ما بتعلقوا على البوستات دى؟؟ Author: Dia eldin khalil Date: 12-29-2008, 00:21 AM Parent: #1
tamadur izayek ya7' inti jaia mitain alsudan 7ainwiir ya7' wallai
Dia
Post: #77 Title: Re: ماكم ما بتعلقوا على البوستات دى؟؟ Author: Tumadir Date: 12-29-2008, 02:21 AM Parent: #76
خلوا الباب فاتح يا ضياء انا بجى ..وخلوا النور مطفى انا بولعو ...
شكرا لى سؤالك عنى وان شا الله اشوفك
قبل ما اموت
Post: #78 Title: Re: ماكم ما بتعلقوا على البوستات دى؟؟ Author: طلال عفيفي Date: 12-29-2008, 03:17 AM Parent: #77
إسمك يخلي الواحد يفرح . مشتاقين ليكي كتير يا تماضر . كل سنه وإنتي طيبه والحياه طيبه بيك .
Post: #79 Title: Re: ماكم ما بتعلقوا على البوستات دى؟؟ Author: Mohamed Idris Date: 12-29-2008, 08:52 AM Parent: #78
المبدعة تماضر تهاني الحارة باعياد الكريسماس وراس السنة لك وللعيال
الحكاية انو البوستات الهايفة عندها دخل وجمهور فظيع لدرجة انو اي بوست جاد ينزل اسفل سافلين في ثواني ز كدي نفتش عليها ونعلق ز
سلام
Post: #80 Title: Re: ماكم ما بتعلقوا على البوستات دى؟؟ Author: Abdlaziz Eisa Date: 12-29-2008, 09:12 AM Parent: #79
الأخت العزيزة تماضر
سلام كل عام وانتم بخير..
جميل أنك فكرتينا بدخول البوستات دي.. ورغم بودي دخول كل بوست.. لكن.. لما يكون الواحد غير متابع باستمرار ما يجري في المنبر, تفوت عليه بوستات أشياء كثيرة جميلة ومتميزة..
تحياتي عبدالعزيز
Post: #81 Title: Re: ماكم ما بتعلقوا على البوستات دى؟؟ Author: داليا حافظ Date: 12-29-2008, 09:14 AM Parent: #79
حمدالله على السلامة
ياخ أنت ما عارفة الناس بتريدك كيف ؟ وتيب !
النبي كان تغيبي تاني .
عقدتينا وقلنا "رجلنا حارة " ..
محبات كتار
Post: #88 Title: Re: ماكم ما بتعلقوا على البوستات دى؟؟ Author: Tumadir Date: 12-29-2008, 01:39 PM Parent: #81
Quote: ياخ أنت ما عارفة الناس بتريدك كيف ؟ وتيب !
والله ياداليا رفعتى معنوياتى للسما ده ..حسة امشى الشغل بدون ما أصر وشى يعنى ولا شنو؟؟
شكرا يا حبيبة وكراعكم باااااردة وانا عينى بارده عليك ..
حاحاول أبقى انسانة ملتزمة المرة دى ..اتفقنا؟؟
Post: #86 Title: Re: ماكم ما بتعلقوا على البوستات دى؟؟ Author: Tumadir Date: 12-29-2008, 01:33 PM Parent: #79
Quote: الحكاية انو البوستات الهايفة عندها دخل وجمهور فظيع لدرجة انو اي بوست جاد ينزل اسفل سافلين في ثواني ز كدي نفتش عليها ونعلق ز
محمد ادريس ...
اللوم بجى بالغقلات
انت نبه الناس لمن يغفلوا ..انا بعمل كده ما استطعت الى ذلك سبيلا
Post: #85 Title: Re: ماكم ما بتعلقوا على البوستات دى؟؟ Author: Tumadir Date: 12-29-2008, 01:31 PM Parent: #78
Quote: والحياه طيبه بيك .
شفت روحك شاعر كيف؟
اشكرك يا طلل ...انت بتطل والدنيا بتجمل برضو
كل سنة وانت طيب
Post: #82 Title: Re: ماكم ما بتعلقوا على البوستات دى؟؟ Author: Hussein Mallasi Date: 12-29-2008, 10:10 AM Parent: #1
Quote: ماكم ما بتعلقوا على البوستات دى؟؟
عشان ما كتبتها تماضر.
Post: #83 Title: Re: ماكم ما بتعلقوا على البوستات دى؟؟ Author: المسافر Date: 12-29-2008, 10:28 AM Parent: #82
يلا
جوز الصفايح بي شلن
والكسر بالكوم
والكومين بي قرش
يا شوقك يا الطماطوووم
لموه بلا عدد لا لمسو الإتهرد لا فقدو الاتفقد هجوبه من البلد لاحقين سوق الأحد... ويا حليلك.. مرات مرات مستفة ست
Post: #89 Title: Re: ماكم ما بتعلقوا على البوستات دى؟؟ Author: Tumadir Date: 12-29-2008, 01:44 PM Parent: #83
Quote: لموه بلا عدد لا لمسو الإتهرد لا فقدو الاتفقد هجوبه من البلد لاحقين سوق الأحد... ويا حليلك.. مرات مرات مستفة ست
ما عرفتو هو شنو لكن كلام حلو غايتو ..
شكرا يا مسافر ونحن الاشوق والله ويا حليلك حت ات .. ولك عميق الود
Post: #87 Title: Re: ماكم ما بتعلقوا على البوستات دى؟؟ Author: Tumadir Date: 12-29-2008, 01:36 PM Parent: #82
Quote: عشان ما كتبتها تماضر.
تراكا بتعرف يا ملاسى ..اشمعنى الناس بيقولو عليك الكلام داك
Post: #84 Title: Re: ماكم ما بتعلقوا على البوستات دى؟؟ Author: محمد أبوالعزائم أبوالريش Date: 12-29-2008, 11:18 AM Parent: #1
Quote: كلمة مسكينة
تماضر ....
في زول قبل كده قال ليك إنتي مجنونة؟
حسة ده تعبير ناس نُصاح؟ (كلمة مسكينة).
لكن جنك لذيذ .. خليك كده.
كل سنة وإنتي والمعاك طيبين .. وجايين على البوستات الما شفناها في وقتها.
Post: #90 Title: Re: ماكم ما بتعلقوا على البوستات دى؟؟ Author: Tumadir Date: 12-29-2008, 01:46 PM Parent: #84
Quote: في زول قبل كده قال ليك إنتي مجنونة؟
آى ..ليه؟؟
بتعرف النكتة دى ....؟؟؟
المهم شكرا على الاساءة وشكرا على الحضور والترحاب
Post: #91 Title: Re: ماكم ما بتعلقوا على البوستات دى؟؟ Author: عليش Date: 12-29-2008, 02:22 PM Parent: #90
اخيرا لقيت لي فرقة مع الزحمه دي مسعولة من الخير قاصده تظهري بعد الارشفه ولا اعياد بس?
Post: #120 Title: Re: ماكم ما بتعلقوا على البوستات دى؟؟ Author: Tumadir Date: 12-31-2008, 02:21 PM Parent: #118
على سر الختم الليلنا؟؟
ياخى ما ممكن؟؟
والله بركة بالشوفة ...
ولدنا العندكم والله فى ايدى امينة ..
وسيرتكم على لساننا
التحيات ليك ولى ناس روشستر ..وحاشاك الكراع الحارة
اها تانى ما بنغيب الا فى النوم ...
تهانى حارة بقدوم العام الجديد ولك وللأسرة ولى روشستر كافة أجمل الامنيات
Post: #97 Title: Re: ماكم ما بتعلقوا على البوستات دى؟؟ Author: fadlabi Date: 12-30-2008, 05:05 AM Parent: #1
يا سلام يا ست البنات لحدهن
و الله و حياة مدينة بتي مشتاقين
حاجة غريبة خلاص ... زول عمرك ما لاقيته تشتاق ليه زي ده
و تفرح بشوفة إسمة في شاشة الكمبيوتر
و تتبسم للشاشة لمن مرتك تسألك بالنرويجي في شنو؟؟ في شنو ؟؟
Post: #98 Title: Re: ماكم ما بتعلقوا على البوستات دى؟؟ Author: mohmmed said ahmed Date: 12-30-2008, 05:33 AM Parent: #97
رجوع القمرا لى وطن القمارى
Post: #115 Title: Re: ماكم ما بتعلقوا على البوستات دى؟؟ Author: Tumadir Date: 12-30-2008, 03:49 PM Parent: #98
محمد سيد أحمد
كل عام وانتم بخير
Post: #114 Title: Re: ماكم ما بتعلقوا على البوستات دى؟؟ Author: Tumadir Date: 12-30-2008, 03:48 PM Parent: #97
Quote: و تتبسم للشاشة لمن مرتك تسألك بالنرويجي في شنو؟؟ في شنو
والله انا لو منك
اقول ليها بالنرويجى
بختك
معرسة احسن سودانى عندنا ...
فنان ومثقف ورقيق وشاعر ورسام وحنين ....
ياحليلك يا فاضلابى
ريدة الانترنيت دى ما تستهونها
ما شفت موديك، بتعرف موديك؟؟ ده شاب كاتب وشاعر واتلاقينا هنا واتصاحبنا والله لما زارنى حسة فى الكريسماس ..والله زى كأنه ولدوه هنا ...
ياسلام ياسلام
حنتلاقى يا فاضلابى وريدة الانترنيت ما تكضبها
Post: #99 Title: عافية حسن Author: Zomrawi Alweli Date: 12-30-2008, 06:09 AM Parent: #1
الله يديك العافية يا عادل عثمان والله نفذت التعليمات بالحرف وقدرت انزل عافية حسن والله بالجد العلم كدا يا بلاش
وتحياتي الخاصة ليكي يا تماضر يا صاحبة البوست الرائع
Post: #100 Title: Re: عافية حسن Author: محمد سنى دفع الله Date: 12-30-2008, 07:20 AM Parent: #99
الله اديك العافية وعامك سعيد وعمر مديد والسنة الجديدة الف نجاح وفرقتك الموسيقية الراقصة والدراما بتاعتك ضاربة في السما محبتي ليك اكيده ـــــــــ تمادوور وكل المتتداخلين معاها ما تزورونا وسجلوا ما تنسوا لمن تجو لي فراغ الإحالة اتركوها خالية وسجلوا قشة ما تعترليكم http://www.sudanawi.com/
Post: #101 Title: Re: عافية حسن Author: nazar hussien Date: 12-30-2008, 07:27 AM Parent: #99
Quote: البتولة حلاتا يا زولة....
البتولة ما خملة ما بتلعب فى الرملة يت البنات جملة
البتولة حلاتا يااااااااااا
زولة...
لك كل الوداد يا تماضر...وقطعا نحن حافظينو
(وجهر) واحد من (صياح) اعجاب الناس بك هو تمسكك بهذه السودانية السمحة الحقيقية التي فطرنا عليها قبال الزمن يبقي شين...حتي يتخيل لي احيانا انك تكتبي من خور ابوعنجة...وعلايل اب روف..
برغم محاصرة لسان الفرنجة لك آناء الليل وأطراف النهار...
Post: #102 Title: Re: عافية حسن Author: b_bakkar Date: 12-30-2008, 08:00 AM Parent: #101
أعوذ بالله !!! يا تماضر!! إنتي ما بتعرفي أننا مسلمين، وصور الرقص والموسيقي دي بتجرح مشاعرنا؟؟ ألم تقرئي ما جاء في كتاب "قرة العيون ومفرح القلب المحزون"، للعالم العلامة والحبر الفهامة أبي الليث السمرقني، عن عذاب المغنين وعازفي الناي وضاربي الدف؟؟ أظنك ما كنت واعية في زمن الشكلة الحصلت في جامعة الخرطوم بسبب رقصة "العجكو يمه الليلة جو". الحصل شنو؟ اتغيرنا نحن ولا الناس ولا اتغير الدين؟؟؟؟
أطيب تحياتي إليك وإلى تيار الحياة العاتي الجارف الذي جعل هذا ممكنا وإلى الأجيال الجديدة، التي تغني وترقص بالحجاب وبغيره... وإلى أبنائك الميامين
Quote: إنتي ما بتعرفي أننا مسلمين، وصور الرقص والموسيقي دي بتجرح مشاعرنا؟؟ ألم تقرئي ما جاء في كتاب "قرة العيون ومفرح القلب المحزون"، للعالم العلامة والحبر الفهامة أبي الليث السمرقني، عن عذاب المغنين وعازفي الناي وضاربي الدف؟؟ أظنك ما كنت واعية في زمن الشكلة الحصلت في جامعة الخرطوم بسبب رقصة "العجكو يمه الليلة جو". الحصل شنو؟ اتغيرنا نحن ولا الناس ولا اتغير الدين؟؟؟؟
هوى يا ب. بكر نحن دينا فيه رقيص وغنا وذكر وظار وكلهو ..ما تلخبطنا مع دين تانى
والله حسة انا كان ما الاختشاء أى كلمة أكتبها هنا عندى لى يوتيوبا ما، لكن البوستات بتتقل والدنيا بتخرب ..الله يديك العافية يا عادل عثمان أخرجتنا من الظلمات الا النور
وحتى هى عافية حسن ما هينة ..
لسه معجبة بيها ..وشايفاها بتأسس لى فنها بطريقة مرتبة ومسئولة ...ده غير الموهبة والشخصية الواثقة.
والله حسة انا كان ما الاختشاء أى كلمة أكتبها هنا عندى لى يوتيوبا ما، لكن البوستات بتتقل والدنيا بتخرب ..الله يديك العافية يا عادل عثمان أخرجتنا من الظلمات الا النور
وحتى هى عافية حسن ما هينة ..
لسه معجبة بيها ..وشايفاها بتأسس لى فنها بطريقة مرتبة ومسئولة ...ده غير الموهبة والشخصية الواثقة.
Post: #103 Title: Re: ماكم ما بتعلقوا على البوستات دى؟؟ Author: محمد أبوالعزائم أبوالريش Date: 12-30-2008, 08:20 AM Parent: #1
Quote: المهم شكرا على الاساءة وشكرا على الحضور والترحاب
ياخ معقول بس؟ إساءة شنو لا سمح الله.
مافي زول مرة إتكيف منك شدييييد وقام قال ليك (فقرية والله)؟ وزي ما درّسونا زمان في البلاغة (المدح بما يشبه الذم).
غايتو كان ما وقع ليك ... تاني إلاّ أقدر على خشمي ده.
Post: #105 Title: Re: ماكم ما بتعلقوا على البوستات دى؟؟ Author: Tumadir Date: 12-30-2008, 02:48 PM Parent: #103
Quote: غايتو كان ما وقع ليك ... تاني إلاّ أقدر على خشمي ده.
لا يا ابو العزيايم انا وقع لى لكن كان انت ما وقع ليك انا الوقعتى سودا
لا ياخ ...
نحن ناس روحنا ريا ضية وبنعرف اللعوج من العديل ما تاخد فى خاطرك
البننا عامرة
Post: #107 Title: Re: ماكم ما بتعلقوا على البوستات دى؟؟ Author: tmbis Date: 12-30-2008, 02:59 PM Parent: #105
دي جيه مؤقتة واللا ترب تيك اواي يا تماضر .. والهل لي فترة ما اتشاكلته معاك لمان ماسكاني كاروشة حسع دي .. حاولي شوفي ليك موضوع مشكلة كدا علشان تكون جردل سنوي ..
بلاي طلب خاص يا تماضر .. ياريت لو تنادي على أماني الجندرية ..
Post: #124 Title: Re: ماكم ما بتعلقوا على البوستات دى؟؟ Author: Tumadir Date: 12-31-2008, 02:30 PM Parent: #107
والله يا ؤيت لو أمانى الجندرية تجى يا تمبس
اها كان مشتهى شكلاتى
أول شى خاتى صورة صاحبى دى فى بروفايلك ليه؟؟
حسة لو عندك معاه مشكلة وانا قلت صاحبى تشاكلنى ...
لك تحية سنوية ...
Post: #108 Title: Re: ماكم ما بتعلقوا على البوستات دى؟؟ Author: Yassir Bainwi Date: 12-30-2008, 03:00 PM Parent: #105
تماضر
كل عام وانت اجمل
خالص الود
Post: #116 Title: Re: ماكم ما بتعلقوا على البوستات دى؟؟ Author: Tumadir Date: 12-30-2008, 03:51 PM Parent: #108
البوست ده اتردم (زى غسيل العدة) هههههه
امشى الشغل واجى ارد على الباقيين
ولكم كل الامانى الطيبة
مافى زول يزعل ...استنونى لمن أرجع
بغسلو
Post: #117 Title: Re: ماكم ما بتعلقوا على البوستات دى؟؟ Author: عليش Date: 12-30-2008, 04:45 PM Parent: #116
غسلونا معاكم وظهرونا زاتو بس اوع من الكلوووووركس بعمل وجع معده بالله اليكم ولا شنو؟ ذكرتيني خطوة عزيزة ياجعفر برضو من اغاني الثورة بالنص وبعد الثورة انتصرت الاغنيه بقت الجنيه ابو عمه شرطو ...بلا رئيس بلا لمه شرطو اسمع حقو نطلع برة الموضوع ده مانجيب هواءء وتلج في السقط ده
تلفونات بالله
Post: #125 Title: Re: ماكم ما بتعلقوا على البوستات دى؟؟ Author: Tumadir Date: 12-31-2008, 02:31 PM Parent: #108
ياسر
وكل سنة وكل أمنياتك محققة
وكل أيامك أعياد
ياااااهلا
Post: #126 Title: Re: ماكم ما بتعلقوا على البوستات دى؟؟ Author: tmbis Date: 12-31-2008, 02:54 PM Parent: #125
Quote: أول شى خاتى صورة صاحبى دى فى بروفايلك ليه؟؟
كوستاريكـا دا راجل فردتنا ياخ .. من زمان خالص .. وصورتو دي لقطة جدا .. لكن رايك شنو بلاي اسمعي الزولة دي غناية قدر شنو .. حتين بعدين نشوف باقي المشروع..
Post: #127 Title: Re: ماكم ما بتعلقوا على البوستات دى؟؟ Author: Adil Osman Date: 12-31-2008, 07:56 PM Parent: #1
Post: #128 Title: Re: ماكم ما بتعلقوا على البوستات دى؟؟ Author: Mannan Date: 12-31-2008, 11:47 PM Parent: #127
جبت الهوا يا عادل... الهوى هواى هواى
منان
Post: #129 Title: Re: ماكم ما بتعلقوا على البوستات دى؟؟ Author: Adil Osman Date: 01-01-2009, 02:47 PM Parent: #1
يا منان كل عام وانتم بخير. الدنيا فيها غنا جميل ورقيص جميل وناس جميلين رغم الظروف.
Post: #130 Title: Re: ماكم ما بتعلقوا على البوستات دى؟؟ Author: Tumadir Date: 01-01-2009, 07:37 PM Parent: #129
كل عام والجميع بخير
سنة سعيدة
وأمنيات بالصحة والسلام والعافية والامان
شكرا تمبس وعادل ومنان على المشاركات الجميلة الاخيرة -----------------
رسالة للسنى دفع الله ولو شافا زول بيعرفو يكلمو
انا ما قادرة ادخل بوركم
حتى المراسلات الاتوماتيكية ما جابت فايدة
Post: #131 Title: Re: ماكم ما بتعلقوا على البوستات دى؟؟ Author: Tumadir Date: 01-02-2009, 01:47 PM Parent: #130
السنى دفع الله السنى دفع الله السنى دفع الله السنى دفع الله السنى دفع الله السنى دفع الله السنى دفع الله السنى دفع الله السنى دفع الله السنى دفع الله السنى دفع الله السنى دفع الله السنى دفع الله السنى دفع الله السنى دفع الله السنى دفع الله