Post: #12 Title: Re: لا للزواج .. Author: احمد التجانى احمد Date: 10-04-2012, 10:30 AM Parent: #4
يا تيسير جملة لا للزواج لا بد يكون فى جملة قبلها او بعدها عشان تكون منطقيه ومقبوله
Post: #18 Title: Re: لا للزواج .. Author: تيسير عووضة Date: 10-04-2012, 11:02 AM Parent: #12
Quote: يا تيسير جملة لا للزواج لا بد يكون فى جملة قبلها او بعدها عشان تكون منطقيه ومقبوله
حمدو في بطنو يا باش ..
مع إنو فكرة الزواج نفسها الما منطقية ومقبولة مش الإضراب عنها
Post: #10 Title: Re: لا للزواج .. Author: عاطف عمر Date: 10-04-2012, 10:26 AM Parent: #1
صاحبنا ( ع ) كان أكثرنا ملاهاة بالزواج منذ أن كان طالباً ذات سنة أعلن إتحاد طلاب جامعة الخرطوم عن قيام رحلة للحج لطلاب الجامعة ، لدهشة جميع معارفه كان أول المتقدمين مصدر الدهشة كان بسبب إنغماسه في برامج ( البهجة ) ذهبنا نبارك الحج له بعد أن خف الضيوف وظللنا نحن أصدقاءه المقربين معه إلتفت لشلة البهجة قائلاً
" ما تتحسسوا من أى حاجة ، برامجنا كلها زى المعتاد أنا حجيت بس عشان أمي لمن تمشي تخطب لى تحلف صادقة وتتتفشر تقول كدي يا يمة ولدي حاج ود حاج ود حاج "
شاء الله أنه ورغم ظروفه المادية الميسرة كان أخرنا زواجاً ، وكان زواجه حدثاً فريداً
قابلته بعد سنة كدا من الزواج وسألته عن " كيف عامل مع الحياة الزوجية ؟؟ " فرمى قنبلته
" إنت عارف أهم حاجة في الزواج أنو بريحك من الملاهاة بيهو "
_____________
خليهم يلاهو يا تايسا
Post: #13 Title: Re: لا للزواج .. Author: صبري طه Date: 10-04-2012, 10:31 AM Parent: #10
Quote: " إنت عارف أهم حاجة في الزواج أنو بريحك من الملاهاة بيهو "
الزول دا شكلو هو أنا دا
Post: #16 Title: Re: لا للزواج .. Author: أيمن الطيب Date: 10-04-2012, 10:58 AM Parent: #13
يا صبرى..
Quote: سجمي
Quote: أو كما قال ود البُشرى "أجي"
Quote: الزول دا شكلو هو أنا دا
نصيحة لوجه الله تعالى..
الدرب الإنت ماشى فيهو دا درب كلو مزلقانات,, الطاقية الأولى شايفك كبستها فى راسك بالقوة,, لو واصلت التانية حا تركب براها,,
الخلاصة والمحصلة النهائية,, أخوكم تيسير دا البتة ما تثق فيهو ,,
بوديك هناك!!!!
والله صحى..
Post: #23 Title: Re: لا للزواج .. Author: تيسير عووضة Date: 10-04-2012, 11:16 AM Parent: #16
Quote: أخوكم تيسير دا البتة ما تثق فيهو ,,
بوديك هناك!!!!
عاين دا كمان ..
يا زول ثلاثة جدهن جد وهزلهن جد الزواج دا واحد من التلاتة ديل
وعليه: لا للطواقي لا للمزلقانات ولا للزواج زاتو
اللاءات الثلاث
Post: #14 Title: Re: لا للزواج .. Author: Asim Fageary Date: 10-04-2012, 10:32 AM Parent: #10
العاوز يتزوج اللي يتزوج وهو صامي خشمه مالوا بيشخر لينا في البورد
في زول منع زول من الزواج
Post: #17 Title: Re: لا للزواج .. Author: صبري طه Date: 10-04-2012, 11:01 AM Parent: #14
Quote: لكن بيني وبينك علاقة الزواج بالإنجاب شنو يا صبري؟ في متزوجين ما بيلدوا وفي ما متزوجين وبيلدوا
أنا جادة جداً بالمناسبة
لكن أوّل حاجة إلاّ نبدّل ديننا ونخرج على أعرافنا ...
ـــــــ أيّ حاجة تاني بتتسهّل ... خاصة وإنّو ما فيهو تكاليف
Post: #19 Title: Re: لا للزواج .. Author: صبري طه Date: 10-04-2012, 11:04 AM Parent: #17
Quote: الدرب الإنت ماشى فيهو دا درب كلو مزلقانات,,
يا أيمن الطيّب .. رأيك شنو .. أنا بحب التزلّج على الجليد ...
Post: #26 Title: Re: لا للزواج .. Author: أيمن الطيب Date: 10-04-2012, 11:34 AM Parent: #19
دفعة قابلته فى صدفة غريبة جوة الطيارة راجع من شهر العسل,,
سلامات مشتاقين ألف مبروك يا عريس مبروك يا عروس!! أها العرس لقيتو كيف يا صاحب,,
ضحك وقال لى ياخ العرس شدة ما سمح والله مفكر أول ما أرجع اعرس تانى.. عاينت للعروس لقيتا ميتة من الضحك !!! ياعشة الكلام دا كيف سامعة الزول دا بقول فى شنو!!!
كضاااااب صاحبك دا أنا فى وإنت فى ياخ دا كتابى الأول ما كملو تقول لى يعرس تانى!!! __________________________ بورديكم دا ناقصو مأذون شرعى بس,,
حتى المسيار موجود ومتاح لمن يرغب,,
Post: #61 Title: Re: لا للزواج .. Author: تيسير عووضة Date: 10-12-2012, 01:54 AM Parent: #26
يا أيمن ..
صحبك دا ما واغعي أبداً ..
Post: #28 Title: Re: لا للزواج .. Author: تيسير عووضة Date: 10-04-2012, 11:43 AM Parent: #17
Quote: لكن أوّل حاجة إلاّ نبدّل ديننا ونخرج على أعرافنا ...
دا مربط الفرس ..
الدين والأعراف لا يستطيعان منع الإنجاب بدون زواج لمن أراد
بعداك كل واحد وضميرو
إحترس أمامك مزلقان
Post: #21 Title: Re: لا للزواج .. Author: الامين موسى البشاري Date: 10-04-2012, 11:13 AM Parent: #14
بمناسبة الهضربة دي يا تايسا احكي ليك النكتة دي هنا طبعا كلام الحب والتصريح به قبل الزواج الرسمي يعتبر خرابيط يجب ان لا تتعداه الفتاة السعودية
المهم عندنا صاحبنا شغال دكتور في مستوصف يوم من الايام جابو ليهم واحدة كاضمة تب وبتهضرب كان معها أمها وأخوانها البت كانت بتحب ليها واحد اسمو محمد والأم عارفه الكلام دا المهم مع الهضربة بتاعت البت دي البت بدأت تقول: محمد .... وينك يا محمد ....... محمد وعلى العليها ما عندها في اسرتها زول اسمو محمد والأم خايفه البت تفلت وينكشف أمرها بين اخوانها وبقت كل ما البت تقول: محمد ...محمد الام تقول: رسول الله وتقول ليها : يا بت كملي الشهادة
فخلي بالك الهضربة والملاهاة دي كعبة (خلاث) (غايتو ســـوي أندم ولا تخلي تنــدم ) او كما يقول المثل
Quote: وبقت كل ما البت تقول: محمد ...محمد الام تقول: رسول الله وتقول ليها : يا بت كملي الشهادة
دي يا أمين زي قصة الراجل السرحان في الجامع الإمام يقول ليهم البنات يذهبن للجامعات ليس للعلم ولكن لملاقاة الحبييييب داك رجع من سرحتو وتمتم في سرو: صلى الله عليه وسلم
Post: #22 Title: Re: لا للزواج .. Author: محمد مختار جعفر Date: 10-04-2012, 11:14 AM Parent: #14
سلام وتحية .. مسألة الزواج دي حاجة زي دخول الفيلم،..!! ( مجرد تعبير ) بعد المشاهدة والخروج ، تجد من يرد عليك بإعجابه، وتجد من يرد ببرود ( أهو ، ما بطال ) وتجد من يقول أنه تمقلب ، وخدعته المناظر والدعاية وتجد من يوصيك به ، وبعد أن تدخله ، يقول لك : كلنا تمقلبنا ، في الأول ، ..!! وهناك من يحذرك ، ويقول لك ( يازول مالك ومال العرس ما إنت كويس ،) ..!!
وفى نهاية الأمر كلٌ ينظر بمنظاره ويكيل بمكياله ، حسب تجربته التي مر بها ، فإن كان مرتاحاً معها ومع نسايبه ، يمدح لك الزواج والإستقرار ، وإن كانت تجربته غير ذلك رجلاً كان أم إمرأة فبالتأكيد ينعكس ذلك عليه وتكون إجابته سلبية ، أو فاترة .. وأنا بدورى أقول .. أبداً ، محظوظة القدر ومحظوظ القدر هو الذى يجد فى الزواج إستقراراً وسكينه ، ليؤدى رسالة الحياة فى التواصل والتراحم والإنجاب ، ومن ثم يحس بمتعة الحياة ورغدها المنشود .. أتمني أن لا نتشاءم فالقادم أحلى .. أليس كذلك .. شكرا وتحيتي مرة أخرى ...
Quote: سلام وتحية .. مسألة الزواج دي حاجة زي دخول الفيلم،..!! ( مجرد تعبير ) بعد المشاهدة والخروج ، تجد من يرد عليك بإعجابه، وتجد من يرد ببرود ( أهو ، ما بطال ) وتجد من يقول أنه تمقلب ، وخدعته المناظر والدعاية وتجد من يوصيك به ، وبعد أن تدخله ، يقول لك : كلنا تمقلبنا ، في الأول ، ..!! وهناك من يحذرك ، ويقول لك ( يازول مالك ومال العرس ما إنت كويس ،) ..!!
وفى نهاية الأمر كلٌ ينظر بمنظاره ويكيل بمكياله ، حسب تجربته التي مر بها ، فإن كان مرتاحاً معها ومع نسايبه ، يمدح لك الزواج والإستقرار ، وإن كانت تجربته غير ذلك رجلاً كان أم إمرأة فبالتأكيد ينعكس ذلك عليه وتكون إجابته سلبية ، أو فاترة .. وأنا بدورى أقول .. أبداً ، محظوظة القدر ومحظوظ القدر هو الذى يجد فى الزواج إستقراراً وسكينه ، ليؤدى رسالة الحياة فى التواصل والتراحم والإنجاب ، ومن ثم يحس بمتعة الحياة ورغدها المنشود .. أتمني أن لا نتشاءم فالقادم أحلى .. أليس كذلك .. شكرا وتحيتي مرة أخرى ...
وفيهم من شبه الزواج ببرميل العسل النهايتو ما عارفة شنو
كلام رزين وموزون يا أستاذنا يديك العافية ..
Post: #24 Title: Re: لا للزواج .. Author: تيسير عووضة Date: 10-04-2012, 11:24 AM Parent: #14
ويجوا شباب اهلى العمراب ياخدوا الشيال والدلوكة تعلى وهم يطيروا لافوق
ويجى ود عمى >>>>>>>> يقول يا وضاحة
ماشاء الله عيني بارده ياست الكل .. العمراب فايتن الناس جمال وادب
شفته الشعر جار بالواطه كيتن علي تمشي وتطاه .. وأنا الجعلى اب شرابا حار وقالوا بعدى يومو خنق بقيف في الدايرة واتحزم .. عشان السمحة ما بتحوق ..
حصل صحاك عز الهجعة صوت شتماً بعيد مخنوق وجاتك شخرة الطنبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق
وكم زغرودة تتفجر تفور بالناس بعد ما تروق يعوم الوز صدورو تشابى للمجهول وما بتضوق تميل وضاحة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق
Post: #29 Title: Re: لا للزواج .. Author: فيصل نوبي Date: 10-04-2012, 11:45 AM Parent: #25
Quote: كان بخليكهم تهضربوا قدر دا وتحمونا القعدة ..
كان شنو !! ده حالتو إنتي ما قاعدة تهضربي ! تعالي هضربي أخير ليكـ و أحمينا القعدة ساي
Post: #30 Title: Re: لا للزواج .. Author: تيسير عووضة Date: 10-04-2012, 11:54 AM Parent: #29
Quote: ده حالتو إنتي ما قاعدة تهضربي ! تعالي هضربي أخير ليكـ و أحمينا القعدة ساي
واحد من ناس الهضربة ديل أظنو صاحب كرامات
ــــــ هيييع
نحن ما بنهضرب عارفين البير وغطاها والدلو بتاعا زاتو أو زي ما قلت لي واحدة صحبتي: حبي واقطعي قلبك بس ما تاخدي الحكاية جد وتقومي تعرسي
Post: #32 Title: Re: لا للزواج .. Author: saif massad ali Date: 10-04-2012, 12:04 PM Parent: #30
تيسير
بجيك صاد بعد اسبوع
سمح ماتمشي
Post: #37 Title: Re: لا للزواج .. Author: Isa Date: 10-04-2012, 12:20 PM Parent: #32
نحنا نأيد حزب السيد (تيسير).. أو بطريقة برلمان الطاهر: يوجاز.. يجاز.. وفي رواية: زواج زواج.. غايتو من بركات (هضربتك) دي يا تيسير لي تلاتة شهور ما قادر أدخل البورد، الليلة إتصلح معانا.. قالوا جحا قال عن الزواج: القبالنا ما ورونا.. والبعدنا ما بسمعوا كلامنا.. أهو غايتو إنتي عملتي العليكي وبلغتي الرسالة وأديتي الأمانة.. إلا الجهاد ما بقدر أفتي فيهو.. من ناحية أخرى، بمناسبة دعوة الأخ فقيري للتأهل: قالوا الحزب الشيوعي رسل برقية لفرع شندي قال ليهم: مطلوب تأهيل الكوادر.. قاموا أهلك الجعليين مسكوهم عرسوا ليهم كلهم!..
Post: #62 Title: Re: لا للزواج .. Author: تيسير عووضة Date: 10-12-2012, 02:17 AM Parent: #37
يا سلام يا عيسى ياخ بركة بالرجعة ..
أها دي واحدة من فوائد الإضراب
Quote: قالوا جحا قال عن الزواج: القبالنا ما ورونا.. والبعدنا ما بسمعوا كلامنا.. أهو غايتو إنتي عملتي العليكي وبلغتي الرسالة وأديتي الأمانة..
ألا هل بلغت؟
لو ما وريناهم يقولوا غتيتين ولو وريناهم يقولوا حاسدين
أها شوف جنس الهضربة الحاصلة دي وألذ شي معظمها إن ما كلها عاملنها المتزوجين زاتهم
إنت حكايتك شنو بالظبط يا ود القاضي؟؟ ما ناوي تفكني من السيرة العطرة دي
ـــ أنا غايتو وردتي ظهرت
Post: #40 Title: Re: لا للزواج .. Author: عاطف عمر Date: 10-04-2012, 12:38 PM Parent: #1
عاصم يا هندسة
Quote: عاطف عمر
ياخي مالك عليهم
وإنت المفروض تشجع على الزواج
بس لو أولن بالتبادي تركز لى رأسي ليه ( أنا ) المفروض أشجع على الزواج ؟؟ لو فهمتني الفولة ليك على نطلع مظاهرة مضادة لمظاهرة أخونا تيسير دا
___________
لو طاف بخاطركم كوني ( إبن الزوجة الثالثة ) أقوم أشجع على الزواج فنقول لك يا حبيب " تلك أمم قد خلت لهم ما كسبوا ولا نسأل عن كيف كانوا يتزوجون "
Post: #44 Title: Re: لا للزواج .. Author: زهير عثمان حمد Date: 10-04-2012, 01:45 PM Parent: #40
الرائعة تيسير تحياتي والله أنا ماعندي أي متلازمه بس أتعرضت لتجارب صعبة و بعاني من الريده لناس غلط وضحالة أنوثة فمن تعاملت معهن وكان لدي أعتقاد بأنها قد تكون من أعشق هي الدنيا فقدتها وفقدت الامل في الزوجة والبيت وأنتهي أمري لصابر عبدالصبور المتألم طويلا لحين التلاشي في البراحات البعيدة أو الحفر العميقة قالت متلازمه زهير........... قالت متلازمه لا والله دا مرض حامد أنا ماعندي أي علاقة بما يحدث في المنبر كان جاهم هوس الزواج ولا العوانسة أصبحت متفرج لحاجاتي ألا لو هيجتني الذكري ربي ألطف لك كل الود
Post: #47 Title: Re: لا للزواج .. Author: حمد عبد الغفار عمر Date: 10-04-2012, 03:38 PM Parent: #44
سلام يا تيسير وضيوفها
In this historical juncture, our board is highly infected with an outbreak of the fatal Hamid Disease, the major symptom of which is Um Halla Halla syndrome, which results in an artificial fancy in those who are looking in the past history of their Virility and femininity
قلنا نساعد بمادة علمية
وكمان عندي نكتة عن أم هلا هلا حقت العرس دي أقولها ليكم ولا نخليها في النهاية ؟
الدين والأعراف لا يستطيعان منع الإنجاب بدون زواج لمن أراد
بعداك كل واحد وضميرو
إحترس أمامك مزلقان
بالطريقة دي يا تيسير أقترح .. واللي حينفّذ الاقتراح يرجى الراجيهو في العالم المثالي الخيالي ... اقتراحي هو: واحد من الزملاء/الزميلات .. يفترع ليهو بوست بعنوان:
العندو ولد أو بت بالحرام يدخل هنا
ـــــــــ أهو الناس ممكن تستفيد من تجارب الآخرين
Post: #53 Title: Re: لا للزواج .. Author: أحمد الشايقي Date: 10-04-2012, 10:53 PM
باستبعاد الخلفيات الثقافية والتقاليد المختلفة
رأيت في ما عشت من حياة أناس لديهم استعداد حقيقي للإنسجام
والله أنا ماعندي أي متلازمه بس أتعرضت لتجارب صعبة و بعاني من الريده لناس غلط وضحالة أنوثة فمن تعاملت معهن وكان لدي أعتقاد بأنها قد تكون من أعشق هي الدنيا فقدتها وفقدت الامل في الزوجة والبيت وأنتهي أمري لصابر عبدالصبور المتألم طويلا لحين التلاشي في البراحات البعيدة أو الحفر العميقة
وانت اول قايل السيندروم دي كيف نان!؟
----------
من ناحيتن اخرى ... زواج بتاع فنيلة منو فيكم!؟
دا ان دل على شيء انما يدل على الكسل الذهني وتعطيل التفكير الخلاق لمشاكل الراهن .. مؤسسة الزواج لو جاوبت على اسئلة القرون الوسطى .. هل تتوقعوا انها تعمر كتير في الالفية الجديدة دي؟ اي دونط ثينك سوو .. قرن .. قرنين لي قدام .. البشرية قد تبدع نظم وهياكل مؤسسات جديدة هوو نوز!؟
Post: #55 Title: Re: لا للزواج .. Author: زهير عثمان حمد Date: 10-05-2012, 10:01 AM Parent: #54
الحبيب قيقا تحياتي يا خي عندنا الحلول وقلت المساكنة هي الابراك لكين قالو ا نحن نقول لاهلنا شنو والقصة معلقه ياخي أنا خلاص طلعت من الرصه لكين بالتاكيد الجزام والصارم ليس هنالك سنادرووم
ياصديقي لك كل الود
Post: #57 Title: Re: لا للزواج .. Author: وليد محمد المبارك Date: 10-05-2012, 10:45 AM Parent: #55