Post: #1
Title: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 12-31-2009, 09:46 AM
Parent: #0
لمدة تزيد عن العامين ونصف قمت بتجميع مادة هذا البوست * بدايةً بحصر جميع أو معظم مغنيي ومغنيات السودان في المئة عام الأخيرة ثم حصر أغنيات كل مغني على حدة وتتبعها كتابةً ولحناً وأداء ثم تحديد أكثر أغنية/أغنيات مميزة لذلك المغني وأكثرها رسوخاً في ذاكرتنا الجماعية وتأثيراً على الوجدان بإختصار، أغاني يتفق الغالبية عليها على أن تضم أغنيات عاطفية ووطنية لمغنيين ومغنيات من معظم مناطق و أعراق السودان
واجهتني في البداية صعوبات في الحصر مثل وجود بعض الفنانين الذين يتميزون بجودة الأداء العالية والإنتاج الكبير فيصبح من الصعب إختيار أو تحديد أغنيات بعينها على حساب الباقي فإضطررت لتقليل عدد أغنياتهم المُشاركة. أيضاً العدد الهائل لأغنيات الحقيبة جعل من عملية الإختيار صعبة ودقيقة خصوصاً وأن معظمها ينافس في قائمة المائة بإمتياز سنجد في القائمة أغنيات لفنانين بالكاد نعرفهم ولكن أغنياتهم إشتهرت وإنتشرت بشكل كبير وعرفوا بفناني الأغنية الواحدة الأغنيات الوطنية والأكتوبريات وأغاني الإنتفاضة كان لها حضور مشهود في قائمتنا هذه وإن حاولت حصرها في 10 إلى 15 أغنية
سأحاول رفد البوست – ما أمكن – بالصوت والصورة و كلمات الأغنيات المائة المشاركة في القائمة والتي سترد بدون ترتيب حسب الأقدمية أو الأبجدية إذ لا أهمية للترتيب هنا، فما يرد اولاً لا يعني بالضرورة أنه أفضل من الذي يليه ..
هذا البوست مشروع حلم هدفه في المقام الأول "محاولة" التوثيق والتكريم لأميز مائة أغنية في تاريخ السودان الحديث ..
ـــــــــ * بوست متعدد المصادر
|
Post: #2
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: سيف بخيت موسي
Date: 12-31-2009, 09:53 AM
Parent: #1
العزيزة تيسير
صباحك خير وكل عام وانت بألف خير
بوست قيم ، ومجهود مقدر فيه إحتفال وإحتفاء بمن قدموا نفائس الغناء
نتمنى لك التوفيق
Quote: سأحاول رفد البوست – ما أمكن – بالصوت والصورة و كلمات الأغنيات المائة المشاركة في القائمةوالتي سترد بدون ترتيب حسب الأقدمية أو الأبجدية إذ لا أهمية للترتيب هنا، فما يرد اولاً لا يعني بالضرورة أنه أفضل من الذي يليه ..
|
منتظرين بإذن الله
سلامي وتقديري
|
Post: #3
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: حمور زيادة
Date: 12-31-2009, 09:57 AM
Parent: #2
بداية مشوقة لبوست لو سار كما تعدين لاصبح منبرا منفصلا.
|
Post: #6
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: حيدر حسن ميرغني
Date: 12-31-2009, 10:21 AM
Parent: #3
شكرا تيسير ليتنا دائما نعلي من مقام ابداعاتنا من خلال تقييمنا لها وليت الفكرة تشمل رواياتنا وشعرنا واغانينا لكم تمنيت ان يولي اهل الاختصاص في بلادنا هذه العملية الاهتمام المستحق كل عام وانت بخير
|
Post: #30
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-01-2010, 09:16 AM
Parent: #6
حيدر العزيز ..
Quote: ليتنا دائما نعلي من مقام ابداعاتنا من خلال تقييمنا لها وليت الفكرة تشمل رواياتنا وشعرنا واغانينا لكم تمنيت ان يولي اهل الاختصاص في بلادنا هذه العملية الاهتمام المستحق |
هي محاولة متواضعة مني لتعلية مقام إبداعاتنا ومبدعينا أهل الإختصاص في بلادنا ما فاضين للفارغة دي لديهم ما هو أهم من ذلك، وطموحاتهم الشخصية أولى لهم فأولى ..
ولكنهم يتناسون أن الأمم الفنون "ما بقيت" فإن هم ذهبت فنونهم .. ذهبوا !
|
Post: #14
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 12-31-2009, 06:45 PM
Parent: #3
حمورابي ..
Quote: بداية مشوقة لبوست لو سار كما تعدين لاصبح منبرا منفصلا. |
أتمنى ذلك ..
الغريبة كنت عاملة لي تنويه شديد اللهجة سحبتو في آخر لحظة
|
Post: #12
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 12-31-2009, 06:29 PM
Parent: #2
العزيز سيف بخيت ..
Quote: بوست قيم ، ومجهود مقدر فيه إحتفال وإحتفاء بمن قدموا نفائس الغناء |
سأعمل ما بوسعي لكي يكون قيماً بالفعل ..
ولك ألف شكر وتقدير ،،
|
Post: #4
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Elmosley
Date: 12-31-2009, 10:15 AM
Parent: #1
العزيزه تيسير لتيسير الامر علي الناس اقترح عليك الاتي ان تعيد الامر بطريقة التصنيف ياتيسير فقد حاول قبلك هنا الاستاذ بشري الفاضل وبرغم جمال الفكرة الا انها لم تبلغ مداها وفي اعتقادي ذلك بسبب التصنيف من الناحية الموسيقية من الصعب ان تقارني مثلا بين الاغنية الحديثة والحقيبة آو الاغنية الشعبية والحديثة او بينهن واغنية البوب السودانية علي طريقة شرحبيل ومجايليه لذا للتسهيل علي الناس اقترح انت تضعي الحقيبة ومانسميه بالاغنية الشعبية (الوسطية)في اطار واحد ثم الاغنيات الاقليمية الشعبية في اطار ثان ثم الحديثة والبوب السودانية في اطار ثالث وبرضو شايف نفسي مقصر لصعوبة الامر تحياتي
|
Post: #5
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عمران حسن صالح
Date: 12-31-2009, 10:19 AM
Parent: #4
حاجزين كنبه كبيييييييييره ..
|
Post: #7
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 12-31-2009, 10:24 AM
Parent: #5
تيتي كل سنة وانتي طيبة
ممكن اشارك
دمعة الشوق بطران
قصتنا وشجن وبعد الصبر عثمان حسين
عاد الحبيب لو بهمسة خاف من الله مرحبا يا شوق محيك البدري وردي
هوج الرياح الجابري
علمتني الحب هيجنتني الذكري ابراهيم عوض
الوسيم واهواك احمد المصطفي
عني ما لم والتجني الفلاتية
زرعوك في قلبي وانت معي هات لينا صباح ابو داوؤد
ماذا يكون حبيبتي عمري واكاد لا اصدق كابلي
|
Post: #34
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-01-2010, 10:10 AM
Parent: #7
خليل يا فردة
طبعاً ممكن تشارك
مشاركتك دي معظمها داخلة معانا في القائمة
يا تكون شفيتا أو تكون أضانك نضيفة
أنا غايتو برجح نمرة تلاتة
|
Post: #33
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-01-2010, 10:01 AM
Parent: #5
Quote: حاجزين كنبه كبيييييييييره .. |
مرااااااااااااحب عمران
|
Post: #8
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: الخير محمد عوض
Date: 12-31-2009, 10:28 AM
Parent: #4
تحياتي يا تيسير
يبدو انني سأكون من ساكني هـذه المسـاحة الابداعية التي اتنبأ لها بنجاح منقطع النظير.... يلزمك كثير من المثابرة على وضعك اطر ملتزمة تحدد الحقب الفنية المتعاقبة في تشكيل الاغنية السودانية مع وضع نماذج لكل فترة من الاغنايات والمغنيين الذين اثروا سوحنا الفنية واسهموا في تشكيل الوجدان السوداني امنياتي ليك وللجميع بالاستمتاع بهذه الحديقة الوريفة التي ستدخلينا لها من اوسع رحيق.
ودي المعلوم
|
Post: #35
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-01-2010, 10:20 AM
Parent: #8
الخير سلامات ..
Quote: يبدو انني سأكون من ساكني هـذه المسـاحة الابداعية التي اتنبأ لها بنجاح منقطع النظير.... يلزمك كثير من المثابرة على وضعك اطر ملتزمة تحدد الحقب الفنية المتعاقبة في تشكيل الاغنية السودانية مع وضع نماذج لكل فترة من الاغنايات والمغنيين الذين اثروا سوحنا الفنية واسهموا في تشكيل الوجدان السوداني امنياتي ليك وللجميع بالاستمتاع بهذه الحديقة الوريفة التي ستدخلينا لها من اوسع رحيق. |
مرحب بيك في حديقتنا هذه كما أسميتها
أنا حاولت أبعد عن تصنيف الأغاني خصوصاً إنو المنتديات الموسيقية السودانية اللي ظهرت في السنوات الأخيرة دي قامت بعملية التصنيف على أكمل وجه يبقى ما محتاجين نصنف الأغاني بقدر ما محتاجين نختار الأفضل والأرسخ من بين ما قد تم تصنيفه سلفاً ..
ولا ما كدا ؟
|
Post: #9
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: بريمة محمد
Date: 12-31-2009, 10:33 AM
Parent: #4
تيسير
سلام ..
أخاف أنك تظلمى الريف السودانى فى هذا التوثيق .. البقارة فى غرب السودان وهم حوالى 2 مليون نسمة يستمعون للهدايين والحكامات .. وهنا بعض أسماء الحكامات .. الحكامة الشباية .. الحكامة حليمه الموس .. الحكامة العجاله تاور .. وهكذا .. هناك الكثير منهن.
الهدايين: أب دقاله، أب ضريعات، أم بارات، التابوخ .. هناك الكثير منهم ..
ولو مسكنا قبائل الأباله فى البطانه أو كردفان .. هناك منهم ناس التويا .. الجرارى، الحثيث ..
الطنبمور فى الشمالية ..
ودارفور والغرب والشرق .. وعييك يا تيسير ..
بريمة
|
Post: #37
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-01-2010, 11:01 AM
Parent: #9
هوي يا بريمة هامش ما معانا يعني هسي حكومات ومسؤولي السودان ديل من زمن الإنقليز ظالمين الريف السوداني بس بقت علي أنا ؟
يا زول أنا زاتي هامش وهامش ما بيتكلم عربي زاتو والكلام بالعربي في بلدنا عيب عديل ومع ذلك القائمة دي ما شملت أغاني الرطانة الدنقلاوية والمحسية والحلفاوية كما لم تشمل تراث الشايقية بتاع الطنبور ولا أغاني الحماسة والشكر الجعلية ولا غنا حكامات الغرب ولا الجنوب قول لي ليه يا بريمة؟ لأنو دي أغاني محلية خاصة بأصحاب المنطقة ما بنفع أشيل رطانتي الدنقلاوية دي وأمشي أغني بيها في بوادي كردفان ولا أشيل الطنبور وأمشي بيهو على الدينكا ولا أشيل غنا الشلك وأهازيجهم وأمشي بيها على الهدندوة ودي ما الوحدة ولا المواطنة القاصدنها المقصود يحتفظ كل أهل منطقة وقبيلة بتراثهم كحق وليس هبة وتفضل من أحد على أن يوجد هنالك ما يجمعهم بشكل قومي شاءت الظروف وعوامل التاريخ وحظنا العاثر أن يكون هذا الجامع القومي هو أغنية الوسط البتتغنى بالعربي البتخلي خليل فرح المحسي الماكان بعرف عربي نهائي يغني بيها وعبدالله دينق الجنوبي يغني بيها وعشة الفلاتية وأبو داؤود وعبد القادر سالم يغنوا بيها وإسحق الحلنقي يكتب بيها ليه عشان اللغة دي في الوقت داك هي اللغة الممكن يتفاهمو بيها مع بعض التراث المحلي يا بريمة قد استمتع بيهو بشكل عرضي وكنوع من الإحتفاء بالآخر لكن لما أجي أسمع وأنتقي بنتقي غناء قومي عندك أغاني وردي بتاعة الرطانة مثلاً أنا بسمعها وبفهمها وبحبها أيوة لكن ما بقدر أفرضها على زول تاني وأفرض عليهو إنو يستمتع بيها كمان
أغاني الوسط دي العملها منو؟ عملوها ناس الوسط براهم؟ أغاني الوسط إتعملت بمشاركة سودانيين ينحدرون من معظم مناطق السودان جمعت أعراق السودان المختلفة وحملت موسيقاهم وإيقاعاتهم وصهرتها كلها في بوتقة واحدة "أها هسي في داعي للكلام الكبار دا" وخرجت لينا في شكل أغاني بيحبها معظم السودانيين ..
ما تعقد الموضوع وخليك سوداااانيييي يا قول أنور كنق
|
Post: #31
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-01-2010, 09:46 AM
Parent: #4
أستاذنا القدير الموصلي ،،
سعيدة بمشاركتك فأنت من أهل الجلد والراس
Quote: لتيسير الامر علي الناس اقترح عليك الاتي ان تعيد الامر بطريقة التصنيف ياتيسير فقد حاول قبلك هنا الاستاذ بشري الفاضل وبرغم جمال الفكرة الا انها لم تبلغ مداها وفي اعتقادي ذلك بسبب التصنيف من الناحية الموسيقية من الصعب ان تقارني مثلا بين الاغنية الحديثة والحقيبة آو الاغنية الشعبية والحديثة او بينهن واغنية البوب السودانية علي طريقة شرحبيل ومجايليه لذا للتسهيل علي الناس اقترح انت تضعي الحقيبة ومانسميه بالاغنية الشعبية (الوسطية)في اطار واحد ثم الاغنيات الاقليمية الشعبية في اطار ثان ثم الحديثة والبوب السودانية في اطار ثالث وبرضو شايف نفسي مقصر لصعوبة الامر |
الغنا السوداني يا أستاذ موصلي ممكن يتصنف بألف طريقة وطريقة سواء حسب التطور المرحلي للأغنية السودانية عبر الحقب الزمنية ودا كلام مثقفاتية وأدباء ما بناباهو أو حسب التغيير الذي صاحب دخول الآلات الموسيقية بدءً من الدف ساكت مروراً بما إعتبر طفرة في ذلك الوقت وهو إدخال الكاشف للآلات الموسيقية وصولاً للأغنية بشكلها الحالي ودا كلام متخصصين في الموسيقى وبرضو ما بناباهو أو ممكن التصنيف يكون زي ما إتفضلت شعبية وحديثة وبوب أو حسب موضوع الغنا نفسو وطني عاطفي حماسي سيرة أو أو أو ولو قعدنا قلنا صعب معناها عمرنا ما حنصل لصيغة نهائية للتصنيف
بالنسبة لي فعلاً شعرت بصعوبة في البداية لكن وصلت لنتيجة إنو في أغنيات خالدة في ذاكرة هذا الشعب اللي ما كلو مثقف وأديب وما كلو متخصص في الموسيقى أنا عايزة أنقل إحساس المستمع العادي بالغنا بدون تصنيف ويمكن عشان كدا قصدت أنزل الأغاني بدون ترتيب حسب الأقدمية أو الأفضلية عايزة أوثق لأغنيات يكونوا مجموعة قاعدين في راس السنة مثلاً واحد فيهم بدا يدندن الناس بدت تغني معاهو أغنيات حبوها وحفظوها ممكن يغنوا في بنانك إزدهت الزهور (حقيبة) بعدين يغنوا الجريف واللوبيا(حديثة) ويغنوا بعديها بتقول مشتاق (جاز) دا كلو في قعدة واحدة وبدون ما يشعروا إنهم مشاترين أو إنهم دخلوا الغنا في بعض ولا ما مفروض يغنوا جاز لأنو القعدة حقيبة بس ..
دي فكرتي بكل بساطة يا ريت أكون قدرت أوصلها زي ما قصدتها
ومرحب بيك وبآرائك دايماً
|
Post: #147
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: هاشم محمد الحسن عبدالله
Date: 01-12-2010, 08:27 AM
Parent: #31
الأخت الرائعة تيسير وفقك الله فى هذا العمل الفنى الكبير وتحتاج لجهود ومعاونة من المختصين وبهذا الخصوص ارشح الفنان الموصلى والدكتور أحمد القرشى وغيرهم من مبدعى المنبر ، ليكونوا عونا لك فى هذا العمل الضخم ، مع تمنياتى لك بالتوفيق .
|
Post: #173
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-13-2010, 01:37 PM
Parent: #147
المحترم هاشم محمد الحسن ..
Quote: الأخت الرائعة تيسير وفقك الله فى هذا العمل الفنى الكبير وتحتاج لجهود ومعاونة من المختصين وبهذا الخصوص ارشح الفنان الموصلى والدكتور أحمد القرشى وغيرهم من مبدعى المنبر ، ليكونوا عونا لك فى هذا العمل الضخم ، مع تمنياتى لك بالتوفيق . |
أشكر كلامك الطيب
وأثني إقتراحك بخصوص أستاذ موصلي ود. قرشي ..
|
Post: #489
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: انس العاقب
Date: 03-11-2010, 12:08 PM
Parent: #4
الفكره ممتازه يا تيسير وأذكر أننى فى عام 1998 قررت ان أنفذ هذه الفكره إذاعيا وقدمت الأقتراح للسيد عوض جادين مدير الإذاعه وقتذاك وكانت فكرتى تتلخص فى إختيار أفضل 100 أغنية حديثه فى القرن العشرين بإستثناء أغنية الحقيبة لأسباب ومعايير أشار إليها الأستاذ يوسف الموصلى واعتبرت أن أغنية (عازه فى هواك) لخليل فرح عى التى تتصدر القائمه بلا أدنى شك لأسباب كثيره أهمها أن خليل فرح بتلحين اغنية (عازه فى هواك)إختزل عقدين من عمر أغنية الحقيبه وهى فى مهدها ليبشر بالأغنية الحديثه شكلا وموضوعا أجتمعت فيها كل الخصائص والمعايير التى يفترضاأن تتوافر فى الغناء الفنى Art Song فصارت أغنية (عازه) فى تقديرى هى ذاتها معيار إختيار لبقية ال99 أغنيه وكما أفاد الأستاذ الموصلى أن وضع كل أنماط الغناء فى سلة إختيار واحده يظلم الفكره بما سيربك تطبيق المعايير سيما فى نمط أغنيةالحقيبة ( مجازا) ونمط الأغنية الشعبية.... أعود واقول أن الأخ عوض جادين لم يتحمس للفكره لأننى كنت سأقدم تلك الأغنيات ال100 فى 100 سهره تضم كتابا ونقادا وموسيقيين وجمهورا محدودا نقوم فيه بتحليل الأغنية وأدائها بأشكال مختلفه(بالتوزيع وبالشكل التقليدى وبتحويلها إلى عمل موسيقى بحت )ثم إصدار 10 كتيبات (10 أغنيات ) لكل كتيب يحتوى على النص الشعرى والنوته الموسيقيه وتحليلات منتقاه لما قيل وكتب عن الأغنيه وأن يكون يوم 31 ديسمبر1999 هوأليوم المائه إحتفالا بالأغنيةالأولى عشية الإحتفال بأعياد الأستقلال وبخليل فرح وأغنية (عازه فى هواك ) الخالده... ولكن الفكره لم تجد أى إستجابه بل أمطرونى بما يشكك فى أمانة التصنيف وكعادتى أنا لاأحب الملاواه مع المتنفذين كبارا كانوا أم صغارا فاعتزلت الفكره وها أنت ياتيسير تتصدين لهافحمدت الله انها ماتزال على وميض وتشتعل شكرا ونحن معك ......(عمك أنس)
|
Post: #10
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: محمد المعتز جعفر
Date: 12-31-2009, 11:11 AM
Parent: #1
|
Post: #11
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 12-31-2009, 06:01 PM
Parent: #1
سنبدأ بأبو الغناء السوداني خليل أفندي فرح
ودرته الخالدة
(1) عازة في هـواك
كلمات وألحان وأداء: خليل فرح
|
Post: #13
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: زهير عثمان حمد
Date: 12-31-2009, 06:40 PM
Parent: #11
الاخت تيسير وضيوفها الكرام كل عام وانتم بخير أختيار يدل أن لك ذائقة راقية وحس فنان نحن في أنتظار المزيد ونسأل الله لهذه التجربة الكمال و معا لانجاز هذا العمل
|
Post: #15
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: حمور زيادة
Date: 12-31-2009, 07:16 PM
Parent: #13
بمعدل كسل تيسير .. و باخذ حرصها على الرد على المتداخلين في الاعتبار .. اقترح عليها تحويل اسم البوست الى : كلاسيكيات الغناء السوداني - أفضل أربعة أغاني في تاريخ السودان الحديث .. فالزمن حتى نهاية الربع الحالي لن يسمح لها بأكثر من ذلك.
ــــــــــ يا تايسا ياخ تعالي رشي سريع. يعلم الله مشتاقين. و قولي للنا مهدي اني قاطعتها خلاص و اتبريت منها
|
Post: #17
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: الشامي الحبر عبدالوهاب
Date: 12-31-2009, 07:30 PM
Parent: #15
الاستاذة تيسير تحياتي لك وللفكرة ومن مقدمة الموضوع يبدو انك انك قد اكملت الاستعداد لهذا المشروع الذي سيكون من المشاريع المميزة لهذا الربع وضربة البداية بخليل فرح تؤكد جدية الطرح ولكن مائة فقط لعمالقة الفن السوداني لا تكفي فالحقيبة وحدها كافية بالاستقلال عن هذا المشروع والتعامل معها منفردة لانها تملك نسبة 50في المائة زائد واحد واكتر كمان
|
Post: #70
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 06:21 AM
Parent: #17
الأخ المحترم الشامي عبد الوهاب ..
Quote: الاستاذة تيسير تحياتي لك وللفكرة ومن مقدمة الموضوع يبدو انك انك قد اكملت الاستعداد لهذا المشروع الذي سيكون من المشاريع المميزة لهذا الربع وضربة البداية بخليل فرح تؤكد جدية الطرح ولكن مائة فقط لعمالقة الفن السوداني لا تكفي فالحقيبة وحدها كافية بالاستقلال عن هذا المشروع والتعامل معها منفردة لانها تملك نسبة 50في المائة زائد واحد واكتر كمان |
يتخيل لي أكتر من مية الحكاية بتكون فاكة شوية والمعايير حا تكون فضفاضة وعموماً معظم عمليات التقييم البتخص الآداب والفنون وغيرها بنلقاها محصورة في 100 ومضاعفاتها (توب تن، توب توينتي، توب فيفتي، وتوب هندرد)
أتفق معاك حول أغنيات الحقيبة معظمها بيستحق يكون ضمن المية لكن عامل التكرار في الفكرة والمضمون واللحن وحتى بعض المفردات بيخلي البقاء للأفضل والمنافسة للأميز الحاجة التانية عشان ما نتحيز للحقيبة ونظلم الأغنيات الجات بعدها لأنو في أغنيات وللحقيقة أجمل من بعض أغنيات الحقيبة وتستحق إنها تنافس عن جدارة
|
Post: #69
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 06:05 AM
Parent: #15
Quote: بمعدل كسل تيسير .. و باخذ حرصها على الرد على المتداخلين في الاعتبار .. اقترح عليها تحويل اسم البوست الى : كلاسيكيات الغناء السوداني - أفضل أربعة أغاني في تاريخ السودان الحديث .. فالزمن حتى نهاية الربع الحالي لن يسمح لها بأكثر من ذلك |
أربعة زاتا كتيرة ..
Quote: يا تايسا ياخ تعالي رشي سريع. يعلم الله مشتاقين. و قولي للنا مهدي اني قاطعتها خلاص و اتبريت منها |
يعني أبل راسي
ـــــــــــــــــ نحن برضو مشتاقين اصالة عن نفسي ونيابةً عن لنا مهدي ..
|
Post: #16
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عوض محمد احمد
Date: 12-31-2009, 07:28 PM
Parent: #13
تيسر عووضة سلام و مودة
فكرة البوست لا شك انها اكثر من جيدة 1.ملاحظات الاستاذ الموصلى مهمة حيث سوف تكون المقارنة بين (نظائر) و حينها تكون المقارنة موضوعية 2. ملاحظة الاخ بريمة ايضا مهمة. و اذا لم يكن من اهدافك ادخال اغنيات الريف و (الربوع) و اغانى اهلنا فى الجنوب فلا باس فى ذلك و لكن حينها سوف نتحدث عن (اجمل 100 اغنية وسطية او ام درمانية) 3. ارى الا يتم التقيد الصارم بعدد معين. فلتكن مثلا 97 اغنية او 197 اغنية ما دام المعيار الجودة 4. يجب وضح معايير معينة للافضلية: هل هو التجديد فى الكلمة (تجربة مصطفى سيد احمد) ام فى ادخال لون لجنى جديد (شرحبيل احمد), ام فى شعبية الاغنية الجارفة؟
|
Post: #18
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 12-31-2009, 08:08 PM
Parent: #16
(2) كيف الحياة غير ليمك "نعيم الدنيا"
كلمات: عمر البنا ألحان: كرومة أداء: عبد العزيز محمد داؤود
|
Post: #19
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 12-31-2009, 08:29 PM
Parent: #18
(3) أنا يا طير
كلمات: عبيد عبد الرحمن ألحان وغناء: إبراهيم الكاشف
|
Post: #20
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 12-31-2009, 08:42 PM
Parent: #19
(4) جوهر صدر المحافل
كلمات: صالح عبد السيد "أبو صلاح" ألحان وغناء: كرومة
|
Post: #21
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 12-31-2009, 08:55 PM
Parent: #20
(5) يا الحرموني منك
كلمات وألحان: عبد الرحمن الريح أداء: حسن عطية
|
Post: #22
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 12-31-2009, 09:38 PM
Parent: #21
(6) يا حبيبي نحن إتلاقينا مرة
كلمات:السر قدور ألحان وأداء: العاقب محمد حسن
|
Post: #23
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 12-31-2009, 10:10 PM
Parent: #22
(7) حكايتي مع الملام
كلمات: الصادق ألياس ألحان وأداء: أحمد الجابري
|
Post: #74
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 11:06 AM
Parent: #16
سلامات يا د. عوض ..
Quote: فكرة البوست لا شك انها اكثر من جيدة 1.ملاحظات الاستاذ الموصلى مهمة حيث سوف تكون المقارنة بين (نظائر) و حينها تكون المقارنة موضوعية 2. ملاحظة الاخ بريمة ايضا مهمة. و اذا لم يكن من اهدافك ادخال اغنيات الريف و (الربوع) و اغانى اهلنا فى الجنوب فلا باس فى ذلك و لكن حينها سوف نتحدث عن (اجمل 100 اغنية وسطية او ام درمانية) 3. ارى الا يتم التقيد الصارم بعدد معين. فلتكن مثلا 97 اغنية او 197 اغنية ما دام المعيار الجودة 4. يجب وضح معايير معينة للافضلية: هل هو التجديد فى الكلمة (تجربة مصطفى سيد احمد) ام فى ادخال لون لجنى جديد (شرحبيل احمد), ام فى شعبية الاغنية الجارفة؟ |
ملاحظة أستاذنا الموصلي في محلها وأنا فعلاً إستفدت منها في مرحلة من مراحل التنقيح واللي تمت على أربعة مراحل ما كان في طريقة أفاضل بيها بين الأغنيات مالم تكون متناظرة لكن بعد إكتمال القائمة ما شايفة داعي أنزل الأغاني بنفس الترتيب الفاضلتها بيهو أو إني أحتفظ بيها مصنفة
بمعنى: قسمت تاريخ الغناء لتلاتة مراحل حسب الفترة الزمنية فترة أولى "حقيبة" فترة تانية فترة تالتة
بعدين حصرت فنانين وفنانات كل فترة على حدة بعدين حصرت أغنيات كل فنان بعدين فاضلت بين أغنيات الفنان نفسو وطلعت أميز وأجمل أغانيهو حتى لو ما كانت بحبها عشان أقدر أطلع أجمل أغنيات كل فترة
بعدين جيت مسكت الأغنيات الإخترتها عن كل فترة وفاضلت بينها لغاية ما نقصت العدد للمئة وطلعت القائمة بشكلها الحالي ولكن بدون ترتيب
يعني الأغاني الحاتلقوها في البوست دا هي زبدة الزبدة
معايير الأفضلية كانت الكلمة واللحن والأداء و شعبية الاغنية وإجماع الناس عليها "الإجماع دا قد يكون بسبب التجديد في الكلمة أو في اللحن أو لأي سبب آخر"
بالنسبة للنقطة 2 و3 في مداخلتك بتلقاني رديت عليهم ضمن ردود أخرى في هذا البوست
|
Post: #39
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-01-2010, 11:12 AM
Parent: #13
الأخ زهير ..
Quote: أختيار يدل أن لك ذائقة راقية وحس فنان نحن في أنتظار المزيد ونسأل الله لهذه التجربة الكمال و معا لانجاز هذا العمل |
معاً لإنجاز وإكمال هذا العمل
ومرحب بيك ..
|
Post: #24
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 12-31-2009, 10:40 PM
Parent: #11
عازة في هواك عازة نحن الجبال وللبخوض صفاك عازة نحن النبال عازة ما سليت وطن الجمال ولا إبتغيت بديل غير الكمال وقلبي لي سواك ما شفتو مال خذيني باليمين أنا راقد شمال عازة في الفؤاد سحرك حلال ونار هواك شفا وتيهك دلال ودمعي في هواك حلو كالزلال تزيدي كل يوم عظمة ازداد جلال عازة جسمي صار زي الخلال وحظي في الركاب صابو الكلال وقلبي لسه ما عرف الملال أظنه ود قبيل وكريم الخلال عازة ما نسيت جنــة بلال وملعب الشباب تحت الظلال ونحن كالزهور فوق التلال تشابي للنجوم وأنا ضافر الهلال عازة ما إشتهت نوم الحجال ولا السوار بكى في يمينا جال وعازة في الفريق لي ضيق مجال قبيلة بت قبيل ملأ الكون رجال عازة ما بنوم الليل محال وبحسب النجوم فوق الرحال خلقة الزاد كمل وأنا حالي حال متين أعود أشوف ظبياتنا الكحال عازة شفت كيف نهض العيال جددوا القديم تركوا الخيال روحك أم سماح سري كالسيال شجوا الفؤاد حيوا محسور الليال عازة في الفؤاد سحرك حلال ونار هواك شفا وتيهك دلال ودمعي في هواك حلو كالزلال تزيدى كل يوم عظمة ازداد جلال عازة في حذا الخرطوم قبال وعازة من جنان شمبات حبال وعازة لي ربوع ام در جبال وعازة في الفؤاد دوا يشفي الوبال عازة في هواك
|
Post: #25
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عزاز شامي
Date: 01-01-2010, 00:15 AM
Parent: #24
تايسا .... سوقي القطر ده براحتك ما تشتغلي بالمغرض حمور كلها يومين تلاتة يربطوه في كراع طربيزة في قهاوي الحسين
انا ما نازلة إلى في محطة الاغنية الأخيرة ...
|
Post: #26
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Elmuiz Haggaz
Date: 01-01-2010, 00:27 AM
Parent: #25
|
Post: #27
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Balla Musa
Date: 01-01-2010, 04:32 AM
Parent: #26
Quote: فالزمن حتى نهاية الربع الحالي لن يسمح لها بأكثر من ذلك. |
يسمع منك رب تيسير ياحمور.. حتى تصبح الوحدة جاذبة.. ويكون لدينا بوست وطنى.. يهزم إنفصال الشعبية زهرة بحرى وان شالا يهزم بحرى طراوة زاتو!
|
Post: #28
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Balla Musa
Date: 01-01-2010, 04:40 AM
Parent: #27
Quote: لمدة تزيد عن العامين ونصف قمت بتجميع مادة هذا البوست * |
الله المستعان يا تيسير حالتى دى قايلك معتكفه على حفظ القرآن وتجويده.. وكمان كنت عشمان فى بزوغ فجر قراية تامنة.
نقول شنو بس.. الله المستعان... الله المستعان!
|
Post: #29
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: osman righeem
Date: 01-01-2010, 08:24 AM
Parent: #28
كل العام و انت بخير
مجهود مقدر
كلاسيكيات الغناء السوداني - أفضل مائة أغنية في تاريخ السودان الحديث من وجهة نظر تيسير
كســــــــــرة:-
باركي لي لنا مهدي مقاطعة حمور مكسب في 2010
|
Post: #32
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: النذير حجازي
Date: 01-01-2010, 09:48 AM
Parent: #29
شكراً يا تيسير ويديك العافية على هذه المجهودات المقدرة والبوست الثر وعملت لي ملف فى جهازي لحفظ هذه الأغاني صوت وكتابة
بس عندي ملاحظة صغيرة على العنوان، بشوف فيهو حبة جهجهة شوية مابين كلاسيكيات وفى نفس الوقت حديثة
تقبل فائق تقديري وكل امتناني
|
Post: #36
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: ابو جهينة
Date: 01-01-2010, 10:49 AM
Parent: #32
تحياتي تيسير واصلي فهذا بوست العام
|
Post: #38
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: ود الخليفه
Date: 01-01-2010, 11:08 AM
Parent: #36
سلامي وتحياتي
امنياتي بالتوفيق في هذا البوست
لغاية الان الجميع متفق معك تقريبا رغما عن اختلاف الاذواق
لكن النبي فوقك
الاغنيه دي لازم تضاف انشاء الله رقم 101
التلاته بنات اللابسات تياب
شغلن قلبي لمن بص الرصيرص فات
http://www.youtube.com/watch?v=-bQlCLP4Qro&feature=related
|
Post: #40
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: أبو ساندرا
Date: 01-01-2010, 01:44 PM
Parent: #38
أهلآ تيسير مجهود كبير أرجو بل أتوقع أن يصادفه النجاح خاصة لو أخذتي بالملاحظات القيمة أعلاه زي كلام الموصلي
أغنيتان في رأيي وحسب أذني مكتملتان من ناحية النص واللحن والتوزيع الموسيقي والأداء هما : 1- الحزن القديم ، عمر الطيب الدوش 2- الطير المهاجر ، صلاح أحمد إبراهيم
وكلاهما من الحان وتوزيع وأداء العبقري محمد وردي
|
Post: #41
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عامر تيتاوى
Date: 01-01-2010, 01:58 PM
Parent: #40
تيسير موضوع قيم جدا واحيى فيك المثابرة على سبر اغوار الاغنيات افضل ما انتجه السودانيون
|
Post: #42
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: أبو ساندرا
Date: 01-01-2010, 03:35 PM
Parent: #41
تيسير فاتني أن أقول أن إختيارك ل ( عزة ) في الأول إختيار موفق
لكن تاني نرجع لكلام الموصلي زنميز بين الأغنية العاطفية والأغنية الوطنية والنشيد والملاحم وقبل ذلك أن نميز بين الأغنية الحديثة والأغنية الشعبية وأغنية الحقيبة
في العاطفي عملي وردي أعلاه في التوب وفي الأغنية الوطنية ( عزة ) في المقدمة تليها ( أعز مكان ) ثم ( الجمال والحب في بلادي ) في النشيد ،، تتنافس الملحمة ( قصة ثورة ) مع ( يقظة شعب ) مع ( أكتوبر الأخضر ) مع ( ياشعبآ لهبت ثوريتك ) مع ( طريق الجامعة ) مع ( راية الإستقلال ) ويلاحظ تفوق وردي في هذا المضمار ، كما تفوق في العاطفية
|
Post: #43
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Balla Musa
Date: 01-01-2010, 03:40 PM
Parent: #42
أبو ساندرا
بالله ما تأثر على سير العدالة وخلينا من حركات أنا سودانى ولا لن أحيد بتاعتك دى !
|
Post: #44
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: طارق جبريل
Date: 01-01-2010, 03:57 PM
Parent: #43
تيسير كيفنك ياخي
غايتو مرحبا يا شوق لي وردي وغلطة لي وردي وعويناتك لي ابو اللمين وبدون رسائل للجابري من بهاك لي صلاح ابن البادية وليه تقول ايامنا ضاعت وانتهينا لي عثمان حسين وخونك لي زيدان ديل برهن يخلن الزول يتبشتن رسمي ويدستر كمان
|
Post: #45
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: مدثر قرجاج
Date: 01-01-2010, 04:13 PM
Parent: #44
تيسير كل سنه وانت طيبه والله بوست جميل وانشالله بالتوفيق بس عندى ليك اضافه ظلت اغنية مرت الايام للشاعر مبارك المغربى وللمبدع ربنا يشفيه عبد الدافع عثمان تتصدر اجمل خمسه اغانى لمدة عشرين عام فى الاستفتاء الذى كان تجريه الاذاعة فى ذلك الزمن الجميل مودتى
Quote: في العاطفي عملي وردي أعلاه في التوب وفي الأغنية الوطنية ( عزة ) في المقدمة تليها ( أعز مكان ) ثم ( الجمال والحب في بلادي ) في النشيد ،، تتنافس الملحمة ( قصة ثورة ) مع ( يقظة شعب ) مع ( أكتوبر الأخضر ) مع ( ياشعبآ لهبت ثوريتك ) مع ( طريق الجامعة ) مع ( راية الإستقلال ) ويلاحظ تفوق وردي في هذا المضمار ، كما تفوق في العاطفية |
ابو ساندرا احتراماتى وكل سنه وانت طيب فى الاناشيد الوطنيه ترانى مختلف معك فى ماذهبت اليه لان قصة ثورة عليها اجماع غير عادى لحنا وكلمات واداء كورالى لم يكن له مثيل ... ثم اكتوبريات وردى فى المرتبه الثانيه بكل ذلك الضجيج الذى احدثته اما طريق الجامعه التى تغنى بها الرائع عبد الكريم الكابلى وصاغها لحنا عبد الله عربى متعه الله بالصحة ورغم جمال النشيد الا اننى استبعده من منافسة قصة ثورة لفوارق كبيره بينهم..... لك كل الود وسنه حلوة عليك
|
Post: #47
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: GamarBoBa
Date: 01-01-2010, 04:58 PM
Parent: #45
Quote: يا زول أنا زاتي هامش وهامش ما بيتكلم عربي زاتو والكلام بالعربي في بلدنا عيب عديل ومع ذلك القائمة دي ما شملت أغاني الرطانة الدنقلاوية والمحسية والحلفاوية كما لم تشمل تراث الشايقية بتاع الطنبور ولا أغاني الحماسة والشكر الجعلية ولا غنا حكامات الغرب ولا الجنوب قول لي ليه يا بريمة؟ لأنو دي أغاني محلية خاصة بأصحاب المنطقة ما بنفع أشيل رطانتي الدنقلاوية دي وأمشي أغني بيها في بوادي كردفان
|
طيب الأغنية الاولي بتاعة عزة ذاتا جاية من الهامش والأغنية الحديثة نفسها تعتمد علي ايقاعات الهامش السبب الخلي تصنيفك يعتمد علي أغاني امدرمان هي اذاعة امدرمان ومحاولة أن الاغنية السودانية هي صناعة امدرمانية وبوستيك بصب في نفس الخانة البتودي اغنيات الهامش التوج مع انها هي باقية والدليل اغنية امدرمان بدت للظهور قبل مئة سنة بس
ينفع جداَ انك تغني بالدنقلاوية في بوداي كردفان والناس تنطرب ليها لأنو الأغنية بتتكون من عناصر كثيرة منها اللحن والايقاع وبتجي بعد داك اللغة ومدي تمثيلها لقاعدة كبيرة من الناس لانو في اغنية اثيوبية اسمها ابباي شنو كدة بتطربني اكتر من الطار البغنوا بيه ديناصورات امدرمان اغنيات امدرمان نفسها لو شلنا منها حنين وهجرات ناس الهامش وقضاياهام ممكن تبقي فكرتها يا ليلي هوي بس
ملاحظة اخيرة اللغة البنتكلم بيها كمحس وحلفاويين ودناقلة لغة مكتوبة الآن وعندها حروف ..فما رطانة...زيها وزي العربي ولو لقت الإهتمام الكافي لبقيت وعبرت عننا كما يجب. لانو ببساطة أنا ممكن انطرب ويعبر عني حسين ألالا أكثر من فيروزنفسها
كل سنة وانتي طيبة وربنا يبلغ المقاصد
|
Post: #52
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-01-2010, 06:40 PM
Parent: #47
Quote: طيب الأغنية الاولي بتاعة عزة ذاتا جاية من الهامش والأغنية الحديثة نفسها تعتمد علي ايقاعات الهامش السبب الخلي تصنيفك يعتمد علي أغاني امدرمان هي اذاعة امدرمان ومحاولة أن الاغنية السودانية هي صناعة امدرمانية وبوستيك بصب في نفس الخانة البتودي اغنيات الهامش التوج مع انها هي باقية والدليل اغنية امدرمان بدت للظهور قبل مئة سنة بس |
لو رجعت لردي على بريمة بتلقاني كاتبة نفس كلامك دا إنو الأغنية الحديثة إعتمدت على موسيقى وإيقاعات المنحدرين من الهامش ونعم يا قمر بوبا الأغنية السودانية الحديثة صناعة أم درمانية لأنو أمدرمان في الفترة ديك ضمت الناس الهاجروا ليها من جميع بقاع السودان كلهم حملوا ثقافات مناطقهم وموسيقاهم وسكبوها في الأغنية الأمدرمانية الماعاجباك دي ! ونعم بوستي يصب في نفس الخانة ولكن لا تودي أغنيات الهامش التوج لأني حددت الفترة الزمنية الأنا عايزة أشتغل عليها وقلت تحديداً (تاريخ السودان الحديث) يعني المية عام الفاتت وحددت نوعية الأغاني العايزة أغطيها لو شعرت إنو الحاجة الإنت عايزها ما في البوست دا ممكن تفتح بوست تاني يغطي مواضيع إهتمامك !! الزول يجي يقول يا خوانا أنا عايزة أعمل rating للأغاني الفلانية في الفترة الفلانية تجوا تقولوا ليهو لالا غطي الحتات دي معاك ودا مالو مافي ودا مالو في؟ بالمنطق دا حتجي واحدة تقول لي وينا أغاني البنات واحد تاني يقول لي لماذا لم تشملي أغاني السيرة
Quote: ينفع جداَ انك تغني بالدنقلاوية في بوداي كردفان والناس تنطرب ليها لأنو الأغنية بتتكون من عناصر كثيرة منها اللحن والايقاع وبتجي بعد داك اللغة ومدي تمثيلها لقاعدة كبيرة من الناس لانو في اغنية اثيوبية اسمها ابباي شنو كدة بتطربني اكتر من الطار البغنوا بيه ديناصورات امدرمان اغنيات امدرمان نفسها لو شلنا منها حنين وهجرات ناس الهامش وقضاياهام ممكن تبقي فكرتها يا ليلي هوي بس
ملاحظة اخيرة اللغة البنتكلم بيها كمحس وحلفاويين ودناقلة لغة مكتوبة الآن وعندها حروف ..فما رطانة...زيها وزي العربي ولو لقت الإهتمام الكافي لبقيت وعبرت عننا كما يجب. لانو ببساطة أنا ممكن انطرب ويعبر عني حسين ألالا أكثر من فيروزنفسها |
قمر بوبا بصراحة شاعرة بيك بعدت كتير عن الحاجة الأنا قصدتها من البوست دا
نحن ما في حالات طرب قد تحدث وقد لا، نحن في حالات طرب حدثت أوريدي والناس إتفقت عليها ورسخت في وجدانها وأنا حبيت أوثق ليه ..
وكل سنة وإنت طيب
|
Post: #112
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-05-2010, 11:53 AM
Parent: #44
Quote: تيسير كيفنك ياخي
غايتو مرحبا يا شوق لي وردي وغلطة لي وردي وعويناتك لي ابو اللمين وبدون رسائل للجابري من بهاك لي صلاح ابن البادية وليه تقول ايامنا ضاعت وانتهينا لي عثمان حسين وخونك لي زيدان ديل برهن يخلن الزول يتبشتن رسمي ويدستر كمان |
ترشيحات راقية يا طارق وبالذات البي أحمر دي
طبعاً أكتر إتنين جهجهوني بالجد الجابري وعثمان حسين أغانيهم كلها جميلة ما تعرف تشيل شنو وتخلي شنو ..
|
Post: #46
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: محمد النيل
Date: 01-01-2010, 04:20 PM
Parent: #43
الاخت ذات الذوق الفنى الرفيع تيسير عووضة لقد نجحت فى انشاء بوست اعتقد ح ياخذ زمن طويل واحتمال يكون توثيقى كبوست الاخ ابو العزائم فى الصور الفوتغرافية الهامة بس انا واضع اغنية فى نفسى وبعتبرها اجمل اغنية سودانية على الاطلاق وما ح اتحدث عنها الا لاحقا ح اشوف انت والمهتمين ح تتطرقوا ليها ام لا وحتى الان لم تتطرقوا لها وح انزلها فى النهاية بس ارجو من الاخوة المتداخلين بعد اذنك طبعا انو اذا واحد فيكم نزل اغنية او فيديو ارجو انها ما تكون ذاتية التشغيل ما تكون( اوتوماتيك) واتركوا خيار التشغيل للقارئ رايكم شنو؟ تحياتى
|
Post: #48
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Elbagir Osman
Date: 01-01-2010, 05:04 PM
Parent: #46
بريمة
ما أوردته عن الحكامات والهدايين يهمني جدا
وكل فنون الثقافات السودانية
بما فيهم الدناقلة وغيرهم
إذا رأت تيسير مواصلة استبعادهم
- وفق سياسة الدولة وأجهزة إعلامها -
فأرجو منك يا بريمة أن تواصل المعلومات حول ما أوردت
في بوست آخر
وتثريه بنماذج مكتوبة وصوتية من إبداعاتهم
وأفضل أن يكون البوست مفتوحا لأبداعات السودانيين من كل مكان
الباقر موسى
|
Post: #49
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Elbagir Osman
Date: 01-01-2010, 05:07 PM
Parent: #48
لتيسير
ما تتحدثيه ليس رطانة
بل لغة نوبية
كلمة رطانة كلمة تحقيرية
الباقر
|
Post: #50
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-01-2010, 05:18 PM
Parent: #49
وطنا البي إسمك كتبنا ورطنا
أول مرة - في حياتي - أعرف إنو كلمة رطانة فيها تحقير !
|
Post: #51
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-01-2010, 05:32 PM
Parent: #48
الأستاذ الباقر عثمان ..
موضوع البوست محدد سلفاً على الأقل بالنسبة لي هذا لا يعني بالطبع عدم إهتمامي بالفنون الشعبية والفلكلورية
ذلك مبحث منفصل أتمنى أن أنجزه كما أنجزت هذا قبلاً ..
|
Post: #53
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-01-2010, 06:49 PM
Parent: #51
جميع الأعزاء المارديت عليهم فوق جاياكم واحد واحد إلى جانب مواصلة إنزال باقي الأغنيات
بس أعذروني الوقت ما مساعدني
لكم المودة جميعاً
|
Post: #54
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: حامد محمد حامد
Date: 01-01-2010, 09:58 PM
Parent: #53
الاخت تيسير شكرا على الجهد ولا تنسى الكابلى الرائع
|
Post: #55
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: محمد النيل
Date: 01-02-2010, 06:01 AM
Parent: #54
يا اخوانا عايزين فن نظيف بعيدا عن اى مفاهيم اخرى بس ح ارد على الحتة دى كلمة رطانة بالنسبة للنوبية ليس تحقير وانما مفهوم عام خاطئ شايع من غير سوء نية بين الناس الرطانة هى اى لغة غير مفهومة للاخرين حتى لو كانت عربى بالنسبة لغير الناطقين بها فما تزعلى يا نوبية انا زاتى نوبى اللغة النوبية لها كتابتها وكتب للتعليم وابتدأ المهتمون النوبيون ببعث كتابتها والان اصبح كتابتها متداولة حتى عبر النت والايميلات وفى بحث قوقل بس عن طريق الفيرفوكس ولها كيبورد وسوفت وير ويمكن تعليمها اونلاين. واذا صادف اى وا نزل اغنية بالنوبى هنا ممكن اترجمها ليكم لاحقا. بس خلونا مع كلاسيكيات ام درمان حاليا معليش للخروج بر شبكة البوست وفى انتظار بقية الاغانى وشكرا
|
Post: #56
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-02-2010, 07:56 AM
Parent: #55
(8) الحزن القديم
كلمات: عمر الطيب الدوش ألحان وأداء: محمد وردي
|
Post: #57
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-02-2010, 07:59 AM
Parent: #56
(9) طار قلبي
كلمات: محمد أحمد الجاغريو ألحان وأداء: أحمد المصطفى
|
Post: #58
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-02-2010, 08:01 AM
Parent: #57
(10) زاد الشجون
كلمات: فضل الله محمد ألحان وأداء: محمد الأمين
|
Post: #59
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-02-2010, 12:17 PM
Parent: #58
عازة في هواك - خليل فرح
|
Post: #60
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عبد السميع دفع الله
Date: 01-02-2010, 12:25 PM
Parent: #59
عبدالقادر
تحياتى
يوم البحيرة
كلمات : مبارك المغربى
غناء : عبدالدافع عثمان
ويوجد اداء رائع بحق : لأسرار بابكر
|
Post: #116
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-06-2010, 08:21 AM
Parent: #60
Quote: عبدالقادر
تحياتى
يوم البحيرة
كلمات : مبارك المغربى
غناء : عبدالدافع عثمان
ويوجد اداء رائع بحق : لأسرار بابكر |
يا عبد السميع شكلك شايل من إسمك ..
الأستاذ عبد الدافع عثمان مبدع حقيقي أرجو أن تقرأ تصحيح د. أحمد القرشي حول كاتب الأغنية
لك التحية ..
|
Post: #61
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-02-2010, 01:45 PM
Parent: #59
نعيم الدنيا
كيف الحياة غير ليمك من بعدك أصبح حظي زي لون هضليمك يا نعيم الدنيا
يا حليف الخدري التايه في نعيمك ما دام هاجرني أرسل لي نسيمك وأنعش لي روحي بندِّ جسيمك أو طيب المسك الفايح من تبسيمك
يا أماني حياتي البيك نور إقليمك يتمنى التبري يلمع كأديمك تشتاق الشمس تظفر بي ليمك تاخد من نورك تلثم في قديمك
يا فرع البانة المايل في خميلك من قامتو حبيبي متعلم ميلك يا البدر التم ما بتم تكميلك لو ما تجعل لي محبوبي زميلك
سيوف الهندي من لحظة عينك ليه بيها تصيبني إيه بيني وبينك غير كوني بريدك وحياة خدينك كف عني صدودك يا روحي وبينك
ليك حق في صدودك وتيهك وتدليلك ليك حق تهجرني ويكتر تعليلك ما دام فردي على جيلك تمتاز بالعفة المانعني أجيلك
مع صدك وهجرك لا زلت أريدك ومنام عيني بين حظوظ جيدك تيه بي نعيمك مولاي يزيدك ضيعت حياتي تسلم لي إيدك يا نعيم الدنيا
|
Post: #62
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-02-2010, 02:15 PM
Parent: #61
تيه بي نعيمك مولاي يزيدك .. ضيعت حياتي تسلم لي إيدك
نعيم الدنيا - أبو داؤود (أوركسترا)
|
Post: #63
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-02-2010, 02:30 PM
Parent: #61
أنا يا طير
أنا يا طير أنا ياطير بشوفك
فرحان وبتغني وحبيبك معاك وحبيبي غاب عني
أنا يا طير موله محزوناً لأني وحيد حبيبي غايب
و آه يا طير و تاني علي مصايب من أدهى الغرايب لي أقرب حبايب صدوا وبعدوا مني
أنا يا طير حبيبي للآلام تركني وبدلل عليّ وبالهجران هلكني
زعلان مني صدّ حبيبي زعلان زعلان مني صدّ وبي رايه إستبدّ إتناسى المودة وإعتاد التجني
ياريت كنت زيك لو يجدي التمني حبيبي يكون معاي
وفي الأشجار نقيّل وبالأغصان نميّل يا طير بخفة جناحك وحرية سراحك في الأفنان نغني
أنا يا طير محل ما تطير بشوفك أنا يا طير بشوفك
|
Post: #64
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-02-2010, 05:00 PM
Parent: #63
ياريت كنت زيك لو يجدي التمني
أنا يا طير - إبراهيم الكاشف ( أوركسترا)
|
Post: #67
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: معتصم دفع الله
Date: 01-02-2010, 06:15 PM
Parent: #64
تيسير .. كل سنة وأنتِ بألف خير .. جميل ما تقومين به .. فكرة البوست رائعة ولعمري هذا توثيق رائع .. الإختلاف في حد زاته يساعد على تجويد العمل وقد تأتي فكرة أخرى مثل ما تطرق له بعض الأخوان هنا مثل تضمين الأغنيات التراثية وغناء الريف .. ولا أحبذ الدخول في سيطرة الوسط على كل شئ في بلادي فهذا موضوع آخر وقد لا يحتاج لطويل شرح فالعين تراه مباشرةً .. على الأقل قد نتفق على الكثير من الأغنيات منذ الحقيبة ومروراً بالأغنية الحديثة ووجدت صدىً لدى الشعب السوداني ولامست وجدانه .. لذلك واصلي في عملك وأن نستفيد من الأراء التي ترد في سياق هذا البوست .. وحبذا لو ضمنت العمل كاملاً في رد واحد مثال ..
إسم الأغنية وشاعرها ثم كلماتها .. وتحتها تسجيل صوتي لها ..
يا ريت الواحد يلقى يده عشان يساهم في هذا البوست ..
|
Post: #65
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-02-2010, 05:23 PM
Parent: #63
جوهر صدر المحافل
يا جـوهـر صـدر المـحافـل روحـي معـاك تلـطفـيـلا
ما الـنور الـفي حـليـهو رافل في حُـق نـهدو قـلوبنا قافـل كالظـبي الفـي مـقـيلو غافل تـارة يميـل والتـانية جـافل وجـهو يــنور والبـدر آفـل فـوق للـبدر يزيــد نفـيلا
يــا النـور خـدك لاح مـقابل للـشعر الـطال لـيلو سـابل سـهـم لحـاظك ليـنا نـابل بـي كل شي دون هجري قابل ينسـب نـوحي عـلي البلابل وإنــتي القــمرة بتُنـسبيلا
ليك جوز عين نعسـان وكاحل خصراً يمـيّل وصـدرو راحـل لـي وجـداً لي جسـمي ناحل بـحر الشــوق مـاليه ساحل بيـني وبـين الـنوم مـراحل ويـن للطيــف أنا ألقى حيلة
الـفـرع الـبـتـّنـي راتـل طيرو ينوح في غصـونو حاتل وهـو نـديم لي فكـري شاتل الأسـد الـفي القيــد ينـاتل يـتـأكد مـاليـهـو كـاتـل غـير مكـحـول ظبـي النتيلة
ضاوي سـناك لي بريقو راسل لاح بـين عـنابتين عـواسـل صدرك يـرجح وكـتفو خـاتل رنـا طرفـك للسـيف يمـاثل بـيه يجــنـدل كل بـاسـل ساحـبة دغـس وخدود أسيلة
يا الـمـرنوع الـكـتفو هـادل في دروعو ولمـعـاصمو جادل أنـا سـاهر والـليـل سـادل شـرط الـحاكم يبــقي عادل لا أقــبل بـهـواك مـبـادل كيف أعشـق وأرضـى البديلة
أمـنـع طيفـك لي يـقـاتـل داخـل قلبي أنا لــيك مـنازل يالائــم لاتـبـقـي هازل أنا في الحـب لي روحـي باذل العـاشـق يـسـمع لي عاقل خلـّي نصيــحـتك عني زيلا
فوق الجـمـر و دمـعي باهل كيف نار تشــعل في مـناهل ضاق بي الكـون مع إنو ماهل نومي تصعّب ووجـدي سـاهل لو بي حـالة دهـري جـاهل في الأنجـم أســأل سـهـيلا
لـي طيـفك مالقــيت وسائل غير بسط النســمات رسـائل أغـرب شـي وأعـجب مسائل حلـم الصاحـي ودمـعو سائل لو شـكيـت في أمـري سائل الـبدريـن كـونـك مـثـيـلا
زايـد شـوقي ودمـعي هـامل جمر الحب لي جـسمي شـامل حتـي الطـيف لـي لا يـجامل مـع كـلاً مــا كــنت آمـل دمــي تحـننـي بيـه الأنامل هل يرضـيك كـدا ياجـمـيـلة
|
Post: #66
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-02-2010, 05:40 PM
Parent: #65
لـي طيـفك مالقــيت وسائل غير بسط النســمات رسـائل أغـرب شـي وأعـجب مسائل حلـم الصاحـي ودمـعو سائل
جوهر صدر المحافل - عبد الكريم عبد الله (كرومة)
|
Post: #68
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: معتصم دفع الله
Date: 01-02-2010, 06:46 PM
Parent: #66
Quote: خليل فرح
المولود في 1894 والمتوفى في 1932
ولد الخليل في قرية دبروسا بحلفا القديمة بين الحضارات العتيقة .. بدأ تعليمه في خلوة أحمد هاشم وحينما أراد الالتحاق بالمدرسة الوسطى اختير ليتعلم صنعة بمدرسة الصنائع بكلية غوردون لأن عمره كان أكبر من العمر المقرر .. ومنذ صغره كان يسمع الغناء والشعر في بيته وشارك في الرقص والطرب .. وفي مدرسة الصنائع التقى بالمثقفين والمهتمين بالشعر وكان مقرباً لهم .. وفي شبابه حاول أن يكتب الشعر بالعربي ولكن أحد أقربائه وهو محمد علي بدري حبب إليه الكتابة بالعامية .. كان يحب التنزه بالقارب في النيل وكانت ليالي الأنس والسمر في صاي قد أنبتت في روحه الأشواق والأحلام .. كان الخليل مرموقاً محترماً بين المجتمع السوداني وكان رؤسائه يصفونه بالمتمرد المعوق .. بدأ حياته مع المرض منذ فترة طويلة وكانت تهاجمه النزلات الشعبية التي غزت رئتيه فكان دائماً الذهاب للمستشفى كان متصلاً بجمعية اللواء الأبيض ولكنها كانت حذره في التعامل مع الذين يختلطون بالمجتمع أو السهر مع أصدقاء ليست لهم علاقة مع الجمعية وحتى الفتيات التي كان يلتقي بهن نفرن منه وتركنه وتوجس منه الرؤساء وعرفوا أنه على صلة بالحركات الوطنية .. ولما تمكن منه المرض نصحه أصدقائه بالذهاب لمصر والعلاج هناك ولكنه كان يحب حياته تلك وكان يحب بلاده وعاشق لفتاة كانت ترعاه فصبر على ذلك . كان يعرض أشعاره على أصدقائه ويشاركونه فهو يحيا بفنه مع الآخرين ويحيى بفنه الآخرون . مائه وخمسين جنيهاً هي كل ما حصده من العمل الحكومي سنة 1929م بعد أن استغنى عن خدماته ، بعدها استجاب لأصدقائه وذهب للقاهرة ودخل بواسطة إدريس بك خادم الملك فؤاد وهو من أقرب الأقربين إليه المستشفى للعلاج ويدبر له عملاً ولكن طابت للخليل ليالي القاهرة ورحل عن بيت خاله الملحق بسراي عابدين ليسكن مع أحمد الزبير بمنشية البكري ولعله القدر الذي جعله يقابل ابنة الجوهري الارمني التي نظم فيها قصيدة .. بين جنائن الشاطئ وبين قصور الروم حي زهرة روما وأبكي يا محروم .. ولاقت هذه القصيدة شهرة كبيرة وترجمت للانجليزية فقدم له الخواجة أرمان والد ماري بهدية ماليه قدرها خمسون جنيهاً من الذهب ولكن الخليل رفضها .. وهناك الكثير من عرائس شعره وردن على لسان الرواية العليم بأسرار شعره أحمد الزبير وكانت حبيبته الخالدة سكينة جاءت سيرتها في قصيدة فلق الصباح .. وجاء الخليل بلون جديد من الغناء فقد أدخل الغناء بالعود بعد أن كان الرق مسيطراً عليه في فترة العشرينات وكان الخليل يلحن أغنياته ويغنيها بصوته وترك للمغنين حرية تقديمها وقد عرف الغناء على يده بغناء الصالونات الذي يجمع الخاصة وهو غير غناء الحفل الذي يجمع العموم . وكانت شلته تتكون من الأصدقاء وزملاء العمل وهم في مجموعهم المتخرجين من كلية غوردون فكان له أثر في شعره وألحانه . فكانت عازه في هواك من أشهر الأغنيات السودانية الخالدة وهناك الكثير من أغنياته التي أصبحت إرث فني سوداني ..
عازه في هواك
عازه في هواك عازه نحن الجبال ولليخوض صفاك عازه نحن النبال عازه ما سليت وطن الجمال ولا ابتغيت بديل غير الكمال وقلبي لي سواك ما شفته مال خذيني باليمين أنا راقد شمال
عازه ما سليت جنة بلال وملعب الشباب تحت الظلال ونحن كالزهور فوق التلال تشابي للنجوم وأنا ضافر الهلال
عازه في الفؤاد سحرك حلال ونار هواك شفا وتيهك دلال ودمعي في هواك حلو كالزلال تزيدي كل يوم عظمة أزداد جلال
عازه جسمي صار زي الخلال وحظي في هواك صابو الكلالا وقلبي لسه ما عرف الملال لأنه ود قبيل وكريم الخلال
عازه ما شكت مر الحجال ولا السوار بكى وفي يمنها جال وعازه في الفريق للطيق مجال قبيلة بت قبيل ملأ الكون رجال
وعازه في ربوع أم در شمال عازه في حذا الخرطوم قبال وعازه من جنان شمبات حبال وعازه في الفؤاد دوى يشفي الوبال |
دي نبذة عن خليل فرح إقتبستها من كتاب ( حقيبة الفن شعراء وفنانون ) للأستاذ السر قدور .. وهذا هو البوست الذي وردت فيه ما بين زول ساكت وصـديق المـوج تــيه وإتـاكا ..
|
Post: #71
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: محمد زكريا
Date: 01-03-2010, 08:04 AM
Parent: #68
b]Quote: هي محاولة متواضعة مني لتعلية مقام إبداعاتنا ومبدعينا أهل الإختصاص في بلادنا ما فاضين للفارغة دي لديهم ما هو أهم من ذلك، وطموحاتهم الشخصية أولى لهم فأولى ..
ولكنهم يتناسون أن الأمم الفنون "ما بقيت" فإن هم ذهبت فنونهم .. ذهبوا ! |
هي محاوله قيمه منك بلا شك ومتواضعه فعلا وفقيره الي حد ما من تقصدين باهل الاختصاص؟؟....واي فارغه؟؟ ===== الاخت تيسير احييك اولا علي القيام بفتح بوست يهتم بالتوثيق والتقييملافضل مائه اغنيه في تاريخ السودان الحديث وفي ذلك لمسئوليه ضخمه ....وياه من عنوان بوست ضخم..ايضا اخت تيسير عووضه اكون واضح وصريح معك الرأي في امر هذا البوست اذا كنت فعلا تحاولين الوصول الي تعليه مقام ابداعاتنا ومبدعينا فليست بهذه الطريقه تسطر الاشياء لتكون في التاريخ.. ولا انكر جديه ونبل وهمه مقصدك من هذا البوست الذي اراه هنا هو فقط اختيارك لاغانيك المفضله وليس تقييما للارث الغنائي السوداني وهو تقسيم من نظره شخصيه بمفهوم متواضع عن كيفيه تصنيف الاغنيات وتقييمها, وهي اشبه بسرد مزاجي علي نمط فنانك المفضل وشاعرك المفضل كما يدون في بروفايلات الاعضاء بالمنبر ذلك لا يعطي القيمه المرجوه كماعنون لها في موضوع الغرض من هذا البوست... حقيقه انا لا اقف ضد تقييمك ومحاولتك في تدوين تاريخ كلاسيكيات الغناء السوداني وحصرها او اختصارها في مائه عمل موسيقي ان كان لشيء يخصك والسلام, وانمالكونك تقومين بطرح امر اعتبره بغايه الاهميه ولم يستوفي الحق الكامل في كيفيه التعامل معه في طرحك. حتي بخلاف التاريخ واشكاليه تحميله حمل معلومه قد تكون خاطئه فان ابسط طرق التصنيف واختيار الافضل في مجال الاغنيه يشترك فيه مستمعون مختلفي التذوق, ومن المتعارف عليه ان ذلك يكون في شكل ترشيح يشارك فيه كل المستمعين و(المختصين) وذلك الذي اخترتيه لم يكن تصويتاعلي الاقل ليس لكل السودانين ات فرصه المساهمه فيه حتي نثمن علي انك علي حق ونشهد علي صحه رائ من يقل هذه هي افضل مائه اغنيه في تاريخ السودان الحديث وفي كم من السنين حينها تكوني فعلا وضعت تاريخا صحيح. ====== انا اشجعك ان تمضي في سرد الاغنيات ولكن اتي الينا بكيفيه التقييم والتحليل وان كان ينقصك الدرايه بالكيفيه ف(المتخصصين) هنا كثر وسيساعدونك حتماان شئت. اعتقد انك بهذه الطريقه تطرحين ما تعتقدينه وتفضلينه انت فقط تلكم الافضل مائه اغنيه ثم تنسبينه للتاريخ..؟ والاجدر ان ترشحي ما تفضلي فقط وتتركي جزء حق التقييم للمتذوقين و(المتخصصين) في مجال الموسيقي والشعر والغناء ثم اكتبيه كمرجع يؤرخ المؤرخين به لافضل مائه عمل مقييم كنتاج من كم الاعمال الغنائيه المرشحه ان امكن الاختيار والترشيح =====
كماارجوك المواصله في طرح ترشيحاتك للاعمال التي قد تكون ضمن افضل مائه عمل كلاسيكي في تاريخ الغناء السوداني وحتما سنعود لندفع بالبوست الي الامام
تحياتي
مورتون
|
Post: #72
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: dardiri satti
Date: 01-03-2010, 10:21 AM
Parent: #71
أستاذتي ، دا مجهود رائع وعظيم وخدمة كبيرة للفن الغنائي السوداني. ياريت نرفع العدد عشان يكون ""أفضل ألف اغنية"" حتى لانظلم عدد كبير من الأغاني. أضيفي مني : أجراس المعبد ، فهي لقاء قمة بين برعي وأبو داؤود وحسين عثمان منصور.
Quote: (5) يا الحرموني منك
كلمات وألحان: عبد الرحمن الريح أداء: حسن عطية |
أنا كنت بفتكر إنه أغنية""حرمان"" دي، و""إنت حياتي"" و""حبيب عمري""
من كلمات طه حمدتو
أرجو تصحيحي إن كنت مخطئاً.
تحياتي
|
Post: #73
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: شول اشوانق دينق
Date: 01-03-2010, 10:35 AM
Parent: #72
بوست شحمان جداً يا تيسير
|
Post: #75
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 11:27 AM
Parent: #73
مورتون دقيقة دقيقة
أهل الإختصاص والفارغة ديل نهائي ما مقصود بيهم أهل الفن مقصود بيهم القائمين على أمر التوثيق والتكريم والمحافظة على إرث بلادنا الفني خصوصاً والثقافي عموماً بين قوسين ناس الحيكومة
أهل الفن ما في زول طالب منهم توثيق أهل الفن ديل يبدعوا وبس والدولة هي المفروض تحفظ إبداعهم
عشان ما تمشي لبعيد
باقي مداخلتك سأرد عليها لاحقاً وإن كان الرد عليها موجود بين طيات هذا البوست "راجع ردي على عوض محمد أحمد لو حبيت"
تحياتي يا فنان وما تزعل ياخي
|
Post: #121
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-08-2010, 01:50 PM
Parent: #73
الريّس شول ..
تسلم يا سيدي وخليك متابع معانا
|
Post: #120
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-08-2010, 01:47 PM
Parent: #72
الأستاذ درديري ساتي ..
Quote: أستاذتي ، دا مجهود رائع وعظيم وخدمة كبيرة للفن الغنائي السوداني. ياريت نرفع العدد عشان يكون ""أفضل ألف اغنية"" حتى لانظلم عدد كبير من الأغاني. أضيفي مني : أجراس المعبد ، فهي لقاء قمة بين برعي وأبو داؤود وحسين عثمان منصور. |
أنا لو علي أي غنية إتغنت في تاريخ الغناء بتستحق إنها تكون هنا غنانا ما ساهل وما في زول من الكانوا بيغنوا ديل ساهل
بس حبينا نخلّد أفضل الأفضلين ..
وأجراس المعبد من روائع أبو داؤود بالطبع ..
|
Post: #115
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-06-2010, 07:50 AM
Parent: #54
المحترم حامد محمد حامد ..
Quote: الاخت تيسير شكرا على الجهد ولا تنسى الكابلى الرائع |
معقولة بس
|
Post: #114
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-06-2010, 07:41 AM
Parent: #46
المحترم محمد النيل ..
Quote: الاخت ذات الذوق الفنى الرفيع تيسير عووضة لقد نجحت فى انشاء بوست اعتقد ح ياخذ زمن طويل واحتمال يكون توثيقى كبوست الاخ ابو العزائم فى الصور الفوتغرافية الهامة بس انا واضع اغنية فى نفسى وبعتبرها اجمل اغنية سودانية على الاطلاق وما ح اتحدث عنها الا لاحقا ح اشوف انت والمهتمين ح تتطرقوا ليها ام لا وحتى الان لم تتطرقوا لها وح انزلها فى النهاية بس ارجو من الاخوة المتداخلين بعد اذنك طبعا انو اذا واحد فيكم نزل اغنية او فيديو ارجو انها ما تكون ذاتية التشغيل ما تكون( اوتوماتيك) واتركوا خيار التشغيل للقارئ رايكم شنو؟ تحياتى |
مرحب بيك معانا ويا ريت البوست يكون خفيف على آذانكم وأذواقكم ويحقق الهدف المقصود وأتمنى تلقى أغنيتك المفضلة ضمن أغنيات هذا البوست حتى لو كانت آخر واحدة
تابع معانا ..
|
Post: #83
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 01:19 PM
Parent: #42
العزيز أبو ساندرا ..
Quote: أهلآ تيسير مجهود كبير أرجو بل أتوقع أن يصادفه النجاح خاصة لو أخذتي بالملاحظات القيمة أعلاه زي كلام الموصلي
أغنيتان في رأيي وحسب أذني مكتملتان من ناحية النص واللحن والتوزيع الموسيقي والأداء هما : 1- الحزن القديم ، عمر الطيب الدوش 2- الطير المهاجر ، صلاح أحمد إبراهيم
وكلاهما من الحان وتوزيع وأداء العبقري محمد وردي |
الغنيتين ديل لو القائمة ما شملتهم معناها مفروض تقطع لي إضنيني الإتنين لأنهم ساعتها حا كونوا قاعدين منظر ساي في راسي ..
Quote: فاتني أن أقول أن إختيارك ل ( عزة ) في الأول إختيار موفق
لكن تاني نرجع لكلام الموصلي زنميز بين الأغنية العاطفية والأغنية الوطنية والنشيد والملاحم وقبل ذلك أن نميز بين الأغنية الحديثة والأغنية الشعبية وأغنية الحقيبة
في العاطفي عملي وردي أعلاه في التوب وفي الأغنية الوطنية ( عزة ) في المقدمة تليها ( أعز مكان ) ثم ( الجمال والحب في بلادي ) في النشيد ،، تتنافس الملحمة ( قصة ثورة ) مع ( يقظة شعب ) مع ( أكتوبر الأخضر ) مع ( ياشعبآ لهبت ثوريتك ) مع ( طريق الجامعة ) مع ( راية الإستقلال ) ويلاحظ تفوق وردي في هذا المضمار ، كما تفوق في العاطفية |
كلام أستاذنا الموصلي ومسألة التصنيف أنا إتطرقت ليها فوق في أكتر من تلاتة مداخلات
أنا إعتمدت التصنيف أثناء عملية الفرز والمفاضلة لكن لما أجي أنزلهم حا أنزلهم بدون تصنيف وبدون ترتيب، وما تخليني أكشف ورقي () وأقول ليك القصة دي أنا عملتها في إكسل شيت كبيييرة فيها ما لا يقل عن 1500 أغنية كل فنان عندو عمود براهو الأغاني الوطنية كلها عمود براها الحقيبة كلها عمود براها وهكذا ....
جزء من الأغاني الوطنية الإنت رشحتها دي داخل معانا بالإضافة لأخريات إنت ما ذكرتهم ..
تسلم يا بركة ..
|
Post: #111
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-05-2010, 11:38 AM
Parent: #41
عامر تيتاوي
Quote: تيسير موضوع قيم جدا واحيى فيك المثابرة على سبر اغوار الاغنيات افضل ما انتجه السودانيون |
الغُنا سر الوجود يا قول فيروز ..
|
Post: #82
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 01:00 PM
Parent: #38
Quote: سلامي وتحياتي
امنياتي بالتوفيق في هذا البوست
لغاية الان الجميع متفق معك تقريبا رغما عن اختلاف الاذواق
لكن النبي فوقك
الاغنيه دي لازم تضاف انشاء الله رقم 101
التلاته بنات اللابسات تياب
شغلن قلبي لمن بص الرصيرص فات |
ود الخليفة
غنيتك دي عاجبة أبوي ما يقوم يسمعك نضطر نزيح واحدة من الأغاني عشان خاطر بص الرصيرص حقكم دا وبعدين تعال الغنية دي بتدعو للتعدد في زول قلبو ينشغل بي تلاتة بنات حتة واحدة لامن البص يفوتو؟
عشان كدا قلنا ناس الجمري وخلف الله حمد ديل في بوست براهم
|
Post: #81
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 12:51 PM
Parent: #36
Quote: تحياتي تيسير واصلي فهذا بوست العام |
خليك معانا يا أبو جهينة
إحتراماتي ،،
|
Post: #80
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 12:46 PM
Parent: #32
النذير حجازي ..
Quote: شكراً يا تيسير ويديك العافية على هذه المجهودات المقدرة والبوست الثر وعملت لي ملف فى جهازي لحفظ هذه الأغاني صوت وكتابة
بس عندي ملاحظة صغيرة على العنوان، بشوف فيهو حبة جهجهة شوية مابين كلاسيكيات وفى نفس الوقت حديثة
تقبل فائق تقديري وكل امتناني |
كلاسيكيات دي مقصود بيها الأغاني والحديث دا مقصود بيهو المئة عام الأخيرة من تاريخ السودان ودا حسب تصنيف المؤرخين
يعني الحديث بتاعة السودان ما ليها علاقة أو ما بتنفي كلاسيكية الأغاني
|
Post: #79
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 12:37 PM
Parent: #29
Quote: كل العام و انت بخير
مجهود مقدر
كلاسيكيات الغناء السوداني - أفضل مائة أغنية في تاريخ السودان الحديث من وجهة نظر تيسير |
ممكن تقول كدا رغم إني لا أنفي وجود كم مقدر من الأغنيات في القائمة لا أحبها ولا أحب مغنيها لكن الناس تقريباً متفقين عليها كلمات ولحن وأداء فبقوم أضيفها للقائمة ..
Quote: كســــــــــرة:-
باركي لي لنا مهدي مقاطعة حمور مكسب في 2010 |
هو حمور مالو بقى زي الدنمارك ؟
|
Post: #577
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: lana mahdi
Date: 11-08-2010, 11:29 AM
Parent: #79
Quote: كســــــــــرة:-
باركي لي لنا مهدي مقاطعة حمور مكسب في 2010 |
سجم خشمي حمور مقاطعني وما أعرف إلا آخر السنة؟ لاكين هو ما مقاطعني يا حاقدين(:(:(:(:(:(:(:(:(:
|
Post: #77
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 12:21 PM
Parent: #27
Quote: يسمع منك رب تيسير ياحمور.. حتى تصبح الوحدة جاذبة.. ويكون لدينا بوست وطنى.. يهزم إنفصال الشعبية زهرة بحرى وان شالا يهزم بحرى طراوة زاتو! |
بلة يا بلة
أنا زاتي قلت كدا
الغريبة لا الخرطوم ولا أمدرمان ما لقوا ليهم وجيع يعمل ليهم بوستات ملحمية زي دي
وخلي بالك: ملحمية دي ما ليها أي علاقة بي جزارة عمك الطيب أو شابه ..
|
Post: #78
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 12:28 PM
Parent: #77
Quote: الله المستعان يا تيسير حالتى دى قايلك معتكفه على حفظ القرآن وتجويده.. وكمان كنت عشمان فى بزوغ فجر قراية تامنة.
نقول شنو بس.. الله المستعان... الله المستعان! |
كدي خليك من القراية التامنة الستة الباقيات وينن
الله المستعان .. الله المستعان
|
Post: #76
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 12:13 PM
Parent: #25
Quote: تايسا .... سوقي القطر ده براحتك ما تشتغلي بالمغرض حمور كلها يومين تلاتة يربطوه في كراع طربيزة في قهاوي الحسين
انا ما نازلة إلى في محطة الاغنية الأخيرة ... |
عزوز ..
هو المغرض دا باللاي لسه ما ربطوهو مغرض خارج السرب
يا زولة ما تنزلي عارفاك النوع البنووووم يصحوهو آخر محطة
سايقا صلاح سايقا صلاح كما تقول المبدعة نجاة غرزة
|
Post: #84
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: مدثر قرجاج
Date: 01-03-2010, 02:40 PM
Parent: #76
تيسير احترماتى عندى سؤال مهم المائة اغنيه ديل حسب الترتيب ولا مامرتبه .. بعدين ياتيسير نحن على مشارف الاغنيه العاشره ولم نرى اغنيه واحده لى عثمان حسين وهو الملك الملاحظه التانيه انا بعتبر اغنية انا ياطير اختيار غير موفق اذا ماقورنت باغنيات الكاشف الاخرى الكاشف لديه من الدرر مايجعل انا ياطير تأتى فى المؤخرة ..... مودتى
|
Post: #85
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Ahmed al Qurashi
Date: 01-03-2010, 04:30 PM
Parent: #84
السلام عليكم
Quote: يوم البحيرة
كلمات : مبارك المغربى
غناء : عبدالدافع عثمان |
هذه الاغنية من كلمات الشاعر على احمد باكثير
Quote: كلمات: محمد أحمد الجاغريو ألحان وأداء: أحمد المصطفى |
اللحن لاحمد محمد الشيخ الجاغريو وليس لاحمد المصطفى
Quote: أنا كنت بفتكر إنه أغنية""حرمان"" دي، و""إنت حياتي"" و""حبيب عمري""
من كلمات طه حمدتو |
حبيب عمرى فقط هى من كلمات الشاعر طه حمدتو ومن اشهر اغانيه الوسيم لاحمد المصطفى
الاخت العزيزة / تيسير
لك التحية
قبل سنوات كنت استمع الى الاستاذ محمود ابو العزائم فى برنامج تلفزيزنى كان هو احد ضيوفه ، ولقد قال انهم اجتمعوا قرابة العشرين شخصا ، من بينهم جمال محمد احمد وعلى المك ومنصور خالد وغيرهم، ولقد قرروا اختيار اجمل مائة اغنية سودانية على ان يكتب كل منهم اختياراته بالترتيب ، وكانت المفاجأة ان العشرين قد كتبوا اغنية مرت الايام للشاعر مبارك المغربى وغناء عبدالدافع عثمان ضمن العشرة الاوائل ، فقط الاختلاف كان فى الترتيب فبعضهم وضعهاالاولى والبعض الاخر فى ترتيب مختلف ، ولكن المهم هى الاغنية التى اتفق عليهاالجميع ضمن العشرة الاوائل . وحتى الان تخلوا قائمتك من هذه الاغنية والتى تغنى بها بالاضافة لعبدالدافع عثمان مصطفى سيداحمد وحمد الريح . مودتى
|
Post: #86
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 01-03-2010, 05:21 PM
Parent: #85
هذه الصخرة العاقب محمد حسن
الذكريات عثمان الشفيع
بتتغير صالح الضي
الاماني العذبة خليل اسماعيل
بعد الغياب صلاح مصطفي
نحن حافظين لودادك ام بلينة السنوسي
|
Post: #87
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-03-2010, 06:02 PM
Parent: #86
الأغاني الواردة في هذا البوست ليست مرتبة سداً للذرائع لذا لزم التنويه يمكن مراجعة بعض المداخلات التي وردت ضمن هذا البوست لمعرفة كيف تمت عملية الحصر والفرز بالتفصيل نشفتوا ريقي بي تكرار الكلام
|
Post: #88
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: أحمد الشايقي
Date: 01-03-2010, 06:26 PM
Parent: #87
Quote: لمدة تزيد عن العامين ونصف قمت بتجميع مادة هذا البوست * بدايةً بحصر جميع أو معظم مغنيي ومغنيات السودان في المئة عام الأخيرة ثم حصر أغنيات كل مغني على حدة وتتبعها كتابةً ولحناً وأداء ثم تحديد أكثر أغنية/أغنيات مميزة لذلك المغني وأكثرها رسوخاً في ذاكرتنا الجماعية وتأثيراً على الوجدان بإختصار، أغاني يتفق الغالبية عليها على أن تضم أغنيات عاطفية ووطنية لمغنيين ومغنيات من معظم مناطق و أعراق السودان
|
شكرا يا تايسـا, مجهود مقدر وإضافة ثقافية جيدة,
أحمد الشايقي
|
Post: #89
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Adil Ali
Date: 01-03-2010, 07:41 PM
Parent: #88
Quote: نشفتوا ريقي بي تكرار الكلام |
شكرا يا تيسير .... مجهود مقدّر وفكرة جميلة وذوق رفيع....لكن ذوق دي حا يكون فيها كلام كتير جدا في البوست لي قدام عندما يبدأ النقاش حول معايير تحديد (افضل) 100 أغنية. بعدين الظاهر إنه ريقك حا يكون ناشف لحدى الأغنية الميّة.... وبعد الأغنية الـ100 حا تشوفي نشاف ريق من نوع يتعلق في الأساس بالـrating وما أدراك ما الـrating. انا زااااااتي حا أغالتك في ليييه دي افضل وديك ما أفضل، بس منتظر لحدي ما تصلي 100... شيلي شيلتك!
(بالجد) بوست مفيد في زمن لم نعد نقرأ فيه المفيد إلا لماما في سودانيزاونلاين. شكرا تاني يا تيسير،
|
Post: #90
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: أحمد طراوه
Date: 01-03-2010, 08:40 PM
Parent: #89
.. لازم يا تيسير تلقى خانة لاغنية كردفان الإستثنائية البتقول:
زولا سرب سربا .. و خلى الجبال غربا ( التوطين السوداني الغير عروبي لتفعيلة بحر المتدارك - الا فراهيدي - في ديار ناس بريمة ) القيمة التاريخية للأغنية تكمن في إتساق و تكامل موازير ايقاع الجراري (وهو كما الهسيس ايقاع حنجرة ) مع السلم الموسيقي الخماسي للوسط النيلي و فيها البت الفنجرية الحليوة بتقول:
يا يمة خليني .. الجراري راجيني
عبد الرحمن عبد الله ذلك (البلوم) المغرد
|
Post: #91
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Rawia
Date: 01-03-2010, 09:12 PM
Parent: #90
ممكن اهدي؟
_______ مبروك ياخ
|
Post: #92
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: مدثر قرجاج
Date: 01-03-2010, 09:46 PM
Parent: #91
Quote: الأغاني الواردة في هذا البوست ليست مرتبة سداً للذرائع لذا لزم التنويه
|
رغم جمال البوست واهمية الموضوع لكن تسلسل الاغانى بالترتيب هو اهم شى باعتبار انها حسب حديثك التوب 100 لذلك وجب الترتيب... ورغم استمتاعى بالبوست الا ان هناك الكثير من الاغانى الوارده اعلاه لاتستحق ان تخش سباق ال100 واخشى ان تنتهى المائة اغنيه دون ان تكون متضمنه اغانى فخيمه وتاريخية وتنطبق عليها كل المعايير السالفة الذكر لذلك اتمنى ان يكون الاختيار موفق لان الكلاسيكيات لاحصر ولاعد لها ومعظمها جميله جدا وعندما نختار منها مائة اغنيه هو امر صعب صعب جدا
|
Post: #93
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 01-04-2010, 09:08 AM
Parent: #92
لحن الحياة عثمان الشقيع
روضتي الغناء الكاشف
العيون السوداء صلاح احمد عيسي
فقدت حبيب الملهمة عازف الاوتار التاج مصطفي
هوي المحبوب الخير عثمان
قلبي الماسور محجوب عثمان
|
Post: #94
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: معتصم دفع الله
Date: 01-04-2010, 03:49 PM
Parent: #93
هنالك بعض الأغنيات كلمات ولحن وأداء لا يمكن تجاوزها ..
- الود .. عمر الطيب الدوش .. وردي .. - زاد الشجون .. فضل الله محمد .. وداللمين .. - ضنين الوعد .. صديق مدثر .. الكابلي .. - الطير المهاجر .. صلاح أحمد إبراهيم .. وردي ..
أغنية عم عبدالرحيم للشاعر محمد الحسن سالم حميد وغناء الراحل مصطفى سيدأحمد من وجهة نظري ملحمة إبداعية متكاملة بكل ما تحمل الكلمة من معنى ..
واصلي يا تيسير مالك إنقطعتي لعل المانع خير ..
|
Post: #95
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عبد السميع دفع الله
Date: 01-04-2010, 03:58 PM
Parent: #94
تيسير
مبروووووك
وما شاء
الله شايف البوست راشح رشح تقيل وجاب فطاحـلة وخبراء
والتحية للرائع سنيرنا(احمد طراوة) وللانيق معتصم دفع الله (هو مش اخويا بس فى حبة ملامح وتشابه فى اسم الوالد )
ايه رأيك يا تيسير
فى كلام احمد طــــــــراوة بتاع الاغانى الكردفانية وانا عاجبانى اغنية
راقصيى التووويا .........كلموووولى ابويا عشان ارووووح الدونكى اجيبلى حبة موية
واعتقد ان الاغنية رائعة وكلماتها ولا اروع وعبرة جدا و كمان وحبة موية
دى تقريبا بتتحدث عن مشكلة العطش فى كردفان ولكن من يسمع
مودتى
|
Post: #96
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-04-2010, 08:04 PM
Parent: #95
يا أحباب ..
أعذروني على الغياب الساقية لسة مدورة
جاياكم كلكم بالرد الرد السد السد
ـــــــــــــ ترحيب كبير جداً بالمخضرمين د. أحمد القرشي ود. أحمد طراوة أصحاب المعرفة الموسوعية بالغُنا ودروبو
وكدا نحن يا دوب إبتدينا
|
Post: #97
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: نجوان
Date: 01-04-2010, 08:24 PM
Parent: #96
يا سلام عليك يا تيسير!! .. مجهود توثيقي كبير وقيّم جدا..
متابعين وألف شكر ليك..
|
Post: #98
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عاطف ابراهيم
Date: 01-04-2010, 08:30 PM
Parent: #96
وزيدان ابراهيم دا مالو هاكم \ ليه ترضي امتهاني وعدت يا عيدي بدون زهور \ في الليله ديك د فراش القاش \ ويكفي البلابل رجعنالك وكابلي اغنية كسلا وعيييييييييك الخالدي والامان لرمضان حسن والشوق والريد للكاشف ومين في الاحبة لشرحبيل وانا ليتني زهر لرمضان زايد وبتتعلم من الايام لمحمد الامين \وجبل مرة لخليل اسماعيل ومعاهاقبل ميعادنا بي ساعتين وعليكم الله من هنا لي باكر ممكن اقعد اذكر ليكم في الاغاني السودانية لمن تزهجوا وبرضو لسع بدري
|
Post: #168
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-13-2010, 12:49 PM
Parent: #98
عاطف إبراهيم ..
Quote: وزيدان ابراهيم دا مالو هاكم \ ليه ترضي امتهاني وعدت يا عيدي بدون زهور \ في الليله ديك د فراش القاش \ ويكفي البلابل رجعنالك وكابلي اغنية كسلا وعيييييييييك الخالدي والامان لرمضان حسن والشوق والريد للكاشف ومين في الاحبة لشرحبيل وانا ليتني زهر لرمضان زايد وبتتعلم من الايام لمحمد الامين \وجبل مرة لخليل اسماعيل ومعاهاقبل ميعادنا بي ساعتين وعليكم الله من هنا لي باكر ممكن اقعد اذكر ليكم في الاغاني السودانية لمن تزهجوا وبرضو لسع بدري |
ماقصرت معانا يديك العافية
أغاني كتيرة من المذكورة فوق دي داخلة معانا خليك متابع ..
|
Post: #99
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-04-2010, 08:41 PM
Parent: #96
(11) لحظك الجراحِ
كلمات: صلاح عبد السيد (أبوصلاح) ألحان: عوض شمبات وقيل كرومة وأداء: أولاد شمبات
|
Post: #100
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-04-2010, 08:45 PM
Parent: #99
(12) شجن
كلمات: حسين بازرعة ألحان وأداء: عثمان حسين
|
Post: #101
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-04-2010, 08:48 PM
Parent: #100
(13) يا روحي أنصفني
كلمات: عبد الرحمن الريح ألحان وأداء: التاج مصطفى
|
Post: #102
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-04-2010, 08:51 PM
Parent: #101
(14) الأوصفوك
كلمات: محمد بشير عتيق ألحان وأداء: خضر بشير
|
Post: #103
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-04-2010, 08:55 PM
Parent: #102
(15) قائد الأسطول
كلمات: سيد عبد العزيز ألحان وأداء: الحاج محمد أحمد سرور
|
Post: #104
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-04-2010, 08:59 PM
Parent: #103
(16) أعلى الجمال تغار منّا
كلمات: إدريس جماع ألحان وأداء: سيد خليفة
|
Post: #105
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-04-2010, 09:17 PM
Parent: #104
(17) يا ضنين الوعد
كلمات: صديق مدثر ألحان وأداء: عبد الكريم الكابلي
|
Post: #106
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-04-2010, 09:27 PM
Parent: #105
(18) ماضي الذكريات
كلمات: الجيلي محمد صالح ألحان: موسى محمد إبراهيم أداء: عثمان مصطفى
|
Post: #107
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-04-2010, 09:40 PM
Parent: #106
(19) عزيز دنياي
كلمات وألحان: الطاهر إبراهيم أداء: إبراهيم عوض
|
Post: #108
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-04-2010, 09:48 PM
Parent: #107
أها يا جماعة تصبحوا على خير
بكرة بالله ناس الشواكيش يجهزوا المناديل
ناس زيدان إبراهيم وهاشم ميرغني والطيب عبدالله في السكة
دايرين في الليلة ديك وحان الزفاف ولا ما دايرين ؟
|
Post: #167
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 01:07 PM
Parent: #108
Quote: يا سلام عليك يا تيسير!! .. مجهود توثيقي كبير وقيّم جدا..
متابعين وألف شكر ليك.. |
تسلمي يا نجوان ..
وخليك معانا
قصر الشوق ودنيا المحبة جايين في السكة
|
Post: #129
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-08-2010, 04:44 PM
Parent: #106
(20) الأمان
كلمات: محمد بشير عتيق ألحان وغناء: رمضان حسن
|
Post: #109
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: لؤى
Date: 01-04-2010, 09:51 PM
Parent: #99
Quote: (11) لحظك الجراحِ
كلمات: صلاح عبد السيد (أبوصلاح) ألحان: عوض شمبات وقيل كرومة وأداء: أولاد شمبات |
صااااااااااااااااااااالح ما صلاح وألحان أبو صلاح وقيل كرومة
مجهود مقدّر
|
Post: #110
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: حمزه بابكر الكوبي
Date: 01-05-2010, 00:11 AM
Parent: #109
التحيه لك تيسير عووضه والتحيه ايضا للقامتين الدكتور احمد القرشي والدكتور احمد طراوه وللعريس لؤي ولكل المتداخلين في هذا البوست الجميل
Quote: هذه الاغنية من كلمات الشاعر على احمد باكثير |
دكتور احمد القرشي فعلا يوم البحيره للشاعر علي احمد باكثير وعلي فكره هو شاعر يمني وليس سوداني وملحنها اعتقد هو عربي الصلحي
|
Post: #172
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-13-2010, 01:31 PM
Parent: #110
Quote: التحيه لك تيسير عووضه والتحيه ايضا للقامتين الدكتور احمد القرشي والدكتور احمد طراوه وللعريس لؤي ولكل المتداخلين في هذا البوست الجميل
Quote: هذه الاغنية من كلمات الشاعر على احمد باكثير |
دكتور احمد القرشي فعلا يوم البحيره للشاعر علي احمد باكثير وعلي فكره هو شاعر يمني وليس سوداني وملحنها اعتقد هو عربي الصلحي |
مرحب بيك إنت برضو يا حمزة الكوبي .. وفعلاً يوم البحيرة من ألحان عربي الصلحي
شكراً على المتابعة والتصحيح ..
|
Post: #170
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-13-2010, 01:12 PM
Parent: #109
Quote: صااااااااااااااااااااالح ما صلاح
وألحان أبو صلاح وقيل كرومة |
في الصفحة الأولى كنت كاتباها صااااااااااااااااااااااااالح
وفي الصفحة التانية كتبتها صلاح كتابة نعاس إنت أصلك ما بتستر الزول
قال ألحان أبو صلاح قال يا راجل ..
Quote: مجهود مقدّر |
مقدّر ومكتوب
|
Post: #117
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عبد اللطيف بكري أحمد
Date: 01-06-2010, 08:52 AM
Parent: #95
Quote: هذه الصخرة العاقب محمد حسن
الذكريات عثمان الشفيع
بتتغير صالح الضي
الاماني العذبة خليل اسماعيل
بعد الغياب صلاح مصطفي
نحن حافظين لودادك ام بلينة السنوسي |
غايتو ياخليل لازم تكون بتعرف المرحوم المهندس مبارك حسن عطية خريج هندسة(civil) الخرطوم 1985م والمتوفي في حادث بأبحاث مدني في 1991م ،،
|
Post: #165
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 12:53 PM
Parent: #95
المحترم عبد السميع ..
Quote: تيسير
مبروووووك
وما شاء
الله شايف البوست راشح رشح تقيل وجاب فطاحـلة وخبراء
والتحية للرائع سنيرنا(احمد طراوة) وللانيق معتصم دفع الله (هو مش اخويا بس فى حبة ملامح وتشابه فى اسم الوالد )
ايه رأيك يا تيسير
فى كلام احمد طــــــــراوة بتاع الاغانى الكردفانية وانا عاجبانى اغنية
راقصيى التووويا .........كلموووولى ابويا عشان ارووووح الدونكى اجيبلى حبة موية
واعتقد ان الاغنية رائعة وكلماتها ولا اروع وعبرة جدا و كمان وحبة موية
دى تقريبا بتتحدث عن مشكلة العطش فى كردفان ولكن من يسمع
مودتى |
خوة معتصم دفع الله دي أكبر مكسب وعلى مسؤوليتي الكلام دا ..
أخويا يالطمباري قوم غني لي جراري أنا بركب اللواري وأتابع القماري
غنا حنين و زي السكر لكن يا عبد السميع يا أخوي مش الغنية دي بتتصنف تبع أغاني البنات؟
|
Post: #119
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-08-2010, 01:34 PM
Parent: #94
Quote: تيسير .. كل سنة وأنتِ بألف خير .. جميل ما تقومين به .. فكرة البوست رائعة ولعمري هذا توثيق رائع .. الإختلاف في حد زاته يساعد على تجويد العمل وقد تأتي فكرة أخرى مثل ما تطرق له بعض الأخوان هنا مثل تضمين الأغنيات التراثية وغناء الريف .. ولا أحبذ الدخول في سيطرة الوسط على كل شئ في بلادي فهذا موضوع آخر وقد لا يحتاج لطويل شرح فالعين تراه مباشرةً .. على الأقل قد نتفق على الكثير من الأغنيات منذ الحقيبة ومروراً بالأغنية الحديثة ووجدت صدىً لدى الشعب السوداني ولامست وجدانه .. لذلك واصلي في عملك وأن نستفيد من الأراء التي ترد في سياق هذا البوست .. |
مراحب يا معتصم .. ودا بالضبط هدف البوست المعني أغاني (متفق عليها)
شكراً ليك
Quote: وحبذا لو ضمنت العمل كاملاً في رد واحد مثال ..
إسم الأغنية وشاعرها ثم كلماتها .. وتحتها تسجيل صوتي لها .. |
إقتراح جميل جداً وبيسهل المتابعة لكن المشكلة الوقت ! كل ما ألقى طريقة بقوم أنزل شوية مرة الكلمات ومرة الغنية وصورة الفنان وطبعاً عارف عملية رفع الأغاني من الجهاز للسيرفر ثم نقلها للبوست سغيلة كيف بالإضافة لإني ما قاعدة أعتمد على النصوص المتوفرة في الإنترنت بقعد أسمع الأغنية من فنانها "الأصلي" وأكتبها براي تحرياً للدقة ومع ذلك، عجبني إقتراحك دا وحأحاول أعمل بيهو من هنا ولي قدام
بس يدك معانا يا أبوعمر ..
Quote: هنالك بعض الأغنيات كلمات ولحن وأداء لا يمكن تجاوزها ..
- الود .. عمر الطيب الدوش .. وردي .. - زاد الشجون .. فضل الله محمد .. وداللمين .. - ضنين الوعد .. صديق مدثر .. الكابلي .. - الطير المهاجر .. صلاح أحمد إبراهيم .. وردي ..
أغنية عم عبدالرحيم للشاعر محمد الحسن سالم حميد وغناء الراحل مصطفى سيدأحمد من وجهة نظري ملحمة إبداعية متكاملة بكل ما تحمل الكلمة من معنى .. |
مبالغة ! الأغاني الأربعة الفوق دي كلها في القائمة
أما عم عبد الرحيم كلامك صاح، عم عبد الرحيم أغنية جميلة للغاية لكنها صعبة شوية و(قد) ما يتفق عليها كل الناس عشان كدا إترددت في وضعها مع أغنيات مصطفى المختارة ضمن المئة ..
|
Post: #123
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-08-2010, 02:26 PM
Parent: #93
Quote: هذه الصخرة العاقب محمد حسن
الذكريات عثمان الشفيع
بتتغير صالح الضي
الاماني العذبة خليل اسماعيل
بعد الغياب صلاح مصطفي
نحن حافظين لودادك ام بلينة السنوسي |
Quote: لحن الحياة عثمان الشقيع
روضتي الغناء الكاشف
العيون السوداء صلاح احمد عيسي
فقدت حبيب الملهمة عازف الاوتار التاج مصطفي
هوي المحبوب الخير عثمان
قلبي الماسور محجوب عثمان |
يا خوانا حصلوني
خليل الكارثة هكر الكمبيوتر بتاعي
|
Post: #113
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-06-2010, 07:30 AM
Parent: #92
مدثر قرجاج ..
وكل سنة وإنت طيب ومشكور على ملاحظاتك وإضافاتك المهمة أعذرني جمعت مداخلاتك كلهم وحا أرد عليك في حتة واحدة
Quote: تيسير كل سنه وانت طيبه والله بوست جميل وانشالله بالتوفيق بس عندى ليك اضافه ظلت اغنية مرت الايام للشاعر مبارك المغربى وللمبدع ربنا يشفيه عبد الدافع عثمان تتصدر اجمل خمسه اغانى لمدة عشرين عام فى الاستفتاء الذى كان تجريه الاذاعة فى ذلك الزمن الجميل مودتى |
أغنية مرت الأيام موجودة فعلاً في القائمة وللحقيقة أول مرة أسمعها سمعتها بصوت مصطفى سيد أحمد وعجبتني جداً وقلت مصطفى سيد أحمد دا ما بيغني من طرف لو ما فعلاً الغنية بتستحق ودا الخلاني أتتبع كلماتها ولحنها وأحاول أعرف مغنيها الأصلي ولما فكرت في التوثيق كانت من أوائل الأغنيات الحاضرة في ذهني وستجدها لاحقاً في هذا البوست بس شيل الصبر ..
Quote: تيسير احترماتى عندى سؤال مهم المائة اغنيه ديل حسب الترتيب ولا مامرتبه .. بعدين ياتيسير نحن على مشارف الاغنيه العاشره ولم نرى اغنيه واحده لى عثمان حسين وهو الملك الملاحظه التانيه انا بعتبر اغنية انا ياطير اختيار غير موفق اذا ماقورنت باغنيات الكاشف الاخرى الكاشف لديه من الدرر مايجعل انا ياطير تأتى فى المؤخرة ..... مودتى |
عثمان حسين من الفنانين البحبهم جداً وعانيت عشان أختار ليهو أفضل أغنيات لأنو أغنياتو كلها (أفضل) بالنسبة لي لكن حاولت ألتزم الحياد وما أخلي ذوقي الشخصي يأثر على التقييم
بالنسبة لأغنية أنا يا طير أحترم وجهة نظرك بالطبع وإن رأى الآخرين غير ذلك ..
Quote: رغم جمال البوست واهمية الموضوع لكن تسلسل الاغانى بالترتيب هو اهم باعتبار انها حسب حديثك التوب 100 لذلك وجب الترتيب... ورغم استمتاعى بالبوست الا ان هناك الكثير من الاغانى الوارده اعلاه لاتستحق ان تخش سباق ال100 واخشى ان تنتهى المائة اغنيه دون ان تكون متضمنه اغانى فخيمه وتاريخية وتنطبق عليها كل المعايير السالفة الذكر لذلك اتمنى ان يكون الاختيار موفق لان الكلاسيكيات لاحصر ولاعد لها ومعظمها جميله جدا وعندما نختار منها مائة اغنيه هو امر صعب صعب جدا |
يا قرجاج لو وضعنا القائمة بصورة مرتبة حتحصل كارثة صدقني جد
ليه الفنان فلان قبل الفنان علان وليه الغنية دي جات بعد الغنية دي رغم إنها أحلى منها والغنية الفلانية لاتستحق ابداً إنها تكون في المرتبة العاشرة مثلاً وصدقني ما حنخلص والموضوع حيتحول لي داحس والغبراء مش محاولة توثيق وتقييم (سلمية)
أنا قصدت إنها تكون ما مرتبة وأديكم ليها في سلة واحدة وكل زول يرتبها بي طريقتو وحسب ذوقو الخاص ولو أغنياتك المفضلة لغاية الآن ما ظهرت دا ما بيعني أبداً إنو السبقوها أفضل منها والجاي يمكن يكون أحلى
مرحب بيك وبإقتراحاتك ..
|
Post: #118
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Adil Al Badawi
Date: 01-08-2010, 01:20 PM
Parent: #113
سلام يا تيسير ومشكورة على الجهد المقدّر مقدّماً
Quote: عثمان حسين من الفنانين البحبهم جداً وعانيت عشان أختار ليهو أفضل أغنيات لأنو أغنياتو كلها (أفضل) بالنسبة لي لكن حاولت ألتزم الحياد وما أخلي ذوقي الشخصي يأثر على التقييم |
هنا بالذات، زي ما قال ليك بلّة، الله المستعان. خليل بهناك (الصفحة الأولى) ما قصّر تَبْ في الانتقاء من أعذب ألحان عثمان حسين وإن كانت "أحلى البنات" و"أجمل أيامي" قد سقطت سهواً. "صدّقيني"!!!
وحقّو تدقشي مكتبة الإذاعة لكي تتمكّني (قبض إيد كِدا) من الحصول على رضاء أهل "الهامش" بمرشّحِيّ؛ إبراهيم موسى أبّا، مثلاً، (هسّع "الشتيل" دي مالها، عيبيها لي! أنا غايتو هوّمت بي في أرض غرفة محصورة بين أربعة حيطان وفي سماء مفتوح على ريف السودان وفي ذكريات عن أيّامٍ كانت "ربوع السودان" تبثُّ ثورة مثل هذه الروائع على الهواء بدون أي إقصاء):
|
Post: #174
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-13-2010, 02:53 PM
Parent: #118
عادل بدوي ..
Quote: هنا بالذات، زي ما قال ليك بلّة، الله المستعان. خليل بهناك (الصفحة الأولى) ما قصّر تَبْ في الانتقاء من أعذب ألحان عثمان حسين وإن كانت "أحلى البنات" و"أجمل أيامي" قد سقطت سهواً. "صدّقيني"!!!
وحقّو تدقشي مكتبة الإذاعة لكي تتمكّني (قبض إيد كِدا) من الحصول على رضاء أهل "الهامش" بمرشّحِيّ؛ إبراهيم موسى أبّا، مثلاً، (هسّع "الشتيل" دي مالها، عيبيها لي! أنا غايتو هوّمت بي في أرض غرفة محصورة بين أربعة حيطان وفي سماء مفتوح على ريف السودان وفي ذكريات عن أيّامٍ كانت "ربوع السودان" تبثُّ ثورة مثل هذه الروائع على الهواء بدون أي إقصاء): |
عثمان حسين والجابري الجابري وعثمان حسين
أنا لو على أغانيهم كلها تكون ضمن المية لو ما خفت النبيشة عشان ما يسقط سهواً ولا عمداً أي شي يا خي ديل ببالغوا !!
"الشتيل" دي واحدة جارتنا زمان كانت قصيرونة كدا بعدين ما تركزوا على موضوع الإقصاء دا شديد هسي بكرة ببقى جد وببقى هدف مشروع ومتحرك للأنتي إقصائيزم
Quote: أمّا لو قُمنا نزّلنا ليك "خال فاطنة" وألاّ "الوافر ضراعو"، بصوت مهلة العبّادية، والدلّوكة نبحت؛ بوستيك دا إلاّ كان تقنعي منّو لأنّو البِقدر بعد داك يشوف المداخلات وسط عجاجة العرضة وهيجتها إلاّ يكون مركّب Night Vision وبرضو ما تنسي ترضي لينا أهل "الجندر" فبمكتبة الاذاعة الكثير من أعمال رائدات الغُنا: الفلاتيّة، مهلة العبّاديّة، منى الخير (ما تقولي لي "عيون المها" برّة الميّة كمان)، وغيرهن. |
هيييييع عشان كدا قلنا ناس خال فاطنة وسنن البرامكة والنار ولعت بي قلبي بطفيها ديل في الفيرجن التاني أما أهل الجندر في البال وفي الخاطر وإلا دُمغنا بعدم الإتساق وحاجات تانية حامياني عندك عشة الفلاتية ومنى الخير وأماني مراد وحنان النيل وقطعاً (ما) عندك ندى القلعة وحنان بلوبلو وستونا المجروس
Quote: أنكربي غايتو ولو حقّ لي أن أنصحك فهو أن توسّعي الماعون ومن ثمّ تستعيني بأساطين المعرفة الغنائية (وأهو الموصلي والقرشي وطراوة سجّلوا حضور مبكّر بالبوست) ليغرفوا من الماعون الكبير إلى مواعين أصغر تصنّف الغناء إلى مختلف "ألوانه" ليتم اختيار مجموعة من كلّ لون والتصويت لترتيبها (غرامي أووردز بسودانيز أونلاين!) حسب ما يرى الجمهور من أفضليّة دون أن نغمطك حقّك في ذلك. أقول قولي هذا وأنا مقتنع قناعة تامّة بأن فناناً (ربّما غير معروف للأجيال الجديدة) كصالح الضي يمكن لخمسة من أغانيه (دلال، عيش معاي الحب، الرسالة، الميعاد، ما ناسك) أن تلهط خمسة في الميّة من العدد المتاح حالياً للتصنيف. هذا، وهنالك غُنا مصطفي سيد أحمد غير الرؤيوي (!)؛ المسافة، الشجن الأليم، عارفني (تحرمني) منّك وحتى غدّار، في مقابل لون غُناهو الموسوم "رؤيوياً"...غير الكثير المثير الخطر. |
الإستعانة باساطين المعرفة الغنائية جارية في هذا البوست وشايفة أغلبكم متفقين على مسألة التصنيف دي أنا غايتو بديكم ليها كدا وإنتو صنفوا براكم وفي الحالة دي البوست حيبقى زي المولود براسين وكلو في صالح الغنا في النهاية. صالح الضي داخل معانا بس أظن أكتر من واحدة بتخمج علينا السوق وشكلنا كدا فعلاً ماشين على توسيع "الباشري" دا .. أما حكاية رؤيوي وغير رؤيوي دي نالت إستحساني شديد ونعلمكم أن عارفني منك ومريم الأخرى وغيرها حاضرة وبقوة في هذا البوست أما باقي أغاني مصطفى الكلها جميلة فلو باريناها معناها حا ندق في أفضل (خمس)مائة أغنية في تاريخ السودان الحديث
Quote: مِحَن السودانيين الغنائية أوسع من أن تحتويها سبحة من مائة حبّة لكنّنا حاضرين أقلاّها نستغل بوستيك دا في الوقوف على نفض الغبار عن روائع خفيّة لا حصر لها. |
بفكر جادة بعد المية غنية يتموا نخلي لينا زي ميتين تلتمية كدا في دكة الإحتياطي في إطار خطة التوسعة المشار لها في هذا البوست ..
|
Post: #164
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 12:25 PM
Parent: #92
يا راوية
Quote: ممكن اهدي؟
_______ مبروك ياخ |
إنتي بالذات ممكن تهدي والله يبارك فيك يا ستي ..
ـــــــــــ ممكن تشرحي لي إنتي وين بالضبط؟
|
Post: #336
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: ماجد حسون
Date: 02-08-2010, 04:22 PM
Parent: #91
الاولى قصتنا الثانية قصتنا الثالتة قصتنا انا ما ناقد فنى ولا حاجة , لكن الجمل الموسيقية والتراكيب اللحنية الموجودة فى قصتنا ما موجودة فى اى اغنيى تانية بعدين الكلمات المؤثرة والصوت الحنين والدافئ والمعبر والبوظفو ابو عفان ببراعة درامية غريبة جدا خلتنى ما امل اسمع الاغنية دى
|
Post: #357
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Mutaz Khalil
Date: 02-17-2010, 02:44 PM
Parent: #91
خليل فرح:
فلق الصباح ماهو عارف قدمو المفارق
ابراهيم عوض: المصير
الكابلي:
ضنين الوعد
زيدان ابراهيم : غرام الروح
محمد الامين: ذاد الشجون عويناتك مراكب الشوق زورق الالحان
ابوعركي البخيت: بخاف
|
Post: #424
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عمر بانقا
Date: 02-22-2010, 10:46 PM
Parent: #91
UP
|
Post: #452
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-26-2010, 07:06 AM
Parent: #424
تسلم فناننا عمر بانقا على رفع البوست ..
|
Post: #464
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: بدر الدين الأمير
Date: 02-26-2010, 10:36 AM
Parent: #91
Quote: محاولة" التوثيق والتكريم لأميز مائة أغنية في تاريخ السودان الحديث ..
|
تيسير كيف انك في العنوان تقولين الكلاسكيات وفي اول مداخلة تقولين السودان الحديث ما دخل الحداثة بلكلاسيكية وفي تقديرى لو ان هناك كلاسكية تغنى في السودان الناطق بالعربية بتبدأ من الدوبيت بجانب المدايح النوبوية وهى في معظمها عبارة عن تغزل في شخص النبى ص واحيان هذا الغزل ياخد منحى حسى افلج السن وعريض المنكبين وماالى ذالك
|
Post: #128
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-08-2010, 03:55 PM
Parent: #90
أستاذنا د. أحمد طراوة .. عضو هيئة المدققين في البوست
Quote: .. لازم يا تيسير تلقى خانة لاغنية كردفان الإستثنائية البتقول:
زولا سرب سربا .. و خلى الجبال غربا ( التوطين السوداني الغير عروبي لتفعيلة بحر المتدارك - الا فراهيدي - في ديار ناس بريمة )
القيمة التاريخية للأغنية تكمن في إتساق و تكامل موازير ايقاع الجراري (وهو كما الهسيس ايقاع حنجرة ) مع السلم الموسيقي الخماسي للوسط النيلي و فيها البت الفنجرية الحليوة بتقول:
يا يمة خليني .. الجراري راجيني
عبد الرحمن عبد الله ذلك (البلوم) المغرد |
لم تغب إيقاعات كردفان والغرب عموماً عن بالي كانت حاضرة في صوت عبد القادر سالم الدافيء بأغنيات مثل أعد نجوم الليل وست البنات يا ضوة وحليوة يا بسامة وعابر سكة وغيرها وحاضرة في صوت عبد الرحمن عبد الله بأغنيات البلوم وتومي وما كفاك وغيرها
أغاني سمعتها قبل سنوات طويلة ولكنها رسخت بداخلي كانت تنبعث من جهاز تسجيل خاص بجارتنا (الحيطة بالحيطة) من بنات بابنوسة ليطرب الحي وزامر الحي زاتو ..
إيقاع الجراري بالإضافة لإيقاعات أخرى مثل التم تم والمردوم وغيرها كلها نجدها في غنانا السوداني ودا البيخليهو يكون فعلاً متفرد فرقة عقد الجلاد يحمد لها تعريف المستمعين بموسيقى بلادهم المختلفة وذلك بإدخالها لإيقاعات من مختلف نواحي السودان في أغانيها إيقاع الجراري هذا تحديداً نجده في أغنية (إيدينا يا ولد) لو ما كنت مخطئة وفي أغنية تومي للبلوم يا قولك ..
قمت بإيراد أغنيات لعبد القادر سالم وعبد الرحمن عبد الله ولكن للأمانة زولا سرب سربا دي ما مرت علي قبل كدا
عشان كدا قلنا وجودكم مهم في البوست دا
|
Post: #125
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-08-2010, 02:34 PM
Parent: #89
عادل علي ..
Quote: شكرا يا تيسير .... مجهود مقدّر وفكرة جميلة وذوق رفيع....لكن ذوق دي حا يكون فيها كلام كتير جدا في البوست لي قدام عندما يبدأ النقاش حول معايير تحديد (افضل) 100 أغنية. بعدين الظاهر إنه ريقك حا يكون ناشف لحدى الأغنية الميّة.... وبعد الأغنية الـ100 حا تشوفي نشاف ريق من نوع يتعلق في الأساس بالـrating وما أدراك ما الـrating. انا زااااااتي حا أغالتك في ليييه دي افضل وديك ما أفضل، بس منتظر لحدي ما تصلي 100... شيلي شيلتك!
(بالجد) بوست مفيد في زمن لم نعد نقرأ فيه المفيد إلا لماما في سودانيزاونلاين. شكرا تاني يا تيسير، |
الظاهر حا تبقى علي البقت على جمال حسن سعيد لما عمل دور الحكم "شعيرية" الفريق الأول يغلب، التاني يديهو علقة الفريق التاني يغلب، الأول يديهو علقة لما زهج قرر يعمل الكورة درون
الفريقين وقعوا فيهو دق
كان بقت على نشاف الريق هينة ..
|
Post: #124
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-08-2010, 02:28 PM
Parent: #88
Quote: شكرا يا تايسـا, مجهود مقدر وإضافة ثقافية جيدة, |
الشايقي مولانا مرحب بيك كتير ..
|
Post: #122
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-08-2010, 02:16 PM
Parent: #85
أستاذنا د. أحمد القرشي ..
أشكرك جداً على التصحيح هدفنا من البوست دا هو التوثيق وما في توثيق بيقوم على معلومة مغلوطة عشان كدا حا نعتمدك إنت وأستاذ موصلي ود. طراوة كمدققين رئيسيين لكل ما سيرد هنا
وياما حا تصححوا ..
Quote: الاخت العزيزة / تيسير
لك التحية
قبل سنوات كنت استمع الى الاستاذ محمود ابو العزائم فى برنامج تلفزيزنى كان هو احد ضيوفه ، ولقد قال انهم اجتمعوا قرابة العشرين شخصا ، من بينهم جمال محمد احمد وعلى المك ومنصور خالد وغيرهم، ولقد قرروا اختيار اجمل مائة اغنية سودانية على ان يكتب كل منهم اختياراته بالترتيب ، وكانت المفاجأة ان العشرين قد كتبوا اغنية مرت الايام للشاعر مبارك المغربى وغناء عبدالدافع عثمان ضمن العشرة الاوائل ، فقط الاختلاف كان فى الترتيب فبعضهم وضعهاالاولى والبعض الاخر فى ترتيب مختلف ، ولكن المهم هى الاغنية التى اتفق عليهاالجميع ضمن العشرة الاوائل . وحتى الان تخلوا قائمتك من هذه الاغنية والتى تغنى بها بالاضافة لعبدالدافع عثمان مصطفى سيداحمد وحمد الريح . مودتى |
أغنية مرت الأيام فعلاً موجودة في القائمة لأنها من الأغاني التي لا خلاف عليها يمكن الفرق الوحيد كما ذكرت إنو الأغنيات سترد بدون ترتيب
عبد الدافع عثمان أمد الله في أيامه من الفنانين المبدعين والذين لم يأخذوا ما يستحقونه من إهتمام وإنتشار الكثير من الأجيال التي لم تعاصره بالكاد يعرفون إسمه رغم أن له أغنيات خالدة في تاريخنا الغنائي أنا مثلاً لم أكن لأتعرف عليه لولا تتبعي لأغنية مرت الأيام هذه نفسها بعد سماعي لها قبل سنوات طويلة بصوت مصطفى سيد أحمد لأعرف من مغنيها الأصلي
لذلك أري من واجبي ومن حقه علينا أن أكرمه وأوثق له بشكل شخصي في هذا البوست عبر إيراد أغنيةواحدة على الأقل له
لكما التحية والإكرام ،،
|
Post: #126
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Bushra Elfadil
Date: 01-08-2010, 03:03 PM
Parent: #122
العزيزة تيسير قبل حوالي اربع سنوات كتبت بوست بهذا المعنى الرصيد الذهبي للغناء السوداني : أفضل مائة وقد ناقشه كثيرون من بينهم مختصون كالموصلي وتم النقاش على مرحلتين المرحلة الثانية بعد سنة وتجدين كل ذلك بمكتبة بشرى الفاضل في سودانيزاون لاين. ارجو الرجوع لها وجلب اللينك لهنا عسى ان يساعد وتوقفت عن إعادة شحذ اذهان الآخرين بالفكرة وذلك لأنني رايت أن اختيارافضل مائة من قبل شخص أو عدة أشخاص سيحجمها في ذائقتهم وحدها مثل ما هو الحال في مختارات الشعر ومختارات القصة. لكن الرصيد الذهبي يمكن أن تقوم به ورشة يدخل فيها مختصون وقراء وذواقة ومغنون وشعراء وما إليه في سيرورة متصلة قد تقود في النهاية إلى نتيجة مقنعة وهيهات . وما أسميه ذائقة الشخص الواحد مثلاً أن تختاري أنت أغنية أعلى الجمال لسيد خليفة بينما تتركين أغنية أمل التي يقول مطلعها ولى المساء الواله المحزون في جوف الضباب وكأن يقوم آخر باختيار أغنية للكاشف بينما يرى الموصلي أن اغنية فتنت بيك هي افضل ما غنى صحيح إننا جميعاً نتفق على عزة في هوالك وثمة أغنية أخرى هي الملحمة تدخل في هذا الرصيد دون شك وثمة فنان تدخل له أغنيات عديدة وفنان تدخل له أغنية واحدة. اختلاف الذائقة الجمعية يسقط ربما اغني عقد كامل فاغاني العقود الاولى من القرن العشرين قليلة مقارنة بأغاني فترة الستينات ثمة أغنية من الجنوب تغنى جماعياً ستدخل من كل بد في هذا الرصيد.أرجو لو سمحت أو تمكن بعض المتداخلين المهتمين جر تلك البوستات من المكتبة مما ذكرت إلى هنا مع الشكر كي ننظر في المناقشات القديمة التي جرت بهذا المنبر .ومجهودك هنا مقدر دون شك وأتمنى لك النجاح فيه .
|
Post: #127
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: حبيب نورة
Date: 01-08-2010, 03:17 PM
Parent: #126
بوست حلاة الدنيا عليه
لكن يسل الروح يا تيسير
عليك النبي جيبي من الآخر
أو جيبي من جوة عشان تريحينا ياخ
|
Post: #176
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 05:30 AM
Parent: #127
Quote: بوست حلاة الدنيا عليه
لكن يسل الروح يا تيسير
عليك النبي جيبي من الآخر
أو جيبي من جوة عشان تريحينا ياخ |
تحلى أيامك يا حبيب نورة
لكن نعمل شنو الوقت ما مساعدنا
مرات بنزل أغاني ومرات أرد على المتداخلين شيل الصبر يا زول
|
Post: #175
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 04:46 AM
Parent: #126
Quote: العزيزة تيسير قبل حوالي اربع سنوات كتبت بوست بهذا المعنى الرصيد الذهبي للغناء السوداني : أفضل مائة وقد ناقشه كثيرون من بينهم مختصون كالموصلي وتم النقاش على مرحلتين المرحلة الثانية بعد سنة وتجدين كل ذلك بمكتبة بشرى الفاضل في سودانيزاون لاين. ارجو الرجوع لها وجلب اللينك لهنا عسى ان يساعد وتوقفت عن إعادة شحذ اذهان الآخرين بالفكرة وذلك لأنني رايت أن اختيارافضل مائة من قبل شخص أو عدة أشخاص سيحجمها في ذائقتهم وحدها مثل ما هو الحال في مختارات الشعر ومختارات القصة. لكن الرصيد الذهبي يمكن أن تقوم به ورشة يدخل فيها مختصون وقراء وذواقة ومغنون وشعراء وما إليه في سيرورة متصلة قد تقود في النهاية إلى نتيجة مقنعة وهيهات . وما أسميه ذائقة الشخص الواحد مثلاً أن تختاري أنت أغنية أعلى الجمال لسيد خليفة بينما تتركين أغنية أمل التي يقول مطلعها ولى المساء الواله المحزون في جوف الضباب وكأن يقوم آخر باختيار أغنية للكاشف بينما يرى الموصلي أن اغنية فتنت بيك هي افضل ما غنى صحيح إننا جميعاً نتفق على عزة في هوالك وثمة أغنية أخرى هي الملحمة تدخل في هذا الرصيد دون شك وثمة فنان تدخل له أغنيات عديدة وفنان تدخل له أغنية واحدة. اختلاف الذائقة الجمعية يسقط ربما اغني عقد كامل فاغاني العقود الاولى من القرن العشرين قليلة مقارنة بأغاني فترة الستينات ثمة أغنية من الجنوب تغنى جماعياً ستدخل من كل بد في هذا الرصيد.أرجو لو سمحت أو تمكن بعض المتداخلين المهتمين جر تلك البوستات من المكتبة مما ذكرت إلى هنا مع الشكر كي ننظر في المناقشات القديمة التي جرت بهذا المنبر .ومجهودك هنا مقدر دون شك وأتمنى لك النجاح فيه . |
عزيزي د. بشرى الفاضل
سعيدة لوجودك في هذا البوست وفي الحقيقة إندهشت للغاية عندما ذهبت لمكتبتك كما أشرت ووجدت ذلك البوست وبذات المضمون الفكرة تكاد تكون نفسها ومشاركات المتداخلين أعطت الفكرة جمالاً إضافياً ولكنها كانت عبارة عن ترشيحات من جانبهم ولكنكم لم تكملوا البوست حسب ما رأيت ومع ذلك فإن لك السبق على الإعلان عنها فلك العتبى ..
بالنسبة لي فقد راودتني فكرة التوثيق هذه قبل سنوات طويلة، كنت كلما أسمع لفنان معين أقول أن هذا أحسن فنان وأغانيه هي الأفضل !! ثم بدأت أفكر مادام لدينا كل هذا الكم من الأغنيات الجميلة لم لا نوثق لها ونختار منها الأجمل؟ وبدأت فعلياً في تنفيذها كما ذكرت قبل أكثر من عامين ونصف لكن من المؤكد لو صادفني بوستيك المعني كان سيعطيني guide أو خارطة طريق ممتازة ..
كلامك قد يكون صحيحاً حول ذائقة الشخص الواحد رغم أني حاولت بقدر الإمكان إبعاد ذائقتي الشخصية وكما ذكرت في هذا البوست لأحد المتداخلين هناك أغنيات لا أحبها بل لا أحب مغنيها أساساً ولكن كان علي إدراجها ضمن المئة أغنية لعدة أسباب منها أن هذه الأغنيات فعلاً جميلة من ناحية الكلمات والموسيقى والأداء ومنها إتفاق الكثيرين حول هذه الإغنية وهذا الفنان ومنها محاولة التوثيق والتكريم لهذا الفنان حسب منجزه الفني -وإن لم يعجبني- كل ذلك تم بواسطة محاولة (إستقراء) للذائقة العامة لما يوحد معظم ولا أقول كل المستمعين بالطبع ..
وبشكل عام وقبل أن أخوض في هذا المشروع كنت أعرف كم الصعوبات التي ستواجهني والتي من أبرزها عملية توجيه الذائقة الجماعية أو كما يبدو ذلك، فمايكل هارت عندما أنجز كتاب "الخالدون مئة" إختلف معه الكثيرون ولكن في النهاية لا أحد سينكر المجهود الذي قام به في إلقاء الضوء على شخصيات أثرت في مسيرة الإنسانية وإن إختلفنا مع تلك الشخصيات ومع إختياره لها وهو ما ينطبق على هذا العمل، وهنا تحضرني عبارة طريفة وعميقة في آن نجدها في مقدمة معظم المعاجم وهي: (يتوق كل من يؤلف كتاباً إلى المدح، أما من يضع قاموساً فحسبه أن ينجو من اللوم) وأنا هنا بتقييمي هذا لا أنتظر مدحاً بل حسبي أن أنجو من اللوم
هنالك فنانين يستحقون أن تدخل أعمالهم كلها كأفضل أغنيات وهنالك من يمكننا إختيار الأفضل من بين أغانيهم كما في حال سيد خليفة فإذا كانت له حوالي ثلاث أو أربع أغنيات مشاركة في القائمة فإن معظم الناس سيختاروا ولى المساء وأنت السماء كخيار أساسي غض النظر عمن سبقت أختها بعد داك يشوفوا باقي أغنياتو الأمر ينطبق على بقية الأغنيات والمغنيين وهذا و المقصود إتفاق الغالبية على أغاني بعينها..
وإسمح لي أن أختلف معك حول أن إختلاف الذائقة الجماعية قد يسقط أغاني العقود الأولى من القرن العشرين فهي ليست قليلة وإنتاج الأغنيات في ذلك الزمن ربما كان أغزر بكثير من فترة الستينات (ديل كانوا بيلحنوا الونسة ويغنوها) أو كما قال الشيء الذي جعل من غزارة هذا الإنتاج وجودته مشكلة حقيقية حول كيفية الإختيار من بين هذا الكم الهائل من أغنيات الحقيبة بإعتبارها أغنيات الفترة التي عنيتها بقولك ..
لم أستطع التعرف على أغنية الجنوب المعنية، أتمنى أن تقوم بتذكيرنا لها وأكون شاكرة كما سأقوم بجلب المداخلات التي ذكرتها والتي أحب أن أقول أن معظم الإختيارات التي وردت فيها موجودة فعلاً في قائمة المئة ..
أشكرك للغاية على مداخلتك المهمة ويتواصل النقاش
إحترامي وتقديري الكبير
|
Post: #130
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-10-2010, 11:20 AM
Parent: #122
حرمان كلمات وألحان: عبد الرحمن الريح
يا الحرموني منك أنا يا حبيب قلبي سائل دوام عنك
يا الحرموني شوفتك أنا في قلبي صورتك كلما ذكروا سيرتك تزداد بي شجوني يجفو النوم عيوني ويزحم قلبي حبك
يا المنعوك زيارتي وهم شاعرين بحالتي وما جاهلين مكانتي لكن التقاليد حجبت عني شخصك
منعونا التلاقي لكن رغم ذلك ظل هوانا باقي أسأل طيف خيالك عن فرط إشتياقي وأسأل نور جمالك عن نار إحتراقي
طبعاً يا ملاكي لو يرضيك هلاكي أنا لا أعصى أمرك
حجبوك وحيروني وأبوا ليك يذكروني
ليه يا حبيب أراهم زايدين في جفاهم من شدة قساهم مانعين التفاهم وبرضي أقول عساهم يسمحوا لي بوصلك
|
Post: #131
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-10-2010, 11:32 AM
Parent: #130
حرمان - حسن عطية
|
Post: #132
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-10-2010, 11:39 AM
Parent: #131
يا حبيبي نحن إتلاقينا مرةكلمات:السر قدور يا حبيبي أنحنا إتلاقينا مرة في خيالي وفي شعوري ألف مرة ألف مرة عاش سلامك والليالي تقول كلامك والبعاد يشعل غرامك وبالمحبة عيوني ساهرة عايز أشوفك تاني مرة ألف مرة من بعيد بتعيش معايا في فؤادي وفي عيوني وفي دمايا وحبي ليك من البداية قصة حلوة بلا نهاية قصة حلوة وقالوا مرة عايز أعيشها تاني مرة ألف مرة يا حبيبي أمنياتي إنت يا أحلى الأماني الليالي تغني لو نتلاقى تاني أشدو ليك يزيد حنانك من حناني وتقول معاي كل يوم نتلاقى تاني كل يوم نتلاقى تاني يا حبيبي ألف مرة
|
Post: #133
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-10-2010, 11:46 AM
Parent: #132
الليالي تغني لو .. تغني لو نتلاقى تاني يا حبيبي نحن إتلاقينا مرة - العاقب محمد حسن (أوركسترا)
|
Post: #134
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-10-2010, 11:53 AM
Parent: #133
حكايتي مع الملامكلمات: الصادق ألياس
أخت اللوم على نفسي ولا أتحسر على عمري ولا أخت مكاني الراح مع الغايبين فضل يجري أخت اللوم على نفسي وأرجع اقول أنا الغلطان وما شفنا الندامة تفيد تفيد زولاً رجع ندمان رجعت أفتش مكاني الفات لقيت جا عصار غشى البلدات وعاد كيفن ألاحق الفات وألاحق الريح وكت يجري حكايتي مع الملام طالت أعيدها وديمة أتأسف فقد محبوب علي مكتوب أقش في دمعي ما إتجفف متين يا غيمة ترمي الضل وأفر البسمة زي الكل تهل البهجة فوقي تطل وأكون نوّال جزيل صبري يا ريت اللوم يرجعني ويرجع حالي لي حالو وألم الباقي من عمري وأجيب البال من الشالو وأخت أحزاني وأتريّح أصلو البي ما ريّح وأحواش مشواري من بدري وأقول لي عمري ما تجري
|
Post: #135
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-10-2010, 12:05 PM
Parent: #134
|
Post: #136
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 01-10-2010, 12:12 PM
Parent: #135
ابراهيم ادريس ود المقرن
انا في شخصك احترم اشخاص
رمضان حسن
الامان الامان
الطيب عبد الله مسكينة المحبة والسنين
|
Post: #137
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-10-2010, 12:15 PM
Parent: #135
الحزن القديم كلمات: عمر الطيب الدوش
ولا الحزن القديم إنتي ولا لون الفرح إنتي ولا الشوق المشيت بيهو غلبني أقيف وما بنتي ولا التذكار ولا كنتي بتطلعي إنتي من غابات ومن وديان .. ومني أنا ومن صحية جروف النيل مع الموجة الصباحية ومن شهقة زهور عطشانة فوق أحزانها متكيّة بتطلعي إنتي من صوت طفلة وسط اللمة منسية تجيـني تجيـني يجيني معاك زمن .. أمتع نفسي بالدهشة طبول بتدق وساحات لي فرح نوّر .. وجمّل للحزن ممشى وتمشي معاي .. خطانا الإلفة والوحشة وتمشي معاي وتمشي معاي وسط روحي ولا البلقاهو بيعرفني ولا بعرف معاك روحي
|
Post: #138
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-10-2010, 12:24 PM
Parent: #137
|
Post: #139
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-10-2010, 12:30 PM
Parent: #138
طار قلبيكلمات وألحان: الجاغريو
طار قلبي مني وقال ماهو عايد ما دام مفارق اللي أرواحنا سايد يا قلبي تعذيبك ما هو فايد وأصبر عسي المحبوب يبقى جايد قال لي كيف أصبر وأنا جمري زايد وكيف أنسى الغصن المن طبعو مايد إذن الوداع يا قلبي وحبيبي وأهلاً ضناي الحيّر طبيبي فارقني حبي إرتاح يا رقيبي يا نجوم سعودي إتلاشي غيبي دي المن دلالا دايماً وجولة قاسية وطموحة نافرة وخجولة شكت الألم من لمسات حجولا وليه لي بعادا الأيام عجولة ما بنسلى ريدا مهما أذانا بنعشق عفافا المالكة الرزانة بنهواها موتنا وآخر جزانا آه لو تناجي قلوبنا الحزانى ضاعت قلوبنا الخلان نعوها أسباب حزننا ليه ما وعوها يا قلوبنا بالصد لا تدّعوها موتكم وداعها وهيّا ودعوها
|
Post: #140
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-10-2010, 12:35 PM
Parent: #139
|
Post: #141
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: معتصم دفع الله
Date: 01-10-2010, 04:33 PM
Parent: #140
تيسير سلام .. مجهود كبير ومقدر وفعلاً يحتاج لوقت وجهد .. ما عندك مشكلة نحن جاهزين لأي مساعدة .. رغم إنو نحن زاتو بنسرق الوقت سرقة
Quote: وللانيق معتصم دفع الله (هو مش اخويا بس فى حبة ملامح وتشابه فى اسم الوالد ) |
تحايا كتار أخوي عبدالسميع .. ياخي من هسي نحن أخوان وزيادة .. لك السلام والمحبة ..
|
Post: #142
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: ASHRAF TAHA
Date: 01-10-2010, 05:20 PM
Parent: #141
فوق
|
Post: #180
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 05:57 AM
Parent: #142
أشرف طه
تسلم يا سيدي ..
|
Post: #179
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 05:50 AM
Parent: #141
Quote: تيسير سلام .. مجهود كبير ومقدر وفعلاً يحتاج لوقت وجهد .. ما عندك مشكلة نحن جاهزين لأي مساعدة .. رغم إنو نحن زاتو بنسرق الوقت سرقة |
ما بتقصر يا أبو عمر ..
|
Post: #143
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 06:07 AM
Parent: #140
زاد الشجونكلمات: فضل الله محمد
ماهو باين فى العيون وين حنهرب منو وين الهوى البعث الليالي العامرة بي زاد الشجون يفتح قلوبنا ديار محبة، ديار حياة للعائدين ما بنقاوم كيف حنقدر .. وين حنهرب منو وين ما إفتكرت الحظ يساعد عمري يورق من جديد من بعد فرقتنا ديك مين كان بيفتكرك تعود كنت بحتاج ليك بشدة وإنت عني بعيد ما في عيشة بلاك بتبقى ما فى نشوة وما في ريد و الهوى الجنبك عرفتو عاطفة ملتهبة وجنون وين حنهرب منو وين آه إدعينا وقلنا تاني ما حنشتاق في عمرنا وقبل ما تمر ليلة واحدة بي حرارة الشوق غمرنا كم لهينا وقلنا يمكن ندفن الحب فى سهرنا الحياة صعبت علينا وبي أثر فقدك شعرنا شفت كيف حبك حياتنا إنت يا الحبك حياتنا وكيف بدون حبك نكون وين حنهرب منو وين شفت كيف حبك بيعمل يشغل الوجدان يعذب وبرضو بتقول عني خادعك وإني بتلاعب وبكذب ليك حق دنياك خالية لا بتشيل هم لا بتتعب كنت تتعلم تجامل لو فؤادك مرة جرّب إنو ما يدق دقة واحدة إلا ويتفجر حنين
|
Post: #144
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 06:16 AM
Parent: #143
|
Post: #145
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 06:47 AM
Parent: #144
لحظك الجرّاحكلمات: صالح عبد السيد "أبو صلاح"
لحظك الجرّاح أذاي (عزاي؟) فيهو وفيهو الطرب والراح مناي زهرة الأفراح للقلوب فرّاح ومبتعد شي عجيب مسجون وعندو سراح بي ضاق الكون لا أجدلو براح مني فارق وشال نوم عيوني وراح عمري أضحى مباح في الغرام لا أقصد غير لقاك أرباح سري ليك يباح في الظلام تتبسم وليلي يبقى صباح جيش غرامك زاح هـد حصـن المُهجة ولي دماي نزّاح عقلي كـاد ينزاح وقول لي هجرك جد يا جافي ولا مزاح ليك مُحي وضّـاح وليك جبين بي نور ماء الجمال نضـاح والدمع فضـاح بي سـر هواي البي تعلمبو دون إيضاح ليك مغرم صاح يا خلاصة حسن العجم والفُصّاح بَي جنون يا صاح ومن بعادك هل بي قربك ألقى نصاح تعبت الأصفاح وطرفي جافى النوم من طيب عبيرو الفاح من عيونو كفاح في مبيسمو عقد الدُر في صدرو جوز تفاح
|
Post: #146
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 06:57 AM
Parent: #145
|
Post: #148
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Bushra Elfadil
Date: 01-12-2010, 08:59 AM
Parent: #146
زاد الشجون فيما اظن يا تيسير ليست من كلمات فضل الله محمد بل من كلمات كنّة.
|
Post: #181
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 06:11 AM
Parent: #148
Quote: زاد الشجون فيما اظن يا تيسير ليست من كلمات فضل الله محمد بل من كلمات كنّة. |
على حد علمي الكلمات لفضل الله محمد
يا ريت يجي زول ينفي أو يؤكد المعلومة
وتسلم أستاذنا ..
|
Post: #149
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 09:05 AM
Parent: #146
شجنكلمات: حسين بازرعة
لمتين يلازمك في هواه مر الشجن ويطول بأيامك سهر ويطول عذاب يا قلبي لو كانت محبتو هي التمن يكفيك هدرت عُمر حرقت عليه شباب لكن هواك أكبر وما كان ليه تمن والحسرة ما بتنفع وما بيجدي العتاب أحسن تخليهو لليالي وللزمن يمكن يحس ضميرو ويهديهو للصواب لكني أخشى عليهو من غدر الليالي وأخشى الأماني تشيب وعشنا يبقى خالي وهو لسة في نضارة حسنو في عمر الدوالي ما حصل فارق عيوني لحظة أو بارح خيالي أغفر لو يا حنيّن وجاوز لو ظلم ما أصلها الأيام مظالم والعمر غمضة ثواني وأصبر على جرحك وإن طال الألم بي جراحنا بي أشواقنا بنضوّي الزمن أنا عارفو بكرة بيعود في رعشة ندم ننسى الحصل بيناتنا والسهر اللي كان تصبح حياتنا نغم عشنا يبتسم وتعود مراكب ريدنا لي بر الأمان
|
Post: #150
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: محمد عبد الماجد الصايم
Date: 01-12-2010, 09:26 AM
Parent: #149
الأخ تيسير .. شغل نضيف والله! ربنا يمتعكـ بالصحة والعافية
|
Post: #151
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Reader7
Date: 01-12-2010, 09:56 AM
Parent: #150
1- "اناو الاشواق في بعدك" 2-كنوز محبة" 3-"خلاص يا قلبي لو خاصم" 4- "ليه بنهرب من مصيرنا" 5-"يا روحي انصفني"
وحفظ حق للشعراء والملحنين والمؤدين
|
Post: #183
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 06:29 AM
Parent: #151
Quote: 1- "اناو الاشواق في بعدك" 2-كنوز محبة" 3-"خلاص يا قلبي لو خاصم" 4- "ليه بنهرب من مصيرنا" 5-"يا روحي انصفني"
وحفظ حق للشعراء والملحنين والمؤدين |
ريدر7 ..
عندك 3/5 داخلين معانا
تسلم ..
|
Post: #182
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 06:15 AM
Parent: #150
ود الصايم ..
Quote: الأخ تيسير .. شغل نضيف والله! ربنا يمتعكـ بالصحة والعافية |
دي الحالة (عدل بواسطة)
|
Post: #152
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 10:00 AM
Parent: #149
|
Post: #153
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 10:08 AM
Parent: #152
يا روحي أنصفني
كلمات: عبد الرحمن الريح
يا روحي أنصفني في حكمك لأنو قاسي علي أنا يا حبيب ظلمك
تظلمني والأيام قد تنصف الإنسان يشاهد المحبوب عفواً عيان وبيان بالنسبة للطفك والرقة يا فتان ما كنت تظلم من قد أضحى بيك ولهان تتركني للماضي مع إنو في الإمكان نجدد الذكرى وتنسى كل الكان
هيامي بيك يا فاتن مصدره الإنصاف أنصفت حسنك حب وأنصفت حبي عفاف ذوبت روحي معاني دقيقة في الأوصاف هومت نفسي خيال في معبدك طواف سكبت روحي على كاس المحبة سلاف هل بعد ذلك أكون لسهام نواك أهداف
يا حبيبي غرامي تركته للأيام تركت حب ودموع تركت شوق وهيام عودت نفسي إذا ما إشتدت الآلام أصبر على الحرمان وأضحي بالأحلام جنة هواي العذري ندية كالأنسام تخلي نار الشوق برداً علي وسلام
|
Post: #155
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 10:15 AM
Parent: #153
|
Post: #156
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 10:21 AM
Parent: #155
الأوصفوككلمات: محمد بشير عتيق
بالبدر أو بالزهر هم ما أنصفوك الأوصفوك كيف يجهلوك وعلى الجمال العادي راحوا يمثلوك ولو بادلوك عين الحقيقة وبالبصيرة تأملوك بالنور أو بالنار أو بقدر ما صاغ الخيال ما عادلوك كيف يجهلوك كوكب منزّه في علوك سحرك غريب وشخصك بعيد أو كان قريب أنوارو آخذة بدون سلوك يبرق سناك في غيهب الليل الحلوك أظرف شمايل زاملوك وهم أكملوك أدبك هبة وفيك موهبة حسن الظبا وطبع الملوك
|
Post: #157
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 10:28 AM
Parent: #156
|
Post: #154
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Adil Al Badawi
Date: 01-12-2010, 10:13 AM
Parent: #152
سلام يا تيسير،
لو وجب علينا اطلاق صفة "التصاويت" على الأعمال الغنائيّة لما وجدنا أفضل من الصوّات الأعظم، خضر بشير، ريّساً على الصوّاتين ولما وجدنا أفضل من تصويتته القويّة المحكمة "عرِّج بي" عمدةً للتصاويت. عرِّجوا عليها في أدناه أو بالمكتبة الصوتيّة للاذاعة السودانية للتعرّف عليها أكثر فأمر احتلالها موقعاً أثيراً بشارع الميّة مفروغٌ منه...شفتي الابتزاز الايجابي دا كيف يا تيسير!
|
Post: #184
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 06:56 AM
Parent: #154
Quote: سلام يا تيسير،
لو وجب علينا اطلاق صفة "التصاويت" على الأعمال الغنائيّة لما وجدنا أفضل من الصوّات الأعظم، خضر بشير، ريّساً على الصوّاتين ولما وجدنا أفضل من تصويتته القويّة المحكمة "عرِّج بي" عمدةً للتصاويت. عرِّجوا عليها في أدناه أو بالمكتبة الصوتيّة للاذاعة السودانية للتعرّف عليها أكثر فأمر احتلالها موقعاً أثيراً بشارع الميّة مفروغٌ منه...شفتي الابتزاز الايجابي دا كيف يا تيسير! |
شايفاك يا عادل
بعد كلامك دا كان ما داخلة معانا برضو حتدخل هو الإحتلال دا أصلو كيف؟ حتى لو إضطررنا لإزاحة خدعوك وجرحوا سمعتك ..
|
Post: #158
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 10:35 AM
Parent: #152
قائد الأسطولكلمات: سيد عبد العزيز
يا قائد الأسطول تخضع لك الفرسان يا ذو الفخار والطول أرحم بني الإنسان مين لسماك يطول ما بطولك اللمسان معناك شرحو يطول والله يا إنسان أصدق كفانا مطول ياذو الحسن إحسان أنا عقلي بيك مختول والناس عقول ولسان ما بنكر المعقول آمنت بالأيمان بالطلسم المصقول بدّل لخوفي أمان بالنور سحرت عقول كانت صميمة زمان يا من تحق القول قتل النفوس حرمان وما الجندي والمكتول و طالب الغفران من إيده راح منتول وإتوهد النيران فاقد الصواب مبتول مما رأى حيران أصبح زهر مشتول وفاح ملا الجيران يا علة المعلول كم أومى ليك بنان كم من أسير مغلول ما لاقى لحظة حنان يرى وعدك المحلول زى حجة الوسنان والكان سكونه تلول ما ببدلهم بجنان يا حبيبي كون ممهول وليكون ماكان الفى غد مجهول والماضى أسمه الكان نفديك شباب وكهول ونبقى ليك أركان فى حبك المأهول ونخدم السكان يالفى سماك مفصول تنشاف عيان وبيان ما عرفنا ليك وصول وما دنيت أحيان إنت الخطاك أصول يعلم الديان مثلت فينا فصول ما بدرسها النسيان
|
Post: #159
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 10:49 AM
Parent: #158
|
Post: #160
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: ناصر احمد الامين
Date: 01-12-2010, 10:52 AM
Parent: #159
يا سلام يا تيسير
بوست جميل جدا
متابعين
|
Post: #162
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Adil Al Badawi
Date: 01-12-2010, 11:07 AM
Parent: #160
Quote: الأوصفوك - خضر بشير |
يا تيسير!
ذكّرتيني ود عمّتي (الجنيد بن عوف) أيّام كان بِقدّم النشرة الجويّة في التلفزيون: دشّ ليك الناس، على الهواء بالمناسبة، عِلِم وفلك والذي مِنّو خلاصتو إنّو رمضان بكرة مافي، استحالة عدييل كِدا! وما أن فكّ عضم المايك إلا وتلقّفه الصبّاغ بـ"جاءنا ما يلي من مجلس الافتاء الشرعي وألاّ شنو داك ما بعرفوا": قوموا شِدّوا سحوركم يرحمكم الله! حَكى الجنيد أنّ الصبّاغ كان ميّت بالضِحِك وهو عرقو يتخلّت بين عِلِم وفلك ونفي امكانية حدوث نشاف الريق.
غايتو سمّيناها رضينا...الأوصفوك ما هينة وتوارد الخواطر ذاتو ما هيّن والله.
|
Post: #163
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 11:53 AM
Parent: #162
عادل ..
طبعاً اللحظة البنزل في خضر بشير لقيتك جايب سيرتو (خلي بالك الزول دا مكاشفي) يكون يا ربي فعلاً عرج بينا وأخد سندة؟
|
Post: #185
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 06:59 AM
Parent: #160
Quote: يا سلام يا تيسير
بوست جميل جدا
متابعين |
شكراٍ يا ناصر
وخليك معانا ..
|
Post: #161
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-12-2010, 10:57 AM
Parent: #159
|
Post: #166
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Abd-Elrhman sorkati
Date: 01-12-2010, 01:00 PM
Parent: #161
تيسير سلامات
بوست جميل متابعه دون كلل وماسك نفسي من الكتابة .
هناك أغاني أود ترشيحها :
إفتتان : كلمات عبد الرحمن الريح وغناء رمضان حسن
نور العيون إنتي الامل
إنصاف
|
Post: #169
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 01-13-2010, 01:02 PM
Parent: #166
تيتي
تاني جينا
اقول ليك كلام خليهم 300 اغنية
سيد خليفة اسراب الحسان والنهاية
وردي المستحيل
صلاح بن البادية كلمة
محمد احمد عوض فاكرك معاي وعندي كلمة
عثمان مصطفي الذكريات مشتاقين وفيها ايه
فاطمة الحاج لاقيتو باسم
|
Post: #171
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 01-13-2010, 01:19 PM
Parent: #169
الشفيع تاني
القطار المر تعال يا رب الفن يا سيدي
كابلي حبيبة عمري وطائر الهوي
|
Post: #177
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: خالد العبيد
Date: 01-14-2010, 05:33 AM
Parent: #171
سلام يا تيسير نحن المحبوسين وراء المحيط دائما نردد: يا طير يا ماشي لي اهلنا بسراع وصل رسايلنا
تسلمي ويسلم قلمك
|
Post: #187
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 07:19 AM
Parent: #177
عزيزنا خالد العبيد وتسلم يا سيدي
الطير المهاجر كيف معاك؟
أهو كلو طيور وسفر وغربة
|
Post: #178
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 05:46 AM
Parent: #171
خليل ..
تتبارك ما تتشارك
|
Post: #186
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 07:14 AM
Parent: #166
Quote: تيسير سلامات
بوست جميل متابعه دون كلل وماسك نفسي من الكتابة .
هناك أغاني أود ترشيحها :
إفتتان : كلمات عبد الرحمن الريح وغناء رمضان حسن
نور العيون إنتي الامل
إنصاف |
يا سلام عليك يا سوركتي ..
ترشيحاتك كلها داخلة معانا إنصاف نزلت قبل مداخلتك دي الزهور صاحية وإنت نايم والملهمة ستراها هنا لاحقاً ..
|
Post: #188
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: معاوية المدير
Date: 01-14-2010, 07:35 AM
Parent: #186
ســـــلام تيسير...
في إعتقادي، إن كانت هنالك أغنية سودانية ترقى إلى مصاف العالمية فهي أغنية (الـمـصـيـر). سيف الدين الدسوقي، والمرحوم أبراهيم عوض... أرجو إضافتها...
بوست كامل الدسمـ...
|
Post: #190
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: طارق ميرغني
Date: 01-14-2010, 09:21 AM
Parent: #188
الاخت تيسير
بوست جميل ولكن عملية الاختيار من اصعب ما يكون
مثلا اخترتي اعنية يا روحي انصفني للتاج مصطفي
مع انه اعلب الفنانين متفقين علي اغنية الملهمه كابدع ما انتج التاج مصطفي
واين مثلا منفي وجميله ومستحيله والطير المهاجر لوردي بل واين جيتنا وفيك ملامحنا !!!
كما وان للكاشف الكثير من الاغنيات اقيم فنيا ثل فتنت بيك او رحله في طياره
وهكذا
وفقك الله ولك ودي
|
Post: #194
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 02:49 PM
Parent: #190
أستاذ طارق ميرغني سلامات ..
Quote: الاخت تيسير
بوست جميل ولكن عملية الاختيار من اصعب ما يكون
مثلا اخترتي اعنية يا روحي انصفني للتاج مصطفي
مع انه اعلب الفنانين متفقين علي اغنية الملهمه كابدع ما انتج التاج مصطفي
واين مثلا منفي وجميله ومستحيله والطير المهاجر لوردي بل واين جيتنا وفيك ملامحنا !!!
كما وان للكاشف الكثير من الاغنيات اقيم فنيا ثل فتنت بيك او رحله في طياره
وهكذا
وفقك الله ولك ودي |
ما ملاحظ إنو ديل يا دوب 20 أغنية ولسة فاضل 80 التاج مصطفى مشارك معانا بأغنيتين إنصاف والملهمة نزلت واحدة والتانية في السكة يعني مسألة زمن وصبر ليس أكثر
جميلة ومستحيلة والطير المهاجر ورحلة بين طيات السحاب أيضاً حينزلوا ولكن يا فارسنا وحارسنا ما معانا لأنها ليست وطنية بل في تمجيد شخص معين ! مالك داير تقوم علي الشيوعيين بي جهة والجمهوريين بي جهة
قالوا يا أستاذ طارق النعام آدم سألوهو قالوا ليهو إنت مالك بي غناك السمح وطمبورك الحنين دا ما بتغني للثورة وقيادات الثورة قال ليهم الحريم قاعدات أغني للرجال مالي؟
هسي إنت الغنا العاطفي والوطني قاعد مالك ومال أبعاج دراج المحن؟
|
Post: #193
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 02:31 PM
Parent: #188
Quote: ســـــلام تيسير...
في إعتقادي، إن كانت هنالك أغنية سودانية ترقى إلى مصاف العالمية فهي أغنية (الـمـصـيـر). سيف الدين الدسوقي، والمرحوم أبراهيم عوض... أرجو إضافتها...
بوست كامل الدسمـ... |
المصير حاتنزل معانا يا معاوية المدير
وفعلاً الأغنية تستحق فهي متميزة في الكلمات والفكرة واللحن لتكتمل بأداء إبراهيم عوض الجميل
أشكرك على المساهمة وتسلم ..
|
Post: #191
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 02:18 PM
Parent: #186
أعلى الجمال تغار منّاكلمات: إدريس جمّاع
أعلى الجمال تغار منا ماذا عليك إذا نـظرنا هى نظرةٌ تُنسي الوقار وتسعد الروح المُعنّى دنياي أنت وفـرحتي ومنى الفؤادِ إذا تمنى أنتَ السماءُ بدت لـنا وإستعصمت بالبعد عنا هلاَّ رحمت متيماً عصفت به الأشواق وهنا وهفت به الذكرى فطاف مع الدجى مغنىً فمغنى هـزته مـنك مـحاسنٌ غنى بها لـمّا تـغنَّى يا شعلةً طافت خواطرنا حواليها وطفنا آنـسـت فيك قداسةً ولمستُ إشراقاً وفنا ونظـرتُ في عينيك آفاقاً وأسـراراً ومعـنى كلّم عهـوداً في الصـبا إسأل عهـوداً كيف كنا كم باللقاءِ سمـحت لنا كم بالطهارةِ ظلّلَتنا ذهـبَ الصـبا بعُهوده ليت الطفولة عاودتنا
|
Post: #192
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-14-2010, 02:26 PM
Parent: #191
|
Post: #189
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: سراج الدين مصطفي
Date: 01-14-2010, 08:30 AM
Parent: #1
أغنية كلمة التي تغني بها الفنان الكبير صلاح بن البادية وكتبها الشاعر الجميل محمد يوسف أعتقد بأنها من أجمل الأغنيات السودانية..وربما توافق فكرة هذا البوست تعالوا نعرف قصتها قصة أغنية "كلمة" فرقت بينه وبين محبوبته حتي الأن محمد يوسف موسي...لن أبوح بسر الكلمة ما دمت حياً!! يحكيها كل خميس: سراج الدين مصطفي أغنية كلمة ظلت هي الحالة الوجدانية الأبرز في تاريخ الأغنية السودانية ولعلها أيضاً تمثل حالة شعورية بالغة التعقيد ..واللهث وراء سر الكلمة التي قالها محمد يوسف موسي ماذال متصلاً عبر السنوات..ولمعرفة تلك الكلمة جلست معه ليحكي قصة تلك الأغنية التي يبرع في أداؤها الفنان الكبير صلاح بن البادية ،حيث قال لي وهو يسترجع لحظات ذلك الألم المهول بشئ من مسحة الحزن التي أعترت ملامحة حينما بدأ يحكي: (1) قصيدة كلمة أنا أعتبرها واحدة من القصائدالكبيرة التي بدأت بها مسرتي الفنيةوكانت سبباً في ظهوري في عالم الغناء وهي أتت بعد أغنيات خفيفة مثل صدفة غريبة ـ عذبني ـ وحياة المحبة..وأنا أعتقد أن (كلمة )هي نقلة جديدة في مسيرة محمد يوسف موسي وتحول واضح في مسار كتابتي للأغنية وهي أيضاً بالنسبة للاخ الفنان صلاح بن البادية نقلة في تجربته الفنية كمطرب او كملحن..لأن هذه الأغنية أثبتت أن صلاح بن البادية ملحن مقتدر جداً بدليل أن هذه الأغنية أصبحت علامة من العلامات الواضحة في مسيرة صلاح ،والطريف في هذه الأغنية أنني لم أسلمها للأخ صلاح..لأنني حينما كتبتها كان ذلك علي مرحلتين حيث كتبت المطلع الأول الي الكوبليه الثالث الذي يقول: لو في كلمة انا غلطان..ياما أنت خطيت وغلطت.. ياما قلت كلام جرحني..ياما قلت وياما قلت.. وكم أدميت بكلمة فؤادي..علشان خاطرك أستحملت.. عشان بهواك بشوفا رقيقة..كلمات جارحة بها نطقت.. (2) عند ذلك المقطع توقفت في كتابة القصيدة وكان كل من يقرأها يشيد بها ويقول بأنها قصيدة جديدة في مضمونها وكلماتها ولكنني دائماً ما كنت أقول بانها ناقصة ولم تكتمل فكرتها ولم تصل مرحلة الأشباع..ولكنني بعد ذلك أكملت القصيدة حتي مطلعها الأخير الذي يقول: كلمتي المست غرورك...فرقتنا يا حبيبي.. ومش خلاص كفرت عنها بتسهدي ونحيبي.. وفي الليالي المرة عشتها وحدي في ناري ولهيبي.. وبرضو ما رضيان تسامح يا صباحي ويا طبيبي.. (3) عند هذا المقطع أحست أن هذه القصيدة أكتملت تماماً..ومن الطرائف التي أذكرها أن في نفس زمن كتابة أغنية كلمة ظهرت أغنية (عذبني) التي كتبتها وغناها الفنان الكبير محمد وردي..وكانت متربعة علي كل المساحات الأعلامية وفي الأذاعة كان يتم بثها في اليوم الواحد أكثر من خمسة مرات وفي برنامج ما يطلبه المستمعون كان القبول عليها كبيراً..ولا توجد حفلة لوردي الا وقدم فيها أغنية (عذبني).. (4) اذكر كان معي وقتها الفنان الشاعر الطيب عبد الله الذي نسأل الله أن يرد غربته،فطلب مني قصيدة عذبني ولكنني قلت له أن الأغنية عند وردي وهو لحنها وكان ذلك قبل ان يسمعها الناس..ولكنني قلت للطيب انا سوف أمنحك نصاً شعرياً أنا أعتقد بأنه جديد وفيه أضافة للشعر وبما أنك رجل موهوب في التلحين انا علي ثقة بأنك ستخرج منها لحناً كبيراً وبديعاً..فأهديته قصيدة كلمة وكنت في حالة فرح لأن الطيب فنان مقتدر وموهوب وهو قبل كل ذلك صديق عزيز..ولكن الطيب أخذ القصيدة معه قرابة الثمانية اشهر ولم يلحنها ولم أساله عنها. (5) اذكر أن صديقاً مشترك بيني والطيب حضر اليَ وقال أنه سأل الطيب عن قصيدة كلمة فقال له حاولت أن الحنها ولكني لم استطع لأنني حتي هذه اللحظة لم اجد اللحن المناسب..لذلك قررت أن أمنحها لصلاح أبن البادية والذي كان كل ما أقرأ عليه جزء من القصيدة يردد عبارة(يا سلام يا سلام) وقال لي بأنه سيضع لها لحناً كبيراً..وقلت له أتمني أن تكون في مستوي أغنية أنت أغلي ولكنه راهن بأنها ستكون أغنية أكبر..وبالفعل بعد خمسة عشر يوماً جاءني الأخ صلاح بن البادية واسمعني لحنه للمطالع الأولي من القصيدة ..وبعد أن أكمل لحن الأغنية قام بتسجيلها للأذاعة والتي أصبحت تبثها بدلاً عن أغنية (من اجل ليلي)وأنا أعتقد بأنها واحدة من الأغنيات التي ظلمتها (كلمة)وأذكر أن الأغنية حينما بثت لأول مرة جاءني واحد من الجيران وكان شاعراً وقال لي بأن صلاح(كتل) القصيدة ولحنها وكأنها(مدحة) ولكنني قلت له لو سمعها جيداً ستحس بأن صلاح قدم نموذجاً طيباً من الألحان..والغريبة أن الأذاعة لم تكن تبثها كثيراً كحالها مع الأغنيات الجديدة..فذهبت للأذاعة وقلت للأخوة أنتم تبثون أغنية (عذبني )كثيراً و أرجو منكم أن تمنحوا أغنية كلمة حظها من البث الأذاعي..وبالفعل حينما بدأوا في بثها وجدت قبولاً كبيراً (6) هذا النجاح الكبير الذي وجدته الأغنية لا يعود للكلمات لوحدها وإنما للحن العظيم الذي وضعه الأخ الفنان صلاح بن البادية وأداؤه المتفرد وصوته الجميل والي الأن ظل صلاح يومياً يقدمها بتوزيع جديد شكل متطور ومواكب (7) وعن سر الكلمة قال محمد يوسف موسي(انا لا أحب أن اشرح قصائدي ولكن كان لهذه القصيدة قصة واقعية عشتها انا شخصياً ولم تكن من نسج الخيال..وأنا اعتقد أن سبب خلود هذه الأغنية وبقاؤها طيلة هذا الزمن في حالة شباب متجدد هو أنني عبرت عن لحظة حقيقية في حياتي بكل صدق وتجرد لأنني وصفت لحظة من حياتي كنت فيها في غاية الحزن والأسي بسبب كلمة تفوهت بها وتسببت في كتابة هذه القصيدة..وتلك الكلمة فرقتنا حتي الأن..وأنا لا أعتقد بأن تلك (الكلمة)كانت كبيرة لهذا الحد..ولوكان هنالك باب للمسامحة كان يمكن لنا أن نعود ونباشر العلاقة بشكل أجمل..ولكن من قلتها له أعتقد بأنها كلمة قاسية جداً ولا يتوقعها مني وكما قلت بأنها مست غرور ذلك المحبوب.. (8) بصراحة أنا لا أحب البوح بتلك الكلمة حتي أترك الجميع يتأمل تلك الكلمة ويتخيلها كما يريد أي أنسان وأن يحسها كيفما يشاء ..وانا سر هذه الكلمة سيظل معي الي أن ألقي ربي..وأنا أعتقد بأن اعظم ما في الشعر أن يكون فيه غموضاً مشروعاً يظل مكاناً وباباً للسؤال والتساؤل..لأن الشاعر حينما ما يفكك معني قصيدته يفقدها الكثير من جمالية غموضها
|
Post: #195
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: طارق ميرغني
Date: 01-14-2010, 06:25 PM
Parent: #189
هسي إنت الغنا العاطفي والوطني قاعد مالك ومال أبعاج دراج المحن؟
اختي تيسير والله بكلامك ده ريحتيني للغايه
وان شاء الله متابعين
ربنا يوفقك......
عيونك كانوا في عيوني
وعد النوار
|
Post: #196
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: مدثر قرجاج
Date: 01-14-2010, 08:43 PM
Parent: #195
ياسلام ياسراج الدين رغم اننا ماعرفنا الكلمة لكن سرد جميل والكلمة مهما كانت ان مبسوط انو محمد يوسف الشاعر الكبير قال الكلمة دى وياريت لو قال مليون كلمه لمليون محبوبه كان حانسمع ابداع حقيقى والله اغنيه جميله ومؤلمة وعنيفه ورقيقه فيها همس وفيهاجمال وفيها كل معانى الحب ولوعة الفراق فعلا كلمة من اجمل الاغانى السودانيه.. لك الود.
................................................... وياتيسير متابعين بشغف شديد ومنتظرين باقى المنظومه
|
Post: #200
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-15-2010, 06:48 AM
Parent: #196
مراحب يا قرجاج ..
بحاول قدر الإمكان أكون أسرع شوية
خليك معانا ..
|
Post: #199
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-15-2010, 06:45 AM
Parent: #195
أستاذ طارق ..
Quote: عيونك كانوا في عيوني
وعد النوار |
أيوة دا الكلام إختيارات رائعة
coming soon
|
Post: #198
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-15-2010, 06:13 AM
Parent: #189
أستاذ سراج الدين مصطفى
Quote: قصة أغنية "كلمة" فرقت بينه وبين محبوبته حتي الأن محمد يوسف موسي...لن أبوح بسر الكلمة ما دمت حياً!! يحكيها كل خميس: سراج الدين مصطفي |
ألف شكر لإيراد قصة هذه الأغنية وبلسان شاعرها الجميل ويا ريت كلما تلقى طريقة تجيب لينا (قصة أغنية) وتحكيها هنا أيضاً أغنية كلمة من الأغنيات المميزة لصلاح بن البادية
ستجدها ضمن هذا البوست لاحقاً ..
خالص الشكر
|
Post: #197
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عزاز شامي
Date: 01-14-2010, 09:29 PM
Parent: #1
بعيدا عن موضوع البوست ... افتكر انتي يا تيسير حتخشي الجنة بصبرك ومن ناحية أخرى، البوست ده بقى زي اليتيم الوارث عندو مليون قريب وصي
|
Post: #201
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-15-2010, 06:56 AM
Parent: #197
Quote: بعيدا عن موضوع البوست ... افتكر انتي يا تيسير حتخشي الجنة بصبرك ومن ناحية أخرى، البوست ده بقى زي اليتيم الوارث عندو مليون قريب وصي |
لحدي الآن أنا جاتني فلايت وإشقدي وبرومبوفي
|
Post: #202
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-15-2010, 07:01 AM
Parent: #201
يا ضنين الوعدكلمات: صديق مدثر يا ضنين الوعد أهديتك حبي من فؤادٍ يبعث الحب ندياً إن يكن حسنك مجهول المدى فخيال الشعر يرتاد الثريا كلما أخفيته في القلبِ تنبيء عنه عيناك ولا يخفى عليّا أنا إن شئت فمن أعماق قلبي أرسل الألحان شلالاً رويّا وأبث الليل أسرار الهوى وأصوغ الصبح ذوبا بابليا لا تقل إني بعيدٌ في الثرى فخيال الشعر يرتاد الثريا كان بالأمس لقانا عابراً كان وهماً، كان رمزاً عبقريا كان لولا أنني أبصرته وتبينت إرتعاشاً فى يديّا بعض أحلامى التى أنسجها فى خيالى وأناجيها مليّا ومضةٌ عشت على إشراقها وإنقضت عجلى وما اصغت إليّا كلمة خبأتها في خافقي وترفقت بها براً حفيا من دمي غذيتها حتى غدت ذات جرس يأسر الأذن شجيا وإفترقنا وبعينيّ المنى قالها الدمع فما أبصرت شيئا إن تكن أنت جميلاً فأنا شاعرٌ يستنطق الصخر العصيا أو تكن أنت بعيداً عن يدي فخيالي يدرك النائي القصيا
|
Post: #203
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-15-2010, 07:18 AM
Parent: #202
أنا إن شئت فمن أعماق قلبي أرسل الألحان شلالاً رويّا يا ضنين الوعد - الكابلي
|
Post: #204
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-15-2010, 07:37 AM
Parent: #203
ماضي الذكريات
كلمات: الجيلي محمد صالح
رحت في حالك نسيتني وإعتبرت الماضي فات لما إنت خلاص جفيتني ليه بتحكي الذكريات
لما تحكي ذكرياتنا كنت تحكيها بأمانة كيف بدت، كيف إنتهت وإتبددت قبال أوانا وكيف أمانينا الجميلة حلت الآهات مكانا كفاية أشوفك بي خيالي وأستعيد أحلى الليالي وأبكي أيامي الخوالي وكل ماضي الذكريات
ذكرياتنا مهما كانت برضو ترديدا بيألم ليه تردد ذكرياتنا ويوم ألاقيك ما بتسلم ليه بديت إنت الفراق وإنت عارفو كيف بيندم رميتني في نيران صدودك تاني ما بصدق عهودك أنا بحاول أنسى ريدك وأنسى ماضي الذكريات
كنت دايماً بعذرك راضي بي حرمان شبابي كنت راضي تدللك برايا بتحمل صعابي إلا ما برضى التجاهل لي شعوري لي عذابي تعال وبادلني الوداد ولا قاسمني السهاد إنت لو راضي البعاد ليه بتحكي الذكريات
|
Post: #205
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-15-2010, 07:48 AM
Parent: #204
|
Post: #206
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-15-2010, 07:53 AM
Parent: #205
عزيز دنياي
كلمات وألحان: الطاهر إبراهيم
كنت معاك سعيد الليلة في بعدك ما أضناني بصبر يمكن يفيد صبري ويمكن نرجع تاني وخايف الناس تغريك تنسى دموعي وتنسى حناني وأفضل مخلص ليك لو حتى سعادتك في حرماني علشان ما تعيش طول عمرك هاني أضحي بزهرة عمري وأستشهد بي ألحاني وأوري حقيقة أمري عرفت الحب من قبلك مرة وإنت الحب العاش في كياني
بهرب منك لرضاك وبحاول من أجلك أنساك أمهد ليك تتخلص مني ألقى خطاي تجمعني معاك ولو تعرف عايش على عطفك وكل حياتي من املاكك تعرف يوم في دنيا غيابك يساوي سنين في دنيا هناك يا أعز عزيز في دنياي أنا طامع أبقى عزيز دنياك
|
Post: #207
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-15-2010, 08:00 AM
Parent: #206
ألقى خطاي تجمعني معاك عزيز دنياي - إبراهيم عوض
|
Post: #208
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-15-2010, 08:10 AM
Parent: #207
الأمـانكلمات: محمد بشير عتيق
الأمان .. الأمان من فتكات عيونك أرحم مهجتي يشغل قلبي حبك على مر الزمان سلطانو إستقر وفي جورو إستمر وكيف ألقى الضمان ياما إنت ظالم وأنا طايع أوامرك لي شخصك مسالم يا حبيبي الأمان وأسمح لي كمان أقبل يديك ومن نور وجنتيك أنوّر مقلتي فيك صور المحاسن ظهرت لي عيان موسيقى حديثك مع سحر البيان وإذا مال قوامك يا زين الحسان روحي تسيل عواطف وقلبي يذوب حنان أنا كيف ما أخافك ومما طرفي شافك ما حبيت خلافك حبك منيتي فرضي وسنتي ناري وجنتي من يوم نشأتي تقديسك شعاري وحبك نشوتي يا سامي العروض يا موحي العروض من صورة جناني أرسل ليك أغاني من أرقى المعاني عنوان خبرتي إبداع فكرتي تخليد ذكرتي
|
Post: #209
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-15-2010, 08:15 AM
Parent: #208
روحي تسيل عواطف وقلبي يذوب حنان الأمان - رمضان حسن
|
Post: #210
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 00:28 AM
Parent: #209
(21) عني مالم صدوا وإتواروا
كلمات: علي محمود التنقاري ألحان: التاج مصطفى أداء: عشة الفلاتية
|
Post: #211
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 00:30 AM
Parent: #210
(22) عارفني منك "الشجن الأليم" كلمات: صلاح حاج سعيد ألحان وأداء: مصطفى سيد أحمد
|
Post: #212
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 00:32 AM
Parent: #211
(23) المسافر
كلمات: حسب الباري سليمان ألحان وأداء: حسن خليفة العطبراوي
|
Post: #213
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 00:36 AM
Parent: #212
(24) دنيا المحبة
كلمات: عوض أحمد خليفة ألحان: الفاتح كسلاوي أداء: زيدان إبراهيم
|
Post: #214
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 00:39 AM
Parent: #213
(25) مرت الأيام
كلمات: مبارك المغربي ألحان عربي الصلحي أداء: عبد الدافع عثمان
|
Post: #215
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 00:41 AM
Parent: #214
(26) رمز الجمال
كلمات وألحان: محمد عوض الكريم القرشي أداء: عثمان الشفيع
|
Post: #216
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 00:43 AM
Parent: #215
(27) بخاف
كلمات: سهام السر ألحان وأداء: أبو عركي البخيت
|
Post: #217
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 00:47 AM
Parent: #216
(28) أحرموني ولا تحرموني
كلمات: ود الرضي ألحان: سرور أداء: إبراهيم عبد الجليل
|
Post: #218
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 00:48 AM
Parent: #217
(29) مين في الأحبة
كلمات: بشير محسن ألحان وأداء: شرحبيل أحمد
|
Post: #219
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 00:51 AM
Parent: #218
(30) قطار الشوق
كلمات: علي محجوب ألحان وأداء: بابكر الذكار ثم تغنت بها البلابل
|
Post: #220
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 00:55 AM
Parent: #219
عفواً
التعديلات لخطأ في الترقيم ..
|
Post: #221
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 11:36 AM
Parent: #220
عني مالم صدوا وإتواروا
كلمات: علي محمود التنقاري
عني مالم صدوا وإتواروا حظي عاكس ولا هم جاروا
جافت العين المنام بدري و الحبايب بي لو تدري راعوا إنصافي والهوى العذري بعدما طال الغياب زاروا
غني يا شادي وردد ألحانو فكري سرّح وهاجت أشجانو ولا سافر فارق أوطانو سار معاهم أينما ساروا
عني مالم صدوا وإتواروا حظي عاكس ولا هم جاروا
|
Post: #222
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 11:47 AM
Parent: #221
|
Post: #223
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 11:56 AM
Parent: #222
عارفني منككلمات: صلاح حاج سعيد
عارفني منك لا الزمن يقدر يحول قلبي عنك لا المسافة ولا الخيال يشغلني منك عارفني منك تحرمني منك والمواعيد لا بتجيب منك تودي لا الشجن قادر يشيلني عليك أعدي لا التحايا و لا المشاعر الحية في جوة الحنايا لا رسالة تجيني منك لا خبر طمني عنك وإنت سايق فيني ظنك رغم إنك إنت عارف إنو منك لا الزمن يقدر يحول قلبي عنك لا المسافة و لا الخيال يشغلني منك عارفني منك ببقى بعدك في الأسى وتبقى إنت الظالم القاسي النسى وغصب عني أزيح ظنوني وأقول عليك إنت المسامح فوق شجوني أعيش زمان بالفرقة جارح فوق شجوني في إحتمالي و بالي إنك وإنت سايق فيني ظنك رغم إنك إنت عارف إنو منك لا الزمن يقدر يحول قلبي عنك لا المسافة و لا الخيال يشغلني منك عارفني منك يا هوى الألم النعيم خليك على الوعد القديم و خليني في الشجن الأليم وأبقى في كل المداين سكتي وسفري الجحيم تبقى إيه الدنيا من بعدك تكون؟ و أبقى إيه بعدك اكون؟
|
Post: #224
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-16-2010, 12:09 PM
Parent: #223
(عود)
|
Post: #225
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 12:49 PM
Parent: #224
المسافر
كلمات: حسب الباري سليمان
نسانا حبيبنا الما منظور ينسانا مالو سافر روّح ما غشانا حليل الخوة الما قدر عشانا
نسانا حبيبنا وعارف ريدنا هولو عشانو تمشي قلوبنا ورا رحيلو يسافر بينا لي دارو ومقيلو يقول فارقنا سافر يا حليلو
نساهر ونشقى لو ينفع شقانا تسيل دمعاتنا بي شوقا وحنانا عشان ما يطرا ريدتنا ومنانا يذكر قلبو أيامو المعانا
كيفن صابر ومستحمل قليبو الزمن قساهو نسى إخلاص حبيبو يا معذبنا ما قادرين نسيبو نقول لابدّ إنو الشوق يجيبو
وحات الريدة ما بننسالو عشرة آه يا دنيا لو في بالو مرة إتذكرنا أو بس طيفنا مرة كان يا حليلو عرف الفرقة مرة
طول يا ليلي لي همي وأسايا وأشهدي يا نجوم سهدي وبلايا خلاص في حبو ضاع أملي ورجايا بقيت وحيد نجوم الليل عزايا
|
Post: #226
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 01:02 PM
Parent: #225
تسيل دمعاتنا بي شوقا وحنانا المسافر - حسن خليفة العطبراوي
|
Post: #227
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 01:11 PM
Parent: #226
دنيا المحبةكلمات: عوض أحمد خليفة
في بعدك يا غالي أضناني الألم وعشت مع الليالي لا حب لا نغم وين يا نور عيوني كم طولنا كم من لمسات حنانك خلاص تمينا دور أيام مرة خالية من طعم السرور كل ما غنى شادي دوبني الشعور وأقول يا ريت حبيب لو في الطيف يزور لو كان التمني بينفع كل حبيب ما كان السعادة بقت قسمة ونصيب ولا قلوبنا الحيارى مع الايام تشيب ولا عاش قلبي تايه في حبك غريب لا تسأل مشاعرك ليه عيني بكن يوم ودعني حسنك ولازمني الشجن باكر يا حبيبي يعلمك الزمن ليه دنيا المحبة للعشاق وطن
|
Post: #228
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 01:26 PM
Parent: #227
|
Post: #229
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 01:38 PM
Parent: #228
بخاف
كلمات: سهام السر
بخاف أسال عليك الناس سر الريدة بينا يذيع بخاف أكتر كمان ياغالي من إيديا إنت تضيع وأعيش بعدك حياتي جفاف مواسم بينا ما في ربيع بخاف يا إنت لو جيتك ألملم في خطاوي الشوق وأزور بيتك يقولوا علي حبيتك وأخاف لو برضي غبت عليك تقول ناسيك وجافيتك بَهـِم لو صدفة لاقيتك درب حِـلتنا جابك يوم تشيل ياروحي ترمي اللوم علي وتزيد همومي هموم تقول جافيك وأنا نسيتك أريت تعرف حنيني إليك ياريتك كمان آه وتعرف لحدت وين بعزك وفي أعماقي حسيتك وبس خايف إذا جيتك حكاية الريدة تمشي تذيع ومن إيديا إنت تضيع وأعيش بعدك آه حياتي جفاف مواسم بينا ما في ربيع
|
Post: #230
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 01:45 PM
Parent: #229
|
Post: #231
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 01:56 PM
Parent: #230
مرت الأيامكلمات: مبارك المغربي
مرت الأيام كالخيال أحلام وإنطوت آمال كم رواها غرام مرت ومر نعيم كان ظني فيهو يدوم لكنو مر سريع خلف وراهو هموم آلاما ما بتزول ما بين أرق ودموع ما كان جزاي أهيم سميري يبقى البين وهوانا لسة ربيع ما كان خطر في البال ألقاك ويسكرني تعبيرك أو حين أراك تختال أهواك وأفوز بتقديرك نتلاقى في الإحساس والحب يهنينا وكاس المودة يدور بالبهجة والإيناس والليل يغنينا والبدر لينا سمير ذكراك ما ذكراك غير العذاب ألوان لو أستطيع أنساك أو أعرف السلوان ما كان ملكني هواك يا ريت هواك ما كان أنساني لو تنسى أنا للوداد ذاكر وأنا برضاك راضي طول عمري أتأسف من حسرة الحاضر أعيش على الماضي
|
Post: #232
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 02:01 PM
Parent: #231
|
Post: #233
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 02:17 PM
Parent: #232
رمز الجمالكلمات: محمد عوض الكريم القرشي
المالك شعوري أنا لي فيك آمال رمز الجمال رمز الجمال كفاهو الناير سماهو الغالي رضاهو تلمس سر عظمتو تهرب من لقاهو يغريك بي عيونو ويشجيك من فنونو لكن هو المحال رمز الجمال رمز الجمال آذانا أيقظ لي هوانا في الطيف ما غشانا ليه يا قاسي تنكر إخلاصنا ووفانا لي مين أشتكيك أنا المجبور عليك كفاي الإحتمال رمز الجمال غرد يا كناري و حاكي العندليب وأبسمي يا خميلة أتى اليوم الحبيب قد دنت السعادة وقد ذهب النحيب عطف الليلة بيا و شرفني الحبيب فجمعنا الهوى وفارقنا النوى ونعمنا سوا وهتفنا لنرشف من هذا المنال فملأنا كؤوسنا وغمرنا نفوسنا من طيف الجمال
|
Post: #234
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 02:24 PM
Parent: #233
|
Post: #235
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 02:31 PM
Parent: #234
أحرموني ولا تحرمونيكلمات: محمد أحمد الرضي "ود الرضي"
أحرموني ولا تحرموني سنة الإسلام السلام عطفكم يا من ألّموني كالأشعة الأسهم رموني الشجون بالليل نادموني الأنين والنوح علموني لو معنعن قول كلموني حبي طاهر لمَ تظلموني برضي قابل الظلم إحترام يا النفوني كفى أعرفوني ساهي ساهر ساحات جِفوني في هواكم يا من جَفوني لا ألوم إن لم تنصفوني إنعكاس الأحوال كفوني أيضاً الأيام عرّفوني يوم سموماً ويوماً غمام كلما النسمات عطروني فاجأوني دموع مطروني رب أغفر للعكروني في وداعة الباري العروني رب وقت يتذكروني أو يقول القايل دروني أو يحدث عني المنام الدهاة بالسلو ما دهوني عن تجاهكم ما وجهوني بي تحكو وشمتو النهوني وبرضي هايم وخاضع لهوني لا أقول مستنكف دهوني عن كثير عن قيس نبهوني عن حقيقة الحب غين ولام ما تنفس صبح أو ضحى لي إلا غاب هدهد فكري ورحالي قال قربك عين المحال قلبي غير ذكراك ما صحى لي يكفي أن السهد إكتحالي يكفي شاهد لي إنتحالي المدامع ألسن لحالى شاكي شاكر شاخص دوام طاف خيالك والليل كافر شفت بدرو المتجلي سافر صك غاضب لقى دمعي دافر قاللي جملة وعقد الاظافر قاللي طبع الريم أصلو نافر قتلو عل تريم النوافر وعل راء الريم تبقى لام في التفكر أصبح وأمسي أيضا التذكار نجوى همسي وحياتي أشبه برمسي اشكو يومي واسترحم أمسي ما عهدتك يا ليل تمسي طلت وإمتى إشراق شمسي إنت وين يا بدر التمام قلت ليت الأيام يندن تبقى لانت وسحابا دندن بي لقاك النيران يخمدن ليك روحي وأجزيك حمداً قال وكيف إستوجب لي حمداً من تعاطى المكروه عمداً غير شك يتعاطى الحرام
|
Post: #236
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 02:42 PM
Parent: #235
أحرموني ولا تحرموني - بصوت أحمد عمر الرباطابي
|
Post: #237
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 03:07 PM
Parent: #236
مين في الأحبة
كلمات: بشير محسن
مين في الأحبة أخلص وحبّ غيرك يا قلبي فاكر المحبة
مين ينسى روحو علشان صحابو غيرك يا قلبي يرضى بنصيبو شايف حبيبو ما ممكن يسيبو مشتاق وخايف الأنظار تصيبو
يا ريتو يعرف تقديرو عندك لو كان بحبك وداير يعاهدك ما كان جفاك وكتّر في صدك وإتناسى ريدك وخلاك لوحدك
يصعب يا قلبي تنسى الليالي الفرقة حاصلة والعهد غالي إيه قصدك إنت ترضى إنشغالي وتسيبني وحدي وتتبع خيالي
|
Post: #238
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 03:14 PM
Parent: #237
|
Post: #239
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 03:24 PM
Parent: #238
قطار الشوق
كلمات: علي محجوب
قطار الشوق متين ترحل تودينا نشوف بلداً حنان أهلا ترسى هناك ترسينا
نسائم عطبرة الحلوة تهدّينا و ترسينا نقابل فيها ناس طيبين فراقهم كان ببكينا يا قطار الشوق متين توصل حبيبنا هناك راجينا متين نحضن عويناتو متين يسرع يحيينا
يا قطار الشوق دا ليل الغربة فيهو ودار متين تسرع متين بتكمل المشوار عشان ما نلقى سيد الناس و نطفي البينا من النار نشوف عينيهو النعسانة و لونو الزاهي كلو نضار
يا قطار الشوق حبيبنا هناك يحسب في مسافاتك و لو تعرف غلاوة الريدة كنت نسيت محطاتك وكان بدرت في الميعاد و كان قللت ساعاتك و كان حنيت علي مرة و كان حركت عجلاتك
|
Post: #240
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-17-2010, 03:35 PM
Parent: #239
|
Post: #248
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Elmosley
Date: 01-21-2010, 10:37 AM
Parent: #216
Quote: (27) بخاف
كلمات: سهام السر ألحان وأداء: أبو عركي البخيت |
كلمات حسن السر ياتيسير
|
Post: #250
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-21-2010, 11:29 AM
Parent: #248
Quote: Quote: 27) بخاف
كلمات: سهام السر ألحان وأداء: أبو عركي البخيت |
كلمات حسن السر ياتيسير |
أستاذ موصلي العزيز مرحب بيك ..
سهام السر هي شقيقة حسن السر والعهدة على الراوي صلاح الباشا:
Quote: كان برنامج (أمسيات) للنجم اللامع (متوكل كمال) من أنجح برامج السهرات في مسيرة التلفزيون الفنية، والذي كان يتم تقديمه مساء يوم الإثنين من كل إسبوع حيث كان يستضيف فيه عائلة كاملة من عائلات العاصمة المثلثة ويستضيف فيه الفنان الذي تختاره تلك العائلة ، وكانت السهرة في شكل حوار إجتماعي جميل وراقي ، يحكي المدعوون فيه عن مختلف تجاربهم وإهتمامتهم الحياتية ، فكان بذلك يجذب غالبية المشاهدين في ذلك اليوم من كل إسبوع 0 وقد كان ضيف إحدي الحلقات صاحبنا أبوعركي ، فأطل بالأغنية الأولي (أخاف أسال)التي كتب كلماتها الشاعر (حسن السر)0 ولكن هناك موضوع إستجد في قصة هذه الأغنية مؤخراً جداً ، فقد قرأنا حواراً بجريدة الخرطوم في شهر يونيو 2000م مع شقيقة هذا الشاعر وهي الأستاذة( سهام السر) حيث ذكرت بأنها هي التي كتبت تلك الرائعة التي تغني بها أبوعركي في ذلك الزمان ، ، غير أن الظروف لم تكن مواتية آنذاك لأن تذكر إسمها كشاعرة ، فتم نشرها تحت إسم شقيقها(حسن السر) فأصبح بذلك هو والد القصيدة بالتبني0 وعلي أية حال ، فإن الإغنية جميلة وفيها موضوع جديد ، ومفرداتها تحكي الحدث تماماً |
المصدر
تسلم على العين الصاحية أستاذنا ..
|
Post: #241
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: سراج الدين مصطفي
Date: 01-17-2010, 05:55 PM
Parent: #197
قبل ما نخش في موضوع جديد داير أوضح لبعض الأخوان ومنهم الأستاذ بشري الفاضل أغنية زاد الشجون التي تغني بهاالموسيقار محمد الأمين هي من كلمات الشاعر والصحفي الأستاذ فضل الله محمد والأغنية التي كتبها تاج السر كنة لمحمد الأمين هي أغنية "سوف يأتي" أها الموضوع التاني هو حكاية أغنية أغنية من أجمل الأغاني تغني بها فتحي حسين وكتبها الشاعر الجميل سعد الدين ابراهيم ولحنها الموسيقار عمر الشاعر تعالوا نعرف قصتها العزيزة ... النشيد القومي للعاشقين يحكيها : سراج الدين مصطفي في تعاملاتنا الحياتية قد نصادف أشخاص يتطابقون فعلياً مع أسماؤهم..وربما نجد من يحمل أسم (جميل) أو (الهادي) فيكونون بنفس تعابير الكلمة مهما إمتلأت بمدلولاتها الجمالية فتصير أسماء علي مسمي..ويبدو أن أغنية (العزيزة) هي بنفس تلك المواصفات..فهي أغنية ليست عزيزة علي شاعرها الأستاذ سعد الدين ابراهيم لوحده ولكنها أغنية عزيزة علي كل الشعب السوداني،وهذه العزة حتمتها ثمة مكونات،ويظل صدق العاطفة وجيشانها هي السمات الأبرز لهذه الأغنية،فهي كالمعول حفرت عميقاً في الدواخل ولامست تلك الأعصاب البعيدة..وذلك لأن شاعرها "أبوالسعود" في لحظتها كان مسكوناً بعشق كبير خيبته الأيام ولم تترك براعمه تتفق ..وتلك الحالة الشعورية التي عاشها في أيام صباه تسربت إلينا عدوتها التي يبدو وكأنها عصية علي كل وصفات العلاج..وصحيح أن العزيزة كانت موقف حياتي خاص بسعدالدين ابراهيم ولكنها في ذات اللحظة تنفك من أسارها ذلك وتصبح حالة شعورية مشاعة بكل مفاهيم الأشتراكية الوجدانية. مشنقتي: سعدالدين ابراهيم يمتلئ بالشجن حين يستدعي تلك اليام من أطراف ذاكرته وهو يحكي عنها بصدق وبعض الألم الذي إعتدنا أن ننبشه في حالات أغنية بإدهش (العزيزة)،جلست إليه ليحكي لي قصة هذه الأغنية فقال(في ذات اللحظة التي تسألني فيها عن حكاية أغني العزيزة كنت أفكر في دكتاتورية هذه الأغنية..فهل ستصبح مشنقتي؟وقبل أن أسترسل في تفاصيلها القديمة فهي سجلها لشركات الأنتاج الفني رهط من فناني الجيل الجديد بدأت بنزار الماحي ثم عاطف أنيس ثم توبين واخيراً الطيب مدثر..وقد وعدني الشاعر الكبير أزهري محمد علي علي أن يسمعني لها بصوت مصطفي سيدأحمد في تسجيل خاص له،كما صرح الفنان الكبير محمد وردي بأنه يقدرها ويحبها..فلماذا ستظل متسلطة منذ منتصف السبعينيات؟أذ أن عمرها أكثر من ثلاثين عاماً وماذالت وكأنها تذاع لأول مرة بالنسبة للأجيال الجديدة. فتحي حسين:قلت لسعدالدين هذه اغنية تنسب لك كشاعر أكثر من مغنيها فتحي حسين،فقال(عادة تنسب الأغنية للفنان الذي أدها أكثر من شاعرها وملحنها..ولكن بسبب أن مغنيها فتحي حسين أنزوي بعد التغني بها ,اخذ يتغني بها العديد من الفنانين،فصارت تنسب الي الشاعر وفي هذا بدعة جديدة. السحر الخفي: ماذا أقول عنها:قلت لسعد الدين ماهو السحر الخفي الذي جعل هذه الأغنية جديدة ومتجددة طيلة هذه الأعوام فقال(ربما في جرعة الصدق في القصيدة ..ففي ذلك الزمن كان القلب أخضر وكان الحب يتساقط من فضاء العذوبة وكان الحب ضرورة..فكانت العزيزة إختيار متوافق دون ترتيب .فطوقتني بحب أكبر..فماذا أقول عنها .زويكفئ أنني ما سرت في (شارع مشيناه زمان سوا)إلا و(شعرت جلدي كلبت)..وما سمعت أغنية رددناها مرة(سوا) الا وتورمت أجفاني..وماذالت العطور التي تحبها تملأ خياشيمي..الألوان التي تفضلها ماذالت ألواني المفضلة. براعم خنقت: وتركت سعدالدين يتداعي ويجتر تلك الأيام(إن قلت لك أن الفراق الذي كان والقطيعة التي تمت كانت بسبب تكالب قوي من الأنس والجن ساهم أن يمضي عشق جميل كهذا للأمام..كنا براعم خنقت قبل أن تتفتح .وشاء القدر أن لا يكون في الدنيا مثل هذا الوجد والحنو والوله..وتسألني يا سراج الدين عن حكاية الأغنية وقصتها..أي حكاية واي قصة ..عن تفاصيل الأغنية حتي تشكلت ..أم حكايتها في (عضمها) ولعلي أشرت الي ذلك وهو يستعصي علي التدوين.زأما قصتها وكيف أصبحت أغنية ،فسأحكي لك:كنا في المرحلة الثانوية وكان زميلي الشاعر الراحل(يوسف محمد يوسف) قد أصر علي أن يعرفني علي الملحن القنبلة آنذاك الأستاذ عمر الشاعر.وحملت له قصيدة العزيزو كعربون صداقة،فذهبنا اليه ولكن لم نجده فتركت قصيدة(حروف للعزيزة) وكانت أطول ةتتضمن أبيات أكثر ولكن عمر أكتفئ منها بماقطع. زيدان ابراهيم: ويضيف أبو السعود بحميمته المعهودة ويقول(حضر الي الأخ الفنان فتحي حسين في منزلي بالثورة الحارة الخامسة.وعرفني بنفسه وابدي رغبة في التغني بالأغنية والتي كان مرشح لها زيدان ابراهيم وكان حينهانجم الشباب وصاحب أغنيات(ضاربة في الحفلات )في السوق..وقال لي فتحي حسين كنت أغني في بعدك ياغالي ولكن شاعرها وملحنهلاأخذوها مني وفضلوا علي زيدان..وتعاطفت معه..لكني كنت لم أستمع إليه بعد..وسألت عنه صديقنا الفنان الراحل (التجاني مختار)فدعانا الي جلسه في منزله..وأستمعنا الي فتحي حسين بصوته المميز الآسر ببحة شفيفة،فأعجبت به. حينما كان يحكي سعدالدين قلت في غرارة نفسي يجب أن لا أقاطعه بالكلام والسؤال..لأن كلماته كانت مليئة ولم تحوجني للأسئلة..فتركته يتداعي(وعندما فكرت في الأمر قلت هي مغامرة لذيذة ،فلو غني لي زيدان وهو نجم النجوم آنذاك فلن أحقق مجداً ولكن لو غناها هذا الشاب الواعد ونجحت سيحسب ذلك لي،وقد كان وتنازلت له عنها وسط دهشة الجميع بما فيهم عمر الشاعر ولكني موافقتي شجعته علي المغامرة..فكانت العزيزة ..ولم تجد حظها من الشهرة وإن وجدت الإعجاب..وقدمها القدير عمر الجزلي ضمن برنامجه الشهير "أوتار الليل" وهو كان لا يقدم فيه الا الأغنيات الا لكبار الفنانين..وأشاد بها المذيع الفنان عبدالكريم قباني واسماها النشيد القومي للعاشقين. الوجود البهي: قلت لسعدالدين هذه الأغنية ظلت تحفر في وجدان الناس طيلة الأعوام ولها سطوة وحضور والق ماذال يتألق ويزداد بمرور الأيام ،فكيف تحقق لها كل هذا التعتق والحضور الجميل(لا أدري متي وكيف أصبحت الأغنية بهذا الوجود البهي في وجدان الناس ..ولكن أعرف أن ذلك تم بعد سنوات..وقد أشتهرت لي أغنيات سجلن بعدها مثل حكاية عن حبيبتي لأبوعركي البخيت والمشاعل ليوسف الموصلي وأبوي لمني الخير وياهو دا السودان لصابر جميل ..ولكن فجأة إنتعشت هذه الأغنية وراجت وتفرق دمها علي قبائل الفنانين بعد كل ذلك التداعي الجميل والأنيق سألني سعدالدين (هل حكيت لك ما تريده تماماً وما يفيد قارئك؟)وأنا لن أجيب بشئ لأن الأغنيةى حكت ولم تستبق شيئاً يقال..وعن حكايتها حكيت بأروع ما يقال..فوصلت حد الأرتواء.
الشاعر الجميل سعد الدين ابراهيم
لو أي زول عارف معلومة عن الفنان المهاجر فتحي حسين يقولا لينا
|
Post: #242
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عمر بانقا
Date: 01-17-2010, 10:17 PM
Parent: #241
فوق
|
Post: #243
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: نجوان
Date: 01-18-2010, 06:18 AM
Parent: #242
الله عليك يا تيسير!!..
زيدان وابوعركي حتة واحدة جرعة قاضية..
_____ مشكورة كتير
|
Post: #246
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-21-2010, 08:45 AM
Parent: #243
نجوان يا سمّيعة
زيدان وعركي وما خفي كان أحلى ..
خليك معانا ،،
|
Post: #245
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-21-2010, 08:40 AM
Parent: #242
تسلم فناننا الجميل عمر بانقا وتسلم عقد الجلاد كلها ،،
|
Post: #244
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-21-2010, 08:33 AM
Parent: #241
مرحب بيك تاني يا سراج الدين وشكراً كتير على دعم وإثراء البوست
إختيارك للعزيزة إختيار راقي وستجدها معنا في قائمة المائة
أغنية العزيزة من الأغاني المميزة والخالدة في ذاكرتنا ولعل فتحي حسين من الفنانين الذين عنيتهم بفناني الأغنية الواحدة إذ أن هذه الأغنية تعتبر الأميز والأرسخ من بين ما غنى وكنت قد قرأت كلاماً قيل على لسان وردي أنه لو تمنى أن يغني أغنية لكانت "العزيزة"
سمعت أن الأستاذ فتحي حسين مقيم بالسعودية وأنه تقريباً قد إعتزل الغناء ليتفرغ للعبادة تحترم قراره ونتمنى له كل التوفيق
Quote: حضر الي الأخ الفنان فتحي حسين في منزلي بالثورة الحارة الخامسة.وعرفني بنفسه وابدي رغبة في التغني بالأغنية والتي كان مرشح لها زيدان ابراهيم وكان حينهانجم الشباب وصاحب أغنيات(ضاربة في الحفلات )في السوق..وقال لي فتحي حسين كنت أغني في بعدك ياغالي ولكن شاعرها وملحنهلاأخذوها مني وفضلوا علي زيدان..وتعاطفت معه..لكني كنت لم أستمع إليه بعد..وسألت عنه صديقنا الفنان الراحل (التجاني مختار)فدعانا الي جلسه في منزله..وأستمعنا الي فتحي حسين بصوته المميز الآسر ببحة شفيفة،فأعجبت به. حينما كان يحكي سعدالدين قلت في غرارة نفسي يجب أن لا أقاطعه بالكلام والسؤال..لأن كلماته كانت مليئة ولم تحوجني للأسئلة..فتركته يتداعي(وعندما فكرت في الأمر قلت هي مغامرة لذيذة ،فلو غني لي زيدان وهو نجم النجوم آنذاك فلن أحقق مجداً ولكن لو غناها هذا الشاب الواعد ونجحت سيحسب ذلك لي،وقد كان وتنازلت له عنها وسط دهشة الجميع بما فيهم عمر الشاعر ولكني موافقتي شجعته علي المغامرة..فكانت العزيزة ..ولم تجد حظها من الشهرة وإن وجدت الإعجاب.. |
بعد أن قرأت هذا الكلام قلت في سري: هسي فتحي حسين دا كان ما حسادة منو مش حقو كان يخلي زيدان يغنيها من الأول وخلاص أهو في النهاية ساب الغناءوبقت الأغنية يتيمة لينسبها الكثيرون بعد ذلك للطيب مدثر ..
التحية و الإكرام لمبدعنا فتحي حسين وربنا يديم عليهو الصحة والرضا ويسعدو بقدر ما أسعدنا بـ "العزيزة"
أما شاعرنا الرقيق سعد الدين إبراهيم فيكفي أنه شاعر ثلاثة من أحب الأغنيات إلى قلبي له ولك ألف تحية ..
|
Post: #247
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: ندى عثمان حسن
Date: 01-21-2010, 08:57 AM
Parent: #244
سلامات ياتيسير
غايتو البوست كبييييير آآآوى , وصبرى كعب
ختيتى , ماهو عارف قدمو المفارق ولالسة؟
ختوها تانى كان ختيتوها ينوبك ثواب
|
Post: #249
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-21-2010, 11:15 AM
Parent: #247
يا ندى ..
Quote: غايتو البوست كبييييير آآآوى , وصبرى كعب |
مش في غنية بتقول شنو كدا ما بعرف وأنا صبري قليل ؟
أها ياختي اقدلي ساي مع جدك الخليل بالطريق الشاقي الترام
تحياتي ..
|
Post: #251
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 01-21-2010, 11:45 AM
Parent: #249
تيتي ازيك
طولت من البوست لكن لا باس نديك حاجتين من بيت الكلاوي
ابراهيم حسين نجمة نجمة الليل نعدو
علي ابراهيم اللحو تواه انا
محمود علي الحاج منتهي الامل
كمال ترباس يا ريت
|
Post: #252
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Adrob wad Elkhatib
Date: 01-21-2010, 12:15 PM
Parent: #251
يامريا صلاح احمد ابراهيم
ليت لى يامريا ازميل فدياس وروح عبقرية وامامى تل مرمر لنحت الفتنة الهوجاء فى نفس مقاييسك تمثال مكبر وجعلت الشعر كالشلال ،،، بعض يلزم الكتف وبعض يتبعثر وعلى الاهداب ليل يتعتر وعلى الاجفان لغز لايفسر وعلى الخدين نور يتكسر وعلى الاسنان سكــــــــــر وفم كالأسد الجوعان زمجر ينادى شفتا عطشى واخرى تتحسر ليتنى يامريا فى قمة الاولمب جالس وحوالى العرائس احتس خمرة باقوس النقية واذا ماسرت النشوة فيا اتداعى وانادى يابنات انقروا القيثار فى رفق وهاتو الاغنيات لمريا ليت لى يامريا ازميل فدياس وروح عبقرية لكنت ابدعتك ياربة حسنى بيديا ربم لانلتقى من بعد ذلك يا مريا فتعالى واكتبى اسمك باحرف من نار فى شفتيا وقولى وداعا يا مـــــــــــــــــريا
|
Post: #254
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 01:29 PM
Parent: #252
الله عليك يا أدروب
ومن ينسى مريا؟؟
|
Post: #253
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 01:27 PM
Parent: #251
يا خلة
وينك ياخي ووين ترشيحاتك الخطيرة
واصل ما تفاصل
|
Post: #255
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 01:39 PM
Parent: #253
(31) قصة ثورة "الملحمة"
كلمات: هاشم صديق ألحان وأداء: محمد الأمين بمصاحبة: عثمان مصطفى، خليل إسماعيل، أم بلينة السنوسي و بهاء الدين أبو شلة توزيع موسيقي وقيادة أوركسترا: موسى محمد إبراهيم
|
Post: #256
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 01:48 PM
Parent: #255
(32) هواك وهواي بي جاروا
كلمات: محمد علي عبد الله "الأمي" ألحان وأداء: أولاد الموردة
|
Post: #257
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 01:51 PM
Parent: #256
(33) ننساك
كلمات: عثمان خالد ألحان وأداء: صلاح أبو قرون "إبن البادية"
|
Post: #258
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 02:18 PM
Parent: #257
(34) تباريح الهوى
كلمات: التجاني حاج موسى ألحان: محمد سراج الدين أداء: محمد ميرغني
|
Post: #259
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 02:22 PM
Parent: #258
(35) هسة خايف من فراقِك
كلمات: عزمي أحمد خليل ألحان وأداء: هاشم ميرغني
|
Post: #260
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 03:53 PM
Parent: #259
(36) عيش معاي الحب
كلمات: إسحق الحلنقي ألحان وأداء: صالح الضي
|
Post: #261
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 04:13 PM
Parent: #260
(37) السنين
كلمات وألحان وأداء: الطيب عبد الله
|
Post: #262
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 04:32 PM
Parent: #261
(38) شجون
كلمات: محمد عثمان كجراي ألحان وأداء: إبراهيم حسين
|
Post: #263
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 05:13 PM
Parent: #262
(39) الأماني العذبة
كلمات: محمد علي أبو قطاطي ألحان وأداء: خليل إسماعيل
|
Post: #264
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 05:26 PM
Parent: #263
(40) بعد الغياب
كلمات: محجوب سراج ألحان وأداء: صلاح مصطفى
|
Post: #265
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 06:39 PM
Parent: #264
قصة ثورة "الملحمة"كلمات: هاشم صدّيق
لما الليل الظالم طوّل فجر النور من عينّا إتحول قلنا نعيد الماضي الأول ماضي جدودنا الهزموا الباغي وهدوا قلاع الظلم الطاغي وفي ليلة وكنا حشود بتصارع عهد الظلم الشبّ حواجز شبّ موانع جانا هتاف من عند الشارع قسماً قسماً لن ننهار طريق الثورة هدى الأحرار والشارع ثار وغضب الأمة إتمدد نار والكل يا وطني حشود ثوار وهزمنا الليل وهزمنا الليل والنور في الآخر طل الدار والعزة أخضرت بالأحرار وطني أنحنا سيوف أمجادك نحن مواكب تفدي ترابك ولسة الشارع بيشهد لينا في يوم الغضبة حصاد ماضينا مشينا نعطر حقل الثورة بدم نفديها بلادنا الحرة وكان أكتوبر فجر الغضبة كسرنا قيود الماضي الصعبة لمّا مشينا مواكب صامدة تهدر وتغلي وتهتف راعدة الرصاص لن يفنينا الرصاص لن يفنينا وسال الدم بأرض الوادي فدينا النور بالروح يابلادي وكانت صفحة حكاها العالم وفجر أكتوبر طلّ وسالَم كان في الجامعة موكب هادر صمم يجلو الليل السادر وكان الليل السادر غادر فجّر غدرو سموم دخان ورصاص من صوتو صحى السودان والشعب الثائر صمم هادر يصرع ليلنا الداجي الطوّل وكان القرشي شهيدنا الأول وما تراجعنا حلفنا نقاوم ليلنا وسرنا نذرنا الروح مسكنا دربنا للشمس النايرة قطعنا بحور حلفنا نموت أو نلقى النور وكان في الخطوة بنلقى شهيد بدمو بيرسم فجر العيد وهزمنا الليل وهزمنا الليل يا أكتوبر أنحنا العشنا ثواني زمان في قيود ومظالم وليل وهوان كان في صدورنا غضب بركان وكنا بنقسم بالأوطان نسطر إسمك يا سودان بدمانا السّالت راوية الساحة حلفنا نسير ما نضوق الراحة شهرنا سيوف عصيانّا المدني وكانت وحدة صف يا وطني إيد في إيد حلفنا نقاوم ما بنتراجع وما بنساوم خطانا تسير في درب النصر هتافنا يدوي يهز القصر كسرنا حواجز أزلنا موانع صفنا واحد عامل وطالب، زارع وصانع يا ساحة القصر يا حقل الثار يا واحة بتحضن دم (نصّار) روينا ورودك دم ثوار وشتلنا فضاك هتاف أحرار خطينا ترابك أحرف نايرة بتحكي سطور أيامنا الثايرة وشلنا الشهداء مشينا ونهتف وجرح النار في قلوبنا بينزف سجينا الشهداء وجينا نقاوم ما بنتراجع وما بنساوم بينا وبينك ثار يا ظالم وفجأة ونحن صفوف بتصمم زغرد فجر الغضبة الحالم وهزمنا الليل وهزمنا الليل قسماً قسماً يا أكتوبر نحمي شعارك ونجني ثمارك ونرفع راية الثورة الغالية عالية ترفرف فوق السارية عليها شعار الثورة الأكبر رسمو الزاهي وأخضر ولسة بنقسم يا أكتوبر لما يطل في فجرنا ظالم نحمي شعار الثورة نقاوم نبقى صفوف تتمدد وتهتف حتى يعود الفجر الحالم
|
Post: #266
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 06:52 PM
Parent: #265
|
Post: #267
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 08:06 PM
Parent: #266
هواك وهواي بي جارواكلمات: محمد علي عبد الله "الأمي"
هواك وهواي بي جاروا سبن أفكاري نظراتك أحب تعطف تزيل وجدي أحب كل البحب ذاتك بحب نونك بحب لونك بحب يا حبي نفحاتك بحب في خدك الزهرة بخاف ترميني لمحاتك بحب قربك بخاف بعدك بشوفك بين دوحاتك بخاف صدك بخاف جورك وأحب تتهنى في حياتك بحبك حبي للعافية وكمان ياسيدي وحياتك بحب فيك الحياء الفطري وأذوب من حال صيحاتك إذا في حبكم ضعت إذا أقبر في ساحاتك أكون للحظ دوام شاكر وأقبّل إنت راحاتك منعم يا فريد عصرك سعيد وسعيدة ساعاتك منزّه يا رشيق صافي عفافك ملّي ما فاتك وديع وبديع مثال رقة حشيم والريم هي وصفاتك أسرت فؤادي ياظالم ودمي خضاب في كفاتك شعاع الشمس من نورك زهور الروض وجناتك سكرت وتهت دون خمرة وكان أسبابي لجناتك حلاتك يوم أراك غافل في منصب عز في جناتك أشوفك زي بدر كامل وبيك تنور دجناتك صب يا دمعى في سيلك وزيد يا صدري زفراتك حبيبك ودعك راحل وزيد يا طرفي عبراتك حمام الأيك حين مر تعال أسمعني نظراتك طريت أم در مقر أملي زماني كفاي عباراتك
|
Post: #268
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 08:17 PM
Parent: #267
|
Post: #269
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 08:43 PM
Parent: #268
ننساككلمات: عثمان خالد
ننساك؟ إنت إنت بتتنسي ما إنت روحنا وحبنا سافرنا في عينيك ولسة قلوبنا بيك متجننة ولقينا في دنيا العيون يا أصفى من النور غُنا كون من رشاقة وأمسيات باقات أنيقة ملونة ألحان طروبة و وشوشة أنهر .. موسيقى .. ودندنة دابت قلوبنا عليك حنان وإنت في عيون دوبتنا يا أغلى من نور العيون شايلاك قلوبنا هوى وحنان أتوسد الأعماق وأغني الكون في أرجوحة جنان دغدِغ خيالنا وشيلنا حلِّق حلِّق بينا فوق عمر الزمان خلينا من خمرة هوانا السامي نرشف ونحتسي غار المسا والكـون صبـح عشـاق جـمال يتأمـلـوا وكل الحروف الفي الخيـال بي لهفة جادوا ما غلوا حتى القمر حولـو النجـوم إتلفوا فيك إتغزلوا قالوا الجمال يا غالي بيـك كانت نهايتو وأولو ونحن في هـواك يا غالي لا بنطيق بعـاد لا بنحملـو أصلو المحبيـن الحـنـان لا بنسـوا لا بتحولوا
|
Post: #270
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 08:57 PM
Parent: #269
|
Post: #271
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 09:15 PM
Parent: #270
تباريح الهوىكلمات: التجاني حاج موسى
دا الجاني منك ومن تباريح الهوى وصفو بصعب يا جميل وبعدت عنك ولما طال بي النوى بقى لي أسيبك مستحيل تبقى سيرتك هي الكلام وتبقى صورتك هى الرؤى الحلوة البعيشا في صحوتي أو حتى في عز المنام ويبقى إسمك هو الغنا هو البخفف لي عذابات الضنى الشفتو منك يا منى الروح يا أنا وصفو بصعب يا جميل وبعدت عنك ولما طال بى النوى بقى لي أسيبك مستحيل بشكي ليكم يا مظاليم الهوى أصلي مجروح مرتين يمكن ألقى الزيي فيكم ضاق جراح الحب ومتعذب سنين ويمكن ألقى وصفة تنفع ولا يمكن ألقى حاجة تخفف الجرح القديم .. حاجة تشفع دا الجاني منك ومن تباريح الهوى وصفو بصعب يا جميل وبعدت عنك ولما طال بي النوى بقى لى أسيبك مستحيل
|
Post: #272
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 09:22 PM
Parent: #271
|
Post: #273
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 09:42 PM
Parent: #272
هسة خايف من فراقك
كلمات: عزمي أحمد خليل
هسة خايف من فراقك لما يحصل ببقى كيف زي ورد في عز نداهو خوفو بكرة يزورو صيف
من عرفتك كنت حاسس الزمن لي ما بسيبك وكنت حاسس رغم ريدي إني زي الما حبيبك والحنان البينا ولّف لا نصيبي ولا تصيبك والزمان عارف مصيرنا حقو لي ما كان يجيبك
والفرح في دربي عارفو أصلو ما بطوِّل كتير زي غمام في سمايا عدى سابني في عز الهجير كم فراش على وردة طلّ أصلو ما قايلة بيطير فات وراح شايل هناها خوفي من نفس المصير
حقو يا عيني توالفي الصبر قبال فراقا إنتي عارفة الجاي بكرة وبرضو تغرقي في إشتياقا كم عيون في الريدة غرقت والزمن من ريدا ساقا ما كتير القلبو حبّ يا ما كم في هواهو لاقى
يا زمن علمني أنسى المحال نسيان عيونا حتى لو أيامي طالت ما أظني أعيش بدونا ما أظن اامي تاني زي حنانا تكون حنونة إنت خونّي زماني كلو إلا أوعك يوم تخونا
|
Post: #274
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-22-2010, 09:51 PM
Parent: #273
يا زمن علمني أنسى المحال نسيان عيونا هسة خايف من فراقك - هاشم ميرغني (مع رمية جميلة في المقدمة)
|
Post: #275
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Emad Ahmed
Date: 01-23-2010, 06:19 AM
Parent: #274
بوست مدهش بحق وحقيقة
تحية للأستاذة تيسير لهذا المجهودالجبار والمقدر ..
أغنيات الموسيقار محمد الأمين ,, طائشة الضفائر لنزار قباني
مسيحية لمحمد علي جبارة ,, طائر الاحلام لمعتصم الازيرق
مراكب الشوق لمحمد حسن دكتور ,, بتتعلم من الأيام للحلنقي
حروف اسمك لهاشم الصديق .
أغنيات جديرة بأن تكون من ضمن أفضل 10 أغنيات سودانية دعك من أفضل 100 أغنية ..
تحياتي
|
Post: #276
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 01-23-2010, 08:00 AM
Parent: #275
زيدان ابراهيم
صحي اتغيرت انت خلاص
عبدالدافع عثمان
مرت الايام غني لي يا كروان ويوم البحيرة
كابلي يا حلو
|
Post: #279
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-23-2010, 04:38 PM
Parent: #276
خليل ..
إنت قلبت الشريط ولا شنو؟
يا زول مرت الأيام دي نزلت قبيل ويوم البحيرة قلنا كمنق سوون ..
|
Post: #277
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-23-2010, 04:28 PM
Parent: #275
مرحب بيك يا عماد وبترشيحاتك
محمد الأمين قمة طبعاً لكن لو أديناهو هو بس خمسة ولا ستة في فنانين حا يتظلموا عشان كدا قاعدين نشيل the best of the best من كل فنان ..
مبدئياً كدا عندك بتتعلم من الأيام
كيف معاك؟
|
Post: #278
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: طارق ميرغني
Date: 01-23-2010, 04:36 PM
Parent: #277
اخت تيسير
اسمعها يوميا ارعه الي خمس مرات ولم ازهج منها حت الان
غير كده الشريط بقي ثابت في العربيه اعمل repeat وبس
لا وحبك
|
Post: #280
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-23-2010, 04:54 PM
Parent: #278
أنا غايتو وبكل تحيز، أي زول بيسمع عثمان حسين كتير بحترم مقدرتو الإدراكية والسمعية
لا وحبك تستحق وعن جدارة أن تكون ضمن أفضل مائة أغنية سودانية
شكراً كتير أستاذ طارق ..
|
Post: #281
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-25-2010, 06:26 PM
Parent: #280
عيش معاي الحبكلمات: إسحق الحلنقي
عيش معاي الحب عيش معاي حناني خليني أنسى سنين عشتهم وحداني إنتو البديتو الحنية وملكتو بيها حناني علمتو قلبي المحبة حتى أنا كاد ينساني لو ما بقول ليهو أصبر أيامنا ترجع تاني كان زمان فارقني وإنتو السبب في جناني أيامي كانت جنة مزدانة بيك يا ليالي حب وفرح وعالم من العوازل خالي لو لسة كان واصلنا الكون يقول عقبالي لكن الزمان غافلنا في لحظة غيّر حالي وين يا وحيد دنياي ويا وحيد في غرامي وهبت ليك أيامي وإنت كيف تسلاني وإيه جنيت لي قلبك الكان وديع وجفاني لو قصدت عذابي أنا في عذابك هاني وإيه يضرك تسأل يوم علي يا غالي وإنت وحدك عارف همي عارف حالي كيف أواصل صبري في الطريق الخالي وكيف بدونك تصبح الليالي ليالي أنا كنت دايماً بصبر مهما البعاد أضناني في قلبي إنت بتكبر وتكبر معاك معاني برجى الأيام وأستنى أمالي بين نيراني والهجر مهما يألم يرجع حنانك تاني لو كان جفيتني ورحت خليتني وحدي برايا مع ليالي الوحدة والشوق حنينو معايا أنا ما بسيبو غرامك رضيان معاك بشقايا لمتين طريقك يقصر تعرف نهايتو خطايا
|
Post: #282
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-25-2010, 07:13 PM
Parent: #281
|
Post: #283
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 03:53 PM
Parent: #282
وتسجيل آخر جميل
عيش معاي الحب - صالح الضي
|
Post: #284
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 04:05 PM
Parent: #283
السنين
كلمات وألحان: الطيب عبد الله
قالوا لي أنساهو وأمسح من خيالك ذكرياتو أنسى كل الماضي وأبعد عن طريقو وعن حياتو فات وخلاك للزمن راحت آمالك سدىً ليه تحن من تاني ليه ليه تفكر في صلاتو
السنين العشت فيها معاك هنايا أقوى من قول العوازل وأسمى من كلمة وشاية لو خلاص قلبك نسى الأيام معايا برضي راضي في الغرام كم من ضحايا بس تأكد يا حبيبي إنو حبك في دمايا
بالأمل صبرت قلبي وعشت في دنيا الأماني أهدهد الشوق بين ضلوعي أترجم الآلام أغاني تروي للناس سر عذابي وتحكي ليهم ما شجاني لا نفع دمعي السكبتو ولا شفع عندك حناني
الغريب عن وطنو مهما طال غيابو مصيرو يرجع تاني لي أهلو وصحابو ينسى آلامو وشجونو ينسى حرمانو وعذابو إلا قلبي يا حبيبي في هواك طال إغترابو
|
Post: #285
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 04:33 PM
Parent: #284
|
Post: #286
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 04:43 PM
Parent: #284
(41) حبيبي أكتب لي
كلمات: عبيد عبد الرحمن ألحان وأداء: إبراهيم الكاشف
|
Post: #287
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 04:46 PM
Parent: #286
(42) الطير المهاجر
كلمات: صلاح أحمد إبراهيم ألحان وأداء: محمد وردي
|
Post: #288
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 04:52 PM
Parent: #287
(43) أسحار الجمال "إحترامي إليك"
كلمات وألحان: عبد الرحمن الريح أداء: إبراهيم إدريس " ود المقرن"
|
Post: #289
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 04:55 PM
Parent: #288
(44) عودة قلب
كلمات: الزين عباس عمارة ألحان: برعي محمد دفع الله أداء: عبد العزيز محمد داؤود
|
Post: #290
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 04:59 PM
Parent: #289
(45) خمرة هواك يا مي
كلمات: أحمد حسين العمرابي ألحان: محمد أحمد سرور أداء: ميرغني المأمون وأحمد حسن جمعة
|
Post: #291
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 05:04 PM
Parent: #290
(46) والله وحّدوا بينا
كلمات: علي شبيكة ألحان: السني الضوي أداء: ثنائي العاصمة
|
Post: #292
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 05:09 PM
Parent: #291
(47) في الضواحي
كلمات وألحان وأداء: خليل فرح
|
Post: #293
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 05:12 PM
Parent: #292
(48) سيد الإسم
كلمات: كامل عبد الماجد ألحان وأداء: أحمد الجابري
|
Post: #294
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 05:17 PM
Parent: #293
(49) المصير
كلمات: سيف الدين الدسوقي ألحان: عبد اللطيف خضر "ود الحاوي" أداء: إبراهيم عوض
|
Post: #295
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-26-2010, 05:21 PM
Parent: #294
(50) خدعوك وجرّحوا سمعتك
كلمات: حسين محمد حسن ألحان وأداء: خضر بشير
|
Post: #296
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: طارق الكوتش
Date: 01-26-2010, 07:00 PM
Parent: #293
افضل مئة اغنية وعلى حسب ادمانى للاغنية السودانية وحسب وجهة نظرى الشخصية وبدون تعصب ده طبعا بعد السلام و التحايا للجميع و للاخت تيسير 1- جميلة و مستحيلة > وردى 2- قلت ارحل > وردى 3- الحزن القديم > وردى 4- الود > وردى 5- الطير المهاجر > وردى 6- المستحيل > وردى 7- اسفاى > وردى 8- بناديها > وردى 9- عصافير الخريف > وردى 10- بعد ايه > وردى 11- من غير ميعاد > وردى 12- خاف من الله > وردى 13- نور العين > وردى 14 - الصوره > وردى 15 - لو بهمسة > وردى 16 - حققنا احلامنا و العاشق عقباله > وردى 17 - غلطة > وردى 18- صدفة > وردى 19- 19 سنة > وردى 20- اكتوبر الاخضر > وردى : : : : : 21- الحب و الظروف > ود الامين 22- زاد الشجون > ود الامين 23- بتتعلم من الايام > ود الامين 24- ليه بتسأل عنى تانى > ابراهيم عوض 25- المصير > ابراهيم عوض : : : 26- اضحكى > ابو عركى 27 - شجن > عثمان حسين 28- ربيع الحب > عثمان حسين 29 لا وحبك > عثمان حسين 30- عز الليل > بصوت نور الجيلانى 31- الى مسافرة > حمد الريح 32- كلمة > صلاح بن البادية 33- انساك > صلاح بن البادية 34- لو تعرف الشوق > شرحبيل 35- تباريح الهوى > محمد مرغنى 36 - حنينى ليك > محمد مرغنى 36- عاطفة و حنان > محمد مرغنى 37- قصر الشوق > زيدان 38- فى الليلة ديك > زيدان 39- يا غالية يا زينة حياتى > زيدان 40- دنيا المحبة > زيدان 41- ليلة السبت > صلاح بن البادية 42- عويناتك > ود الامين 42- زورق الالحان > ود الامين 43- واحشنى > ابو عركى 44- بخاف > ابو عركى 45- الكاشف > الشوق و الريد 46- على الجمال > سيد خليفة 47- فى ربيع الحب > سيد خليفة 48- ماضى الذكريات > عثمان مصطفى 49- انشودة الجن > سيد خليفة 50- ولا المساء > سيد خليفة 51- لما ترجع بالسلامة > ثنائى العاصمة 52- بتقولى لا > عبد العزيز المبارك 53- الزهور و الورد شتلوها جوه قلبى > الشفيع 54- وطن الجدود > الشفيع 55- الملحمة > ود الامين 56- راية الاستقلال > وردى 57- سوات العاصفة > وردى 58- بلديه حبوك > وردى 59- عرس السودان > وردى 60- جيل العطاء > وردى 61- عزيز دنياى > ابراهيم عوض 62- عشة صغيرة > البلابل 63- رجعنالك > البلابل 64- نور بيتنا > البلابل 65- الامانى العذبة > خليل اسماعيل 66- اتعلمنا نحب الدنيا > الخالدى 67- سلمى > الخالدى 68- تواه > اللحو 69- حبيبة عمرى > كابلى 70- طائر الهوى > كابلى 71- ضنين الوعد > كابلى 72- زمان الناس > كابلى 73- حبك للناس > كابلى 74- يا مولاى > خضر بشير 75- الاوصفوك > خضر بشير 76- تسافر كيف تخلينا > محمد احمد عوض 77- بنت النيل > احمد المصطفى 78- مصيرك تنجرح > الطيب عبدالله 79 - السنين > الطيب عبدالله 80- عود لينا يا ليل الفرح > الطيب عبد الله 81- يا وطنى يا بلد احبابى > سيد خليفة 82- انا مجنونك > وردى 83- الحزن النبيل > مصطفى سيد احمد 84- فرحانه بيك كل النجوم > بصوت البلابل 85- انت عارف > الكاشف 86- وحدوا بينا > ثنائى العاصمة 87- معايه معايه > ثنائى العاصمة 88- لو كنت ناكر للهوى > عركى 89- يا قلب > عركى 90- بدون رسائل > جابرى 91- يا رائع > احمد المصطفى 92- شال النوار > ود الامين 93- ليك مده مابنته > محمد احمد عوض 94- امير الحسن > وردى 95- اول غرام > وردى 96- ما سلامك > مجذوب انسه 97- الساقية > حمد الريح 98- مريم الاخرى > مصطفى سيد احمد 99- الدنيا منى و احلام > ابراهيم عوض 100- انا سودانى > سيد خليفة
و اى اغنية من الاغانى اعلاه املك لها تسجيلين على الاقل تسجيل قديم و آخر جديد > فقط تنزيلها فى هذا البوست على حسب الطلب ....... و
تحياتى للجميع
طارق الكوتش مجنون الهلال ووردى و الحمد لله
|
Post: #297
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Emad Abdulla
Date: 01-27-2010, 01:39 AM
Parent: #296
أصلو ما عندك طريقة غير الجنة .. يريحك دنيا و آخرة يا تايسا ياخ .
|
Post: #299
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-27-2010, 07:49 AM
Parent: #297
يا عمدة ..
مداخلتك غير معتمدة وين اللون البني الحزين داك؟
ــــــــــــــــ عارفاك بتحب الجابري
غايتو لو ما أخاف الكضب والعكاكيز اللابدة بعد كلامي دا لقلت أن الجابري ....
أحسن أسكت
|
Post: #298
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-27-2010, 07:28 AM
Parent: #296
Quote: 1- جميلة و مستحيلة > وردى 2- قلت ارحل > وردى 3- الحزن القديم > وردى 4- الود > وردى 5- الطير المهاجر > وردى 6- المستحيل > وردى 7- اسفاى > وردى 8- بناديها > وردى 9- عصافير الخريف > وردى 10- بعد ايه > وردى 11- من غير ميعاد > وردى 12- خاف من الله > وردى 13- نور العين > وردى 14 - الصوره > وردى 15 - لو بهمسة > وردى 16 - حققنا احلامنا و العاشق عقباله > وردى 17 - غلطة > وردى 18- صدفة > وردى 19- 19 سنة > وردى 20- اكتوبر الاخضر > وردى : : : : : 21- الحب و الظروف > ود الامين 22- زاد الشجون > ود الامين 23- بتتعلم من الايام > ود الامين 24- ليه بتسأل عنى تانى > ابراهيم عوض 25- المصير > ابراهيم عوض : : : 26- اضحكى > ابو عركى 27 - شجن > عثمان حسين 28- ربيع الحب > عثمان حسين 29 لا وحبك > عثمان حسين 30- عز الليل > بصوت نور الجيلانى 31- الى مسافرة > حمد الريح 32- كلمة > صلاح بن البادية 33- انساك > صلاح بن البادية 34- لو تعرف الشوق > شرحبيل 35- تباريح الهوى > محمد مرغنى 36 - حنينى ليك > محمد مرغنى 36- عاطفة و حنان > محمد مرغنى 37- قصر الشوق > زيدان 38- فى الليلة ديك > زيدان 39- يا غالية يا زينة حياتى > زيدان 40- دنيا المحبة > زيدان 41- ليلة السبت > صلاح بن البادية 42- عويناتك > ود الامين 42- زورق الالحان > ود الامين 43- واحشنى > ابو عركى 44- بخاف > ابو عركى 45- الكاشف > الشوق و الريد 46- على الجمال > سيد خليفة 47- فى ربيع الحب > سيد خليفة 48- ماضى الذكريات > عثمان مصطفى 49- انشودة الجن > سيد خليفة 50- ولا المساء > سيد خليفة 51- لما ترجع بالسلامة > ثنائى العاصمة 52- بتقولى لا > عبد العزيز المبارك 53- الزهور و الورد شتلوها جوه قلبى > الشفيع 54- وطن الجدود > الشفيع 55- الملحمة > ود الامين 56- راية الاستقلال > وردى 57- سوات العاصفة > وردى 58- بلديه حبوك > وردى 59- عرس السودان > وردى 60- جيل العطاء > وردى 61- عزيز دنياى > ابراهيم عوض 62- عشة صغيرة > البلابل 63- رجعنالك > البلابل 64- نور بيتنا > البلابل 65- الامانى العذبة > خليل اسماعيل 66- اتعلمنا نحب الدنيا > الخالدى 67- سلمى > الخالدى 68- تواه > اللحو 69- حبيبة عمرى > كابلى 70- طائر الهوى > كابلى 71- ضنين الوعد > كابلى 72- زمان الناس > كابلى 73- حبك للناس > كابلى 74- يا مولاى > خضر بشير 75- الاوصفوك > خضر بشير 76- تسافر كيف تخلينا > محمد احمد عوض 77- بنت النيل > احمد المصطفى 78- مصيرك تنجرح > الطيب عبدالله 79 - السنين > الطيب عبدالله 80- عود لينا يا ليل الفرح > الطيب عبد الله 81- يا وطنى يا بلد احبابى > سيد خليفة 82- انا مجنونك > وردى 83- الحزن النبيل > مصطفى سيد احمد 84- فرحانه بيك كل النجوم > بصوت البلابل 85- انت عارف > الكاشف 86- وحدوا بينا > ثنائى العاصمة 87- معايه معايه > ثنائى العاصمة 88- لو كنت ناكر للهوى > عركى 89- يا قلب > عركى 90- بدون رسائل > جابرى 91- يا رائع > احمد المصطفى 92- شال النوار > ود الامين 93- ليك مده مابنته > محمد احمد عوض 94- امير الحسن > وردى 95- اول غرام > وردى 96- ما سلامك > مجذوب انسه 97- الساقية > حمد الريح 98- مريم الاخرى > مصطفى سيد احمد 99- الدنيا منى و احلام > ابراهيم عوض 100- انا سودانى > سيد خليفة |
طارق الكوتش حيرتني !!
17% من القائمة بتاعتك دي نزل فعلاً 24% سينزل لاحقاً
أضانك نضيفة بس كترت من وردي على حساب الآخرين والحالة دي بدون تعصب زي ما بتقول
|
Post: #300
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: ندى عثمان حسن
Date: 01-27-2010, 08:08 AM
Parent: #298
ياتيسير
صباح الفل
زيدان , عثمان حسين و الجابرى - اكرمتينى فيهم الله يكرمك دنيا وآخرة
لكن عثمان الشفيع , ياخ الفنان دة فنان لما فنان
وياريت تجيبى لى : يوم قالو لى الأقمار عليمة , انك تراها وتلمس لديمة ياريت ياريتنى ابقى سعيد واشوفا ديمة
|
Post: #301
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: mekki
Date: 01-27-2010, 08:20 AM
Parent: #300
الترابة فى خشمى البوست قاعد من السنة الفاتت،،وما شفتو؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!
توضيح بسيط: الترابة ليست مشتقة من ترابى.....!
|
Post: #303
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-27-2010, 12:34 PM
Parent: #301
د. مكي ..
الشوط الأول إنتهى لكن برضو ما فاتك شيء
تابع معانا ..
|
Post: #302
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-27-2010, 12:27 PM
Parent: #300
Quote: ياتيسير
صباح الفل
زيدان , عثمان حسين و الجابرى - اكرمتينى فيهم الله يكرمك دنيا وآخرة
لكن عثمان الشفيع , ياخ الفنان دة فنان لما فنان
وياريت تجيبى لى : يوم قالو لى الأقمار عليمة , انك تراها وتلمس لديمة ياريت ياريتنى ابقى سعيد واشوفا ديمة |
يا ندى كويس إنك إستمتعتي بزيدان وعثمان حسين والجابري
عثمان الشفيع نزلت ليهو المالك شعوري فوق وحانزل في الضواحي حقت الخليل بصوتو هو ويمكن تاني زي غنيتين روائع الشفيع كتيرة بس القائمة قصيرة
|
Post: #304
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 10:04 AM
Parent: #302
شجونكلمات: محمد عثمان كجراي
خلاص يا قلبي كان خاصم ضميرو يحاسبو خليهو تمر أيام ينسى غرورو يلقى هوانا راجيهو يخاصم يوم ويرجع يوم ويعذبنا بي ريدو ويتحدانا يوم يزعل يقول أقدارنا في إيدو نقول يا ريتو لو يعرف عذاب الحب وتنهيدو بدل ما نحنا بنعاتب بنفرح يوم يعاتبنا ونسأل عنو كان طوّل وما هاميهو كان غبنا حرام ترمينا للأيام حنانك يا معذبنا نحلّف قلبك القاسي بكل حنان مودتنا بأفراحنا وأشواقنا وبي لهفة محبتنا رضينا عذابنا في حبك حرام تتناسى ريدتنا
|
Post: #305
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 10:14 AM
Parent: #304
|
Post: #306
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 10:28 AM
Parent: #305
الأماني العذبةكلمات: محمد علي أبو قطاطي
بكرة يا قلبي الحزين تلقى السعادة تبقى هاني وإبتساماتك معادة والسرور يملا حياتى ويبقى زادا وعيني تشبع نوم بعد ما طال سهادا وأنسى غلبي والرياحين تملا دربي وأمسح الدمع البسيل يسقي الوسادة كم سهرت الليل وكم سالت دموعي والألم في قلبي أصبح شيء طبيعي والشباب أفنيتو أبحث عن وجيعي عشت راهب بين تراتيلي وخشوعي بكرة تتحقق أماني والفؤاد يرتاح ويتبسّم زماني والسعادة تكون جزاء صبري وصنيعي الأماني العذبة تتراقص حيالي والأمل بسّام يداعب في خيالي حلمي بكرة وذكرى أيامي الخوالي
|
Post: #307
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 10:34 AM
Parent: #306
|
Post: #308
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 11:06 AM
Parent: #307
عذراً ..
|
Post: #309
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 11:16 AM
Parent: #308
بعد الغياب
كلمات: محجوب سراج
بعد الغياب بعد الليالي المُرة في حضن العذاب عاد الحبيب المنتظر عوداً حميداً مستطاب يا للهوى يا للشباب يا للدعاء المستجاب
في غيابك أضناني الألم، فقدت للأيام مذاق إندسّ في قلبي النغم وإتجلى في عيوني الفراق
أصبحت أشعر كالسجين لو مرّت النسمات تطوف من خلف شبّاكه الحزين تحمل من الورد العطوف السلوى في ضمة حنين والذكرى في رحلة سراب
سر الغرام نبع الحنان قمرية في قلبي الودود غنّت على سمع الزمان من وحي إلهام الخلود نحن إلتقينا على أمل فعلامَ هجرك والصدود
فبحقِّ من جعل القلوب شوقاً وتحناناً تذوب لا نفترق لا بعد اللقاء بعد الأمل بعد الرجاء عاد الصفاء وعاد الحبيب المنتظر عوداً حميداً مستطاب يا للهوى يا للشباب يا للدعاء المستجاب
|
Post: #310
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 11:17 AM
Parent: #308
|
Post: #311
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: معتصم دفع الله
Date: 01-29-2010, 11:40 AM
Parent: #310
جمعة مباركة يا تيسير .. الواحد يغيب يغيب وبرضو يجي يستظل بهذه الحديقة الوارفة ..
لكِ التحايا ..
|
Post: #312
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: isam elzein
Date: 01-29-2010, 12:48 PM
Parent: #311
كل الأغانى السودانيه التى كتبت ولحنت وتم أدائها حتى سبتمبر 1982(عام الشريعه الزائفه والهوس الدينى والضلال المبين)تستحق أن تكون بين أحسن مائة أغنيه حسب ذوق المستمع. بعد ذلك التاريخ بدأ عصر الإنحطاط الفنى وذلك واضح من الأغانى التى تم إختيارها حتى الآن جميعها قبل عصر الإنحطاط .
آه لو آه تفيد مجروح
مع شكرى لك اخت تيسير على هذا البوست الممتع وهذا المجهود الرائع
|
Post: #325
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 07:37 PM
Parent: #312
تسلم أخي عصام الزين ..
وملاحظتك صحيحة حول الغنا القديم أو ما قبل النكسة
بعد قريت كلامك إتذكرت ثورة الإنقاذ عملت شنو في الأغاني الكانت موجودة في مكتبة الإذاعة والتلفزيون حيث قامت بمنع بث أي أغنية يأتي فيها ذكر العيون أو أي "وصف حسي" على حد تعبيرهم !!!
الله يرحم العصر الذهبي للفن ..
|
Post: #324
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 07:25 PM
Parent: #311
Quote: جمعة مباركة يا تيسير .. الواحد يغيب يغيب وبرضو يجي يستظل بهذه الحديقة الوارفة ..
لكِ التحايا .. |
وجمعتك مباركة معتصم ..
غيب وتعال تلقانا نحن يانا نحن
|
Post: #313
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 01:55 PM
Parent: #310
حبيبي أكتب ليكلمات: عبيد عبد الرحمن
حبيبي أكتب لي وأنا أكتب ليك بالحاصل بي والحاصل بيك الحاصل بي أنا شوق وحنين وأقيم الليل آهات وأنين فارقني حبيب آلفني سنين وتحكّم بيني وبينو البين ماليك أمان يا دا الزمان يا ليالي زمان الله عليك أنا أكتب ليك وإنت أكتب لي يا حبيب روحي يا نور عيني يا وحيد عمري الما دمت حي أكتب لي عن كل شي أذكر ودادي وأرحم فؤادي أرعى الوفا ودعِ الجفا وأذكر صفا أيامنا ديك أذكر جلوسنا على الرُبا نستعرض أسراب الظبا نسمع لهمسات الصَبا ونحن فى فجر الصِبا أبسم إليك تبسم معاي تسمع غناي مع صوت الناي وأنا يا مناي الطول حياتي بغني ليك
|
Post: #314
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 02:04 PM
Parent: #313
|
Post: #316
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 02:48 PM
Parent: #315
الطير المهاجركلمات: صلاح أحمد إبراهيم
غريب وحيد في غربتو حيران يكفكف دمعتو حزنان يغالب لوعتو ويتمنى بس لي أوبتو طال بيهو الحنين فاض بيهو الشجن واقف يردد من زمن بالله ياالطير المهاجر للوطن زمن الخريف تطير بي سراع ما تضيّع زمن أوعك تقيف وتواصل الليل بالصباح تحت المطر وسط الرياح وكان تعب منك جناح في السرعة زيد في بلادنا بترتاح ضل الدليب أريح سكن فوت بلاد وسيب بلاد وإن جيت بلاد وتلقى فيها النيل بيلمع في الضلام زي سيف مجوهر بالنجوم من غير نظام تنزل هناك وتحيي يا طير بإحترام وتقول سلام وتعيد سلام على نيل بلادنا وشباب بلادنا ونخيل بلادنا بالله يا طير قبل ما تشرب تمر على بيت صغير من بابو ومن شبّاكو بلمع الف نور تلقى الحبيبة بتشتغل منديل حرير لحبيب بعيد تقيف لديها وتبوس إيديها وأنقل إليها وفاي ليها وحبي الأكيد
|
Post: #317
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 02:57 PM
Parent: #316
|
Post: #318
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 03:43 PM
Parent: #317
أسحار الجمال
كلمات: عبد الرحمن الريّح
أنا في شخصك أحترم أشخاص وطبعاً عندي إحترامك خاص إحترامي إليك من صميم قلبي غير ما أشعر أتفاني عليك والدليل حبي تسمح تنظر شوف دموع عيني سايلة فوق خدي من لهيب الشوق برضو ما في خلاص هكذا يا ظالم جزاء الإخلاص ذبت في حبك والفؤاد مجروح مافضل مني شي خلاف الروح هكذا الأشواق تسمو بالعشاق من ثرى الأشباح لي سما الارواح حيث تروي هناك للنجوم معناك سابحة في علياك طاهرة كالأملاك إنت أبهج نور من بدور الكمال وادعة فيك آيات من معاني الجمال تجعل الفنان عبقري الخيال لو نظم أشعار أو عزف أوتار تندهش أفكار والعقول تحتار ياجميل ياما في الجمال أسحار
|
Post: #319
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 03:57 PM
Parent: #318
|
Post: #320
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 04:30 PM
Parent: #319
عودة قلبكلمات: الزين عباس عمارة
ألحان: برعي محمد دفع الله
من زمان .. من زمان من زمن مستني عودة قلبي الراحل كنت أكتب ليهو بي دمي الرسايل قلت فيهو غناي وإتعذب ضميري كلو يفيض حنان يغمر سطوري وكل حرف كتبتو من أعماق شعوري إفتكرتو يرد رسالتي يرد يطمني بخطابو ما خطر في بالي يأسرني بعتابو وينسى أول مرة أغراني بشبابو و كلما إدلل يزيد إعجابي بيهو كنت شايف الجنة في نظرات عينيهو وكل أسباب السعادة الكنت بتمناها ليهو كان جميل من قلبو لو يرحم عذابي الدليل أنا شايفو عايش في خطابي وكل أيام عمرو ولحظاتو الهنية حاول يخفي شعورو ويدلل عليا
|
Post: #321
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 04:47 PM
Parent: #320
|
Post: #465
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: خدر
Date: 02-26-2010, 01:42 PM
Parent: #281
عيش معاي الحب the poetry for (al-asad) the father of the guitarist osama i knew that from his daughter,long ago
|
Post: #322
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Elmosley
Date: 01-29-2010, 05:48 PM
Parent: #197
طبعا عشان الموصلي زامر حيكم فهو ما موجود هنا يعني هسع تمرقي اي واحده من الاغاني ديل بره الميه كيف ياتيسير 1- الاماني السندسيه 2- رساله الى امي 3- الحب يا ام سماح 4- انتي ليا 5- على قدر الشوق 6- طفل العالم الثالث 7- شوق الهوى 8- سفر العيون 9-الكلام القالو عنك 10- اسألي الشوق في عيوني (المشاعل) 11- يامستطاب ============================= اما اغنياتي عند الاخرين فتمرقي ديل كيف 1- الفرح المهاجر(حنان النيل) 2-كل النجوم(السقيد- هاديه) 3- رجعتي القلب يدق تاني (سكه نديه)(السقيد) 4- مسدار غنا (عبدو الصغير)
يعني كده على سبيل المثال لا الحصر
|
Post: #323
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-29-2010, 07:11 PM
Parent: #322
أستاذنا القدير موصلي ..
لم تكتمل قائمة المائة بل بالكاد نزل نصفها وبقي النصف الآخر (لا زالت هنالك 50 أغنية)
ومؤكد لم يغب عن بالي يوسف الموصلي بأمانيه السندسية ورسالته إلى أمه الرائعتين كما لم تغب عن بالي أعمال شاركت بوضع ألحانها و/أو توزيعها لوردي ومصطفى سيد أحمد والبلابل وعلي السقيد معقولة بس؟
قيمتك في قلوبنا كبيرة وفضلك على الفن السوداني أيضاً كبير كما أنك لا تقل قدراً عن أيٍ من الذين وردت أسمائهم حتى الآن إن هي إلا مسألة وقت وعدم ترتيب للأغنيات ولك العتبى إن لم تأتي أغنياتك حتى الآن ولكنها موجودة
الله يكسرني موجودة
|
Post: #326
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-30-2010, 02:36 PM
Parent: #323
خمرة هواك يا ميكلمات: أحمد حسين العمرابي
خمرة هواك يا مي صافية وجلية هي اللاعبة بالألباب لا البابلية كم ليل أنوح سهران والناس خلية عيني سهاد ودموع أمست ملية شاهدي إضطراب ونحول ظاهر عليّا راضي وبشوف هجرِك أكبر بلية مي الفؤاد يهواك فاقد سلية لو طال جفاك يضيع باقي التلية يا تايهة سيبي الجور حلمك عليّا ليك مني ما شئت والوجد ليّا أنا لم أزل لهفان وإنتي الأبية سنيتي أن تحيي دايماً خبية لو في النساء رسل كنت النبية مابسلى ريدك لا وحياة أبيا هاك مني بإخلاص الماسة ديا درراً تنافس الدر وأزهار ندية هلم روحي إليك يا مي هدية كان النبي المعصوم قبل الهدية ليك مني ألف سلام والفي تحية تصباك مع النسّام بروح سحية ما قال محب وعلى محبوبو حيّا وتقر عيونك يا نور المحيّا
|
Post: #327
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-30-2010, 03:02 PM
Parent: #326
|
Post: #328
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 01-30-2010, 04:00 PM
Parent: #327
في الضواحيكلمات وألحان: خليل فرح
في الضواحي وطرف المداين يلا ننظر شفق الصباح قوموا خلوا الضيق في الجناين شوفوا عز الصيد في العساين يلا نقنص نطرد نعاين النهار إن حر الكماين كلبي يا جمجوم أصلو خاين شوفوا كيفن يبرا الملاين هب شالا وكشح المراح في القنيص الخيل خفّ راسن نحن ما بنخاف من مِراسن المكارم غرقنا ساسن والمجاهل مين غيرنا ساسن إن عطشنا نمز مر وآسن وإن عشقنا بنعشق محاسن في محاسن كفى يومنا راح يا الطبيعة الواديك ساكن ما في مثلك قط في الأماكن يا جمال النال في ثراكن ياحلاة البرعن أراكن بي قفاهن تور قرنو ماكن لا غِشن لا شافن مساكن في الخزام والشيح والبراح ما النسيم الليل بي برودك نامت الأزهار فوق خدودك غرّد العصفور فوق عودك النفوس ما إتعدت حدودك ما عرفنا عدوك من ودودك بس أنا المقسوم لي صدودك يا حياتي وأملي اللي راح شوف صباح الوادي وجمالو شوف خضارو وصيدو ورمالو شوف يمينو وعاين شمالو شوف نسيم الليل صاحي مالو شوف فريع الشاو مين أمالو البدر خجلان من كمالو والصباح لاح بهل الوشاح يا أم لساناً لسع معجن كلمة كلمة وحروفا ضجن ديل خدودك غير داعي وجّن ديل عيونك غير سبة لجن ديل دموعك من نظرة سجّن دا دلال إيه دا دلال معجن محّن الأمات يا رداح
|
Post: #330
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Elmosley
Date: 01-30-2010, 05:03 PM
Parent: #323
شكرا تيسير وكتير للتقدير
كلامي ليس لك فقط ولكن لكل المدن التي جاورت فيها الناس فهم دوما يعملون بنظرية زامر الحي لكن الحي بلاقي مالقيت لي ضحكة وابتسامه اجاريك بيها كل الود
|
Post: #331
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: المعز ادريس
Date: 01-30-2010, 06:50 PM
Parent: #330
من الأغنيات الإتلحست يا تيسير:
إنتي كلك زينة و عايمة كالوزينة
أجمل أغنيات طفولتنا ندين تجاوزها بشدة و نعتبر الأمر فيهو "تزوير"!
.
.
دي كانوا بيتعلموا بيها "العزف" زمان هسة أظنها بقت "مزة"!
تحياتي,
|
Post: #332
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-08-2010, 12:45 PM
Parent: #330
Quote: شكرا تيسير وكتير للتقدير
كلامي ليس لك فقط ولكن لكل المدن التي جاورت فيها الناس فهم دوما يعملون بنظرية زامر الحي لكن الحي بلاقي مالقيت لي ضحكة وابتسامه اجاريك بيها كل الود |
تسلم أستاذنا والمقامات محفوظة أكيد ،،
|
Post: #333
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-08-2010, 12:54 PM
Parent: #332
المعز إدريس ..
Quote: من الأغنيات الإتلحست يا تيسير:
إنتي كلك زينة و عايمة كالوزينة
أجمل أغنيات طفولتنا ندين تجاوزها بشدة و نعتبر الأمر فيهو "تزوير"! |
أنا غايتو أي أغنية مهما كانت جودتها يرقّصوا بيها عرايس تاني بقنع منها تزوير شنو؟ دا إسمو إساءة أستخدام الثروة القومية للبلاد ..
|
Post: #334
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-08-2010, 03:30 PM
Parent: #333
والله وحّدوا بينا
كلمات: علي شبيكة
والله وحدوا بينا البارحونا وراحوا شالوا من وادينا بهجتو وأفراحو بالكتير ياحليهم يا حليل الراحوا طال نواك وأنا قلبي باكي ليلو صباحو في الضياع والحسرة السنين كم راحوا راحت الأفراح وقلبي عاش لي جراحو ومين يكون لفؤادي روحو زيك وراحو
أنا قلبي إتصبر لمن تعب صبارو نظرة باكية حزينة كان وراها ودارو يوم رحلتا وشلتا بهجتو وأنوارو لا إرتويت من عطفو ولا إكتويت بي نارو للقليب الصادق كنت نبعو ودارو وكنت ليهو حبيبو وكنت أهلو ودارو فضحنّي عيوني وكشفن أسرارو والعيون لو رادوا ما بيعرفوا يدارو
|
Post: #335
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-08-2010, 04:12 PM
Parent: #334
|
Post: #337
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: ماجد حسون
Date: 02-08-2010, 04:30 PM
Parent: #335
الاولى قصتنا الثانية قصتنا الثالتة قصتنا انا ما ناقد فنى ولا حاجة , لكن الجمل الموسيقية والتراكيب اللحنية الموجودة فى قصتنا ما موجودة فى اى اغنيى تانية بعدين الكلمات المؤثرة والصوت الحنين والدافئ والمعبر والبوظفو ابو عفان ببراعة درامية غريبة جدا خلتنى ما امل اسمع الاغنية دى
|
Post: #345
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-10-2010, 05:27 PM
Parent: #337
ماجد حسون ..
قصتنا من أروع ما غنى عثمان حسين بل من أروع الأغنيات السودانية على الإطلاق
والكلام دا على مسؤوليتي
وحتماً ستراها تزين هذا البوست ..
|
Post: #338
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-08-2010, 06:04 PM
Parent: #335
سيد الإسم
كلمات: كامل عبد الماجد
سيد الإسم محبوبي وكتين يبتسم الدنيا يا ناس تنقسم الفرحة تملاها وتزغرد فيها والشوق يرتسم
مرات أقول أديهو كلمة تزعلو حبة عذاب وكلام عتاب أنا عارفو ما بتحملو علشان أشوف خدو الحرير الدمعة جارية تبللو لكني قبال أبدا بي لحظات أقيف أتاملو واللفتة والنظرة البتاخد من عيوني النوم شهور وتجفلو والضحكة والرقة وشعورو ودلو وإشراقو الحلو وأنسى العتاب الكنت ناوى أقولو وأرجع منهزم الدنيا يا ناس تنقسم الفرحة تملاها وتزغرد فيها والشوق يرتسم
أنا في العيون ببنيلو دارين من مودة ومن منى وبضمو في قليبي إنبساط ومحبة فياضة وهنا ماردت غيرو ولا هو راد زولاً سواي أبداً أنا نظراتو كيفن أوصفا دي الفي عيوني مدونة همساتو تحنان القماري الراجعة للعش والجنا بسماتو لو شفتو البروق لحظة تشع ترشح سنا يضوي والليل ينهزم وكتين يبالغ ويبتسم الدنيا يا ناس تنقسم الفرحة تملاها وتزغرد فيها والشوق يرتسم
يوم جانا شايل خطانا الكايسلو راح شايل الأمل في عيونو والحب والسماح إرتحنا من ما شفناهو والليل إستراح لا دموع تاني تغسلو لا هم لا جراح ضحكت نجومو وغنى الحب وقمرو معانا لي عند الصباح يكسينا من ضوو إبتهاج ويفرد نور شعاعو علينا راح لكن بغير والله ويرجع منهزم الدنيا ياناس تنقسم الفرحه تملاها وتزغرد فيها والشوق يرتسم
|
Post: #339
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-08-2010, 06:46 PM
Parent: #338
|
Post: #340
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-08-2010, 07:23 PM
Parent: #339
المصيركلمات: سيف الدين الدسوقي
ألحان: ود الحاوي
ليه بنهرب من مصيرنا نقضي أيامنا في عذاب ليه تقول لي إنتهينا ونحن فى عز الشباب نحن في الأيام بقينا قصة ما بتعرف نهاية إبتدت ريدة ومحبة وأصبحت في ذاتا غاية كنت تمنحني السعادة وليّا تتفجر عطايا ولما أغرق في دموعي بتبكي من قلبك معايا كنا في ماضينا قوة، قوة تتحدى الصعاب تقطع الليل المخيم تمشي في القفر اليباب كنا للناس رمز طيبة وكنا عنوان للشباب وهسي تايهين لينا مدة نجري من خلف السراب تاني ما تقول إنتهينا تنهي جيل ينظر إلينا باني أمالو وطموحو ومعتمد أبداً علينا نحن قلب الدنيا ديّا ونحن عز الدنيا بينا تاني ما تقول إنتهينا نحن يا دوب إبتدينا
|
Post: #341
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-08-2010, 07:28 PM
Parent: #340
|
Post: #342
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-08-2010, 07:42 PM
Parent: #341
خدعوك
كلمات: حسين محمد حسن
خدعوك وجرّحوا سمعتك نور وجنتيك طفتن مذارف دمعتك
وين لونك الذهبي ونضارة لمعتك كانت قلوب تخشى وتهاب من روعتك ربك يجازي الخدعوك لمهالك الشر أودعوك لابد ليهم يوم عسير يحيوا ويقاسموك جرعتك
وين عقلك الفاهم دليلو وخبرتك وين عقلك الثابت أساسو وجبرتك ربك يجازي الخدعوك لمهالك الشر أودعوك هم ضللوك وتخلو عنك سلوك ما حسّبو وراعو ذكرتك
خدعوك هل جازوك شي من منيتك أغروك فقدت أعز شي في دنيتك والخونة ظنوهو إكتساب وتجاهلوا يوم الحساب لكن تأكد ليك رب يخلص حقوقك وينصفك
|
Post: #343
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-08-2010, 07:48 PM
Parent: #342
|
Post: #344
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: ندى عثمان حسن
Date: 02-09-2010, 05:19 AM
Parent: #343
Quote: أنا غايتو أي أغنية مهما كانت جودتها يرقّصوا بيها عرايس تاني بقنع منها |
ياتيسير سلامو....
دة كلام ماصاح منك ياخ
|
Post: #346
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-10-2010, 05:32 PM
Parent: #344
يا ندى
العرايس خلوا المهيرة وتيييت تايوتا والمشتلة وبقوا يرقصوا بي أغاني إتحاد الفنانين !!
دا كلو من قسمة دي ..
|
Post: #347
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-10-2010, 05:39 PM
Parent: #346
(51) العزيزة
كلمات: سعد الدين إبراهيم ألحان: عمر الشاعر أداء: فتحي حسين
|
Post: #348
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-10-2010, 05:44 PM
Parent: #347
(52) غضبك جميل زي بسمتك
كلمات: حمّيدة أبو عشر ألحان وأداء: عبد الحميد يوسف
|
Post: #349
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-10-2010, 05:58 PM
Parent: #348
(53) مكتول هواك
كلمات: عبد الجبار محمد ألحان وأداء: عبد القادر سالم
|
Post: #350
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-10-2010, 06:20 PM
Parent: #349
(54) وجه القمر سافر
كلمات: مسعد حنفي ألحان: عوض مصطفى وداعة الله "عوض شمبات" أداء: أولاد شمبات
|
Post: #351
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-10-2010, 07:21 PM
Parent: #350
(55) أفكاري تايهة
كلمات وألحان: بُر محمد نور أداء: إبراهيم خوجلي
|
Post: #352
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: ندى عثمان حسن
Date: 02-10-2010, 07:28 PM
Parent: #351
ياتايسا
المهيرة دى مالك مابتصنفيها؟
شوفى لى الموضوع دة ضرورى - وماتشتغلى كتير بتصنيف عماد عبدالله
وكان عملتى لينا بوست منفصل نكن لكى من الشاكرين
سلامو
|
Post: #353
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: ندى عثمان حسن
Date: 02-10-2010, 07:28 PM
Parent: #351
ياتايسا
المهيرة دى مالك مابتصنفيها؟
شوفى لى الموضوع دة ضرورى - وماتشتغلى كتير بتصنيف عماد عبدالله
وكان عملتى لينا بوست منفصل نكن لكى من الشاكرين
سلامو
|
Post: #354
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Emad Ahmed
Date: 02-17-2010, 01:00 PM
Parent: #353
Quote: المسافر
كلمات - حسب الباري سليمان |
الشاعر حسب الباري سليمان تغنى له حسن خليفة العطبراوي
بالمسافر وأخريات .
|
Post: #355
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Emad Ahmed
Date: 02-17-2010, 01:10 PM
Parent: #354
Quote: (18) ماضي الذكريات
كلمات: الجيلي محمد صالح ألحان: موسى محمد إبراهيم أداء: عثمان مصطفى |
الشاعر الجيلي محمد صالح
|
Post: #358
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-17-2010, 02:47 PM
Parent: #355
يا سلام عليك يا عماد
حقيقي مشاركة مقدرة في الحقيقة صور كتيرة غير متوفرة بالنسبة لي
لكن عارفاك ما بتقصر
|
Post: #356
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-17-2010, 02:38 PM
Parent: #353
يا ندى ..
تتخيلي زمان كانت عندي فكرة زي دي لكن بصراحة بوست يضم أغاني رقيص العروس والأغاني الهابطة نهايتو ما مضمونة من ناحية حرف المسار وكدا يعني ..
|
Post: #359
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Emad Ahmed
Date: 02-17-2010, 03:00 PM
Parent: #356
Quote: يا سلام عليك يا عماد
حقيقي مشاركة مقدرة في الحقيقة صور كتيرة غير متوفرة بالنسبة لي
لكن عارفاك ما بتقصر |
كل مافي الرابط ده تحت آمرك ياتيسير من صور فنانين
البوم صور لمن شكلوا وجدان الشعب السوداني ... كميات من الصور النادرة
اما بالنسبة للشعراء والملحنين ساقوم
برفد مالدي من صور لهم تباعا ..
|
Post: #360
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-17-2010, 03:04 PM
Parent: #356
(56) يا السايق الفيات
كلمات: إبراهيم العبادي ألحان وأداء: محمد أحمد سرور
|
Post: #361
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-17-2010, 03:20 PM
Parent: #360
(57) نشيد الإستقلال
كلمات: عبد الحميد عبدالله يوسف ألحان وأداء: محمد وردي
|
Post: #362
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-17-2010, 03:20 PM
Parent: #360
تسلم كتير يا عماد
وما نعدمك ياخي
الرابط بتاعك دا ثروة قومية عديل ..
|
Post: #363
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: معتصم دفع الله
Date: 02-17-2010, 05:11 PM
Parent: #362
Quote: غيب وتعال تلقانا نحن يانا نحن |
أكيد زي ما إنتو وأجمل .. كيفك يا تيسير ..
مالو باقي الأغنيات بقن زي البخرات قولي عوووووك ..
|
Post: #364
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Ahmed al Qurashi
Date: 02-17-2010, 05:34 PM
Parent: #363
الاخت العزيزة / تيسير
متابعون لهذا البوست الجميل
Quote: كلمات: مسعد حنفي ألحان: عوض مصطفى وداعة الله "عوض شمبات" أداء: أولاد شمبات |
أغنية وجه القمر سافر من الحان الفنان الكبير
عبدالكريم عبدالله مختار الشهير بكرومه
ولقد سجلها فى سنة 1939 على الاسطوانات الفنان سيد حجازى
ثم سجلت للاذاعة فى نهاية الخمسينات بصوت اولاد شمبات
مودتى
|
Post: #366
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-17-2010, 07:13 PM
Parent: #364
تسلم د. قرشي على التصويب
لقيتا في كم موضع كدا لكن إنت جيت صححتها وطبعاً لا يفتى وأحمد القرشي في المدينة
وجه القمر من الأغاني الجميلة جداً لحنها متفرد وإن تمت مجاراتو بأغنية أخرى وممكن أقول إنو صعب لدرجة، يعني لو ما سمعتو كذا مرة ما بتقدر ترددو لكنو ما يصعب على اللورد كرومة طبعاً
شكراً ليك وسعيدة بمتابعتك ..
|
Post: #365
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-17-2010, 06:57 PM
Parent: #363
معتصم إزيك ياخي ..
يا زول الحكاية دي دايرة ليها تفرغ تااام
وأنا لو لقيت طريقة الـ 24 ساعة ديل يمددوهم لي 36 ساعة يبقى معاي زي الورد ..
|
Post: #367
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Emad Ahmed
Date: 02-18-2010, 07:55 AM
Parent: #365
Quote: (57) نشيد الإستقلال
كلمات: عبد الحميد عبدالله يوسف ألحان وأداء: محمد وردي |
أخت تيسير
تعديل طفيف جدا
شاعر نشيد الإستقلال
هو عبد الواحد عبد الله
تحاياي
|
Post: #368
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-18-2010, 09:00 AM
Parent: #367
شكراً ليك يا عماد
هو فعلاً عبد الواحد عبد الله يوسف وليس عبد الحميد فعذراً
الغريب قبل ما أكتبها قلت لي نفسي يا بت أوعى تخلطي بينو وبين عبد الحميد يوسف وبرضو الخايفة منو حصل ..
حأضمك لهيئة المدققين ..
|
Post: #369
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-18-2010, 10:22 AM
Parent: #368
(58) الوسيم القلبي رادو
كلمات: طه حمدتو ألحان وأداء: أحمد المصطفى
|
Post: #370
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-18-2010, 10:33 AM
Parent: #369
(59) يا مريا
كلمات: صلاح أحمد إبراهيم ألحان وأداء: حمد الريح
|
Post: #371
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-18-2010, 10:44 AM
Parent: #370
(60) أعز الحبايب
كلمات: بشير محسن؟ ألحان: السني الضوي أداء: أماني مراد
|
Post: #372
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-18-2010, 10:56 AM
Parent: #371
(61) الأماني السندسية
كلمات: صلاح أحمد عبد الفتاح ألحان وأداء: يوسف الموصلي
|
Post: #373
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-18-2010, 11:19 AM
Parent: #372
(62) الملهمة
كلمات: عبد الرحمن الريح ألحان واداء: التاج مصطفى
|
Post: #374
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-18-2010, 11:32 AM
Parent: #373
(63) قصتنا
كلمات: حسين بازرعة ألحان وأداء: عثمان حسين
|
Post: #375
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-18-2010, 11:46 AM
Parent: #374
(64) ناكر الجميل
كلمات: علي سلطان ألحان: عبد المنعم حسيب أداء: فيصل عبد اللطيف (الصحافة)
|
Post: #376
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-18-2010, 11:59 AM
Parent: #375
(65) صه يا كنار
كلمات: محمود أبوبكر ألحان: إسماعيل عبد المعين أداء مشترك: إبراهيم الكاشف، عثمان حسين، أحمد المصطفى وحسن عطية
|
Post: #377
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 02-18-2010, 11:59 AM
Parent: #375
عدنا والعود احمد
نعرج قليلا للفن الشعبي
عبد الوهاب الصادق ست الريد
محمود علي الحاج
انا في هواك ضحيت
كمال ترباس
بريدك والريدة ظاهرة في عيني
|
Post: #378
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 09:17 AM
Parent: #377
العود أحمد شديد يا خلة
مرحب بيك تاني بعد الفاصل ..
|
Post: #379
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Nasr
Date: 02-19-2010, 09:31 AM
Parent: #378
مشكورة ومشكورين علي الجهد بس ما ظلمت الكاشف شوية؟؟؟؟؟
|
Post: #400
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-20-2010, 08:45 AM
Parent: #379
Quote: مشكورة ومشكورين علي الجهد بس ما ظلمت الكاشف شوية؟؟؟؟؟ |
مرحب بيك يا نصر
أي زول حيشوف إنو فنانو المفضل إتظلم هنا أنا برضو شايفة إنو فناني المفضل مظلوم !
المشكلة إني ما بقدر أدي أي فنان أكتر من أربعة أغنيات عاطفية "كحد أقصى" الوطنية برة الحسبة ..
|
Post: #380
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 09:31 AM
Parent: #378
العزيزةكلمات: سعد الدين إبراهيم
العزيزة الما بتسأل عن حروفنا الوحيدة الما بتحاول يوم تشوفنا المواعيد لسة حزنانة بتنادي والأماسي بتبكي في أسى ما إعتيادي ما كنتي بهجتا بي روائع قوس قزح والله ما طلانا من بعدك فرح العزيزة الما بتسأل كيف ظروفنا الوحيدة الطال عشان جيتك وقوفنا سلميلنا على ضفايرك موجة موجة وكلميها قولي ليها حرام تتوه فيها المواسم ونحنا بالجد نشتهيها سلميلنا علي عيونك يوم تسهّي تغروديها ويبقو تفاحتين خدودك بس خدودك وين شبيها سلميلنا على إيدينك وشملة الريد تنسجيها سلميلنا على خطاكي عِزة العاملة ومشيها والله أحضانك بلد يا حلوة ما تنسينا فيها
|
Post: #381
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 09:36 AM
Parent: #380
العزيزة - فتحي حسين
|
Post: #382
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 09:52 AM
Parent: #381
غضبك جميل زي بسمتك
كلمات: حمّيدة أبو عشر
غضبك جميل زي بسمتك على كل حال شكلك بديع
حكم الغرام بتذللي وحكم الجمال بتدللك الإشتياق والإحتراق والوجد لي والإبتسام والإنسجام والحسن لك عجباً تكون قاسي ووديع
نظرت عيوني لمحنتي سحر الجمال في بهجتك خايف خدودك تنجرح من نظرتي خايف فؤادي يذوب غرام من نظرتك يا آية المعنى الرفيع
كيف الخلاص يا دنيتي ما بين خضوعي وجبرتك أراك قريب لكن بعيد عن بغيتي من بعدما أوقعتنى في فتنتك جرت وجفيت وجفاك مريع
|
Post: #383
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 10:02 AM
Parent: #382
|
Post: #384
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 10:40 AM
Parent: #383
مكتول هواك
كلمات: عبد الجبار محمد
أسير غزال فوق القويز كلام غزل معسول لذيذ دمعات عتاب من زولاً عزيز سالت بحر شالت قليب في كردفان
مكتول هواك أنا من زمان مكتول هواك يا كرفان
أتمنى يوم زولي القبيل يقطع معاي درباً عديل رحلة عمر مشوار طويل نمشيهو في رمل الدروب في كردفان
مكتول هواك يا كرفان شوفي القليب نابع حنان مكتول هواك رغم اللي كان رغم الضنى و هجر الحبيب في كردفان
مكتول هواك أنا من زمان مكتول هواك يا كرفان
|
Post: #385
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 11:21 AM
Parent: #384
|
Post: #386
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 12:00 PM
Parent: #385
هنالك تسجيل رباعي قديم لهذه الأغنية عبد القادر سالم وعبدالعزيز المبارك وإبراهيم حسين ولا أذكر الرابع أتمنى من يحصل عليه أن يتحفنا به ونكون من الشاكرين ،،
|
Post: #387
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 01:10 PM
Parent: #386
وجه القمر سافركلمات: مسعد حنفي
ألحان: كرومة
وجه القمر سافر يضوي شعاعو نور وافر يا بدر سائلك جاوب ليش اخوك نافر كاحل طرفك الناعس والجيد بالأسيس غامر مجدولات إيديك صدرك رجّح طبّق الضامر زيدني من تيهك طايع ليك يا آمر زهرة السامر رفقاً بمجنونك يا ليلى بني عامر أعلم لولا ما طرفك للبيض الرقاق شاهر إنسان عيني كاد يغرق في ماء خدك الزاهر نورك يتوقد لي عيون الخلوق جاهر ظلمي شي ظاهر وإشراق الفجر يشهد على طرفي العليك ساهر في دولة صباك تايه يا الي عشقي ماك فاكر أصبح مسكنك قلبي الفي كل ثانية ليك ذاكر لو رأيت محيك يا البي نظرتك ماكر ليك أكون شاكر أم الأفق بيك تقنع لا تولد شمس باكر ننظر بانة تتمايل في ثياب لأم قدم خاتر وننظر كيف صدير يقلع تفاحو ورديف ناتر وبين ناعساتو يضوي الصارم الباتر اللحاظ فاتر لامعه سيوف تتبارق من كسراتو يا ساتر عاشق محيك الضاوي وعاشق حسنك النادر تقبل لحظك يمرضني وإنت على شفاي قادر في هواك قابل تنفيذ أمرك الصادر ليا ليه غادر حلمك جود وإتعطّف سارع بي لقاي بادر وحياة طرفك الناعس وحياة حاجبك الداير وحياة خدك المجلي ومنظوم ثغرك الناير بي لقاك تسمح لو كان في المنام زاير فكري فيك حاير كل ساعة جيش حبك يهجم في الصدور غاير من حيّو السباع تنتر ومن رمشو السهم طافر ريم يسحبلي سيف لحظو وآخر بالسلاح غافر يا دمع أدفق ودع يا قلب سافر شوقي لي ضافر هل بي نظرتك أظفر يا من بالقلوب ظافر
|
Post: #388
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 01:21 PM
|
Post: #389
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 01:44 PM
Parent: #388
أفكاري تايهة
كلمات: بُر محمد نور
من أوصاف عديدة ظهرت بي قوافي وفنون جديدة أفكاري تايهة
تطربني القماري في غصنك نشيدا يا الحزت المحاسن يا المنية الوحيدة أنا يا نور عيوني محبتي ليك أكيدة يا الصاين جمالك حسادك تكيدا أفكاري تايهة
قربك لي سعادة وشوفتك لي مفيدة بشكي ليك حظوظي وظروفي العنيدة يا الناعسات عيونك لي عيناً سهيدة بي حالي وسهادي نجوم الليل شهيدة أفكاري تايهة
يا جميل إنت جافي نيراني بتزيدا شايل قلبي عندك والروح إنت سيدا يا عقد الجواهر معنى القصيدة تضرب بي سهامك أرواحنا وتصيدا أفكاري تايهة
حبك يا حبيبى أصبح لي فريضة في وصفك مكمل في ذاتك فريدة إنت سلبت روحي وأنا روحك بريدا شفنا الصيدة عارت من جيدك وريدا أفكاري تايهة
الروح تهوى ذاتك يا حبيب وإنت عيدا البدرين تهابك من حسنك بعيدة نظراتك دوايا وما منظور تعيدا لو طيفك يزورني دي الليلة السعيدة أفكاري تايهة
|
Post: #390
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 02:11 PM
Parent: #389
|
Post: #391
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 03:01 PM
Parent: #390
يا السايق الفياتكلمات: إبراهيم العبادي
قوم بي وخُد سندة بي الدرب التحت تجاه ربوع هندة يا السايق الفيات بوصيك قبل تبدا سيرك داك طريقك سابق الربدة منك بعيد جبدة حي هندة المراد قود بي ربوع عبدة أطوي الأرض وأضرع من أفكارنا سيرك يا الفيات أسرع ميّل على المشرع لا تريع القطيع بتجفّل الأدرع شوف سايق الفيات الليلة كيفن هاش والشدر الكبار بقى شوفنا ليهو طشاش قول لي دحين وين ماش فارقتا الطريق إتيامن الرماش شقا حشا الطريق وإتيمم الحلّال زفنو الكلاب ما نالن إلا علال فاضلات ثواني قُلال بينك والغروب داك مشرع الشلال يا زين الشباب يا طيب الأخلاق يا أمين الصديق والناس علي الإطلاق من أيدي الصناعة يبعد المعلاق أنظر لي الطبيعة ومجد الخلاق أنزل يا سرور وشوف يد القدرة وشوف حسن البداوة الما لمس بدرة وُرّاد النهر أردوني لم أدرى الكاتل الصفار أم نضرة الخدرة شوف النهر مار بي خشوع تقول هجسان زي مر المنام بي مقلة النعسان جلت قدرتو ما أكفر الإنسان كم ينسى الجميل كم يجحد الإحسان ما نفرن تقول سابق الكلام عرفة عطشان قتا ليهن وصحة البلفا مافيش كأس قريب قالن بدون كلفة تشرب بي كفوفنا لما تتكفى
|
Post: #392
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 04:00 PM
Parent: #391
يا السايق الفيات - بصوت أولاد شمبات
|
Post: #393
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 09:16 PM
Parent: #392
يا السايق الفيات - بصوت أولاد المأمون
|
Post: #394
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 09:23 PM
Parent: #393
نشيد الإستقلال
كلمات: عبد الواحد عبد الله يوسف
اليوم نرفع راية إستقلالنا ويسطّر التاريخ مولد شعبنا يا إخوتي غنوا لنا يا نيلنا يا أرضنا الخضراء يا حقل السنا يا مهد أجدادي ويا كنزي العزيز المقتنى يا إخوتي غنوا لنا كرري تحدّث عن رجالٍ كالأسود الضارية خاضوا اللهيب وشتتوا كتل الغزاة الباغية والنهر يطفح بالضحايا بالدماء القانية ما لان فرسان لنا بل فر جمع الطاغية يا إخوتي غنوا لنا
وليذكر التاريخ أبطالاً لنا عبد اللطيف وصحبه غرسوا النواة الطاهرة ونفوسهم فاضت حماساً كالبحار الزاخرة من أجلنا سادوا المنون ولمثل هذا اليوم كانوا يعملون غنوا لهم يا إخوتي ولتحيا ذكرى الثائرين يا إخوتي غنوا لنا
إني أنا السودان أرض السؤدد هذي يدي ملأى بألوان الورود قطفتها من معبدي من قلب إفريقيا التي داست حصون المعتدي خطّت بعزم شعوبها آفاق فجر أوحد فأنا بها وأنا لها وسأكون أول مفتدي يا إخوتي غنوا لنا
اليوم نرفع راية إستقلالنا ويسطّر التاريخ مولد شعبنا يا إخوتي غنوا لنا
|
Post: #395
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 09:49 PM
Parent: #394
|
Post: #396
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 09:56 PM
Parent: #395
|
Post: #397
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 10:11 PM
Parent: #396
الوسيم القلبي رادو
كلمات: طه حمدتو
الوسيم القلبي رادو الجمال حاز إنفرادو مالو لو مرة إفتكرني مالو لو أنجز ميعادو
ليه نساني أو تناسى لا هو جامل لا هو آسى
وقلبي بي التعذيب أبادو منّي شالو ما أعادو شفتو كان في توب حدادو وكل حواسي عليهو نادو
إستجاب لي نداي أجاب كان عواطف وكان تجاوب
عزّ من بعدو التلاقي رغم قربو وإشتياقي
طرفي متزايد سهادو وجسمي جافى الرقاد مهادو إيه يكون في نظري زادو غير خصالو وإعتدادو
مهما يجفو في قربو أطمع ما بطيق لي غيرو أسمع
أسألوهو إذا تبسّم وأتركوهو إذا تألم
واجبي حتّم أصون ودادو مهما زاد صدو وعنادو
|
Post: #398
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-19-2010, 10:20 PM
Parent: #397
|
Post: #399
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Emad Ahmed
Date: 02-20-2010, 07:46 AM
Parent: #398
Quote: (24) دنيا المحبة
كلمات: عوض أحمد خليفة ألحان: الفاتح كسلاوي أداء: زيدان إبراهيم |
الملحن الفاتح كسلاوي
|
Post: #401
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-20-2010, 08:48 AM
Parent: #399
تسلم يدك يا عماد ..
|
Post: #402
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 02-20-2010, 09:09 AM
Parent: #401
لكن يا تيتي
تقول المدينة
ان لو بهسمة هي اجمل اغنية سودانية
في 300 كلاسيكية دي
|
Post: #403
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-20-2010, 10:07 AM
Parent: #401
يا مرياكلمات: صلاح أحمد إبراهيم
يا مريّا ليتَ لي إزْميلُ (فدياسَ) وروحاً عبقريَّة وأمامي تلُّ مرمَر لَنحتُّ الفتنةَ الهوجاءَ في نفسِ مقاييسكِ تمثالاً مُكبّر وجعلتُ الشَّعرَ كالشَّلالِ بعضٌ يلزَم الكتفَ وبعضٌ يتبعثَر وعلى الأهدابِ ليلٌ لا يُفسّر وعلى الخدينِ نورٌ يتكسّر وعلى الأسنانِ سُكر وفمٌ كالأسدِ الجوعانِ زمجَر يُرسِل الهمسَ بهِ لحناً مُعطَّر وينادي شفةً عطشى وأخرى تتحسّر وعلى الصَّدرِ نوافيرُ جحيمٍ تتفجَّر وحزامٌ في مضيقٍ، كلَّما قلتُ قصيرٌ هو، كان الخصرُ أصغر يا مريّا ليتَ لي إزميلُ (فدياسَ) وروحاً عبقريَّة كنتُ أبدعتُكِ يا ربَّة حُسني بيديَّا يا مريّا ليتني في قمَّةِ (الأولمبِ) جالس وحواليَّ العرائس وأنا في ذُروة الإلهامِ بين المُلهماتْ أحتسي خمرةَ (باخُوسَ) النقيَّة فإذا ما سرتِ النّشْوةُ فيَّ أتداعى، وأُنادي: يا بنات نقِّروا القيثارَ في رفقٍ وهاتوا الأُغنياتْ لمريّا يا مريّا ما لعشرينينِ باتَت في سعيرٍ تتقلَّب ترتدي ثوبَ عزوفٍ وهي في الخفيةِ تَرغَب وبصدرينا (بروميثيوس) في الصخرةِ مشدودٌ يُعذَّب فبجسمٍ ألفَ نارٍ وبجسمٍ ألفَ عقرَب أنتِ يا هيلينُ يا من عَبَرت تلقاءها بحرُ عُروقي ألفَ مَركبْ يا عُيوناً كالينابيعِ صفاءً ونداوة وشفاهاً كالعناقيدِ إمتلاءً وحلاوة وخُدوداً مثل أحلامي ضِياءً وجمالاً وقواماً يتثنّى كبرياءً وإخْتيِالاً ودَماً ضجَّتْ به كلُّ الشرايينِ إشتهاءً يا صبيَّة تَصْطلي منهُ صباحاً ومساءً غجريَّة يا مريّا أنا من إفريقيا صحرائَها الكبرى وخطِّ الإستواء شحنَتْني بالحراراتِ الشُّموسْ وشوتني كالقرابينِ على نارِ المَجُوس لَفحتني فأنا منها كعودِ الأبنوس و أنا منْجمُ كبْريتٍ سريعُ الإِشتعالْ يتلظَّى كلًّما إشتمّ على بُعدٍ : تعال يا مريّا أنا من إفريقيا جوْعانٌ كالطِّفلِ الصَّغيرْ و أنا أهْفو إلى تُفاحةٍ حمراءَ من يقربَها يصبحُ مُذنِب فهلُمي ودعي الآلهةَ الحمقاءَ تَغضبْ وأنْبئيها أنها لم تحترِم رغبةَ نفسٍ بشريَّة أيُّ فردوسٍ بغيرِ الحبِّ كالصَّحراءِ مُجدبْ يا مريّا وغداً تنفخُ في أشرِعتي أنفاسُ فُرْقة و أنا أزدادُ نأياً مِثل (يوليس) وفي الأعماقِ حُرقَة رُبما لا نلتقي ثانيةً يا مريّا فتعالي وقّعي إسمَكِ بالنَّارِ هُنا في شفتيَّا و وداعاً يا مريّا
ـــــــــــ القصيدة نجدها هنا كاملة بعض الأبيات محذوفة في الأغنية قمت بإعادة تشكيل القصيدة بنفسي لأن معظم ما صادفني تم تشكيله بطريقة خاطئة
|
Post: #404
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-20-2010, 10:29 AM
Parent: #403
أنا من إفريقيا صحرائَها الكبرى و خطِّ الإستواء شحنَتْني بالحراراتِ الشُّموسْ وشوتني كالقرابينِ على نارِ المَجُوس لَفحتني فأنا منها كعودِ الأبنوس يا مريا - حمد الريّح
|
Post: #405
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-20-2010, 10:55 AM
Parent: #404
أعز الحبايب
كلمات: بشير محسن (؟)
بلقى الدنيا فرحة لما أجيك تايب يكفي رضاك لمحة يا أغلى الحبايب
عزّ علي فراقك وطالت بي شجوني وياما إشتقت ليك وياما بكت عيوني
هسة دموعي تجري تسأل عن غيابك فايضة أسى ومحنة غايرة على شبابك شوف كيف طال أسانا وآلامنا وبكانا وعمر أيام فراقنا وإنت مشيتا دابك وحياة الأماني وحياة عهدي بيك زي ما كان حناني ديمة بحن إليك وحبك بس تهاني قلبي يزفو ليك
بلقى الدنيا فرحة والأيام سعيدة تتحقق أماني مهما تكون بعيدة يكفي غرامنا دنيا عمر أيامنا عيدا وفي أفراح شبابنا تضوي شموع جديدة
|
Post: #406
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-20-2010, 11:01 AM
Parent: #405
|
Post: #407
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-20-2010, 11:33 AM
Parent: #406
الأماني السندسية
كلمات: صلاح أحمد عبد الفتاح
مهما فيك طولت صابر يا سنين عمري الشقية ومهما طال فيك حظي عاثر وذوّبت عمري الأسية ما بقول أنا راح أواني عارفو ببسم لي زماني وسعدي يرجع ليّا تاني بالأماني السندسية
بكرة بصبح بعدك ذكريات حالي داك الكنت فيهو تملا آمالي العراض كل درباً أقـتـفيهو بكرة تجمعني الصلات بي عزيزاً أصطفيهو ترجع أيامي النضيرة بي لياليها الهنية وسعدي برجع ليّا تاني بالأماني السندسية
أصلي من فيض العواطف ديمة آسراني المحنة كل مناي ترتاح حروفي في فؤاد طاوياهو أنّة لا فؤادي يشيل عداوة ولا شقاوة ولا مظنة أصلي يا روحي الصفية لسة حافظ للوصية وسعدي برجع ليّا تاني بالأماني السندسية
|
Post: #408
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-20-2010, 11:41 AM
Parent: #407
|
Post: #409
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 12:30 PM
Parent: #408
(66) رحلة بين طيات السحاب
كلمات: سيد عبد العزيز ألحان واداء: إبراهيم الكاشف
|
Post: #410
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 12:33 PM
Parent: #409
(67) بتتعلم من الأيام
كلمات: إسحق الحلنقي ألحان وأداء: محمد الأمين
|
Post: #411
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 12:41 PM
Parent: #410
(68) أرض الطيبين
كلمات: عماد الدين إبراهيم ألحان: علي السقيد أداء: عبد العزيز العميري
|
Post: #412
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 12:44 PM
Parent: #411
(69) جاي تفتش الماضي
كلمات: التجاني حاج موسى ألحان وأداء: كمال ترباس
|
Post: #413
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 12:48 PM
Parent: #412
(70) ليتني زهر
كلمات: مبارك المغربي ألحان: عثمان ألمو أداء: رمضان زايد
|
Post: #414
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 01:00 PM
Parent: #412
(71) حبيبي أنا عيان
كلمات: عمر البنا ألحان وأداء: كرومة
|
Post: #415
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 01:07 PM
Parent: #414
(72) كلمة
كلمات: محمد يوسف موسى ألحان وأداء: صلاح بن البادية
|
Post: #416
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 01:12 PM
Parent: #415
(73) الذكرى المنسية
كلمات: جمال عبد الرحيم ألحان وأداء: النور الجيلاني
|
Post: #417
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 01:17 PM
Parent: #416
(74) يوم البحيرة
كلمات: علي أحمد باكثير ألحان: عربي الصلحي أداء: عبد الدافع عثمان
|
Post: #418
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 02:34 PM
Parent: #417
(75) هذه الصخرة
كلمات: مصطفى عبد الرحمن ألحان وأداء: العاقب محمد حسن
|
Post: #419
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 02:42 PM
Parent: #418
(76) بتقولي لا
كلمات: عثمان خالد ألحان: الفاتح كسلاوي أداء: عبد العزيز المبارك
|
Post: #420
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 03:06 PM
Parent: #419
(77) مدن عينيك
كلمات: عبد الفادر الكتيابي ألحان: بدر الدين عجاج أداء: مصطفى سيد أحمد
|
Post: #421
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 03:19 PM
Parent: #420
(78) محبوبي لاقاني
كلمات: حمّيدة أبو عشر ألحان: حسن سليمان الهاوي أداء: حسن عطية
|
Post: #422
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 03:30 PM
Parent: #421
(79) أمطرت لؤلؤاً
كلمات: يزيد بن معاوية ألحان: عبد الكريم الكابلي أداء مشترك: عبد الكريم الكابلي، البلابل، زينب الحويرص و يوسف الموصلي
|
Post: #423
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-21-2010, 03:47 PM
Parent: #422
(80) جميلة ومستحيلة
كلمات: محجوب شريف ألحان وأداء: محمد وردي
|
Post: #425
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-24-2010, 11:29 AM
Parent: #423
الملهمةكلمات: عبد الرحمن الريح
نور العيون إنتي الأمل طال الفراق وأنا في إشتياق كيف العمل إنتي الأمل وإنتي الرجا والفرحة يا نور الدجى أضمن إلى عمري النجا لو طيف خيالك ليا جا في الكرى هل أرى شخصك قريب يا هل ترى أنا في إنتظارك لم أزل يا ملهمة شعر الغزل عيوني يا أخت الزهر في حبك أعياها السهر في جسمي تأثيرك ظهر لو كنا مجتمعين سوا ما كان على قلبي إحتوى حر النوى ونار الجوى وظلم الهوى لكن أنا أهواك يا كل المنى مهما حصل آمالي في الدنيا الجديدة تتحقق أحلامي العديدة بعد الجفا ألقى الصفا وحسن الوفا أتهنى بي رؤياك هل هل من وصال يا روحي هل
|
Post: #426
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-24-2010, 11:38 AM
Parent: #425
|
Post: #427
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-24-2010, 11:44 AM
Parent: #426
قصتناكلمات: حسين بازرعة
بالمعزة .. بالمودة البينا بي أغلى الصلات بالهوى العشناه بي أعصابنا خمسة سنين ومات بالعذاب الشفتو والسر الكتمتو وباقي الطيبات أستحلفك أترك سبيلي وسيبني وحدي أقاسي وأبكي مر الذكريات أنا بي حناني الغالي خصيتك وحبيتك بكل جوارحي وعواطفي العميقة أنا شلت من أجلك هموم الدنيا قاسيت من جراحا وكل ضيقا لي سعادتك إنت كم ضحيت وإتغربت ما خليت طريقة وفي مسيري المضني من أجل الحقيقة كل طائر مرتحل عبر البحر قاصد الأهل حملتو أشواقي الدفيقة ليك يا حبيبي للوطن لترابو لشطآنو للدار الوريقة لكن حنانك لي أو حتى مشاعرك نحوي ما كانت حقيقة كانت وهم .. كانت دموع مسفوحة بي أحرف أنيقة ما بإيدي لو ضباب الغيرة أعماني وزيّف لي الحقيقة إنت نبع حناني إنت كياني إنت الدنيا بهجتها وشروقا وإن حصل زلّت خُطايا معاك أو ضلت طريقا هل تصدق تنـتهي قصتنا يا أجمل حقيقة نحن عشناها بدموعنا وبالضنى في كل دقيقة ياحبيبي لم تزل قصتنا قصة حب أقوى من الحقيقة
|
Post: #428
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-24-2010, 11:50 AM
Parent: #427
|
Post: #429
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-24-2010, 11:59 AM
Parent: #428
ناكر الجميل
كلمات: علي سلطان
تنكر جمال عشرتنا ديك تمشي وتفوتنا وما عليك إنت البتدي الناس أمل وإشراقة من ضحكة عينيك يا بهجة الورد المنّور لي إبتسامات الصباح من بدلك ومين شال حنانك يا حنين خلانا راح خلاك وحيد في سكتك ليلك توسدو بالجراح أعزي حسنك بالدموع يا حليل ضميراً ما إستراح
ساعات أتوه بالليل أنا وأرحل مع النجمات بعيد وأتأمل الزمن اللي راح من عمري في عيونك سعيد أنا من فقدت الإبتسامة الحلوة ما صادفت عيد كل ما السنين داوت جراح يظهر مكانا جرح جديد بدلّت أحبابك خلاص ما كان دا عشمنا فيك نحن البنينا عليك أمل وسجدنا للريد في عينيك كتبت لي ريدنا النهاية وتقول صلاتنا حرام عليك عشرة زمان يا حليلا فيك وإيه بدّل الإشراقة ليك
ناكر الجميل ما بلقى حق كيف تبقى ناكر للجميل
|
Post: #430
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 07:03 AM
Parent: #429
|
Post: #431
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 07:26 AM
Parent: #430
صه يا كنار كلمات: محمود أبوبكر
صه يا كنارُ وضع يمينك في يدي و دعِ المزاح لذي الطلاقة و الدّدِ صه غير مأمورٍ وهات مدامعاً كالأرجوانة وابك غير مصفّدِ ودِّع بدمعك من تحب فإنني أنا إن دعوتك لن تعيش إلى غدِ فإذا صغرت فكن وضيئاً نيراً مثل اليراعةِ في الظلام الأسودِ و إذا وجدت من الفكاك بوادراً فابذل حياتك غيرَ مغلولِ اليدِ و خذِ المطالبَ من زمانك و العنِ العريف على الرعاف و لا تدِ فإذا إدخرتَ إلى الصباح بسالةً فاعلم بأن اليوم أنسبُ من غدِ و اسبق رفاقك للقيود فإنني أيقنت ألاّ حُر غير مقيَّدِ و املأ فؤادك بالرجاءِ فإنها بلقيسُ جاء بها ذهاب الهدهدِ فإذا تبدّد شملُ قومِك فاجمعا فإذا أبوا فاضرب بعزمة مُفرَدِ فالبندقية في بداية عهدها طلعَت بمجدٍ ليس بالمتبدِّدِ صه يا كنارُ و دع يمينك في يدي فكأن يومَ رِضاكَ ليلةَ مولدي أنا كم رعيتُكَ و الأمورُ عصيةٌ و بذَلتُ يا سودانُ ما ملكت يدي و جرى فؤادي نحو قلبك سلسلاً لكن قلبك كالأصمِّ الجُّلمُدِ لكَ في فؤادي يا كنارُ مكانةٌ أسمى و أقدسُ من مكانة أحمدِ و لدي أحمدُ كالحياةِ و كالمُنى من كل ممتنعٍ و كل مؤيِّدِ قاسمتُهُ ظُلَم الحياةِ و ظُلمَها و نشأتُ بين جِنانِه المتجدِّدِ صه يا كنارُ فما فؤادي في يدي طوراً أَضِلُّ و تارةً لا أهتدي و لأنتَ أعلمُ كيف أقتنِصُ الهُدى حتى قنصت به سهاد الجَّدجدِ و أرى العواذِلَ حين يملكنا الظَّمأ فأموتُ من ظمأٍ أمامَ المَورِدِ و أرود أرجاءَ البيانِ مُداجياً فأضيقُ من أنَّاتِهِ بالشَّرَدِ أنا يا كنارُ مع الكواكبِ ساهرٌ أسرِي بخفقِ وميضها المُتعدِّدِ وعرفتُ أخلاقَ النجومِ فكوكبٍ يهِبُ البيانَ و كوكبٌ لا يهتدي و كويكبٌ جمُّ الحياةِ و كوكبٌ يَعصي الصباحَ بضوئِهِ المُتمرِّدِ إن كنت تستهدي النجوم فتهتدي فانشد رِضاي كما نشَدت وجدِّدِ و إن كنت لستَ تَطيق لومةَ لائمٍ فأنا الملومُ على عِتابِ الفرقدِ صه يا كنارُ فبعضُ صمتِك موجعٌ حتى شدوتَ فجاء شدوُك مُسعِدي و فضيلةٌ بين التبسُّمِ و البُكاء لو تعلمون تجلُّدَ المُتجَلِّد و تأملٌ ملأ التأملُ حسنَهُ و كساه من حُلل الأصيلِ العسجَدِ ألم تأجِّج في ثيابك لم يكن ليزولَ دون إهابكَ المُتوَقِّدِ غَرَبت به الأيامُ و هي عوابسٌ فقضيتُهن مودِّعاً في الموعِدِ صه يا كنارُ فبعضُ صمتِك موجعٌ قلبي و موردي الردى و مخلِّدي أرأيتَ لولا أن شدوتَ لما سَرَت بي سارياتُكَ و السرى لم يُحمَدِ أنا لا أخافُ من المنونِ و ريبها ما دامَ عزمي يا كنارَ مُهنَّدي سأذودُ عن وطني و أهلَكَ دونَهُ في الهالكينَ فيا ملائكةَ اشهدي
ــــــــ القصيدة هنا كاملة، تم إختيار مقتطفات منها لتُغنّى قمت بإعادة تشكيلها مرة أخرى ..
|
Post: #432
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 02-25-2010, 07:57 AM
Parent: #431
يا تيسير
وين الفارقت ما لقيتها للشفيع
اقترح ابعاد اغنيات الحقيبة من المائة اغنية
لانه اغاني دائرية والحانها بسيطة
معليش للتغول
|
Post: #433
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 08:08 AM
Parent: #431
|
Post: #434
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 08:26 AM
Parent: #433
رحلة بين طيات السحابكلمات: سيد عبد العزيز
يا حبيبي قلبي حاب رحلة بين طيات السحاب وحدنا وحدنا إنت وأنا حبيبي خاف يوم الذهاب في بساط الريح المهاب حبيبي عاتبني سميري عاتبني وبعيونو كان العتاب وللأحباب لغة العيون أبلغ خطاب قال لي ألمس قلبي ذاب أنا خايف و إنت شايف طوينا الجو طي الحجاب و بقوا لينا الأنجم قراب من هنا طالن هنا جن جمبنا إنت و أنا قت ليهو لا تعمل للخوف حساب عُملت ليك أسباب الراحة العجاب أحدث ما عرف الوجود أشبه بنعيم الخلود الفي الكتاب عشان رضاك أنا بريد رضاك عشان تقول و أقول معاك أنشودة الهوى و الشباب الحب نما و بلغنا أسباب السما سبحنا في العلا كالشهاب و بنشوف العالم رهاب تحتنا و يهتف لنا يا بختنا إنت و أنا عدنا و بينا ما طال الغياب من رحلة كانت في هضاب طي الأثير مع السحاب وصلنا جهة معينة مين زينا إنت و أنا يا بختنا إتخذنا الآفاق رحاب وإتخذنا الأنجم صحاب شربنا كاسات الهنا دور منهن و دور مننا أنا آه ناري أنا أنا ناري ناري أنا
|
Post: #435
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 08:47 AM
Parent: #434
|
Post: #436
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 09:02 AM
Parent: #435
بتتعلم من الأيامكلمات: إسحق الحلنقي
بتتعلم من الأيام .. مصيرك بكرة تتعـلم وتعرف كيف يكون الريد وليه الناس بتتألم متين عرف الهوى قلبك متين صابك بآهاتو متين سهّرعيونك ليل طويلة ساعاتو وحاتك لسة ما بتقدر تقاسم قلبي دقاتو أقابلك وكلي حنية وأخاف من نظرتك ليّا وأخاف شوق العمر كلو يفاجئك يوم في عينيّا وراء البسمات كتمت دموع بكيت من غير تحس بيّا وبكرة الريد بدون مواعيد يزورك يا حياة عمري تقول ياريتني لو حبيت زمان من بدري تعال فرح ليالينا تعال قبل السنين تجري بتتعلم من الأيام .. مصيرك بكرة تتعـلم وتعرف كيف يكون الريد وليه الناس بتتألم
|
Post: #437
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 09:22 AM
Parent: #436
|
Post: #438
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 11:43 AM
Parent: #437
أرض الطيبينكلمات: عماد الدين إبراهيم ألحان: علي السقيد
جينا نخت إيدينا الخضرا فوقك يا أرض الطيبين يا بنوت الحلة العامرة ابشرن بينا عديلة وزين افتحن البيبان والطاقة وامسحن الدمعة الحراقة أنحنا البنحقق أمانينا نزح الوجع المتحدينا نشق الواطة نبل أشواقا وجينا نخت إيدينا الخضرا فوقك يا أرض الطيبين إنتن نيل ساقياهو الغيمة وعداً أصبح فيكن شيمة ونحن النور شايلاهو عزيمة النار بتموت لو نحن نسينا الخير بيفوت لو إتراخينا ونرجع تاني ندور في الدايرة عديمة الفايدة عقيمة أليمة وابشرن بينا عديلة وزين يا عديلة .. عديلة وزين الواطة مشتاقة وبتنادينا المطرة بروقا بتشلع زينة المطرة بتغسل خوفنا الفينا الخوف بيضيع لو نحن بدينا وابشرن بينا عديلة وزين يا عديلة .. عديلة وزين وجينا نخت إيدينا الخضرا فوقك يا أرض الطيبين
|
Post: #439
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 02-25-2010, 11:53 AM
Parent: #438
تيتي ليه ما بتردي علي مداخلتي
عشان كدة حا اقول اغنية بتاعة خطاب كمال ترباس
رسلت ليك اجمل خطاب لليلة ردك ما وصل
|
Post: #442
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 12:18 PM
Parent: #439
Quote: يا تيسير
وين الفارقت ما لقيتها للشفيع
اقترح ابعاد اغنيات الحقيبة من المائة اغنية
لانه اغاني دائرية والحانها بسيطة
معليش للتغول ِ |
خليل يا خلة
رجعت فوق لقيتك فعلاً منزل مداخلة بس معليش والله ما شفتها قالوا البشوف شنو؟
بس خلاص
طبعاً ظلمت أغاني الحقيبة شديد كيف يعني أغاني دائرية الأغاني الأنا جبتها هنا كل لحن يقول للتاني إنت شنو وعشان كلامك دا إستبعدت الأغاني ذات الكلمات أو الألحان المتشابهة
عندك مثلاً أحرموني ولا تحرموني لود الرضي برضي ليك المولى الموالي لإبراهيم العبادي وماهو عارف قدمو المفارق لخليل فرح (المسمنو عليك )
التلاتة أغاني دي كلماتها درر عديل لكن ليهم نفس اللحن إستبعدت الإتنين الأواخر درأً لشبهة التكرار
والأمثلة لا تحصى
عشان تجي تقول لي أغاني مدورة وألحان بسيطة يا مدور إنتا ..
|
Post: #440
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 11:55 AM
Parent: #438
|
Post: #441
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 02-25-2010, 12:04 PM
Parent: #440
وبمناسبة المولد
ما تنسي رائعة المجذوب وكابلي
ليلة المولد
|
Post: #443
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 03:47 PM
Parent: #441
خلاص بدينا الكاونت داون يا خليل رفعت الأقلام وجفت الصحف ()
إقتراحاتك دي إلا نعمل لينا جزء تاني نجهز لينا خمسين ستين على دكة الإحتياطي
رغم العنت والمشقة ..
|
Post: #444
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 03:56 PM
Parent: #443
جاي تفتش الماضيكلمات: التجاني حاج موسى
جاي تفتش الماضي خلاص الماضي ولى زمان وجفت مقلتي الباكية ونامت من سنين أحزان أرجع بالزمن مرة وإتذكر حكايتي معاك تلاقي القصة جد مرة و هل راعيت شعور مضناك وكلما تزيدني في هجرك أقول ليك زيدني ما أحلاك لا نفع التشفع ليك ولا هجراني يوم هماك وجيت تترجى بالدمعات أسامحك .. أنسى .. أغفر ليك جفف دمعك الغالي ومسامحك ما عشان عينيك عشان تتعلم الغفران و تصفح لو زمن جار بيك وحاول لو قدرت كمان تقدر رقة الحابيك وعزة نفسي مابية علي أسلم قلبي ليك تاني سنين الهجر بيناتنا وحاجات تانية حامياني ولو رجع الحنين عاود وليك من تاني وداني ولو مكتوب علي أحب بحب إنسان يكون تاني
|
Post: #445
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 04:05 PM
Parent: #444
|
Post: #446
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 04:14 PM
Parent: #445
ليتني زهركلمات: مبارك المغربي
ألحان: عثمان ألمو
أنا ليتني زهرُ في خدِّه الزاهي أنا ليتني طيرُ في روضه لاهي أنا ليتني نهرُ تنساب أمواهي يحلو تلاقينا من غير أكدارِ ويرف وادينا ويغني مزماري أنا ليتني عودُ في صدرك الحاني دنياي تغريدٌ من عذب ألحاني والفن محفوظٌ بقلب فنان في خفقة القلب تنساب أوتاري بالشعر والحب .. بالشهد والنارِ أنا ليتني أنتِ في عالم الحسِّ أشتاق في صمتٍ وأحب في همسِ وأعود إن عدتِ للمعبد القدسي حيث الهوى السامي يسمو بأفكاري وتطيب أيامي من نبعه الجاري
|
Post: #447
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 04:20 PM
Parent: #446
|
Post: #449
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 04:43 PM
Parent: #447
حبيبي أنا عيانكلمات: عمر البنا ألحان وأداء: كرومة (صورة تضم عمر البنا وكرومة)
في الطيف أو في الصحيان زورني يا حبيبي أنا عيان مالو لو في بعض الأحيان تسمح لي صحواً أراك عيان تاخد يا حبيب عن حالي بيان عسى تبقي قلوبنا في الغرام سيان ديمة أساهر لي صيحة الآذان أناجي خيال أشعاري والنجم والأوزان إنت وين يا البي حسنك وطنّا مُزان إنت تظهر وتكشف عني الأحزان يا الفريد في حسنك و بهجة أمدرمان لي من شوفتك يا حبيبي زمان أنا ساهر و نوم عيني حرمان و إنت بين أترابك في نعيم و أمان النحول علي جسمي يا حبيبي أنا بان و إنت جسمك نامي و بالنعيم طربان لو رأك الناسك المـن الله جبان بيك يفتن و يصبح بالغـرام تعبان قبل حسنك قط ما رأيت إنسان فاق العسجد لمعة و الحرير لمسان كيف يحصر وصفك يا حبيبي لسان والبان إتعلم من قامتك الميَسان إيه الدرر لي سناك وبنت الحان لي لماك و إيه نفحة الريحان إنت حسنك كامل لكـن لمحان خدك قاسي و قلبك ما حان
ـــــــــــــ طبعاً يا جماعة معظم إن لم يكن (كل) المواضع الوردت فيها الأبيات دي مكتوب فيها المقطع الأخير كدا: ما الـدرر لثنـاك ما بنـت ألحـان للمـاك و آيـة نفحـة الريـحـان ودا غير صحيح، الصحيح زي ما كتبتو فوق إيه الدرر لي سناك (يعني ضوئك أو نورك) وليس ثناك (يعني شكرك) وبنت الحان = الحانة أو مكان الشراب (يعني الخمر) وليس بنت ألحان بالهمزة (جمع لحن) وإيه وليس آية ..
هذا والله أعلم
|
Post: #448
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: معتصم دفع الله
Date: 02-25-2010, 04:33 PM
Parent: #444
تيسير إزيك .. غايتو نصيحتي ليك تقلبي اليوم 38 ساعة غير كده مافي حل .. الزنقة حاصله حاصله ..
عندي أغنية عاجباني شديد ويمكن ما لقت حظها .. ما ح أفصح عنها إلا ألقاها أنا هسي قاعد أفتش في ملفاتي .. وح أخليها تشتغل طوالي لمزيد من الإستماع ..
|
Post: #451
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-25-2010, 05:06 PM
Parent: #448
معتصم ..
طيب ما تخليها 48 مرة واحدة
اليوم بي يومين يا سلاااام تعمل العايزو والماعايزو
غنيتك يمكن جاية في السكة فضلوا عشرين
|
Post: #453
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-26-2010, 07:23 AM
Parent: #451
كلمةكلمات: محمد يوسف موسى
أعيش في ظلمة وإنت صباحي إنت طبيبي أموت بجراحي بشعري رفعتك أسمى مكانة يا الجازيتني بكسر جناحي عرفت الحب وفاء وإخلاص حنان ووداد ورود وسلام عشت معاك ليالي جميلة ليالي حنينة كالأنسام كنت معايا ولسة معايا في أحلامي وفي الأوهام وتخاصمني عشان بس كلمة و يا ما نظمت فيك كلام تخاصمني عشان بس كلمة وأحلى قصايدي نظمتها فيك نظمت في لونك أجمل أغاني نظمتها في شَعرك في عينيك في بسماتك في نظراتك في أنفاسك في خديك ده كلو نسيتو ومانسيت كلمة في لحظة يأس أنا قلتها ليك لو في الكلمة أنا غلطان يا ما إنت خطيت وغلطت يا ما قلت كلام جرّحني ويا ما قلت ويا ما قلت كم أدميت بي كلمة فؤادي علشان خاطرك إستحملت عشان بهواك بشوفا رقيقة كلمات جارحة بيها نطقت كلمتي المسّت غرورك وفرقتنا يا حبيبي مش خلاص كفّرت عنها بتسهدي وبنحيبي دي الليالي المُرة عشتها وحدي في ناري ولهيبي وبرضو ما رضيان تسامح يا صباحي وياطبيبي
|
Post: #454
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-26-2010, 07:33 AM
Parent: #453
|
Post: #455
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-26-2010, 07:39 AM
Parent: #454
الذكرى المنسية
كلمات: جمال عبد الرحيم
يا صحو الذكرى المنسية من بعدك وين الحنية بتعدّي مواسم وتروّح والفرقة بتصبح أبدية
يا مرسى الفرحة يا واحة قبلة عيني وصباحا من بعدك دنيا بتشقيني وخطايا بعدك سواحة الحزن الخيّم في قلبي وأيامي الفاتت أفراحا لا فرحة بدونك بتفيدني لا قلبي وراك بلقى الراحة
عصفورنا الروّح كلمتو وصيتو يطوف يسأل عنك وإسمك في جناحو سطرتو بحناني الفايض من حنك في أي مكان لو قابلتو أنا شوق الدنيا علي منك بتعدّي مواسم وتروّح وبتجينا أظنك وما أظنك
الرحلة طويلة مكتوبة عليّ وبمشيها المسافة بعيدة ومحسوبة خطاوي وجاييها الغنية حزينة مليانة محنة وأغنيها والذكرى الباقية معاي منك يا ريتو قلبك يصحيها
|
Post: #456
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-26-2010, 07:45 AM
Parent: #455
|
Post: #457
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-26-2010, 07:45 AM
Parent: #455
يوم البحيرةكلمات: علي أحمد باكثير
إن رأيتِ الصبح يبدي لكِ سحراً فاذكريني و اذكري يوم البحيرة يوم أقبلتِ و في يمناكِ زهرة قد حكت في وجهكِ الوضاح ثغره و نسيم الصبح يبدي لك سحراً و الندى يكسو وجوه الزهر نضرة اذكريني واذكري يوم البحيرة لم أعد أذكر إلا أن نظرة أشعلت في قلبي الولهان جمرة و أطارت من حنايا الصدر زفرة و أسالت من سواد العين عبرة اذكرينى و اذكري يوم البحيرة فاذكري إذ قلت هذا اليوم غُرة في جبين العمر فنٌ فيه بشرى و انثري في ثغرك الفتان دره وانشري في شعرك الوسان عطره فاذكريني و اذكري يوم البحيرة
|
Post: #458
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-26-2010, 08:14 AM
Parent: #457
|
Post: #459
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-26-2010, 08:19 AM
Parent: #458
هذه الصخرة
كلمات: مصطفى عبد الرحمن
يا حبيبي ظمئت روحي وحنّت للتلاقي وهفا قلبي إلى الماضي وناداني إشتياقي أنا ظمآن ألاقي من حنيني ما ألاقي فاسقني واملأ من النور لياليّ البواقي
أنت تدري ما بقلبي من عذاب وشجون يا ضنيناً حرّم اللقيا على غير ضنينِ هاتِ لي كأسي تروي ظمأ الروح الحزين طال شوقي وحنيني آه من طول حنيني
هذه الصخرة جئناها صباحاً ومساء وروينا قصص الحب عليها سعداء ما الذي فرّق شملينا فصرنا غرباء أتمنى والمنى لاتسمع اليوم رجاء
أنا وحدي فيك ياشطُّ غريب فأعنّي فرقت أيدي الليالي بين أحبابي وبيني آه من حائر آمالي ومن جائر حزني فمتى تلقاك عيني أيها الغائب عني
عد إلى الشاطئ نحيي فوق تلك الربوات ما تولى من عهودٍ وأماني باسمات نشهد الدنيا على نور السنا والبشريات ونغني للهوى سر المعاني الخالدات
|
Post: #461
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 02-26-2010, 08:50 AM
Parent: #460
|
Post: #462
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Abdulrahman Gorashi
Date: 02-26-2010, 09:40 AM
Parent: #461
ممكن بس الحلنقي دا مشا شمار في مرقه ساكت عندك، علي الاقل مفروض يكون عنده اكثر من عشره بالميت، الجابري لكن ما دقيتي بيه الواطه عديل، معقوله.
|
Post: #463
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Abdulrahman Gorashi
Date: 02-26-2010, 10:32 AM
Parent: #461
ممكن بس الحلنقي دا مشا شمار في مرقه ساكت عندك، علي الاقل مفروض يكون عنده اكثر من عشره بالميت، الجابري لكن ما دقيتي بيه الواطه عديل، معقوله.
|
Post: #466
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-08-2010, 06:36 AM
Parent: #463
سلامات يا عبد الرحمن قرشي ..
تتخيل بالحساب كدا أكتر شاعر وردت ليهو أغاني بنهاية المية أغنية حيكون هو إسحق الحلنقي ! الجابري وبدون مبالغة معظم أغنياتو مفروض تكون معانا لكن حكم العدد ..
|
Post: #467
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-08-2010, 06:47 AM
Parent: #466
بتقولي لاكلمات: عثمان خالد بتقولي لا لقليب عليك يقطّر حنان ويذوب ولَه وبتقولي لا لقليب رهيف ما أظنو لا لا بيحملا بتقولي لا يا بهجة ياغالية يا ست القلوب يا مذهلة وحياة شبابك ذُبت في عينيك حنان ومغازلة سافرت في رحلة مشاعر مُلهمة ومتأملة شفت الورود من وجنتيك غيرانة جات متوسلة وحتى القمر غار من صفاك وأصبح يردد في الصلاة وجاك المساء يؤدي الفروض داعب شفايفك وغازلا شال لون جميل من وجنتيك مسّح خدودو وبللا وأصبح يلملم في النجوم ينظم عقود أو يغزلا طرّز لجيدك بالحرير أحلى العهود وبتقولي لا أنا بيك بدغدغ في القلوب يا حلوة أحرف وأشتلا أملاها رقة ودندنات وعناق حنان ومبادلة أنا بيك لو قلبك يحن عالم يجن من الوله أسقيك حنان ما أظنو كان في الدنيا أو كانت صلة وأزرع هواك بين النجوم روضة حنان وأدللا وأحكيك لحون يا غالية لا إنسابت ولا عود غازلا وأخلي كل الكون يقول فنان يذوب في مذهلة بتقولي لا يا لهفة المشتاق ويا طعم الحلا
|
Post: #468
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-08-2010, 06:54 AM
Parent: #467
|
Post: #469
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-08-2010, 06:59 AM
Parent: #468
مدن عينيككلمات: عبد القادر الكتيابي
ألحان: بدر الدين عجاج
لمحتك قلت بر آمن بديت أحلم ألملم قدرتي الباقية و أشد ساعد على المقداف تلوّح لي مدن عينيك وترفع لي منارة بسمتك سارية وبديت أحلم كل ما الريح تطارد الموج أزيد إصرار وأحلف بيك أغيّر سكة التيار وأقول يا إنتي يا أغرق ألوّح لي مدن عينيك تلوّح لي أخاف الضفة ترجع بيك قبل ألحق أخاف غيم المنى الشايل تسوقو الريح ويتفرق وأخاف .. وأخاف وأشد ساعد على المقداف وأجيك بي قدرتي الباقية حطام إنسان موسّم بي شقا الدنيا ومقسّم قلبو في الأحزان أجيك فنان أشد أوتاري وأحكيلك حكاية إنسان وهب لسكتك نفسو ورسم صورتك على حسو وربط ساعد على المقداف وقال يا إنتي يا أغرق وأخاف .. وأخاف أخاف غيم المنى الشايل تسوقو الريح ويتفرق وألاقيك يا أماني سراب مواهبي عليهو تتدفق وأخاف .. وأخاف
|
Post: #470
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-08-2010, 07:07 AM
Parent: #469
أجيك فنان أشد أوتاري وأحكيلِك حكاية إنسان وهب لي سكّتك نفسو مدن عينيك - مصطفى سيد أحمد
|
Post: #471
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-08-2010, 07:13 AM
Parent: #470
محبوبي لاقاني
كلمات: حميدة أبو عشر
محبوبي لاقاني وبي بسمة حياني جذب الفكر حسنو جهر العيون نورو بعد إشتياقي الطال فاجأني بي ظهورو شخّصت في حسنو وأصبحت مسحورو سبحت كبرت وهللت بي حياتو بي كل إحساسي رديت تحياتو شكيتلو آلامي وآمالي وأحلامي حياني .. حياني بي بسمة حياني بادلتو بي شعوري ملأ الحياة شعورو شفت السحر كامن بين وجنتيهو ونورو من العيون خوفي وآمالي في ظهورو زي الزهور ندي زي الصباح مشرق زي القلوب باسم زي اللهيب محرق بي عواطفي بادلتو بي دموعي جاوبتو شكيتلو من هجري ظلم الهوى وجورو يا زول أنا قلبي حباك أموت أنا ماني بنساك أشعلت لي ناري جددتو تذكاري أنا ليك دوام طاري ساكن قريب جاري ياساحر النظرات يا مدهش اللفتات بالله وين أيامك الخالدات خالدات هنا وقلبي حباك أموت أنا وماني بنساك ست الدهر يحلو السمر بالحب أمر دمعي إنهمر ليك يا قمر
|
Post: #472
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-08-2010, 07:48 AM
Parent: #471
|
Post: #473
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-08-2010, 08:19 AM
Parent: #472
أمطرت لؤلؤاً
كلمات: يزيد بن معاوية
نَالَتْ عَلَى يَدِهَا مَا لَـمْ تَنَلْـهُ يَـدِي نَقْشاً عَلَى مِعْصَمٍ أَوْهَتْ بِهِ جَلَـدِي
كَأنَّهُ طَرْقُ نَمْلٍ فِـي أنَامِلِهَا أَوْ رَوْضَةٌ رَصَّعَتْهَا السُّحْـبُ بالبَرَدِ
كأَنَّهَا خَشِيَـتْ مِنْ نَبْلِ مُقْلَتِهَا فَأَلْبَسَتْ زَنْدَها دِرْعاً مِنَ الزَّرَدِ
مَدَّتْ مَواشِطَهَا فِي كَفِّهَا شَرَكاً تَصِيدُ قَلْبِي بِهِ مِنْ دَاخِلِ الجَسَدِ
وَقَوْسُ حَاجِبِهَا مِنْ كُلِّ نَاحِيَةٍ وَنَبْلُ مُقْلَتِهَا تَرْمِي بِهِ كَبِِدِي
وَخَصْرُهَا نَاحِلٌ مِثْلِي عَلَى كَفَلٍ مُرَجْرَجٍ قَدْ حَكَى الأَحْزَانَ فِي الخَلَدِ
أُنْسِيَّةٌ لَوْ رَأتْهَا الشَّمْـسُ مَا طَلَعَـتْ مِنْ بَعْدِ رُؤيَتِهَا يَوْماً عَلَى أَحَدِ
سَأَلتُهَا الوَصْلَ قَالَتْ لاتُغَـرَّ بِنَا مَنْ رَامَ منَّا وِصَالاً مَاتَ بالكَمَدِ
فَكَمْ قَتِيلٍ لَنَا بالحُبِّ مَـاتَ جَـوًى من الغَـرَامِ وَلَمْ يُبْـدِي وَلَـمْ يَعِـدِ
فَقُلْتُ : أَسْتَغْفِـرَ الرَّحْمنَ مِنْ زَلَلٍ إِنَ المُحِبَّ قَلِيـلُ الصَّبْرَ وَالجَلَدِ
قَالَتْ وَقَدْ فَتَكَتْ فِينَا لَوَاحِظُهَا مَا إِنْ أَرَى لِقَتِيل الحُبِّ مِنْ قَوَدِ
قَدْ خَلَّفَتْنِي طَرِيحاً وَهي قَائِلَةٌ تَأَمَّلُوا كَيْفَ فَعَلَ الظَبْيِ بالأَسَـدِ
قَالَتْ لِطَيْفِ خَيَالٍ زَارَنِي وَمَضَى بِاللهِ صِفْهُ وَلاَ تَنْقُصْ وَلاَ تَزِدِ
فَقَالَ : خَلَّفْتُهُ لَوْ مَاتَ مِنْ ظَمَأٍ وَقُلْتِ قِفْ عَنْ وَرُودِ المَاءِ لَمْ يَرِدِ
قالتْ:صَدَقْتَ، الوفا في الحبِّ شِيمتُهُ يا بَردَ ذاكَ الذي قالتْ على كبدي
وَاسْتَرْجَعَتْ سَألَتْ عَنِّي فَقِيْلَ لَهَا مَا فِيهِ مِنْ رَمَقٍ، دَقَّـتْ يَدّاً بِيَدِ
وَأَمْطَرَتْ لُؤلُؤاً منْ نَرْجِسٍ وَسَقَتْ وَرْداً وَعَضَّتْ عَلَى العُـنَّابِ بِالبَرَدِ
وَأَنْشَدَتْ بِلِسَانِ الحَالِ قَائِلَةً مِنْ غَيْرِ كَرْهٍ وَلاَ مَطْلٍ وَلاَ مَدَدِ
وَاللّهِ مَا حَزِنَتْ أُخْتٌ لِفَقْـدِ أَخٍ حُزْنِي عَلَيْهِ وَلاَ أُمٍّ عَلَى وَلَدِ
فَأْسْرَعَتْ وَأَتَتْ تَجرِي عَلَى عَجَلٍ فَعِنْدَ رُؤْيَتِـهَا لَمْ أَسْتَطِعْ جَلَدِي
وَجَرَّعَتْنِي بِرِيقٍ مِنْ مَرَاشِفِهَا فَعَادَتْ الرُّوحُ بَعْدَ المَوْتِ فِي جَسَدِي
هُمْ يَحْسِدُونِي عَلَى مَوْتِي فَوَا أَسَفِي حَتَّى عَلَى المَوتِ لاَ أَخْلُو مِنَ الحَسَـد
ـــــــــ القصيدة هنا كاملة، تم إختيار أبيات منها لتُغنى قصائد الشعر العربي تكون أبياتها أفقية مع مسافة بين البيتين وليست رأسية كشعر التفعيلة
فعذراً إن وردت هنا بشكل رأسي "بحكم التكنلوجيا"
|
Post: #474
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-08-2010, 08:25 AM
Parent: #473
أمطرت لؤلؤاً - كابلي، البلابل، الموصلي و زينب الحويرص
|
Post: #475
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-08-2010, 08:36 AM
Parent: #474
جميلة ومستحيلة كلمات: محجوب شريف
يا جميلة ومستحيلة إنتي دايماً زي سحابة الريح تعجّل بي رحيلا عيوني في الدمعات وحيلة اسمحيلا تشوف عيونك اسمحيلا أنا لا الصبر قادر عليّا ولا عندي حيلة حدّثت عنك نجمة جارة وزرعت إسمك حارة حارة في مناديل العذارى في مشاوير الحيارى في لحى الأشجار كتبتو نحتو في صم الحجارة وبحت للشمس البتقدل في مدارا عيوني في الدمعات وحيلة اسمحيلا تشوف عيونك اسمحيلا أنا لا الصبر قادر عليّا ولا عندي حيلة يا مراسي الشوق تعالي لا الليالي تمر بدونك هي الليالي من ضواحي الدنيا جيت جيت وعلي رحالي لمداين فوق عيونك يا مُحالي ريّحيني أسُتْري حالي فرحيني عيوني في الدمعات وحيلة اسمحيلا تشوف عيونك اسمحيلا أنا لا الصبر قادر عليّا ولا عندي حيلة وإنتي منك لا بداية عرفت لسة ولا نهاية مرة أسرح ومرة أفرح ومرة تغلبني القراية ولمن أكتبلك وداعاً قلبي ينزف في الدواية يا صبية الريح ورايا خلي من حضنك ضرايا عيوني في الدمعات وحيلة اسمحيلا تشوف عيونك اسمحيلا أنا لا الصبر قادر عليّا ولا عندي حيلة
|
Post: #476
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-08-2010, 08:42 AM
Parent: #475
وزرعت إسمك حارة حارة في لحى الأشجار كتبتو نحتو في صم الحجارة جميلة و مستحيلة - محمد وردي
|
Post: #477
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-08-2010, 09:11 AM
Parent: #476
لحى الأشجار خطأ الصحيح لحا (من لحاء)
فعذراً
|
Post: #478
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-11-2010, 09:25 AM
Parent: #476
(81) ولى المساء
كلمات: حسن عوض أبو العلا ألحان وأداء: سيد خليفة
|
Post: #479
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-11-2010, 09:40 AM
Parent: #478
(82) عتاب
كلمات وألحان وأداء: حسن خليفة العطبراوي
|
Post: #480
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-11-2010, 09:45 AM
Parent: #479
(83) أسمعنا مرة
كلمات: إسحق الحلنقي ألحان: عبد اللطيف خضر ود الحاوي أداء: خوجلي عثمان
|
Post: #481
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-11-2010, 09:52 AM
Parent: #480
(84) ما نسيناك
كلمات: أبو آمنة حامد ألحان وأداء: أحمد الجابري
|
Post: #482
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-11-2010, 10:01 AM
Parent: #481
(85) سامحني غلطان بعتذر
كلمات: مصطفى سند ألحان وأداء: صلاح مصطفى
|
Post: #483
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-11-2010, 10:05 AM
Parent: #482
(86) عيونك كانوا في عيوني
كلمات: عبد الله النجيب ألحان وأداء: عبد المنعم حسيب
|
Post: #484
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-11-2010, 10:15 AM
Parent: #483
(87) إفتتان
كلمات: عبد الرحمن الريح ألحان وأداء: رمضان حسن
|
Post: #485
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-11-2010, 10:22 AM
Parent: #484
(88) أمونة
كلمات: هاشم صديق ألحان وأداء: أبو عركي البخيت
|
Post: #486
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-11-2010, 10:32 AM
Parent: #485
(89) ضابط السجن
كلمات: محمد حامد آدم ألحان وأداء: عبد الرحمن عبد الله
|
Post: #487
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-11-2010, 10:40 AM
Parent: #486
(90) ما ضهبت أقول لقيتك
كلمات: محمد طه القدال ألحان: عثمان النو أداء: فرقة عقد الجلاد
|
Post: #488
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 03-11-2010, 11:51 AM
Parent: #487
تيتي سلملم
نحن قلنا حاجة عن عبد العزيز المبارك
الذي كان رب الجكس في الثمانيات
ممكن تختار
ليه يا قلبي ليه
وبتقولي لا وتحرمني
وما دام مصرة علي اغنية الحقيبة فاجمل اغاني الحقيبة هي
اه من جور زمان وما بي من نوائب
سهران ليلي طائل حارس بدري غائب
|
Post: #492
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-15-2010, 08:13 AM
Parent: #488
يا خلة ..
عبد العزيز المبارك نزلت ليهو بتقولي لا تحرمني منك وليه يا قلبي حلوين جداً طبعاً لكن طريقة مافي
عبد العزيز المبارك زمان كان حكاية! صورة وصوت لمن كانوا بيسموا القمصان على أغانيهو (تحرمني منك نموذجاً ) لكن يبدو إنو أهمل في نفسو جداً صوتو الكان نديان وطاعم داك مشى وين ما بعرف أما الشكل شالوا زول وختوا زول تاني ..
|
Post: #491
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-15-2010, 07:39 AM
Parent: #487
سأقوم بنقل مداخلات الأعزاء بدر الدين الأمير وفناننا الجميل طارق أبو عبيدة وأستاذنا الفنان أنس العاقب والرد عليها هنا حفاظاً على تسلسل الردود ..
|
Post: #490
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Abdelrahim Elamin
Date: 03-12-2010, 00:02 AM
Parent: #394
فوق
|
Post: #493
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-15-2010, 08:46 AM
Parent: #490
مرحب بيك عبد الرحيم الأمين ..
|
Post: #494
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-15-2010, 11:33 AM
Parent: #490
كتب بدر الدين الأمير:
Quote: تيسير كيف انك في العنوان تقولين الكلاسكيات وفي اول مداخلة تقولين السودان الحديث ما دخل الحداثة بلكلاسيكية وفي تقديرى لو ان هناك كلاسكية تغنى في السودان الناطق بالعربية بتبدأ من الدوبيت بجانب المدايح النوبوية وهى في معظمها عبارة عن تغزل في شخص النبى ص واحيان هذا الغزل ياخد منحى حسى افلج السن وعريض المنكبين وماالى ذالك |
وهنا ردي على الأخ النذير حجازي والذي تطرق لنفس النقطة:
Quote: كلاسيكيات دي مقصود بيها الأغاني والحديث دا مقصود بيهو المئة عام الأخيرة من تاريخ السودان ودا حسب تصنيف المؤرخين
يعني الحديث بتاعة السودان ما ليها علاقة أو ما بتنفي كلاسيكية الأغاني |
ولمزيد من التوضيح ..
حسب تقسيم المؤرخين للحقب الزمنية في تاريخ السودان إنو المية سنة الأخيرة يطلق عليها تاريخ السودان الحديث وأحياناً بتمتد لغاية الفترة من 1881 وجاي ودي الفترة اللي نحن معنيين بيها مع الوضع في الإعتبار إنو الأغنية السودانية بدت تاخد شكلها المعروف حالياً دا من بداية الخمسينات .. دا فيما يخص كلمة الحديث العملت الإلتباس
أما كلمة كلاسيكية فمقصود بيها الأغاني السودانية اللي إتغنت في الفترة ديك وكانت أكثر رسوخاً في ذاكرة ووجدان الناس فبقت بالنسبة ليهم أغاني كلاسيك كلنا يا بدر الدين بنتعامل مع غنا الحقيبة وما تلاه كجزء من إرثنا القومي وماضينا الجميل لكن (الإرث القومي والماضي الجميل) دا حدث في فترة تسمى تاريخ السودان (الحديث) عند المؤرخين ..
الدوبيت يا بدر الدين يصنف كفن شعبي أو فلكلوري وليس كلاسيك
أما المديح النبوي فبصراحة الحديث حولو وحول تصنيفو يطول لأنو المفروض شي ديني وروحاني اللهم إلا لو كان مديح اليومين دي تتأمل الكلمات تلقاها مدح للرسول وتسمع اللحن تلقاهو لحن راجل المرة حلو حلا ولا تقوم بينا العربية !!
|
Post: #495
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-15-2010, 11:54 AM
Parent: #494
كتب الفنان طارق أبو عبيدة ..
Quote: عيش معاي الحب the poetry for (al-asad) the father of the guitarist osama i knew that from his daughter,long ago |
شكراً يا خدر ..
كل ما لدي من معلومات يؤكد أيلولة هذه الأغنية للحلنقي لكن طالما قلت كدا يبقى وارد جداً وإنت العارف بشؤون الكار
يحدث كثيراً أن تنسب كلمات أغنية لغير صاحبها الأصلي أتمنى أن يمر من هنا من يؤكد أو ينفي هذه المعلومة ..
|
Post: #496
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-15-2010, 01:00 PM
Parent: #495
كتب الفنان أنس العاقب ..
Quote: الفكره ممتازه يا تيسير وأذكر أننى فى عام 1998 قررت ان أنفذ هذه الفكره إذاعيا وقدمت الأقتراح للسيد عوض جادين مدير الإذاعه وقتذاك وكانت فكرتى تتلخص فى إختيار أفضل 100 أغنية حديثه فى القرن العشرين بإستثناء أغنية الحقيبة لأسباب ومعايير أشار إليها الأستاذ يوسف الموصلى واعتبرت أن أغنية (عازه فى هواك) لخليل فرح عى التى تتصدر القائمه بلا أدنى شك لأسباب كثيره أهمها أن خليل فرح بتلحين اغنية (عازه فى هواك)إختزل عقدين من عمر أغنية الحقيبه وهى فى مهدها ليبشر بالأغنية الحديثه شكلا وموضوعا أجتمعت فيها كل الخصائص والمعايير التى يفترضاأن تتوافر فى الغناء الفنى Art Song فصارت أغنية (عازه) فى تقديرى هى ذاتها معيار إختيار لبقية ال99 أغنيه وكما أفاد الأستاذ الموصلى أن وضع كل أنماط الغناء فى سلة إختيار واحده يظلم الفكره بما سيربك تطبيق المعايير سيما فى نمط أغنيةالحقيبة ( مجازا) ونمط الأغنية الشعبية.... أعود واقول أن الأخ عوض جادين لم يتحمس للفكره لأننى كنت سأقدم تلك الأغنيات ال100 فى 100 سهره تضم كتابا ونقادا وموسيقيين وجمهورا محدودا نقوم فيه بتحليل الأغنية وأدائها بأشكال مختلفه(بالتوزيع وبالشكل التقليدى وبتحويلها إلى عمل موسيقى بحت )ثم إصدار 10 كتيبات (10 أغنيات ) لكل كتيب يحتوى على النص الشعرى والنوته الموسيقيه وتحليلات منتقاه لما قيل وكتب عن الأغنيه وأن يكون يوم 31 ديسمبر1999 هوأليوم المائه إحتفالا بالأغنيةالأولى عشية الإحتفال بأعياد الأستقلال وبخليل فرح وأغنية (عازه فى هواك ) الخالده... ولكن الفكره لم تجد أى إستجابه بل أمطرونى بما يشكك فى أمانة التصنيف وكعادتى أنا لاأحب الملاواه مع المتنفذين كبارا كانوا أم صغارا فاعتزلت الفكره وها أنت ياتيسير تتصدين لهافحمدت الله انها ماتزال على وميض وتشتعل شكرا ونحن معك ......(عمك أنس) |
تنفيذ الفكرة بواسطة متخصص/ين كان حيكون أجمل وأجدى .. لكن لغاية الآن ما قدرت أهضم فكرة إستبعاد أغنيات الحقيبة من التصنيف بتاعنا دا والتعامل معاها كجسم منفصل رغم إنو دا رأي الأغلبية المرت على البوست وفيهم المتخصصين في اللحن أو في اللايركس وعلى رأسهم الأستاذ يوسف الموصلي ود. بشرى الفاضل وشخصك الكريم ورغم إنو أهلنا بيقولوا إتنين لو قالوا ليك راسك ما في أهبشو لكن نعمل شنو إعتبروها "قوة راس" من جيل الزمن دا ..
من وجهة نظري: أغنية الحقيبة واحدة من stages تكوين الأغنية السودانية أو خلينا نقول هي المرحلة الأولى في هذا التكوين. كيف أنا لو عايزة أتتبع وأحصر وأوثق لي أفضل الأغاني السودانية أستثني منها أغنيات الحقيبة وعندي فيها ما يستحق أن يكون ضمن الأفضل؟ أي نعم فيها كتير جداً من التكرار في اللحن والمفردات والمضمون لكن أكيد بقدر أطلع من وسط المكررات دي درر حقيقية وغير مسبوقة حتى في الغنا الجا بعدها ..
بالنسبة لأغنية عازة في هواك يا أستاذ أنس فأنا شاعرة بفخر كبير لإختياري ليها كاول الأغاني في هذه القائمة وتمييزي ليها بإعطائها شرف إفتتاح البوست رغم تأكيدي على عدم ترتيب جميع الأغاني اللي جات بعدها سداً للذرائع كما ذكرت سابقاً الفخر دا بسبب إجماع الغالبية علي إستحقاقها للمكانة دي وكلامك وكلام د. بشرى هنا حول الأغنية أكبر دليل على ذلك ..
مشروع أفضل 100 أغنية دا أنا بقيت شبه واثقة إنو مر على خاطر الكثيرين جداً لكن حتى الآن تم الإعلان جهراً عن الفكرة بواسطة تلاتة: أنس العاقب وبشرى الفاضل وأنا حسب الأسبقية الزمنية مع ملاحظة إنو ما في زول إطلع على الفكرة دي عند التاني وكل زول فكر وشرع في التنفيذ بدون ما يعرف إنو الآخرين عندهم نفس الفكرة ..
د. بشرى الفاضل أشار هنا في البوست دا لإنو فتح بوست بنفس المضمون والمدهش نفس العدد 100 أغنية وبدايتو كانت ممتازة وبدت فيهو ترشيحات كويسة من المتداخلين لكن ما واصلوا يمكن لأنهم إصطدموا بنفس العائق بتاع تصنيف الأغاني ..
أنا شخصياً الفكرة دي راودتني أو خلينا نقول أرقتني عديل قبل سنوات طويلة وإترددت كتير جداً ولما كنت بقولا للمقربين كانو بيكسلوني منها وفعلاً كنت بكسل منها وعزيمتي تثبط لكنها تاني ترجع تتاور لغاية ما بديت أشتغل عليها فعلياً قبل سنتين وشوية (جمع داتا وسماع مكثف وكدا) وما قلت لأي زول لغاية ما إكتملت وطلعت في شكل البوست دا
لو كنت واصلت يا أستاذ أنس في تنفيذ فكرتك أو حلمك دا وبالطريقة الشيقة الإنت ذكرتها دي كانت حتطلع كأروع ما يكون وهسي ما حصل شي ممكن تبدا فيها وأهلنا بيقولوا المبدي متموم ..
سعيدة لمرورك يا عمو أنس
|
Post: #497
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-16-2010, 08:05 AM
Parent: #496
ولى المساء
كلمات: حسن عوض أبو العلا
ولى المساء الواله المحزون في جوف الضباب وأنا أهيئ زينتي و أعد مفتخر الثياب آملاًً لقياك الحبيب يصدُّني زهو الشباب
أمسي مضى بين التحسر والأنين و وسادتي بلَّلتها بالدمعِ والدمع الثخين مع تباشير الصباح وبسمة الفجر المبين غنيت مثل الطير فرحى في رياض العاشقين
تسري النسائم عذبةٌ و أنا أهيم بلا ملال وتقودني الآمال في دنيا المباهج والخيال وهناك أرقد في الرمال ولا أرى غير الرمال
غداً أذوِّب مهجتي بِحرِّ أنفاس الغرام أرنو إليك و لوعتي ظمأى تؤجج في ضرام وأبيت أعشق في الدجى صوتاً ينادي في ملام أبداً أعيش بحبه أنا غير أحبابي حطام
غداً نكون كما نود ونلتقي عند الغروب غداً تعود مباهجي وتزول عن نفسي الكروب غداً حبيبي قد يعود غداً حبيبي حتماً يؤوب
|
Post: #498
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-16-2010, 08:19 AM
Parent: #497
ـــــــــ للإستماع: الرجاء الضغط على الروابط أعلاه
|
Post: #499
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-16-2010, 08:53 AM
Parent: #498
عتاب
كلمات وألحان: حسن خليفة العطبراوي
ما خلاص ريد وإنتهى طول عمري ما بندم عليه جاي تسأل عني ليه تاني عاوز مني إيه
كنت واهب ليك حياتي كنت واضع أملي فيك كنت بين الناس بعزك كنت ديمة بعتز بيك دي غلطة قلبي وحدو الغلطة ما كانت عليك جاي تسأل تاني ليه
كم كتير قابلت غيرك كم لقيت غيرك حنان والغريب بس قلبي عايش ليك وحدك من زمان قلبي ما قادر يصدق لسة لي عندك مكان جاي تسأل تاني ليه
الكان غريب إنك تجي وتسأل عن الماضي اللي غاب لو كلامك في مكانو إيه يفيد تاني العتاب بس مناي تكون سعيد أنا أصلي مخلوق للعذاب جاي تسأل عاوز إيه
فرقت بينا الليالي وما أظن تجمعنا تاني حبك أصبح لي ذكرى تهون علي أحزان زماني
|
Post: #500
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-16-2010, 08:56 AM
Parent: #499
|
Post: #501
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-16-2010, 09:34 AM
Parent: #500
أسمعنا مرة
كلمات: إسحق الحلنقي
أسمعنا مرة وحاتنا عندك أسمعنا مرة الدنيا تبقى ما فيها مُرة والكون يلالي بهجة ومسرة حن في عمرنا شايفنو مرة وإن قلت لا لا هم وإستمرّ
إنت البتنهي وإنت البتأمر إن درت نشقى وإن جرت نصبر زي الفراشة في سماها تخطر نادر وجودك في الدنيا يندر
نحن المشاعر جنات حبيبة بسمتنا راحة وعالمنا طيبة دايرين عيونك تصبح قريبة شان كل حلوة في الكون نجيبا
إن قلنا نشكي وين نشكي ليكا وين نلقى دنيا تجمعنا بيكا ما قلت بتجينا يا حليل مجيكا وإن ضاع عمرنا محسوب عليكا
|
Post: #502
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-16-2010, 10:00 AM
Parent: #501
|
Post: #503
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Emad Abdulla
Date: 03-16-2010, 10:47 AM
Parent: #502
تايسا ياخي جلبطها في النهاية إنت و الشباب .. ياخي في غنا هنا شين عديل و ما عندو طاييوق .. و ما تقول لي إختلاف اذواق وللا بتاع .. أصلو ما بيتشكر .
إتصلح معانا يا برعي .
|
Post: #507
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-16-2010, 11:14 AM
Parent: #503
عمدة أمنع الكلام
بعدين ياخي دي مسألة بتاعة إختلاف أذواق وبتاع
نجي للجد:
يمكن يكون في غنا شين (من وجهة نظرك) وأنا زاتي بتفق معاك والكلام دا أنا قلتو في أول مداخلات لي إنو في اغاني هنا لا بحبها ولا بحب البيغنيها وما عايزة أكون صريحة زيك وأقول إنها شينة (من وجهة نظري) لكن الأمانة تقتضي وضعها ضمن الأفضل
أنا عارفة مزاجك صعب يا فنان لكن هذا البوست ليس ما يطلبه المستمعين
|
Post: #504
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-16-2010, 10:48 AM
Parent: #502
ما نسيناككلمات: أبو آمنة حامد ما نسيناك جاي تعمل إيه معانا بعد ما بدلتنا ما سقيناك أحلى ما في عمرنا من عواطف ما لقيناك الرهيف قلبو بيعيش في شكو أكتر من يقينو تستبيهو نظرة جارحة وتحترق بالحب سنينو قلبو عايش في العيون الشاربة من حبو وحنينو وناكرة حتى إنو إنسان يسعى لي قلباً يعينو ماكفاهو العذاب الهو فيهو ليه تزيد آلامو أكتر وليه عيونو العمرها ما خانتك تبكي و تسهر وليه توشح فجرو بالأحزان بعدما قلبو نوّر أضحى جرح الفرقة في قلبو الحزين من حبو أكبر قلبي غافر ليك ذنوبك سيبو بس تنشف جراحو الحنين العاش لحبك بتّ تسخر من نواحو سيبو مرة يغسل أحزانو الأمل يشرق صباحو وكيف يطير لعشو عصفور منكسر مكسور جناحو
|
Post: #505
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-16-2010, 10:56 AM
Parent: #504
|
Post: #506
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Emad Abdulla
Date: 03-16-2010, 11:06 AM
Parent: #505
اللللللللللللللللللللللللللللللللللللله .. ياخي ينصر دينك و دين اهلك كلهم ياخ . عوقتيني يا تايسا .. عويقة صاح .
ما تقري مداخلتي الفوق ديك طيب . فالغنا الحلو يجُبّ ما قبله .
|
Post: #508
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 03-16-2010, 11:20 AM
Parent: #506
الجابري يا عماد
الجابري هو الذي يجبر بخاطرنا
أنا أعشق هذا الفنان ..
|
Post: #509
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Emad Ahmed
Date: 03-16-2010, 01:08 PM
Parent: #508
Quote: محبوبي لاقاني
كلمات: حميدة أبو عشر |
الشاعر حميدة أبو عشر تغشاه الرحمة ..
|
Post: #510
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Emad Ahmed
Date: 03-16-2010, 01:35 PM
Parent: #509
Quote: ولى المساء
كلمات: حسن عوض أبو العلا |
الشاعر الراحل حسن عوض أبو العلا والفنان الراحل أحمد المصطفى
وبعض أصدقائهما على شاطئ النيل ..
|
Post: #511
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: وليد عبد اللطيف
Date: 03-16-2010, 03:04 PM
Parent: #510
ياسلام صديقي (عماد عثمان ) الموثق الكبير ياسلام الاخت ( تيسير ) الفنانه وكما تعلمون اغاني الحقيبة امكن حوالي الفين اغنية ودي احلى من دي وانا بتاوق ومستنيكم
------ ياخي لو تعرف الحكاية اصلي بهواك للنهاية وخلي قلبك يكون معايا
-------------- مابنسى ليلة كنا تايهين في سمر بين الزهور انا وانت والنيل والقمر
-------------- سهر طرفي ومانمت ومن يوم شفتك اعلنت بأني اسير وسلمت وبمن سواك وخلقك حتة في حتة ----------- الناحر فؤاد ي مولع جوفي حر اضرم نار وجدي نسام السحر -------------- من يوم ما بقى فراقو === منامي وطرفي ماتلاقو ----------- يا حبيبي اه انا خايفك بالشوق تضيع عمري وتكون عليّ الجاني
--------------------------- تسير بالاغاني وعماد بالصوره حاجة عجيبة ونحن علينا المتاوقة (فتناكم بعافية )
|
Post: #512
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-06-2010, 06:45 AM
Parent: #510
مرحب بيك يا عماد وألف شكر ..
إنت بتجيب النوادر دي من وين؟ حميدة أبو عشر دا مشيت ليهو بوست حنتوب الجميلة وما قدرت أجيب صورتو
تسلم كتير ..
|
Post: #513
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-06-2010, 07:01 AM
Parent: #510
مرحب بيك يا وليد وخليك متابع معانا ..
ــــــــــ عفواً لتأخير الرد وقفنا عشان الإنتخابات لقينا الموضوع مطرشق قبل ما يبدا رجعنا لي غنانا تاني ياهو الطلعنا بيهو من السودان!
|
Post: #514
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-06-2010, 07:29 AM
Parent: #510
سامحني غلطان بعتذركلمات: مصطفى سند
ما عدت قادر أنتظر سامحني غلطان بعتذر ما كنت قايل من عتاب تحكم علي بالوحدة والشوق والعذاب إنت القبيل شلت الصعاب في دربو عديت ألف باب لو إنت زهو الحسن في عيونك بدا خليك أمين في العشرة لي آخر مدى كيف تنسى لهفة قلبي ليك تنسى الحنان الكان لديك لو مرّ اسمك في البعيد شايلو الصدى بلّل نسايمو الحلوة بي قطر الندى تلقاني واقف مرتعش ضارع إليك عارف تمام دا المستحيل الحسن والطبع النبيل يغضب يجور لحظات خصامو المرة تتمدد شهور صدقني لو أغلط معاك دايماً أقول إنت الأصيل إنت الوفي عن حبي ما ممكن يميل يضحك سلام الدنيا في عيونك دليل من بعدو ما داير دليل ما عدت قادر أنتظر سامحني غلطان بعتذر
|
Post: #515
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-06-2010, 07:36 AM
Parent: #514
|
Post: #516
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-06-2010, 07:51 AM
Parent: #515
عيونك كانوا في عيوني
كلمات: عبد الله النجيب
عيونك كانوا في عيوني يصدوني وينادوني أخاف لو قلت حبوني وأقول إمكن يحبوني ويعزوني ويصافوني عيونك كانوا في عيوني
أصبِّر بي هواك البال وأزرع قلبي بالآمال عشقتك وكنت عندي خيال مجرد حبي ليكا محال أداريهو وأخليهو وأخاف من قلبي يحكيهو عيونك كانوا في عيوني
ظروفنا تحرِّم اللقيا تعادي الحب ولو طاهر يعيش في خوف من الدنيا ويكون مكتوم وما ظاهر فكيف إحساس تحسو الناس نضيق بيهو ونعاديهو وكل الكون يشك فيهو عيونك كانوا في عيوني
يا حبيبي لأنك إنت عفيف رقيق بتخاف من الأشواك تعال نتحدى حتى الخوف تبوح بهواي وأقول أهواك ونكون ظاهرين وما خايفين نعيش ليهو ونذوب فيهو ونجاهر للأنام بيهو عيونك كانوا في عيوني
نحاول نبرز الإخلاص وزادنا البهجة والنشوة نفتِّح في قلوب الناس مشاتل من حنان حلوة نقول ليهم ونوريهم معانيهو وأمانيهو ونفخر للجميع بيهو عيونك كانوا في عيوني
|
Post: #517
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-06-2010, 08:09 AM
Parent: #516
عيونك كانوا في عيوني - عبد المنعم حسيب
|
Post: #518
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 04-06-2010, 08:42 AM
Parent: #517
حباب البت تيتي بعد ضيع الجماعة زمنك
في نقد بصلي ونقد بتيمم
الجابري عنده واحدة كلاسيكية بت ستين نيلة اسمها
يا عصفير المحنة يا متلي وحداني واحن
اتوسد الشوق واستريح ما كفاية كتير رحلنا
الرسول فيك كان ما كتبتيها
|
Post: #519
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-15-2010, 06:39 AM
Parent: #518
يا خليل الجابري أغانيهو كلها بت ستين نيلة ياخي (حبيبتي بستلطفا) شخصياً مالقيت ليها طريقة
تقول لي شنو ..
حليفة الرسول دي كان سوت لي شي ما بخليك أنا ما ناقصة
|
Post: #520
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-15-2010, 06:54 AM
Parent: #517
إفتتانكلمات: عبد الرحمن الريح
الزهور صاحية وإنت نايم داعبت شعرك النسايم وأيقظك صوت الحمايم الزهور صاحية في الخميل وإنت في نشوة يا جميل قمت من مرقدك تميل تعتدل في المشي وتميل حيثما ملت قلبي مال وتهت في دنيا من جمال بين ذلك أراني هايم قلبي صار كالفراشة حايم شعرك الناعم المسرّح بين موجاتو عقلي سرّح وميل على منكبيك نسير ومنه يتضوع العبير ووجهك الكوكب المنير حسنو لا تحجبو الغمايم نور جمالو عليهو دايم الجمال فيك تجلى نورو وعليك فتحت زهورو وأشرقت في سماك بدورو كلما أنظرك أشاهد في جمالك جديد مشاهد كل من غار علي شاهد إني بي روحي فيك مساهم يا حبيب طبعاً إنت فاهم الزهور صاحية وإنت نايم داعبت شعرك النسايم وأيقظت صوت الحمايم
|
Post: #521
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-15-2010, 07:00 AM
Parent: #520
|
Post: #522
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: وليد عبد اللطيف
Date: 04-15-2010, 07:37 AM
Parent: #521
Quote: يا خليل الجابري أغانيهو كلها بت ستين نيلة ياخي (حبيبتي بستلطفا) شخصياً مالقيت ليها طريقة
تقول لي شنو .. |
من الممتع ياتيسر معظم كلمات اغاني الجابري اصبحت مضرب امثال الناس تتعامل بها في حياتهم اليومية -- مرات اقول اديهو كلمة تزعلو وكلمات عتاب انا عارفو ما بتحملو علشان اشوف خدو الحرير الدمعه جاريه تبللو
------------------------------- تيسير ياخي زول بحب الغناء زيك بزعل من الناس الدنيا دي فيها شنو
|
Post: #524
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-15-2010, 08:04 AM
Parent: #522
مرحب بيك يا وليد ..
رأي شخصي جداً
البيت بتاع أنا في العيون ببنيلو دارين من مودة ومن منى دا أجمل بيت وطبعاً من نفس أغنيتك الجبتها دي سيد الإسم ,,
|
Post: #527
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عمر عبد الله فضل المولى
Date: 04-15-2010, 09:23 AM
Parent: #524
وفي سيد الاسم
محبوبي وكتين يبتسم الدنيا ياناس تنقسم الفرحةتملاها وتزغرد فيها والشوق يرتسم
تعبير عظيم
لك التحية الاخت تيسير لهذا البوست الممتع والمريح
|
Post: #523
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-15-2010, 07:46 AM
Parent: #521
أمونةكلمات: هاشم صديق
كل البنات أمونة يا خرطوم معاي ساعة أفتح الدكان معاي ساعة الدرس بالليل معاي في البص على أم درمان وفي الكوبري الكبيرفي الليل أعاين في البحرمهموم ألاقي وجيها شاقي النيل وفي ساعة التعب والخوف تشيل خطواتي وأمشي عديل دحين خاتي أكان يا يمة صبحت نفَسي ساعة الكتمة من ضيق الزمن والناس وصبحت راحتي لامن ألقى دمي يفور تمد إيدينا تمسح في العصب والراس أمانة كلاما كان رفرف وكت ساعة الدرس يا بوي يطير قلمي ويزغرد سنو في الكراس
|
Post: #525
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-15-2010, 08:07 AM
Parent: #523
|
Post: #526
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-15-2010, 09:04 AM
Parent: #525
ضابط السجن
كلمات: محمد حامد آدم
صبرك لحظة واحدة إذنك لحظة واحدة يا ضابط السجن أتزود بنظرة وأرجع أنسجن خمسة سنين طويلة مرت ليلة ليلة ودمع الشوق هميلة ورا الدمعة الهميلة تشرح سايلة حالي وتكتب في مسيلا قصة وردة جفت من فُرق الخميلة يشلع نور بسيمتو وينير الوجن ويحلى دوام فريحو ودا المافيهو ظن بتحكي حنين مغرد بلبل ساب عشيشيو وراح ولهان يردد شوق الطير لريشو وشوق للنادي خدو للبجرح رميشو لي جاهلاً بعذب صدو ويحلا طيشو طيب نفسو طيبة حنين كلو طيبة فرحان بي شبابو كامل حسنو هيبة والأنظار تهابو دا لين ني صغير زي الزهرة دابو وبي بلور أصابو بتصفح كتابو أسمح لي أشوفو يا سيد السجن ولا الطبع غالب والحرمان عُلِن
|
Post: #528
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-15-2010, 09:26 AM
Parent: #526
ضابط السجن - عبد الرحمن عبد الله
|
Post: #529
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-15-2010, 11:18 AM
Parent: #528
ما ضهبت اقول لقيتككلمات: محمد طه القدال
ألحان: عثمان النو
ما ضهبت أقول لقيتك وإنتي في كل الخواتم والمياتم والنجيمات والعواتم والمغنين المطاليق ما حزنت أقول بكيتك نحن في حزن المخاليق الفرح جاييك وعد غنوة أولاد التحاريك كنتي في ليل الخوابي تهاتي بينات الطوابي تحاكي جقليب السعي الوليدات خلو حِجرك ريح يفوفي وعين مزرزرة من شقى الفرح المرابي ومنية الوعد الدعي إنت في خوفك تكاتل رفة الطير والحفيف وإنت في شوفك تخاتل عينة الجلبت خريف وإنت في لالوبة مصلبة البنيات النسيمات الهفيف إنت في لالوبة مشنقة الوليدات ناس نجومي ومحبس النفس الرهيف بطنك كرّشت غي البنات نافي دقنك حمّست جلدك خرش مافي وكت الوهم وافيت وكت العلم جافي صدق الوعد نافيت مرة الصدق وافي يا دياري الوين أني تور عفين الشين أني ما إضينة وزين أني تور عفين الشين أني سنتين والعيش بالقبضة قلبك شغال بالنبضة جوني العشامة لقوني جهدية ما إتلقوني أمونة شن بتشوفي يا عيوني شن بتشوفي شدراً تال اليمامة ولا الصقر الحمامة ولا البطن التفوفي يا أمونة شن بتشوفي ويا عيوني شن بتشوفي جهدية وسيف وراية تبروقة وخيل وشاية آذان بالجوع أذن لي أم خوفك فايت خوفي يا أمونة شن بتشوفي ويا عيونى شن بتشوفي جهدية الأورطية جهدية الحلبونا شدو جمالم جونا جلبنا ليهم سمسم السمسم ما كفاهم جلبنالم سعية
|
Post: #530
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: وليد عبد اللطيف
Date: 04-15-2010, 11:38 AM
Parent: #529
Quote: البيت بتاع أنا في العيون ببنيلو دارين من مودة ومن منى دا أجمل بيت وطبعاً من نفس أغنيتك الجبتها دي سيد الإسم ,, |
تيسير ياخي الاغنية بأكملها ممتعة وماكتبتبه حاجة مرت لحظتها وامتعتني هذه الاغنية عندما غناها شاب (مصطفى حمزه ) ولو انو بقولو حلو الغناء في خشيم سيدو
Quote: ما ضهبت أقول لقيتك وإنتي في كل الخواتم والمياتم والنجيمات والعواتم |
في الغريب العاجل سوف تشارك الفنانه الدكتور( منال بدر الدين ) كعضو جديد في المنبر وهي تعتبر من اجمل الاصوت التي صدحت بهذه الملحمة
|
Post: #532
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-18-2010, 07:23 AM
Parent: #529
|
Post: #533
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-18-2010, 07:39 AM
Parent: #532
|
Post: #534
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-18-2010, 07:51 AM
Parent: #533
(91) إيه يا مولاي
كلمات: محمود أبوبكر ألحان: فضل المولى زنقار أداء: خضر بشير
ـــــــــــــ * الأغنية أصلاً غناها زنقار ولكن إشتهر بها خضر بشير أكثر يغنيها مكسورة بـ "الله فوق زوزو"
|
Post: #535
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-18-2010, 08:02 AM
Parent: #534
(92) الذكريات
كلمات وألحان: محمد عوض الكريم القرشي أداء: عثمان الشفيع
|
Post: #537
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-18-2010, 08:15 AM
Parent: #535
(93) نور العين
كلمات: إسماعيل حسن ألحان: محمد وردي أداء: محمد وردي مع حنان النيل وآمال النور
|
Post: #538
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-18-2010, 08:19 AM
Parent: #537
(94) فلق الصباح
كلمات وألحان وأداء: خليل فرح
|
Post: #539
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-18-2010, 08:21 AM
Parent: #538
(95) عيون المها
كلمات وألحان: عبد الرحمن الريح أداء: منى الخير
|
Post: #540
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-18-2010, 08:31 AM
Parent: #539
(96) غيب وتعال
كلمات وألحان وأداء: هاشم ميرغني
|
Post: #541
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-18-2010, 08:37 AM
Parent: #540
(97) الشاغلين فؤادي
كلمات: علي المساح ألحان وأداء: عثمان فرفشة
|
Post: #542
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-18-2010, 08:43 AM
Parent: #541
(98) كنوز محبة
كلمات: بشير عبد الماجد ألحان: بشير عباس أداء: زيدان إبراهيم
|
Post: #544
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-18-2010, 08:53 AM
Parent: #542
(99) مع الطيور
كلمات: حافظ عباس ألحان وأداء: مصطفى سيد أحمد
|
Post: #545
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-18-2010, 08:55 AM
Parent: #544
(100) أنا ام درمان
كلمات: عبد المنعم عبد الحي ألحان وأداء: أحمد المصطفى
|
Post: #546
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-19-2010, 10:51 AM
Parent: #544
Quote: وفي سيد الاسم
محبوبي وكتين يبتسم الدنيا ياناس تنقسم الفرحةتملاها وتزغرد فيها والشوق يرتسم
تعبير عظيم
لك التحية الاخت تيسير لهذا البوست الممتع والمريح |
Quote: تيسير ياخي الاغنية بأكملها ممتعة وماكتبتبه حاجة مرت لحظتها وامتعتني هذه الاغنية عندما غناها شاب (مصطفى حمزه ) ولو انو بقولو حلو الغناء في خشيم سيدو |
الأعزاء عمر و وليد ..
جميل إنو سيد الإسم نالت إعجابكم وأنا برضو من الأغاني المفضلة جداً بالنسبة لي كلمات مميزة ولحن مميز لتكتمل بصوت الجابري الأسطوري ..
ويا وليد ألف مرحب بالفنانة منال بدر الدين بيننا وإسهامها مع عقد الجلاد لا تخطئه أذن ..
|
Post: #536
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عمر عبد الله فضل المولى
Date: 04-18-2010, 08:06 AM
Parent: #534
لا ادري هل انزلتي اغنية ابوقطاطي
سواة العاصفة بي ساق الشتيل الني وفعل السيل وقت يتحدر يكسح ما يفضل شي
ولاسماعيل حسن
الكاحلة بلا كحل بت القبيلة تمشي قدم قدم في المشية ريلة تشكى من الطريحة تقول تقيلا نفيسك شمعوه جوه الفتيلا ..............انت شن تشبه بلا الداسنه فى بطن المطامير لى دروبك أنت ما شقن بوابير يا قشيش نص الخلا الفوق فى العتامير.
ولك تحياتي
|
Post: #543
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: khaleel
Date: 04-18-2010, 08:48 AM
Parent: #536
تيتي
بمناسبة فوز الجبهة الاسلاموية بالانتخابات
اطلب منك اغنية
اربعة سنين تجربة وزاد
واهديها لخلف الله
|
Post: #547
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-19-2010, 11:43 AM
Parent: #543
Quote: تيتي
بمناسبة فوز الجبهة الاسلاموية بالانتخابات
اطلب منك اغنية
اربعة سنين تجربة وزاد
واهديها لخلف الله |
خلاص يا خلة وصلنا الميس
بعد دا إلا نشتغل ما يطلبه المستمعون وأنا زاتي معاكم عندي كم أغنية ما لقيت ليهم طريقة
خلف الله بعد نتيجة الإنتخابات يطلب أغنية: أغالب دمعي وأتصبر وأقول يا الله صبرني
()
|
Post: #548
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-19-2010, 12:05 PM
Parent: #547
Quote: لا ادري هل انزلتي اغنية ابوقطاطي
سواة العاصفة بي ساق الشتيل الني وفعل السيل وقت يتحدر يكسح ما يفضل شي
ولاسماعيل حسن
الكاحلة بلا كحل بت القبيلة تمشي قدم قدم في المشية ريلة تشكى من الطريحة تقول تقيلا نفيسك شمعوه جوه الفتيلا ..............انت شن تشبه بلا الداسنه فى بطن المطامير لى دروبك أنت ما شقن بوابير يا قشيش نص الخلا الفوق فى العتامير.
ولك تحياتي |
أبداً يا عمر يا أخوي .. أبو قطاطي وإسماعيل حسن مشاركين معانا بخلاف الأغنيتين الذكرتهم ديل ..
|
Post: #549
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-19-2010, 12:44 PM
Parent: #548
إيه يا مولايكلمات: محمود أبوبكر إيهِ يا مولاي إيهِ من حديثٍ أشتهيه وجمال أنت فيه بغية القلب النزيه عسعس الليل فناما وإكتسى الوادي ظلاما إن يكن صمتي رهيباً إن في صمتي كلاما وأرى الوجه تجلى فوقه الشعر تدلى عجبت عيني لبدرٍ منك بالليل إستظلّ وأرى البارقُ حاكى بارقاً أبكى ملاكا ما بكى الأفق ولكن إذ رأى دمعي تباكى اسقني خمر الضياء نخبَ حبٍّ و وفاء أنا في عينيك رائي بعض آيات السماء فارددِ الكأس إليّا كسرها غالي عليّا إنها أروت ظمياً وافياً مادام حيا وأرى البان تثنى وله البلبل غنى فأعلمي يا هندُ أنّا نكتم الحب ونغنى ذهبي الشعر ساجي الطرف حلو اللفتات وحيي لا يحييك بغير البسمات علموه وهو لايعلم ما كيد العداة ليتني علمته الوصل وتكذيب الوشاة
ــــــــــــــ الأبيات الأربعة الأخيرة من قصيدة "كأس على ذكرى" للعقاد والتي يقول مطلعها: يانديم الصبواتِ أقبل الليل فهاتِ يغنيها خضر بشير مع كسرة "الله فوق زوزو" ،،
|
Post: #550
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-19-2010, 12:54 PM
Parent: #549
|
Post: #551
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-19-2010, 01:09 PM
Parent: #550
الذكرياتكلمات وألحان: محمد عوض الكريم القرشي
الذكريات صادقة ونبيلة مهما تجافينا بنقول حليلا الذكريات في كل ليلة توحي للحبايب أشياء جميلة فمن يغني يذكر خليله ومن بينعي ماضٍ جميلا ومن بيعبد فقد طال ليله فلتذكرونا كثيراً أو قليلا الذكرى تجمعنا ونمرح طويلا الذكرى للحبان أجمل بشارة هي للقلوب مرآة وللحب إشارة مرات تجود بي جنانا ومره نارا حيث الإثارة صعب في الحب مزارا فذكرياتنا جميلة وكم نبيلة وأحبابنا وين الليلة في أي ليلة رجع الصدى المحبوب بالذكريات وأحيا الألم والجور بالذكريات فرح الأحبة يتم في الأمسيات حيث اللقاء يذهِب ما كان وفات يا الفي الجنوب حيي الشمال يا الفي الشروق ليك شوقنا طال طال يا الفي الغروب هاك لحني قال قال الذكريات نهضت بجيلا وأنا كنت حاديها ودايماً دليلا
|
Post: #552
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-19-2010, 01:23 PM
Parent: #551
|
Post: #553
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Tagelsir Elmelik
Date: 04-19-2010, 02:03 PM
Parent: #552
الأخ تيسير
ياخي انت ما سمعت ب ( ألى مسافرة)؟؟؟ واحدة من تجليات طيب الذكر المغفور له ( عثمان خالد)؟؟؟ ده لحن ظبطو ( حمد الريح) في جملة او جملتين ، لكن سبحان الله ما ممل
بعدين ياخ خلف الله حمد اسمو مكتوب ولا ارجع اقرا البوست من الأول؟؟
الأماني العذبة في؟؟
خاف من الله في؟؟
مين قساك و زهرة نادية لأبراهيم عوض في؟؟ من الأسكلة وحلا؟؟
عشقتك ( عثمان حسين) في؟؟
اقيس محاسنك بمن في؟؟
بخاف؟؟؟
أرحل؟؟؟
هوج الرياح - الجريف و اللوبيا؟؟؟
طال علينا فراقكم عثمان مصطفى؟؟؟
يا خوانا كان شفتو بوصف الشفتو علي ابراهيم؟؟؟
الساقية؟؟
الما منظور ينسانا؟؟؟
أنا طبعا بعتمد في كلامي على الرواج التجاري و التداول على كل المستويات بنفس طريقة ( التوب اوف ذي بوبس) و ده مقياس قد يكون لأن الأغنية جيدة فعلا ، أو لأنها صادفت هوى الملايين بالرغم من وجود أفضل منها و الذي لم يروج له بصورة أفضل.
الروحتو طولتو مجذوب اونسة؟؟ لعلك انخمل بى غادي في ضل التمر ياطير؟؟ الطير المهاجر؟؟
ما اتعودت اخاف من قبلك؟؟ نمشي اقرا من اول و اجي تاني
شكرا لك على هذا العمل التوثيقي العظيم الملك
|
Post: #554
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-20-2010, 06:50 AM
Parent: #553
عثمان خالد عندو معانا ننساك إنت بتتنسي وبتقولي لا حمد الريح عندو معانا مريا وأبيت أضيف الساقية قاصدة
Quote: بعدين ياخ خلف الله حمد اسمو مكتوب ولا ارجع اقرا البوست من الأول؟؟ |
أرجع أقرا البوست من الأول
طيب لو وضعنا في الإعتبار إنو كل فنان عندو عدد معين من الأغنيات ممكن يشارك وما يتعداهو على أساس ما يكون على حساب باقي الفنانين الحكاية حتكون كدا:
الأماني العذبة وبخاف والمامنظور نسانا والطير المهاجر في ولازم كان يكونوا في ..
خاف من الله مافي وردي عندو معانا الحزن القديم والطير المهاجر وجميلة ومستحيلة ونور العين ونشيد الإستقلال هل بنقدر نستغنى عن واحدة من البلاوي دي لصالح خاف من الله؟ إتمنيت تكون أرحل معاهم لكن كدا بندخل في حق الباقين ..
مين قساك و زهرة نادية لأبراهيم عوض في؟؟ إبراهيم عوض داخل معانا بي المصير وعزيز دنياي
عشقتك ( عثمان حسين) في؟؟ عثمان حسين عندو معانا قصتنا وشجن
هوج الرياح - الجريف و اللوبيا؟؟؟ الجابري معانا بي حكاية ملام وسيد الإسم وما نسيناك
طال علينا فراقكم عثمان مصطفى؟؟؟ هل ممكن تكون بدل ماضي الذكريات مثلاً؟
يا خوانا كان شفتو بوصف الشفتو علي ابراهيم؟؟؟ الروحتو طولتو مجذوب اونسة؟؟
اللحو لو شارك معانا كان حيشارك بي تواه أنا (يمكن!)
كسرت رقبتي عشان أدخل مجذوب أونسة والخالدي والهادي حامد مالقيت طريقة يمكن الأجيال الجاية تقدر توثق ليهم بشكل أفضل مني القديم أخد مساحات واسعة يستحقها في نظري وفي غنا قديم وفنانين قدام كان لازم يتعرفوا ونحفظ ليهم حقوقهم مع الجيل الجديد القاعد يسمع الغنا في غير خشم سيدو ناس رائعة أسرار بابكر هل تدري يا نعسان ورائعة أحمد الصادق يا روحي هاجري ورائعة فرفور جاي تسأل عني ليه !!
شكراً ليك يا فنان ..
|
Post: #557
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-20-2010, 12:20 PM
Parent: #554
نور العينكلمات: إسماعيل حسن
قلبي الحابيك ما خان لياليك ما ناسي الماضي ما تقول ناسيك ما بدل حبو أبداً ما تنكر ليك لكن الأشواك والنار حواليك يانور العين يانور العين إنت وينك وين في اللون الأسمر ذوّبت شبابي وعشقت الجنة وفي الجنة عذابي صابر بتألم والمر دا شرابي يا حليل الراحو يا حليل أحبابي يا نور العين الشعر الناعم بي عطرو أسرني والوجه الناير بي نورو غمرني وعيون نعسانة برموش تجرحني خلتني متيم وين راحت مني يا نور العين أنا والأنغام والعود في إيدي بحكيلو حكايتي ويعيد ترديدي وأشكيلو همسة أوهبتو نشيدي يا ما الأوتار تفضحني من ريدي يا نور العين يا نور العين إنت وينك وين
|
Post: #558
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-20-2010, 12:41 PM
Parent: #554
|
Post: #555
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عمر عبد الله فضل المولى
Date: 04-20-2010, 07:44 AM
Parent: #548
Quote: أبداً يا عمر يا أخوي .. أبو قطاطي وإسماعيل حسن مشاركين معانا بخلاف الأغنيتين الذكرتهم ديل .. |
عليه اختي تيسير اناشدك ملحا بالبحث عن مباصرة لحشر الاغنيتن (replacement) مكان اخريتين لان كليهما يستحق ذلك وزيادة لاسيما ان الامبراطور وردي صدح بهما بصوته الطروب ..(وهذا بمثابة احتجاج رسمي). وشكرا
|
Post: #556
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-20-2010, 11:11 AM
Parent: #555
مرحب بيك يا عمر ..
أعذرني حكاية ريبليسمنت دي ممكن تكون شوية صعبة لو فتحتنا الباب دا ما حيتقفل بسهولة
لكن بوعدك أجيب ليك الغنيتين هنا كلمات وصورة وصوت رايك شنو؟
|
Post: #561
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عمر عبد الله فضل المولى
Date: 04-20-2010, 02:45 PM
Parent: #556
سوف اقبل مكرها.... متمتما رغم انك مؤهلة للقيام(الاغاني) بالقسط الا انك لم تفعل مع سبق الاصرار والترصد بدليل مقدمة البوست ....واهديك اغنية ربيع الدنيا(مافي قسمة... ومافي حتى بصيص امل)
|
Post: #573
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 05-03-2010, 08:51 AM
Parent: #561
Quote: سوف اقبل مكرها.... متمتما رغم انك مؤهلة للقيام(الاغاني) بالقسط الا انك لم تفعل مع سبق الاصرار والترصد بدليل مقدمة البوست ....واهديك اغنية ربيع الدنيا(مافي قسمة... ومافي حتى بصيص امل) |
يا عمر رغم إني ما فهمت جزء من كلامك لكن ما مشكلة تكون طالبني الغنيتين ديلاك + ربيع الدنيا
قصرت معاك؟
|
Post: #575
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: عمر عبد الله فضل المولى
Date: 05-03-2010, 04:51 PM
Parent: #573
Quote: يا عمر رغم إني ما فهمت جزء من كلامك لكن ما مشكلة تكون طالبني الغنيتين ديلاك + ربيع الدنيا
قصرت معاك؟ |
شكرا وفي الانتظار
|
Post: #559
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-20-2010, 12:57 PM
Parent: #555
فلق الصباحكلمات وألحان: خليل فرح
فلق الصباح قولِّي أهو نورك لاح خلِّي يا خفيف الروح هو هذا نداك أم ندى الأزهار من جِنان رضوان أصلك لذا كل ربيع فصلك إتنفس فوح تتنفس ناس ورياض وبحار ما ألذ نسيم وصلك ما رأيت يا جميل مثلك يا بليل السوح هو هذا نداك أم هوا الأسحار إنت روضة وليك زهرة ولا كوكب وليك بهرة ضمخوك للجبير زعفران وعبير إنت نار في بهار صبغ الخدين حمرة بعد ساعة تشوف صفرة الإصفرار دا كتير أخجلوك يا أمير ولا نمت نهار صبح البستان شايل شجر الرمان مايل السلاف في الدِّنان والكنار في حنان والهَزار في هِزار إنت كالطاؤوس خايل كبرياك وفيك خايل انزل إنت كمان غني قول يا زمان وين حبيبي آذار ما عرفنا عدوك ذاهل ولا لسة غلام جاهل متهلل صيف شتا عندك كيف في اللعب بالنار في لهيبك أشوف ساحل كالفراشة أجيك راحل أنا خايف كيف يا لطيف الطيف أهوى وأبقى في نار فلق الصباح نوَّر لي نحور الغيد صوَّر تجمعن في الدور من خدود وبدور صدفة ومحار عزة شوفي الحوش نوَّر بي نجوم الليل غوَّر يا صباح النور على العيون الحور والخديد الحار عزة قومي كفاك نومك كفانا دلال يومك إنت يا الكبرتوك البنات فاتوك في القطار الطار عزة شوفي بنات قومك سبقوك على كومك بت رجال ولدوك للقبيلة هدوك إنتي عز وبطار الجمال في كمال وصفك أدبك وجمال لطفك الضمير كالعود والعيون السود في البطانة كتار منزلك عنوان ظرفك نوِّريهو يصون إلفك زعلك يا ام خدود سوي ليهو حدود ومنو يا ستار
|
Post: #560
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 04-20-2010, 01:06 PM
Parent: #559
متهلل صيف شتا عندك كيف في اللعب بالنار في لهيبك أشوف ساحل كالفراشة أجيك راحل أنا خايف كيف يا لطيف الطيف فلق الصباح - بصوت أبو داؤود
|
Post: #562
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: معتصم دفع الله
Date: 04-20-2010, 04:11 PM
Parent: #560
تيسير يا صديقة .. لك السلام وكل الأشواق .. معليش للغياب ظروف كتيرة ومنها دبرسة الإنتخابات المزورة دي .. وكمية الإحباطات التي صاحبتها ..
لسه عند وعدي ليك بأغنية في الأسى للعطبراوي وغناء مصطفى سيد أحمد .. لكن للأسف لا أعرف شاعرها .. الأغنية ح تشتغل طوالي مع فتح البوست ..
|
Post: #563
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: آدم صيام
Date: 04-20-2010, 05:27 PM
Parent: #562
الأستاذة/ تيسير
مجهود مقدر وعظيم
ظننت أن بعض الآراء المتباينة جاءت لتنبيهك إلى أن غناء الحكامات مثلاً وغيره من الهامش ينبغي أن يدرج ونسبة لعدم توفره لديك ربما فعطفت برطانتك لتمرير البوست وكل المأمول هو لو كان البوست باسم (كلاسيكيات الغناء السوداني - أفضل مائة أغنية في تاريخ السودان الحديث ..) من وجهة نظرك! حتى لا يتم تمُرير توثيقك عبر المستقبل على أنه التوثيق السوداني، لكان أعدل. وإنت قايلة الجنوب عايز ينفصل ليه! ما عشان مالاقي نفسو فيما توثقين هذا الجهد يحتاج لوطنيين واعيين قبل أن يكونوا متخصصين وذواقة
ونوجه عنايتك أن ما تعارف عليه السودانيون من غناء وتراث هو ذو عين واحدة منذ أمد ولم يتحقق سبر الغناء والتراث السوداني بالقسطاس وحسب قراءتي أن كامل الأزمة التي نعيشها هي استمرار وتفريخ وتوثيق مثل ما تورديه من أعمال محصورة وتعميمها على أنها للسودان ومن خلال التطريب الأحادي انبعجت هنا أنا وانصرمت هنالك في البعيد حسرة!
لذا لزم التنويه ومودتي اقترح عليك عدم تعميم البوست وتواصلي
|
Post: #564
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Safa Fagiri
Date: 04-24-2010, 01:17 PM
Parent: #563
تيسير عووضة
سلامات..
عااااجل..
(هل أنت معي?)
للزعيم الإمبراطور أبواؤود
ثم بعد ذلك...
(يحيي الأرواح الأضحت في خطري)
هذا مع خالص حبي وشوقي.
|
Post: #565
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: الليندي
Date: 04-28-2010, 00:57 AM
Parent: #564
العزيزة تيسير
حصاني اعرج شديد لكن ذلك لم يمنعني من أن استمتع بالستة صفحات فشكراً لهذا الجهد المبذول ولكن يا عزيزتي هناك أغنيات تركت علامات فارقة في مسيرة الغناء السوداني زيها وزي ( عزة الخليل ) و يحفظ التاريخ لخليل فرح بأنه أول من ادخل مقدمة موسيقة في الاغنية السودانية ( الة البيانو ) رغم أن بقية الاغنية سارت في منوال احادي ثم آتت ملهمة عبدالرحمن الريح والتاج مصطفى لتحدث انقلاباً في مستوى اللحن وتفتح نافذة لغناء حديث مغاير ومطوراً لما قبله فقد احتوت على مقدمة موسيقية قصيرة وتنوع لحني في منتصف الاغنية بألة العود والصفارة ولكن تبقى الفراش الحائر لقرشي محمد حسن وعثمان حسين علامة فارقة ومضيئة فقد اتاحت للآلات الموسيقية أن تتنفس وتنعتق من دور ( الكورس ) وتنفك من أسرها في محاكاة اللحن فقد وضع عثمان حسين مقدمة مدهشة طويلة ومتنوعة وتفرد بالاستعانة بطبلة كبيرة ( طبلة الفرق العسكرية ) لضبط الايقاع بدلا من الطبلة الصغيرة التى كانت تستعمل في ذاك الوقت كايقاع لعدم ظهور الايقاع الثلاثي ( البنقر) الذي ظهر لأول مرة مع الفنان الذري ( ابراهيم عوض ) في أغنية ( حبيبي جنني ) عندما ادخله العازف ( خميس جوهر ) في الخمسينيات بعد أن تعلمه في القاهرة وقد اتاح عثمان حسين للفرقة الموسيقية بأغنية ( الفراش الحائر ) أن يكون لها السبق في المهرجان التجديدي للأغنية السودانية فقد كان لألة الصفارة ( البيكلو ) التى عزفها ( موسى محمد ابراهيم ) الاساس والسبق في مقدمة الأغنية ولو اكتفى عثمان بذلك لكانت مثلها مثل أغنية ( الملهمة ) ولكن عثمان نوّع في استخدام الآلات بشكل جديد لم يحدث من قبل في إيا من الأغاني التي سبقت ( الفراش الحائر ) فاتاح لطرمبة ( هاشم عبدالكريم ) وكمنجة علاء الدين حمزة أن يظهر كلا منهم في عزف منفرد ( صولو ) فأضافت للأغنية جمالا وتنوعا ومكونات جديدة من ( شعر ولحن وموسيقى صادرة من آلات موسيقية حديثة ) ففتحت بذلك ( الفراش الحائر ) أفاقا جديدة في مسيرة الغناء الحديث ومن وجهة نظري أن الفراش تستحق أن تكون ضمن افضل 100 أغنية سودانية ايضاً رائعة مصطفى افندي بطران والحاج محمد احمد سرور ( اطرد الاحلام يا جميل واصحى ) تستحق أن تكون ضمن المائة أإنية لما احتوته من مفردة مغايرة وجريئة 0وكانت مختلفة عن المفردة السايرة فلم تدر في فلك الهجر والتباكي علي المحبوب فقد عبرت الاغنية بكل جراءه عن فكرة جديدة ووصف ساحر للطبعية المدنية
اطرد الاحلام ياجميل واصحى قوم نقضى الليل فى ضفاف النيل ننشد الفسحة
وتبقى وصية اسماعيل حسن وبرعى محمد دفع الله ومحمد وردي الاغنية التى اثارت جدلاً كثيفاً واشعلت المساجلات بين الشيخ محمد ود الرضى واسماعيل حسن وانقسم الشعراء والذواقة الى فريقين فريق يرى بأنه ليس من الذوق الشعري أن يصف المحبوب بالخيانه وفريق يري بأنه فتحاً جديداً لما حوته من جراءة شعرية ( الندية في الحب ) والخروج من مرحلة التباكي على فقد المحبوب والانبراشه بعد أن انعتقت المحبوبة من الركون في المنزل وخرجت تسير جنبا الي جنب مع المحبوب في كل مناحى الحياة
حلفتك ياقلبي حلفتك بي ربي خليهو الغرام يتنكر لي حبك وريهو الخصام ليه تتهان ياغالي ليه والذل حرام تتعذب لوحدك ليل والناس نيام ان جاك يوم يصالحك قول ليهو الكلام اوعى يعود حنينك وترد السلام اوعى ياقلبي تنسى حلفتك ياقلبي الخانك تخونو والفايت غرامك اوعك يوم تصونو زي ماابكى عيني سهر لي عيونو اوعى تقولي تاني مابنعيش بدونو ايه في الحب لقينا غير همو وشجونو اوعى ياقلبي تنسى
العزيزة تيسير هناك ثمة ملاحظات
الصورة الموضوعة في اغنية بشير محسن والسني الضوي واماني مراد ( اغلي الحبايب ) ليست هي صورة الفنانة اماني مراد فالصورة للفنانة سمية حسن
Quote: (97) الشاغلين فؤادي
كلمات: علي المساح ألحان وأداء: عثمان فرفشة |
أغنية الشاغلين فؤادي هي اول أغنية كتبها الشاعر علي احمداني ( المساح ) وأول من لحنهاوتغنى بها هو الفنان الطيب الانجليزي من ابناء مدني وكان ذاك في عام 1926 م ومعظم اغنيات المساح تم تلحينها وغناؤها في مسقط راسه مدني قبل أن تصل الي امدرمان فالفنان محمد سعيد احمد لحن وتغني بأغنية ( ليالي يا ليالي - ليالي عودي تاني )التى يرددها اللحو وكذلك فنان مدني محمد سليمان الشبلي لحن وتغني ( بزمانك والهوي اعوانك - غصن الرياض المايد - زمني الخائن مابدورلو شهود ظلمك باين ) بينما لحن الفنان عبدالرؤوف عطية وتغنى باغنية ( نغيم فاهك يا ام زين دواي )
|
Post: #566
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: قيقراوي
Date: 04-28-2010, 10:48 PM
Parent: #565
الليندي يا ناصر انت لحقت وصلت هنا ؟ اوع تكون فطيت سطر ؟
----------
تايسا ازيك ياخ في ميزان حسناتك ان شاء الله جهد جميل و جبار بالجد يديك العافية
|
Post: #567
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Gaafar Ismail
Date: 04-29-2010, 07:37 AM
Parent: #566
العزيزة تيسير شكرا جزيلا على إهدائنا هذا البوست الجميل اولا: اود تصحيح معلومة وهي أن أغنية هذه الصخرة من كلمات الأمير عبدالله الفيصل آل سعود عندي اقتراح بمجموعة من الأغنيات أعتقد أنها من أجمل الانتاج الفني: 1- فتاة اليوم والغد – كلمات وغناء الكابلي ، تتحدث عن المرأة عن الأم ، الزوجة ، الأخت ، البنت أسباب الهنا ، نصف قد حوى كل المعاني. 2- هل تدري يا نعسان – حسن عطية ، أيضا بصوت الكابلي ، العميري 3- من أنت يا حلم الصبا – سيد خليفة 4- حارم وصلي مالك – عثمان حسين 5- الوكر المهجور – عثمان حسين 6- خاطرك الغالي – عثمان حسين 7- إنت أغلى –صلاح إبن البادية 8- زاهي في خدره – احمد المصطفى 9- أهواك – احمد المصطفى 10- وحياة ابتسامتك – محمد الأمين 11- لحن الحياة – عثمان الشفيع 12- عازة وصالك –عثمان الشفيع 13- يا رشا يا كحيل – احمد الجابري 14- زهرة الليلاك – سيد خليفة 15- مروي – الكابلي 16- يقظة شعب – محمد وردي - كلمات مرسي صالح سراج ( من أجمل الأغنيات الوطنية) 17- عازف الأوتار – التاج مصطفى سنتابع هذا البوست الراقي الذي فاتني الانتباه له منذ البداية
تحياتي ومودتي
|
Post: #568
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: الليندي
Date: 04-29-2010, 07:10 PM
Parent: #567
العزيز قيقراوي
شكراً لك لتنبيهى بهذا البوست الرائع فلولاك لما استمتعت بهذا الكم من الاغنيات الخالدة
|
Post: #569
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: الليندي
Date: 04-29-2010, 07:25 PM
Parent: #568
الغزيز جعفر اسماعيل خالص التحايا
Quote: اولا: اود تصحيح معلومة وهي أن أغنية هذه الصخرة من كلمات الأمير عبدالله الفيصل آل سعود |
أغنية هذه الصخرة من كلمات الشاعر المصري / مصطفى عبدالرحمن الذى تغنى له ايضاً ثنائي الوطن بنشيد( امتي يا امة الامجاد والماضي العريق ) وكثيراً ما تنسب أغنية هذه الصخرة للاسف حتى في وسائل الاعلام المرئية والمسموعة للشاعر السوداني الراحل / مصطفى عبدالرحيم صاحب الاغنيات الجميلة ( تذكار عزيز لابراهيم عوض - هوج الرياح للجابري - غرام الروح لزيدان ابراهيم ) وكثير ما يحدث الخلط بين أغنية هذه الصخرة ويا حبيب العمر فتنسب هذه الصخرة للشاعر السعودي الامير /عبدالله الفيصل بينما الاغنية التى تغني بها العاقب محمد الحسن للشاعر عبدالله الفيصل هي ( يا حبيب العمر )
عزيزي اتفق معك تماماً في وحياة ابتسامتك لمحمد علي جبارة ومحمد الامين ويقظة شعب لمرسي صالح سراج ووردي
ولك ودي
|
Post: #571
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Gaafar Ismail
Date: 04-30-2010, 02:23 PM
Parent: #569
الحبيب الليندي
شــكرا جزيلا على التصويب ، كنت من الذين فهموا خطأ أن هذه الصخرة من كلمات الأمير عبدالله الفيصل.
تحياتي ومودتي ووافر احترامي
|
Post: #572
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: الليندي
Date: 05-01-2010, 03:15 PM
Parent: #571
العزيز جعفر سليمان
تسلم يا غالي
خالص شكري وتقديري
|
Post: #570
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: محمد خليل ساني
Date: 04-30-2010, 09:56 AM
Parent: #1
Quote: هذا البوست مشروع حلم هدفه في المقام الأول "محاولة" التوثيق والتكريم لأميز مائة أغنية في تاريخ السودان الحديث ..
|
حلم فى الطريق ليصبح واقعا بفضل مجهودك الطيب النجاح دائما ما يبدأ من مثل هكذا موضوعات من أفضل البوستات الى تابعتها خلال الفترة الأخيره وخليكم مواصلين الحكاية لسه ما خلصت
|
Post: #574
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: تيسير عووضة
Date: 05-03-2010, 10:53 AM
Parent: #570
الأعزاء جميعاً
أواجه صعوبة في فتح البوست والرد على مداخلاتكم الكريمة بشكل متسلسل قد تكون من جهازي سأحاول حلها والرد عليكم في أقرب فرصة
آسفة للتأخير وسنواصل النقاش والغناء ..
|
Post: #576
Title: Re: كلاسيكيات الغناء السوداني - أفضل مائة أغنية في تاريخ السودان الحديث ..
Author: Emad Ahmed
Date: 10-28-2010, 07:07 AM
Parent: #574
#
|
|