Post: #1
Title: مساعدة يا شبيبة..تمبس .. دفع الله والبقية..برنامج لتعلم الطباعة بالعربى
Author: esam gabralla
Date: 11-19-2005, 10:43 AM
Parent: #0
عدم المشاركة المنتظمة سببه انى لا زلت اكتب بالكىبورد العجيب ده، السطر يباخد ساعتين و الصفحة اسبوع ، لا الضهر لا العمر لا النظر بستحملو، كمان معاها المسئوليات الجديدة كوالد و كدة يعنى  يا خدر
المهم, الشروط:
- يكون بشتغل على ويندوز غير عربى، جونى برنامجين وحلفوا ما يشتغلوا لانو النظام "وافد"!!!! عاوزين كفيل.
- لو البرنامج مجانى ok، لو شراء نتحاسب.
- يكون براعى عامل السن، القرد الكبير ما بتعلم "بى سرعة".
- نردها ليكم فى اليوم الاسود (قال ليهو: يوم اسود من ده؟)
و شكرا مقدما
|
Post: #2
Title: Re: مساعدة يا شبيبة..تمبس .. دفع الله والبقية..برنامج لتعلم الطباعة بالعربى
Author: tmbis
Date: 11-21-2005, 03:51 AM
العزيز الجميل
عصام جبر الله ..
بفتكر انو مسالة الكبر هي سبب المشكلة .. يعني مسالة انك تكتب بالكيبورد بتاع بكري دي عادي جدا ..
لكن اصلو الناس الفي سنكم وسن ناس خدر بتكون خرفة العولمة عندهم جميلة جدا .. وشايفك دخلت في الطور ده يعني بعد شوية انت وخدر ح نعمل ليكم دار مسنين العولمة
- انا بقدر ابقى ليك ( كفيل ) .. لكن تدفع بس وتدفع تقيل جدا ،،
المشكلة اني لازم ارسل ليك البرنامج ده لانو سوفت وير .. وما عارف امكانية الحصول عليهو اون لاين كيف في بلدكم البعيدة دي .. لكن ما عندي مشكلة كان رسلت لي تأشيرة والله اجي لحدي عندك اجيبهم ليك واضرب لي معا سبت واحد كدا وارجع .. اصلها ما فارقة معاي ..
| Quote: يكون براعى عامل السن، القرد الكبير ما بتعلم "بى سرعة". |
شفت ياعصام كان قدرته تستخلص لي اعتراف ضمني زي ده من خدر .. بصفق ليك طوالي واجيب ليك خمسة برامج مش برنامج واحد بس
..
والله يا عصام بالجد كدا بتضايق شديد لما اللقي لي واحد عندو زي مشكلتك دي وفي نفس الوقت الحاجات دي متوفرة هنا معانا زي الهم في القلب ..
حاول ننسق مع بعض علشان نشوف لينا طريقة توصلك الاشياء دي
ده طبعا إذا ما صاحبك ده طلع زول كويس وما قام غنج بالحاجات دي ..
ياخدر..
صدقني .. بتجي يوم بتفتش للبدخل ليك الكرسي ويمرقو ليك والبيخمك يدخلك البيت ويمرقك وما تلقاهو .. اخير ليك شوف ليك طريقة لي ود جيرانكم ده قبال ما احل ليهو المشكلة دي واورطك معاهو
|
Post: #3
Title: Re: مساعدة يا شبيبة..تمبس .. دفع الله والبقية..برنامج لتعلم الطباعة بالعربى
Author: tmbis
Date: 11-21-2005, 04:11 AM
Parent: #2
http://vb.arabsbook.com/showthread.php?t=1308
كدي حاول شوف البرنامج ده كان ظبط معاك اديني خبر بتلقى الرقم معاهو
انا غايتو ما شفت اي حاجة لكن لقيتو قادمي وخميتو ليك
|
Post: #4
Title: Re: مساعدة يا شبيبة..تمبس .. دفع الله والبقية..برنامج لتعلم الطباعة بالعربى
Author: بدرالدين شنا
Date: 11-21-2005, 04:56 AM
| Quote: شفت ياعصام كان قدرته تستخلص لي اعتراف ضمني زي ده من خدر .. |
عسل يا تمبس
أيوة أدي لي خدر دا في راسو
إنت يا عصام عارف أنا مشتاق ليك؟؟؟
|
Post: #5
Title: Re: مساعدة يا شبيبة..تمبس .. دفع الله والبقية..برنامج لتعلم الطباعة بالعربى
Author: tmbis
Date: 11-24-2005, 00:32 AM
Parent: #4
يا طلع البدر علينا .
كيفك ياجميل ..
.
خليك شاهد بس علشان بعدين ما يجي عصام يقول ما هببناهو ليهو ..
يكون خدر اتستر معاهو ؟؟
غايتو ما اظن يعمله
|
|