الشخليبه..خالع العمه...ولابس العيبه..دقر يا ناس...!!

طنقع..
وصنقع..
وقال مسدار..
بيه يستنقع..
وارغى..
وازبد..
ونفض العمه..
وبدا يتبرطع..
دقر يا ناس..
نهيق..
اتقطع..
فى الساسو..
البيه .مبرقع..
ذى تور الساقيه,,
الشبه..مصقع..
وداير .يصقع..
بالدرهم..
ويبنى.المصنع..
ابو جاعوره..
لا حس.لا مسمع..

لما الطالح..
يبصق .بى قوه..
فى وجه الصالح..
تسقط من عند التله..
كل قيم ومبادىء..الشارع..
ويبقى تحول.
فى المتجول..
وفى قيم.الترسيم السائده.
وفيها موانع..
وتهتز الصوره..الممهوره..
بما كان فى يوم.مبدا راسخ..
واصبح...ضائع..
وانت خسرت.يا منادى..البيعه..

لما لعبت..
واخترت..
الرغبه..
وكل اغراء..
وحريق الحاله الصعبه..
وعايز تستثمر الوقت الضائع
يا متسول..
وهم .متجول..
وعبء..متغول..
يا غول..متقول..
داير تنهب..
وتبقى مضارع..
يا متسارع..
داك نفاجو..
وديل اطفال
حلة داجو..
وديك اطفال الفشل الكلوى.
لمن,.ماجو.وناجو..
واليوم مشروع .
الطفل الضائع..
تلملم .دوتخمش.
كيف..
يا صائع..

وتتذكر.يا عنتر..
لما كان الزمان اخضر..
وفى ليل مايو.المشرق..
\كم.طنباره..
تتكلم...
وتتعلم..
من القائد الملهم...
عايز..تلاعب الماضى..
يا جربوع..!!
وترجع.ترص فى حصى.الايام..
فى حسبة..حساب.ممنوع..
عايز تغش ناسك..
وتقطع باقى انفاسك..
وفاكر.الزمن .همبول..
يا جهلول..