Post: #1
Title: اليوم إجازة وغدا الجمعة وبعد غدا إجازة ويوم الأحد يمكن تكون إجازة ...
Author: sudania2000
Date: 12-25-2008, 01:08 PM
شهر ديسمبر في السودان
العيد وإجازة عشرة ايام
والان الكريسماس + جمعة وسبت + أحد
تتعدد الاجازات ويبقي الناس بين الاكل والنوم والتلفزيون
ويبقي الجميع يتندر بالاجازات
ونحن قوم لانجيد الاستمتاع بالوقت
اي يوم بشبه اخوهو
نمشي وين يا ربي ؟
بيوت بيوت ولا منتزهات
ولا تلفزيون
وتظل الاسرة السودانية حبيسة الاجتماعيات
|
Post: #2
Title: Re: اليوم إجازة وغدا الجمعة وبعد غدا إجازة ويوم الأحد يمكن تكون إجازة ...
Author: داليا حافظ
Date: 12-25-2008, 01:20 PM
Parent: #1
سودانية2000
كلو سنة وانت طيبة
فكرة الإستمتاع بالإجازات ..فكرة بعيدة عننا كسودانيين ..
تعرفي الغربة علمتني عادات مكتسبة مامكن كان اتعلمها قي السودان ، أولا في الإجازة بتاعت آخر الأسبوع
مافي حد من الشغل بقبل تتصل عليهو وبفكر خمسين مرة قبل إتصل عليك مهما كان السبب ..إجازة مدتها
عشرة يوم أكيد الناس بتسافر فيها، ميزانية الإجازات دي حاجة مقدسة وبالمناسبة ديل ما
الناس "المرتاحين " ديل ناس الله الزينا ، أها أنا مؤجزة من البورد ليوم الأتنين فتك بعافية .
تحياتي وإستمتعي بإجازتك لأقصى حد.
|
Post: #3
Title: Re: اليوم إجازة وغدا الجمعة وبعد غدا إجازة ويوم الأحد يمكن تكون إجازة ...
Author: ود الباوقة
Date: 12-25-2008, 01:38 PM
Parent: #1
الاحد يوم عمل ..
كل عام وانتم بالف خير
|
Post: #4
Title: Re: اليوم إجازة وغدا الجمعة وبعد غدا إجازة ويوم الأحد يمكن تكون إجازة ...
Author: الكباشى البكرى
Date: 12-25-2008, 01:55 PM
Parent: #1
يا سودانيه
تحياتيQuote:
ويبقي الجميع يتندر بالاجازات
ونحن قوم لانجيد الاستمتاع بالوقت
|
السودانين شعب مولع بحب الاجازات
ولكن يبقي المغزي في الاستفاده من هذه الاجازات وتوظيفها والاستفاده منها.
ودا السؤال الماعندو اجابه قاطعه فهو متعدد الاجوبه.
|
Post: #5
Title: Re: اليوم إجازة وغدا الجمعة وبعد غدا إجازة ويوم الأحد يمكن تكون إجازة ...
Author: sudania2000
Date: 12-27-2008, 09:34 AM
Parent: #4
سلامات
تحياتي واحترامي
خيارات اجازة نساء فقط : إعادة ترتيب البيت وخاصة المطبخ او الدولايب
لو ما اضافت ليها الغسيل والمكوة و اجازات البت الشغالة مشكلة ....الخ
خيار ثاني : البطانية والتلفزيون
خيار ثالث عمل برنامج حنة وقهوة
خيار ثالث : تقيل عند ناس امها
خيار رابع : تفتش التلفون واتصالات وحظ ناس الشركات
خيارات الرجال في الاجازة : طلعة اكيد
__
عزيزتي الحلوة : نتعلم كيف نستفيد من الاجازة اهم حاجة قلتيها موافقة عليها الف حكاية التلفون مع ناس الشغل
انا بقفل التلفون واريح راسي : رايك شنو في صداقات ناس الشغل ؟ اعتقد دا فشل اجتماعي واضح
__
ود الباوقة : صحيح قالوا شغل بس اظن الاثنين اجازة 
_
الكباشي : السؤال اجابتو اعلاه
مش الرجال طلعوا النساء يواصلن الاعمال الشاقة الدائمة
بس لو كنت ساكن مدني السؤال دا عندو اجابة واحدة بس
اصلو مدني قرية تنوم الثامنة علي شارع واحد قليل الاضاءة وكثير المشاة
دي بقت عاملة زي اصطبل الحصين
نمشي وين :
ذكرتني نكتة حكت لي بت اخوي : قالت في مرة ولدت ليها ولد راس بس
قالت ليهو اقعد يا بكري مؤدب ح اجيب ليك حاجة حلوة من السوق
فرد عليها ساخرا : يعني حتجيبي لي شنو : ما يا نضارة يا طاقية بايخة مش
__
اها يا داليا الاجازة بتنتهي بتين ؟؟
عايزة مقترحات اجازة في السودان ؟
_
|
|