Post: #1
Title: لماذا يصر دائما الامام الصادق المهدى امام الانصار ربط الاجتماعيات بالسياسه
Author: محمد عادل
Date: 12-24-2008, 03:42 PM
Parent: #0
لماذا يصر دائما السيد الامام الحبيب صاحب العهد مع انصار الله الصادق المهدى زعيم حزب الامة القومى
على ربط السياسه بالاجتماعيات
|
Post: #2
Title: Re: لماذا يصر دائما الامام الصادق المهدى امام الانصار ربط الاجتماعيات بالسياسه
Author: Al-Mansour Jaafar
Date: 12-25-2008, 00:19 AM
الحبيب الهمام: الأستاذ محمدبن عبدالله عادل
الإحترام
السلام عليكم ورحمةالله
نوعية سؤآلك النبيل جيدة محرضة وهي دليل إلى حصف ذهنك ورجحان عقلك
حسب ما هو شائع فموضوع الإمامة أصلاً عند السيد أحمد المهدي، لأنه السيد عبدالرحمن قال تدور على أولاده!
بعدين السيدالصادق عنده إمامة البايعوه في القرن الواحدوعشرين لو فك الإجتماعيات عن السياسة بتفك منه،
وممكن المسألة تجر ويبقى حزب الأمة كله بدون أنصار!
فقرض على كده. 
وليك التقدير والإحترام
ومشكور على توصيل التهنئة
|
Post: #3
Title: Re: لماذا يصر دائما الامام الصادق المهدى امام الانصار ربط الاجتماعيات بالسياسه
Author: محمد عادل
Date: 12-25-2008, 01:20 AM
Parent: #2
الحبيب المنصورى
لقد وصلت تهانيك
وانت شكلك عرفتنى انا قاصد شنو
ولكن المحيرنى لماذا يربط السياسه بالاجتماعيات
لما مات دكتور جون حلف انو مايغبر كراع رجلو ويمشى جوبا يعزى او يخسر حق بنزين ويمشى فندق القراند فيلا يعزى
|
Post: #4
Title: Re: لماذا يصر دائما الامام الصادق المهدى امام الانصار ربط الاجتماعيات بالسياسه
Author: Al-Mansour Jaafar
Date: 12-25-2008, 02:27 AM
شكراً يا الحبيب
أها بكونوا وروك أنو عندنا شي بسيط في البيت والأسرة وفي الأنصارية وسيد إسماعيل كان بيوريك بتفصيل أكثر:
يعني من الشي البسيط دا لو تذكر الكتابات الكنت برسلها ليك تاخد الكلام دا وجعة مش كيد حزبي ولا غيره.
إنه المسألة الرئيسة في الحداثة والنظام الإجتماعي والسياسي في الطائفة والحزب وحكم السودان
إنو القوامة الديمقراطية للمهمات بكل ما فيها من تأهيل وتخصص علمي ما بتتلاقى مع القوامة الوراثية في تسيير الطائفة والحزب .
لاحظ :
1- نزاع السيد الصادق ضد عمه الإمام الهادي (الستينيات)
2- نزاع السيد الصادق وإمامة السيد أحمد (السبعينيات-الثمانينيات)
3- هجومات السيد الصادق على السيد مبارك لصالح ضمان المستقبل السياسي لأبناء السيد الصادق (التسعينيات وبداية القرن)
مرات كانت بتتلعب بطريقة النيل الأبيض ضد الغرب ومرات العكس
وكتير من أهل الطائفة والبيت والحزب واجهوا في نشاطهم العام عائق الوراثة دا اللي
أعتقد إنت شخصاً رغم تأهلك التعليمي ونشاطك العام حتواجه صعوبات منه في المستقبل مع وراثة ونشاط الصديقين .
المهم إنو أزمة القوامة بالديمقراطية والقوامة بالوراثة في حزب عريق زي ده كانت من الأسباب الموضوعية
لفشل الديمقراطيات الثلاثة وتقدم الإنقلابات العسكرية في السودان.
فمن هسه لو خاشي السياسة إتجيه لموضوع الإجتماعي والسياسي في الطائفة والعائلة والحزب.
ولو قريت في الموضوع دا كتاب الشهيد مهدي عامل "نقد الدولة الطائفية" تكون ما قصرت
بعدين ولا يهمك من موقف السيد الصادق المهم البيحصل في المستقبل وموقفك ومكانتك في هذا البيت الحزب أو الحزب البيت
إحتمال الأيام تخليك في مواقف زي دي وتاخد قرار متعلق بإجتماعيات بشكل حكيم سياسياًأو العكس!
ولك مع الود كل التقدير والإحترام
وللسيد مبارك وعموم الأسرة والبيت من جديد كل التهاني والسلام.
ذوالنون المنصور جعفر
|
Post: #5
Title: Re: لماذا يصر دائما الامام الصادق المهدى امام الانصار ربط الاجتماعيات بالسياسه
Author: محمد عادل
Date: 12-25-2008, 01:12 PM
Parent: #4
الحبيب المنصورى
لقد فهمت حديثك جيدا ولكن هل من يقنع هذا الامام بهذا الشئ من ياترى
زعيم لحزب منذ 66 القرن الماضى ماذا قدم للحزب
راعى الكيان منذ وفاة الامام الهادى ماذا فعل بالكيان وبالانصار
|
Post: #6
Title: Re: لماذا يصر دائما الامام الصادق المهدى امام الانصار ربط الاجتماعيات بالسياسه
Author: Al-Mansour Jaafar
Date: 12-25-2008, 09:54 PM
الحل لكل السودان صعب جداً
فالحل هو:
النضال والنضال والنضال والنضال والنضال ثم النضال النضال
لكل التقدير والإحترام لرفعة صوتك
وهي حاجة مشرقة لأنه زمان الناس كانوا بيخلطوا الأدب والإحترام للسادة مع السكوت على الغلط!
والآن العزة للسودان بسؤالك هذا.
|
|