Post: #1
Title: اوعي من الاربعة نسوان
Author: khaleel
Date: 12-24-2008, 12:16 PM
حذاري من الزواج من اربعة نسوان
الاولي لبيتها لزوم
والتانية يحلك منها القيوم
والتالتة بتشيلك مع الله لوم
والرابعة بترميك في البحر وانت ما بتعرف تعوم
|
Post: #2
Title: Re: اوعي من الاربعة نسوان
Author: عبدالكريم الامين احمد
Date: 12-24-2008, 12:36 PM
Parent: #1
| Quote: والرابعة بترميك في البحر وانت ما بتعرف تعوم |
ود طايوقة لو سمع كلامك ده ما بصير معاك خير
عرس زي اثني عشرةمر كده
ماعندو خانة بتكون شاغرة من الاربعة الشرعيات لمدة شهر..
وقيل انه فضي ذات مرات الاربعة خانات بضربة واحدة وفي سبوع واحد
وبعد شهر كان الرباعي الجديد سادي دفاع زي السلام عليكم
|
Post: #3
Title: Re: اوعي من الاربعة نسوان
Author: khaleel
Date: 12-24-2008, 01:09 PM
Parent: #2
ود طايوقة
كان في الزمن السابق ايام السمن والعسل
لكن لو جاء في الزمن دها
بجليها واقفة
|
Post: #4
Title: Re: اوعي من الاربعة نسوان
Author: dardiri satti
Date: 12-24-2008, 01:58 PM
Parent: #2
شوف ياخليل،
خليك على الواحدة وحافظ على توازنك!!
لكن لو ربنا ابتلاك بالزيادة،
تجنب المجوز!!
*إتنين ، دي شكلة لي رب السما ، وقيامة قايمة في البيت ،
ماتقول لي عدالة _ ناجزة أو خلافه _ مابتحلك!
لأنه التانية حتكون طالعة في الكفر للأولى!
والأولى حتكون محروقة منك أولاً ، ومن التانيةتانياً،
وإنت حتحاول تثبت إنك محايد،
ولأنه الإثبات دا حيكون لكل واحدة براها،
حتجد نفسك ضحية إبتزاز مستمر من الطرفين!!
أما الأربعة فدي أخطر حاجة؛
ماتقول لي "
"وكيف التلاتة ؟" ، أصبر أنا جاييك.
الأربعة دا تيم كامل وجاهز ،
وبيفتح ليك باب بتاع تكتلات وتحالفات،
الأولى ، وطبعاً ما عندها ما تخسره - حتتحالف ، ظاهرياً ، مع الرابعة،
ضد التانية والتالتةاً، وضدك في الواقع ،
مع الأخذ في الإعتبار التناقضات الرئيسية
بتاعة كل واحدة مع التانية!
وكذلك التانية مع التالتة ،
حيتحالفوا ، ظاهرياً، ضد الأولى والرابعة،
لكن حيكون الحلف موجه ، في الحقيقة برضه ، ضدك . إنت
وبرضه مع الأخذ في الإعتبار التناقضات الرئيسية
بتاعة كل واحدة مع التانية!
أما التلاتة،
فدا الوضع المثالي!!
"طبعاً للجماعة اللي بيحترموا التعددية!"
لأنه ، وزي ماقلت ليك التانية حتكون طالعة في الكفر للأولى!
والأولى حتكون محروقة منك أولاً ، ومن التانيةتانياً،
وإنت عشان تثبت إنك محايد،
وجدت نفسك عرضة لعمليات إبتزاز مستمر من الطرفين،
تقوم تجيب التالتة!!
هنا الأولى حتكون ، ظاهرياً ، مبسوطة منك
لأنك اتسديت ليها في التانية بالتالتة!
والتانية حتكون أخدت الدرس الأول وهو:
إن "الرجال ما ليهم أمان"و "ما دوامة"
طبعاً التالتة حتكون جاياك مستسلمة،
لأنها عارفة إنها ما حتكون الأخيرة!!
والتلاتةحيكونوا لابدين!!
لآنهن حيكونوا خايفات ،
موش من الرابعة،
لكن من الخامسة!!
ولأنه مافي خامسة، في واحدة حتركب التونسية،
ودي المصيبة الأكبر.
يازول مالك ومال البلاوي،
ومالك مدخلنا ومدخل نفسك ،
في حسابات زي دي؟؟
اكتفي بواحدة والسلام .
تحياتي
|
|