تصاوير البورد ...

ظاهره جديدة في البورد جديره بالمناقشه.

لكل شخص الحق في التعبير عن ارائه بكل حريه هنا ؛والحريه لاتعني الفوضي

الخلافات الشخصيه هنا اخدت منحي آخر كل واحد شايل عكازه وريشته وشغال
رسم من يختلف معه ؛

طيب القارئ الكريم ح يستفيد شنو من العجاجه دي؟

والغريبه في ناس فاكرين البورد ده هو مستقبل ونواة التغيير السياسي في البلد

وتيرمومتر للوضع ؛

لمن تجي وتلقي الجماعة شغالين نتف ريش في بعض ؛وكل زول ماسك في رقبه التاني ؛

ونحنا عملنا وانتو شنو ؛

طيب ياربي ؛لوجبنا حكومه علي شاكله اعضاء البورد ابوتصاوير ده ؛

المواطن بعدين يقعد في الصقيعه لمن تخلص الشكله دي؟

ياخي ارحمونا يرحمكم الله.

سيد بشبش
عيدك مبارك وخرفان تتعارك ، وكل سنه وإنتو طيبين وضفيرة كمونيتكم مترين

الحرية دي كلمة فضفاضه وشعوبنا لا تعرف معناها الحقيقي لأنها لم تمارسها أصلاً ، وتفسير البعض هنا لمعني الحرية أن تكون مخالفاً مختلفاً مكاجراً ، ولا بأس أن تسئ الأدب من باب من أمن العقوبة
حكومة البورد إن وجدت لن تختلف كثيرا عن الجماعه الحاليين ، فنحن هنا لا نتأدب بأدب الحوار ولا نعرف أن الإختلاف رحمة ولابد منه وأن للحوار أدواته ، وأن كل من يختلف معك في الرأي لابد أن تجابهه بالنفي والإقٌصاء والتسفيه والعدم