المهندس بكرى, متى تعود المحترمة Lily Akol الى المنبر

الكاتبة المحترمة Lily Akol اوقفت صوتها من قبل إدارة هذا المنبر لتجرءها على تحدى احدى مدلعى هذا البورد, اى واحد من الذين تعودوا على الإساء الى الجنوبين و ثقافتهم. طبعا, للإدارة الحق فى اتخاذ اى عقوبة ترها مناسبة ضد اى عضو. للمعلومة, لم تكلفنى ليلى على كتابة هذا البوست و ليس لدى أتصال بها. فقط, فقدت اراها الشجاعة. اتمنى من الاخ بكرى أعادة عضوية الاستاذة Lily الى البورد.
ميرى كريسماس لك و للجميع.

المحترم زكريا
تحياتي

معاً لعود الكاتبة Lily Akol للمنبر
وعودة كل المفصولين تعسفياً
شهيد أمل ناصر علي عثمان هباني بيان مصطفي
بعودة الجميع يكتمل المنبر
اتمني صادقاً أن تكون الارشفة القادمة بداية
لتصحيح مسار المنبر

لك شكري وتقديري

Quote: المحترم زكريا تحياتي معاً لعود الكاتبة Lily Akol للمنبر وعودة كل المفصولين تعسفياً شهيد أمل ناصر علي عثمان هباني بيان مصطفي بعودة الجميع يكتمل المنبر اتمني صادقاً أن تكون الارشفة القادمة بداية لتصحيح مسار المنبر لك شكري وتقديري

الاخ خضر
انا اتفق تماما.

أبو الزيك تحياتي وكل عام وأنتم بخير...أعياد ميلاد مجيدة

معاً لعودة الكاتبة المحترمة Lily Akol للمنبر

ولك ولها عاطر التحايا

لأخوانا وأخواتنا في الوطن المسيحيين\ات....عيد ميلاد مجي......Merry Christmas 

معا لعودة الاستاذة ليل اكول
جوك

انوار و جوك
نشكركم على المساندة و ميرى كريسماس لكم و لعائلاتكم.
كل سنة و انتم بخير.

يا زكريا ياخ ما في داعي للكلام الفارغ الزي دا ..!!

Quote: اوقفت صوتها من قبل إدارة هذا المنبر لتجرءها على تحدى احدى مدلعى هذا البورد

وبعدين وينو دليلك على دا :

Quote: اى واحد من الذين تعودوا على الإساء الى الجنوبين و ثقافتهم. طبعا

كمان معاها طبعاً !!!

جيب لينا رابط يا زكريا عشان نشوف مدلع البورد وين أساء للجنوبيين ..!!


حتين بعد داك نشوف موضوع الاخت ليلي دي ..!!

أتفق معك أخ جوزيف على المطالبة بعودة الأخت ليلي أكول و ساحة المنبر تسع الجميع.

السيد ناذر
انت تطلب منى ان اتيك بلينك بوستك الذى كان يحتوى على اغنية بلغة الدينكا و و تسئ الى الدينكا و قمت باهداءها الى جوك بيونق وصفته بالدينكاوى الغبى? ليست لدى لينك و لا انوى العودة الى مناقشة هذا الموضوع.
ميرى كريسماس.

الاخ العوض
ميرى كريسماس و كل عام و انت بخير.
شكرا على التضامن.

Jok, Deng , Tragie or Kostawi
Can any of yu you take over this post for on my way to Nov Scotia tonight.

!!!

Quote: بوستك الذى كان يحتوى على اغنية بلغة الدينكا و و تسئ الى الدينكا و قمت باهداءها الى جوك بيونق

الجهل ما عندك يا زكريا لكن ..!!

كدي النجيب الغنية وأجي عشان نعرف وين الإساءة ...!!

شوف يا ناذر,
البوست التكلم عنه حذفه بكرى و بوستك هذا حديث العهد. انت تعرف جيدا اى بوست انا اتحدث عنه.

يا العوض, يا اخوى, ماشى نيويورك from ديترويت و بعد داك ماشين بوتلاند/ مين و من هناك الى هيليفاكس.

و إنت بخير يا زكريا و ربنا يعيد على الجميع كل الأعياد و بلادنا و أهلنا في أحسن حال. و بعدين يا زول نوفا سكوتشيا دي موديك ليها شنو... ضارباها عواصف و جليد ما يديك الدرب. رحلة سعيدة.

أهندا البوست وأهندي الأغنية :





أها وريني إنت فهمت شنو من الأغنية دي !!

عارف يا ناذر إنا بالجد بتمني إنك
تحترم الناس قدر ما بحترموك
ماعارف للأمانة يا ناذر بقيت تديني إحساس
عجيب كلما قريت ليك مداخلة
المنبر دة يا ناذر مفروض نستفيد منو بالقدر
البحقق لينا كلنا كسودانيين شكل بتاع
إحترام الآخر ويعلمنا ما فشلت في تعليمنا
له المناهج الدراسية
ماعارف طبيعة المشكلة بينك وبين ليلي
لكن صدقني ياناذر مفروض تراجع نفسك
لأنو البتسوي فيهو دة ما سليم
وقمة الابتذال !!
دي نصيحة والحق مكفول لك للتعامل بها
كيفما شئت .

خضر ..

وكت كتبت دي :

Quote: ماعارف طبيعة المشكلة بينك وبين ليلي

يبقى كل كلامك دا :

Quote: عارف يا ناذر إنا بالجد بتمني إنك تحترم الناس قدر ما بحترموك ماعارف للأمانة يا ناذر بقيت تديني إحساس عجيب كلما قريت ليك مداخلة المنبر دة يا ناذر مفروض نستفيد منو بالقدر البحقق لينا كلنا كسودانيين شكل بتاع إحترام الآخر ويعلمنا ما فشلت في تعليمنا له المناهج الدراسية لكن صدقني ياناذر مفروض تراجع نفسك لأنو البتسوي فيهو دة ما سليم وقمة الابتذال !!

بقى ما عندو معنى ّّ!!

وكت ما عارف المشكلة شنو .. ما في داعي تحكم عليها أو تفتي فيها !!

معليش يا أبو الزيكـ إستحملنا شوية في البوست دة




ـــــــــــــــــــــــ

ناذر إزيك
ومساك فل

كويس انك جيت ياناذر

طيب
أنا طبيعة المشكلة ماعارف لكن ياناذر ايحاءاتك القاعد تعملا كفيلة
إني أكون رأي ، أنا قاعد معاك في المنبر دة من سنوات يا ناذر
وخشينا لو بتتذكر في نقاش عريض بدري ، للأسف ما كملناه
قريت ليك أكتر من إستفزاز ، ونبهتك مرة وما اشتغلت بي الشغلة
ما بهمني علي الاطلاق ليلي قالت شنو ولا انت قلت شنو بقدرما بهمني
تنبيهك بمراجعة ما تكتبه ،
عارفك بتكون فهمت قصدي من مداخلتي الاولي لكن شغل المنابر دة
صدقني ياناذر ما بغطي مع أخوك ولا بشتريهو بي تعريفة !! عشان تجي
تشيل كوت وتجي تقول لي مادام ماعارف شنو معناتها كلامك دة ماعندو معني
والطلبتو منك ما كتير ،
المنبر دة يا ناذر بي بساطة لو كلنا اشتغلنا ذي شغلك دة صدقني ببقي
ما محتمل !! وببقي حاجة تانية ويشوف ليهو اسم تاني خلاف انو منبر
أنا بشوف يا ناذر من خلال مداخلاتك انك بتتعمد استفزاز البعض
وبتحاول بكل ما تملك من مقدرات انك تضحك الناس فيهم ودة شغل ما محترم
ولا بشبه زول طارح نفسوا كفنان وكصحفي وكسياسي عندو مشروع بتاع تغيير
البلد دي ما حقت ابو زول وبالتالي طالما رضينا نقعد فيها وطالما الله
جابنا كلنا سودانيين ما بنملك الا نحترم بعضنا ونحاول نسوق حاجاتنا
بالشكل المفروض يتساق بيهو !! غير كدة صدقني المسألة بتجوط
وببقي من حق أي زول بالع لساني يمرقو !!
وبجيك يا ناذر بالدرب

زكريا ..

Quote: البوست التكلم عنه حذفه بكرى و بوستك هذا حديث العهد. انت تعرف جيدا اى بوست انا اتحدث عنه.

كل البوستات موجودة .. ما في بوست حذفو بكري ..

اعمل ليك همة وفتش وجيب الروابط ..!!

وبعد داك تعال وريني وين أسئت للجنوبيين ..!!

شكرا يا خضر ..

ولو سمحت لي خليني أعقب وأعلق على نقاط معينة ..
وزي ما قلت شغل تكتيكات المنابر دا نخليو بعيد ..

Quote: للأسف ما كملناه قريت ليك أكتر من إستفزاز ، ونبهتك مرة وما اشتغلت بي الشغلة

يا خضر كلو بي سببو والله ..

أنا القاعد إتعرض لي كتير من الإستفزازات وكل البعملو إني برد على العدوان .. يعني لو قريت لي إستفزازات في أي حتة تأكد إنو ما جا من فراغ وإني برد على كتابات إتعرضت لي في حتة تانية ..

Quote: أنا بشوف يا ناذر من خلال مداخلاتك انك بتتعمد استفزاز البعض وبتحاول بكل ما تملك من مقدرات انك تضحك الناس فيهم

ما أنكر .. لكن صدقني كلو من باب رد العدوان والدفاع عن النفس ..
مشكلتك بتكون قريت كلاماتي بس لكن ما قريت الكلام الإتكتب ضدي في بوستات تانية ..

Quote: المنبر دة يا ناذر بي بساطة لو كلنا اشتغلنا ذي شغلك دة صدقني ببقي ما محتمل !!

صدقني يا خضر زي ما قلت ليك فوق .. أنا بس بدافع عن نفسي بي كب الوسائل ..

عندك مثلا ليلى دي ..

صدقني ما بعرفا ولا حصل زاتو شفتها في المنبر دا .. لقيتا بدون سبب بيني وبينا فاتحا لي بوست طويل وعريض وبتسي فيني .. طبعا ما ممكن أسكت ولازم كان أرد وبي كل الوسائل ..

دا كل الخصل والبيحصل ..

Quote: المهندس بكرى, متى تعود المحترمة Lily Akol الى المنبر

الله عليك ياستاذ زكريا جوزيف
كل سنة وانت طيب

(*)

نتمنى عودة الأخت ليلي ..

وكمان ياخضر فيك الخير

ذكرتنا عيال /قدورة وقريبي ودهباني ..
وعدوي سابقاً د. بيان ...
وكمان وين / عادل عبدالعاطي

محبتي ..

Quote: المهندس بكرى, متى تعود المحترمة Lily Akol الى المنبر

الله عليك ياستاذ زكريا جوزيف
كل سنة وانت طيب

زكريا الغالي كل عام وانت بخير
وليل وكل الرفاق بخير
وميري كرسيماس


Lily Akol نفتقدها ومكانها شاغر
ومحزن ما حدث لها فهي شخصيه محترمه
فقط لم تقبل الحقاره التي الحقت بقبيلتها.


يا ناذر الكذب عيب يا اخي انت راجل كبير
وبعدين عارف البوست اتحذف و الاغنيه لم تكن هذه فلا تكذب.
الاغنيه كانت بلغة الدينكا
وLily Akol وهاهو زكريا يؤكد بانها كانت مسيئه
وبوستك كان اسمه (دينكاوي المنبر الغبي)


ولم يكن هذا الذي تجرأت واحضرت رابطه.
بعدين انت ما بتختشي؟؟؟


Lily Akol منذ غادرت هذا المكان اكثر من عام
وتجي انت تجيب لينا رابط منزله في هذه الدورة المنبريه
وتدعي انه هو البوست؟؟؟؟



يا Lily Akol مكان هنا مع رفاقك
نشتاقك ونفتقدك وكل عام وانت بخير.



يا زكريا انا باس وردي كان مهكور
وجاء الآن وهذا ثاني بوست ادخله.


زكريا ما جنيت تمشي نفا سكوتشيا في نهاية ديسمبر وبداية يناير؟؟؟!!
يازول زي ما قال لك العوض دي بلاد اتردمت من العواصف يا اخي نحن في اونتاريو
لينا 4 يوم ما طلعنا من بيوتنا تقول لي نفاسكوتشيا؟؟؟

غغايتو ربنا يغطي عليك.
وترجع بالسلامه.

الاخت العزيزة تراجى
ميرى كريسماس و كل سنة انت و عيال طيبين.
يا اختى, انا مورط نفسى فى عمل تطوعى مع الصليب الاحمر الكندى و كل سنة بيقوموا بيرسلوك الى اغرب الاماكن. اها السفر طرشك امبارح بليل و غيروا ليوم ثلاثة يناير.
انا قومت بالإعتذار لناذر حيث كنت اظن ان سبب فصلها كان لردها على ناذر بنفس العنوان المسئ الذى كان ناذر قد إستخدمه فى بوسته. لم اتصل بالاستاذة ليلى قبل كتابة هذا البوست و اتمنى الا ننجرف فى المهاترات خشية ان تسئ اليها احد و هى ليست موجودة لتدافع عن نفسها.

ام رشيرش ..

خلاص جيتي لي هبالتك ؟!!


برضو نقول حمدلا على السلامة ..

Quote: وLily Akol وهاهو زكريا يؤكد بانها كانت مسيئه وبوستك كان اسمه (دينكاوي المنبر الغبي)

أول حاجة البوست كان إسمو (دينكاوي المنبر العبيط) مش الغبي ..!!

ومشكلتك أدمنتي الكذب حتى كتبتي عند البورداب كذابة عارفة ليه ؟!!

لأني متذكر تماما البوست داك كانت فيهو أغنية (الشي بالشي) بتاعت نجاة غرزة وما كان فيهو أي أغنية جنوبية أو غير جنوبية ..

ثم ثانيا .. من وين أجيب لي أغنية فيها إساءة للجنوبيين ووين ألقاها حتى !!

إنتي قايلاني ما متذكر ولا شنو ؟!!


أم رشيرش ..

كدي عايناني جاي وقولي لي :






















متين حا تبطلي كذبك وتلفيقك دا ؟!!

زكريا جوزيف وأم رشيرش ..

أطالبكما بالإعتذار الفوري لي لما اوردتموه في حقي من كذب وبهتان ..!!

ذكر جوزيف أن البوست المعني هو ذاك البوست الذي أهديت فيه أغنية لجوك بيونغ ولا يوجد سوى بوست واحد بهذا المعنى والذي اورته اعلاه ولم يكن بالبوست ولا بالأغنية ما يعيب ..!

أما أم رشيرش فذكرت إسم البوست وحددت الأغنية المسيئة وقد ذهبت لقوقل الان أبحث عن البوست المفقود ووجدته بحمد الله ولم يكن بالبوست أي أغنية جنوبية مسيئة .. بل أغنية من أغاني البنات المشهورة وليس بها ما يسيء بل أنني حتى لم أهدها لجوك أو لغيره بل وضعتها ك خلفية للبوست ..

وما كتبتماه هنا أعتبره نوع من التلفيق والكذب والبهتان الظاهر وأنكما أردتما ذلك لظنكما ان البوستات محذوفة أو مفقودة كي يصدقكما القراء هنا ، وهذه لعمري أساليب غير محترمة في الصراع هنا ..


أطالبكما بالإعتذار لي فورا عن محاولتكما تشويه سمعتي وصورتي ..!!

Quote: معاً لعود الكاتبة Lily Akol للمنبر وعودة كل المفصولين تعسفياً

الأخ العزيز خضر حسين

سلامات ..
أرجو شاكرا .. أن توضح لي معنى الفصل التعسفي ..
أو بشكل أوضح مفردة ( تعسفياً)
لا يهم أن يكون الشرح من اي قاموس .. حزبي .. تنظيمي أخواني .. شللياتي ..
او ما تراه مناسبا ..
مع الشكر ..

الأخ تمبس
تحياتي لك

عنيت بالمفصولين تعسفياً الأتية أسمائهم
هشام هباني / مصطفي محمود/ نجاة محمود/
شهيد قدورة / أمل قدورة / ناصر قدورة
الباسل علي عثمان / وعشرات الذين فقدو عضويتهم بليل !!

لا أري الأمور من خلال منظورك يا علاء ، ولك كذلك أن لا تري وفق منظوري
نحن هنا في منبر حوار ليس الا ، أدرك جيداً أنك ستحدثني عن
ماقام به هشام هباني في صراعه معك وقبل أن تسألني دعني أجيبك حتي
أجنبك مشقة مداخلة أخري في هذا الخصوص ً!
في تقديري يا علاء أن المنبر تحول لغابة وأي زول ربنا قدرو بيفكها
في التاني وبالتالي هناك كثير من الأخطاء التي صاحبت أداؤنا المنبري
فلنحاول لتأسيس أرضية جديدة للحوار أرضية في الأساس دينها الوحيد إحترام
الأخر ، خلافك وهباني صدقني لم أتابعه الا من خلال عناوين البوستات
ما يهمني الآن التشديد علي ان المنبر يفتقد أصوات أفراد ساهمو بشكل
أو بآخر في إثراء النقاش فيما يخص قضايا الوطن ،
كل الذين ذكرتهم أعلاه إعتقد أن غيابهم خصم علي المنبر ويبقي من الواجب
إعادتهم فوراً ، وأما السوء وقبح الكلام يمكننا محاصرته متي ما استعاد صاحب
المنبر رغبته في عودة المنبر كما كان في سابق عهده !!
لك الشكر والتقدير يا علاء

Quote: الأخ تمبس تحياتي لك عنيت بالمفصولين تعسفياً الأتية أسمائهم هشام هباني / مصطفي محمود/ نجاة محمود/ شهيد قدورة / أمل قدورة / ناصر قدورة الباسل علي عثمان / وعشرات الذين فقدو عضويتهم بليل !!

سلامات يا خضر حسين مرة أخرى ..

Quote: لا أري الأمور من خلال منظورك يا علاء ، ولك كذلك أن لا تري وفق منظوري نحن هنا في منبر حوار ليس الا ، أدرك جيداً أنك ستحدثني عن ماقام به هشام هباني في صراعه معك وقبل أن تسألني دعني أجيبك حتي أجنبك مشقة مداخلة أخري في هذا الخصوص ً!

..
لآننا في منبر حوار.. وقادتني عيوني لأن أقرا حدبك على الحـوار ونشر ثقافة الاحترام .. والاستمامته من بل والتوصيات من أجل تعديل اللائحة التي ارى أنها كل مرة تعدل لترضي طموحات البعض حسب سلوكياتهم ووفق وجهات نظرهم .. حتى اصبحت المطالبة بذلك بشكل دوري أو كلما تحدث خلافات وكل يراها وفق منظوره أو كما تفضلت ( وهذا موضوع آخـر له مقام للحوار )..
لكن وللحيرة والدهشة والقميص الذي يتم اللباسه للحوار قرات التناقضات العجيبة .. فكيف نؤسس لحوار دون استعمال .. فقه النقد الذاتي الذي يلوح به كشعار أو ديباجه .. تنظيمية..
أما مشقة المداخلة يا صديقي .. فاعتقد أني لو كنت من الذين يتجنبونها لما كتبت لخضر حسين .. علماً بأني في حالة بعد اختياريه عن هذا المكان المتناقض .. وفقدت حتى الاحساس بالكتابة أو الانتماء لهذا المكان الذي اصبح فيه مجرد الاختلاف جريمة .. أو بوابة (منبر الحوار) تجيز أن نتعدى حتى الحدود الطبيعية من الاحترام ..
بالمناسبة ياخـدر .. ما حاسي انك ما رديت لي على الاكليشه بتاع تعسفيا دا وقفذت لي هشام هباني ..؟
طيب ياخ مش كان على الاقل تشرح لي المفردة في حد ذاته .. علشان ان اتجنب مشقة رد تاني وربما تالت ورابع وعاشر ..لأن الموضوع ما فقط منبر حوار ورؤية كل وفق مزاجه الشخصي .. إنما مبادي وتأسيس لي رؤى مستقبلية أو ربما قلبان الحكومة زاتووووو ..

Quote: في تقديري يا علاء أن المنبر تحول لغابة وأي زول ربنا قدرو بيفكها في التاني وبالتالي هناك كثير من الأخطاء التي صاحبت أداؤنا المنبري فلنحاول لتأسيس أرضية جديدة للحوار أرضية في الأساس دينها الوحيد إحترام الأخر ، خلافك وهباني صدقني لم أتابعه الا من خلال عناوين البوستات ما يهمني الآن التشديد علي ان المنبر يفتقد أصوات أفراد ساهمو بشكل أو بآخر في إثراء النقاش فيما يخص قضايا الوطن ،

.. هل أرضية الحوار الجديدة أهم مرتكزاتها الاساسية ان تبنى على قاعدة الاخطاء ..؟
استعملت عبارة تعسفيا .. واضفت سحبت باصوورداتهم بليل .. مع العلم أنك اشرت لي هشام هباني .. واضفت بأنك لم تتابع المشكلة التي كانت بيننا .. غلا من خلال العناوين ..
عجيب يا خضر ..
لطالما أنك تعتقد في هذا الهشام هباني كل الوطنية والثورية واثرا الحوار .. لا اعتقد انك لن تقرا له ما كتبه هنا مرة أخرى عندما عاد بحساب أحد الاعضاء .. سيف مساوي والا سيف منو ما عارف .. وعاد ليحول المكان مرة أخرى إلى ساحة تخص ما جر به هذا المكان إلى حوارات لا اعتقد انها تؤسس إلا لمزيد من التدني الاخلاقي ..
ولا اعتقد انك لم تقرا ما يكتبه هو أو غيره ويوجهونها لشخصي عبر مواقع تدعون فيها ديمقراطية الاعتقاادات وشيوعية المنطق .. وهلمجراااا,.
لا يهمنمي المنبر يا خدر بقدرما يهمني أن اللحظ للبعض هنا ينادي بأخلاقيات .. أو نشر قيمة معينة .. وسرعان ما يناقض نفسه في اقرب مكان يعتقد انه يخدم قضيته ..

بالمناسبة يا خضر حسين .. لو اي واحد غيرك من الناس الطايرين هنا دا بي اجنحة الثورية وريش النضال .. ما كان كتبت ليهو الكلام دا .. لكن كان ضحكته زي ما بضحك كل مرة .. وانضف سنوني بي عود كبريت واتف تحت رجليني .. في (البلاط) .. شفت التركيبة دي عامله كيف ..؟ مش ممكن برضو الحوار الزي دا الواحد ممكن يتف في (السيراميك) ..؟

إذا ..
إلي بسيراميك .. وعيدان لتنظيف الأسنان ..

الأخ علاء
سلامات



أشكرك علي ردك المطول ، قلت ماعندي ياعلاء ولاحوجة لي لتكرار
ما قلت ، كما لا حوجة لي في مدك أو غيرك بعيدان تنظيف الأسنان
أو بالسراميك ، أمامك المنبر فأبصق كيفما أردت يا صاح !!! .


أرقد عافية .


ــــــــــــــ

ناذر


كيفنك ياخينا ما بيناتنا ثق أن رأيي أعلاه كتبته بكامل قناعتي
الموضوع عندي لم يكن علي الاطلاق حالة العضوة ليلي !!!
عشان كدة ببقي أقول ليك مافي داعي تشيل وش القباحة


لاشئ شخصي يا صديق
ثق في ذلك

العزيز زكريا.

نعم لقد قام الأخ بكري بفصل الأخت ليلي أكول من المنبر معتقدا بأنها أحد ألاسماء المضروبة وبأنها شخصية غير حقيقية. أتصلت أن ببكري وأوضحت له بأن الأخت ليلي أكول شخصية حقيقية وهي من احدا الاسر المعروفة في جنوب السودان وأنا اعرف أسرتها جيدا, تفهم الاخ بكري ذلك مشكورا وطلب مني بأن أن أتصل بليلي اكول وأبلاغها بأنه يريد أن يتحدث معها شخصيا. أتصلت انا بالاخت ليلي وشرحت لها طلب الاخ بكري, ولكنها رفضت ذلك محتجة على الطريقة التي تعامل بها بكري معها في ذلك البوست. أرجوا أن أكون اوضحت لكم حقيقة غياب الاخت ليلي اكول من المنبر.

دينق

شكرا دينق لتوضيح الامر واشكر الاخ زكريا على البوست واضيف بان الاخت
ليلي اكول اكول زميلة دراسة في جامعة الخرطوم
وهي انسانة في غاية الاحترام والادب كانت معروفة لدي الكل في كلية
الاداب لتفوقها في الدراسة وتعاملها الراقي مع الاخرين
اضم صوتي الي المنادين بعودتها الي المنبر والاستفادة من مساهماتها
في النقاش الموضوعي.


دمبيك

Quote: العزيز زكريا. نعم لقد قام الأخ بكري بفصل الأخت ليلي أكول من المنبر معتقدا بأنها أحد ألاسماء المضروبة وبأنها شخصية غير حقيقية. أتصلت أن ببكري وأوضحت له بأن الأخت ليلي أكول شخصية حقيقية وهي من احدا الاسر المعروفة في جنوب السودان وأنا اعرف أسرتها جيدا, تفهم الاخ بكري ذلك مشكورا وطلب مني بأن أن أتصل بليلي اكول وأبلاغها بأنه يريد أن يتحدث معها شخصيا. أتصلت انا بالاخت ليلي وشرحت لها طلب الاخ بكري, ولكنها رفضت ذلك محتجة على الطريقة التي تعامل بها بكري معها في ذلك البوست. أرجوا أن أكون اوضحت لكم حقيقة غياب الاخت ليلي اكول من المنبر. دينق

الاح دينق
شكرا على التوضيح و انا من جانبى اتمنى ان تعود الاستاذة ليلى الى هذا المنبر
كما اننى اقدم اعتذارى للسيد ناذر محمد الخليفة للإلتباس.
ميرى كريسماس للجميع.

الأخ زكريا ..

Quote: كما اننى اقدم اعتذارى للسيد ناذر محمد الخليفة للإلتباس.

شكرا للأعتذار وأنا أقبله دونما ضغبنة ..

أستعجلت في الحكم على شخصي ووصفتني بما لا يليق .. ولكنني أقدر حسن نيتك هذه ..

وأنا في إنتظار إعتذار أم رشيرش ..!!


أما صديقي خضر فال بينا عامرة وما بينا إعتذارات ..!!

Quote: وأنا في إنتظار إعتذار أم رشيرش ..!!

الاخ الكريم ناذر
ارجو ان تقبل اعتذاري نيابة عن الماجدة ام حازم
ولك ودي وشكري مقدما

عبد الوهاب ..

Quote: ارجو ان تقبل اعتذاري نيابة عن الماجدة ام حازم

إن هي قبلت بنيابتك عنها فأنا سأقبل دون شك !!

وأنا في إنتظارها لأقرأ قبولها بنيابتك لها ..!!

Quote: ارجو ان تقبل اعتذاري نيابة عن الماجدة ام حازم

ماجدة عوض خوجلي ..!!