لفـت نظـر لحسـين ملاسـي . . .

المنبر بقى فيهو واحد اسمو ذو اليد
اوعك تمشي تعمل معاهو مداخلة تدقس في الاسم











____________________
كفاية فضايح ياخ

وهبه سلام

داخل حامي كده في شنو ؟؟؟

افصح ؟؟

Quote: افصح ؟؟

حاج المسلمي
صاحبك دا بقى ينخس

Quote: حاج المسلمي صاحبك دا بقى ينخس

كليهما صاحبي فمن تقصد فيهما ؟؟؟

Quote: كليهما صاحبي فمن تقصد فيهما ؟؟؟

اقصد

Quote: ذا

النون

الاخ عبد الوهاب


تحياتى

هو في كم ذواليد في المنبر؟

Quote: هو في كم ذواليد في المنبر؟

الكباشي
حمدلله على السلامة
وبركة بالشوفة

عودوا جميعا الي كهوفكم يرحمكم الله.

Quote: عودوا جميعا الي كهوفكم يرحمكم الله.

يادكتور بشير
نرجع كهوفنا بالذا ولا بالذو لانها بتفرق

ضحكت فينا الناس عشان كدا انا تاني ما بخليك براك وهسه حأعمل ليك تمارين ادربك على الاسماء الخمسة واعرابها . اول حاجة بعمل امتحان تحديد قدرات وبشوفك واقف وين عند ست فلة ولا اتقدمت شوية وبعد كدا كل يوم شوية شوية لحدي ما تطلع من النفق الضيق دا . عشان ناس محسن وود جبرالله يسكتوا للابد.

1/ اعرب ما تحته خط

أ - قال تعالى : (فَلا تَحْسَبَنَّ اللَّهَ مُخْلِفَ وَعْدِهِ رُسُلَهُ إِنَّ اللَّهَ عَزِيزٌ ذُو انْتِقَامٍ)
ب - قال تعالى : (لِيُنْفِقْ ذُو سَعَةٍ مِنْ سَعَتِهِ وَمَنْ قُدِرَ عَلَيْهِ رِزْقُهُ فَلْيُنْفِقْ مِمَّا آتَاهُ اللَّهُ لا يُكَلِّفُ اللَّهُ نَفْساً إِلاَّ مَا آتَاهَا سَيَجْعَلُ اللَّهُ بَعْدَ عُسْرٍ يُسْراً)
ج - قال تعالى : (فَبَدَأَ بِأَوْعِيَتِهِمْ قَبْلَ وِعَاءِ أَخِيهِ ثُمَّ اسْتَخْرَجَهَا مِنْ وِعَاءِ أَخِيهِ كَذَلِكَ كِدْنَا لِيُوسُفَ مَا كَانَ لِيَأْخُذَ أَخَاهُ فِي دِينِ الْمَلِكِ إِلَّا أَنْ يَشَاءَ اللَّهُ نَرْفَعُ دَرَجَاتٍ مَنْ نَشَاءُ وَفَوْقَ كُلِّ ذِي عِلْمٍ عَلِيمٌ)

اعرب ديل وبعد كدا نشوف درجاتك

يا وهاب
الزول ده تاني
مش ذو اليدين بس
حرم بوست لو في عنوانو زين او ذال ما بقرب جنبو
وما بكتبهاعمرو عامر في الاسافير السودانية والعربية دي
ما بهوب ناحية (ذو وذا ديل)....

فدحين يا اخوي
رشو درس عصر تقيل
الاسماء الخمسة ولو لقيت فرقة اديهو المغامرين الخمسة ذاااتهم ناس تختخ ومحب وعاطف ونوسة ولوزة وركز لي علي لوزة دي


...................
عالم تخاف وما تختشيش

كيكي ياصديق

Quote: حرم بوست لو في عنوانو زين او ذال ما بقرب جنبو وما بكتبهاعمرو عامر في الاسافير السودانية والعربية دي ما بهوب ناحية (ذو وذا ديل)....

والله نحن غرضنا الاصلاح
ومحسن صحبك دا عصر على الزول دا شديد
ونحن اولاد بحري ديل ما بنرضى فيهم والله مهما يكون
وهو في النهاية محسوب علي . اسوي شنو يعني







________________________
الزمن ياعمك وين انت ؟

2/ ادخل الكلمات التالية في جملة مفيدة :

ا / كهفك - عد - الى - ذوالنون - يا المنادى
ب / رهط - رهط تاني - يبقى - سبق - إن - واو العطف










______________________
قاعد تحل ولا قاعد ساكت يلا مضى نصف الزمن

اها تجاوب ولا انادي محسن يجاوب
ولا اخير ليك هشام المجمر










____________________
لا لا هشام دا بجيب كثافتك وبخليك تفلس
اخير محسن يا اخوانا واحد يشوف لينا محسن دا وين

يا محسن .... يا محسن ... يا محسن

اها يا وهبه قصرنا معاك

دي ياء المنادي .

Quote: اها يا وهبه قصرنا معاك

ما يقصرن ايامك ياحميدي
شكرا للمساعدة

عبدالوهاب وكيكي .. مالكم علينا،

هسي تكتّروا العصر يقوم يفتح لينا بوست في كمال الجزولي ..

أو يتهّمنا بالقراية بالكرعين بعد الإضنين

______
واحد عامل زيك كده، ومخاوي سيبويه، جا صاحب أخوه يسأل منو، وخايف من حكاية الأسماء الخمسة دي. فقال ليهو (أخوك .. أخاك .. أخيك .. موجود؟) ...... الراجل قال ليهو: (لا ... لو ... لي غير موجود)

العزيز وهبه
بالله بعد تخلص النحو شوف لينا الحساب الاملائي والمدونه الطبيعيه - أعمال الطين خليها علينا..

Quote: الحساب الاملائي والمدونه الطبيعيه - أعمال الطين خليها علينا

وخريطة الكنز كيف؟ ياخ إنت قديم خلاص

Quote: وخريطة الكنز كيف؟ ياخ إنت قديم خلاص

الاخ ود ابو العزائم
من ناحية قديم في دى إنت الصادق ,, بس ياخوى خريطة الكنز دى من زمنامما يُنبئ بأنك دفعه - أنه زمن التعليم الحكومي الجميل زمن كان من يدرس في المدارس الخاصه (المُعانه) يُنظر إليه بأنه أقل مستوى من طالب المدارس الحكوميه- وجاءت الإنقاذ وإعُلن الإفلاس فصار من يدرسون في المدارس الحكوميه هُم الاقل مستوى من جميع النواحي وصارت هذه المدارس لذوى الدخل المهدود وبالرغم من ذلك يدفعون جبايات لتعليم أبنائهم وبناتهم,, وصارت المدارس الخاصه والمسمي (مُعانه) في زماننا هي الاصل والاساس لمن إستطاع إليها سبيلا ,, وماأكثر أثرياء الحرب في بلادى في زمن الإنقاذ..

الأخ عبدالكريم ..

(المُعانة) دي طبعاً في الوسطى "الثانوي العام" والثانوي العالي، وهي مدارس بين التعليم الحكومي والتعليم الأهلي، أي أنها أفضل من التعليم الأهلي وأقل من الحكومي من حيث التقييم.

أما الأولية أو الإبتدائية حيث كانت المدونة الطبيعية وحساب التلميذ، فلم يكن هناك تعليم سوى الحكومي ........ والاّ مش؟


_______
يخيل لي خرّمنا من موضوع البوست

Quote: اها تجاوب ولا انادي محسن يجاوب

أفضل أن تنادي الأخير لأني أيضا أريد منه بعض المساعدة :
أريده أن يعرب ما تحته خط من قول الله تعالى :
سَلَامٌ هِيَ حَتَّىٰ مَطْلَعِ الْفَجْرِ (5)
ثم يعرب ما تحته خط من قول الشاعر
كالورد ينفح بالشذى حتى أنوف السارقيه
ثم يرجع ليعرب ما تحته خط من قوله
حتى أنت يا الحبشي؟
راجع الرابط : Re: عن الحوارات المازومة,رسالة محسن, كلام في حق تاج السر الملك و محن اخرى

أما أنت يا وهبة فأتحداك أن تعرب ما تحت خط من قول محسن خالد:

Quote: محمد أبوجودة،.. تحياتي وتسلم أولاً علي كتابتك السمحة

___________
أرجو أن تنتبه إلى رسم الهمزات في كتابتك يا هيبة

Quote: أرجو أن تنتبه إلى رسم الهمزات في كتابتك يا هيبة

دي مكنتك

Mr.E
salamat
Idon't have arabic screen Please write in english










__________________________
خليني اضحك شوية

Quote: خليني اضحك شوية

اكتب : (خلني*) (أضحك ) ولا تكتب (خليني اضحك شوية)
هل تعرف السبب ؟

____________
*بلسان الشايقية

*

Quote: هل تعرف السبب ؟

ياريت وفي رواية اخرى ياليت والله اعلم

I don't have Arabic kb now
No free classes

شنو ياوهبة

مع أستاذك الخصوصى بى جاى يجضم فيك بالنصب والجر..

ونحنا بى هناك فى حصة الدين يجضم فينا بفك التسجيلات..

إنت يازول لو عايز عربى قدر البكفى المنبر دا عليك بمحسن..

لكن لو عايز تبقى:

هوايتك القراءة..

ومهتم بالأدب الجاهلى المعاصر(الحديث سابقا) عليك بأستاذE

MESsiah ليك اللحم ولينا العضم فى التلاميذ دول..

Quote: الجاهلى المعاصر(الحديث سابقا)

تعرف يابلبل
حكاية الجاهلى المعاصر دي بتذكرني
بالبكاسي الجديدة الرابطين ليها
صندوق بتاع موديل 78 ياخي زولك دا حيرني عديل امبارح بيرقّد لي بيقول اهتم بالهمزات وكدا قلت ياود خلاص البساط بقى احمدي والعالم الجليل دا رضى عنك ، دخلت ليهو في بوست عصام جبرالله قلت ليهو يا MES ياخ صورة بروفايلك دي كبيرة ، صغرتها ليهو وقلت ليهو استعمل دي من باب التناصح وكدا تتخيل قال لي شنو قال لي انا ما بحترمك شتمني بالانجليزي يابلة عليك الله الزول دا تاني بنضمن .
انا غايتو عمري ما اتعرضت لاهانة قدر دي جابت ليها شتيمة بالانجليزي كمان قبل كدا برضو طرد ودالصايم بالانجليزي يعني يابلة تاني الواحد يجي خاشي المنبر دا الايعمل حسابو يجي شايل ليهو دكشنري ولا يركب ايزي لنقو .
وبعدين يابلة الزول دا شنو حكايتو بالصباح عربي وبالليل انجليزي دي ناس علم النفس ما قالوا فيها حاجة انتو دكاترة وبتعرفو الحاجات دي مستر ميس ودكتور هايد او العكس ولا الحكاية شنو ولا الحاصل ايه والجراداية في سروال ولا في الراس ولا في الكراس ولاشنو جننتونا ذاتو ياخ

ياوهبة

إنت بطلبك داك عملت زى التلميذ العايز يسف من حقة أستاذ الأدب الجاهلى المعاصر..

لايستوى الأمر يا أخ العرب.

Quote: يسف من حقة أستاذ الأدب الجاهلى المعاصر

لازم الواحد يعمل حسابو
العلماء ديل تمباكم بكون نووي عديل