Post: #1
Title: صاحب الحوش الكبير حبيبنا بكري ابوبكر ...عندنا مشكلة ؟؟؟؟؟
Author: عماد شمت
Date: 12-21-2008, 10:01 PM
الاخ باش مهندس الحوش بكري ابوبكر
تحيه واحترام
الاخ ادم عمر ادم adam omar adam
[email protected]
منذ رمضان لم يستطع الدخول للمنبر, وارسلنا عدة رسائل ولم تجب وفي الشهر الماضي
تقريبا ارسل لك الاخ عصام جبرالله وكتبت لك ايضا وفي النهاية فتحت بوست وعليه
استجبت في اقل من دقائق, وطلبت منه ان يرسل ايميله وفعل ذلك, ولم نجد منك رد الا بعد
فترة طويلة ,,ارسلت له الباسورد الجديد ولكنه لايعمل!!!
بطرفه الباسورد الجديد ومازال خارج الحلبة لا ندري ماالسبب ؟؟
لربما هناك خلل عليه نرجو افادتنا في هذا البوست او عبر رسالة للاخ ادم عمر
ربنا يعينك علي الاعباء ونشكر لك مجهوداتك ...ولك تحياتنا مع دوام العافيه
|
Post: #2
Title: Re: صاحب الحوش الكبير حبيبنا بكري ابوبكر ...عندنا مشكلة ؟؟؟؟؟
Author: عبدالكريم الامين احمد
Date: 12-21-2008, 10:34 PM
Parent: #1
فووق لعناية بكري
وكل تحياتي يا عماد
|
Post: #3
Title: Re: صاحب الحوش الكبير حبيبنا بكري ابوبكر ...عندنا مشكلة ؟؟؟؟؟
Author: فيصل عثمان الحسن
Date: 12-21-2008, 10:47 PM
Parent: #2
الدومة يا خوى عندى ليك فكرة لتحسين الحظ , حكاها لى زول ممسوخ
قال فيها اذا الواحد أراد تحسين حظه عليه الصعود فى أعلى قمة فى المنطقة
التى يعيش فيها وعليه التحلل من ملابسه , وتعريض أم اللمين لشمس الصباح
أم اللمين دى ما بتتكتب هنا , واذا كتبتها بلحقك وبقعد أكورك يا اخوانا فقدت
الباسوورد بتاعى وما عارف السبب شنو , عشان كده أحسن التلفون ويا دار
ما دخلك شر .
يا بكرى أخونا آدم من الذين أدمنوا المنبر والعياذ بالله , أرجو شاكرا فك أسره
ان كان فى الأسر , ما تبقى زى ناس الجبهة عند تبادل الأسرى ما كان عندهم
ولا أسير واحد .
|
Post: #4
Title: Re: صاحب الحوش الكبير حبيبنا بكري ابوبكر ...عندنا مشكلة ؟؟؟؟؟
Author: عماد شمت
Date: 12-23-2008, 03:41 PM
Parent: #3
شكرا كيكي وابوالتاء
نسوي شنو؟؟ بكور ده نباريهو محل ما يمشي لحدي ما يدينا الفي مرادنا
ابوالتاء زولك ده الا يطلع كرمنتانا ويجي مدحرج هناك في شمس !!عل بنطلونة ببقي
ذي بنطلونة العلقوة مبلول في البلكونة داك !!!!! خلي ادم يحكي ليك ..
يابكري والله انا جاري وراك بي تلاته مواتر ..... دايريين نقابل السنة الجديده
والناس ديل معيدين معانا...
كيكي سلم لي علي صلاح الامين
تسلموا ...
|
Post: #5
Title: Re: صاحب الحوش الكبير حبيبنا بكري ابوبكر ...عندنا مشكلة ؟؟؟؟؟
Author: haroon diyab
Date: 12-23-2008, 03:48 PM
Parent: #4
وعشان خاطرك
مااصلوا قالوا
اخو اخوك ....اخوك
كل سنة وانت طيب ياعمدتنا
|
Post: #6
Title: Re: صاحب الحوش الكبير حبيبنا بكري ابوبكر ...عندنا مشكلة ؟؟؟؟؟
Author: رأفت ميلاد
Date: 12-23-2008, 07:59 PM
Parent: #5
Quote: قال فيها اذا الواحد أراد تحسين حظه عليه الصعود فى أعلى قمة فى المنطقة
التى يعيش فيها وعليه التحلل من ملابسه , وتعريض أم اللمين لشمس الصباح |
فى التلج ده يا فيصل ؟؟
هو عمل شنو .. ما شفناها دى .. غايتوا كان قعد برة أسبوع تانى يا هو سمع كلامك وركب القندران
|
Post: #7
Title: Re: صاحب الحوش الكبير حبيبنا بكري ابوبكر ...عندنا مشكلة ؟؟؟؟؟
Author: فيصل عثمان الحسن
Date: 12-23-2008, 10:44 PM
Parent: #6
(فى التلج ده يا فيصل ؟؟
هو عمل شنو .. ما شفناها دى .. غايتوا كان قعد برة أسبوع تانى يا هو سمع كلامك وركب القندران)
النظرية دى يا رأفت بتصلح فى السودان , لكن أخونا أبو الديم لو عايز يطبقها هنا فى بلدنا دى , وحسب
رؤية عماد نطلعو كران مونتانا , صدقنى بتحصل عليهو حكاية أخونا التشادى مع الركعة الرابعة .
|
Post: #8
Title: Re: صاحب الحوش الكبير حبيبنا بكري ابوبكر ...عندنا مشكلة ؟؟؟؟؟
Author: عماد شمت
Date: 12-24-2008, 08:40 PM
Parent: #7
شكرا ليك يا بن عمي هارون انشاء الله مانعدمك
اخونا ادم ده مهكر بالتلج الله يفك اسرة والجماعة ديل
دايرين يلحقوه امات طه يزيدوا ليهو في التلج ...
ابو التاء,, بح ,, والله اايين !!!
كدي يابكور كسر لينا التلج الله يرضي عليك
|
|