Post: #1
Title: القدال والتروبادور
Author: mohmmed said ahmed
Date: 12-21-2008, 06:01 AM
شعر جميل
مفردات بسيطة وعميقة وصور
باذخة
لشيخ القدال ومجموعة شعراء شباب فى سهرة قناة النيل الازرق
الشعراء
اضلابى
ضياء
ةالثالث لا اذكر اسمه
سهرة افسدها مقدم البرنامج سعد الدين
حوار غير منتج سعد الدين يبدا الحديث ويندفع فى ثرثرة وينتقل من فكرة الى اخرى
ومن سؤال الى اخر دون تركيز ودون اعداد
ليختار المحاور اى جزئية من حديثه ويبدا فى الاجابة
لفتت انتباهى ملاحظة الفرق الكبير بين مستوى الشعر وبين مستوى التنظير
القدال حاول جاهدا استعدال عثرات الحوار بالاضافات الجيدة
هل يطالب المبدع ان يكون تنظيره فى مستوى ابداعه
فى السودان القصة غريبة اى زول داير يتكلم الفنان داير يتكلم
ولاعب الكورة يتكلم والطبيب الاخصائى
ومافى داعى
يعنى الشباب ديل كانو اصحاب قدرة مدهش فى التواصل مع المشاهد بقراءة الشعر
ولكنهم يتعثرون ويتلعثمون عند الحديث عن التجربة
من الافضل للمبدع ان يهتم بالابداع ويترك مسالة التنظير
المذيع سعد ما عندو امكانية اجراء حوار عن شعر بالمستوى الذى قدم
|
Post: #2
Title: Re: القدال والتروبادور
Author: ALGARADABI
Date: 12-21-2008, 06:56 AM
Parent: #1
يا حبيب كل عام وانتا و الأسرة بخير
السهرة كانت جميلة وشباب زي الورد مما يبشر بنهضة شعرية قادمة
سعد أحسن الكعبين
والقدال كالعادة قامة سامقة وهو يمارس أسلوب السهل الممتنع
Quote: فى السودان القصة غريبة اى زول داير يتكلم الفنان داير يتكلم
ولاعب الكورة يتكلم والطبيب الاخصائى
|
حدثي صديق عزيز وخبير في مجال الأغذية زار السودان خلال عطلة عيد الأضحي (الطويلة) وانتهز الفرصة
وزار هيئة المواصفات و ألقي محاضرتين هناك
سألته عن المحاضرتين فقال المحاضرات كانت جيدة لكن في مشكلة تانية
البمسك المايكرفون ما بفكو تاني!!!!
|
Post: #3
Title: Re: القدال والتروبادور
Author: mohmmed said ahmed
Date: 12-22-2008, 05:02 AM
Parent: #2
القرضابى
الصديق
شفتا الشباب ديل مدهشين كيف
والعجب القدال كبيرهم
سعد الدين
زول يفك كلام مجانى فى الهواء
الزول دا بيتكلم لامن يهضرب
الفكرة البسيطة البتقول المبدع ما مطلوب منو انو يكون منظر كمان
ما واقعا لناس كتار
|
|