حليمة الوداعية توصي بعدم تسجيل أوتراغو للهلال

أكد عضو بارز بمجلس إدارة نادي الهلال ـ رفض ذكر اسمه ـ بأن التأخير
في تسجيل نجم أنيمبا النيجيري اللاعب الخطير أوتراغو يعود لرفض وداعية
فريق الهلال الكابتنة حليمة أبو جلمبو التي أوصت بعدم تسجيل هذا اللاعب
للهلال، ونصحت بتجديد الثقـة في اللاعب أفياني.
من ناحية أخرى يصل إلى الخرطوم صباح يو غدٍ الأحد ظهير أنيمبا اللاعب
أميلادي على متن الخطوط الجوية الموريتانية للتوقيع لفريق الهلال.

Quote: من ناحية أخرى يصل إلى الخرطوم صباح يو غدٍ الأحد ظهير أنيمبا اللاعب أميلادي على متن الخطوط الجوية الموريتانية للتوقيع لفريق الهلال.

أها ود حليمة ما عندها فيه رأي ؟ قرقرقرقرقر .

لك المودة والاحترام ...

Quote: أها ود حليمة ما عندها فيه رأي ؟ قرقرقرقرقر .

سلام يا عمدة

رأي الكابتنة حليمة في أوتراغو لم يكن رأياً فنياً، لأنها لا تتدخل
في الأمور الفنية، والتي تترك للمدرب ورئيس النادي (صاحب الشرتيت)،
وإنما كان رأيها يتعلق بمسائل البخت والحظ..
ولو كانت ترى أن كراع أميلادي ستكون حارة على الهلال لأوصت بعدم تسجيله.
حلوم صاحبة شخصية كارزمية ولا تجامل في الهلال..

نصر الدين

يارفيق الزمن الحلو وحبيبنا فى الهلال

والله يانصر الدين يدنا بقت فى قلبنا

الهلال عايز ليهو فريق جديد بس مايكون من نيجيريا

عليك الله حليمه دى ماعندهالينا رئيس للهلال غير صلاح ادريس ده

بعدين عليك الله شوف حليمه دى رايها شنو فى تسجيل بهاء الدين ملوص

ولكن يظل الهلال حبنا الكبير

جلال ناصر

Quote: يارفيق الزمن الحلو وحبيبنا فى الهلال والله يانصر الدين يدنا بقت فى قلبنا الهلال عايز ليهو فريق جديد بس مايكون من نيجيريا عليك الله حليمه دى ماعندهالينا رئيس للهلال غير صلاح ادريس ده بعدين عليك الله شوف حليمه دى رايها شنو فى تسجيل بهاء الدين ملوص ولكن يظل الهلال حبنا الكبير

صديقي ورفيقي جلال
والله أنا في غاية السعادة لعودتك للكتابة وظهور اسمك خفف علي حزني
على الهلال..
وكما تفضلت الهلال يحتاج إلى رئيس وإلى فريق ولكن من الذي
يغير الرئيس ليغير الفريق وتتغير طريقة إدارة الهلال؟
الهلال سيمر بعام جاف وقاسي على جماهيره نتمنى أن يمنحنا
الله المقدرة على الاحتمال..
بالتأكيد حليمة ستكون سعيدة لتسجيل بهاء الدين ملوص وربما
تكون هي من أوصت بتسجيله وحمّدته (أعني ملوص) بأنْ جاياهو
طية (تسجيلة)..
الذي أوجد مثل حليمة في إدارة شؤون الهلال لا أعتقد أنه
سيعارض وجود بهاء الدين شيشة في حراسة الهلال..
نقول شنو يا جلال؟ غايتو ربنا بصبرنا على المهازل..

الطريقة التي يدار بها نادي الهلال لا يمكن أن يسكت عليها لأنها ستدمر الهلال
في القريب العاجل. لا أحد ينكر سخاء الريس صلاح إدريس وما ظل يدفعه للهلال،
ولكن كل ذلك يصبح هباء منثوراً إن هو استمر في الطريقة التي يدير بها مقاليد
الأمور في الهلال.
لا يحتاج الهلال إلى مليادير ليديره ولكنه يحتاج إلى إداري محنك ورجل متفهم
وديمقراطي يمكنه أن يتعامل بديبلوماسية ومرونة مع كافة الأطراف دون أن ينقص
ذلك من هيبة ومكانة الهلال شيئاً وإلى رجل يعتمد على أمة الهلال في تمويل الهلال
ولا يحتاج رجل يعتمد على جيوب التجار ومكرمات الرأسمالية. طرح الأرباب برنامجاً
هادفاً فرح له كل أنصار الهلال وظنوا أنه سيكون المخرج لمشاكل الهلال، لكنه
عندمااستلم دفة قيادة الهلال نسى برنامجه الذي جاء من أجل تحقيقه وتفرغ للنيل
من رموز الهلال والاستهزاء بهم وبما قدموه للهلال.
ظل صلاح إدريس ومنذ أن قدم إلى الهلال يعتمد على عوامل التشويق والتخدير منذ
بداية رئاسته لنادي الهلال ثم تفرغ لافتعال الصراعات التي أضرت بكيان الهلال واعتمد
في ذلك على ماكينة الإعلام، حيث ظل بعض كتاب الهلال يساعدونه في ذلك بترويج أحلامه
الظلوطية وتخدير الجماهير بأن صلاح إدريس سوف يعمل وسوف يعمل وتكون النتيجة في
النهاية لاشيء، وفي كل مرة أننا نسمع جعجعة ولا نرى طحناً..
لا أود أن أخوض في معارك الأرباب التي كان الهلال أكثر المتضررين منها، ولكن إن
تناولنا أقرب الأحداث إلينا لوجدنا أن إعلام الهلال والأرباب ظلا يسوقان للوعود والأماني
المستحيلة في تجديد دماء فريق كرة القدم بنادي الهلال، وكما خرج الهلال في العام
السابق صفر اليدين من أي إنجازات في التسجيلات والبطولات فهو مبشر هذا الموسم بأن يعود
إلى الوراء كثيراً .
منذ أكثر من شهر ونحن نطالع في الصحف أخبار تسجيل كلاتشي ويوسف محمد وداريو كان،
ولكن الحقيقة المرة لم تظهر إلا بعد ضياع الآوان، فخسر الهلال كلاتشي ثم داريو كان
وسيخسر يوسف محمد.
والسؤال الذي يطرح نفسه هل كان مجلس الإدارة الموقر لا يعلم بقرب انتهاء عقود
اللاعبين المذكورين ويجهل أن من حقهم أن يتعاقدوا مع ما يشاؤون من الأندية قبل ستة
شهور من انتهاء عقودهم الحالية مع نادي الهلال؟ لماذا لم يحسم الهلال هذا الملف قبل
وقت كافٍ من التسجيلات؟
وظللنا كذلك نطالع في الصحف الرياضية تعاقد الهلال مع مجموعة من اللاعبين الأفارقة
وكل يوم يطرح اسم جديد يقال بأنه سيوقع في كشوفات الهلال، واقتصرت القائمة بعد سلسلة
من الأكاذيب والعناوين الفضفاضة في لاعبيْ أنيمبا النيجري، أوتراغو وأميلادي، وكل يوم
نقرأ بأنهما سيحضران اليوم على متن الخطوط الفلانية ثم نسمع تبريراً بعدم حضورهما،
تارة بسبب ظروف الطيران وتارة أخرى لأسباب واهية ومضحكة، واليوم طالعت في موقع كورة
بأن أوتراغو وقع أو سيوقع للأفريقي التونسي..
إلى متى يتوقف رئيس الهلال وإعلام الهلال عن تخدير الجماهير ويملكونهم الحقائق وإن
كانت مرة بطعم الحنظل؟.. ومتى سيعلن مجلس إدارة نادي الهلال بكل وضوح ودون مواربة
ومكابرة بأنه عجز عن قيادة النادي الهلال؟

في صحيفة قون بتاريخ اليوم خبر يفيد بأن الهلال يفاوض
قودوين ولاعب شبيبة القبائل الجزائري ديمبا..
بكرة ربما نسمع إنو الهلال يفاوض عثمان رغيم ومحمد البشرى..
أصلاً ده ما مستبعد..
تنقلات اللاعبين لها فترة معينة ومعروفة للجميع.. لماذا لم يحسم
الهلال مسألة التعاقدات قبل فترة كافية حتى لا يدخل في مثل هذا
الحرج والمرج؟..

وين يا نصرالدين ...

Quote: بكرة ربما نسمع إنو الهلال يفاوض عثمان رغيم ومحمد البشرى..

لا إطمئن ...
ما ح تسمع جوني زمان وأنا رفضت , عرضهم تعبان

كلامك سليم يا عمك ...
طالما الأندية لايزال تمويلها يعتمد على أفراد يستحيل تتقدم
حتى المريخ الروقة و الإستقرار دا حدو قريب أول ما يُعلن عن منصب الوالي الجديد و يضطر يبتعد عن الرئاسة
ح تشوف براك البهدلة الح تحصل

Quote: لا إطمئن ... ما ح تسمع جوني زمان وأنا رفضت , عرضهم تعبان

أهلاً ود البشرى
حكاية رفضك لعرض الهلال دي ما عارف بيها واحد هنا غيري..

Quote: كلامك سليم يا عمك ... طالما الأندية لايزال تمويلها يعتمد على أفراد يستحيل تتقدم حتى المريخ الروقة و الإستقرار دا حدو قريب أول ما يُعلن عن منصب الوالي الجديد و يضطر يبتعد عن الرئاسة ح تشوف براك البهدلة الح تحصل

الوالي ربما طرق مجالات أخرى للتمويل لم يطرقها الإداريون من قبل
وهي مجال التسويق الرياضي والتي وفرت سيولة مقدرة للمريخ وأغنته
عن تبرعات الأقطاب..
ورغم ما قدمه الوالي للمريخ فإنه يجد معارضة من بعض الطامعين في
السلطة والنفوذ ولو رحل الوالي فسيعود المريخ إلى عهده السابق
كنادي مفلس وكحيان واللسنات البقت طويلة حاتنقطع..

الهلالاب مرقو ..














.
.
صحي كديستكم بتاعت الاستاد ماتت ؟؟

Quote: حتى المريخ الروقة و الإستقرار دا حدو قريب أول ما يُعلن عن منصب الوالي الجديد و يضطر يبتعد عن الرئاسة، ح تشوف براك البهدلة الح تحصل

ود البشرى غايتو ربك يستر والله الوالي ده كان مشى غايتو إلا نمشي معاااه . بس الله في ... ويارب مايمشي الوالي ويظل طوالي ..... سترك ياالبتستر .....

Quote: صحي كديستكم بتاعت الاستاد ماتت ؟؟

مرحبتين يا حمادة
كدايس بتاعة إيه يا بني.. نحن كنا بنغلبكم رايح جاي
بدون كدايس أو أجنحة..
لكن نقول شنو.. آخر الزمن بقيتو تضحكوا علينا..

اخونا نصر الدين
تحياتي
وكيفك

Quote: الطريقة التي يدار بها نادي الهلال لا يمكن أن يسكت عليها لأنها ستدمر الهلال في القريب العاجل. لا أحد ينكر سخاء الريس صلاح إدريس وماظل يدفعه للهلال، ولكن كل ذلك يصبح هباء منثوراً إن هو استمر في الطريقة التي يدير بها مقاليدالأمور في الهلال

كل يا عمك مقابل الشيكات

اعفص هنا بيع استاد الهلال

Quote: بكرة ربما نسمع إنو الهلال يفاوض عثمان رغيم ومحمد البشرى..

ورغم اصرار حليمة انا اصريت علي الكاش
شيكات نهي نهي احرجونا مع فوزي ياخ

Quote: التسويق الرياضي

يا راجل اصح للون
ده قاعون عديل

Quote: ورغم اصرار حليمة انا اصريت علي الكاش شيكات نهي نهي احرجونا مع فوزي ياخ

حتى إنت يا الخليفة بقت تشترط على الهلال؟

Quote: اعفص هنا بيع استاد الهلال

قريت الحاصل، والله مأساة كبيرة يتحمل وزرها ملك الخراب
صلاح إدريس ومجلس الإدارة الكومبارس..
على جماهير الهلال أن تثور ضد هذه المهازل..عقد الجمعية
العمومية وإسقاط هذا المجلس سيضع حد لعبث صلاح إدريس.