المرة الجاية حيطلبوا مننا نشحن الجزم ونخش الطيارة بالشرابات

دا لحد ما جا واحـد مجنون خنقلو زول بشـراب.

غايتو الزول دا ما عمل فينا خيـر ابدا.. الفريكوانت فلايرز.
كل البعملو فيه دا يتأذى منه العرب والمسلمون.. أهو الرئيس بوش زاغ من الجزمـة، للمرة
الأولى والأخيـرة.. وحنفضل نحن نتزاوغ من حصحاص ونفايات المطار باقى عمرنا كلو، بعد خلع الجزمـة
والمشى حفاة.

سلامات Abureesh
و الله كلامك صاح.
عارف انا بقيت اشحن "كرامتى " مع الشنط, عشان لما يتساغلوا على و يحمروا لى بدون سبب ما ازعل و تصعب على روحى.

أهلا سمارت انا، وشكـرا على المرور والمواسـاة..
اسـافر كثيرا بمعدل كل شهـر فى المتوسط.. للسنين الثلاث الماضيـة.
وغالبا ما يطلب منا خلع الحذاء وتمريره على الة الأشعـة.. ثم التفتيش الإلكترونى،
الذى صار جزءا من حياتى! وطلع اللابتوب من الشنطـة، وشيل البطارية من الشنطة المشحونة
وخليها معاك.. الخ..

إن شـاء الله يعـود الأمن مـرة أخرى..
عندما ودعت ضيفى الأستاذ والصديق عصام البوشى عام 1980 فى مطار كندى بنيويورك، دخلت معه
حتى وصلت مدخل كبرى الطائرة، وكل ما فعل ناس الأمن هو أنهم أختبروا كمرة الياشيكـا التى
كنت أحملها، ثم قرروا أنها كمرا (بالعين المجردة)، وأعادوها لى لأواصل وداع الأخ عصام بعد
حواجز الأمن.. لاحظى هـذه كانت سفريـة دولية من نيويورك الى لندن.