|
Re: سائق حافلة بالخرطوم يستخدم خارطة إلكترونية (Re: عمرو كمال ابراهيم)
|
نزلت فى شارع الحرية
عند الكبرى
( جنوب الكبرى)
وقررت إنى اصل أركويت
داير لى قروش كتيرة عشان عمك بتاع التاكسى يرضى يوديك
وإتجهت بالشارع المؤدى من الكبرى باتجاه الجنوب الشرقى إلى ميدان عبد المنعم
وهو نادى الأسرة حاليا مرورا بمحل القوصى للحوم وشعبان ، وشعبان أشهر بائع لورق الباسطة والكنافة والبسوسة وكافة هذا النوعية من الحلويات
(( للما عارفين الباسطة دى ورق بيترص على بعض وبالمواد الاخرى ، وهو ورق خفيف جدا جدا وليست تلك الخفة المعهودة على الشباب، بل خفة الوزن...مش بيقول جاب لى الجواب فى ورق باسطة!!).
| |
|
|
|
|
|
|
Re: سائق حافلة بالخرطوم يستخدم خارطة إلكترونية (Re: عمرو كمال ابراهيم)
|
ماذا أفعل
هل أرتقش؟؟ خطر.. أن تستغل ركشة... فهى إلى الموت أقرب
تاكسى.. لعلها بضع وعشرون او أقل بقليل من الجنيهات
أمجاد.. وامتى يا امة الامجاد
قررت ان اصل للتجاه المقابل كى اوقف الامجاد
لمحت صديقى إيهاب بدر.. محامى و دؤوب الحركة
إستنجدت به ... وييييييييييين يا عمك
إندهش ما الذى اتى بى هذه الساعة ..هنا
ضحكنا لدقائق وفوجئت بمرور حافلات اركويت من هنا
قلت له: من متين يا عمك؟؟ ضحك وقال ياخ تعال وبطل حركات
أوقفنا الحافلة
فاذا بالبلف (_ البلف بلغة الكماسرة يعنى الكمسارى وذلك مجال يطول شرحه) يؤكد ...آآآآى اركويت
| |
|
|
|
|
|
|
Re: سائق حافلة بالخرطوم يستخدم خارطة إلكترونية (Re: عمرو كمال ابراهيم)
|
إتجهت بنا الحافلة وانا بين مكذب ومكذب
زمااااااااااان ايام الموقف القديم.. ونحن نؤرخ للخرطوم فى مراحل تغيرها بإنتقال الموقف كعلامة واضحة على التحول النوعى للمدينة ، وإن كان سلبيا للأسف
الموقف القديم كان بيطلع سواق الحافلة من السوق العربى بى شارع القصر تووووووش لى شارع المستشفى الخرطوم والذى يسمى بالطابية ( ولا أدرى علاقته بالطابية ولكنه خيال المؤلف أو رؤية المخرج)
المهم يصل لشارع المطار والذى لن يعدل منه إلا فى دخوله شارع مامون بحيرى والذى تتصدره حاليا عفراء للتسوق او ما يطلقه بعضهم... العفراء
ومن هنا يقتحم الحلة وهى اركويت ببيوتها ومربعاتها وشوارعها ... ولفاتها وأشهرها لفة جوبا
ويمر على البلابل... وفى ليل الشجن والشوق سألت عليك ومشينا مشينا
ومشينا من شارع القوصى وفلفلة وشعبان وتقاطعه مع الصناعات( الصناعات يربط شارع المطار بى شارع الغابة مخترقا الخرطوم 2 و3 وسق اللساتك والمنطقة).
| |
|
|
|
|
|
|
Re: سائق حافلة بالخرطوم يستخدم خارطة إلكترونية (Re: عمرو كمال ابراهيم)
|
السائق لف ميدان عبد المنعم
نادى الاسرة زى ما قلنا
وطلع بى شارع الصناعات تانى
فى تقاطعه مع بييو كوان عند محل فيديو سلطان وشركة عمنا صالح يعقوب
دواتجه شمالا حتى دخل حى نمرة 2 شارع 39
وهو الشارع الذى به اشراقة التجانى وملحمة البتيلو سابقا وسندباد للفول والفلافل والسفارة الايطالية ومنزل آل شداد
وإنزغم لى شارع المطار
| |
|
|
|
|
|
|
|