Post: #1 Title: فبدبو أول ظهور للبلابل بعد غيبة السنين Author: الزوول Date: 12-15-2008, 06:40 PM
بعد غيبة سنين طويلة ستعود البلابل الى الغناء سوياً أول ظهور علني لهم سيكون يوم 25/12/2008 على مسرح نادي الضباط ترى هل ستكون البلابل هي البلابل؟ يمكننا ا، نستنتج من هذه الأغنية التي تمثل أول ظهور للبلابل
Post: #2 Title: Re: فبدبو أول ظهور للبلابل بعد غيبة السنين Author: ALGARADABI Date: 12-15-2008, 08:24 PM Parent: #1
الفي النص دي حليمة عبدالرحمن؟
Post: #7 Title: Re: فبدبو أول ظهور للبلابل بعد غيبة السنين Author: الزوول Date: 12-16-2008, 11:08 AM Parent: #2
القردابي ازيك
قصدك هادية طلسم ...مش ؟؟؟
يا زول حليمتنا دي بتغني برضو ... بس بالقلم
Post: #10 Title: Re: فبدبو أول ظهور للبلابل بعد غيبة السنين Author: ALGARADABI Date: 12-16-2008, 05:56 PM Parent: #7
التحية للفنانة هادية طلسم ولفنانتنا حليمة عبدالرحمن(الراسمة بالكلمات) وللفنان الزول وكل سنة و انتم طيبين
Post: #3 Title: Re: فبدبو أول ظهور للبلابل بعد غيبة السنين Author: ASHRAF TAHA Date: 12-15-2008, 08:39 PM Parent: #1
يا أول الرشفات
يا آخر اللهفات
إنتوالهوى الصافي
نفس البلابل الجميلات
سنين .. وسنين
صوتكم حاضر فينا
نفس الترتيب
نفس الصوت
نفس الحضور
نفس دعاش الذاكرة
يا بلال الهارموني والدوزنة
وسيدات التطريب
والمغنى
الله يديكم العافية دنيا وآخرة
Post: #8 Title: Re: فبدبو أول ظهور للبلابل بعد غيبة السنين Author: الزوول Date: 12-16-2008, 11:35 AM Parent: #3
السلام عليكم أشرف طه ليس عندي ما أقوله زيادة على كلامك هذا لك الشكر
Quote: يا أول الرشفات
يا آخر اللهفات
إنتوالهوى الصافي
نفس البلابل الجميلات
سنين .. وسنين
صوتكم حاضر فينا
نفس الترتيب
نفس الصوت
نفس الحضور
نفس دعاش الذاكرة
يا بلال الهارموني والدوزنة
وسيدات التطريب
والمغنى
الله يديكم العافية دنيا وآخرة
Post: #4 Title: Re: فبدبو أول ظهور للبلابل بعد غيبة السنين Author: Munir Date: 12-15-2008, 08:51 PM Parent: #1
الأخ العزيز الزوول .. كل سنة وانت طيب .. الأغنية جميلة ولكن عمومآ كل الأغاني تحتاج لمدة حضانة لعدة سنوات لتتعتق وتختلط بالوجدان، ثم بعد داك الناس تجي تبكي علي الزمن الجميل علي النغمات القديمة بعد ما الواحد يجلكن ويحن للماضي وللشباب .. فكلما طال الزمن بالاغنية تتراكم عليها الذكريات ـ وطبعآ لحسن الحظ الغناء يراكم ذكريات الشجن والحب والوجد والحنان والتي طبعآ ترتبط بالعنفوان والشباب المرتبطين بمتعة الحياة الدنيا التي تتضاءل كلما تقدم الانسان في العمر .. إذن أسأل عن الأغنية دي بعد 15 أو عشرين سنة ـ لو في العمر باقي ـ أما الآن فاسألني عن لون المنقة الشايل المنقة وخاتم المني ومشينا طريق الحب ، وإنت نازل ..
معليش ، مرات الواحد بيحب التنظير ..
Post: #11 Title: Re: فبدبو أول ظهور للبلابل بعد غيبة السنين Author: الزوول Date: 12-17-2008, 04:15 AM Parent: #4
السلام عليكم
Quote: لأخ العزيز الزوول .. كل سنة وانت طيب .. الأغنية جميلة ولكن عمومآ كل الأغاني تحتاج لمدة حضانة لعدة سنوات لتتعتق وتختلط بالوجدان، ثم بعد داك الناس تجي تبكي علي الزمن الجميل علي النغمات القديمة بعد ما الواحد يجلكنويحن للماضي وللشباب .. فكلما طال الزمن بالاغنية تتراكم عليها الذكريات ـ وطبعآ لحسن الحظ الغناء يراكم ذكريات الشجن والحب والوجد والحنان والتي طبعآ ترتبط بالعنفوان والشباب المرتبطين بمتعة الحياة الدنيا التي تتضاءل كلما تقدم الانسان في العمر .. إذن أسأل عن الأغنية دي بعد 15 أو عشرين سنة ـ لو في العمر باقي ـ أما الآن فاسألني عن لون المنقة الشايل المنقة وخاتم المني ومشينا طريق الحب ، وإنت نازل ..
معليش ، مرات الواحد بيحب التنظير ..
اتفوح عبير غمر المكان .... الليلة المنير فاجأنا بان عيدك مبارك يا منير والله تنظيرك عينة وكمان عين الصدق وربما تقارب المزاج هو ما يجعلني اتفق معك وعين الصدق دي يا منير هو حنينا لما مضى من ايامنا بالرغم من اننا كنا نمقتها حين كنا نعيشها وهو حنين في حقيقته للصبا وأول ايام الشباب وبالتالي لكل ما يرتبط معها بخيره وشره انا متأكد انك ستطرب ايما طرب لو سمعت دعاية ... حلاتو صابون فونا واللا مو هيك ؟؟؟
....
Post: #5 Title: Re: فبدبو أول ظهور للبلابل بعد غيبة السنين Author: فتحي الصديق Date: 12-15-2008, 08:56 PM Parent: #1
أهلا بعودة قماري الزمن الجميل..
Post: #15 Title: Re: فبدبو أول ظهور للبلابل بعد غيبة السنين Author: الزوول Date: 12-25-2008, 08:06 PM Parent: #5
السلام عليكم ومعك نرحب بعودة بلابل الزمن الجميل شكراً فتحي مرورك الجميل
...
Post: #6 Title: Re: فبدبو أول ظهور للبلابل بعد غيبة السنين Author: Al-Shaygi Date: 12-15-2008, 09:37 PM Parent: #1
الزول
Quote: بعد غيبة سنين طويلة ستعود البلابل الى الغناء سوياً أول ظهور علني لهم سيكون يوم 25/12/2008 على مسرح نادي الضباط ترى هل ستكون البلابل هي البلابل؟ يمكننا ا، نستنتج من هذه الأغنية التي تمثل أول ظهور للبلابل
والله لي الشفته ده في أول ظهور،،، دي بس زي أول ظهور لمحمد كرم الله بعد 30 سنة ياهن البلابل كبرن بس الصوت زاتو كبر معاهن في أعتقادي وحسب الشفته الربع قرن الذي مضى صقل ولمع ولم يصديء
والله يحينا لي يوم 25 ويا ربي 25 دي مربوطة بالكريسماس ولا بي مايو!!!
الغريب أنه رغم الزمن كل واحدة محتفظة بنفس الفروقات بينهن الغليدي غليدي والضعيفي ضعيفي والشمال زي ما هي!!!! حلوين حلاوه
Post: #9 Title: Re: فبدبو أول ظهور للبلابل بعد غيبة السنين Author: محمد فضل الله المكى Date: 12-16-2008, 05:24 PM Parent: #6
موسم العودة للزمن الجميل
Post: #12 Title: Re: فبدبو أول ظهور للبلابل بعد غيبة السنين Author: عواطف ادريس اسماعيل Date: 12-17-2008, 06:17 AM Parent: #9
الزول ذكرتني بالزمن الجميل والطرب الأصل ..
أعتدت لي شريط ذكريات أيام الدراسة مع زميلاتي الحلوات الأنيقات هادية , أمال , حياة ,
شكرا لك وربنا يسعدك ..
Post: #23 Title: Re: فبدبو أول ظهور للبلابل بعد غيبة السنين Author: الزوول Date: 12-26-2008, 07:41 AM Parent: #9
السلام عليكم
Quote: موسم العودة للزمن الجميل
ويا لها من عودة أخي محمد فضل المولى مكي شكراً مرورك اللطيف
...
Post: #16 Title: Re: فبدبو أول ظهور للبلابل بعد غيبة السنين Author: الزوول Date: 12-25-2008, 08:10 PM Parent: #6
السلام عليكم حباب الشايقي تعرف الغنوة الجبتها ليهن دي بس أبو التي تي يا ربي منير وشايقية الشعبية ديل بيعرفو ابو التي تي؟
...
Post: #19 Title: Re: فبدبو أول ظهور للبلابل بعد غيبة السنين Author: Munir Date: 12-26-2008, 01:31 AM Parent: #16
Quote: يا ربي منير وشايقية الشعبية ديل بيعرفو ابو التي تي؟
زوولنا السمح الزين .. إنت من زمن ابو التي تي البياكل اللحم الني؟؟؟ إي لا حولا !!!! .. الجني ضمة قديم .. . . ممكن أطلب غنية آآزوول ؟؟.. داير غنوة البنجقلي كتل لو زول !! (عشان تاني ما تجيب سيرة الشعبية ..)
Post: #13 Title: Re: فبدبو أول ظهور للبلابل بعد غيبة السنين Author: طارق ميرغني Date: 12-17-2008, 06:51 AM Parent: #1
زمن الغناء الهابط والرديء توجد مساحات واسعة للفن الجاد ولا يعتقد من يعتقد ان البلابل كظاهرة وصوت قد انتهن ...ابدا ..هن يا هن بل يزيد الزمن
اصواتهن تعتيق ..ربنا يحفظهن والي الامام.
Post: #14 Title: Re: فبدبو أول ظهور للبلابل بعد غيبة السنين Author: Saifeldin Gibreel Date: 12-17-2008, 07:21 AM Parent: #13
Post: #17 Title: Re: فبدبو أول ظهور للبلابل بعد غيبة السنين Author: Abu Eltayeb Date: 12-25-2008, 08:39 PM Parent: #14
تشكر يا الزول
الاخوات هاديه امال حياة معاكم قلبا و قالبا و متابعين ربنا يوفقكن
لطفي
Post: #18 Title: Re: فبدبو أول ظهور للبلابل بعد غيبة السنين Author: Elmosley Date: 12-26-2008, 00:36 AM Parent: #1
الزول الحلو تحياتي لهن ولشاعرها المرهف يحي فضل الله ولك يسلم بقهن وعقبال مايمرقن الجديد الباقي ونحن معاهن في الطريق
Post: #20 Title: Re: فبدبو أول ظهور للبلابل بعد غيبة السنين Author: Abu Eltayeb Date: 12-26-2008, 01:44 AM Parent: #18
الحفل قالوا الاعمي شايل المكسر في نادي الضباط, وكان حفلا ناجحا بكل المعاني ميري كريسماس حفل الكريسماس
لطفي
Post: #21 Title: Re: فبدبو أول ظهور للبلابل بعد غيبة السنين Author: willeim andrea Date: 12-26-2008, 06:23 AM Parent: #1
Quote: موسم العودة للزمن الجميل
بالله عليكم اتحفونا كمان وكمان .... يدكم العافيه كلكم وبدون فرز .......... حياة ....وامال ... وهاديه .. وكل المتدخلين وصاحب البوست الوجيه..... وبمناسبة اخر جمعه في السنه الهجريه والميلاديه نسأل الله ان يحقق كل الاماني الجميله الطيبه .... امين
Post: #22 Title: Re: فبدبو أول ظهور للبلابل بعد غيبة السنين Author: ترهاقا Date: 12-26-2008, 07:28 AM Parent: #21
التحية ليك يا الاخ الزول والتحية لاخواتنا البلابل ورجعنالكم بعد طول السنين
الاغنية اسمها الطريق يحيى فضل الله والموسيقار العظيم الموصلي ، أديناها فيتمينات قبل سفرهم للسودان وكان لوجودنا المشترك الاثر الكبير في تفعيل هذه الاغنية والتي لحنها الاخ الموصلي قبل سنسن وتمنياتى للبلابل بحفلات ناجحة في السودان
Post: #24 Title: Re: فبدبو أول ظهور للبلابل بعد غيبة السنين Author: Gaafar Ismail Date: 12-27-2008, 08:31 AM Parent: #1
أخي الحبيب الزوول السلام عليكم ورحمة الله وبركاته وكل سنة وانت والأسرة وعموم الأهل بخير وعافية بمناسبة حلول السنتين الهجرية والميلادية. أول أمس اتصل بي الإبن سيف اليزل من داخل مقر حفل البلابل ولمست من صوته ووصفه للحفل بأن البلابل ابدعن أيما إبداع .. ألف مرحب بهن والعودة لعالم الطرب الجميل.
ـ أما الآن فاسألني عن لون المنقة الشايل المنقة وخاتم المني ومشينا طريق الحب ، وإنت نازل ..