الطباخين..

الطباخين..


12-14-2008, 12:32 PM


  » http://sudaneseonline.com/cgi-bin/sdb/2bb.cgi?seq=msg&board=180&msg=1229254353&rn=33

Post: #1
Title: الطباخين..
Author: عمر الفاروق
Date: 12-14-2008, 12:32 PM
Parent: #0

وفي رواية التباخين..

الواحد فيهم يا تلقاهو راجل شدييد ..يا كمان راجل شديييييييييييييييييد..
علاقة حميمة وسريعة تنشأ بين الطباخ النسوان امات شلوخ ..
وناسيييييييييييييييين من تصبح وهو بقرقر في المحشي لحدي ما تمسي وهو بيرص في المخلل وهو في حالة نضمي..
الغريبة في اختلاف في الشكل والمضمون بين طباخين المطاعم وطباخين الاعراس..
الرجل السوداني بطبيعة الحال طباخ من الدرجة الاولى اما بسبب العزوبية الجبرية او بسبب عشق المزة وجلساء الليل وما ادراك ما كرستال البلح وحلة السكارى ..
مع ظهور صالات الافراح اختفى الطباخ ..
ومع ظهور الخدمات الراقية من النسوان الاستايل الساكنات الشقق وما ادراك ما الاحياء الراقية ويقمن بتوفير وجبات العشاء اختفى الطباخ ..
ولّى زمن العشا البيكون محجوز بي ترابيز جمعية الحلّة عينك لي حلل البيض وصواني الباسطة وما تقدر تمد ايييدك ..
انتهى زمن مد الصواني للسمحات عشان تعشي صاحباتا مقابل ابتسامة واحتمال ونسة بعد الحفلة قد تمتد لي مواعدة وعلاقة تستمر شهرين لي قدام ..
فات زمن الزحمة والشكلة في مكان العشا وطلعوا عشا الفنانين وعشا اهل العريس ..
انتهى زمن اختلاف الصحانة جارك تجيهو وركة وانت تجيك باسطة واخر ما تجيهو عيشة ...
ويااااااااا حليل الشكلة في مكان العشا وهو مضاء اضاءة باهتة تجدها في كلللللللل بيوت الافراح وكانه متفق عليها ان تكون بهذه الدرجة من الاضاءة ..
ويا حليل لمن تصحى الصباح وتكتشف انو في زول كان داسي ليهو صينية كاااملة بتاعت باسطة ونساها ..
ويا حليل زمن كان اهم زول الزول العندو مفتاح البيبسي المجدع في البراميل..

قال ليهو يا محمد ياخ العرس قرب وما عارف العشا حا يكلفني كم واجيب كم خروف وكم عجل و و ..
قال ليهو انت من زمن العشا يعملوهو نسوان الحلة وجيب لي حلل علوية وصاج زهرا وكانو النعمة ؟؟ ارح اوديك لي طباخ مباااالغة بيسلمك صحن الكوكتيل ده من إلى ولا زحمة ولا وسخ ولا لملم ولا جيب ولا ودي ..
وقد كان ومشو لي الطباخ صاحبنا العريس سال عمو الطباخ وقال ليهو :
بتعمل العشا بي كم يا عمو ؟
طباخنا قال ليهو هاك الكتلوج ده يا ولدي وشوف عايز ياتو نوع وكم صحن منو؟
عريسنا فتح الصفحة الاولى ولقا ليك الصحن فيهو دجاجة مشوية ولحمة باسطرمة مع قطعة سمك الصحن بي خمسين الف ..شبك ليك الطباخ يا عمو ده غاااااااالي وليي انت عشاك غالي كده و و و ..
فتح الصفحة التانية لقا ليك صدور دجاج مع سلطة المايونيز مع سمك فرايت الصحن بي اربعين الف شبك ليك الطباخ يا عممو لكن بتبااالغ غاااالي شديييد اكلك ده والله ...
عمنا الطباخ قال ليهو يا ولدي ممكن اسألك سؤال؟ إنت من وين ؟؟؟؟؟
عريسنا قال ليهو انا من جبرة ..
طباخنا مسك جلابيتو في نص صفحتو وصفق بي اليمين وساعدا بي انفزارا كده وقال ليهو :
هييييييييييييييييييييييييييي يا ولدي افتح صفحة 48 ...
مخللة ..بطاطساية ..بيضة ..سلطة اسود ..
Post: #2
Title: Re: الطباخين..
Author: محمد البشرى الخضر
Date: 12-14-2008, 12:58 PM
Parent: #1

Quote: يا ولدي افتح صفحة 48 ...


وين يا عمك
حمدالله على السلامة و كل سنة وانت طيب
قلت لي البلنتيات مالها
Post: #3
Title: Re: الطباخين..
Author: محمد سنى دفع الله
Date: 12-14-2008, 01:04 PM
Parent: #2

والله بوست في السلك
التباخين
عالم من السحر
لكن بالله
ود الصايم
جاب سيرة البلينتات
نفسي قام وروحي انسلت
وقربت ابقى تباخ
اتعشوا براكم
Post: #5
Title: Re: الطباخين..
Author: محمد البشرى الخضر
Date: 12-14-2008, 01:21 PM
Parent: #3

Quote: ود الصايم
جاب سيرة البلينتات
أبويا يا السني ... السني جنني
شنو يا عمك
داليا معاها حق كان كدا
Post: #4
Title: Re: الطباخين..
Author: انعام عبد الحفيظ
Date: 12-14-2008, 01:10 PM
Parent: #1

Quote: ولّى زمن العشا البيكون محجوز بي ترابيز جمعية الحلّة عينك لي حلل البيض وصواني الباسطة وما تقدر تمد ايييدك ..
انتهى زمن مد الصواني للسمحات عشان تعشي صاحباتا مقابل ابتسامة واحتمال ونسة بعد الحفلة قد تمتد لي مواعدة وعلاقة تستمر شهرين لي قدام ..
فات زمن الزحمة والشكلة في مكان العشا وطلعوا عشا الفنانين وعشا اهل العريس ..
انتهى زمن اختلاف الصحانة جارك تجيهو وركة وانت تجيك باسطة واخر ما تجيهو عيشة ...
ويااااااااا حليل الشكلة في مكان العشا وهو مضاء اضاءة باهتة تجدها في كلللللللل بيوت الافراح وكانه متفق عليها ان تكون بهذه الدرجة من الاضاءة ..
ويا حليل لمن تصحى الصباح وتكتشف انو في زول كان داسي ليهو صينية كاااملة بتاعت باسطة ونساها ..
ويا حليل زمن كان اهم زول الزول العندو مفتاح البيبسي المجدع في البراميل..



غايتو يا عمر الفاروق لقيتك مبالغة

عارف الحاجات الفوق دي برغم عشوائيتها وعدم الترتيب الفيها

بس برضو لذيذة وكانت بتدي المناسبات دي طعم مختلف عن هسه

هسه تحس بالحاجات كلها معلبة والناس مصطنعة أي شئ

يديك العافية وكل سنة وانت طيب ومبروك المولود
Post: #6
Title: Re: الطباخين..
Author: محمد عبد الماجد الصايم
Date: 12-14-2008, 01:26 PM
Parent: #1

أووووووووووو

عمر الفاروق
كل سنة وإنت طيب ياخ!

الولد نايم ولا شنو
Post: #7
Title: Re: الطباخين..
Author: baha eassa
Date: 12-14-2008, 01:36 PM
Parent: #6

عمر الفاروق .. كل سنة وانت بخير
سلامة العودة .. ..
Post: #8
Title: Re: الطباخين..
Author: عماد محمود علي
Date: 12-14-2008, 01:36 PM
Parent: #6

عمر الفاروغ .... حمد لله على السلامة ... ومبروووك الوليد ويتربى في عزك وعقبال ما يبقوا ( 4 ) أربعة بلنتيات هيي قصدي أربعة أولاد ....
ياخي ليك وحشة ده ما كان غلب ده ... ياخي ماشايف ود الصائم وود البشرى مقطعنها في حشاهم وحايمين بي جااااي أها يا أخوي قطعها في حشاااك ساااااكت وتعال مارق تب ...

ود البشرى هسع في داعي للسؤال ده :
Quote: قلت لي البلنتيات مالها

الراجل يادوبك بحاول يتناسى وليس ينسى لانها ما بتتنسي مالك عليهو !! عالم جنها أذية بس ...


ســــــــــــــــــــــــلام .
Post: #9
Title: Re: الطباخين..
Author: عبد الدائم سيد أحمد
Date: 12-14-2008, 01:38 PM
Parent: #1


Quote: قال ليهو انا من جبرة

جــبره واســتبرا .....
Post: #12
Title: Re: الطباخين..
Author: Shamael Elnoor
Date: 12-14-2008, 01:58 PM
Parent: #9

الفاروق

والله العظيم اشهد الله انى اشتقت ليكـ

بركة فى عيد الضحية الخلاكـ تظهر

نرجع للتباخين وانا احب ان اخفف الطاء

وللتباخين (التباخين يعني) جاذبية ما ، واصحاب مزاج عالي حيث انهم اول ما يجوا داخلين بيت المناسبة هاكـ ياجدعة يد : اسمعن يانسوان انا ماعايز لى اى مرة هنا خدارنا بنضفوا برانا(شعار لازم من رفعه) حيث ان نضافة الخدار فرمالة النسوان مع التباخين ، وان مالوا للعنصر النسائي تجدهم يحبذون التاشرات وبالكتير بداية العشرينات،،اكتر من كدا لا

نجدهم عادة مبالغين فى النظافة والتمير والترفع من الارض وعادة مايرتدون تلكـ الجلاليب (الرجالة ملحوقة)


ماتنسي قعدة القهوة بعد مايرفعوا الحلل فى النار وتسبق قعدة القهوة دش كارب وعطر مبالغ فيه وحبة بخور كدا للمزاج وتعاليق ولسان طويل فى المعازيم وحساسية شديدة مع النسوان

التباخين عالم جميل


احتمال ارجع
Post: #10
Title: Re: الطباخين..
Author: عمر الفاروق
Date: 12-14-2008, 01:53 PM
Parent: #1

ود البشرى :
Quote: قلت لي البلنتيات مالها

تصدق ما انحرفت عن موضوع البوست يا ود البشرى!!1 اصلو بعيد عنك يوم البلنتيات داك في حارس كده طلع طباخ خااااالص خااالص ..
طباخ من النوع الراجل شدييييييد يعني من طباخين الاعراس ما من طباخين المطاعم ..
واخد بااالك يا حج ابراهيم ؟
Post: #11
Title: Re: الطباخين..
Author: عمر الفاروق
Date: 12-14-2008, 01:56 PM
Parent: #10

السني يا ود دفع الله :
ياخ والله ضعفتك دي فيها حلاة طباخة ..مالك ياخ ..
والساااااعة التقوم تقول ليها النبي فوقك كان ما ناولتيني المفراكة ديك النلايق ليهم ملاح الكسرة ده
ياخ ليك وحشة طن يا سني يا ود دفع الله
Post: #13
Title: Re: الطباخين..
Author: Tabaldina
Date: 12-14-2008, 02:12 PM
Parent: #1

..
.
Quote: ويا حليل لمن تصحى الصباح وتكتشف انو في زول كان داسي ليهو صينية كاااملة بتاعت باسطة ونساها ..
ويا حليل زمن كان اهم زول الزول العندو مفتاح البيبسي المجدع في البراميل..

والله فات يا زمن ..

طبعاً فى سؤال عن الطباخين يدور بالاذهان ولكن .. !!
خليها على الله

________________

مبروكـ العيد والبنية تتربي فى عزك
Post: #14
Title: Re: الطباخين..
Author: عمر الفاروق
Date: 12-14-2008, 02:53 PM
Parent: #1

انعام عبد الحفيظ :
يديك العافية يا ستي..
Quote: هسه تحس بالحاجات كلها معلبة والناس مصطنعة أي شئ

ياخ البيبسي زااااتو بقا معلب زمان الواحد مننا ما كان بيدخل خيمة العرس من الباب الرئيسي كنا بنخش بي تحت الخيمة البتكون ورا الجكس والسبب الرئيسي باقي لي ما كان المشالغة بقدر ما كان سرقة قزازة البيبسي
والله اسة مع التعليب ده احسن لينا نخش بي باب العرس توووووشك ..
عليك الله يا انعام كم مرة خطفتي ليك كم صحن كده والراجل شايل الصينية يوديها جهة الرجال وانتي شايلة هم صاحبتك ام لسان طويل الجات عرس اخوك ؟؟؟
وكم مرة انفعلتي ليك في ود حلة مسكين ما عندو ايييييي ذنب قال يجي يساعدكم وشبكتيهو ختتتتتتت الصينية دي مكانا الصينية دي حقتي انا ..
وكم مرة جدعتي العيشة عشان اتجلبطت ليك بي سلطة الاسود ؟
انتي مسعولة من الخير يا انعام الجكس ما بياكل البيض في الاعراس ليي؟
Post: #15
Title: Re: الطباخين..
Author: خالد عبد الله محمود
Date: 12-14-2008, 02:58 PM
Parent: #1



يا وغد
حمد الله على السلامة و يعلم الله مشتاااقين
و مبروك المولود و يتربي في عزكـ إنشاء الله ..

ياخ الطباخين ديل أظرف ناس في مناسبة العرس
طبعاً نحن طلعنا زمن الطباخين لسه موجودين و من الزمن داك ما حضرت لي عرس في السودان لكن بتخيل إن حيكون مسيخ بدونهم ..

قالو لي بعد الحكاية بقت منظمة الطباخين كلهم بقو حراس مرمي ..
Post: #17
Title: Re: الطباخين..
Author: ياسر عبدالكريم محمد
Date: 12-14-2008, 03:52 PM
Parent: #15

الاخ عمر
إنت كنت بتبارى الاعراس ولا شنو

الطباخ بحرس الحلل
والقون بحرس المرمى
يا ربى الحارس الاتنين دا
يكون الحسين بتاع النكتة داك

لك التحايا ومبروك الولد
Post: #16
Title: Re: الطباخين..
Author: عمر الفاروق
Date: 12-14-2008, 03:51 PM
Parent: #1

ود الصايم :
ولدي ينوم كيف وهو راجي الكيس الأحمر لليوم الأبيض
ياخ حنكك ده طلع ضارب كيف !!السعودية كلها طلعت بتجيب كيس احمر جواهو جلاكسي وجواهر اسة اخوك مفكر جاااااادي ابقا وكيل الماكنتوش في السودان ..
للضمان كده ولدي عايز ليهو نوامات والنوامات دي اخت الضحاكات وكددددددددددددده..واقع لينا الزرقاء عبد العزيز وكده
Post: #18
Title: Re: الطباخين..
Author: عمر الفاروق
Date: 12-14-2008, 03:53 PM
Parent: #16

بهاء:
يديك العافية وشكرا على الترحيب بي سلامة العودة ..
تخريمة :
الشي ترحيبك ده ما فيهو اييي شي إن شاء الله جرسون
Post: #19
Title: Re: الطباخين..
Author: عمر الفاروق
Date: 12-14-2008, 03:58 PM
Parent: #18

يا عمدة :
Quote: ومبروووك الوليد ويتربى في عزك وعقبال ما يبقوا ( 4 ) أربعة

قالوا واحد كان ساكي الولادة ما خلا ليهو دكتور لي مرتو اها واحد من الدكاترة ادا المرا علاج حبوب لي مدة اسبوعين كل يوم تبلع حبة ..المرا شفقانة توووشك بلعت ال14 حبة في يوم واحد ..بعد 9 شهور ودوها الدايات وجع الولادة وكده قامت جابتهم ليك 14 شاااافع ..
راجلا قاعد ممحن برة العنبر والضيوف قاعدين يباركو ليهو فجأة كده قال ليهم يا جماعة عن إذنكم نازل تحت وجاي ..
قالوا ليهو ماشي ويييين ؟؟؟
قال ليهم لالالالا بس اجيب لي هايس واجي عشان المدام دي حاتطلع اسة

قال اربعة قال ..
تحياتي
Post: #21
Title: Re: الطباخين..
Author: عمر الفاروق
Date: 12-14-2008, 04:05 PM
Parent: #19

شمايل النور:
سيبي الهجمي لا اشتقتي لي ولا يحزنون الناس البتشتاق دي كلللللها بتجي تبكك اين الرائع عمر واين الوريف الفاروق وافتقدنا قلمك يا ابو عمير وابحث عن الفاروق عمر الجميل ..
يطرشني ويعمي جيراني كان عملتي واحد من ديل..

Quote: ماتنسي قعدة القهوة بعد مايرفعوا الحلل فى النار وتسبق قعدة القهوة دش كارب وعطر مبالغ فيه وحبة بخور كدا للمزاج وتعاليق ولسان طويل فى المعازيم وحساسية شديدة مع النسوان

في بكا جدنا والناس ملمومة عصرية كده بعد التالتة فجأة يا الطباخ شيل ليك جردل بلاستيك والدق دق دق دق والرسول فوقكم النقدة وفجأة ي يقوم يخت ليك كوع يدو اليمين في راحة يدو الشمال واصبعينو الابهام والسبابة في حنكو ويقول :
الليلة ووووووووووب علي سجمي هو ده ما بكا ...


تخريمة :
اها بعد تبريكات الناس ديل ان شاء الله تكوني اقتنعتي اني متزوج والشافع ده ما قطعتو في كرتلة
Post: #32
Title: Re: الطباخين..
Author: Yassir Tayfour
Date: 12-14-2008, 08:47 PM
Parent: #21

ودالفاروق
كل سنة وإنت طيب
والمولود يتربى في عزك




___
مرة حضرت لي عرس ياعمر، التباخين أولاد شفوت، وأخلاقهم دلاقين، التقول تعلمجيّة، تسمع كلامهم تقول في المنطقة الصناعية، لكن أكيد ماعندهم رخصة، ياخ ديل كان مفروض يكونوا رباطّة، لكن حمكة ربك، جضموا العضّة وجيّهوها..
Post: #20
Title: Re: الطباخين..
Author: Maawya Hussein
Date: 12-14-2008, 04:03 PM
Parent: #1

كل سنه وانت طيب يا عمر والسنه الجايه علي الاماني ان شاء الله
Post: #22
Title: Re: الطباخين..
Author: محمد سنى دفع الله
Date: 12-14-2008, 04:56 PM
Parent: #20

ود البشرى استعملت كلمة ود الصايم
(( با عمك )9
اتنين صورة البروفايل
تالتا جبت سيرة البحر
البيلنتات لمن خليت ود الفاروق اتهمنا بالرجلة والبامية
ما تطلعونا من حكاية البوست
اعتذاري ود البشرى وليك الاحنرام وودالسايم ليك محبتي
اها قلت لي التباخين مالم ؟؟
Post: #24
Title: Re: الطباخين..
Author: haroon diyab
Date: 12-14-2008, 05:03 PM
Parent: #22

الفاروق
بتصدق اكان قلته ليك


اشتقت ليك

Post: #23
Title: Re: الطباخين..
Author: Elsamani A.Malik
Date: 12-14-2008, 04:59 PM
Parent: #20

في عرس ودجيرانا (التباخ) كان في بيتنا اول ماجاء التباخ قريب المغرب كدا اها انا والشباب قلنا نعمل الخيمة للطباخ بعد ان دقينا الخيمة جاء التباخ هو رجل فوق الخمسين يرتدي جلابية نظيييييييييييييييفة وطاقية بيضااااااااااء وحالق الدقن والشنب وجسمه يلمع اكتر من العروس ومن خلفه مساعديه من الشباب بنفس الشاكلة يحملون (عدة الشغل) اها انا طوالي خشيت فيهو شمال قلت ليهو ياحاج الخيمة دي كيف تمام معاكم؟ عمنا فجاءة انكسر لي وبصوت مااااايع قال لي : ياولدي بتشيلنا اسي لكن الكلام الرصً......
Post: #25
Title: Re: الطباخين..
Author: Elsamani A.Malik
Date: 12-14-2008, 05:15 PM
Parent: #23

ولم تمر دقائق وتدخل علي حوش التباخين امرأة في العقد الخامس وتدخل في حاج (.......) بالأحضان وهاك ياسلام وسؤال وعمنا لمن دموعو رقرقوا : هيييييييي يافلانة والله زمن ياحاااحليلك لي!!! وسأل من حوالي عشرين واحدة وصاح لأحد معاونيه بنفس الصوت المكسور : ياولد طلع عدة الجبنة وولع البخور والله جبنة فلانة دي لي منها سنين... صاحبتنا التفتت حيث أقف وقالت لي : والله نحن حاج فلان دا زمان مناسباتنا كلها بنجيبو هو ونسوان العائلة كللللللهن بعرفن كدي اناديهم ليهو وأجي........
Post: #26
Title: Re: الطباخين..
Author: طارق جبريل
Date: 12-14-2008, 05:28 PM
Parent: #1

ود الفاروق كيفنك
والعجب كان سلطة الاسود ادفقت في بنطلونك العايز تقشر بيهو قدام الجكس
Post: #27
Title: Re: الطباخين..
Author: ناهد بشير الطيب
Date: 12-14-2008, 05:45 PM
Parent: #1


ولما تجى ست البيت للتفاهم معاهم يهرشوها
اسمعى شرطنا الوحيد مافى مرة تدخل يدها
ولاتحشر نخرتها فى شغلناده بالله..
وعندنا الهنود هنا بيقولوا برضو لست البيت
لمايكون عايز يشتغل براه مايجيبوا معاه خبير تانى


(نفرات شيف زيادة....... بعدين لحم يجي خراب)


_____________________

بوست دمه خفيف ...شكرا عمر ...
Post: #28
Title: Re: الطباخين..
Author: دينا خالد
Date: 12-14-2008, 07:36 PM
Parent: #27

عمر الفاروق يا مبشتن
غلطانة انا البعزمك تمشى عرس اهلى ,,,




















ـــــــــــــــــــ
والله تكترو انا احكى سبب نزول البوست !!
وعلى وعلى اعدائى ..
Post: #29
Title: Re: الطباخين..
Author: محمد البشرى الخضر
Date: 12-14-2008, 08:08 PM
Parent: #28

Quote: ود البشرى استعملت كلمة ود الصايم
(( با عمك )9
اتنين صورة البروفايل
تالتا جبت سيرة البحر
اها يا ود الصايم ... دا طرفي من البورد

العفو يا سني ياخ إعتذار على إيه


يا أخت ...
Quote: والله تكترو انا احكى سبب نزول البوست !!
وعلى وعلى اعدائى ..
النبي ... الرسول
Post: #30
Title: Re: الطباخين..
Author: ALazhary2
Date: 12-14-2008, 08:13 PM
Parent: #1

.
.

عمر الفاروق كل سنة وإنت طيب ، وين مختفي ياراجل؟ من يوم مانزلت صورتك في المدرسة وعليكم أطنان من التراب والغباشة تاني ماشفناكم

بعدين فعلاً التباخين حقين الأعراس ديل ظاهرة غريبة زيهم وزي مصممي الازياء في أوربا وأمريكا وكمان مصففي شعر النساء في تلك الدول ؟ ليه كلهمأو غالبيتهم المادة (148) أو صفحة 48 زي ماقلت ؟
Post: #31
Title: Re: الطباخين..
Author: عمر الفاروق
Date: 12-14-2008, 08:34 PM
Parent: #1

تبلدينا :
Quote: مبروكـ العيد والبنية تتربي فى عزك

تبلدينا البنية دي مني يا اخوي ؟
والله عايز لي تباخ يجي يقول ليك هيييييييييي يا ولدي عمر جابو ليهو ولد ..اجي عاد يا اخواني
تبلدينا شربوتكم ما كان شربوت نصاح غايتو
Post: #33
Title: Re: الطباخين..
Author: عمر الفاروق
Date: 12-14-2008, 08:51 PM
Parent: #31

خالد يا حبوب:

Quote: ياخ الطباخين ديل أظرف ناس في مناسبة العرس
طبعاً نحن طلعنا زمن الطباخين لسه موجودين و من الزمن داك ما حضرت لي عرس في السودان لكن بتخيل إن حيكون مسيخ بدونهم ..

محمد سليمان في برنامجو المسيخ داك بدون عنوان سال سؤال عن اغنية من زمن الحقيبة اتكتبت سنة 1937 قال عايز يعرف شاعرا منو اها الناس كلهم ما عرفوهو منو في النهاية في عمك كبير كده من القاعدين ورا رفع يدو يجاوب محمد سليمان قال ليهو تعال تعال والله انا خايف تكون كتبتها انت زاااااتك
اها دحين يا اخوي محمد سليمان ده كان لما فيك يقوم يقول ليك والله انا خايفك انت زاااتك تكون كنت تباخ
ياخ والله يا ابو الخلد شوق الشوق ..
Post: #34
Title: Re: الطباخين..
Author: Muna Khugali
Date: 12-14-2008, 08:52 PM
Parent: #31


والله اقرا وانا مبتسمه ابتسامه كبيره لغايو ما ياسين جه ينطط جنبي يعاين..

بوست دمه خفيف خالص..

كل سته وانت طيب..
Post: #35
Title: Re: الطباخين..
Author: عمر الفاروق
Date: 12-15-2008, 07:16 AM
Parent: #1

عبد الدائم:
Quote: جــبره واســتبرا

ترا ترا واللساتك ورا
Post: #36
Title: Re: الطباخين..
Author: Mohammed Ibrahim Othman
Date: 12-15-2008, 12:12 PM
Parent: #1

زمان يا عمر الفاروق كان بيفطو الاطفال في توزيع الصحانة ..
السبب ؟؟؟
Post: #37
Title: Re: الطباخين..
Author: طلحة عبدالله
Date: 12-15-2008, 02:04 PM
Parent: #1

سلامات يا عمر الفاروق
كل عام وانت والجميع بخير يا حبيب ..
بصراحة قريت موضوع البوست دا مرة ومرتين وما قدرت أصل لما يستفاد منه إلا بعد ردك دا :
Quote: يوم البلنتيات داك في حارس كده طلع طباخ خااااالص خااالص ..
طباخ من النوع الراجل شدييييييد يعني من طباخين الاعراس ما من طباخين المطاعم ..
واخد بااالك يا حج ابراهيم ؟
طيب ياخ لافي اللفة دي كلها وطباخ ومحشي وام رقيقة وهب نار لشنو ..؟
ما كان من الأول تقول قاصد القلتو فوق دا ..
عموماحارس مرمي المريخ أكرم الهادي سليم وباعتباره احد الحارسين أبطال يوم البلنتيات قرأ الموضوع واتصل علي وقال ليك لو قاصدني أنا بكلامك دا فشكرا علي الثقة العريضة والدعاية الكبيرة لطبخنا المميز ولو عايز قول عوك بنجيء نطبخ ليك طبخ خاص جدا..