Post: #1
Title: إخبار مفرحة: من نتائج النحت على الصخر ولامجال لليأس!!!
Author: Ishraga Mustafa
Date: 12-12-2008, 02:34 PM
كدى اقعدى فى الواطة دى ولملمى حاجاتك وشوفى ليك بلد تانى..
معقولة الزول ينحت عمرو كلو وكل مايشوف موية يلقاها رهااااااااااااااب
ينتهى عقد العمل فى الجامعة وعلىّ الانتظار حتى بداية العام, طييييب ومالو انا بنت الصبر
تقدمى لوظيفة.. تكونى ضمن اللستة المختارة...
wooooooooooow خبراتك متنوعة ولكن للاسف اعلى من الوظيفة
طيب عينونى بالماجستير انشاء الله بالبكالريوس او الشهادة السودانية
لا مابنفع...
والحل؟!!
وظيفة تانية وكويسة خالص...
لكن العمر المشترط اقلّ من 35 سنة..
اتحاجج ... اصول هم ماحاياخدونى وعليه اقول قولتى وافك البيرق
ونتحاور عن العمر ومفاهيمه..
تلقى وظيفة يشترطوا عليك تكون مؤبد معاهم- اها انا جنى وجن التحكم ده ومازالت المحاورات جارية..
طيب خلاس نصبر نعمل شنو...
آلو...
May I speak to Dr. Hamid?
who is speaking`
UN , we want to interview you for the Postion, what you ve applied for
طيب ومالو...
نعملها
مااول معاينة اللي دخلتها فى 2002 وليوم الليلة مافى رد
وبعدها اتنين تلاتة... الله فى
مافقدت يوما قناعتى بان ثمة خرم تشع فيه رحمة الله- طال الزمن ولا قصر
بنوم وبصحا باليقين ده..
تقوم كدى تتعود على الاخبار المحبطة
وتكون مجهز حبوب الصداع بتاعتك
لكن تبلع منها عشان اخبار مفرحة دى ماحصلت...
نتابع..
-------
روحك تطلع عشان تلقى الدبليو الغاطسة زى مخروقة عامل انهدّ حيله
|
Post: #2
Title: Re: إخبار مفرحة: من نتائج النحت على الصخر ولامجال لليأس!!!
Author: محمد البشرى الخضر
Date: 12-12-2008, 02:40 PM
Parent: #1
قبل ما تتابعي الف مليون مبروك
جدا فرحانين معاك
|
Post: #3
Title: Re: إخبار مفرحة: من نتائج النحت على الصخر ولامجال لليأس!!!
Author: lana mahdi
Date: 12-12-2008, 02:47 PM
Parent: #1
أقوووووووووول وللا أصُم كيبوردي؟؟؟
|
Post: #4
Title: Re: إخبار مفرحة: من نتائج النحت على الصخر ولامجال لليأس!!!
Author: Ishraga Mustafa
Date: 12-12-2008, 02:54 PM
Parent: #1
لاشىء يفرحنى سوى الاعتراف بمجهودنا ومثابرتنا
لاشىء يفرحنى قدر ان يقدر الآخر ماتفعله وان كانت نتائجه تبدو لك غير مرئيه- ده لو قسناها ماديا
منذ انتهى عقد مشروع جامعة الاقتصاد القابل للتجديد- ولنا اياض بيروقراطيتنا ولحين تموت احلام وتصحا أمانى..
ايميل الجامعة اعاوده من حين لآخر لمعرفة الجيد فى اطابير العلم والبيزنس اللى ماعندى ليهو شعر
ايميل جديد لفت انتباهى معنون ب..Frage zu Black Austrians
بروفسيرة سوف تدير جامعة
Austrian Chair in Stanford
University
فى اطار بحثها فى تخصصها قرأت عن بحث الدكتوراه خاصتى وانها سمعت عنى من استاذه عملت معاها فى جامعة UMass Amherst, campus of the University of Massachusetts
وتستأذن لاجل موافقتى لانها سوف تقوم بتدريس نصوصى التى صدرت بالالمانية فى قسم اللغات بجامعة إستاند فورد فى كلفورنيا
تستأذن قال..
يازولة درسى وقرى وقولى عن عالمنا اللى هناك
رحلة النحت على الصخر
والملح والدمع وليالى الصبر
احكى عن {عيونى الفاقده زول}
عن ملكة الدار وعن نبوية
عن ميسون النجومى وليزا
عن تماضر ولنا مهدى
عن بنات ونساء زينة فى روحى وخدار فى دربى
وكمان عن جبريل...
ده ملخص ردى ليها.. ردت انها ستكون فى زيارة الى فيينا الاسبوع القادم وتحب ان تتعرف بى... ياحليلك يا امى حليمة..
فرحت شديد...
ومشيت فتشت فى قوقل عن الجامعتين ديل
العولمة... فى وجهها الايجابى..
طيب وتانى؟
نتابع
|
Post: #5
Title: Re: إخبار مفرحة: من نتائج النحت على الصخر ولامجال لليأس!!!
Author: Ishraga Mustafa
Date: 12-12-2008, 03:05 PM
Parent: #4
اها يا ود البشرى
قبال ما احك رأسى
واقوم اشرب لى موية
لاحظت انو فى ايميل تانى..
الليلة هو شنو قصة الاستئذان الواقعة فينى من الصباح دى؟
Ihre Dissertation / Südwestdeutscher Verlag für Hochschulschriften
طيب كدى النجى راجعة من كلفورنيا
ونمر بالبلد ديك غايتو كان ما اخاف الكضب سمعت اسمها مرة عن تماضر
اها ناس المانيا ديل شن بدورو منى؟
برضو استئذان..
عشان موافقتى على نشر بحث الدكتوراه بتاعى فى كتاب مجانا
اذ ان موضوع الرسالة لفت انتباهمهم وحسهم الاكاديمى كما كتبوا
اتصلت بزول نمساوى صديق له فى امر دور النشر باع
كمان لازم اتاكد
كنت قلت لاصدقائى وصديقاتى النمساويات فى الفعالية الاخيرة انو عام 2009 عام الحصاد كان الله مد فى الاجل..
رسل لى معلومات كافية لاتخذ القرار..والقصة طلع فيها حافز حسب كلامو
يكفينى نشر البحث
يكفينى ذلك تماما..
ايوه موافقه...
كدى اقروهو بالتفصيل وعيدوا وختوا فيهو
مجهود سنوات يوثق ويطلع فى كتاب..
لاّ
الحبوب ووين يا ودالبشرى ياخ..
وتاااااخ حبة صداع...
وصليت ركعتين لله شكرا وحمدا
حمدا بانى مافقدت الامل فى رحمته
وان الصخر يلمع الآن..
ماء رقراقا وعشب حبيب...
|
Post: #6
Title: Re: إخبار مفرحة: من نتائج النحت على الصخر ولامجال لليأس!!!
Author: Ishraga Mustafa
Date: 12-12-2008, 03:06 PM
Parent: #5
| Quote: أقوووووووووول وللا أصُم كيبوردي؟؟؟ |
اكون العروس كمان؟
وجاك الموت ياتاركة الصلاة
|
Post: #7
Title: Re: إخبار مفرحة: من نتائج النحت على الصخر ولامجال لليأس!!!
Author: Ishraga Mustafa
Date: 12-12-2008, 03:18 PM
Parent: #6
http://en.wikipedia.org/wiki/Stanford_University
أن تدرس نصوص كتبتها بدمعى ودمى
عن ميرى
بت مندى
وفاطمة السمحة
عن حلمى الانضر لسودان محب لبناته وابنائه
عن جنوب كرتنا الارضيه
عن بائعى الجرائد والورد
عن عاملات النظافة
وعن شيبانى..
انه صوت بعيد.. ذاده العلم سنا...
ياحليلك يالهام عبدالخالق..طارياك الليلة
|
Post: #8
Title: Re: إخبار مفرحة: من نتائج النحت على الصخر ولامجال لليأس!!!
Author: Ishraga Mustafa
Date: 12-12-2008, 03:28 PM
Parent: #7
وحين الحديث عن المهجر
تطلّ دكتورة إلهام عبدالرازق بوجهها الطفولى الحلو
وحركة اصابعها الرقيقة وهى تدندن.. هنا يا إشراقة اقيفى هنا...
عيديها تانى ياخ..
دى مبااااااالغة..
مبالغة شنو يالهام
دى خربشات غربة ساااااى
وانا ماصدقت وبقيت كل يوم جمعة بايته مع الهام اقرأ ليها وتفرحنى بتشجيعها..
وكان الزمان 93
هنا ياخ.. عيدها تاااانى
لك المحبة والمدى يالهام اينما كنتى
فلك فى البال حديقة يظللها انسانك الجميل
|
Post: #9
Title: Re: إخبار مفرحة: من نتائج النحت على الصخر ولامجال لليأس!!!
Author: محمد سنى دفع الله
Date: 12-12-2008, 03:43 PM
Parent: #8
كل الخبرة
وكل السنين
الفيها اتعتق علمك وفنك
تبقى في العام ده حصاد عمرك
وكل الأماني الطيبة ليك
وتتحقق احلامك ..
طول العمر والسعادة ليك
|
Post: #10
Title: Re: إخبار مفرحة: من نتائج النحت على الصخر ولامجال لليأس!!!
Author: emad altaib
Date: 12-12-2008, 04:49 PM
Parent: #9
ــــ
أصابع الأمل تتشعب , لتمدد بالدروب الشائكة ,أما الفرح يأتي وأقف العينين لا يخبأ تحت الطاولة.
مبروك يتمدد بحجم الأشياء والنوايا .
ــ
كل عام وأنت بخير وفرح ..
تعديل حرف
|
Post: #12
Title: Re: إخبار مفرحة: من نتائج النحت على الصخر ولامجال لليأس!!!
Author: Ishraga Mustafa
Date: 12-13-2008, 11:07 AM
Parent: #9
محمد السنى الصاحب الجميل
عارف فكرة البوست ده اضافة الى حالة فرحة ملكتنى الاّ ان الفكرة الوراها هى حكاياتنا مع اليأس
كيف ممكن نقهرو؟
متين بيقهرنا؟
كيف بيكون رفيق ليل ونهار وخطوات عمر؟
لىّ حكايات غريبة مع اليأس
والاغرب صراعنا مع بعض..
مرات بيهزمنى لحدى ما ارتاح
ومرات بهزمو وبيرقد صريع وسط احلامى المفرهدة
لمن يسيطر علىّ اليأس بكون على شفا حفرة من رمى كل رايات المكتسبات اللى اتسكبتها نتجية كدح ومشوار طويل
ومعايا ناس كتاااار سندونى.. حايجىء يوم واكتب عنهم
فى التكريم اللى عملوه لىّ البنات النبيهات والشباب المليانين حياة وملونى بيها فى قاعة الشارقة
وانا بحكى لحضور جميل عن تجربتى وتجربة قهرى لليأس
حكيت...
فى اللحظة اللى اتملت عيونى بدموع وقفت فى حلق هزيمتى الخاصة
اللى كانت يومها فى اعلى ندواة جرحها
الدمعة الصلده ديك حكت عن رفقة عمر..
عن زول كان حبيبى ورفيق عمر
وافترقنا...{ كل واحد فى طريقه انا ضائع وانت مخدوع بالامانى} وفضلت ادندن أغنية عثمان حسين
طيب كيف من وسط كل جراحاتك الخاصة تحكى عن رحلة كفاح طويلة فيها مافيها من انتصارات وهزائم
حب وجفوة
....
...
.
الدموع هى الاكثر صدقا حين تقف فى حدقات مرافىء العمر وتحكى عن زول كان ماليك لود عينك...
طيب ده الجابو شنو يالسنى ياخ..
جا كدى والسلام..
وبخليهو كدى..
اهو شجعتنى اطلع الكلامم ده..
شكرا يافنان
|
Post: #11
Title: Re: إخبار مفرحة: من نتائج النحت على الصخر ولامجال لليأس!!!
Author: عاطف عمر
Date: 12-12-2008, 10:03 PM
Parent: #1
د. إشراقة
تحايا ومباركات
تستأهلين كل خير
تستأهلين كل جميل
أرجو أن يكون إنه ( الحلو ) العاقب ( الصبر ) كما شدا يوماً صلاح بن البادية
نرجوه حلواً لا مرار بعده
|
Post: #13
Title: Re: إخبار مفرحة: من نتائج النحت على الصخر ولامجال لليأس!!!
Author: عبدالوهاب علي الحاج
Date: 12-13-2008, 05:10 PM
Parent: #1
Quote: فى اللحظة اللى اتملت عيونى بدموع وقفت فى حلق هزيمتى الخاصة
اللى كانت يومها فى اعلى ندواة جرحها
الدمعة الصلده ديك حكت عن رفقة عمر..
عن زول كان حبيبى ورفيق عمر
وافترقنا...{ كل واحد فى طريقه انا ضائع وانت مخدوع بالامانى} |
لك الله يابنت امي
لك الله
!
!
|
|