Post: #1
Title: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Tragie Mustafa
Date: 12-12-2008, 05:41 AM
اي حاجة كتبتها ضد علي عثمان اتحذفت...وضد البشير قاعدة ليه؟؟؟؟
:
|
Post: #2
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Tragie Mustafa
Date: 12-12-2008, 05:42 AM
Parent: #1
اها البوست ده ذاته حيتحذف ايه رايكم؟؟؟؟
اتاري المنبر مشلخ لا وراء!! 
|
Post: #3
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Tragie Mustafa
Date: 12-12-2008, 05:57 AM
Parent: #2
اين اختفى بوستي :
هل باع (علي عثمان) و(صلاح قوش) عمر البشير للمجتمع الدولي؟؟؟
|
Post: #4
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Al-Shaygi
Date: 12-12-2008, 09:36 AM
Parent: #1
صباحك خير يا تراجي
Quote: اي حاجة كتبتها ضد علي عثمان اتحذفت...وضد البشير قاعدة ليه؟؟؟؟
|
شفتي براك جاوبتي وما دام عارفه بتسألي ليه؟؟؟
Quote: اتاري المنبر مشلخ لا وراء!!
|
أهه قولك شنو؟؟
آمنتي بالبركات دي ولا لسه مبارية بركات ولاد جعل مع ناس هجو وناذر!!!
دي بركات عملية مش وهم ساكت....
زمان قلت ليك نشلخك أبيتي ،،، ويا حلاة الشلوخ فيك يا تراجي وكان كمان خليتي تفتك دي وسويتي ليك مشاطاً دقاق والله ما تخلصي...
| Quote: هل باع (علي عثمان) و(صلاح قوش) عمر البشير للمجتمع الدولي؟؟؟ |
تصوري البوست ده لمحته وقبل ما أفتحه لقيته أتلحس
داهية تلمهم الأتنين بي غناينهم
وبركاتنا بتشوفيها في البوست ده مادام دخلت فيه إنشاء الله ما بتلحس وكان أتلحس البلحسه ده إنشاء الله ما ينفعه!!!!
فتك بي عافية ...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #5
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: صلاح الفكي
Date: 12-12-2008, 10:50 AM
Parent: #4
| Quote: زمان قلت ليك نشلخك أبيتي ،،، ويا حلاة الشلوخ فيك يا تراجي وكان كمان خليتي تفتك دي وسويتي ليك مشاطاً دقاق والله ما تخلصي |
|
Post: #11
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: هضيبي علي سعيد
Date: 12-12-2008, 12:34 PM
Parent: #4
| Quote: طيب ليه عشان شايقي دي أفهمها أعجاب ولا كراهية؟؟؟؟ |
والله يا الشايقي حقيقة و ما كسير تلج الشايقية هم خلاصة خلاصة روعة و جمال قبائل السودان وليهم حق الناس يتكسروا فيهم...
|
Post: #6
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: هضيبي علي سعيد
Date: 12-12-2008, 10:55 AM
Parent: #1
| Quote: زمان قلت ليك نشلخك أبيتي ،،، ويا حلاة الشلوخ فيك يا تراجي وكان كمان خليتي تفتك دي وسويتي ليك مشاطاً دقاق والله ما تخلصي |
لو شلختوها شايقية حا يقولوا عليها تراجي بتاعة (صداقة) الشايقية و هي بتفضل تراجي بتاعة صداقة اليهود إذن أحسن تختوليها طاقية صغيرة في مؤخرة الرأس
على هواها...
|
Post: #7
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Al-Shaygi
Date: 12-12-2008, 11:44 AM
Parent: #6
هضيبي سلام
Quote: لو شلختوها شايقية حا يقولوا عليها تراجي بتاعة (صداقة) الشايقية و هي بتفضل تراجي بتاعة صداقة اليهود إذن أحسن تختوليها طاقية صغيرة في مؤخرة الرأس
على هواها...
|
ما بتفرق كتير
أمس دخلت علي بنية على الماسنجر بعد ما أخذت بريدي من ملفي الشخصي كما قالت وأوسعتنا وصفاً وتشبيهاً باليهود!!!!!
يا بت الناس ليه عنواني من دون العالمين المالين البورد ده؟؟
قالت لي عشان شايقي!!!!
طيب ليه عشان شايقي دي أفهمها أعجاب ولا كراهية؟؟؟؟
ما قدرت تدي تفسير واضح ولا قدرت تديني دليل واحد على أقوالها ،،، ثم ذهبت لحال سبيلها وذهبت إلى الفراش ونمت وحلمت بأني لابس طاقية سغنتوته في قعر راسي،،، وقاعد أبكي لي قدام حيطة جالوص!!!!
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #8
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: عبد اللطيف بكري أحمد
Date: 12-12-2008, 12:07 PM
Parent: #1
حسن الشايقي شايفك اليومين ديل قاعد تكسر في التلج لتراجي مصطفى،
وبس حبيت أحذرك، تراجي يومها التنقلب عليك لا بتعرف تلج ولا ايسكريم،،
أحسبها ياشيخ حسن: يعني حتكون أقرب ليها من بقال؟؟
==
بس بيني وبينك كدا : البنية تتحب والله ،، ((بس من بعيد لبعيد))،،
يعني ترسل ليها اس ام اس : بنحبك ياتراجي ، وسلمي على حازم وسند،،
==
عيدكم سعيد ،، إن شاء الله مشكلة دارفور دي تتحل في الدوحة ونشوف الجوانب
الوضيئة في نفوس الناس كلها : شمال وجنوب شرق وغرب،، بس بعدين ما تجو
تبقو لينا زي ناس الحركة: اتحالفو مع الحكومة ، شالو نص القروش ، اتمردو
على التجمع، وعارضو الحكومة زي أول!!! (بس أهم حاجة موت مافي)،،
|
Post: #9
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: عبد اللطيف بكري أحمد
Date: 12-12-2008, 12:09 PM
Parent: #1
انت ياحسن انا موش عازمك غدا تاني يوم العيد؟؟؟
|
Post: #10
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Al-Shaygi
Date: 12-12-2008, 12:27 PM
Parent: #9
Quote: انت ياحسن انا موش عازمك غدا تاني يوم العيد؟؟؟
|
الله.....
جاك الموت يا تارك الصلاة!!!!
تعرف يا ريس أول يوم معزوم في محلين، جيراني غدا وصاحبك صلاح عشاء ومشينا للفواز البعيييييييدة ديك للعشاء والقعدة أحلوت بوجود أخوة لهم باع في التراث والطنابير وهات يا ونسه وحكاوي ولحم ودهون بالكوم أصلوا خروف صلاح سمين خلاص وطبعاً اللازمة مع اللحوم شطة كاربة أكيد صلاح بكون رسل جابه من بومبي قبل التفجيرات،،، المهم مرقنا من عنده الساعة 3 ص وتصور مشوار العودة ،،، وصلنا مع آذان الفجر صليت ونمت وعينك ما تشوف إلا النور ،،، غايتو ما بقول ليك الحصل لكن نجوم الضهر البقولوها ديك شفتها عديل،، وتاني يوم ده ما شفت فيه الشارع ولا حتى بالشباك،،،
المهم عندي غدوة عندك وبجيك ليها وكان داير تديني حقها ناشف ما في مانع...!!!!
وأسف للحصل وكل سنة وأنت طيب وما قلت لي خالد عامل شنو لسه زي أخيه أحمد ولا فارق دربه؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #12
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: ود محجوب
Date: 12-12-2008, 01:09 PM
Parent: #10
Quote: الاستاذ عبد الواحد محمد نور، قائد حركة تحرير السودان لـ"سودانايل": "3-5"
علي عثمان محمد طه هو الشخص الوحيد الذي اجريت معه حوارا جادا ومؤسسا .. ولم يعرض علينا مغريات مادية
|
يكون عبد الواحد احد ايادى على عثمان.
|
Post: #13
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Elbagir Osman
Date: 12-12-2008, 03:46 PM
Parent: #1
لاحظي ظهور الكتاب النائمين
الذين يدعون إلى حلول وسطى للكيزان
وهؤلاء الكتاب هم غالبا أسماء مستعارة لقادة النظام
الباقر موسى
|
Post: #14
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Yassir Tayfour
Date: 12-12-2008, 04:08 PM
Parent: #13
Quote: لاحظي ظهور الكتاب النائمين
الذين يدعون إلى حلول وسط للكيزان
وهؤلاء الكتاب هم غالبا أسماء مستعارة لقادة النظام |
____
BM, use your OHIP, its free, man
|
Post: #15
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Tragie Mustafa
Date: 12-12-2008, 04:39 PM
Parent: #14
الشايقي
يعني طوالي الشرك قبض
Quote: آمنتي بالبركات دي ولا لسه مبارية بركات ولاد جعل مع ناس هجو وناذر!!!
|
ولاد جعل دي ضاقوا بالحيل قلنا النخليهم يتنفسوا شويه.
شيء نقلوا....مراجع وشيئ شغالين اسكانر وتنزيل معلومات عن الانساب وغيرها
وفي النهايه ختمتها لهم بان العباس من اساسه عقيم!!
ويلا كل قرد يطلع شجرته.
اها قلنا الننكش حبايبينا الشايقيه
لقيتكم فعلا ما بتخبتوا اي بوست مشلخ
اتحادينكم على كيزانكم!
اها بانتظار ابو الحسين وبقية الشلة برجع لاحقا لافلفل لك كلامك ده.
كل عام وانت بخير.
لحين عودة.
|
Post: #16
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Abdlaziz Eisa
Date: 12-12-2008, 05:51 PM
Parent: #15
سلام
كل عام وانتم بخير
علي عثمان شايقي.. لكن هل هو وصل هذه المكانة بقبيلته.. أي بصفته القبلية؟ هل هو يمثل الشايقية؟
لا وألف لا.
الشايقية البسطاء الطيبون في تنقسي وكريمة لا شبهون علي.. ولا هو يمثلهم..
نفس هذا الكلام نقوله على حبيب أوكلمبو...
يا الشايقي لا تتحمس بإسم القبيلة..
تحياتي
عبدالعزيز
|
Post: #17
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: ود محجوب
Date: 12-12-2008, 06:27 PM
Parent: #16
Quote: وفي النهايه ختمتها لهم بان العباس من اساسه عقيم!!
|
ام حازم كل سنة وانتى طيبة
دى بس ما سبقكم عليها زول
طيب الدولة العباسية يعنى طلعت اشاعة ((تاريخية))
يعنى ابو العباس السفاح وابو جعفر المنصور وهارون الرشيد ديل احفاد منو؟؟
نورونا نور الله عليكم.
|
Post: #18
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: عبد الغفار عبد الله المهدى
Date: 12-12-2008, 06:38 PM
Parent: #1
كل سنة وانتى بخير
انتى ذاتك اياديك طويله فى البورد
والا ما معنى التشلت التشلتى ده وما فى زول بقولك بقم وفى ناس تانيين عليك امان الله قبل ما يطقو على الحرف التانى تلقى الاول اتمسح
|
Post: #19
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Faisal Al Zubeir
Date: 12-12-2008, 10:03 PM
Parent: #18
| Quote: طيب ليه عشان شايقي دي أفهمها أعجاب ولا كراهية؟؟؟؟ |
الزميل : الشايقي : تحياتي، وعساك من عوادة
اكيد ما تحته خط .
بس مين يقنع صاحبة البوست.
الزميلة تراجي : تحياتي وعيدك مبارك.
|
Post: #20
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Al-Shaygi
Date: 12-13-2008, 07:46 AM
Parent: #1
حيذبونتي!!!
Quote: اها قلنا الننكش حبايبينا الشايقيه
لقيتكم فعلا ما بتخبتوا اي بوست مشلخ
اتحادينكم على كيزانكم!
|
أخخخخخخخخخ
مش كان تقولي كدة من زمان
أنتي كندا دي باللوري كم شهر ؟؟؟؟
يا عبداللطيف بكري جهز اللوري وسويلك كدي زوادة ستة شهور أصلنا زمان باللوري كنا بنصل نيالا في أسبوع باقي لي كندا دير باخد مننا حوووول عديل
كمان شوف ليك أتنين مساعدية زيادة تخصص وحل في التلج أصلو مساعدين زمان تخصص رمال وطين!!!
عييييك جاينك يا تراجي جهزي الضبايح والقراريص ولا تنسي الويكي دي ضرورية جداً....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #21
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: أحمد الشايقي
Date: 12-13-2008, 08:53 AM
Parent: #20
Quote:
زمان قلت ليك نشلخك أبيتي ،،، ويا حلاة الشلوخ فيك يا تراجي وكان كمان خليتي تفتك دي وسويتي ليك مشاطاً دقاق والله ما تخلصي... |
يا حسـن
تراجي دي لو سمحوا لينا , ناس المـك, أحسن تتشلخ مطارق,
شلوخ مطارق راح تكون فيها مية الميـة
أحمد الشايقي
|
Post: #22
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Al-Shaygi
Date: 12-13-2008, 11:38 AM
Parent: #21
مولانا أحمد الشايقي
كل سنة وأنت طيب،، وينك يا راجع عيدت في الدويم ولا شنو؟؟؟
Quote: تراجي دي لو سمحوا لينا , ناس المـك, أحسن تتشلخ مطارق,
شلوخ مطارق راح تكون فيها مية الميـة
|
كدي قول لي رأيك في دي شنو؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #26
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: أحمد الشايقي
Date: 12-13-2008, 02:53 PM
Parent: #22
يا سلام يا حسـن,
ياخي العيد في الرياض (على الناشف كدا) وحتى غداء عبد اللطيف راح علينا,
بمناسبة الصـورة
الزولة دي بالشلوخ حلوة شديد, ماعارف شنو البجذبني ليها ...
ياخي أخر حــلاوة والله
شكرا يا حسن
أحمد الشايقي
|
Post: #27
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: Al-Shaygi
Date: 12-14-2008, 05:07 AM
Parent: #26
مولانا أحمد الشايقي
Quote: الزولة دي بالشلوخ حلوة شديد, ماعارف شنو البجذبني ليها ...
ياخي أخر حــلاوة والله
|
الحكاية شنو ياخ أنا أشلخ وأنت تحب؟؟؟
دا ما عدل بالله راجع مواد قانون الشلوخ المادة 17 وما تعمل لينا لخبته
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #23
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: إيمان صالح
Date: 12-13-2008, 11:48 AM
Parent: #1
اي حاجة كتبتها ضد علي عثمان اتحذفت...وضد البشير قاعدة ليه؟؟؟؟
تراجي
كل سنة وانتي طيبة يا بت امي
يكون اخوه محمد البيحذف
Re: بســم الله والله اكــبر ((( صور )))
|
Post: #24
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: A.Razek Althalib
Date: 12-13-2008, 12:04 PM
Parent: #23
| Quote: قالت لي عشان شايقي!!!! |
كويس الما قالت لك علشان سنجكـ..
القابلة على الأماني..
|
Post: #25
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: أبو الحسين
Date: 12-13-2008, 12:20 PM
Parent: #1
| Quote: اها بانتظار ابو الحسين وبقية الشلة برجع لاحقا لافلفل لك كلامك ده. |
أُم حازم صديقتي اللدودة كل عام وأنتي والأُسرة بألف خير وعافية...
بَثْ لا عند هني... ما عندي زيادي... قصرت معاك؟؟
لك قواسيب مودتي...
أبو الحُسين...
|
Post: #28
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: أحمد الشايقي
Date: 12-14-2008, 08:59 AM
Parent: #1
تعرف يا عـم حسـن,
تراجي دي على المستوى الشخصي زولة الله,
أنا ما عارف المسكها في المواضيع اياها دي شنو ؟
الله يجازي الـ كان السبب
أحمد الشايقي
|
Post: #29
Title: Re: ايادي (علي عثمان )بهذا المنبر واصله اكثر من أيادي( البشير) قولوا لي كيف؟؟؟
Author: khalid abuahmed
Date: 12-14-2008, 09:53 AM
Parent: #1
العزيزة تراجي
كل سنة وانتي وأولادك طيبيين..
انا من زمان عارف الحاجة دي.. متابع ..الآن سيناريو تسليم علي عثمان وإبعاد البشير شغال على قدم وساق..وقبل يومين كنت اتحدث مع أحد الاخوة من الخرطوم عرفت منه ان علي عثمان محمد طه إذا مسك الكرسي سيحل مشاكل السودان كلها واولها دارفور وإذا تمعنتي في الاحداث الاخيرة تجدي ايادي الاستاذ موجودة حتى يحكم القبضة على عمر البشير بواسطة المجتمع الدولي ومن ثم يجهز القضاء على البشير وتقديمه للمحكمة الدولية..سبحان الله
الآن الترتيبات جارية وقد تظهر المسألة في منتصف شهر يناير 2009م.
لكن في قناعاتي الشخصية علي عثمان إذا مسك الحكم بالفعل سيحل مشاكل السودان وأقول هذا الكلام وانا على قناعة تامة..الرجل يعمل بقوة للوصول ومحاولة اقناع العالم كله بانه سيحل مشاكل السودان، وممكن يحلها الرجل له تنظيم قوي جدا.. والرجل منظم ومرتب يعمل بشكل ممنهج منذ صغره.. طالعي تاريخ الحركة (الاسلامية) تجدي الرجل وصل الى هذه المكانة بعمل كبير جدا جداً.
راجعي ما كتبته حول فشل تعيين الترابي لزعيم المعارضة في البرلمان (1986-1989م) وملابساته وقد ادهش الناس عندما تم تعيينه في هذا المنصب الرفيع في وجود فطاحلة مثل ياسين عمر الإمام وعثمان خالد مضوي وقطبي المهدي ...و..و...و...و..و.!!!.
ومن هنا أقول أن الرجل يزحف لشغل كرسي الرئيس بقوة مع تخطيط وعمل مضني،،،،،، للأسف هو الخيار الوحيد الموجود في ظل غياب للمعارضة السياسية والعسكرية، وقد استطاع علي عثمان أن يقنع المجتمع الدولي ويجد قبول من داخل المؤسسة العسكرية ومن كل الزعامات السياسية وفي اعتقادي الشخصي الرجل يمكن ان يعملها ويستقطب الكيانات السياسية جميعها خاصة أبناء دارفور والشيوعيين بالطبع في ظل وجود الحركة الشعبية.. وأعتقد ان الرئيس عمر البشير أضحى لا يلعب أي دور وغير مقبول عالمياً، وان قضية المحكمة الدولية ستبعده عن الساحة نهائياً..هذه هي الحقيقة التي لا مفر منها.
اختي تراجي هذا تحليلي للرجل وللمرحلة المقبلة.
|
|
