Post: #1
Title: احتقان ( لوزتي) التعبير (وغرغرة) الموانع...( تناتيش) وفضفضة..
Author: Kamal Karrar
Date: 12-11-2008, 10:54 PM
Parent: #0
بالله عليكم الله ده عنوان... لكن أهو .. جات كده..
يعني الواحد خواطره وأفكاره (محمبكة) لما عايزة تطرشق..
لكن الموانع كثيرة.. بعضها أصله تربوي.. سواء أكان خجل أجوف..
أو بعضها أمني.. لأنو الواحد خائف يكتب ويهزأ بما يعتقد أنه صاح..
يمشي التوج...ويؤتم أبناءه وهو حي (يرزح) في أغلاله...
وبعض الأسباب موروث اجتماعي فج.. يعني عشان فلان ما يزعل
وفرتكان ما يتحسس.. نسوي شنو مع الموانع دي؟
وبعض الحديث بجيب ليك الشتيمة والسب واللعن.. والقذف كمان
وبصراحة أنا لا بخاف من أسد ولا من سيف .. ولا من بعاتي ولا حتى من الشكولوتة...
لأنو أعتقد أني ممكن أواجه كل ذلك برباطة جأش .. وصلابة منقطعتين النظير..
إلا السب والشتم... ما بقدر أواجههما وما أقدر أجاري السب والشتم... ويدي دائما
أسرع من لساني...وهذه ليست محمدة.. ولكنها حقيقة لست مسرورا بها..
وعشان السياسية عندنا شتيمة وسب ولعن.. تحاشيتها.. مع إني كالآخرين..
عندي ما أدلو به من دلو... ورضيت أن أكون مع القاعدين على أن أحارب
بسيوف تقذف ولا تقطع.. ..وسهام تنخر ولا تنفذ... ورماح طائشة تدوش
ولا تصيب... وعنتريات ما قتلت ذبابة.. ومعارك لم تعد حقا ضائعا... ولم
تسترد مملكة العدل..
تهتك النسيج الاجتماعي واهترى ... واستبانت عوراتنا من تحت الدثار
وما عاد رتق الأسمال يسترنا.. ولا تطييب الخواطر يجبرنا...
ولا انتماؤنا للوطن الواحد يردعنا... أصبحت فسيفساءنا ..هرجلة من الألوان
والأسخام.. واصطخبت ألوانها المشرقة...فغلبت الحمرة القانية على زرقة
اللوحة... وتعكر بهاؤها .. وأنفرط العقد إلى نيف وخمسين مليون حبة..
كل حبة من حبات العقد أمة لحالها..
(سأعود بعد الغرغرة)
|
Post: #2
Title: Re: احتقان ( لوزتي) التعبير (وغرغرة) الموانع...( تناتيش) وفضفضة..
Author: ناهد بشير الطيب
Date: 12-11-2008, 11:53 PM
Parent: #1
| Quote: سأعود بعد الغرغرة) |
الاخ كمال
تحياتنا ....
الغرغرة مابتنفع جبت ليك معاى جردقة ومستكة
وحبة زيت سمسم .....
|
Post: #3
Title: Re: احتقان ( لوزتي) التعبير (وغرغرة) الموانع...( تناتيش) وفضفضة..
Author: طارق جبريل
Date: 12-11-2008, 11:57 PM
Parent: #1
راجنكم
كل سنة وانت طيب ياخ
|
Post: #4
Title: Re: احتقان ( لوزتي) التعبير (وغرغرة) الموانع...( تناتيش) وفضفضة..
Author: Kamal Karrar
Date: 12-11-2008, 11:59 PM
Parent: #1
ياأخوانا الورم زايد الله يستر... ويكفينا شر ال oncologists
مسئولين من الخير... يا جماعة...
كلمة (ينعاد).. الطالعين لينا بيها ناس الإعلام دي دحين مش لبنانية؟؟؟
العيد مبارك عليكم مشت وين؟؟؟
طيب يضحكوا علينا لمن نقول (للعربية) سيارة ليه؟؟
نحن عارفين إنو دي نتيجة الفضاءات المفتوحة... والتلاقح القسري
حيث تسود لغة القوي... وثقافته... يعني (الحقيبة) بقوا يغنوها (بالراب)..
بس تصور بعد شوية واحد يلحن ليك (يا موفورة النفل يالهيبة الكست الحفل)..
راب.. ولا ريقي...
وبدل ما يبشر ... يعمل ليك السبابة والوسطى في هيئة علامة < (أكبر وأصغر من).
ويحركها من عند الحواجب.. نزولا والظهر محني.. والجزمة ال converse star
بدل المركوب الفاشري...
نرجع لموضوع المصطلحات وبرضو نقول استلاب... طيب ما ده استلاب بمحض
إرادتنا
خلاص عشان ما نخش في السياسة
(شوية غرغرة ويمكن أرجع)
|
Post: #5
Title: Re: احتقان ( لوزتي) التعبير (وغرغرة) الموانع...( تناتيش) وفضفضة..
Author: ريهان الريح الشاذلي
Date: 12-12-2008, 08:58 AM
Parent: #4
دي كم حبة في اليوم؟؟
قبل الغرغرة ولا بعدها؟
|
Post: #6
Title: Re: احتقان ( لوزتي) التعبير (وغرغرة) الموانع...( تناتيش) وفضفضة..
Author: بكري اسماعيل
Date: 12-12-2008, 09:28 AM
Parent: #5
كل سنة وإنت طيب ي عمو كمال ..
أول مرة أعرف إنو ناس المزاد بعرفو الشكلوتة !!!
|
Post: #8
Title: Re: احتقان ( لوزتي) التعبير (وغرغرة) الموانع...( تناتيش) وفضفضة..
Author: Kamal Karrar
Date: 12-12-2008, 10:48 AM
Parent: #6
بكري كل سنة وأنت طيب...
حجا مبرورا للأخت أميرة...
يا بكري الشكلوتة دي إختراع بحراوي..
عشان كده معروف في شمبات والمزاد
|
Post: #7
Title: Re: احتقان ( لوزتي) التعبير (وغرغرة) الموانع...( تناتيش) وفضفضة..
Author: Kamal Karrar
Date: 12-12-2008, 10:45 AM
Parent: #5
يا ريهان وأنت الصادقة..
دي غسول....
بس غسول لما تبقى من بثور الثقافة الأصلية
|
Post: #9
Title: Re: احتقان ( لوزتي) التعبير (وغرغرة) الموانع...( تناتيش) وفضفضة..
Author: عبدالوهاب علي الحاج
Date: 12-12-2008, 10:52 AM
Parent: #1
اها
|
Post: #10
Title: Re: احتقان ( لوزتي) التعبير (وغرغرة) الموانع...( تناتيش) وفضفضة..
Author: Kamal Karrar
Date: 12-12-2008, 10:57 AM
Parent: #9
شنو (اها) يا وهبة...
أنتو ما قالوا معزومين ...
العزومة اتكنسلت ولا شنو؟
|
Post: #11
Title: Re: احتقان ( لوزتي) التعبير (وغرغرة) الموانع...( تناتيش) وفضفضة..
Author: Ali Sirelkhatim
Date: 12-12-2008, 02:37 PM
Parent: #10
Quote:
الغرغرة مابتنفع جبت ليك معاى جردقة ومستكة
وحبة زيت سمسم ..... |
يا اخت ناهد جردقة ومستكة وزيت سمسم ما بنفعو .. ود السر كرار ده عايز هواء فرش عايز طراوة من بحرى والله هسه يبقى زى الورد.
العزيز الغالى ودالسر كرار
كل سنة وانت طيب والعيد مبارك عليكم
|
Post: #12
Title: Re: احتقان ( لوزتي) التعبير (وغرغرة) الموانع...( تناتيش) وفضفضة..
Author: طارق ميرغني
Date: 12-13-2008, 09:14 AM
Parent: #1
Quote:
إلا السب والشتم... ما بقدر أواجههما وما أقدر أجاري السب والشتم... ويدي دائما
أسرع من لساني...وهذه ليست محمدة.. ولكنها حقيقة لست مسرورا بها..
|
دي صدقت فيها يا كمال ظهرت جعوليتك.
اما بخصوص الحقيبه بالراب دي زيها زي الفسيخ بالشربات .
تصور امبارح انا شفت واحد بيمدح وشايل ليه باص جيتار وشعرو زي بوب مارلي . انا باعتقد ده فيهو انتهاك للمدائح نفسها ولا اعتقد ان به شيء من التطوير كما
يعتقد البعض زي ما عمل ابو عبيده حسن ادخل جهاز لتكبير الصوت في الطنبور ويفتكر ان ذلك من التطوير بشيء . التطوير في المدائح ممكن حسب اعتقادي ان يكون
في اللغة او تناول اللحن لكن ان يقوم بعزف الآت او كما فعلت بعض المادحات فلا اري فيه تطوير بل تشويه والله اعلم..
|
|