Post: #1
Title: عريس طلب من مرتو طلب غريب ليلة الدخلة !!!
Author: فيصل محمد خليل
Date: 12-10-2008, 08:59 AM
Parent: #0
عريس طلب من مرتو طلب غريب ليلة الدخلة !!!
--------------------------------------------------------------------------------
استاذنا علي فوراوي هو الذي
مدنا بهذه المادة مشكورآ
السلام عليكم ورحمة الله وبركاته
بسم الله الرحمن الرحيم
كيفكم يا أعضاء ورواد منتديات سودانيز ميوزك... إلخ ...
" السؤال موجه لجميع بنات المنتدى "
حتعملي كده لو زوجك طلب منك تعمليها ليلة الدخلة ؟؟
حتسألوا شنو هو الطلب ..
أوريكم الطلب شنو وعايز من قرأ الموضوع يوريني رايو
الطلب إنو قصة واقعية حصلت ..
" شاب موظف وضعو المادي ممتاز ماشاء الله عليهو مشى خطب ليهو بت ناس وتمت الخطوبة والعقد والعرس والحنك الكتيير داك ..
المهم بعد ما خلصت الحفلة والزول ساق عروستو للشقة فجأة موبايلو ضرب !!
العريس رفع السماعه : ألو ( بي تعجب كده وبقول بينو وبين نفسو ده منو المزعج ده :d )
الزول المتصل : وين يافردة ألف ألف مبروك العرس ياخ ..
العريس : ديل إنتو يا وهم مالكم ماجيتو الحفلة ؟؟
المتصل : والله ياحبيبنا الهايز بتاعتنا بنشرت لينا في الطريق وماكان عندنا اسبير ولمن صلحناها ووصلنا الخرطوم قالوا لينا الزول ده ساق مرتو واتفكفك وانحنا هسي راجعين ..
(( طبعا هم جايين من حلة إسمها ود عشيب بعيدة الخرطوم حوالي 400 كيلو ))
..
..
..
..
العريس : ترجعوا بي ليلكم ده كيف اتعشيتو لالا ؟؟
المتصل : لالا والله
العريس : عددكم كم يا أخوي ؟ (( ))
المتصل : 10 (( لاحولاااااااااا هع ))
العريس : وحياة الله علي الطلاق أطلق مرتي هسي قدامكم كان ماجيتو اتعشيتو معاي ..
المتصل : يازول طلاق شنو أمشي شوف شغلك مع مرتك نحن بنتصرف ..
" الحنك مانفع وطلع العريس راسو قوي وأصر عليهم لغايت ماوافقو "
ووصف ليهم الشقة وقال ليهم أنا مستنيكم يلا سلام .
وقفل الخط ..
وقال للعروس دقايق بس ماشي السوق وجاي ..
"وطلع خلاها مننطة عيونا مافاهمه الحاصل وقايلاهو ماشي يجيب أكل جاهز من الكافتيريا "
أها صاحبنا مرق وما اتأخر ربع ساعه بس رجع شايل ليهو أكياس ..
العروس : سجمي ده شنو ؟
العريس : قومي سوي الأكل ده سريع أصحابي ديل قربو يصلو....
أها العروس وقفت مننطة عيونا زيادة عن قبيل وفجأة الباب دقه (( كو .. كو .. كو ))
ومشى ليهم قال ليها يلا يلا ديل هم وصلو قومي سوي سريع ..
ومشى فتح ليهم الباب وألف ألف مبروك ياعريس واتفضلو اتفضلو الجماعه دخلو وجاب ليهم البارد ويتونسو ويضاحكو وبتاع ..
المهم .. بت الناس مسكينة مرزوعه في المطبخ وقدامها " البصل .. واللحمة .. والطماطم والعجور .. الخ )) بفستان الزفاف بتاعها ودموعها سايلات وهي بتقطع قربت تقطع اصابعينها وندمانه وتقول بينها وبين نفسها (( أريتني كان ماعرست الصباح أنا راجعة لأهلي أطلب الطلاق من الراجل السجمان ده أول يوم عمل فيني كده بعد سنة حيعمل شنو )) .. المهم سوت العشا وجا العريس شالو ووداهو ليهم وقالوا ليهو نستأذن بعد ده وحلف عليهم إلا يبيتو لكن ما قدرو (( عندهم ضمير )) ..
المهم بت الناس مسكينة في غرفتها قاعدة تبكي
وبعد شوية !!
العريس دخل عليها وشايل ليهو 50 مليون (( آي 50 مليون )) ..
وجدعن ليها قال ليها شيلي ده حقك ..
قالت ليهو حق شنو سجمي أنا عرست لي راجل مجنون ولا شنو ؟؟
..
..
..
قال ليها ديل انا واصحابي اتشارطنا كل واحد يدفع ( 5 مليون ) لو طبختي لينا في ليلة الدخلة
وطلعتي انتي الكسبانة ..
وانبسطت البنية .. وجا قشا ليها دموعها أمورهم مشت تمام اليوم داك وبقو أسعد عرسان ..
السؤال المخصص بيهو عنوان الموضوع ؟؟
كنتي حتعملي كده لو هو جا ردم ليكي الحاجات وطلب منك تطبخي ولا لع ؟
ولو كنت مان حتعمل في دامتك كده وتطلع صليبا ولا لع ؟؟
...
...
ههههاااااااااااااااي
م ل ط و ش
استاذنا علي فوراوي هو الذي
مدنا بهذه المادة مشكورآhttp://sudmusic.net/showthread.php?t=14978
|
Post: #2
Title: Re: عريس طلب من مرتو طلب غريب ليلة الدخلة !!!
Author: Salahaldeen Nadir
Date: 12-10-2008, 09:10 AM
Parent: #1
أول ما أبطل ضحك بجيك راجع
!
|
Post: #3
Title: Re: عريس طلب من مرتو طلب غريب ليلة الدخلة !!!
Author: haroon diyab
Date: 12-10-2008, 09:10 AM
Parent: #1
فيصلنا ياجميل
عيدك مبارك
وكل عام والانت والاسرة الكريمة بالف خير
| Quote: ولو كنت مان حتعمل في دامتك كده وتطلع صليبا ولا لع ؟؟ |
لع ياعمكـ، حااسمع الكلام ده...!!!!
| Quote: المتصل : يازول طلاق شنو أمشي شوف شغلك مع مرتك نحن بنتصرف .. |
|
Post: #6
Title: Re: عريس طلب من مرتو طلب غريب ليلة الدخلة !!!
Author: Sobajo
Date: 12-10-2008, 09:31 AM
Parent: #3
Quote: قال ليها ديل انا واصحابي اتشارطنا كل واحد يدفع ( 5 مليون ) لو طبختي لينا في ليلة الدخلة
وطلعتي انتي الكسبانة ..
|
ده لو كان ده شراطهم ، حررررم انا زاتي اطبخ و ارقص ليهم القرد كمان ...
|
Post: #4
Title: Re: عريس طلب من مرتو طلب غريب ليلة الدخلة !!!
Author: elfadl abdellatif
Date: 12-10-2008, 09:27 AM
Parent: #1
الاستاذ فيصل
كل عام وانتم بخير
قصة مشوقة ونهاية اكثر تشويقا
طبعا 90% من بنات حواء ما حينتظرو للصباح خاصة بتوع الجندرة .. لانو فعلا طلب شاذ (مش غريب) .. لكن انا ما من حقي ارد عن بنات حواء الموجه لهن السؤال .. بس داير اقول انو الزولة دي كسبت ملايين بسبب ما صنعته .. وحتى البعض ممكن يقول يعني ايه 50 مليون قصاد الاذى النفسي الذي لحق بها .. بس انا عندي سؤال اخر عايز اضيفو لو ما اداها الملايين دي كانت حتتصرف كيف في صباح اليوم التالي?
|
Post: #5
Title: Re: عريس طلب من مرتو طلب غريب ليلة الدخلة !!!
Author: عبدالله كع
Date: 12-10-2008, 09:30 AM
Parent: #1
كل سنه وانت طيب يا خي
بجيك راجع !!
|
Post: #7
Title: Re: عريس طلب من مرتو طلب غريب ليلة الدخلة !!!
Author: ALGARADABI
Date: 12-10-2008, 09:37 AM
Parent: #1
عروس بت ناس
أول حاجة العروس بت ناس
عملت الأكل للضيوف و ماخذلت الراجل الراهن عليهاوطلعت عند حسن الظن(بغض النظر عما تفكر فيه لاحقا)
وراجل لذيذ العيشة حاتكون معاهو ظريفة وغير مملة
وهى جات على ساعة ولا ساعتين؟؟
العمر كلو قدامهم
|
Post: #8
Title: Re: عريس طلب من مرتو طلب غريب ليلة الدخلة !!!
Author: yasir tamtam
Date: 12-10-2008, 10:05 AM
Parent: #1
فيصل يا جميل
كل سنة وانت طيب والله
تموت من الضحك وهناك
جوابين للموضوع:
*أهل العوض ممكن يعملوها
بالحلف لانو بخاف الجماعة
يصبحو الواطة و رويتر والدار
يشتغلو تبقى بى جلاجل ،نظام
عزمنا وما أحترمونا ولاعشونا
ولا اهتمو بينا(دا نسب دا)0
**بنات الزمن دا فى سبيل نظرة
فى فلوسك وفى عيونك
أحتمل كل ما ألاقى
وكيف تكون السعادة دونك
ولكن الا مارحم ربى
وختى الرحمن فى قلوبهم
لك التحية باى نق تربيع00
|
Post: #9
Title: Re: عريس طلب من مرتو طلب غريب ليلة الدخلة !!!
Author: الطيب شيقوق
Date: 12-10-2008, 10:17 AM
Parent: #8
افتكرتها تكون في فترة الاختبار البروبيشنال بيرود ومتوقع مزيد من التحديات يا مسنوح
واتوقعت الطلب يكون انبل من >لك يا مسنوح
|
Post: #10
Title: Re: عريس طلب من مرتو طلب غريب ليلة الدخلة !!!
Author: Al-Shaygi
Date: 12-10-2008, 11:15 AM
Parent: #1
فيصل كل سنة وأنت طيب
قصة أغرب من الخيال..!!!
Quote: قال ليها ديل انا واصحابي اتشارطنا كل واحد يدفع ( 5 مليون ) لو طبختي لينا في ليلة الدخلة
وطلعتي انتي الكسبانة ..
|
بس ناقصة الخاتمة،، حسي العروس دي بعد ما قبضت الخمسين مليون ما ميلت على العريس كدة وأدته قدوم حار وسألته بي دلال:
عليك الله ما تعزم باقي أصحابك الصباح فطور ....
وهادي من حسي قومة على المطبخ وأنت بي سراع أمشي جيب الطلبات الماشيه أكتبها ليك في الورقة دي ،،، وكان قدرت غشيت الزريبة جبت ليك خروف يكون كويس يمكن يجو ناس كتار!!!!!
وجماعتك ديل كمان اضرب ليهم ما يسافروا عشان يفطروا معانا إنشاء الله يدفعوا مليون مليون!!!!
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #11
Title: Re: عريس طلب من مرتو طلب غريب ليلة الدخلة !!!
Author: خالد علي محجوب المنسي
Date: 12-10-2008, 11:49 AM
Parent: #10
فيسلوف
كل سنة وأنت طيب
العريس ماليهو حق في الرهان
والعروس بت لزامة تقيلة
|
Post: #12
Title: Re: عريس طلب من مرتو طلب غريب ليلة الدخلة !!!
Author: خالد علي محجوب المنسي
Date: 12-10-2008, 10:16 PM
Parent: #11
فيصل يا جميل
كل سنة وانت طيب والله
تموت من الضحك وهناك
جوابين للموضوع:
*أهل العوض ممكن يعملوها
بالحلف لانو بخاف الجماعة
يصبحو الواطة و رويتر والدار
يشتغلو تبقى بى جلاجل ،نظام
عزمنا وما أحترمونا ولاعشونا
ولا اهتمو بينا(دا نسب دا)0
**بنات الزمن دا فى سبيل نظرة
فى فلوسك وفى عيونك
أحتمل كل ما ألاقى
وكيف تكون السعادة دونك
ولكن الا مارحم ربى
وختى الرحمن فى قلوبهم
الأخ الفاضل يا سر تمتام
تحية طيبة
براحة علي الراجل
فيسل هليل دا من الناطقين بغيرها
واحدة واحدة عليهو
أقطع ضراعي لو يفهم كلامك دا
دا يدوب في أنا كملت معه الحروف وعرف يكتب ويقرأ
وعلي العلي مغترب من الدار والبلد لي إلف سنة
أنا مشيت المجر في سنة 1989 كان هو تخرج ومتزوج ( افهمها بقى )
تحياتي
|
Post: #13
Title: Re: عريس طلب من مرتو طلب غريب ليلة الدخلة !!!
Author: عاطف عمر
Date: 12-10-2008, 10:37 PM
Parent: #1
هل من ضمانات أنو العريس والعروس ما إتفقوا على الموضوع ؟؟
بمعنى أن العريس قد ( فت ) موضوع الرهان لحرمه الموصون
و( تغاتتوا ) على الخمسين مليون
وإلا
العريس ما ليهوا حق
لكن
زوجته من بيت كرم
|
Post: #14
Title: Re: عريس طلب من مرتو طلب غريب ليلة الدخلة !!!
Author: فيصل محمد خليل
Date: 12-10-2008, 11:34 PM
Parent: #13
الاخوة الصعايدة
صلاح الدين نادر
هارون دياب
سوبايو المسنوح
الفضل عبداللطيف
كع
القرادبي الفقر
ياسر تمتام شكصيآ?
شيقا ليلة الدخلة ما بتفوتا
الشايقي بجيك
ودالمنسي المترجم بتاعي
عاطف عامر
اولآ كل واحد يستاهل رد نصف صفحة
بس كنت شغال من الصباح حتى 8 مساء.
اغايتو انا كنت خسرت الرهان دا
|
Post: #15
Title: Re: عريس طلب من مرتو طلب غريب ليلة الدخلة !!!
Author: Yassir Tayfour
Date: 12-11-2008, 03:44 AM
Parent: #14
يا فيصل كل سنة وإنت طيب!
العروس دي ذكرتني قصة الخضر وموسى -سورة الكهف-
__
إستطاعت معه صبراً و عدّت ليلتها خنق..
|
Post: #16
Title: Re: عريس طلب من مرتو طلب غريب ليلة الدخلة !!!
Author: Tragie Mustafa
Date: 12-11-2008, 05:20 AM
Parent: #15
يا فيصل عيدك مبارك
Quote:
المهم بعد ما خلصت الحفلة والزول ساق عروستو للشقة فجأة موبايلو ضرب !!
|
يازول دي بت غشيمة من خلته يرد على الموبايل انا قنعت منها.
اها يا بنات من حسه اتعلمن موابيل واحد يرد عليه مافي من(الكوشة) تقولي ليه
اديني الموبايل وتعملي فيها قفلتيه طق قدامه.....وتقولي ليه....عايز موابيلاك
ولا عايزني انا الليله طبعا صاحبنا حيقول لك ودي عايزه كلام طبعا انت تقولي طوالي
اقف الموبايل ده من هنا حرام ما بتاعني في يوم دخلتي.
وقدام اهله وبتيودعيهم قلوي لهم بالمناسبه الموبايل حنقفله اسبوع ده اتفاقنا.
يقوا عليك قهورة يقولوا مطليقه ما مهم المهم فيلم زي بتاع اهل العوض ده ما يحصل عليك.
قال مطبخ قال!!
يا فيصل نحن المبطخ طع من اساه عندنا فيه راي كمان يبقي يوم الدخله!!
طير عيشته الراجل البدخل مرته المطبخ يوم الدخلة.وتطير ال 5 مليون و ال 10 مليون ذاتها.
عالم جنها حشوا كرش.
ووصية آخيره يا بنات اياكم و الراجل البطيني ده اتفه نوع من الرجال
لا يعرف ان يتذوق شيئا,وكل الدنيا مبربوطه بالاكل عنده.وسنه كلها اكل
وريحته كلها طبيخ.....اياكم ثم اياكم من البطيني.وما اخطر من
البطيني الا ناس اهل العوض ديل البعزموا من الشارع ويجبوا لك ويقولوا لك اطبخي!!
الكرم ما كده في مليون طريقه للكرم غير ارهاق الزوجة.
|
Post: #17
Title: Re: عريس طلب من مرتو طلب غريب ليلة الدخلة !!!
Author: الطيب شيقوق
Date: 12-11-2008, 07:08 AM
Parent: #16
تراجي
| Quote: يازول دي بت غشيمة من خلته يرد على الموبايل انا قنعت منها. |
اكان فيها عمار وفيها طعم ما كانانصرف منها للموبايل ولا كيف؟
Quote: اها يا بنات من حسه اتعلمن موابيل واحد يرد عليه مافي من(الكوشة) تقولي ليه
اديني الموبايل وتعملي فيها قفلتيه طق قدامه.....وتقولي ليه....عايز موابيلاك
ولا عايزني انا الليله طبعا صاحبنا حيقول لك ودي عايزه كلام طبعا انت تقولي طوالي
اقف الموبايل ده من هنا حرام ما بتاعني في يوم دخلتي. |
بس دى فيها انتهاك للحقوق الاساسية
| Quote: طير عيشته الراجل البدخل مرته المطبخ يوم الدخلة.وتطير ال 5 مليون و ال 10 مليون ذاتها. |
ده الحكي بس ظني اهلي ديل بيكونوا اكلو مع بعض كتيييير قبل يوم الدخلة ولا هيك ؟
Quote: ووصية آخيره يا بنات اياكم و الراجل البطيني ده اتفه نوع من الرجال
لا يعرف ان يتذوق شيئا,وكل الدنيا مبربوطه بالاكل عنده.وسنه كلها اكل
وريحته كلها طبيخ.....اياكم ثم اياكم من البطيني.وما اخطر من
البطيني الا ناس اهل العوض ديل البعزموا من الشارع ويجبوا لك ويقولوا لك اطبخي!!
الكرم ما كده في مليون طريقه للكرم غير ارهاق الزوجة |
.
لا بس البطيني خدام!! يا تراجي وبجيب المال من مافيش
|
Post: #18
Title: Re: عريس طلب من مرتو طلب غريب ليلة الدخلة !!!
Author: Walid Safwat
Date: 12-11-2008, 07:17 AM
Parent: #1
Quote: العريس ما ليهوا حق
لكن
زوجته من بيت كرم |
|
Post: #19
Title: Re: عريس طلب من مرتو طلب غريب ليلة الدخلة !!!
Author: أزهري عبد الرحمن
Date: 12-11-2008, 07:29 AM
Parent: #18
الاستاذ فيصل
كل سنة وانت طيب
فعلا خيال واسع وقصة مشوقة ولكن الأظرف في الموضوع هو يوم بصل وعسل
أزهري
|
Post: #20
Title: Re: عريس طلب من مرتو طلب غريب ليلة الدخلة !!!
Author: محمد سنى دفع الله
Date: 12-11-2008, 07:34 AM
Parent: #18
يا قريبي يا حنين يا طير الجنة
ده ماطلع صليبة
ده طلع ..
طلع زيته وطبخت بيهو ليهم
لكن باقي العمر بطلع ليهو زيتو
وتطبخ ليهو العمر كلو ....
|
Post: #21
Title: Re: عريس طلب من مرتو طلب غريب ليلة الدخلة !!!
Author: ابراهيم بقال سراج
Date: 12-11-2008, 08:50 AM
Parent: #20
ياخي والله ضحكتني جنس ضحك
من عنوان البوست انا قايل طلب منها حاجة تانية ورفضت
|
Post: #22
Title: Re: عريس طلب من مرتو طلب غريب ليلة الدخلة !!!
Author: حسين محي الدين
Date: 12-11-2008, 09:48 AM
Parent: #21
العريس اللذيذ
وعروسه دي ليها الجنة والله
|
Post: #32
Title: Re: عريس طلب من مرتو طلب غريب ليلة الدخلة !!!
Author: عمرو كمال ابراهيم
Date: 12-13-2008, 02:36 AM
Parent: #20
**
ده ماطلع صليبة
ده طلع ..
**
**
ده ماطلع صليبة
ده طلع ..
**
(:
(:
(:
|
Post: #23
Title: Re: عريس طلب من مرتو طلب غريب ليلة الدخلة !!!
Author: ALazhary2
Date: 12-11-2008, 10:01 AM
Parent: #1
.
.
الشايقي ود العم قال :
Quote: بس ناقصة الخاتمة،، حسي العروس دي بعد ما قبضت الخمسين مليون ما ميلت على العريس كدة وأدته قدوم حار وسألته بي دلال:
|
ياخرابي إن شاء الله القدوم تديك ليه شكلوتة في الخلا .
هسع الله يسعلك تخلي الأسماء الجميلة دي (القبلة) و (البوسة) وتقول قدوم ؟
غايتو أهلنا ببشتنو الأسماء بشتنة عجيبة ، وماغريبة الخرابي دا يقول قدوم ما دام الشفايف سموها شلاليف والخدود سموها جضوم .
قال قدوم قال
شكيتكم علي الله.
.
.
عم فيصل الحبيب كل سنة وإنت طيب مرة تانية .
.
.
|
Post: #24
Title: Re: عريس طلب من مرتو طلب غريب ليلة الدخلة !!!
Author: شكرى سليمان ماطوس
Date: 12-11-2008, 10:34 AM
Parent: #1
الأخ/ فيصل محمد خليل،
بعد تحية الإسلام
فى موسم الأعياد و بإختلاف المطالع
كل عام و أنتم بخير و القابلة فى منى،،،
هــاابى كريسمــاس،،
عام ميلادى جديدة مبروك علينا.....
عرسان آخــر زمــن
داك وقت ملايين و مليارات
حليل العرسان البكسرو العناقريب
العرسان = (إسم جنس)
-----
طيرت عوين و حريم المنبر
غير تراجى(الله يديها العافية)
مافى وحدة قالت بغم
السماح عدلنا حاجات كانت متلخبطة و كده
ش
|
Post: #25
Title: Re: عريس طلب من مرتو طلب غريب ليلة الدخلة !!!
Author: elfadl abdellatif
Date: 12-11-2008, 11:57 AM
Parent: #1
| Quote: اقف الموبايل ده من هنا حرام ما بتاعني في يوم دخلتي |
والله الحكاية ما دام فيها 50 مليون خلو الموبايلات شغالة .. على الاقل ناس مسابقات زين وسين يلمو فيهو ويوزنو ليهو الدهب ..
خلو موبايلاتكم شغالة لانها ليلة الحظ ليلة واحدة .. لكن الدخلة دي عندك الايام والليالي راااااااقدة ..
انا معاك انها عملية غير كريمة في ظاهرها ان تدخل المطبخ .. لكن والله عجبتني عملتا وعجبتني المكافأة بتاعتا .. وما في شك انها استفادت درس اكبر من الفلوس وهو من يفعل الخير لا يعدم جوازيه
بس بي طريقتك دي لا حتنالي عنب العريس ولا حتطولي بلح اصحابو
|
Post: #26
Title: Re: عريس طلب من مرتو طلب غريب ليلة الدخلة !!!
Author: jini
Date: 12-11-2008, 12:22 PM
Parent: #1
Quote: قال ليها ديل انا واصحابي اتشارطنا كل واحد يدفع ( 5 مليون ) لو طبختي لينا في ليلة الدخلة
وطلعتي انتي الكسبانة .. |
والجماعة ديل صراف آلى ولا خزنة متحركة كلوواحد شايل خمسة مليون فى جيبو!
ناس ود عشيب ديل الواحد فى عرسو ما بصرف خمسة مليون!
والضامن شنو انو العريس دا ما كلم مرتو بالرهان دا!
انتوا قايلين جنى عندو قنبور!
قال ود عشيب قال اربعمية كيلومتر من الخرطوم دا ود عشيب ولا القضارف!
جنى
|
Post: #27
Title: Re: عريس طلب من مرتو طلب غريب ليلة الدخلة !!!
Author: فيصل محمد خليل
Date: 12-11-2008, 08:38 PM
Parent: #26
ياسر طيفور يا بتاع اهل الكهف
تراجي ياتو فيهم ال5 مليون والا الدخلة?
شيقا يشق حينا......
ازهري انت مع البطلو الا الخاين
بقال الفنتازيا بتاعتك
بتوديك التوج
حسين محي الدين اقلع لستكه و عمل منو نبلة
ابوالزهور زولك عاوز قدوم بيدوهو شاكوش
ماطوس في الليلة ديك كان حيكون موقفك شنو في الامم المتحدة
قريبي سني دفعى الله العريس بيكون دخل الدور الاول و بعد دا رسله
المطبخ
جني هاك القنبور دا
الفضل بوس و فلوس
|
Post: #28
Title: Re: عريس طلب من مرتو طلب غريب ليلة الدخلة !!!
Author: showgi idriss
Date: 12-11-2008, 08:51 PM
Parent: #1
فيس انقا مسكاقنا
كروريق انجا نلا
مش 5 مليون ولا بريعمية مليون ما اطن واحدة تعمل الكلام دا
هن النضم "بيغلبن"
دا اليوم الوحيد "البسكتن" فيهو
بعد داك العمر كلو ينضمن ونحن "لنينق" وبس
حليل الكان "بكتلو" الكدايس
|
Post: #29
Title: Re: عريس طلب من مرتو طلب غريب ليلة الدخلة !!!
Author: ياسر عبدالكريم محمد
Date: 12-13-2008, 01:31 AM
Parent: #28
عشان كدة العروس
دفقت الخمرة
وملت القزازة كلها قدحة
|
Post: #30
Title: Re: عريس طلب من مرتو طلب غريب ليلة الدخلة !!!
Author: عبده عوض
Date: 12-13-2008, 02:22 AM
Parent: #29
كل سنة وأنتم طيبين ..
- والله عجبتني العروس وتخيلت منظرها وهي بتحش في البصل وبتشم في ريحة الخمرة وتبكي بحسرة على حالها .. لكن بصراحة طلعت بت ناس وكريمة ومتربيه صاح ولم تخذل زوجها الذي راهن عليها ( بإفتراض أنه لم يعلمها عن الرهان ) .. وإعجابي بها يكمن في أنها طلعت عروس قوية وأصيلة وداست على كل لحظة حلوة كانت تحلم بها في تلك اللحظة .. وهنيئاً للعريس بهذه المرأة المشرفة.
|
Post: #31
Title: Re: عريس طلب من مرتو طلب غريب ليلة الدخلة !!!
Author: إيمان أحمد
Date: 12-13-2008, 02:31 AM
Parent: #1
.
تمارييييييين
علي الصبر
............. ومن أول يوم كمان   
|
Post: #33
Title: Re: عريس طلب من مرتو طلب غريب ليلة الدخلة !!!
Author: فيصل محمد خليل
Date: 12-14-2008, 10:44 PM
Parent: #31
قريبي شوقي ادريس
ياسر عبدالكريم
عبدة عوض
ايمان
شكرآ على المرور
|
Post: #34
Title: Re: عريس طلب من مرتو طلب غريب ليلة الدخلة !!!
Author: ABUHUSSEIN
Date: 12-14-2008, 11:02 PM
Parent: #33
غايتو يا فيصل يا خوي الناس اللي دخلت البوست دا دخلت و في بالها شئ
لكن لقوا الموضوع مختلف عن الشئ المتوقع
و الراجل دا مرتوا طلعت مسكينة سااااااااكت
تحياتي
|
|