شكرا يا فرجوني , شكرا اولاد البنا

صنعتم يومي امس اول ايام العيد علي تلفزيون السودان



شكرا يا فرجوني ياخي وربنا يذيدكـ عُلا و عِرفة و فن
شكرا يا عاصم و شكرا اللمين

تمساح اتبرا الحجر ورود القيف
يا نمر الفروع في الغابة ماكـ طِريف
يا الضل الضليل الفي هجيرة الصيف
للرايدكـ محَنة و للمعاديكـ سيف
يا شدر الهنا الشايل الثمر عُليف
حق الشكرة صِح , عيسي البتم الكيف

طارق ابوعبيدة

خدر الجميل

كل يوم وانت طيب وسعيد

ياخى إنت شمعة فى هذه العاصفة المسماة المنبر العام..

Quote: شكرا يا فرجوني ياخي وربنا يذيدكـ عُلا و عِرفة و فن شكرا يا عاصم و شكرا اللمين

ده الغنا الصاح
غنا القيم والرجوله

والكريم الذي غنى له الفرجوني
هو عيسى رحمه الله
صاحب المفروشات والموبيليات المشهور
ابناؤه منهم احمدوعيسى وختام
ونخبه رائعه من الابناء والاحفاد
ويسكنون بحري الشعبيه

بلة
ياسيدي الله يجبر بي خاطركـ ياخي و فاقدكـ والله
ماعارف انا الغبت كتير ولا انت المختفي

العمل يستحق فعلا الاحتفاء , تنفيذ جيد وسيناريو تصوير جميل
واداء ممتاز للثلاثي الفنان ( صورة و صوت)
اتحفوني فعلا بي اول يوم عيد جميل مع تجربة جميلة زي دي

شكرا ليكـ يا بلة ياخي

Quote: والكريم الذي غنى له الفرجوني هو عيسى رحمه الله صاحب المفروشات والموبيليات المشهور ابناؤه منهم احمدوعيسى وختام ونخبه رائعه من الابناء والاحفاد ويسكنون بحري الشعبيه

عمر عثمان سلامات ياخي
هل من الممكن نعرف معلومات اكتر عن (عيسي رحمة الله)
و علاقتو شنو بي مديرية نهر النيل او نهر عطبرة
هل هو من هناكـ ؟

الاخ خدر

شكر يا اصيل

فهذا ارث جميل نعتز به جميعا

كل سنه وانت طيب.

شكرا يا كباشي
فعلا العمل جميل جدا
بس ما عندي حولو داتا كاملة



بتمني انو يحضرنا الاخ عاصم البنا بصفتو عضو هنا
و يجي و يكلمنا عن العمل
- هل العمل تراث قديم او من اعمال الفرجوني
- اجواء تسجيل العمل موسيقيا
- تصوير العمل و تنفيذو



مودتي ليكـ و لي عاصم مقدما

فى أرض البطانةالخيركتير عارفنو
ذادوه الكبار بيه الصغار اتهنو
مين ما بعرف البنا وشرب من دنو
الجود والكرم بحلف يمين راضعنو
والفرجونى ذاد ساقينا أروع فنو
فى شعرو الحنين واحساسو نابع منو
دا الخلانى عاشق وغيرى ذاد فى جنو
لأحمد واللمين زيدوناتانى وحنو
لى حاتم وعاصم ومبارك الراجنو
من تمتام سلام، للبنا متقالدنو



الأخ خدر لك الود
ومحبتى لأستاذى الفرجونى

عيدك سعيد و مبارك..

قبل أيام ترك الفرجوني أرض البطانة و أمدرمان ..

وعاد ألى أرض النافاهو و الأباتشي في أريزونا وطنه الثاني..

عاد بعد غياب عنا لثلاث سنوات .. فمرحبا به من بادية البطانة ألى

وادي طائر الفينيق ..

ياسر تمتام
خدر في عينكـ .. اسمي الفي اخر المداخلة الاولي دي فطيتو كيف
الكُبر دخل و عيونكـ طششن
كيفك يا ياسر و كل سنة وانت طيب ياخي
كدي احكي لينا عن الفرجوني و عن المناحة دي
ولا افزع لينا عاصم يجي يونسنا

خليك عافية و سلامي يصل لي ناجي جنا عمنا تاج السر

Quote: شكرا يا فرجوني , شكرا اولاد البنا

وشكرا خدر علي الاختيار الجميل
فقد جملت صباحنا بهذا الغناء الرائع
والاداء الممتع من اولاد البنا
كل عام وانت وهم بالف خير
مودتي
هارون دياب

العزيز خدر
العيد مبارك عليك .
اولاد البنا ديل هم أجمل المجانين فى الدنيا يا خدر .
سلام كتير
للفرجونى .. الفرجونى كان فاكهة المجالس فى نيويورك ..
تحياتى ليك والوليدات يا خدر .

تسلم ياخدر وشكرا على العيدية الرائعة

وكل سنة وانت والاسرة بخير وعافية.

الفرجونى فنان رائع وانسان عالى الاخلاق، ولا انسى أنه تكبد مشاق السفر من امدرمان الى مدنى لاحياء

حفلة زواجى رغم أن الشخص المسئول باحضارهم الى مدنى لم يقم بمسئوليته تلك، وكانت ليلة من احلى

الليالى عطرها الفرجونى واللمين بغنائهم البديع، لهما التحية والتقدير

الكلام دة كان زمااااان 1981 ، انتوا كنتوا شفع ياخدر

تحياتى

و التحايا ليك يا عثمان
و كل سنة انت و وليداتكـ و حبانكـ بخير
شفت الشغل ده جميل كيف


مهيرة

اسه في زول سألكـ من تاريخ عرسكـ
احيييييي منكـ ( معاها عضة اصبع)
تعرفي يا مهيرة
اخر وكت شفت فيهو الفرجوني كان في المانيا في 98 او 99 علي ما اذكر
شرفني بي زيارة لحفل شاركت فيهو بمدينة دورتموند
ما تتخيلي سعادتي كانت كيف .. فعلا زي ما قلتي الفرجوني فنان و انسان

كل سنة وانت و اسرتكـ بخير يا مهيرة

سلامات يا نجيلة
وياريت توصل السلام للفنان ده ياخي
و كل سنه وانت و الفرجوني بخير







هارون يادياب
كل سنة وانت بخير يا فنان
شفت الشباب ديل عملوا شغل جميل كيف
ماشاء الله

الأخ طارق ...
كل عام و أنتم بخير ...
حتى يطل الأخ عاصم أسمح لي أن أشكرك نيابة عن عمنا أحمد الفرجوني و عمنا الأمين و الأخ عاصم ...
قطعت أميمة الفرجوني الشك باليقين بأن الأغنية من كلمات عمنا الفرجوني ... و للفرجوني قصيدة من قبل في رثاءً للفنان بابكر ود السافل و هو ليس بعيداً عن أتبرة ...
ربما كان الفنان ياسر تمتام و الذي هو أحد أولاد البنا بحكم العلاقة القوية و الخاصة التي تجمعه بهم أحق بالحديث عن العمل و ذلك لإحتكاكه بهم ...
عموماً متع الله الجميع بكل جميل ...
و بمواضيعك يا جميل ...
مودتي ...

عزااااااااال يا خضر واضانك يعلم الله نضيفففففففة
والدهشة دي كانت اجمل معايدة في يوم امس وشغل مكرب من البنا اخوان
عصام
واالامين البنا
الفرجوني
واعمال مميزة نتمني ان يكثرو منها وبنفس الاخراج والتنسيق
ونحلم ان يحذو بقية المبدعين مثل هذا الخطاوي الراقية

وعيد سعيد يا خدر
ونورت التلفزيون انت ذااااااتك امس

شكرا ياخدر يديك العافية يا فنان يا جميل

كل سنة وانت والاسرة الكريمة بالف خير


الاغنية كلمات والحان الفرجوني ياخدر دي متأكدة منها

أرجو التوثيق الي أن ياتيك عاصم بالحكاوي....

لك خالص مودة وتقدير....

أميمة الفرجوني

بت العم أميمة ...
سلام و تحية و كل عام و أنتي بخير ...
و سلامي عبرك لجميع الأهل طرفكم ...

أشرف عثمان عبدالله البنا
[email protected]
مع أطيب أمنياتي

يا خدر
اولاد البنا ديل اذا الواحد جاورهم ساكت كان بقى فنان!
الله يديهم العافية انتقاء عجيب للكلمات واصوات بديعة وحضور مهيب
كل سنة وانت واسرتك بالف خير
جنى

تحية لجميع المتداخلين فى هذا البوست الشجى الندى ,

فمجرد ذكر اسم البنا ياتى بالطرب وجميل الحروف -ونسائم المسرة ,

والفرجونى الشاعر , الفنان , الأنسان الشفيف , الفكه , والودود ,

الأمين وعاصم فهما فنانان بمعنى الكلمة , وكأن الله بحكمته قد جعل من اسرة البنا انواعا من الأصوات الشجية التى تتشابه وتختلف , ففيهم البلبل , الكروان , الكواكب الساحرة ,النجوم اللامعة , والقمر الساطع .

أما زهرة بيت البنا واميرة اصوات الحرائر ( نادية ) والتى جمعت بين الكروان والبلبل , والقلب الكبير , وبساطة الصوفى , وحكمة العارف , فقد امتعتنا وعطرت سماوات المدن هنا , فخففت علينا قسوة الغربة والبعد عن الوطن .

وانا نفتقدك يا نادية , ومبروك عقد القران , وبالسعادة والفرح .وستظل مكانتك فى القلوب , وعمودك فى الصحيفة , وتغريدك فى ليالينا , شاغرات الى حين عودتك !

وألف مبروك , ونتمنى لك اقامة هانئة فى رحاب الأهل والزوج والأحباب والوطن .

وتحية وتقدير لكم ال البنا , منبع الفن والطرب .

ست البنات .

الفنان.. أم أقل الشاعر..
أم القناص.. أم الإنسان
الفرجوني..
يكفي أنه هو..

سلامات يا خدر.. وكل عام وأنت
والأسرة الجميلة بألف خير

معزتي
غادة

طارق يا حبيبنا
الله يخضر ضراعك

تحية وتقدير للجميع....

تسلموا كلكم...

وكلوا سنة وانتوا طيبين...


وسوداناطيب...وأصيل دوما..بيكم..

SorryI don't have Arabic in the computer so it's so hard to type

I appreciate,,,and alFargouni and all elbannas',we allapprciate every single word

He's from you and for you>>

It's so crucial in this trasformation period in Sudan history to preserve our heritage and the ethnical cultures of our diverse communities>>

It preserve our being as sudanese and our existance...This applies to all forms of cultures..I and could bring us together,,,if only we could realize this..

I don't want to turn this into a lecture

...

everyone..I love you all...

Stay well and be with God peace..




______________________________

ود العم أشرف أزيك يا غالي وسلامك وصل..

كل سنةوانت والاسرة الكريمة بخير.

لك خالص الاشواق...

I will keep up with you..I got the e-mail,,,Thanks.

تسلم يا خدر ياغالي عيديتك جميلة