بعلم الوصول : المبدع القدال ، وهؤلاء ، وتلك الأيام : صياغة الوجادن مستمرة!!

عند ظهور هذه الأغنية كان كاتب السطور بين إكمال المرحلة الثانوية والانخراط في الجامعة
كان الوقت (إلى هذا الحد أو ذاك) ديمقراطية وحرية وعزة وكرامة
وعلى الرغم من أنه قد كان للثنائي عقد الجلاد ومحمد طه القدال أكثر من محطة ابداعية أخرى مثيرة للإدهاش وباعثة على "الشكر الروحي العميق" إلا أن "أمونة" تظل محفورة في الوجدان ، جزءا من نسيج الذات ، أريجا "خاصا" لما ندعوه حياة



في العيد السعيد كل سنة والقدال بخير وإبداع
نموذج المبدع المهموم بالابداع كفعل وحياة وقضية


في العيد السعيد كل سنة والعقد بخير وإبداع
العقد الفرقة المتجددة والرائعة في تجددها دوما ، قدامى الأعضاء ومحدثيهم
(أكاد أكون)عرفت هؤلاء الخمسة بعضهم أو كلهم
وأيا كانوا ففي العيون والملامح تبدو واضحة (.........)اجة البدايات الضخمة للمشروعات الإبداعية الضخمة ويبدو واضحا كذلك ما نسميه الصدق الفني أو الابداعي
لهذا لم يكن غريبا أن تكون عقد الجلاد وأن تستمر في "مهمة "صياغة وجداننا

ما ضهبت اقول لقيتك وانتى فى كل الخواتم والمياتم
والنجيمات والعواتم
ما حزنت اقول بكيتك ونحن فى حزن المخاليق
والمغنين المطاليق
الفرح جاييك وعد غنوة اولاد التحاريك
السعد ولا البعد ،، البعد ولا السعد
وكنتى فى ليل الخوابى ،، تهاتى بينات الطوابى
تحاكى جقليب السعى
الجنيات خلو حجرك ريح يفوفى
وعين مزرزرة من شقى الفرح المرابى ومنية الوعد الدعى
يا ديارى الوين ....أنى
تور عفين الشين .....أنى
ما اضينة وزين ..... انى
تور عفين الشين انى
وانت فى خوفك تكاتل رفة الطير والحفيف
وانت فى شوفك تكاتل عينة الجلبت خريف
وانت فى اللالوبة مصلبة البنيات النسيمات الهفيف
وانت فى اللالوبة مشنقة الوليدات ناس نجومى ومحبس النفس الرهيف
بطنك كرشت غى البنات نافى ،، دقنك حمست جلدك خرش مافى
وكت الوهم وافيت .. صدق العلم جافى
صدق الوعد نافيت .. مر الصدق وافى
وكنا بنشيل الغباين والاناشيد
جهدية الاورطية
جهدية الحلبونا
شدو جمالم جونا
جلبنا ليهم سمسم
والسمسم ما كفاهم
جلبنالهم سعية
وجينا للبقعة ام قبايل
سيل من الوادى الكبير الكفيف شايل الكسيح
يا عيون ود الضكيرواحدة من توشكى
تقلع
تانى تقلع فى المطامير
يا جبة الدرويش
البابا بسل العيش الله بسلا ،، والبابا خدمة الديش الله بسلا
البابا القول بى شويش الله بسلا
يا عيون ود الضكير عماك فى حقك ديه
لى زمنا مو جهدية جهدية الاورطية
جهدية الحلبونا شدو جمالم جونا
جلبنا ليهم سمسم والسمسم ما كفاهم
جلبنالهم سعية
سنة وأنا أعيش بالقبضة
قلبك شاباي للنبضة
جوني العشا ما لقوني
جهدية ماكلة كتوفي
ويا امونة شن بتشوقى
يا عيونى شن بتشوفي
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
ويا عيونى شن بتشوفى
جهدية وسيف وراية
تبروقة وخيل وشراية
اذان بالجوع اذن لى
ام خوفك فايت خوفى

... هذه محاولة أولى للإمساك بالنص كامل
ربما تحفل بالنقص والتصحيف
نتمنى المساعدة
لا يليق بنا تضييع الوطن

ولا علاماته المضيئة

Quote: وكنا بنشيل الغباين والاناشيد

ولسة بنشيل الغباين والأناشيد

كل سنة وانت طيب يا استاذ فتحي



شكرا للتصحيح



.

وانت بخير يا صديقي العزيز
النص صحيح ولا خطأ فيه..فقط قصدت أننا مازلنا وسنظل (نشيل الغباين والأناشيد)..لك الأمنيات الغاليات..

تسلم يا ابو الفتوح

وحاك انت والسادة المتابعين والمحتفى بهم

عقاب الروح !

اقصد

عقاب الغنّيوة الحلوة شديد دي