Post: #1 Title: الحدد لله بركات الجعليين ظهرت فى حاسوب الحاجة تراجى ام حازم Author: هجو الأقرع Date: 12-08-2008, 00:17 AM
سبحان الله بركات جدنا العباس غطست حجر حاسوب اختنا ام حازم ، لقد هجمت علية المصائب من كل حدب و صوب ، غايتو اجازة اجبارى ،اللهم لا شماتة . عشان تلفى فى الصقيع ده بدلا من مناقرت الناس ، اها برضو دة كمان حق اخونا بريمة .وعقبال حاسوب امونه كمان .
Post: #2 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 00:23 AM Parent: #1
كل عام وإنت بخير يا هجو ..
شفتي يا تراجي الفرق بين (البركات) بتاعتنا و(الهكرات) العملتيها لي حسن مكاوي ؟!!
كل عام وإنتي بخير يا تراجي ..
Post: #3 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: هجو الأقرع Date: 12-08-2008, 00:28 AM Parent: #2
الاخ الكريم ناذر و الاسرة ، اتصلت بك من قليل انا سامعك بس مش عارف الحاصل شنو المهم كل عام وانت بخير.
Post: #4 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 00:35 AM Parent: #3
كل عام وغنت بخير يا هجو ..
ما قايلك دا إنت عشان ما ظهر لي رقم .. وأنا ما سمعت صوتك ..
وصلت تهنئتك .. تسلم كتير يا حبيب ...
Post: #5 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: هجو الأقرع Date: 12-08-2008, 00:42 AM Parent: #4
اخى الكريم ناذر ، حطوط موباتيل ما بتجمع فى العيد ، الان بقول الهاتف بره الخدمة . المهم تحياتى للاسرةالكريمة و الاخوان .
Post: #6 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 00:45 AM Parent: #5
والله ناس موباتيل هم اللي برة الخدمة وما عارفين !!!
تحياتك وصلت ..
تحياتي لاسرتك الكريمة ..
Post: #12 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Tragie Mustafa Date: 12-08-2008, 01:38 AM Parent: #2
يا ناذر هوي انا شريفيه وحات الله اقبل عليك تسيح تصلب مكنه عديل آخير لك.
Quote: كل عام وإنت بخير يا هجو ..
شفتي يا تراجي الفرق بين (البركات) بتاعتنا و(الهكرات) العملتيها لي حسن مكاوي ؟!!
كل عام وإنتي بخير يا تراجي ..
هكرات انا يا هكر زمانك!! وحاتك لو بعرف اهكر كان هكرتك انت زمان وخلصته.
اها التعال نونسك بالله في شركة كرديت ومن اكبر البنوك تعتبر اسمها(CITI) مليت لهم فروم اطلب كرديت بعد هروني بالمراسيل,ردوا لي قالوا لا دعيتهم لك بالله دون خلق الله اول شركة اعلنت انهيارها الاقتصادي تقولي شنو وتقولي منو؟؟؟
يازول ابعد مني احسن لك.....وغلاوة هجو الاقرع طيبه الا كان زعلته كعبه خلاص.
Quote: كل عام وإنتي بخير يا تراجي
اها عشان بركات عمك هجو كل عام وانت بخير ويا زول قصتك شنو؟؟؟ عرسنا لك ما خلصنا ان شاء الله يرزقك عيال غلباوين بس يتخصصوا في وصلات الكمبيوتر يريحونا منك.
Post: #7 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Abdelmuhsin Said Date: 12-08-2008, 00:47 AM Parent: #1
هجو كل سنه وانت طيب.
ناذر كل سنه وانت طيب لحدى الصباح ..............
Post: #13 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: هجو الأقرع Date: 12-08-2008, 03:44 AM Parent: #7
اخى عبد المحسن كل عام و انت بخير ، تحياتنا للاسرة و الجماعة كلهم .
Post: #8 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 00:51 AM Parent: #1
وانت طيب يا عبد المحسن ..
إنت ليه بتظهر في البوستات الليها علاقة مع تراجي معاي في وكت واحد ؟!!
مالك داير تجيب لي الشبهة ياخ
Post: #9 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Al-Shaygi Date: 12-08-2008, 01:03 AM Parent: #1
Quote: الحدد لله بركات الجعليين ظهرت فى حاسوب الحاجة تراجى ام حازم
ٍوالله يا هجو ده بوست جعلي 100% بس ظني أنك أخترت أسم تراجي في العنوان للشهرة. غايتو ما علينا وكل عام وأنت والأسرة الكريمة بخير وتراجي وعيالها بخير وناذر كمان وكيل الـ 3D
ناذر ياخ ما طلبت منك قبل كده طلب وطنشتني!!!!! عشان شايقي يعني؟؟؟
Post: #14 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: هجو الأقرع Date: 12-08-2008, 03:55 AM Parent: #9
الاخ الكريم الشايقى و الاسرة الكريمة ، بداية كل عام وانتم بخير ، و لله البوست ليس كما اوردت الشيء المتاكد منو الى هذه اللحظة كمبيوتر ام حازم بنشر و حتى عجل الحديدانكسر. لكن فى زول رسل ليها لاب توب اكيد من الجيران.اها شوف صاحبك ناذر فوق كاتب لى وغنت بخير بس قاعد لى انا قعدة ..........
Post: #10 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Abdelmuhsin Said Date: 12-08-2008, 01:08 AM Parent: #1
Quote: إنت ليه بتظهر في البوستات الليها علاقة مع تراجي معاي في وكت واحد ؟!!
مالك داير تجيب لي الشبهة ياخ
انا خلاص بقيت قوات صديقه وكده
Post: #11 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Tragie Mustafa Date: 12-08-2008, 01:31 AM Parent: #10
هجو كيفنك؟؟؟ يازول بركات يا تو جعلين الانقاذين؟؟؟!!
وحاتك بعاتي بس لكم
بركات الجعلين المصادمين احيت كمبيوتري في لحظة اها بعد تلفوناك داك وحاتك اتصل جعلي يعيد علي قلت له كمبيوتري بايظ قال حرم ما بتغيبي من حبايبك يوم العيد ولك على بس مسافة الطريق اوصل كمبيوتري لك!!!اها شفته الجعليين الجدجد!!
يمين انت ما عارف الجعلين الهنا وحاتك البرشني بالمويه بروشه بالدم الا ناس المنبر المتسكعين ديل منهم قالوا لي اهدرنا لك دمهم عديل حلال عليك امسحي بيهم الارض.
اها ده كمبيوتر ضكران خلاص من المحميه راس تركيب وصيانة بني جعل فرع الصين.
Post: #15 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: malamih Date: 12-08-2008, 04:15 AM Parent: #11
Quote: اها عشان بركات عمك هجو كل عام وانت بخير ويا زول قصتك شنو؟؟؟ عرسنا لك ما خلصنا ان شاء الله يرزقك عيال غلباوين بس يتخصصوا في وصلات الكمبيوتر يريحونا منك.
لكن يا تراجي دي دعوة زولآ إقولها لي زول يوم وقفة عيد الأضحى!
Post: #16 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: هجو الأقرع Date: 12-08-2008, 04:55 AM Parent: #11
الحمدالله المنقذ برضو جعلى ، يعنى يقدوها و يسدوها ، تلحقونى يا واولاد العباس غصبا عن امونة و ام الحازم .
Post: #17 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Yassir Tayfour Date: 12-08-2008, 05:35 AM Parent: #16
Quote: يمين انت ما عارف الجعلين الهنا وحاتك البرشني بالمويه بروشه بالدم الا ناس المنبر المتسكعين ديل منهم قالوا لي اهدرنا لك دمهم عديل حلال عليك امسحي بيهم الارض
يا تراجي ديل جعليين "مترفكين*" ساكت.. ___ الترفكة: يا تراجي الجعليين المعاكي ديل كان عرفوها، بشيلوا عصيهم وبالليل ده وبجو راكبين الـQW، وكان ما عرفوها، اليجوني علي مهلتم أشلخهم H، عشان يتعرفو جعليين
Post: #18 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 09:20 AM Parent: #1
يا هجو الاقرع ويا الشايقي وعبد المحسن وياسر طيفور ..
أنا قررت إنو ننتهز سانحو بوست اخونا هجو دا وتدخلوا بيني وبين تراجي وكدة ..
إصلو أنا في العيد دا قررت أنهي جميع خصوماتي وكدة ..
هي الدنيا دي فيها شنو ؟!!
وبي دعوة تراجي الحلوة الفوق دي الدعتا لي .. أنا إعتبرتها إشارة منها للصلح وجدع للكورة في ملعبي ..
وأنا قلت اتقدم خطوة .. ونحاول نصفي الخلافات مع السيدة تراجي هنا ونخت أسس للصراع الفكري بي تقاليد جديدة ..
أها ..
رايكم شنو يا شباب ؟!
ورايك شنو يا أم ......
حازم وسند
Post: #19 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ALazhary2 Date: 12-08-2008, 09:26 AM Parent: #18
. .
ناذر والله إنت إنسان رائع بكل ماتعنيه الكلمة ، وكمان أختنا الكريمة أم حازم إنسانة رائعة وبت بلد أصيلة .
وكمان ياناذر ياود العباس ربنا قال الشيطان بدخل بين الإخوة الأبوهم واحد وكمان أبوهم نبي من أنبياء الله زي مافي قصة يوسف وإخوته .
(بعد أن نزغ الشيطان بيني وبين إخوتي)
ربنا ينزع الأحقاد من القلوب ويديم الود والأخوة والمحبة .
تحياتي وتقديري لشخصك الحبيب ولأم حازم الغالية .
وكل عام وأنتم بخير. .
Post: #20 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 09:33 AM Parent: #19
شكرا لكلماتك الطيب أخ أزهري ..
وربنا ينزع الاحقاد ..
Post: #21 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Al-Shaygi Date: 12-08-2008, 10:35 AM Parent: #18
ناذر كل سنة وأنت طيب برضك مطنش!!!!
Quote: رايكم شنو يا شباب ؟!
ورايك شنو يا أم ......
وهي دايره رأي كمان ياخ تراجي دي ما بتتخاصم لكن بتتكاجر وبدون مكاجرته الدنيا زاته ما بتحلى
أنسى الخصام وأصله ما كان فيه لكن المناقرة كان خليتا هي ما بتخليك!!!!
Post: #25 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: على تاج الدين على Date: 12-08-2008, 02:50 PM Parent: #18
Quote:
يا هجو الاقرع ويا الشايقي وعبد المحسن وياسر طيفور ..
أنا قررت إنو ننتهز سانحو بوست اخونا هجو دا وتدخلوا بيني وبين تراجي وكدة ..
إصلو أنا في العيد دا قررت أنهي جميع خصوماتي وكدة ..
هي الدنيا دي فيها شنو ؟!!
وبي دعوة تراجي الحلوة الفوق دي الدعتا لي .. أنا إعتبرتها إشارة منها للصلح وجدع للكورة في ملعبي ..
وأنا قلت اتقدم خطوة .. ونحاول نصفي الخلافات مع السيدة تراجي هنا ونخت أسس للصراع الفكري بي تقاليد جديدة ..
أها ..
رايكم شنو يا شباب ؟!
ورايك شنو يا أم ......
ياود الخليفة سيبك من تراجى ....مؤتمر وطنى غاشة الناس انها معارضة وكل سنة وانت طيب وربنا يحقق الامانى على تاج الدين على
Post: #27 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Tragie Mustafa Date: 12-08-2008, 04:55 PM Parent: #25
يا ناذر خير وكل عام وانت بخير
Quote: يا هجو الاقرع ويا الشايقي وعبد المحسن وياسر طيفور ..
أنا قررت إنو ننتهز سانحو بوست اخونا هجو دا وتدخلوا بيني وبين تراجي وكدة ..
إصلو أنا في العيد دا قررت أنهي جميع خصوماتي وكدة ..
هي الدنيا دي فيها شنو ؟!!
وبي دعوة تراجي الحلوة الفوق دي الدعتا لي .. أنا إعتبرتها إشارة منها للصلح وجدع للكورة في ملعبي ..
وأنا قلت اتقدم خطوة .. ونحاول نصفي الخلافات مع السيدة تراجي هنا ونخت أسس للصراع الفكري بي تقاليد جديدة ..
أها ..
رايكم شنو يا شباب ؟!
ورايك شنو يا أم ......
حازم وسند
ويا ناذر الكان حاصل ده ما خلاف فكري كان قلة ادب الخلاف الفكري و السياسي ياهو زي البيني وبين اخوك الكبير هجو الاقرع هو مؤتمر وطني وانا اعارض سياسيتهم ولكن بيننا الاحترام.
المهم دعوتك مقبولة ولك في محمد حامد جمعة اسوءة حسنه اتعامل معه بكل احترام كانسان وخيارته هو حر فيها.
لك التقدير بس بقال ولدنا زح منه.
شوف هجو ده بالله ده راجل بتتكسر كلمته؟؟؟؟
Quote: الاخ الكريم ناذر ، عليك الله قولى اعمل شنو مع هاتفك و الله مش راضى يجمع ، اخى الكريم ام حازم تقدر منك هذه الخطوة الكريمة و لامانع لديها من بدء صحفة جديدة و حتى هى ترحب بالمناقرت ذى ما قلت ، بعدين ام حازم ما عندها بنت المهم لو جبت ليك بينة و تقدم حازم ، باعتبارى عم البنت انا من هسع موافق .....ناذر صراحة مبادرة كريمة تشبه طيب معدنك ، و قبلتها اختنا ام حازم بكل قلب صافى ..... شكرا لكما و يا هو العشم و المحرية فيكم.
ابشر ابو محمد ان شاء الله دوما متقدم لاجل الخير.
اها شوف جنس المغارز دي؟؟؟؟ناس علي تاج الدين!!
Quote: ياود الخليفة سيبك من تراجى ....مؤتمر وطنىغاشة الناس انها معارضة وكل سنة وانت طيب وربنا يحقق الامانى على تاج الدين على
انا بتك يا عمر ابو طالب ابقى مؤتمر وطني؟؟!!كلام يا عوض دكام
مالي يا عالي تاج الدين غشيمه ولا مجنونه؟؟؟!!
بالله دي خيار يختاره الانسان لنفسه؟؟؟
يا اخوي ابرأ واستبرأ وربنا يشيفي الطيبين من امثال هجو الاقرع من هذا الوباء.
آل ايه آل مؤتمر وطني آل!!!
ياه الحاجات البلدي دي؟؟؟
انت من زمن الناس بتبقى مؤتمر وطني؟؟؟
ده خيار متخلف خالص...خليك على الموضه....وتعال شوف موديلات السودان الجديد.
Post: #22 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 11:32 AM Parent: #1
الشايقي سلام ..
Quote: لكن المناقرة كان خليتا هي ما بتخليك!!!!
ما أغش عليك ..
المناقرة انا ما بخليها .. يا ها طبيعتي كدي ..
لكن أنا بسميها (مغارز) وتكتيكات كتابية ، لا بد منها في البوستات مرة مرة لي أغراض معينة زي الإقتباس الإنت جبتو فوق دا ..
أما الخصام .. فدا يا هو الدايرين نخت ليهو أسس ولوائح ..
Post: #23 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: هجو الأقرع Date: 12-08-2008, 12:53 PM Parent: #22
الاخ الكريم ناذر هذا عهدنا بك ، وام حازم ما بترفض طلب ، خلى الليل يمسى وبتصل فيها ، واعتبر الموضوع تم .
Post: #24 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 01:06 PM Parent: #1
يا هجو ..
Quote: وام حازم ما بترفض طلب ، خلى الليل يمسى وبتصل فيها ، واعتبر الموضوع تم .
يا هجو إنت قايلني داير اطلب يد بتها ولا شنو ؟!
Post: #26 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: هجو الأقرع Date: 12-08-2008, 04:28 PM Parent: #24
الاخ الكريم ناذر ، عليك الله قولى اعمل شنو مع هاتفك و الله مش راضى يجمع ، اخى الكريم ام حازم تقدر منك هذه الخطوة الكريمة و لامانع لديها من بدء صحفة جديدة و حتى هى ترحب بالمناقرت ذى ما قلت ، بعدين ام حازم ما عندها بنت المهم لو جبت ليك بينة و تقدم حازم ، باعتبارى عم البنت انا من هسع موافق .....ناذر صراحة مبادرة كريمة تشبه طيب معدنك ، و قبلتها اختنا ام حازم بكل قلب صافى ..... شكرا لكما و يا هو العشم و المحرية فيكم.
Post: #28 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Hassan Makkawi Date: 12-08-2008, 07:35 PM Parent: #26
Quote: يا ناذر هوي انا شريفيه
يعنى ( ملوخية ) وكمان بايتة
Post: #29 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Hassan Makkawi Date: 12-08-2008, 07:55 PM Parent: #28
Quote: شفتي يا تراجي الفرق بين (البركات) بتاعتنا و(الهكرات) العملتيها لي حسن مكاوي ؟!!
يا ناذر
البركات مرفعة....
و الهكرات موثقة( كل عالمة ليها صبيان )
زمان كان ( بدقوك )
الايام دى بهكروك...وكلو ( دق )
أحترامى أخى هجو الأقرع
Post: #30 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 08:02 PM Parent: #1
تراجي ...
Quote: ويا ناذر الكان حاصل ده ما خلاف فكري كان قلة ادب
أنا عارف إنك قليتي ادبك علي كتير يا تراجي والحمد لله إنك معترفة بي كدة ، وأنا والله بقدر الظروف والحالة النفسية الكنتي بتمري بيها وإنتي بتكتبي البتكتبيهو لي ..
لكن صدقيني مسامحك ولا بلومك .. حتى ولا طالبك إعتذار وحاجات بالشكل دا ..
قصرت معاك ؟!!
Post: #31 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ABUHUSSEIN Date: 12-08-2008, 08:15 PM Parent: #1
الأخ ناذر سلام
Quote: إصلو أنا في العيد دا قررت أنهي جميع خصوماتي وكدة ..
يعنى عايز ليك 500 بوست
هجو و الجميع كل عام و أنتم بخير و ربنا إحقق الأماني
Post: #33 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Hassan Makkawi Date: 12-08-2008, 08:23 PM Parent: #31
Quote: يعنى عايز ليك 500 بوست
أخى ابو حسين
وليومك دة ما عرفت الناشطة من الماشطة وكدة
Post: #32 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 08:20 PM Parent: #1
بعدين موضوع بقال دا
Quote: لك التقدير بس بقال ولدنا زح منه.
الود دا ما صغير .. هو واعي جدا وفاهم هو بيسوي في شنو ..
بس محاولات فرض وصايتك عليو هي البترفع من ضغط دمو ..
والحكاية إنتي عاملاها صراع حول (من سيربح بقال) .. إنتي ولا أنا ؟!! وأنا شبهتها بالفيديو دا :
اللي ظاهر فيهو بقال في دور الغزالة وإنتي في دور الشيتا الساكاهو دي ..!
وطبعا براك شفتي المنتصر الفاز بالغزالة في النهاية وخطفا (كفتك) من قدام الشيتا ..!
فاحسن بقال دا نسيبو في حالو بلا شيتا بلا غزالة بلا بطيخ ...!!
ولا شنو ؟!!
Post: #44 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Tragie Mustafa Date: 12-09-2008, 03:30 PM Parent: #32
بقال ما صغير وفاهم وعلى فكره يشتريك ويبيعك لو عايز
جيبت سيرته لانه الوحيد المخالطك,مفروض ما يخالطك مش وصايه بس لانك خبيث فعلا.
Quote: بعدين موضوع بقال دا
Quote: لك التقدير بس بقال ولدنا زح منه.
الود دا ما صغير .. هو واعي جدا وفاهم هو بيسوي في شنو ..
بس محاولات فرض وصايتك عليو هي البترفع من ضغط دمو ..
والحكاية إنتي عاملاها صراع حول (من سيربح بقال) .. إنتي ولا أنا ؟!! وأنا شبهتها بالفيديو دا :
بقال ماب تربح دي كلماتك الزي وساختك الكتبتها له هنالك.
بقال سيدك على فكره باخلاقه واصله وفصله كمان.
مش انزل فيديوهات وكلها بتدخل في باب خباثتك وحرصك على افساد ما بيني وبين بقال من علاقة
ولكن يسمك..لانه عنصريتك تفضحك.....والحمد لله ربنا وضح لبقال وبالادلة من انت.
Quote: اللي ظاهر فيهو بقال في دور الغزالة وإنتي في دور الشيتا الساكاهو دي ..!
وطبعا براك شفتي المنتصر الفاز بالغزالة في النهاية وخطفا (كفتك) من قدام الشيتا ..!
فاحسن بقال دا نسيبو في حالو بلا شيتا بلا غزالة بلا بطيخ ...!!
ولا شنو ؟!!
آخر ابدعاتك الامنجيه حركات شعبة القبائل كلها...احمد الله ان بقال اخصائي فيها
ويشمها قبلما تنطبخ تبقى بوست.
مبروك عليك عفنك ووسخك وحرصك الا ترى اثنين متفقين.
Post: #34 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: محمد البشرى الخضر Date: 12-08-2008, 08:23 PM Parent: #1
الأخ الكريم هجو كل عام وانت و اسرتك بخير و ربنا يحقق الأماني الأخوان ناذر و تراجي كل عام وانتم بخير و متسامحين جدا اسعدني حديثكم الجميل و طيكم لصفحة الماضي تحياتي
Post: #35 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 08:23 PM Parent: #1
حسن مكاوي وأبو حسين ..
بالله روقوا المنقة شوية وخلونا نركز
Post: #36 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ABUHUSSEIN Date: 12-08-2008, 08:34 PM Parent: #1
Quote: لك التقدير بس بقال ولدنا زح منه
بقال دا و لا فيصل العجب ؟؟؟؟؟؟؟؟؟
Post: #37 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 10:25 PM Parent: #1
!!!!!
Quote: الأخ الكريم هجو كل عام وانت و اسرتك بخير و ربنا يحقق الأماني الأخوان ناذر و تراجي كل عام وانتم بخير و متسامحين جدا اسعدني حديثكم الجميل و طيكم لصفحة الماضي تحياتي
هل إستولى الهكر على باصويرد الاخ محمد البشرى !!!!
Post: #38 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: محمد البشرى الخضر Date: 12-08-2008, 10:28 PM Parent: #37
ليه يا ناذر الكلام ما بشبهني ولا شنو؟؟؟
Post: #39 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-08-2008, 10:35 PM Parent: #38
أصلي أول مرة أشوفك بتكتب بالفصحى ..!!
لكن ردك التاني طمني تب ...!!
Post: #40 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: محمد البشرى الخضر Date: 12-08-2008, 10:44 PM Parent: #39
سمح ...
اها تعال قول نادية هكرتني
Post: #41 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: هجو الأقرع Date: 12-09-2008, 04:30 AM Parent: #40
ود البشرى كل عام وانت و الاسرة بالف خير ، شكرا على الكلمات الطيبة ، اها الواحد كان شغال ليل وكدة ، اها بعد شوية ما شين نضبح ، عليكم الله روقو المنقة .
Post: #42 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: ناذر محمد الخليفة Date: 12-09-2008, 08:35 AM Parent: #41
يا هجو ضبحتو ولا لسع ؟!!!
Post: #43 Title: Re: الحدد لله بركات الجعليين ظهرت فى حاسوب الحاجة تراجى ام حازم Author: Tragie Mustafa Date: 12-09-2008, 03:23 PM Parent: #42
تقصر الملح من الملاح يا ناذر...انت معقولة تقصر...
Quote: تراجي ...
Quote: ويا ناذر الكان حاصل ده ما خلاف فكري كان قلة ادب
أنا عارف إنك قليتي ادبك علي كتير يا تراجي والحمد لله إنك معترفة بي كدة ، وأنا والله بقدر الظروف والحالة النفسية الكنتي بتمري بيها وإنتي بتكتبي البتكتبيهو لي ..
لكن صدقيني مسامحك ولا بلومك .. حتى ولا طالبك إعتذار وحاجات بالشكل دا ..
قصرت معاك ؟!!
ما غريبه عليك ما انقاذي وامنجي تقتلوا القتيل وتمشوا في جنازة
يعني حسه انا الكنت بقل ادبي عليك؟؟؟؟
كويس,وبعدين قلت لي ظروف وحاله نفسيه؟؟؟بالله وبتعرفني سيادتك؟؟؟؟
والاتغير فيها شنو؟؟؟؟عشان تقول عايز تصالح؟؟؟؟؟
يازول انت من زمن عزوبيتك العجيبه وغريبه ولزواجك وياك انت امنجي وبتطقع
وكمان بصفاقة.......وعلى فكرة يموت الزمار وايده بتلعب..شغل الامنجيه العنف ده ما بتخليه اصلا.
زي سارة منصور..ترسل الواسطات وصالحوني وتبته وبعد يومين تسل ضنبها!!
