Post: #1
Title: تطور الخطاب الإعلامي للإنقاذ الوطني من 1989-2007(مشروع ورقة بحثية)
Author: mayada kamal
Date: 12-07-2008, 09:00 PM
الموضوع دا داير في راسي ليه فترة
وحبيت اوسع الفكرة عشان اطورها لمشروع ورقة بحثية
لكن للاسف بحثت في مكتبات كليات الاعلام ومراكز البحوث والدراسات
واصبت باحباط جاااام
لم اعثر في طريقي على مصدر او مرجع يفيد في موضوع البحث
ياترى السبب شنو
هل نحن لم نهتم بها كظاهرة وبالتالي يجب دراستها
ام انها (أي الانقاذ الوطني )ارادت ان تظل قيد ادراج مغلقة...
وغير متاحة لمنتقديها
وهل نحتاج لاذن منها لكي نقيمها كدراسة
غريب انه طوال الــ 20 سنة هي عمر الانقاذ الوطني ...لا توجددراسات وبحوث تناولت خطاب الثورة.. وحاولت تقيمه....
ولا العيب فيني اني لم اصل درجة الكمال في الوصول لكل ما قيل او كتب
ولكني متقينة بان الكمال لله وحده
واني مازلت ابحث
فياترى... هل تناولت دراسات موضوع العنوان اعلاه
ارجو افادتي...
ودمتم بخير
|
Post: #2
Title: Re: تطور الخطاب الإعلامي للإنقاذ الوطني من 1989-2007(مشروع ورقة بحثية)
Author: عمر صديق
Date: 12-07-2008, 10:34 PM
Parent: #1
الاخت ميادة
تحياتي
كل سنة وانتي بخير
موضوع جيد لكن انتي خليتي الدراسات الاستراتيجية والعلوم السياسية حيث موضوع الدكتوراه واتجهتي الي الاعلام ليه
نصيحتي ليك ما تركبي سرجين ولاتمسكي دربين
|
Post: #3
Title: Re: تطور الخطاب الإعلامي للإنقاذ الوطني من 1989-2007(مشروع ورقة بحثية)
Author: زهير عثمان حمد
Date: 12-07-2008, 11:15 PM
Parent: #2
ميادة
لك كل الود الموضوع شيق وتجربة بحثية ممتازة لك أن تبديء من البيان الاول وخطابات قيادة الانقاذفي عامه الاول وتقسمي الفترة الاولي لقسمان مرحلة الشريعية الثورية ومرحلة المرسوم الدستوري رقم14 ودا اللي تم بيهو تقسيم السودان أدريا لستة وعشرين ولاية وخلال كل فترة كل الخطاب الاعلامي يتدهور الي الابشع وكمان أخطر مرحلة فيهو مرحلة تأسيس قوات الدفاع الشعبي وبعدها الصدام داخل الحركة الاسلامية وطرح كل جماعة لرؤية محددة للعمل السياسي ودخول الاخوان العرب المعترك السياسي في السودان وجمهرة كل قبيلة الاسلام السياسي في السودان وبعدها الخلاف ما بين القصر والمنشية وبعد الصراع علي ملف السلام داخل القصر وبعدها معركة الكودار الوسطي بعد الميل أربعين ومن ثم أعادة هيكلة التنظيم لمرحلة السلام والتأكيد علي عروبة السودان وأسلمة كل مناحي الحياة فيه وما بعد توقيع أتفاقية السلام وخطاب السلام السياسي الموضوع والله كبير والمصادر متوفرة من أدبيات هذه الجماعة وكمان الصحف وبعض الكتب التي كتبت بواسطة بعضهم المهم أهم شيء بالله السرد التاريخي واربطي مابين بعض الشخوص وأدوارهم الاعلامية بالتحديد وأتمني لك التوفيق وأن أري الدارسة في القريب العاجل
|
|