Post: #1
Title: نادر سالم إشترى خروف ميت .. (آخر نوادر نادر) ..!!
Author: كمال علي الزين
Date: 12-07-2008, 11:39 AM
(*)
|
Post: #2
Title: Re: نادر سالم إشترى خروف ميت .. (آخر نوادر نادر) ..!!
Author: كمال علي الزين
Date: 12-07-2008, 11:44 AM
Parent: #1
(*)
الخروف عليه (ضمان) لمدة أسبوع ..
هذه المعلومة لم يكن يتسنى لي معرفتها لولا (الكارثة) الذي يسمى (نادر) ..
إشترى (خروف) أمس الأول ووجدوه ميتاً ببيت (عادل سالم) بعد لحظات من وصوله بصحبة (نادر) ..
هل توفي الخروف قبل وصوله ؟
أم أن (نادر) إشتراه ميتاً لتقليل النفقات ؟
هل كان يعلم أن الخروف مصاب بإسهال مزمن ؟
هل كان (نادر) يعلم أن على الخراف (ضمان) لمدة إسبوع ..؟
الأسئلة الأخيرة على طريقة فيصل القاسم ..!!
|
Post: #3
Title: Re: نادر سالم إشترى خروف ميت .. (آخر نوادر نادر) ..!!
Author: كمال علي الزين
Date: 12-07-2008, 11:48 AM
Parent: #2
(*)
يقول (نادر) حسب فلسفته في التعاطي مع الأمر :
أنه ولما وجد (خروفاً ) ميتاً أصر على شراءه لأنو أصلاً حايضبحوهو ..
وطالما ده أصلاً ميت فمافي داعي لإراقة دم جديد وقتل خروف آخر ..!!
|
Post: #4
Title: Re: نادر سالم إشترى خروف ميت .. (آخر نوادر نادر) ..!!
Author: محمد فضل الله المكى
Date: 12-07-2008, 12:05 PM
Parent: #3
الجاتك في خروفك سامحتك !
|
Post: #5
Title: Re: نادر سالم إشترى خروف ميت .. (آخر نوادر نادر) ..!!
Author: محمد فضل الله المكى
Date: 12-07-2008, 12:06 PM
Parent: #4
ويُقام المأتم........................... وين ؟
|
Post: #6
Title: Re: نادر سالم إشترى خروف ميت .. (آخر نوادر نادر) ..!!
Author: محمد فضل الله المكى
Date: 12-07-2008, 12:09 PM
Parent: #5
ياكمال أسأل نادر الكرامة حقت الميت متين ؟
|
Post: #14
Title: Re: نادر سالم إشترى خروف ميت .. (آخر نوادر نادر) ..!!
Author: كمال علي الزين
Date: 12-07-2008, 12:34 PM
Parent: #6
| Quote: ياكمال أسأل نادر الكرامة حقت الميت متين ؟ |
قال حايشتري خروف تاني يضبحوا في كرامة الخروف المرحوم ..
|
Post: #7
Title: Re: نادر سالم إشترى خروف ميت .. (آخر نوادر نادر) ..!!
Author: كمال علي الزين
Date: 12-07-2008, 12:10 PM
Parent: #5
(*)
شكر الله سعيكم ياسعادتك ..
بس التحقيق لسع ما إنتهى لمعرفة ملابسات الحادث وبعدين التصريح بالدفن ..
و(نادر) لسع عندو كلام حول الموضوع ..
محبتي ..
|
Post: #8
Title: Re: نادر سالم إشترى خروف ميت .. (آخر نوادر نادر) ..!!
Author: ناهد بشير الطيب
Date: 12-07-2008, 12:11 PM
Parent: #1
Quote: هل توفي الخروف قبل وصوله ؟
|
لابد من انتظار الخبراء ....
لمعرفة الامر من الصندوق الاسود
___________
كمال كل سنة وانت طيب...
|
Post: #9
Title: Re: نادر سالم إشترى خروف ميت .. (آخر نوادر نادر) ..!!
Author: كمال علي الزين
Date: 12-07-2008, 12:14 PM
Parent: #8
|
Post: #10
Title: Re: نادر سالم إشترى خروف ميت .. (آخر نوادر نادر) ..!!
Author: كمال علي الزين
Date: 12-07-2008, 12:14 PM
Parent: #8
وإنتي طيبة ياناهد ..
الصندوق الأسود في الحكاية دي هو (راس الزول الإسمو نادر) ده ..
منتظرين تصريحاتو حول الأمر ..
طبعاً هو مقتنع بوجهة نظرو ..وحا يدافع عنها ..وبشدة كالعادة
محبتي ..
|
Post: #11
Title: Re: نادر سالم إشترى خروف ميت .. (آخر نوادر نادر) ..!!
Author: ناهد بشير الطيب
Date: 12-07-2008, 12:19 PM
Parent: #1
كمال
Quote: (*)
Quote: الحوجه بالمخذن:-
بيبي اويل
لوشن للاطفال
(زيت) سمسم وطعام
صابون صحي
لبن فورموست
بشاكير
ارز
بكرة احلي
بكل تاكيد
|
بترعوا فى ايتام وين ؟؟,,,,
والله الكوبى بتاعك شايل شيل
___________
عارف
يكون الخروف دخل المخزن ده وضرب ماخلى حاجة :p 
وبكرة احلى بالتاكيد ...لحمة وشيات وعييييك
|
Post: #12
Title: Re: نادر سالم إشترى خروف ميت .. (آخر نوادر نادر) ..!!
Author: كمال علي الزين
Date: 12-07-2008, 12:24 PM
Parent: #11
(*)
لفحتيهو طوالي ياناهد , الكوبي ده مفروض لبوست (أطفال المايقوما)
جا معاي بي جاي بالغلط ..
|
Post: #13
Title: Re: نادر سالم إشترى خروف ميت .. (آخر نوادر نادر) ..!!
Author: كمال علي الزين
Date: 12-07-2008, 12:27 PM
Parent: #12
(*)
يقول (نادر) :
الواحد مالو لو إشترى خروف ميت فيها شنو ..؟
أقلاها بكون مستسلم وهادئ وطائع لا رفيس لا (نبيح) ..!!
ملحوظة :
يعتقد (نادر) أن النباح هو صوت جميع الحيوانات ..
والناس الشكالين ..!!
|
Post: #15
Title: Re: نادر سالم إشترى خروف ميت .. (آخر نوادر نادر) ..!!
Author: ناهد بشير الطيب
Date: 12-07-2008, 12:35 PM
Parent: #13
Quote: لفحتيهو طوالي ياناهد , الكوبي ده مفروض لبوست (أطفال المايقوما)
جا معاي بي جاي بالغلط |
مسحته ياكمال ... وخليت ردى ينعق فيه البوم
هسى البيجى داخل يقول ناهد لافحة الاقتباس ده
من وين بالغت
ياكمال ياخوى...
____________
احسن زاتو ماامسح الاقتباس ...
الواحد فى العيد ده يجب عليه انه
يتذكر الايتام ديل ...لما يكون وسط اولاده
كل سنة وهم طيبين ...
|
Post: #16
Title: Re: نادر سالم إشترى خروف ميت .. (آخر نوادر نادر) ..!!
Author: كمال علي الزين
Date: 12-07-2008, 12:38 PM
Parent: #15
Quote: مسحته ياكمال ... وخليت ردى ينعق فيه البوم
هسى البيجى داخل يقول ناهد لافحة الاقتباس ده
من وين بالغت
ياكمال ياخوى...
|
طبعاً حا يصلبطوها فيك يقولوا طوفشتي ..
Quote: احسن زاتو ماامسح الاقتباس ...
الواحد فى العيد ده يجب عليه انه
يتذكر الايتام ديل ...لما يكون وسط اولاده
كل سنة وهم طيبين ... |
تسلمي يارب ..
ربنا يحفظهم ويجعلهم في بال الناس دائماً ..
محبتي ..
|
Post: #17
Title: Re: نادر سالم إشترى خروف ميت .. (آخر نوادر نادر) ..!!
Author: rani
Date: 12-07-2008, 12:43 PM
Parent: #12
Quote: (*)
يقول (نادر) حسب فلسفته في التعاطي مع الأمر :
أنه ولما وجد (خروفاً ) ميتاً أصر على شراءه لأنو أصلاً حايضبحوهو ..
وطالما ده أصلاً ميت فمافي داعي لإراقة دم جديد وقتل خروف آخر ..!! |
ههههههههههههه الله يجازي محنك يانادر
Quote: (*)
شكر الله سعيكم ياسعادتك ..
بس التحقيق لسع ما إنتهى لمعرفة ملابسات الحادث وبعدين التصريح بالدفن ..
و(نادر) لسع عندو كلام حول الموضوع ..
محبتي .. |
بس ياكمال.. ما يقوم ينسي كمان.. ويقوم يقول ليك خروف شنو هو مات متين والجابو منو..
تبقي زي قصة المصطول.. القاعد مع واحد مصطول .. المهم اثنا ما بيصطلو قام الاول قال لي التاني
بالمناسبة انا امي ماتت امبارح.. صاحبو ما اشتغل بيهو الشغلة.. المهم بعد كم نفس من السجارة.. صاحبك تاني قام قال ليهو.. اسمع انا امي مات امبارح.. التاني قال ليهو.. ماتت تاني..
.
.
بس ما تبقي قصتك مع نادر زي دي..
.
.
ياخ انا الشقي دا مشتاق ليهو عديل كدا.. حاول رسل لي التليفونات بتاعتكم لانو زي ما قلت ليك انا ضيعت موبايلي وفيهو كل الارقام..
سلام بالاحضان لكل الاخوان وبالاخص نادر، عمر سعيد، عادل وكمال سالم.. بلغهم تحياتي عليك الله.
.
.
ودي
راني السماني
|
Post: #18
Title: Re: نادر سالم إشترى خروف ميت .. (آخر نوادر نادر) ..!!
Author: محمد خليل ساني
Date: 12-07-2008, 01:02 PM
Parent: #17
كل سنه وإنت طيب يا كمال
تصدق خايف نادر يكون جاب خروف تاني
وقام ذبحوا اليوم قبل بكره
وبعدين يجي يقول ليك
لا تؤجل عمل اليوم الغد
الحكايه ما فارقه الليله من بكره ما بتفرق
الله يجازي محنك يا نادر
والله يادووووب عرفت بكرى أبوبكر ما عايز يدي الزول ده باسويرد ليه
مع عظيم التقدير والإمتنان.
|
Post: #19
Title: Re: نادر سالم إشترى خروف ميت .. (آخر نوادر نادر) ..!!
Author: كمال سالم
Date: 12-08-2008, 02:07 PM
Parent: #18
(*)
الذي لايصدق .. وغير معقول :
بعد وفاة المرحوم الخروف رقم واحد
تم إستبداله بآخر حسب الضمان ..
الآخر ذاتو أول ماوصل البيت برضو مااات
وتم إستبداله أيضاً بآخر حسب الضمان ..
أها أنقروا الأخير ده كان مصيروا شنو (يعني الخروف التالت) ..؟
|
Post: #20
Title: Re: نادر سالم إشترى خروف ميت .. (آخر نوادر نادر) ..!!
Author: كمال علي الزين
Date: 12-08-2008, 02:11 PM
Parent: #18
(*)
الذي لايصدق .. وغير معقول :
بعد وفاة المرحوم الخروف رقم واحد
تم إستبداله بآخر حسب الضمان ..
الآخر ذاتو أول ماوصل البيت برضو مااات
وتم إستبداله أيضاً بآخر حسب الضمان ..
أها أنقروا الأخير ده كان مصيروا شنو (يعني الخروف التالت) ..؟
|
Post: #21
Title: Re: نادر سالم إشترى خروف ميت .. (آخر نوادر نادر) ..!!
Author: محمد سنى دفع الله
Date: 12-09-2008, 04:41 PM
Parent: #20
قالوا في المثل التالته واقعة
وده رقم تلاته حيكون حصل ليهو شنو؟؟
يا دخل البيت وحسة بالمصيبة وجاهو اسهال غطس قرونوفي الارض
يا البيت ما معقم للخرفان
لكن الأكيدة
انو نادر فات في الشلاقة
احلام وهبي
|
Post: #22
Title: Re: نادر سالم إشترى خروف ميت .. (آخر نوادر نادر) ..!!
Author: شكرى سليمان ماطوس
Date: 12-09-2008, 05:05 PM
Parent: #1
كل عام و أنتم بخير
كمال و مداخليك الكرام
حسب علمى: نادر موجود أعزب (على الأقل بالدوحة)
وهو برفقة عادل سالم فى السكن و كده، لغاية هنا كويس !!!
السؤال: نادر ضــحية شنو العليهوووو ؟؟؟
ياربى يكون (عادل/كمال) كلفوه يشترى ليهم الخروف
يعنى يجس و يفحص و يفاصل فى الثمن و يقاول بتاع البوكس
و يكون شايل القروش و محتفظ بيها إلى أن يتم المهمة بسلام
و يوصل الخروف البيت.... مش دى كتيرة شديد
غايتو لو السيناريو الفوق طلع صاح....!!!!!!! ؟؟؟؟؟؟؟
ش
|
Post: #23
Title: Re: نادر سالم إشترى خروف ميت .. (آخر نوادر نادر) ..!!
Author: شكرى سليمان ماطوس
Date: 12-09-2008, 05:11 PM
Parent: #1
سؤال فى محله(لغاية ما نعرف صحة السيناريو الفوق بتاعنا)
Quote:
أها أنقروا الأخير ده كان مصيروا شنو (يعني الخروف التالت) ..؟
|
الأخير ده يكون: رسلوووه لناس أبوساندرا
و بركات فتح ليه بوست (المصيبة الفى بيتهم)
مش ؟؟؟؟؟
ش
|
Post: #24
Title: Re: نادر سالم إشترى خروف ميت .. (آخر نوادر نادر) ..!!
Author: شكرى سليمان ماطوس
Date: 12-09-2008, 05:20 PM
Parent: #1
غايتو الحمد لله الطلعنا منها بسلام
قبل ما شريكة حياتى (ندلع المرأة شوية) تقرر تسافر السودان لقضاء العيد
و كالعادة إتصلت بآل سالم (د.عمر محمد سعيد كان بقوم بالمهمة و الواحد مطمئن)
حاتم سالم(؟؟؟): مدير حسابات المقصب الآلى - شركة مواشى المسؤولة عن التسويق
سألناه عن البهائم السودانية: قبل ما يرد، بدأ يشكر فى الهجين السودانى /الأسترالى
ضنبو طويل،،، كرعينو غلاض،،، نافش صوفوو،،، رافع نخرته و كده، تعال قبل الوقفة = 500ريال
حى ،، لو داير تضبح ،، تعال الخور زحمتها بتاعة السلخانة خفيفة و كده....
الكلام ما دخل لى فى رأسى و أم العيال(شريكة حياتى) لاوزت من قصة هجين، و كده !!!!!!
ش
|
Post: #25
Title: Re: نادر سالم إشترى خروف ميت .. (آخر نوادر نادر) ..!!
Author: شكرى سليمان ماطوس
Date: 12-09-2008, 05:35 PM
Parent: #1
الموضوع ده بدا يوم سبت من الصباح،، دغش يعنى
و زى ما عارف السبت عطلة فى الدوحة،،،،
و ظل مدور بين الأم (الشريكة يعنى) و أولادها
شىء تحريش، و شىء تحنيس، و بمملوء فى رأس
أخوك راسوو خفيف،،، أقصد خفيف قصاد نقة النسوان و كده
مسكت التلفون و جريت ليك سلك للصديق/هاشم العبادى
( و قدامنا بكم دفعة) مش كده يا كمال سالم؟؟
هاشم ده بقى سيد الشىء ذاتوووو،، بالمناسبة و د عمت آل سالم و عمدتهم فى الدوحة
و مدير شركة مواشى و مؤسسها ( لفترة من الزمن) و البجيب الخرفان و الساس و الراس
أكد لى إنو مواشى ما حتجيب السودانى السنة دى
لكن (ما اصلواا زول سوق) فى واحد جابهم من السعودية الرأس بـ= 1500 ريال
العيال و أمهم فاتحين أذنيينهم يسمعوووا و خشومهم يتمطقواا فى ما سيكون من الشطط و كده
ش
|
Post: #26
Title: Re: نادر سالم إشترى خروف ميت .. (آخر نوادر نادر) ..!!
Author: شكرى سليمان ماطوس
Date: 12-09-2008, 05:36 PM
Parent: #1
حبيبة عمرى،،،
(خوفاً من المشاكل زى الحصـلت)
حسمت أمرها و قررت تسافر تحضر عرس فى السودان (ده كمان فيلم هندى براهو)
أخوكم شال نفسه من قصت الخروف المهجن و أبو 1500 ريال،،،
لكن الضبح كان من نوع آخر و لحاجات تانية غير الخروف....
ما قلتووا لــى نادر إشترى خروف ليه، من أصــلوواا؟؟
ش
|
Post: #27
Title: Re: نادر سالم إشترى خروف ميت .. (آخر نوادر نادر) ..!!
Author: شكرى سليمان ماطوس
Date: 12-09-2008, 05:36 PM
Parent: #1
كنا ماشين كويس فى النقة و الونسة،،،
الهكر الله يقطع أيامه ،، قطع حبل الأفكار
مش صـااااح إنو الخروف الـ 3 رسلوووه لأبوساندرا ؟؟؟
ش
|
Post: #28
Title: Re: نادر سالم إشترى خروف ميت .. (آخر نوادر نادر) ..!!
Author: كمال علي الزين
Date: 12-10-2008, 08:50 AM
Parent: #27
(*)
العزيز / شكريماطوس
كل سنة وإنتا طيب
(نادر) ما عليهو ضحية ده (خروف) عادل ..
أو (خرفان) عادل ..
لأنو الزول ده قتل تلاتة خرفان والرابع لحقوهو بي سكين ..
التفاصيل لاحقاً ..
|
|