تنوير عن أسعار الخرفان هذا العام

قبل قليل قمت بجوله والحمد لله تحصلت على خروف سمين وأمين وله قرنين يكسروا الجبل
الخروف بعد جدال ليس بالطويل إستعطت أن أمتلكه بـ200 جنيه لاغير
من خلال جولتي إتضح أن أسعار الخراف هذا العام تتراوح بين 160 - 250 ألف وأعتقد أن الأسعار مناسبه جداً كما أنه يتضح وجود وفره في الماشيه في السودان لدرجة أن بعض الخبراء صرحوا بأن هذه الكميات الكبيره ستؤثر سلبياً على مراعي البلاد ، أتمنى أن يعي المسؤلون هذا الأمر حتى يتسنى الإستفاده من هذه الثروه الحيوانيه بالصوره الصحيحه .

وكل عام والجميع بألف خير
القابله إن شاءالله كلنا في عرفات

محمد فرح سلام

ازيك وكل سنة وانت طيب

طمأنتنا على الاهل

انا اشتريت خروف سودانى فى مصر (القاهرة) ما يعادل 200 دولار
وخروف ما كبير
ونجد اقبال المصريين على الماشية السودانية.. خراف وجمال..
الخروف السودانى والدولار سيان فى مصر



وان شاء الله السنة الجاية فى عرفة

عبد العظيم

Quote: انا اشتريت خروف سودانى فى مصر (القاهرة) ما يعادل 200 دولار وخروف ما كبير ونجد اقبال المصريين على الماشية السودانية.. خراف وجمال.. الخروف السودانى والدولار سيان فى مصر

أستاذ عبدالعظيم
تحيه طيبه
فعلاً الخروف السوداني مرغوب جداً لأنو خالي من أي محسنات غير طبيعيه وبتغذي على مراعي خاليه من أي كيماويات
نحمد الله الأسعار السنه دي هاديه جداً

إن شاءالله القابله وسط لأهل
وكل عام وإنت بألف خير

محمد فرح

كل عام وانت بخير

دي دخلتي من الزريبة وفعلا الاسعار كما وصفت لكن

نحن في بحري بنركز على البلدي وفيها زيادة بسيطة لا تذكر







_______________________
ادي اخوك تلفون
0912239811

أستاذ عبدالوهاب
مبروك الخروف
والله البلدي زيو مافي


مؤونة عام من الود


إتوقع مني تلفون

ود فرح كل سنة وانت طيب وربنا يجعل الرخاء عامة السودان ... ياريت لو المسؤولين يعوا بتصديرهاوالله نحن هنا في الدوحة الخروف السودان هنا بين 1200 الى 1000 ريال غلا شديد ...

لك خالص شكري

الامين

أخ الأمين
والله الله يعينكم
دي أسعار خرافيه جداً
حالياً يوجد بالسودان وفره كبيره في المواشي وأتمنى من كل قلبي تسهيل إجراءات التصدير حتى تصل موشينا لكل دول الخليج والمنطقه العربيه .
وفرة المواشي قد تضر بالبيئه لأنها ستتغول بكل نأكيد على المراعي الموجوده ويمكن أن تؤثر عليها تأثرياً سلبياً
سبحان الله قبل قليل جو رواعيه بكوركوا الخروف بي 170

مؤونة عام من الود

ياخى رحمة من كريم والحمدلله
انه اهلنا فى السودان يقدروا يضبحوا..




كل سنة وانت طيب ...

Quote: كل سنة وانت طيب ...

شكراً أستاذه ناهد
كل عام وأنت والأمه الإسلاميه وكل من تحبين بخير وعافيه وسعاده

مؤونة عام من الود

كل سنة طيبين ..

الأضحية في ماليزيا ما بين 550 - 700 رنقت ماليزي

علماً بأن الدلار الواحد = 3.60 رنقت ماليزي

يعني السعر بالدولار : مابين 153 دولار - 195 دولار أمريكي

و ده رابط موقع مزرعة الأضاحي

http://gombakagrofarm.blogspot.com/

كل عام وأنتم بخير

=======================================

طبعاً نحن سألنا من الأسعار ساااااكت لكن أضحيتنا في السودان الحبيب..

أستاذ خالد
والله أسعار ماليزيا دي تجيب جلطه عديل كده
كويس إنت بتضحي في السودان

مؤونة عام من الود

Quote: قبل قليل قمت بجوله والحمد لله تحصلت على خروف سمين وأمين وله قرنين يكسروا الجبل الخروف بعد جدال ليس بالطويل إستعطت أن أمتلكه بـ200 جنيه لاغير

عايزين المستندات......صورة إنت جنب الخروف..وإيصال الدفع...يجيك واحد بعد شوية من الجماعة إياهم يقول ليك كذاب......((وجه ضاحك))

كل عام وأنتم جميعآ بخير............................إسماعيل محمد احمد عباس...

شطة بي توم ودكوة وشية جمر خروف سوداني...


وبرضو مصرين علي:" فلنجعل الوحدة جاذبة.."

أجذب من كدي..!

الاخ الكريم
محمد فرح
كل سنة وانت طيب
استعنت بصديق من الذين يعرفون انواع الأضحية
واشتريت بمبلغ 215 جنيه
في بحري

ناس الرياض

الدورار بي كم؟

والسواكني بي كم..

ولا نقبل على العجالي؟؟؟

كل سنة وانتو مضحين مشربتين!!

الأخوان فرح وصحبه كل عام وأنتم بألف خير

معقولة الخروووووووووف في الخرتوم ارخص من الأقاليم.. (المسلمية)

اتصلت على أخوي .. قال لي اشريت بي 325 ألف ج.


---

لكن بعد بوستك دا اتصلت بالعيال في الخرتوم وقلت ليهم الضحية رخيصة



تعديل حرف في المسلمية

كل عام والجميع بخير.
عاجـــــــل

سؤال لأهل الخبرة:
كيف نقدر عمر الخروف؟ أرى البعض يفعل ذلك بالنظر إلى أسنان الخروف.
وأى الأعمار أفضل؟
كذلك أرى البعض يجس ذيل الخروف. أى معلومة يعطينا لها جس ذيل الخروف؟
نفس الشىء أرى البعض يقدر الوزن بمحاولة رفع الخروف.

كيف نعرف بأن الخروف ما منفوخ بموية ملح وأنو دة وزنو الحقيقى؟



سؤال لناس الفقه:
ما حكم أخذ الجزار (الذى يذبح الخروف) لجلد ورأس الخروف كجزء من أجرة الذبح؟

أضحية مقبولة من الجميع بإذن الله.

Quote: أضحية مقبولة من الجميع بإذن الله. .

سلام ام بده

وكل عام وانتم بالف خير

Quote: كيف نقدر عمر الخروف؟ أرى البعض يفعل ذلك بالنظر إلى أسنان الخروف. وأى الأعمار أفضل؟

بالنظر لاسنان الخروف اذا كانت الاسنان صغيرة فهذا خروف عمرو صغير (يعني اسنان لبن، رضاعة) ودائما بيكون بين 6 شهور وسنة وهذا لحمو طري وعضمو كذلك. اما اذا كانت اسنانو كبيرة فهذا خروف عجوز ابعد منو لانو عضمو بيكون كبير ولحمو قوي ويحتاج لوقت كبير في النار حتى يستوى.

Quote: يجس ذيل الخروف

بكلمة يجس دي .. فأنت خبير وخبير لك بااااااااااع
كتير من الناس بتفضل الخروف البخت دهن كتير الممتلي شحم .. طبعا الكلام دا كان زمان قبل ظهور أمراض الشحوم (الكسترول وامثالو) .. اها لمن يجس الخروف من ذيلو بعرف اذا كان ممتلي شحم ولا ما ممتلي
..

Quote: ما حكم أخذ الجزار (الذى يذبح الخروف) لجلد ورأس الخروف كجزء من أجرة الذبح؟

الجزار لا يعطي الجلد ولا الرأس مقابل ذبحه للخروف .. بل يعطي مبلغاً مقابل عمله .. ولا مانع من منحه كوم من الاضحية، بعد اخذه لاجرته كاملة.

إن شاء الله اكون قدرت اوصل لك معلومة.

وربنا يتقبل منا ومنكم صالح الأعمال

Quote: The approximate age of sheep can be determined by the teeth, as illustrated above. At birth, lambs have eight milk teeth, or temporary incisors, arranged in four pairs on the lower jaw. The central pair of temporary incisor teeth is shed and replaced by the permanent teeth at approximately 1 year of age. At 2 years, the second pair of milk teeth is replaced by a pair of permanent incisors. At 3 and 4 years, the third and fourth pairs of permanent teeth appear. At 4 years of age the sheep has a "full mouth." When a ewe loses some of her incisor teeth, she is called a "broken mouth." When she loses all of her teeth she is called a "gummer."

المصدر

محمد فرح سلام تانى

فى ظاهرة الخروف الخصى
حكمها شنو ..... بالنسبة للاضحية

محمد فرح
عيدكم مباركـ
والخروف السوداني الان باكثر من 250 دولار
يعني خروفين ونص من العندكم......
اضحية مقبولة باذن الله
ونتمني ان نضحي معكم القابلة باذن الله

عيدك مبارك محمد فرح ..
وكل سنه وانت طيب ..
والله حاجه تفرح رخص الاضاحي في السودان ..
.......
عموما اسعار الاضاحي في الرياض السعوديه
تتراوح بين 550 -800 ريال للسواكني ( حقنا)



ربنا يتقبل انشالله

في الإمارات العربية المتخدة ، وتحديداً في دبى لا يوجد ولا خروف سوداني
السبب في ذلك بحسب إفادة تجار الماشية هى خلافهم مع الخطوط الناقلة لماشيتهم حيث رفعت تكلفة ( تذكرة ) الخروف من 100 دولار ( المتفق عليها ) إلى 150 دولار مما حدا بالتجار لصرف النظر عن الشغلانية كلها .
لم يجب التجار على سؤالي الخاص بموقع السيد الخروف على الخطوط الناقلة . هل في الدرجة السياحية أم في درجة ( خرفان الأعمال ) حتى يكون ثمن التذكرة الخاصة به 150 دولار
كررت السؤال ثلاث مرات لظني أنهم لم يسمعوه لكنهم في كل مرة كانوا يزدادون ضحكاً
وازداد أنا حيرة
في نهاية الأمر توكلنا على الله واشترينا خروف إيراني ( جزيري )

المهم أهلنا في السودان قد تهنوا بخروفنا السوداني المبجل
رغم ارتفاع سعره في الأقاليم قياساً بأسعار العاصمة التي ذكرتها

______________

شكراً محمد فرح
بوست خفيف

عافي منك يا أمبدة على الرد العلمي الكافي الشافي ..

وأسمح لي أقتبس الصورة ..

وأضيف ليها مصطلحاتنا السودانية للخرفان ..

بحسب خبرتي البسيييييطة ...

المشاركون جميعاً وبدون فرز
عيد مبارك عليكم وكل عام وأنتم بخير
آسف جداً والله لعدم القدره على الرد للجميع نفر نفر
براكم عارفين جري العيد في البلد دي
في ناس الواحد بقى مابشوفهم إلا في الأعياد
إن شاءالله القابله كما تتمنون جميعاً


مؤونة عشرة أعوام من الودِ