المريخ يسجل هيثم مصطفى ..

المريخ يحسم امر اللاعب كلتشى ..
المريخ يفاوض يوسف محمد ..
داريو كان فى الطريق الى المريخ ..
المريخ يفاوض علاء الدين يوسف ..
محاولات مريخية لكسب سيف مساوى ..

دى عناوين الصحف الايام دى ..صلاح ادريس دا يكون دلل
الهلال دا (لعديلو) ونحن ماجايبين خبر ..ماباقى لينا
الا نقرا (المريخ يسجل هيثم مصطفى ) ...

اعتقد ان تغيير فى الرئاسة مطلوب .....

محمد عبدالرحمن ، كل عام وانت بخير ، الوالى فى الحج ما فاضى ، هثيم قارورة ما عايزين ، يوسف محمد و كلتشى نعم ، تعيشوا و تنسوا. داريو كان بتاع الوقعة الشهيرة .... برضو لا .

يا ربى ما ينفع يشتروا صلاح ادريس؟؟
وبعدين المريخ ده ما بشترى الا فضل الزعيم عاوز يبقى زعيم ولا شنو؟؟

تسجيل كلاتشي في المريخ يرجح فرضية تواطؤ اللاعب وبيعه لمباراة نهائي الممتاز....

دي اساليب دخيلة علي المجتمع الكروي السوداني


وللاسف نادي المريخ هو من ادخل هذه الظاهرة بسياسة الكاش تقلل النقاش

ياربي علاء الدين يوسف

وحموده بشير ديل كانو بلعبو في مريخ الحصاحيصا

شكرا للاحباب الذين مروا من هنا ..

بعدين صلاح ادريس ليهو فترة (فالقنا) رئاسة الهلال لو تعارضت
مع علاقتى مع جمال الوالى بسيب رئاسة الهلال ..ياعم روح ..( ربنا يسهل عليك)
رئاسة الهلال يتشرف بها من يتقلدها وليس العكس ..و ان كان هناك من تتشرف به
رئاسة الهلال لكان البابا الطيب عبدالله عليه الرحمه ..

لا أعتقد بل أجزم ان تغيير فى رئاسة نادى الهلال اصبح مطلوبا وبصورة عاجلة ..

يا اخوي صلاح ادريس ده لو ما باع ليهم جكسااااا زاتو تعال اسالني انا ده...!!!



الله يلزمنا الصبر غايتو

محمد عبد الرحمن ,, كل سنه وإنت طيب ,, والقابله فى منى إنشاء الله ,,






إنت قاصد ياتو مريخ ؟ هيثم مصطفى بعد ده الا يمشى لمريخ الحصاحيصا ,,
أما صلاح إدريس فقد سمعت بأنه قد تم إختياره قائدا لأوكسترا الاذاعه ,,
ألحقوا طه على البشير قبل مايوقع فى كشوفات المريخ ,,

سلام

ياخي حرام عليك!!


اذا كنت تقصد مريخ مدني أو مريخ الحصاحيصا مع كامل احترامي لهم.. يمكن أصدقك..

لكن هذا الكومر التعبان ليس له مكان في نادي الصفوة..

نحن نحتاج للأخلاق قبل اللعب..

تحياتي
عبدالعزيز

اخونا ودعبدالرحمن

حمدلله على الظهور


قولنا ليكم صلاحكم دا بوديكم التوج من زمااااااااان

وربنا يصلح الحال انشاء الله


الهدوء والمعاملة الحسنه واجبه في حالات الرئاسة

وخير مثال رئيس نادي الزمالك عملها كلها هسع الزمالك وين اسهل الفرق بتلغبوا


والرئاسة هي راس الرمح للفريق

الوالي صبر على المريخ خمس سنين وفي الاخير ربنا اعطا الفي مراده

مش كدا وبس حتى محترفي وصيفنا بقوا يتجاروا علينا


بس داريو كان البلعب ضربة الجزاء وبقع دا ماليه مكان معانا


كفانا كليتشي

مع التحايا يالذيذ

ابومصطفى

Quote: المريخ يسجل هيثم مصطفى ..

ربنا يلهمكم الصبر


كل سنة وانت طيب يا حبيب .. عيد سعيد ومبارك عليكم وعلى الجميع ..

دى البوستات تقول لى بوستاتك بتاعت البيانات ديك ..
اى واحد (رايح ليهو تنظير ) يجي يقدك بيهو ...
لكن هنا القصة ساهلة ومافيها اى مجهود ..ومامطالب بانى ابرر
اى حاجة ..على فكرة يانيازى قالوا مشكلة الطرف الشمال فى الهلال
سببها الصادق المهدى .. بمناسبة مرورك هنا حاول كلمنا عن الازمة دى ..

....

كل سنة وانت طيب وعيدكم مبارك ياحبيب

Quote: ياربي علاء الدين يوسف وحموده بشير ديل كانو بلعبو في مريخ الحصاحيصا

بدفع كم عشان يتشرف ؟!

Quote: صلاح ادريس دا يكون دلل الهلال دا (لعديلو) ونحن ماجايبين خبر

ازيك يا محمد

تقرير إخباري
حمّلت أعداد كبيرة من جماهير الهلال رئيس النادي الأرباب صلاح الدين أحمد إدريس مسئولية فقدان بطولتي الدوري الممتاز وكاس السودان بسبب سياساته الخاطئة في إدارة الشأن الإداري في الهلال وانفراده بالقرارات المهمة وإقصائه لأبناء الهلال والعمل على اسناد المهام الخاصة بفريق الكرة للمقربين له الذين لا يملكون أية خبرة تؤهلهم لذلك وإبعاد أصحاب التاريخ والإنجازات أمثال فوزي المرضي واصراره على تفضيل رئيس نادي المريخ جمال الوالي على كل أبناء الهلال، وطبيعي أن تذهب كل البطولات لجمال الوالي في ظل تدليل رئيس الهلال صلاح إدريس له، وقد قال أنه إذا وضعوا رئاسة الهلال في كفة وعلاقته بجمال الوالي في كفة أخرى سيتجه إلى الوالي.. وهكذا اتجهت كل البطولات إلى الوالي.
وأكدت أعداد كبيرة من جماهير الهلال زارت «حبيب البلد» عقب المباراة أن الأرباب فرّط في قودوين وكليتشي والآن الدور على يوسف محمد الذي تأكد أنه ذاهب للمريخ وداريوكان الذي أكمل إتفاقه مع الإسماعيلي وفشل في المحافظة على محترفي الهلال من هجمات «الحبيب» الوالي، وأكدت جماهير الهلال أن رئيس النادي الأرباب صلاح إدريس قام بعزل كبار أقطاب الهلال ورموزه وجعل الهلال يعيش في عزلة عن أبنائه وهو يسئ لهم ويصفهم بـ«الكباري» وهجومه المستمر على قدامى اللاعبين وحربه المستمرة على عدد كبير من الأقلام الهلالية لمجرد إختلافها معه في الرأي لهذا رأت الجماهير أن الأرباب هو سبب العذاب، لها وهي التي خرجت ذارفة الدموع والبطولات تذهب بطولة تلو الأخرى لدار جمال الوالي الذي يصفه رئيس الهلال بـ«الحبيب» وذرفت الجماهير الدموع والمحترفين يتسربون من يد الهلال كما يتسرب الماء من اليد.. وطالبت الجماهير بضرورة وحتمية التغيير أو أن يعود الأرباب إلى نفسه ويعدل من سياساته تجاه هذا الكيان الذي يشجعه ??? من أبناء السودان.

اعلاه منقول من صحيفة حبيب البلد

محمد عبدالرحمن عيدك مبارك والله اختيارك الرياضي موفق (راجع الباقي) كليتشي تم دفع مبالغ ماليه له قبل المباراة بأيام معدودات والبقيه في يوم المباراة والمبلغ كان موجودا في شنطة تحت كنبة اللاعبين الاحتياط تحت حماية البرازيلي باولينو ونجحت ادارة المريخ بهذه الاساليب الكيزانيه القذره في تشتيت ذهنية اللاعب . هذه المبالغ تم ايصالها عن طريق اداري صغير في المريخ اسمه كمال د.
صلاح ادريس حقيقة فقد الاتجاه تماما لان مشكلته الاساسيه عدم استشارته لكبار الاهله وهناك امور اخرى غير مفهومة مثلا عبدالعزيز برجاس مدير مكتب جمال الوالي هو مسئول عن ملفات اللاعبين وبرجاس يدافع عن الوالي في كل شئ يخص الرياضه فهل يعقل مثلا أن يقوم برجاس باخفاء لاعب يود المريخ تسجيله ويقوم بتحويل اللاعب لصالح فريق الهلال؟ واذا فعل ذلك الى أين سيتجه.
صلاح ادريس بذل الكثير من اجل الهلال لااحد يستطيع أن يغمطه حقه ولكنه فتح جبهات عدة وكلها ساهمت في ضياع بطولتين من الهلال.وهو يقود مجلسا مهمته الاساسيه البصم على قرارات الارباب والا فان مصيرهم سيكون مصير الامين البرير.

محمد عبدالرحمن ..
ازيك وكل سنه وانت طيب..

Quote: المريخ يسجل هيثم مصطفى ..

معناها المريخ حايشطب 6 لاعيبن..
وهم قلق / مجاهد / والعجب/ والزومه/بله جابر