زيدني في هجراني بصوت العميري عيدية لكل البورداب

الاغنية قدر ما حاولت انزلا ابت
عموما دايرين ود حلال ينزلا

وكل سنة وانتو طيبين

إهداء خاص لك يا ياسر و للمشرقين الأستاذ خطاب و الأستاذة سلمى الشيخ سلامة و كل سنة و الجميع بخير

الف شكر ياسر بيناوى،،،وعاصم البنا

رحم الله المبدع عبدالعزيز العميرى رحمة واسعة

اولاً شكرا ليك يازول ياراقي.. العميري، العميري، العميري، عارف
والله حمامات القول ذاتها بتطير لمن يجي الكلام عن الانسان العميري. تعال نخليها طايرة كده ونستمع
اهدي ليكم النص..
وبرجع ليكم تاني..
.
.
شكراً ليك مرة تانية يازول يازين وشكراً علي البوست.

راني السماني




زيدني في هجراني
الشاعر عبدالرحمن الريح
----------------
زيدني في هجراني
وفي هواك يا جميل
العذاب سراني
على عفافك دوم
سيبني في نيراني
لمتين تطراني
أنظرك في النوم
جوز نواعسك راني
طرفي قصدو يراك
و ما قصدت تراني
ما بسيب حبك
و الله لو ضراني
يا نعيم أزماني
يا حياة روحي
و بهجة أمدرماني
في الحياة غيرك
مافي زول هماني
و في بعادك أزاي
و في وصالك أماني
بلبل الأغصان
غنى بي ذكراك
و بالنويح أوصاني
الجمال خصاك
و العذاب خصاني
و الدلال أوصاك
علي دوام تعصاني
يا درر ألحاني
يا أزاي و دواي
يا راحي يا ريحاني
إنت نايم
و أنا ألم البعاد صحاني
حن عليّ بغرامك
و الله كان يمحاني
مال فريعك باني
فيه بدر و ظلمه
و فيه ردفا" باني
حين نسيم الليل
بي روايحك أتاني
زاد عليّ الشوق
و دمعي سال هتاني
و على عفافك دوم
زيدني في هجراني
* * *

* * *
تم التعديل لاضافة الاغنية
ودي
راني السماني

عبد العزيز العميري:
رسائل- من طرف الحـــبيب


*** *** ^-^-^-^-^-^-^-^-^-^-^ *** ***
عبدالعزيز العميري:
لو اعيش زول ليه قيمة



*** *** ^-^-^-^-^-^-^-^-^-^-^ *** ***
عبدالعزيز العميري:
ميل وآعرض


*** *** ^-^-^-^-^-^-^-^-^-^-^ *** ***
عبدالعزيز العميري:
زمانك والهوي أوانك


*** *** ^-^-^-^-^-^-^-^-^-^-^ *** ***
عبدالعزيز العميري:
مكـــتوب


*** *** ^-^-^-^-^-^-^-^-^-^-^ *** ***
عبدالعزيز العميري:
ياعيون المها


*** *** ^-^-^-^-^-^-^-^-^-^-^ *** ***
عبدالعزيز العميري:
ياروحــــي


*** *** ^-^-^-^-^-^-^-^-^-^-^ *** ***
عبدالعزيز العميري:
زمان الحـب


*** *** ^-^-^-^-^-^-^-^-^-^-^ *** ***
عبدالعزيز العميري:
زيدني في هجراني


*** *** ^-^-^-^-^-^-^-^-^-^-^ *** ***
عبدالعزيز العميري:
ظبي السلم


*** *** ^-^-^-^-^-^-^-^-^-^-^ *** ***
.
.
.
راني

الأخ راني ...

مشكور على إتحافنا بصوت الرائع العميري طيب الله ثراه ...

تصويب : زيدني في هجراني هي من كلمات الشاعر عمر البنا و ليست من قصائد الشاعر المبدع عبدالرحمن الريح ...


مودتي ...

Quote: الأخ راني ... مشكور على إتحافنا بصوت الرائع العميري طيب الله ثراه ... تصويب : زيدني في هجراني هي من كلمات الشاعر عمر البنا و ليست من قصائد الشاعر المبدع عبدالرحمن الريح ... مودتي ...

سلامات اخ اشرف
شكرا علي التصحيح.. حقيقة انا ما كنت متاكد من اسم الشاعر.. لكن الاسم المذكور اعلاه عندي مسجل مع النص.. وما فاكر لقيتو في ياتو موقع.
علي اي حال شكراً علي التنبيه.

للجميع.
الرجاء التوضيح في حالة وجود اي مشكلة في تشغيل الاغاني..
.
.
.

الرائع ياسر عيد سعيد

شكرا للحن الجميل

تيف تيف

كل سنة وانتو طيبين ياخ
معليش انا فتحته البوست ومشيت عيدته خارج الشبكة
انشاء الله تكونوا استمتعتوا بالعيد زيي



محبتي

***

تسلم راني يا راقي
حقيقة النزلتو في البوست دا كنز عديل
ربنا يقدرنا علي رد هذا الجيل










خالص الود والاحترام

الأخ ياسر شكرا على العيدية الجميلة


وشكرا للأخ راني على أغاني العميري

في أغنية للعميري مطلعها ( لما الظروف تفرض علينا الفرقة والنوح والشتات .. )

لو كانت عندك ياريت تنزلها لينا

نهال تسلمي ياغالية

ياخ والله الاغنية دي ما عندي لكن بحاول القاها

ويللا يا عزيزنا راني ورينا همتك


ودمتم

*